رواية فصلية بديلة الفصل السادس والعشرون 26 بقلم ام ملكوت

سديت المكالمه ورحت للصحيات غسلت وجهي وصحصحت وطلعت جبت ريوك ورجعت للغرفه لكيت ام سماء وبنتهه كاعدات ..

_ صباح الخير خالتي

ام سماء: صباح النور 

_تفضلي خالتي تريكو اكيد جوعانين يله ..

_ليش تعبت نفسك 

_لا ولو ماكو تعب هذا واجبي يله بسرعه تره انه بعد ميت جوع تعالي خلي نتريك..

حسيت عليهه وجهه ثكيل علي من امس ..

طبعا تضوج مني مو هينه على الام تسمع بنتهه متعذبه ..

اوووف اووف الله يلعن الشيطان ياريت لو يعود بيه الوكت ومامد ايدي عليهه ولا اظلمهه ولا اخذهه غصبا عنهه وبهل طريقه..

بس شسوي ذنبت وظلمتهه والله هداني وتبت عن ذنبي والله يسامحني ويهدي قلبهه علي وتسامحني هيه هم..

ام سماء: يمه حلى يله تعالي تريكي..

حلى: اي يمه..

شهم_ 

اجت كعدت على الطاوله وصافنه بالاكل وضايجه حبيت اكسر ضوجتهه واحجي وياهه..

_خالتي اني اعتذر على السويته بسماء بس صدكيني جان قلبي محترك على ابني انتي عندج بنات واولاد واكيد حاسه بيه وفاهمتني ..

وصدكيني انبني ضميري ورجعت عن وظلمي الهه وتبت عن ذنبي ومستحيل ارجع ازعلهه بكلمه وحده 

واني كاعد احاول من شهور اني اعوضهه عن يلي شافته مني حاولت اخليهه تسامحني وتنسى يلي سويته بيهه وضنيت انهه سامحتني 

بس مدام شكتلج علي وكلتلج السويته بيهه معناهه بعدهه مامسامحتني والحق وياهه اني ظلمتهه واذيتهه وعذبتهه ومستعد اسوي اي شي تطلبه مني تكفيرا عن ذنبي هذا ..

اني ام واحس ببنتي واعرف ان سماء راحتلك ورده مفتحه ورجعت ورده ميته مستحيل ترجع مثل قبل سعيده وقلبهه خالي من الهموم

ولا راح تكدر تكمل حياتهه وتزوج بعدك خوفا من انهه تعيش نفس العاشته وياك اما مسامحتهه الك ماضمنهه الك 

بنتي ممكن تحتاج وقت تكعد ويه نفسهه وترتب مشاعرهه وحياتهه وتفكر بهذا الشي ياله تاخذ قرار بمسامحتك او عدمهه..

شهم_

حجت كل كلامهه واني اسمعلهه ومتفهم وقابل كل كلمه حجتهه بس لمن جابت سيره زواجهه من غيري وانهه تبتعد عني

اشتعل قلبي شنو زواج شنو تبتعد عني شنو ضيم الله يعني اذا طلبت اطلكهه وطلكتهه فعلا راح تروح تزوج غيري ..

لالا مستحيل اخليهه تروح لغيري اذبحهه وماخلي شخص غيري يشوف جسمهه او يلمس شعره منهه ماتحمل تروح لغيري ماتحمل ماخليهه ..

_خالتي اريد احجي كم كلمه اتمنى من تكوم سماء بالسلامه تحجيهن الهه وتفهميهه..

خالتي انه طلاك ماطلكهه ومستحيل اخلي غيري ياخذهه او يمس شعره من عدهه واذا جانت تريد تطلب الانفصال خل تنساه وانه اخليهه كل اسبوعين تزوركم وتبقه يمكم كم يوم بس مال اطلكهه مستحيل بس بحال طلبت الطلاق على اساس الشرط الشرطتو قبل لا اخذهه هنا امدر ترجعلكم واوافق بشرط واحد

ان تبقى على ذمتي وماطلكهه ويبقى مصروفهه جاري الهه مني وتكدر تسوي اي شي تريد تكمل دراستهه تريد تجيبلهه نقال تريد تطلع تمشي تسافر 

بس فهميهه ان الطفل ماتشوفه بعد و اذا عرفت انهه تفكر بشخص ثاني

او احد يمس شعره منهه لا هيه ولا هوه يبقى عايش وخليهه عندج وبحضنج للابد لا تزوج ولا تبقى عندي ..

شهم: اي وانه وافقت ارجعهه ماوافقت اطلكهه يعني تكدر ترجع تعيش باقي حياتهه وياكم وتعيش الحياة التريدهه وبحريه 

بس بدون ما تزوج او تحب او تفكر بشخص ثاني ..

واني هذا قراري اذا تريد توافق وترجع وياكم 

واذا ماتريد بيتي مفتوح الهه وحياتي ترحب بيهه وان طلعت من بيتي فصليه فراح اخليهه ترجع تدخله وهيه عروس كدام كل الناس..

سماء_ 

سمعت كلامه كله الحجاه ويه امي من جهه فرحت لان موافق يخليني ارجع واعيش حياتي

ومن جهه ضجت لان يريد يخليني ملكه وعلى ذمته والطفل مايحقلي اشوفه لا وابقى مرتبطه بي عمري كله

..ولو اساسا انه كرهت الزواج كله بعد ماريده ومن دون مايشرط هوه انه اصلا ماخلي احد يدخل حياتي بعد ..

حريتي اهم من كلشي اليهمني حاليا هوه رجعتي لحياتي القديمه ولحضن امي وبيتي وبيت جدي همين خليت وجاوبته قبل لا يغير رايه..

_واني موافقه على شرطك..

شهم_ 

كملت كلامي واجه صوتهه من يمي وكالت موافقه على شروطي بس منو منهن..

_شنو قصدج..

_موافقه ابقى على ذمتك ومارتبط بشخص غيرك مقابل اني ارجع اعيش باقي حياتي ويه اهلي وبيت جدي..

شهم_

سمعت جوابهه والنار وجت بروحي ماردت هذا الجواب منهه شلون تروح وتطلع من حياتي وبيتي

واني واهلي تعودنه على حسهه بالبيت وابني شنو ذنبه يعيش ويكبر بدون حنان وحضن امه وهوه توه ياله عمره يومين وتخلت عنه بسهوله..

جنت اضن اذا سمعت بشرط ان ماتشوف الطفل بعد راح تغير رايهه او تكول لا مستحيل اتخلى عن ابني وتبقى عايشه وياي وادللهه واعوضهه

واقوم بواجب الام اتجاهه لسته اشهر وبس بعدهه تعتقني وتنطيني حريتي وتاخذ طفلك يعيش وياك ..

شهم_ 

صدمتني بجوابهه البارد وكانهه ماتحجي على طفلهه يلي ولدته قبل يوم وكان كاعد تحجي على سلعه وتفاوض بيهه 

ردت اكلهه روحي هسه وماريدج تلمسين ابني من انانيتهه بس ماكدر ابني ماله ذنب عل اقل خلي يشبع من حنان وحليب امه بالاشهر الاولى 

رديت ووافقت على كلامهه واني عيوني تطلع شرار وروحي محتركه على طفلي خليت وطلعت ورحت لغرفه الاطفال وبقيت اباوعله من الجامه من بعيد واني مكسور خاطري عليه ..

شنو ذنبه هوه حتى ينحرم من امه يعني مكتوب على اولادي مايتهنون ويحسون بحنان الام بحياتهم لا مرتضى وليدي المات شبع من حنان امه

بقت فتره وتوفت وطفلي هذا هم ماراح  قصص ماي هوبس يشبع من حنان امه كم شهر وتعوفه ويعيش حاله حال اخوه المتوفي ..

ياربي شلون انت ساعدني حنن قلب امه عليه رباه لخاطر هذا الطفل مو لخاطري اهدي قلب سماء وخليهه تحن على طفلهه وتتعلق بي وماتفاركه بعد يا حنان يامنان يارب...