رواية انت البارود وانا النار الفصل السادس والعشرون بقلم شمس
﷽
﴿وَلَسَوْفَ يُعْطِيكَ رَبُّكَ فَتَرْضَىٰ﴾
انـه البـيـه لـو ينـكال...
اخلـي العـاجـر تگـره الخـلفه
حقـها النـاس مـا تعـرف بضيم النـاس
لـو تعرف يجـوز تكـوم حـتى الـيل ماتغفـه
انـه بيـه تعـب ماشايفه الحمـال....
بحيث الـروح كـامت تطـلع من الـروح
الله يسـاعد الغـرفه......
┈┈┈┈ ✦ ┈┈┈┈
يمـامه:الهوه بظهرك وين ماتريد تروح احجي عني هم إذا تريد ولك انـااا حفيده ألشيخ يعقوب مو انت ولا امثالك يحجون علينـه وراي ثنين زلم يكسرون عين الشمس لو واحد جاب طاري واذا تهددني بـ أبوي اكتله بس مااخليك بعد تكسر كرامتي ابوي اكتله وشتريدددد سوي سوي يلااااا .
ضـرغام:ماكو شي اسمه بيت شيخ يعقـوب اسمكم طاح وراح
يمـامه:ماتكدر طيح اسم جـدي لو تموت
يـا ابـن الشيخ إيـهاب واذا تريد نطلك
ضـرغام:يجرالج بس انـا ماطلك واخذ فوك راسج الثانيه وثالثه .
يمـامه:ازفك بايدي لان ماريدك بعد مو انت ضرغام حبيته والله وياك وحته ايـه مانريدها خليها يمكم
ضـرغام:لسانج لايطول ولاتردين عليه لا اكسر راسج مو حسبالچ سكتت الج اجنزج جنز ترا
يمـامه:ماتكدر تخوفني بعدددد ضرغام ماتكدررر اكرهك اطلعععع منـاااا يلاااا
عفته ورحت وقفلت الباب وكعدت بالحديقه ابجي ابجـي ع كلشي صار.
طلعت مسٕره شافتني ابجي اجتلي تركض
مسـره:يمامه شبيج
يمامه:وخرييييي عنيييي لاسوين روحج حنينه عليه كله من وراج ولج كله من وراجججججج. صار بينااااا انتي حجيتي لابوي وانتي كتيلهممم ولججج اكرهججججج.
مسره:اكرهيني ماكلج لا انـا اول وتالي راح اموت صدكيني مابقه اله قليل وتلكوني ميته.
يمامه:عار مايمـوت وانت عارررر خديجه وكاظم
كمت من يمها ودخلت للغرفه ابجي وهيج مرت الايـام اسبوع انا مارجعت وضرغام بطل يدز شيوخ وايه ضلت هناك وصلنا مرحله شصير خلي يصير ماعاد يهمنـا
شكيت بنفسي حامل كلت رنا وجابت تحليل بيتي وانـا أدعي الف مـره مو حامل ماريد وشفت خط واحد طلعت مو حامـل فرحت بعز حزني مهم ماريد شي يربطني بضرغام بعد
كعدنا كل احنه نتغده وحجيت
يمامـه:لو نشيل من الديره أحسن خلي نبيع البيت ونروح لديره بعيد أي محافظة، أي مكان المهم نشيل
اسعد:الدم مايبرد يمامه مانكدر نطلع وتتصورين إذا طلعنا، كلشي ينتهي
يمامة: على الأقل نبعد عن المشاكل عن الخوف عن الدم عن ضرغااااام.
أسعد: لا يا يمامة خويه الدم ما يبرد ونتحمل مابيدنا شي غلطانين
يمامه:خويه ضرغام مايعوف ثاره والله
أسعد: وإنتِ تعرفيه كزوج مو كرجل انكتل أبوه وانحرمت عائلته من حقه يسوي كلشي
يمامة: وأنا شذنبي؟ شذنبكم إنتو
أسعد: محد كال عدكم ذنب بس الثار مرات يعمي صاحبه وما يفرق بين المذنب والبريء.
رد سالم وحجه
سالم: يمامه نريد نعرف شنهو موقف خلاج تجين النه لأن من رجعتي ما حچيتي كلمة وحدة. لا كلتي شصار ولا ليش طلعتي
يمامة: ما أحب أفتح السالفة انتهت وماريد ارجع واريد اطلك.
أسعد: مشاكل شنو؟ وصلت لدرجة تعوفين بيتج
سالم: هو طردج لو إنتي طلعتي؟
يمامه:انا طلعت
سكتو وانا سكتت ماكدر احجي شكلهم اكلهم اخذنـي غصب عني مرتين؟لو اكلهم عن الكتل شفته وقساوته .
مر الاسبوع ثانـي وايه هم عد اهلها ودخلت يمكن بشهر 5وماتقبل ترجع وسالم ساكت ماعرف شنهو
الي باله
منا للعصر اندك البـاب اجتني عمه ضرغام
دخلتها للبيت وحجت .
العـمه:ماراح ترجعين ضاهر لبيتچ
يمامه:أي خلي بيت ضرغام وايه مو بيتي هوه
العمه:هوه مريض وضيم حـاله مادري شبي
يمامه: الله يشافي.
العمه: ماعتقد
يمامه:رجاءا عمـه دخلتج احترام لضرغام بس اذا جاي تشمرين حجي طلعي .
طلعت وانـا ماهتميت حته ضرغام
شفته ناشر ع حاله وكاتب
مريض ولاجنح عندي ومركم..
صرت خاضع لامر الله ومركم..
لابد المرض يخلص ومركم..
وعاتب كل نذل ما سئل عليه..
طلعت وماهتميت مادري شنو البي فعلا واذا راسلت ايـه مستحيل تجاوب
بس ماعرف شلون وايـه اتصلت عليه وفصلته ودزت رساله
ايـه:رجلج بين حياه والموت ولو انتي ماتحنين عليه بس مسوين سحر اله ولكينه بالحمام وبلحديقه ومخلي عقيـم حته مايصير عنده طفل ويموت.
شفت رسايلهااا وصرخت وركضت لخواني
يمامه:ودونيييي ضرغام ضرغاممممم راح يمووووت
اسعد:ولج هدي شبيج يمامه ياهو يكلج يموت
يمامه:ولك ضرغام مسوين اله سحرررر مخلي عقيمممم شوف شوففف ايه شدزت الي
كل حيلي انهد كعدت بالكاع شي اكيد عمته شي اكيددد عماته حته ياخذن البيت
سالم:يمامه متاكده تردين ترجعين
يمامه:مو انـا النهزم يردون ياخذون البيت ويردون يموت ضرغام بس يخسوننننننن
ودونييييييي
اسعد:لبسي هدمج وتعالي يلاا
ركضت بساع بساع ماعرف شلبس رنـا تبجي وياي ولبستني عبايه ورحنا انا واسعد بس.
جان بوكتها مغرب اندك الباب وفتحت ايه البـاب واسعد ودعني وراح
ركضت وكضتني ايـه من ايدي وحجت بستهزاء
ايـه:والله ما توقعت أشوفج ما أعتقد حنيتي عليه لهالدرجة
رديت عليها بثقه
يمامه:حنيت لو ما حنيت، هذا ما يخصج
ايـه:وليش اجيتي احترك كلبچ لو تشمتين
يمامه:لأن هذا رجلي ومن حقي أجي أشوفه بأي وقت يعجبني والبيت بيتي
ايـه:بعدج تعتبرينه رجلج
يمامه:سواء عجبج لو لا هو زوجي ولا أحتاج آخذ إذن من أحد حتى أدخل بيتي وأطمن ع رجلي وخري من طريقي ايه
دفعتها ودخلت لكيت ضرغام نايم بالديوانيه
ماعرف شلون ركضت اله وكضيت ايده وبجيت وبستها
وهوه منتهي من المرض وضهره يوجعه وكتله
شلون تتوقع ماحن عليك اذا عبالك ماحن عليك ماتعرف يمامه عـدل شماصار بيك انت زوجي واجب عليه
فز وانا شبكته وهوه نايم ونمت ع صدره وهوه مارفع ايده يحضني وانـا ضليت شابكته واحس نفسي اشتكي منه عليه .
وخرت ومسحت دموعي وحجيت
يمامه:احجيلي شبيك شنو هاي حجته ايـه
ضرغام: مالج علاقة بيه بعد اليوم انـا منتهي ومسوين الي سحر عقيم حته طفل مايصير عندي مالج علاقة بيه روحي لأهلج وانسيني. ايه يمي داريني
يمامه:انت زوجي وماطلع خليها بالك شوف روحك راح تموتتت اسكت لاتحجي ارجع اغفه ارتاح
وهم صدك بساع غمض عيونه ونام صعدت فوك ايـه وحجت
يمامه:موضوع مو كره احجيلي موضوع ضرغام ايـه تره ماتحصلين شي وانتي هيج حاقده وحقج مالومج بس هسه ضرغام اهم من كلشي
ايـه:حقد؟ انا حامل ولعب بيه لعب من وراج تدرين حياتنا نكلبت
يمامه:ايـه انا بعدني يمامه صاحبتج واختج وانا صدكي مضلومه حالي حالج ولج والله اذاني ضرغام وشوفي اجيت رغم كلشي وماتركت بيتي
كعدت ع جربايتها وبجيت
والله شفت الضيم ضرغام حبيبي عشكته سنين ولج مد ايده عليهههه وكتلني وحركني ومافكيت حلكي وماشگيت وشك بشرفي وانطيته روحي غصب ثببت شرفي وفوك كل هذا ماكدر احجي بس والله اذاني ضرغام ولج والله انا مامسويه شي
اجتني ايه شبكتني وبجت
وضلينه نبجي وحده وي ثانيه ونحس بجي هوه العتاب
يمامه: والله سالم يحبج ايه رغم سالم مامد ايده عليج ولا طكج وماتحملتي
شحالي انا نضربت وحتركت ونحرمت من الاكل هنا حته .
ضلت تبوس بيه ايـه
وانا اعرفها هيه حنينه بس تريد واحد يجي وياها لطريق.
ايه:اسفه والله اسفه يمامه بس والله محترك گلبي وطلعت حركه كلبي بيچ
يمامه:معذوره والله وانا لو اندل مكان ابوي اكلهم روحو اخذو ثاركم بس ماندله والله مابيدي شي
حطيت ايدي ع بطنها وحجيت .
شوفي هنا ابننـا واذكري دائما هذا حفيد شيخ يعقـوب وابن سالم لاتذكرين أي شي ولاتعوفين بيتچ
مسحت دموعها وطلعت من الغرفه ورجعت جابتلي السحر موجود لكو بالحمام
ايـه:شوفي يمامه ولج راح اخسر اخوي صارله اسبوعين ماكو طبيب ماراح مايفيد يشكي من ظهره ولج اخوي بس يطيح وينغمي عليه وانا مابيدي اسوي شي مايخليني اخابر واتصل ع احد
شفت السحر وانصدمت
مسوين اله عدم توفيق ويصير عقيم مايصير عنده اطفـال .
ومايرزق ويموتتتتت
شككت الورق كلهن وحجيت
يمامه:عمتكم والله عماتكمممممم ايه اجتني وكالت ضرغام مريض ماجنت اعرف هيج
ايه:نعرف كلش زين عماتنـا بس مابيدنا شي مايقبل يروح لسيد مايرضه
اذكر انا واسعد شفنه الويل ب سحر وضرغام الوحيد وكف ويانه هسه رد الدين واجب
همزين جبت تلفوني وياي اكدر أتواصل وي اهلي .
سويت العشه ضرغام وجبرته ياكل مايقبل ويگلي ماريد وبس يكح ومخلي ايده ع ظهره ويصرخ
من شده الالم الي ع ظهره
يمامه: ايـه ولج ايه شنسوييي
ايـه: يمامه دائما هوه هيج يصرخ ولج راح اخسر اخوي
ضلت ايه تبجي وضرغام ايده ع ظهره ويصرخ حتاريت شسوي وكف ضرغام سندته حته يكوم وفجاه بس وكف طاح ع طوله صرخنا انا وايه
يمامه:ضررررغام افتح عيونككك ضرغاممم حاجينييي شبيك
ايه ايه ولج ركضي جيبي تلفونـي اخابر اخوانيييي
ركضت ايه تجيب تلفون وانا يم ضرغام وهوه طايح بالكاع ومغمض عيونه ماعرف شلون اوصف شعوري بهذيج لحظه حسيت انته ضرغام ماكدر انقذه اول شخص اجه بالي اتصل عليه اخواني أسعد اي اسعد صاحبه واخو
رد اسعد من اول اتصال
اسعد:ها يمامه
يمـامه:أسعد الحكنيييي ضرغام طاح ومايگدر يتنفس الله عليك تعال بسرعة تعال
أسعد:شبي شبييي وين انتو هسه
يمامة: بالبيت تعال بسرعة، أخاف يروح مني تعاللل
أسعد: خمس دقايق يمج
ركضت ايه تفتح الباب ل أسعد
اجه أسعد وحاولنا نشيل ضرغام واخذنه بسياره وايه ضلت بالبيت لان حامل
طول طريق ابجي ودموعي تصب ماعرف شلون وصلنا لمستشفى واخذو ضرغام وخلوله مغذي لان منخفض ضغطه كلش
ضليت انا كاعده يمه بالغرفه لحد مافز رحت صحت ع أسعد حته يجي ضرغام
يمامه:ها خويه
أسعد:ها حبيبتي كعد ضرغام
يمامه: شكرا اسعد لو ما انت جان ماتت ضرغام شكراً
اسعد:ضرغام اخوي شماصار
يمامه:كعد ضرغام تعال سلم عليه
دخل اسعد وبس شافه ضرغام فتح عيونه وعصب
ضرغام: ومنو سمحلك تجيييي انتت
دار وجهه عليه وحجه
ضرغام: إنتييي إنتيي اللي خابرته يجييي موو
يمامة: إي خفت عليك والله
صاح بيه بصوت عالي
ضرغام:ومنوكلجج أخافيي عليه ولججج منو عطاج الاذن تتصلين ع اخوج
يمامة: جا شسوووي شفتك تموت كدامييي طحت ماتحرك ايد ورجل
ضرغام: أموت عساني امووووت أحسن من أشوفه فوكي
ضل اسعد ساكت كام من الجربايه وتقرب كدام أسعد وحجه
ضرغام: اسمعني أسعددد من هسه ورايح، مالي علاقة بيك. لا تجي يم بيتي، ولا تتدخل بأي شي يخصنييي
أسعد: إذا احتجتني هم أجي باي وقت خادم أنا
ضرغام: ما أحتاجك
أسعد: هاي مو رجولة هاي عناد
ضرغام: آخر مرة أحذرك مالك علاقه عن حياتي اموت اعيش مايهمك ماصاحب واحد مثلك جذاب
شفت الحزن بعيون أسعد وحته بعيون ضرغام لان ضرغام اخو وحيد جان اسعد
خليت ايدي ع كتف ضرغام وكتله
يمامة: بس ضرغام مو هسه، كافي
باوعلي هوه يخزر بيه وكال
ضرغام: وإنتييي لا تعيدينها مره ثانيه سامعتني؟
يمامه:صـار
راد يطلع اسعد سلمت عليه وكال
أسعد: إذا صار بيه شي، اتصلي بيا بأي وقت لاتتردين.
صاح ضرغام وحجه
ضرغام: ما راح تتصل
يلاا امشي نطلع
جرني من ايدي وطلعنا من المستشفى واجرنا سياره ورجعنا لبيتنا وهوه طول طريق ساكت وانا خايفه .
دخلنا للبيت فتحنا الباب لكينه اصلا مفتوح مامقفول يمكن ايـه نسته .
تقفل باب الشارع
واخذت ضرغام اكض ايده دفعني وحجه
ضرغام:لاتكضينيي وخري
دخل وراح لديوانيه رحت وره وحجيت
يمامة: ليش تعاملني هيچ شسويت انا هسه ع اقل خلينا نتقبل واقع وانا مرتك
ضرغام: لأنج ما سمعتي كلامي وتعرفين مايسمع كلامي اتخبل
يمامة: جا شنوووو كلي أخليك تموت كدامييييي شسووووي
اجاني وكض ايدي حيل وصرخ
ضرغام:ااااييييي
غمضت عيوني من كد الصريخ مالته
يمامه:كتلك خفتتت عليك واول شخص اجه بالي هوه افهمنييي ولو رجعت مره ثانيه هيج حالتك هم ارجع اخابره
ضرغام:تعانديني؟
يمامة: لا ماعاندتك ولا اكسر حجايتك بس إذا حياتك بخطر، أسوي أي شي صدكني.
ضرغام: يعني كلامي ما إله قيمة يمجج
يمامة: تدري شلون جان شكلك وأنت طايح؟ تدري شكد خفت؟ حسيت روحي راح تطلع ويا روحك والله
وخر من يمي وكلي
روحي صيحي ايـه
طلعت اصيح ماكو طلعت الغرفه مالكيتها؟
شي اكيد ماخذها سالم اتصلت عليه من تلفوني
يمامه:الوو سالم ايه ايه يمك؟
سالـم:أي يمي
يمامة: شنو إنت طبيت لبيت ضرغام واخذتها ولك سالم سوووويت
سالم:مرتي وبكيفييييي كتلها تخلص فاتحه ورجعي مارجعت وحامل ب ابنيييي
يمامة: سالم إنت تعرف ضرغام شراح يسوي إذا عرف
سالمم:شصير خلي يصيررر
يمامة: سالم، والله راح يصير دم
سالم:خلي يصير عادي
سديت الخط منه وسمعته يصيحني ضرغام خفت شحجي شكله انزل ع درج وانا ميته من الخوف
ضرغام:وين جنتييي ايه اذا نايمه عوفيها تاخر الوكت
يمامة: ضرغام لا تعصب. اريد اكلك شي .
ضرغام: احجي؟.
يمامه:سسسالم اخذ ايه
ضرغام:شلوووون اخذها؟؟؟
يمامه:اجه واخذها من جنه بالمستشفى
ضرغام:دخل بيتييي منو ابن الحرام اللي يسمحله يدخل بيتي وانااااا ماموجوددد وياخذ اختييييي
يمامة: هي بالنهاية مرته
ضل يرجف من الاعصاب وصاح
ضرغام:بس ماياخذهاااا بهل طريقههه لاتخلينييي ارج بيتكم رججج هسه
راح ركضت وره
وكلي
ضرغام: من هسه ورايح لا تتدخلين روحج بيني وبين سالم.
يمامه:مادخلتتت روحييييي
لاتروح اوكف اخاف عليك
ضرغام:خافي ع روحج
طبك الباب وراح
وانا اكلني الخوف شنو راح يصير وشسوي ياربي لاتفجعنا بمصيبه
◈ ─────────────── ◈
ايـه
بعد ماراحو يمامه وضرغام لمستشفى ضليت كاعده بدوانيه انفتح الباب ولكيته سالم واكف كبالي
ايه:شعندككك هناا وشلون تدخلللل
سالم: لا تنسين ولج انا رجلج وكتيلييي تخلص فاتحه وضليتيي والله والله ايه تحلمين شوفين ابنج وانا كتلج بس تجيبي اخذهه منج واشتكي عليج وع اخوج
ايه:ماتكدر تهددني بالطفل تحلم تأخذه مني
سالم:ماكدررررر مووو
اجه عليه سحبني من ايدي وعصب
سالم:ماعترف بيج حامل وامد ايدي عليج وهسه بساع لبسي هدم وامشي نرجع
ايه؛ ماطلع واخووووي مو بالبيت ولك
سالم:ليش تخليني اسحججججج ايه كتلج امشي وياييييييييييي
خفت ع نفسي وع طفل سالم مو صاحي اصلا بعصبيته يتغير شخص ثاني صعدت وانا ابجي وكتله اروح اروح بس لاتعصب لبست عبايتي واجاني من الدرج اخذني
وصلنا للبيت وصعدني كبل للغرفه
سالم:جذبتي عليه وكسرتي كلمتي والله اندمجججج والف نعله ع ساعه حبيتج بيها .
نزل وانـا كاعده ابجي وافكر بكلام يمامه شلون تكول تحملت كلشي من ضرغام وماعفت بيتي اجتني رنا وهم ضلت تنصح بيه وتكلي انتي حامل وهذا بيتج .
منا وره ساعه وقت متأخر اجيت انام وسمعت اصوات وعرفت ضرغام اجه أسعد ماجان راضي ع جيتي بهاي طريقه بس سالم مسودن
ما سلم ضرغام ولا حچى...
دخل للبيت وعبالك بيت بيته
وكف سالم بوجهه
سالم:خيرر شعندك احجي احجي بوجهي
ضرغام: آية تطلع وياي
سالم:لا
اجه عليه ضرغام ركعه بوكسي ع وجهه وركضت ضرغام
ايه:ضرررغام خوويه
ضرغام: يلا البسي عبايتج كدامي
سالم: ما راح تروح اذا تتحركين باب البيت ورق طلاكج توصلچ بيت اهلج وابني اخذه
ضرغام: هي أختي ولك تطلع وغصبا ع راسك
سالم: وهيه مرتيي مو من حقك لا تدخل بيني وبين مرتي.
صح سالم ورد عليه ضرغام
ضرغام: وأنت لا ترفع صوتك كدام أختي لاتنسه انااا منو
بديت أرجف.
كل واحد منهم كان بصف للثاني واسعد يحاول يلزمهم
حسيت بأي لحظة راح يتعاركون
آية: الله عليكم كافيييي
دفع سالم ضرغام من صدره.
سالم: اطلع من بيتي
رجع ضرغام دفه بقوة.
ضرغام: أخذ أختي وأطلع والله ما أخليها هنا
بعد اسعد سالم عن ضرغام وسالم يريد يهد ع ضرغام
سالم: غصبًا عليك تبقى
ايـه: ضرغام خويه مرتك عندك وانا هنا حامل وهذا مكاني ماقصرت خويه
من سمع كلام هيج ضرغام اجه خله ايده ع راسي وكال
ضرغام:من تحتاجين شي بتصال واحد يمج
طلع ضرغام وانـا صعدت فوك وعفتهم وكرهتهم كلهم
صعد وراي سالم
آية: ليش سويت هيچ
مارد عليه
آية: جاوبني ليشششش؟
سالم: لأنج مرتي
ايه: وضرغام اخووووي
سالم: اعرف
كعدت ع جربايه
وخله راسه بحضني
وانا كتله
ايه: والله تعبت سالم
سالم:كل احنه تعبنه ايـه
رفع راسه
سالم:اعتذاري اذا يفيد ف انا أعتذر الج الف مره
باس ايديه وكمت من يمه ونمت
يمامه
رجع ضرغام وماعرفت صار سئلت شصار
ضرغام:حقير ماخلها ترجع والله اندمهم
سكتت ماحجيت وشفته متوجع كعد ع درج
يمامه:ضرغام اكومك تصعد فوك تسبح؟
مابي حيل حته يرد عليه كام وياي دخلته للحمام وهوه حسيته راح بغير عالم كام بساع للمغسله تقيئ رغم كلشي ماماكل هوه ضليت ادك ع ضهره وبس دار حضنته .
ضرغام:ليش وخري
يمـامه: خليك يمـي ضرغام والله مشتاقتلك جنت اتمنى اتزوجك حته اكدر احضنك واشم ريحتك
مابعدني عنه هاي مره وماصدني كعد وانا شمرت عليه ماي وغسلت شعره وجبت اله هدوم يبدل
طلعت من الحمام بدلت انـا هم وانتضر ضرغام
طلع وخاولي ع متونه رحت اله مره ثانيه
يمامه:نعيمأ
ضرغام: الله ينعم عليچ
يمامه: بعدك متوجع
ضرغام: ظهري موتني
كعد ع جربايه وانـا درت اعصر بي من وره وجان كلش هادئ ومايحجي بسته انـا وهوه لفني عليه وخلاني أصير بحضنه
ضرغام:جاي شتتين انتباهي يافاره
يمامه:انا شسويت هسه
ضرغام:شمسويه جا مو نايمه بحضني مثل طفل
يمامه:انت لفيتني عليك مو أنا
ضرغام: تحاولين تقربين عليه
يمامه:لا طبعا
نومني ع جربايه وصار وجهه بوجهي وانا احتلني الخوف
يمامه:ااسفه والله راح انزل وانت نام وحدك
ماقبل ضرغام يوخر عني وتقرب عليه وباسنـي بكل قوته من ش.........
انصدمت وفرحت بنفس الوقت وباسني من رأسي واجه بذاني شاورني خله جسمي يكزبر
ضرغام:كومي لااسوي شي الچ ونندم بعدين سويتي بيه ترديني أضعف
ضليت ساكته وعرفت ماكدر يقاومني ماعرف يمكن اثار السحر كتله
يمامه: خاف السحر اثر عليك
ضرغام:اي اراويج السحر شلونه تكومين لو مالي علاقه بالي يصيـر .
ماكمت وضليت بيده
الى أن رجع باسني مره ثانيه وهاي مره انـا هم بادلته الشعور ونزلت ع حنجه بسته
وأخذني باحضانه ورجع يبوس بيه و......
فزيت وانـا لافه روحي ب البطانيـه وضرغام مو يمي
رحت سبحت وعدلت الغرفه وانا ماعرف شلون اتصرف وي ضرغام كل ماتذكر البارحه صار كلشي بحب وحنان وهذا ضرغام حبيبي الي عشكته
نزلت لكيته كاعد ومبين عليه الوجع
يمامه: صباح الخير
ضرغام:صباح النور
رحت للمطبخ سويت النه ريوك
وتريكنا انا ويا وجان ساكت ماحجه اي شي
ضرغام:يمامه
- ها
ضرغام:ماعرف شلون صار هيج البارحه
يمامه:متندم؟
ضرغام:مامتندم ولو رجعت بيه ليله هم اعيدها بس يجوز راح تكرهيني اكثر
يمامه: مافهمت شقصدك ؟
كام وكف يمي وحجه
ضرغام:صار البارحه مايمنع كتل ابوج ترا
واريدج تأخذين احتياط
ماريدج صيرين حامـل
كمت ماجاي افهم كل حجايه
الطفل شعلي ضرغام انا وياك وحدنه بالبيت لازم نعيش عدل
ضرغام:يمامه انـا ابن شيخ وامي شيخه والوريث الوحيد يكمل من بعدي ابني وماريد نسل منج
هيج شوفني وتكسر كلبي ضرغام شترررريد تزوججججج وتخلف من وحدة ثانية اححيييييي والله اطلك منككك ليش تقربت الييييي جااا
ضرغام: يمامه الدم مايبرد
يمامـه:لعبتتتتت روحييييي ولك البارحه ماريد الفض هيج كلامممممم ولك انااا وياك حضنننن بحضن هسه تكلي هيجججج
الله ياخذني ويأخذ انتقامك وطركاعه سوده يوم مات الشيخ إيهابببب ماطلع إيهاب وكاظم موتونييي سودو عيشتيي
ماعرف شلون طلع مني كلام وتعصبت كلش وكل ما ذكر تقرب مني بس لان رادني اكره روحي بزايد
يمامه:حتركتتتت روحهممم اهلي واهلك احتركتتتت روحهم
ماحس اله سطرني راجدي ومالحكت ورجع سطرني ثاني ودفعني ع حايط وصاح
ضرغام:وصلتتتتتت بيج تسبيننننننننن أهلييييييي
والله اجرم بيججججج اليوم
اجه عليه وانـا احس نار بكلبي ماتطفه
يمامه:اكرهككك انـا مو رخيصه ولاشهوه يمكككك تخلص مني وتكلي هيجججججج
ضرغام:لاترادددديننننننن ولج سبين ابويييي
جرني من شعري وصعدني ع الدرج وانا احس شعري تكطع وانا اصعد واحجي
يمامه:عوففنييي اخخخخ أذيتني ضرغام شعررررييييييي
صعدت وشمرني بالغرفه
يمامه:اااسفه والله اسفه ماقصدي غلطت مرهه وحده وياك قهرتني وكتلك هيج
ضرغام:شسوي بيج مايطفه ناررررري
وضل ساكت ويباوع عليه وانا ارجف من الخوف
يمامة: احچي لا تخوفني بسكوتك.
صرخ بيه
ضرغام:سكتييييي
يمامة: والله ما جان قصدي
ضرغام:تسبين أهلي؟ هاي التربية اللي متربية عليها
ما رديت عليه ضليت ساكته
ضرغام: ديري بالج تعتذرين خلي يفيدج المرة الجاية. هسه ما أريد أسمع صوتج .
يمامه:ااسفه والله
ضرغام:لأن شفتيي ردة فعلي. لو ساكت جان يمكن هسه بعدج تسبين بيهم
يمامه:كتلك لاااااا
فتحلي الباب وكلي
ضرغام:طلعي من الغرفه
يمامه: ضرغام
ضرغام:كلتتتت طلعييييي
يمامه: ماريد اطلع وانت معصب مني
ضرغام: مو شغلج مالج علاقه اطلعي وخلي عندج شوية احترام للكلام اللي انكال. هسه وجودج كدامي يزيدني عصبية ليش امد ايدي واذيج أكثر
كعد ع الجربايـه وانا اجيت بصفه وحجيت .
يمامه:ضرغام لا تبقى هيچ، والله أموت إذا بقيت زعلان صدگني ماقصدي
ضرغام: مو كلتج اطلعي؟ شنو ما تفهمين
يمامة: ما أگدر أخليك هيچ وانت مريض
ضرغام:وإنـا ما أگدر أسمع كلمة وحدة بعد! كل كلمة تحجينها هسه تزيد النار أكثر
يمامه: يمااا ويننن رايح
ماجاوبني
يمامة: أحچي وياي سألتك وين رايح بهل الظهر؟
ضرغام: عرفت وين أبوج مختفي
يمامه: شنو؟
ضرغام:الي سمعتي
يمامه:وشلون عرفت بلكي واحد يجذب عليك
ضرغام:غدار ينغدر وعمي محسن غدر ب ابوج وانطاني مكانه
يمـامه:لا ضرغام، لا تروحله
نزل ضرغام وانا ركضت وره
يمامه: ضرغام اوووكف لاتشمر روحك بداهيهههه
ضرغام: لا تخليني أفقد أعصابي عليج يمااااامه محد يوخرني عن الي اسوي بس الله
ضرغام: إنتي ليش جاي تدافعين عنه؟ بعد كل اللي سواه بيج وبيه
يمامه:ضرغام فدوه حيلي انهد بعد ماكدر
احجي وجسمي كله يرجف
وضرغام كال
ضرغام:خلينيييي اخذ حقييييييي ولاتخافين مثل ماكتل ابوي اودي. الناس اله تكتله
يمامه: ضرغااااااممممممم
قفل باب الهول عليه وراح
وانـاا كطعت روحي من الصريخ والبجي ابوي راح يموت وضرغام مانعرف شراح يصير مانحس اله ساعه وانفتح الباب ونزلت جوه اسمع نسوان يهوسن
نزلت وانا اشوف عمات ضرغام كلهن نخمش كلبي ماعرف شلون اجتني هاي قوه لسه واكفه واسمعهن يحجن
يا خويه... يا إيـهاب ما ضاع دمك... زلمنه جابو ثارك... ورفعو روسنه... هييييه
افرح ياخويه افـرح حكك ماضاع وجابـوووو
مافهمت شي جرتني وحده منهن لدوانيه وطكتني راجدي وحجت
العمه:ابـوج العار ماتت
وافرح ياخويه افرح دمك جابووو ككلااووووششش
العمه ....
يايمـه يايمـه يايمـه
شلون الديـن ياضـرغام يمه شرحتو
حسـافه عليـه الشـايب هل الكتلـتوة
ما لكـم فخـر بيـه وهضـمتـو
خلـو يبـرد ماخـذ ثـاره خلـو يبرد.....
نعم يل چـابتـه ونعمـين يل چـابه
مـن حـلك السـبع كـض صاحـبه وچابه
بخـاچيتـه ثبت الـعطـوه...
مـاخذ ثاره الـدم يبـرد
وهيج راح اختم هذا البارت بأخذ الثار
البارت القادم راح يكون بي حزن جبير على
بيت الشيخ يعقوب ولده ياترى شنو الي راح يصير
وشنو ردت فعل وشلون حال يمامه
