رواية فصلية بديلة الفصل السابع والعشرون 27 بقلم ام ملكوت

سماء_ 

حجيت هيج واني مسيطره ماعرف حنان الام وشنو يكدر يسوي..

جنت وقتهه ماحاسه باي مشاعر اتجاه هذا الطفل الى ان جابته الي الممرضه وانطتنياه ارضعه ..

حملته بين اديه شكد ترف وناعم معقوله هذا ابني معقوله هذا الطفل من دمي ولحمي هذا الطفل يلي حملته بطني ٩ اشهر ..

بقيت اتامل بشكله عيونه رموشه خشمه حلكه خدوده ترافته نعومته بقيت المس بشرته الناعمه



خليت ورضعته واشوفه شلون متلهف وجوعان من امس ماراضع خطيه لمن اخذ حليبي وحسيت بانفاسه على صدري

احس شي ودب بقلبي وروحي صار بدي ابقي بحضني ومانطي الهم تمنيت اضمه بصدري على ترافته ونعومته

بقيت كل شويه طابعه بوسه على جبينه وامسد على شعره حسيت بشعور مو طبيعي شعور ماتحسه بس الام لمن تحمل اول طفل الهه بحضنهه وترضعه من صدرهه ...

خلص رضاعه واخذته الممرضه مني كوه كتلهه خلي يمي ماقبلت كالت بعد ساعتين تجيبه يرضع وترجعه.. 

ضجت وحسيت زالت الراحه الحسيتهه وهوه بحضني قبل شوي خليت ورجعت تمددت وغمضت عيوني ونمت..

شهم_

اجيت دخلت للغرفه وشفتهه نايمه خليت وبقيت كاعد تقريب الساعتين وجابوا طفلي كمت على حيلي بلهفه اخذته من الممرضه وكالت..

بقيت اباوع على ابني وملامحه ونعومته تالي اجت امهه تكعدهه...

ام سماء: يمه سماء كعدي بنيتي

سماء: ها يمه

ام سماء: يمه الطفل كومي رضعي

سماء: ها وينه جيبي ..

اجه هوه وشايل الطفل باوعلي وانطانيا وكان يكول هذا طفلنه شوفي ..

خليت واخذته منه وبقه واكف على راسي..

_ااا روح انت بره اريد انطي حليب

شهم: احم اي طالع..

خليت وطلعت واني منحرج واهز بايدي شكو طلعتني بره معقوله ماتريد تشوفني لو خاف تستحي ..

اووف اووف يله بلكي اذا بقت على انفراد ويه الطفل تحن عليه ..

_والله تدري شنو راح ابطل واكابل ابني واكعد

_ههههه جا خويه اذا كل واحد يخلف هيج خلي تعزل الوادم

_والله ياخوي بدي ماروح للدوام وابتعد عنه نوب ٣ ايام اموت

_اي حقك ٣ ايام هواي شوفلك نقله منا منا دوام يومي

_والله ماعرف اني حاجيت القائد ووعدني يشوفلي حل غير ال٣ ايام والله كريم بعد

_الله كريم ..اكول خويه

_تفضل

_ يمته يطلعونهه

_باجر انشالله

_واهلهه شلون

_شبيهم

_يعني المره بهيج وضع تحتاج امهه او احد من اقاربهه تبقى وياهه فتره تساعدهه..

_اي عادي اذا كالت تريد امهه تبقى يمهه ماعندي اشكال البيت مفتوح الهه

_هاا يعني ماتعارض.

_لااا بعد من اجه وليدي للدنيا طاح الثار بيني وبينهم والله عوضني بوليدي الحمدلله

_اي الحمدلله الله يهديكم دوم يارب

_تسلم خويه ..انت شخبار شغلك 

_خويه بعدنه حاليا هدوء ماكو مشاريع بناء

_هوه شغل الدائره هيج حتى لو اكو مشاريع ماندرسهه او نفذهه اذا جانت ضروف البيئه مو تمام 

ومثل ماتعرف انته حاليا امطار ورطوبه وساعه شرجي ماينعرف الطقس

_اي صحيح الله يوفقكم انشالله

_يوفق الجميع خويه..يله اني رايح اجيبلكم غده واجي

_لا خليك انه اروح 

_لا انه عازمكم اليوم ولا يهمك..

_ماشي تسلم خويه..

راح ساجد يجيب غده واني بقيت انتظر الى ان طلعت امهه وكالت..

ام سماء: يمه خلصت تعال ادخل

شهم: اي خالتي..

ودعيت ربي كون يحنن قلبهه عليه ومشاعر الامومه تلزمهه وتخليهه تبقى ويانه وماتفاركنه..شويه واجت الممرضه..

ممرضه: يله الحلو مدام شبع انطيني اخذه للغرفه

سماء: بحزن..هاا ماشي ..

على كيفج وياه..

انطيته الهه كوه ضجت لان كلساع تاخذه مني بس شسوي لازم يروح لغرفه الاطفال اخاف عليه يتمرض هنا..

خليت وتمددت واشوفه يباوعلي بنضرات ماكدرت افسرهه..خليت والتفتت احجي ويه امي..

_يمه تعاي

ام سماء: ها يمه كولي

_يمه ترحين وياي للبيت غير

SUGO

حم...

_يمه ولا يهمج راح ابقي يمج حلى بس تديرين بالج عليهه ماشي يمه

_اي انشالله

حلى: يمه اني المفروض تكليلي ادير بالي عليهه مو هيه النايمه بالفراش

سماء: ههههه صحيح

ام سماء: يمه انتي اريد تديرين بالج على ابن اختج خاف يكعد بليل يبجي انتي كعدي اختج حتى ترضعه ماشي

حلى: انشالله يمه اسهرلهم ليالي هل غوالي 

2 

سماء: تسلمين يروحي..

حلى: كم سماء عدنه حبيبتي

سماء: يروحي انتي اكلج يمه اريد اروح للحمام

ام سماء: اي يمه تعاي 

سماء_

حاولت امي تكومني بس ماكدرت جروح العمليه يبزني بعدهن ماحس الا.....

شهم_

شفتهه همست لامهه وحاولت تكومهه عرفت انهه تريد تروح للحمام بس ماتكدر ..

خليت وتقدمت عليهه وشلتهه بين اديه وبقت مصدومه هيه وامهه ويباوعلي..

صراحه اني هم انصدمت من نفسي بس يله غلسو..خليت ودخلتهه للحمام وطلعت وامهه دخلت يمهه ..

11 تعليقًا مع تفاعُلات

ام سماء: يمه شو احسه يهتم بيج لو علمود ابنه

سماء: لا يمه علمود الطفل شنو انه بالنسبه اله حتى يهتم بيه مثلا..

ام سماء: يله يمه خلي اوكلج

سماء: لا يمه تغدي انتي بالاول ماجوعانه كلش انه

ام سماء: ماشي يمه براحتج..يمه حلى تعالي تغدي بنيتي..

ساجد: اجت وكعدت كبالي وقدمتلهه الصحن باتجاهه ورفعت راسهه باوعتلي ونزلت عينهه اعتقد الكل لاحضو نضراتي الهه بهذي اللحضه بس درب التغليسه..

شهم: بهمس..هاا خويه شكو

ساجد: كلشي ماكو كاعد اكل

شهم: خير انشالله..

كملنه اكل وخلصنه وراحت امهه توكلهه واحنه لمينه الصحون وطلعنه اني وساجد بره المستشفى..

_اي خويه غرد

ساجد: شغرد خويه ماعدي شي

_لو ماخوي جا صدكتك يله كول شعدهه عيونك تصفن بالبنيه

_لا ماعدي شي والله بس احس عجبتني وفقيره البنيه..

_خويه انت ياهيه تشوفهه حلوه تكول عجبتني

_هههه اي خويه وهاذي حالهه من حال البقيه مو كتلك ماعدي شي وياهه..

_اي خير انشالله..الا صدك شكد ناوي تبقى عزابي اني بعمرك عندي ثنين اطفال وانت تفتر كل شوي تنعجب بوحده..

_هههه خويه بعد وكت على الزواج ماريد اتسرع وادمر حياتي اذا اتزوج كون اضمن المره يلي راح اتزوجهه انهه ماتخون ولا تجذب علي او تخدعني

_بعدك مانسيت ذيج السالفه

_خويه شنسى ماتكلي الصار بيه بهذيج السنه خله عندي عقده وخوفه من النسوان ماكمت اميز بين الصادقه والجذابه

_اي حقك خويه بس لازم تشوف حياتك يعني بسبب وحده عديمه الاخلاق تروح تدمر مستقبلك ياحبيبي

_لا خويه هيه ونعا.لي بس اني ماريد يتكرر نفس الموقف وياي واحب وحده تالي تخون نفس الخانت

_اي صحيح بس خلي بالك مو كل النسوان سوه مو كلهن خاينات اكو بنات بيوت بعمرهن ماحاجيات ويه ولد..

ولا تنسى ياخوي هيه ترى من بدايه مبينه مو راحه من شفت سوالفهه وضحكهه ويه مديرهه وزملائهه عبالك خوانهه لا خجل ولا مستحه..

_اي والله المفروض اني من هذا الشي وافهم انهه ماترهملي وابتعد بس شسوي بعد ماكدرت انجريت وره قلبي..

_يله خويه الله يعوضك باحسن منهه..

_انشالله..