رواية صراع الشيوخ الفصل السادس والعشرون بقلم ليال القمر
.امير بصدمة: ارجوان ...
وقرة رسالتهة
☁.. ارجوان : اعتذر علة موت والدك چان رجال والنعم منه عظم الله اجرك امير
امير بين نفسة: وعله شنو تعتذر قابل اهي الكتلته
امير كتبلهة: لويش تعتذرين
☁.. ارجوان: مو بالعزاء واحد يعتذر قابل شيسوي
☁.. امير ضحك لاول مرة من بعد وفاة ابو: قابل انتي الكتلتي
☁.. ارجوان: عظم الله اجرك ها هسة ارتاحيت
☁.. امير ضحك: لويش كاتبتهة من طرف خشمچ
☁.. ارجوان: مو انتو الة هيچ واحد يعزيكم يالله عادي
☁.. ارجوان: عظم الله اجرك ها هسة ارتاحيت
☁.. امير ضحك: لويش كاتبتهة من طرف خشمچ
☁.. ارجوان: مو انتو الة هيچ واحد يعزيكم يالله عادي
امير بين نفسه: هاي شگاعد تحچي
كتب الهة: اجرنا واجرچ
☁.. ارجوان: اي گولي شنو داتسوي بهاي الايام
☁.. امير: گاعد بالديوان
☁... ارجوان: اممم انت ليش كولة بالديوان ليش متطلع
☁.. امير: دزيلي رقمچ مالي خلگ اكتب
ارجوان رسلت رقمهة الة وهو اتصل عليهة
امير: الووو
ارجوان:هاي شونك
امير ابتسم: الحمدلله
ارجوان بصوت حزين طفولي: لتزعل امير الموت حق النه كولنه
امير بتنهيدة حارة: صحيح
ارجوان: ليش كولة تُگعد بالاستقبال
امير ابتسم: شني ما تعرفين اسمه ديوان
ارجوان بضحكة رقيقة: اي ادري بس اني ومامه انصيحلة استقبال
امير بحالمية: اهاا چا هيچ ، صدگ ما گتيلي اجيتي للفاتحة مو
ارجوان بصوت انثوي: اي اكيد انت البيست فريند بس انت شلون عرفت
امير: امي گالت انو عايلتچ اجت للفاتحه وعزتني
ارجوان: امم صحيح والفاتحة چانت كولش حارة ردت الة شوية وانجلط
امير ابتسم وغمض عيونه يسمعلهة: لويش تنجلطين
ارجوان بتذمر: اووف موت حر والنسوان ماشاءالله صياحهن واصل لسابع جار وكل وحدة تدخل لازم تصيح ادري وين گاعدين
امير ضحك بخفة: چا شترديهن يضحكن
ارجوان: لا بس مو لهالدرجة ترة اوڤر
امير: اي شلون وضعچ انتي
ارجوان بملل: ماكو ضوجة كولش ماكو شي واحد يسوي حته المولات لعبت نفسي منهن وصرت عرف وية اهل المحلات شگد مارحتلهم حته اسعار الشغلات الاشتريهن ينطونياهن اقل من سعرهن لان صرت صديقتهم وحته ام الصالون سكنت عدهة شعندي بعد قابل
امير بحالمية: چا تزوجي وهسة تشوفين نفسچ مشغولة
ارجوان بصدمة: شنووو لا عشتوا لو اموت ما اتزوج شتريدني اصير رحت مرة لهاذة الصخل وشوف شصار بية
امير: ههههههه قصدچ كرم
ارجوان: ليش اكو غيرة
امير: يابة چنتي هناك فصلية مو زوجة
ارجوان: صدوگ وليش تريدني ازوج ليش مو انت تتزوج لو بس اني
امير سكت ويفكر: ماگدر ابوي توفه منا لفد سنه يالله يمكن افكر
ارجوان: اوكي، عمي شنو تستفاد بالزواج بس مسؤلية واطفال اوووف ما اريد ادوخ راسي
امير ابتسم: لويش الزواج حلو تكونين عائلة وتربين
ارجوان: لا بالعكس لازم الوحدة تعتني بزوجهة واطفالهة والبيت شبيهة الناس تدوخ راسهة بهاي السالفه
امير: ههههه شكلچ كارهة الزواج كلش
ارجوان بطفولة: اي كولش ايييع حته صارت عندي رعشة بعامودي الفقري من اسم الزواج
امير: ههههه لويش هيچ مو لهالدرجة ترة بنات بعمرچ متزوجات ومخلفات
ارجوان بشهگة: او ماي گاد منو يتزوج طفلة
امير: شمالچ بنات يزوجن بعمر الثلثتعش چا ترديهن يعنسن
ارجوان تمثل البكاء وبنبرة تنعوص: يربي الله يعينهن بس شلون يتحملن كل مسؤلية الزواج
امير ابتسم ويتخيل منظرهة : چا شيسون اهلهم يجبروهن
ارجوان بحزن: خطية انقهرت عليهن
امير: ههههه بوية خلي گلبچ گاسي لويش لهالدرجة رقيقة
ارجوان: اوووف هاي كُلكم هيچ تگولولي رقيقة وبعد كلمه مادري شسمهة يمكن كرمه مدري شنو
امير: هههههه گصدچ ترفه
ارجوان بحماس: اييي هاية نفسهة
امير بعيون لامعه وبنبرة دافية: ارجوان متاكدة انتي وحدة عمرهة ١٨ سنه
ارجوان وهي تحك حاجبهة : اممم ليش مبينه اكبر
امير وهو يضرب ايدة براسه: خرررب يا اكبر بوية عبالك گاعد احچي وية طفلة
ارجوان بزعل مصطنع: كافي امير ترة مولهالدرجة لتصير اوڤر
امير وگلبه سريع ويبلع ريگه: بوية كافي تتنعوصين
ارجوان: هاي شبيكم كُلما تحچون كافي تتنعوصين باباتي اني ما اتنعوص هي هاي طبيعتي قابل شسوي حته تصدگوني
امير بتعجب: معقولة المهم شو كاتبتلي لويش
ارجوان بغيض: عابت غير اسئل عنك اشوف شبيك بس انت مو مال واحد يسأل عليك ياله باي بعد ماحچي وياك
امير: لا بوية وين رايحة ابقي احچي وياية تضيعيلي وكت
ارجوان بدلال : اي عيوني اسمع صوت ارجونة الحلوة
امير؛ بوية كافي غرور استقري شوية
ارجوان بابتسامه بريئة وهي تحچي بالفون: ليش متدري عني عندي غرور مادري ليش شگد احاول ما اصير مغرورة بس والله مو بإيدي
امير؛ بوية المغرور يكون بقعر جهنم
ارجوان: اووف بعد شسوي دا احاول ما انغر
زيد بصراخ وهو يدگ الباب: ارجوااااااااان يالله نزلي
ارجوان وهي تبعد الفون عن اذنهة: اي بس شوية واجي
زيد من ورة الباب : بووية مو حته الاكل راح يبرد
ارجوان بتذمر: اوووي زيد كافي تلح گتلك جاية
زيد وهو يبتعد عن الباب: لا تتاخرين
ارجوان بصوت مرتفع حته يسمهة: اوكي
وخلت الفون علة اذنهة: اي امير وينك
امير يسمعلهة وميت من القهر: شني زيد يمچ
ارجوان بضحكة انثوية: لا بس يدگ الباب حته انزل آكُل
امير: چا روحي اكلي
ارجوان: لعد انت ما اتغديت
امير ابتسم بحزن: لا اكلت بالديوان
ارجوان ببرائة: شبعت لو بعدك جوعان
امير: ههه لا شبعان
ارجوان: امم بالعافية لعد
امير: الله يعافيچ يالله روحي
ارجوان: باااااي
امير: الله وياچ
سكر الخط وتنهد وفرك عيونه ويباوع علة اسمهة الموجود بلائحة اسماء الاتصالات
امير بابتسامه: صوتهة يرد الروح حسبالك مو صوت بلبل آآآه تخبل هالبنية حته حزني نسيته
وگف وبدل ملابسة ولبس دشداشة سودة وغترة سودة بيهة نقوشات ولبس محابسة وساعته ورش من عطرة الخاص وطلع من غرفته
امير وهو يبوس ايد امه: شلونچ يالغالية
الشيخة: شمالي يا بعد امك وابوك جوة التراب
امير يحاول يحبس دمعته: الله يرحمة يمه
الشيخة وهي تخلي شيلتهة علة وجهة: اهئ اهئ اهئ يا بعد زلمتي آنه اهئ يالغالي ابو الطول الحلو اهئ
امير عيونه صارت حمرة ووگف: انه طالع تامرين شي يمه
الشيخة: لا يبعد امك ديربالك عله روحك ماريدك تروح ورة ابوك واخوك اهئ اهئ
امير تنهد بضيق: الله وياج
الشيخة: الحسين يحرسك يمه
طلع امير وسد باب المطبخ ونزلت دمعه من عيونه مسحهة: الله يصبرني علة فراگك بوية
ركب سيارته السودة العالية وطلع لبيت عمه"حمزة" ابو حسن
&&&&&&&&---
نجمة بحماس: ولچ نورهان دحگي هاي البتيته چنهة گلب الحب
نورهان بتعجب وفاتحة حلگهة بذهول: الله اي والله
نجمة وهي تشبك البتيته: يمه فديتهة تخبل
انسام بفضول: شو ادحگهة بالله
نجمه وهي تواريلهيا: بالله مو تشبه گلب الحب
انسام وهي تقشر البطاطا : اي والله شو جيبي اگشرهة واگطعهة
نجمه وهي تضم البطاطا: مااااا مااا اريدهة انه اخليهة ذكرى
الاء وهي واگفة علة السنك مال الماعين: نجيموووو اشتغلي وبلا لغوة زايدة وانطيهة لانسام ختگشرهة وتگطعهة
نجمة بعناد: ماكو هاذي الي اخليهة ذكرى
الاء بعصبية: حته تعفن عندچ انطيهة لانسام يالله
ارجوان وهي واگفه بصف الاء تغسل الماعين: خليهة الاء قحط هي بطاطا
الاء وهي تنفض ايدهة من المي: لا انه اريد اكسر عنادهة
الاء: اخذيهة نورهان وانطيهة لانسام
نورهان وهي تاخذهة من نجمة ونجمه تگمز حته متاخذهة منهة والاء مچتفتهة حته متگمز: يالله نورهان اخذيهة
نجمه بعصبية: اطيح حظچ نعالووو ماااااا
نورهان بخبث: انه اعلمچ انه نعالة چا انتي چنچ قندرة
نجمة بعصبية وهي تكفش نورهان: تعاي بقرة جيبي البتيته
نورهان انطت البتيته لانسام وتحرك بحواجبهة لاختهة نجمة: علة عنادچ يا هايشة
انسام كيفت وتگشر البتيته ونجمه ودهة تبچي من القهر وبدت انسام تقطعهة والاء هدت نجمة ورجعت تغسل ماعين وية ارجوان
نجمه وهي تهجم علة نورهان: انه اعلمچ ياحقيرة انه هايشة مو
نورهان: ااااخ شعري هديني
نجمه وهي تعض بايد نورهان: انه اوريچ
ندى مرت العم كريم دخلت للمطبخ بصراخ: هاي شمالچن چنچن هايشات كافي بس تتگاونن
نجمه هدت شعر نورهان وتتوعدلهة ونورهان تسويلهة بايدهة علة عنادچ
ارجوان: عمه الاء ليش بس يتعاركن
الاء: چا اكو خوات ما يتعاركن
ارجوان وهي تخلي الماعون علة سلة الماعين: اني اتمنه عندي اخت حته اسولفلهة ونقضي وقت وهذني بس يتعاركن
الاء بسخرية : هه چا حته غير تصيرن مكافش انتي وياهة
ارجوان: ليش مو خوات هنة
الاء وهي تخض الگلاص: ولچ ماكو وحدة ماتتگاون وية اختهة حته انه وليال
ارجوان بضحكة نازكه: اي بالله شنو چنتي تسوين بعمه ليال
الاء بفخر: چنت اجيبهة بكفخة واگومهة بكفخة كل ما تحچي انه اختچ الچبيرة وانه اكفخهة
ارجوان 😂😂: اي عمه طلعت حقيقتچ
الاء وهي تخلي الاسفنجة بوجه ارجوان: انچبي يا حقيقة
ارجوان بشهگة وتمثل بصوت باچي: اوماي گاد عمه شسويتي بوجهي
الاء ضحكت عليهة: هاچ بعد اكثر
وخلت الاسفنجة بوجهة مرة ثانيه وارجوان جابت الاسفنجة مالتهة وخلتهة بوجه الاء
نجمه شافتهن وابتسمت بخبث وجابت الصلصة مال الطماطة ورشتهن بوجه ارجوان والاء
الاء وارجوان هجمن عليهة بالجلافه
نجمه تمثل البچي ؛ هاي شني خرگتني بالزاهي
نورهان وهي تلطم عله وجهة: يممممه منهو مسوي هيچ بيچ خيتي
نجمة: بعد اخيتچ تعالي اخذيلي حقي
جابت نورهان گلاص اللبن وكبته بوجه الاء وارجوان وگبت معركة بيناتهن ارجوان والاء فريق ونجمة ونورهان فريق
انسام وهي تفر بايدهة والسچينه بالايد الثانية الي تقطع البتيته بيدهة: شفتي بالله هستوهن چانن مكافش صارن حبايب وفريق
احلام وهي تعوج بحلگهة وتسوي السلطه: اي والله
شهگت انسام : ه ه ه ه هاي لويش تشمرون علي لبن
نجمه بابتسامه شريرة : لان گطعتي بتيتي
انسام گامت واخذت زيت الزيتون الي بصف احلام وكبته عله نجمة بحقد ودخلت انسام بالمعركه
احلام: عابتلچن اي والله ه ه ه ه ه( شهگت ) هاي لويش انه شكو
ارجوان وهي لازمه البيضه: لان غلطتي علينه
احلام جابت الصلصة مال الزلاطة وترشهة بيهن
واشتعل المطبخ كل وحدة تذب اكل عله الثانية وكل وحدة من البنات تدخل تحاول تفاككهن بس ينتهي بيهن الحال وحدة تشمر عله الثانية
هيفاء مرت العم صگر وهي تلطم علة صدرهة: ايا معزايات شمالچن اااااخ منهي الشمرت علي البيضة انه اوريچن
ندى دخلت تريد تسحب هيفاء بس انتهى الحال مغرگه طحين وهي جيبي الزيت وكبي عليهن
والنسوان دخلن يشوفن شكو ويريدن يطلن هيفاء وندى بس حالهن صار نف حاله هيفاء وندى وگامن يلعبن بالاكل ويضحكن ويصيحن بنفس الوقت والعشة الديحضرنه كولة صار بيهن
&&&&&&&&&
بمجلس الرجال
العم كريم: شني هالصوت
جاسم بقلق: بوية صوت نسوانه يصرخن
احمد گام: راح اشوف شبيهن
جاسم: انه وياك جاي
زيد هم گام: انه وياكم
بعدين گاموا الولد كلهم وراهم
العم صگر: بووية شني هالصوت عركه چبيرة
العم عالي: الله يستر
العم ابراهيم بقلق: خايف نسوانه بيهن شي
العم كريم: هية الشباب رايحة تشوف شنهو هناك
دخلوا الولد وانصدموا بالمنظر ولا يوجد اي تعليق منهم بس صافنين
