رواية صراع الشيوخ الفصل السابع والعشرون بقلم ليال القمر
.زيد تحمس وبخباثة تعال وشيل دولكه مليانه عصير وكبه عليهن كلهن وهنة كلهن شهگن لان چان بارد وهن تعالن ودخلن زيد بالساحة والولد يسحلون بزيد حته ما يرشنه بالاكل وهو يصرخ : بووووية لحگولي مو نسوان والله اقوة من الزلمة يبووووووي
احمد وهو انملة لبن وغرگان: انچب چنك مرة تصرخ
جاسم گام يصرخ: انه الهن ملني بالبيض وهستوني لابس ملابسي
ودخلوا الولد بالمعركه والمطبخ انملة بشر
®®®§§§§§§§§§®®®
العم صگر: خووية الصوت صار اقوة
العم كريم بقلق: شو گوموا نشوف
كُلهم گاموا ودخلوا واندهشوا بالمنظر زلم نسوان بنات تتعارك ومكافش صايرين
كُلهم گاموا ودخلوا واندهشوا بالمنظر زلم نسوان بنات تتعارك ومكافش صايرين
العم كريم بصراخ: شصايررررررررررررر
الكل وگف عن الحركة والي چان يريد يكسر البيضة علة وحدة صفن علة الشيخ
الشيخ كريم: ماتستحون نسوان وزلم مشوربة تتمالخون بالاكل
ارجوان صاحت: اااااااااااي اني اعلمك زيد وجابت بيضة وكسرتهة بشعره وهو هجم عليهة ويذب طحين وهي تسعل وتضربة وبس شافوهم تعاركوا من جديد واحد يتعارك وية الثاني
واجت بيضة طايرة علة وجه الشيخ وهو تخبل وجاب بيضة من الكاونتر وشمرهة عليهم
العم صكر: ههههه راحت الهيبة خوية
الكل ضحك
ابو احمد: والله ونسة خوية تتذكرون من چنه نلعب مثلهم
العم كريم ضحك: ههههه اي والله ايام زمان
العم عالي صرخ: ولكم دمرتوا دشداشتي بالزيت انه اوريكم
ودخل بالساحة وياهم ويجيب ويضرب ويذب اكل عله هاذة وذاك
ارجوان وهي تحط كركم بوجه زيد: اني اعلمك ليش ترش طحين براسي 😭😭
زيد وهو يضحك: 😂😂😂😂 الا طحين چا والله تضحكين وانتي بهاذ شكلچ
ارجوان 😭😭😭😭😭 وگعدت بالگاع وتبچي وتشمر عله زيد مي والجلافة تجلف بيهة شعره
وزيد يضحك عليهة والكل متونس عله العركة حته العمام يتفرجون ويضحكون
&&&&&&&
گعدت ارجوا من النوم وشافت شكلهة البيض والزيت والطحين لزگوا بيهة وهي تخبلت ونزلت تبچي 😭😭😭: ماما ماما بابا بابي
ابو احمد شاف شكلهة وضحك: ههههههه شبي وجهچ باباتي
ارجوان: كولة من ورة عمة الاء هي البدت وحطت الاسفنجه بوجهي
الاء بشهگة: فلك صابچ انه لو هذني نورهان الصخلة ونجمة العگربة
زيد دخل للصالة ووجهة اصفر وشعره مخربط ملزك يلعب النفس: چا انتي احسن مني مو انه وجهي صار اصفر من الكركم
ارجوان 😏😏😏😏😏: تستاهل انت جبت ورشيت علية طحين
زيد 😞😞: چااا تجيبين كركم وتحطي بوجهي
ارجوان 👏👏👏👏 : تستاهل تستاهل الصفگه 👏👏👏
زيد ابتسم وعيونه تلمع ودار وجهة عنهة حته محد ينتبهلة
ندى مرت كريم: گووومن نظفن المطبخ حته البارحة ما تعشينه من ورة شكولاتچن الزفرة
الاء 😩😩: لا لويش زفرة ما مرجية منج ام جاسم
ندى مرت العم كريم: شلون مو زفرة والبيض الي مالي وجهچن هاذ مو زفر
الاء: اي والله صدگ بس انتي هم انمليتي بيض چا بس احنه
ندى؛: انه اعلمج اويله
الاء: ههههه اشاقه وياچ حبيبتي انتي 😘
نجمة وهي مليانه زيت: ههههه اويلة والله يلوگ هالاسم عليچ عمه
الاء 😱: اششش فضحتيني سكتي هايشة
ارجوان ابتسمت وگامت لغرفتهة تحاول تطلع البيض والطحين والزيت من عدهة وهي تبچي جوة الدوش مثل الطفل
زيد ماطلع من البيت اليوم كُلة لان وجهة اصفر من ورة الكركم
والعم كريم كلما يشوف زيد يگوم يضحك والكل يضحك عله شكله لان وجهة يضحك وشعره طاير ومنصفط من صفحة وشكله مبهذل وهمة ما متعودين علي هيچ دائما هو مرتب ونظيف
زيد بتنهيدة: گوم ابو العدس اجلفلي ظهري ووجهي ماگدر انه
عادل: ههههه لا ابقه هيچ تستاهل تحط طحين بوجه البنية وهي تبچي وانت تضحك ههههههه
زيد 😒: تساعدني لو والعباس ادفرك دفرة تتذكرني بيهة طول عمرك
عادل 😜😜: گايم امشي نروح نغسل لزيودي هههههه
زيد وهو يدفرة برجلة: ابن الكلب
العم صگر: ادب سز تغلط عليه
زيد بخوف وتمثيل: لابوية ماقصد بس هو ضوجني
العم صگر 😑😑: اسكت وبلا لغوة زايدة وانت ابن الكلب گوم وية اخوك
زيد والكل طگوهة بضحكة: هههههههه
العم صگر: شمالكم
زيد: هههه بوية غلطت علة نفسك هههههه
العم صگر وهو ينزع عگالة ويركض ورة زيد
زيد: ههههههه اشرررررد ههههه
ركض زيد بسرعه والكل يضحكون عليهم
الاء بضحكة: هههههه بس والله ونسة البارحة چانت
النسوان كلهن ضحكن
العم كريم: انه بس ارد اعرف منو كسر البيضة بوجهي
كلهة سكتت وخافت
العم كريم: هاا ما تجاوبون
جاسم رفع ايدة بخوف: انه بوية
العم كريم بصدمة : جااااسم ما توقعتك هيچ بوية عود انت البچر مالي
جاسم بحرج: بس الصراحة جبتهة قصف
العم كريم وهو ينزع نعالة الي لابسة ويشمرة عله جاسم: طايح الحظ
جاسم وهو يتفاده النعال: ههههه بوية خلي روحك رياضية ههههه
العم كريم نزع نعالة الثاني ويريد يشمرة وجاسم شرد ورة زيد الي شرد قبل شوية هو وعادل
العم كريم برزالة: وانتن يالنسوان ما تستحن تلعبن بالاكل
النسوان كاتمات ضحكتهن والزلم اخذوا الشباب والنسوان والبنات رزايل غسل ولبس
مضت الايام وارجوان وامير عله اتصال دائم وامير يتعلق بيهة اكثر وصار مو بس يحبهة صار يعشقهة عشق مو طبيعي
وزيد يباوع لارجوان من بعيد ويهتم الهة رغم هو مستغرب من نفسة انو ليش هي بالذات يباوع عليهة وترك كُل سوالفه مال يباوع عله البنات ويحاچيهن وهو معروف عنه نسونچي
وام ارجوان لعبانه نفسهة تريد ترجع لاميركا لان دتشوف زوجهة يتطبع بيهم وتفكيرة ديصير نفسهم وابنهة احمد صاير جنوبي اصلي
قاسم كاره العراق كولش يريد بس يرجع
وارجوان دتتضايق اكثر لان گاموا يتشددون عليهة ويتحكمون بكل صغيرة وچبيرة بيهة ودتتقيد لان گاموا يغصبوهة تلبس نفسهم وهي مو هيچ لبسهة لازم كولة تراكسودات وشورتات وهسة الة تلبس دشاديش بس هي تعاندهم وتلبس فساتين ومعروفة اكثر وحدة مرتبة وكيوت ودلوعه بالعشيرة
ارجوان وهي گاعدة علة سريرهة: اوووف لعبت نفسي كولة شغل وطبخ عمي شصرت اني
ام احمد بقهر: ولچ شفتي يحظي حته ابوچ صاير نفس تفكيرهم هسة يريدني البس عباية
ارجوان وهي تخلي شعرهة علة صفحة وحدة: انتي عله الاقل احسن مني مامه مو اني يردون يزوجوني لواحد من ابناء عمامي اوووف
ام احمد بتنهيده وحسرة : ولچ لازم نرجع ابوچ كولش صاير متشدد وياي ممنوع الطبة والطلعه وكُلما يحچي متصيرين نفس زوجات اخواني
ارجوان بقهر: مامي كافي اني حموت انوب حته دراسة ماكو
ام احمد: صدوگ انتي شلون وية كوليتچ
ارجوان: دا ادرس علة الكمبيوتر حته ميفوتني شي اني وقاسم دندرس من دون علم بابه حته ميعترض
ام احمد وهي تزفر بارتياح: اي الحمدلله والله لو يگولولي هسة ترحين لاميركا أگوم طيارة الهم
ارجوان: ههههه شكلچ كولش منغثة من الگعدة
ام احمد: اي ايييع لعبت نفسي وين قبل چانن شايلاتني بالصلوات وين هسة حچت البغدادية وسكتت البغدادية ولچ حته علة لبسي يحچن علي
ارجوان: كافي مامه هسة خلي نسوي خُطة نخلي بابه يرجع لاميركا طلعي حجة گوليلة مدا اتنفس زين احس نفسي كولش تعبانه اي شي بس خلي نرجع
ام احمد ابتسمت بمكر: وله يهمچ اني شمس موحيالله
ارجوان 😏😏: اي شموسة شنو راح تسوين
شمس😏😏 : بعدين تعرفين
ارجوان 😘😘😘: فديتچ مامي تخبلين
♕♕♕♕♕♕♕
حسن بضحك: ها خوية راح تحلق
امير: اي خلص الاربعين چا شني اضل هيچ
حسن 😏: اي الذيب راح يحلق واخيرا
امير بجمود: حسن كافي هو ويني وين الحلاقة خل يجون الناس وبعدين اروح احلق
امير سمع صوت فونه: الووو هلاو ارجونه... الحمدلله زين... انتي شلونچ... ههههه يابه كافي تتدلعين علية... اي.... ها مضايقيچ... لويش..... هههه ولويش ما ترضين تلبسين العباة.... ههههههه يالله ميخالف..... اي... اهاا چا هيچ وشگلتيلهم انتي... شنيييييي... لا عيب لسانچ شوية گصي .... يالله لاتزعلين شعندي غيرچ انه... الله وياچ بوية
سكر الخط وباوع لحسن المصدوم: شبيك فاك حلگك
حسن: هاي شني منين جبت الرقم
امير 😏: من زمان كلش
حسن 😒: وانه اخر من يعلم
امير ببرود: وانت شدخلك
حسن 😑😑: هسة شدخلني امشي حيجون ناس للديوان
مشة امير ببرود ودخل للديوان ورة شوية دخلوا الشيوخ والناس وبدة يحل طلابتهم
دخل جاسم بهلع للبيت: بووووووية الحگ
العم كريم وگف: شمالك
جاسم بصراخ: بووووية جايينه طلابه
كُلهم سمعوا صوت رمي والكل انصدم شنو الي صار
ارجوان سدت الخط وية امير وراحت لغرفة امهة وابوهة ودخلت وسمعت صوت كولش عالي
ارجوان بخوف وگامت ترجف وهي واگفة بالباب مال الغرفة : مامه هاي ليش اكو صوت برة
شمس برعب: عززززة ولچ هاية دگاگة
ارجوان لونهة بهت: شنوووووو
⭕⭕⭕في مجلس الرجال ⭕⭕⭕
احمد وهو يخلي ادي عله راسه: خررررب ماراح نخلص من الطلايب
جاسم وهو يروح ويجي: منهووو سوة مصيبة
العم كريم والعمام بعد ميعرفون شنو يحچون توقف الزمن بيهم وماكو شي يوقظهم من صدمتهم ويدورون علة الشباب منو الي سوة مصيبة
صراع الشيوخ
