رواية حرم الاسود الفصل السادس والعشرون بقلم بتول ابو الليل
.
سَيطيب كل شيء ذات يوم .
One day everything will be fine.
.➛ ✿✿ ✿✿ ✿✿ ✿✿ ➛.
آرون : اخوج تيمور جان يشربج حبوب مخدرات.
فتحت عيوني بصدمه احس انضربت كف علئ وجهي اخرر شيء جنت اتوقعه يسوي تيمور هوه انو يأذيني ويشربني حبوب معقوله؟
_ءءأ انتَ شدتحجي شنوو يشربني مستحيل مهما يصير يبقه اخوي ميسويها
آرون : اني موو وياج بالبيت ولا شايفه بس هل حجي حجته بنت خالتج اريانا وهيه الي طلبت من عندي اخليج يمي واحميج من تيمور
لأن جان يشرب بيج حبوب وخلاج تفقدين عقلج وحته بيوم انتحرتي وجان متي بسبب الانهيارات الي تصير وياج.
خليت ايدي علئ راسي دايخه وممفتهمه شيء احس روحي انسطرت سطر
مستحيل ياربي دخيلك ليش هيج يكرهني تيمور جان يخاف من بابا هسه مات واستغلني بس ليش اني شمسويتله
واريانا شلوون عرفت آرون اساله هواي براسي.
_اريانا منين تعرفك؟
آرون : اني رحت عليها وعرفتها عليه لأن جنت خايف عليج بعد وفاة ابوج واجيت اسالها ورا فترا خابرتني وكلتلي علئ الموضوع هذا وجبتج يمي.
_اوو ..تيمور ليش ليش يريد يأذيني اني شمسويتله
آرون : علمود الفلوس انتِ طلعتلج حصه جبيره من املاك ابوج وهوه سوه هيج حته ياخذهن منج.
نزلت دموعي علئ خدي بحركه عمري ماتخيلت اخوي نذل لهل درجه علمود الفلوس دمرني وخلاني اوصل لهل حاله ليش هيج ياربي.
آرون : لاتبجين ولاتخافين ابد ماطول رجعتلج صحتج تكدرين ترجعين كلشي وتخلينه يتندم
_ليش هيج يصير بيه امي ماتت وبابا هم واخواني ليشش محد يريدني انيي شبيه فهمني آرون شبييييه اني ليش الكل يعوفني ويكرهني.
آرون : اهلج ماتو وهذا قضاء وقدر اما بالنسبه لخوانج هذول ماينحسبون خوان لأن كلشي يهمهم الفلوس والمصلحه ميهمهم غير شيء انتِ دارسه ومتعلمه وعندج فلووس كلشي تكدرين تسوين لاتخلين بشر يكسرج سلاحج بيدج كلشي تكدرين تسوين واني بظهرج بدال اخوانج الـ 3 عندج اخوو يحميج ويدافعلج وهوه اني
عضيت شفتي بقهر ودنكت راسي ابجي احس نفسي مكطوعه من شجره مابقالي بشر كلهاا تخلت عنيي.
بابا جان كلشي بالنسبه الي ومات وهوه زعلان مني شنوو طعم حياتي بعدد وآرون الي يريدني اخت واني اريده بحياتي مستحيل اخرب حياته وياي لازم ابتعد عنهم وعن حياتهم
اني بيدي اصلح كلشي واخرب كلشي تيمور اعرف شلوون احاسبه.
مسحت دموعي بتوتر ورجعت اباوع الارون سحبت نفس قوي وكلت
_لأ آرون لا انتَ ابد لاتدخل بحياتي ماريد تتأذه بسببي وتصيرلك مشاكل اني احل كلشي اهتم بعائلتك انتَ
آرون : مثل ما انتِ ساعدتيني اني اريد اساعدج
_اشكرك متقصر اني اساعد نفسي ماريد اسببلك مشاكل.
آرون : ع راحتج الي تشوفينه صح سوي.
هزيت راسي بأي وسكتت فجأه صاح رجال بالبيت فزيت وباوعت الأرون.
ميران : وييينك أيسرررر
تأفف آرون بضوجه وكام من مكانه وطلع من الغرفه طلعت وراه اشوف شكوو وليش هذا يصيح.
ميران : ياهلا هلا بالنسيب
آرون : نورت بغداد تفضل اكعد ليش واكف
ميران : لاا حبيبي مجاي اشوفك ولا اكعد بيتك المهدم جاي اخذ اختي ورجعها لبيتها لأن انتَ ماتقدر النعمه العندك قدرناك وانطيناك بتنه بعد كل سوالفكم المكسره وهسه انتَ جاي تضربها وتخون بيها منوووو انتَ اصلاً
آرون ; اول شيء احترم نفسك واعرف شلوون تحجي خليني محترمك تمام اني لاخنت اختك ولا قللت من قيمتها هيه الغلطانه وهيه الي تتحمل مسؤليه هل طلعه اذا راحت ليوم وياك ماترجع لبيتي بعد اسالها علئ شنوو ضربتها شوف شمسويه شلوون تتعامل ويه اختي وابوي ولكك حته احترام ماخلتلي كدام صديقي تحجي بكيفهاا ماهامها أي شيء.
أليڤ : شوووكت حجيت عليك اني موو انتَ ضربتني علمود هايي الكح/به.
فتحت عيوني بصدمه هايي شبيهاا ليش هيج تحجي عليه هوه اصلاً شصايرر اني شعليه بيهم
دار وجهه ميران شافني عقد حواجبه بستغراب وكال
ميران : اليان؟
آرون : اليان جانت مريضه وابوها مات وامها كذالك مابقالها شخص وجبتها يم اختي تبقه بس تتحسن حالتها اختك تخبلت شلوون اجيبها وطاحتلك ضرب بيها وهيه مريضه تخيل العقليه العدها شنووو ومن اجيت احاسبها صارت تغلط ودخلت ابوي واختي بالموضوع شتريد اصفك الهاا لوو اخليها دوس ع كل واسكت.
ميران : أليڤ صدك هل حجي؟
أليڤ : أييي صدك انييي ماريد هاي البنيه تبقه بيتي اعرفها تريد رجلي وهوه يخوني وياها.
ميران : انتِ من كل عقلج تحجين شنووو هل تصرفات شبيييج لااا وخليتيني اجي من اربيل لهنا علمود هايي السالفه التافهه.
أليڤ : يضربني وتكول شغله تافهه
ميران : اذا انتِ لسانج طويل وماعندج احترام اخلي يطيح حضج واني الي اخلي يضربج موو غيري بسس اذا ممسويه شيء ماله حق.
أليڤ : اني صوجي اتصل عليك لوو مخليه ماما جايه احسن منك.
ميران : اعتذري من الكل هسه لاتخليني اوصل الحجي الابوي وانتِ تعرفين كلش زين شنوو يسوي.
أليڤ : لاا والله تريدني اعتذر من هاااي فوك الضرب الاخذته والاهانه والله فلا اعتذر وراجعه وياك للبيت مستحيل ابقه بعدد وياه.
يحجون واني بس ساكته واباوع مفاهمه شيء أليڤ ضاربتني ليش وع شنوو مجاي استوعب شيء.
آرون : اذا رحتي هسه مارجعج ولا اجيج خلي هل شيء بالج لأن مغلطان ابد.
_لاتسوي هيج اني طالعه من البيت مراح ابقه هنا لاتخرب علاقتكم عليه.
أليڤ : اووو حلوو بينت الجذبه مالتج موو ع اساس انتِ مريضه اشو هسه كلشي مابيج
_أليڤ صدكيني اني مجنت اعرف شسوي دايخه من الحبوب اسفه اذا غلطت بحقج.
أليڤ : انتِ علئ شنوو ناويه فهميني شتردين تحوسين علئ رجلي كووولي شتردييين
آرون : اليان رجاء ادخلي جوه
_بس
آرون : اليان لخاطري.
هزيت راسي بأي عفتهم ودخلت للغرفه سديت الباب دايخه وراسي حيل يوجعني احس الارض دور بيه.
شصار ليش آرون ومرته يتعاركون بسببي اني شمسويه لازم اطلع من بيتهم باسرع وقت كل ما اكون وياه راح تصير مشكله وتخرب حياته واني ماريد يصير هيج.
رحت كعدت علئ السرير دايخه وخايفه من كلشي.
اني اعلمك تيمور اذا ماخليتك تتندم علئ كل تصرف غلط سويته بيه ماطلع بنت ابوي .
اسمعهم يحجون أليڤ تحجي بصوت عالي صوتها يلعلع تلعلع تكول دلاله وآرون وياها يحجي
اخوها ميران ماقبل بالحجي وكف ويه آرون لأن شافها هيه غلطانه.
بس هيه متنطي مجال ابد تحجي وتغلط عليه كل شويه وكالت عليه كح** وبنت شوارع ماعرف شهل الفاظ التحجيها.
بنيه ماعدها احترام لنفسها ولا تهتم لبشر ابد هسه اخوها كدامها وهيه تفشر وتغلط بدون خجل ابد.
بقيت واكفه واعصر باصابعي مره اكعد ومره اكوم مادري شلون اتصرف
من اسمع حجيها اريد اطلع واتعارك وياها بس اتراجع اكول لخاطر آرون هوه ساعدني وتعارك وياها علمودي
لازم احترمه وماقلل من قيمته كدام ميران اخو مرته.
بقيت كاعده منتظره تخلص هل عركه واطلع من البيت وارجع لبيتي واشوف شنوو صار بغيابي ..
شويه واختفت اصواتهم دخل عليه آرون للغرفه كمت واني متوتره وخايفه ابتسم بهدوء واجه يمي
آرون : شبيج
_شصار
آرون ; ماصار شيء انحل الموضوع
_شلون صار ساعه تحجي وتغلط فهمني شصاير بينه هيه ضاربتني اني ضاربتها مجاي افهم شي
آرون : هههه ثنينكم متعاركين
_اي وليش
آرون : والله سبب العركه ماعرفه انتِ لازم تحجيلي عليه لأن أليڤ ماتحجي وياي هسه متزاعلين.
_انتَ صدك ضاربها علمودي؟
آرون : مو بس عليج هيه ماعدها احترام ماتكض لسانها تغلط وضربتها وجانت هاي اول مره اضرب بنيه.
_اممم اني اسفه مجنت اريدكم توصلون لهل مرحله
آرون : مالج ذنب بشي لاتعتذرين.
_اني لازم ارجع لبيتي.
آرون : وكت طلعه بهل ليل ابقي باجر الصبح اخذج وين ماتردين
_لأ آرون ماكدر ابقه مرتك واخوها هنا ماكدر اشكرك علئ كلشي سويته الي مراح انسه معروفك هذا بس لازم ارجع لبيتي
آرون : ماجبرج تبقين بس هسه طلعتج غلط ومراح تكدرين تسوين شيء بهل ليل انتظري للصبح ترجعين لبيتكم تحاجين اخوانج تعرفين شلون تصرفين.
_ومرتك
آرون : كتلج حلينه الموضوع يلا كومي اطلعي من الغرفه لاتحبسين روحج هنا.
_آرون
آرون : ها
_اني ..
آرون : شبيج يوجعج شيء
_لأ زينه بس ...هيج انسه
آرون : اكو شيء ضامته عني ومتكدرين تحجينه كدامي؟
_لا ماكو شيء بس هيج والله
آرون : اليان خلي عينج بعيني
رفعت راسي اباوعله كلبي يدك بسرعه اريد احجيله عن مشاعري بس حيل خايفه من ردت فعله ماريد اسببله مشاكل ماريد يخرب زواجه بسببي.
آرون : اكو غيري هواي يتمنونج لاتخلين هل مشاعر تسيطر عليج اني وياج مانرهم سويه
جمدت من كال هل كلام اختنكت والغصه بلعومي يعني يعرف بيه احبه كسرتي متنوصف احس الكل تخله عني حته هوه تجمعت الدموع بعيني مجاوبته اكتفيت بالصمت.
آرون : ماريد اجرحج بكلامي ولا اريد اضوجج بس مشاعرج هاي غلطه واني مسؤل عن هل غلطه يمكن اكون تصرفت وياج بحنيه او اهتميت بيج والبنيه تحب هل امور بس اني رجال متزوج رجال عندي مره واحبها من الطفوله ماكدر اكسر بخاطرها تستاهلين واحد احسن مني اليان ثقي بالله الج معزه خاصه بگلبي واخاف عليج مثل ماخاف علئ عائلتي بس وياج ماصير بيوم لاتتأملين
بلعت ريكي بغصه نزلت دموعي بصمت دنكت راسي وماحجيت شيء كلامه كله صح اني مشاعري غلط اتجاهه
بس والله ماجنت اعرف بيه خاطب حبيته بدون فهم وكلبي رافض ينساه ويتعلق بغيره ابتعدت عنه بس رجعني القدر عليه ليش هيج يصير وياي.
_اني اسفه والله ماريد اسببلك مشاكل ابد لازم اروح
تقدمت اريد اطلع من الغرفه لزم ايدي قبل لا اطلع درت وجهي اباوعله بقهر ركز بعيوني وهمس
آرون : خلي هل كسرات تقويج ماتضعفج تمام عندي ثقه بيج وبقوتج ذيبه انتِ
هزيت راسي بأي اريد بس ابجي وابتعد عنه بسرعه سحبت ايدي عنه وطلعت من الغرفه نزلت دموعي بسرعه
كسره كسره بداخلي اريد اصرخ اريد ابجي احس جنت عايشه ع امل وليوم فقدت هل امل
خسرت كلشي اني مابقالي شيء بحياتي ليش عايشه لحد هسه ليش مامتت
طلعت اركض من البيت اريد اطلع جانت رهف بالحديقه وكاعد يمها ابوها يسولفون شافوني بقو يباوعولي
تجاهلتهم وطلعت من البيت امشي علئ الشارع ودموعي عشره عشره.
اريد تبرد هل نار الي بكلبي كل ماتذكر كلامه انهار بدموعي.
شلون عرف منوو كاله وليش هيج حطمني مافكر بمشاعري مافكر شراح احس وشلون انقهر
غلط هذا حبي وهوه ليوم اثبتلي غلط وخلاني اوعه علئ نفسي ..
.....
بقه تيمور فاتح عيونه بصدمه ماعرف شنوو يحجي بلع ريكه بتوتر وكال.
تيمور : انشل؟
_الدكتور هيج كال
تيمور : روحي كولي للدكتور خلي يجي اريد اسمع هل حجي منه
هزيت راسي بأي طلعت من الغرفه انصدمت من شفت زيد اخو شذر بالمستشفى هذا شجابه
خجلانه كلش منهم بعد الصار والكلام الحجيته
مادري شصار وياها هسه شسوولها اهلها وصدك هيه موو من تيمور حامل
مشيت واني منزله راسي اري احجي ويه الدكتور استوقفني صوت زيد
زيد : اريانا.
رفعت راسي اباوعله بتوتر اتقدم نحوي بلعت ريكي بخوف وبقيت واكفه مكاني اباوعله
زيد : شلونه تيمور
_موزين حالته كلش موزينه واحتمال ينشل
زيد : خلي شيء واحد بالكم اني مأذي ابن عمي مافكر بحقد وكرهه لوو شما صار ماضربه.
_اعرف مالك ذنب بشي ماكوو داعي تحجيلي
زيد : تعرفين منوو المسؤل عن هاي الحادثه
_لا ماعرف بس متاكده مو انتَ هواي اعداء يكرهون تيمور واكيد واحد منهم سوه هيج
زيد : أي والله مو اني
هزيت راسي بأي سكت هوه اني هم ماحجيت جنت اريد امشي كال
زيد : ممكن سؤال قبل لاتروحين
_تفضل
زيد : شذر شايفه شيء عليها هيه وتيمور انتِ كلتي علاقتهم من زمان وتعرفين اذا تعرفين بالعلاقه شلون قبلتي تزوجين منه حاير بهل شغله.
_هوه اني.
قصي : شكو شبيكم
_تيمور تعبان ويريد الدكتور
قصي : ارجعي يمه اني هسه اجيب الدكتور واجي يمكم
هزيت راسي بأي عفتهم ورحت للغرفه الحمدالله اجه قصي بالوقت المناسب
قصي : شعندك ويه اريانا؟
زيد : ماعندي شيء
قصي : شوف زيد لحد لأن ماعندي اثبات عليك قسم بالله العظيم اذا عرفت الك ايد بالسالفه احرك البيت ع راسك عود تسوي روحك لوتي وجاي للمستشفى حته تبعد الشك عنك لا حبيبي هاي السوالف ماتشمي علينه احنه ولد جاسر روح العب ع غيرنه.
زيد : هههه تدري تضحك سوالفك هاي تحجي وياي وعبالك ماعايشين سويه ورابين من احنه صغار شبيك بابا صدك تحجي تيمور مثل اخوي مستحيل أذي هيج ومرته جانت وياه يعني برأيك اكتلها اني هل سالفه موو اني المسؤل عنهاا عدكم اعداء هواي روحو حاسبوهم موو جايين طلعون مراجلكم كدامي.
قصي : انشالله مثل ماتكول
دخلت للغرفه جان تيمور مغمض عيونه بألم من دخلت فتح عيونه شافني سحب نفس قوي وكال.
تيمور : وينه؟
_هسه راح يجي
هز راسه بأي وسكت بقيت واكفه واعصر باصابعي بتوتر.
تيمور : اهلج هم اجو؟
_لٱ بس مسلم اجه ماضن يعرفون
تيمور : اكص ايدي اذا ماطلع اخوج مسؤل عن هاي الحادثه
_شقصدك
تيمور : هوه وياهم اخوج بعده لحد هاي الحظه يُشَتغلً وياهم.
_لاا تيمور والله هوه كلي ميشتغل وياهم
تيمور : وصدكتي كلامه؟
بلعت ريكي بخوف وماجاوبته ابتسم بهدوء وكال
تيمور : المشكله اخوج وماكدر اسويله شيء بس خلي شيء واحد بالج اذا عرفت اله ايد بهل حادثه قسم بكل ايات القرآن ادفعه الثمن غالي اعذبه عذاب ممتخيله ابد وانتِ تعرفيني زين كلشي اكدر اسوي بدون تردد وخوف
بعدني محاجيه دخل قصي وياه الدكتور للغرفه دنكت راسي بخوف احس روحي اختنكت
دخيلك ياربي شسوي هسه شلوون اتصرف من جهه اخوي والجهه الثانيه تيمور
لازم احجي ويه اهلي اخليهم يعرفون بهل موضوع ويبعدون مسلم عن هل شغل الخطير الي راح يدمره
معقوله يكون هوه الي سوه هل حادث يعني شنوو يريدني اموت؟
بس هوه جان خايف عليه يالله راح اتخبل مجاي افهم شيء ابد
راح الدكتور علئ تيمور ضربله ابره بالمغذي
تيمور : دكتور حالتي تسمح ارجع امشي علئ رجليه
دكتور : الضربه صايره بظهرك بالعمود الفقري ومسببتلك اضرار هواي يعني بالوقت الحالي ماكدر احكم واكولك تكدر او لٱ بس منا لحد مايطيب الجرح لازم تبقه متسطح علئ السرير وحته اذا تحركت تكون حركتك قليله وماتضغط علئ نفسك لأن ادنا حركه ممكن تسببلك اذيه.
تيمور : ماشي اشكرك
دكتور : عندك العافيه ابني
هز راسه بأي عافنه وطلع الدكتور خله قصي ايده علئ كتف تيمور وكال
قصي : لاتخاف ترجعلك صحتك اني هسه جاي ابحث عن الفاعل وصدكني اول ماعرف راح اندمه ع ساعه الفكر بيها يأذيك ويوصلك لهل حاله.
هز راسه بأي اله عافه وطلع من الغرفه رجع باوعلي بنظرات تخوف يحسسني اني الي ضاربته.
تيمور : خليني وحدي
هزيت راسي بأي عفته وطلعت من الغرفه راحو اعمام تيمور ولد عمه بقت بس امه واخوانه ساهر راح يجيبله اكل
جنان تباوعلي صفح كارهتني كلش ومطايقتني ابد.
بقيت كاعده علئ صفحه تكول غريبه شويه واجت امي للمستشفئ هيه وبابا ساعه بـ 8 بليل شفتهم كمت علئ حيلي
اجتني امي بسرعه حضنتني حضنتها واني اشهك دموعي صارت تتسابق
احس روحي جاي تشكيلها هووواي عتاب وحجي بگلبي ضامته واريد بس احجي الهاا
جميله : حبيبتي ماماتي كافي يروح امج اهدي كافي شلوونه تيمور شصاار فهميني
حازم : باباتي اريانا
ابتعدت عن امي ورحت لبابا حضنته باس راسي وضمني علئ صدره
حازم : شصار بويه منوو صوبه اجانه مسلم وحجالنه عليه كلشي ماندري.
ابتعدت عنه واني امسح بدموعي حايره شحجي وشكول.
_جنه رايحين للمحكمه وهناك صار اطلاق نار وتصاوب
جميله : شعدكم رايحين للمحكمه؟
حازم : منوو يسوي هيج شاكين بشخص
_ماعرف يكولون عدنه اعداء
حازم : والله مادري شكول
جميله : خلينه ندخل نشوفه
هز راسه بابا بأي دخلو للغرفه دخلت وياهم جانت امه كاعده يمه ومخليه صينيه اكل كدامه دخلو اهلي سلمو عليهم راح بابا يم تيمور
حازم : الحمدالله علئ سلامتك بويه
تيمور : الله يسلمك
حازم : شصار شلون تصاوبت
تيمور : اعداء الي بالشغل وسببولي هل حادثه
حازم : الحمدالله من طلعت سالم منهاا
تيمور : ياسلامه ماكدر حته اتحرك الضربه بظهري.
حازم : تتحسن حالتك مرور الوقت المهم عايش.
تيمور : اي
بقو اهلي يمه يسولفون علي يحجي ويباوعلي بنظرات تخوف ماعرف ليش صار ميردني من عرف بمسلم جاي شاك بيه هوه الي سوه هل حادث.
طلع الكل من الغرفه بقيت اني يمه ينام بالمستشفى والصبح يخرجونه للبيت بقه صافن يباوع للزكف اني كاعده علئ القنفه لامه رجليه علئ صدري وهم صافنه.
تيمور : اااخ
باوعتله جان يتألم من ظهره ميكدر يتحرك ابد يريد بس يشيل نفسه شويه ميكدر كمت من مكاني ورحت يمه
_لاتتحرك تتأذه
تيمور : ظهري وكف اريد بس اتحرك شويه
_اصبر هسه اساعدك
دنكت عليه لزمت المخده الوراه خليتها شويه عاليه خليت ايدي ورا ركبته ودنكت عليه اساعده يتحرك شويه
صاار وجهي حيل قريب من وجهه هوه طول ما اني قريبه منه يباوع لكل جزء بوجهي.
خليته يرفع راسه شويه عض شفته بالم سحب نفس قوي.
_اصيح الدكتور
تيمور : لا هسه ارتاح
_تمام
تيمور : انطيني مي.
اخذت بطل فتحته اله وانطيته اخذه من ايدي وشرب ورجعه الي خليته ع ميز بقه يباوعلي
_محتاج شيء بعد؟
تيمور : لأ
هزيت راسي بأي درت وجهي اريد ارجع اكعد لزم ايدي درت وجهي اباوعله.
تيمور : اكعدي يمي لاتروحين هناك.
بقيت صافنه بوجهه بلعت ريكي بتوتر كعدت علئ طرف السرير يمه لزم ايدي يباوعلها ابتسم بهدوء وكال.
تيمور : تدرين شنو كالولي قبل لاتصير الحادثه.
_شكالو
تيمور : راح نقتل عصفورتك هههه
_انَـت موو انطيتهم الفلوس شيريدون بعد
تيمور : معاندهم اني يردوني ارجع اشتغل وياهم وامشيلهم هل ممنوعات عرفوج نقطه ضعفي ويردون يستغلوني علئ هاي النقطه
_شراح تسوي هسه
تيمور : اطلكج
فتحت عيوني مصدومه بلعت ريكي بتوتر سحبت ايدي عنه واني ضايجه
تيمور : خلص اني وياج مانرهم سويه انتِ انجبرتي بيه انجبرتي بهل زواج كله ولايوم حسيتي بشي اتجاهي ليش احارب وليش خاسر حياتي وعائلتي ع انسانه هيه اصلاً ماتحبني كرامه ماكوو؟ لا والله اني عمري ماخليت بشر يدوس ع كرامتي بس يمج جنت اتنازل لخاطر عيونج كلشي سويت بس خلص اني استوعبت وافتهمت تفكيري غلط بغلط
اريانا شوفي تيمور موو مثل ما انتِ راسمته بخيالج اني موو حاقد موو فاسد ولا احب اشرب كحول ولا اهدد بنات
هذني كلهن موو اني بسس انجبرت اسويهن غصباً عليه سويتهن ثقي بالله اني كلشي اسوي واتصرفه خارج عن ارادتي.
يحجي وهوه مركز بعيوني نزلت راسي متوتره ماعرف شنوو اجاوبه كلامه خلاني احتار.
هوواي اذاني وخلاني اكره حياتي بس بعد الصار صرت اخاف عليه واهتمله.
تيمور : اطلكج باجر اول ماطلع من المستشفئ يجي المحامي للبيت ونطلك رسمي.
_اني.
تيمور : اعرف كلشي ميحتاج تحجين.
بقيت ساكته ماعرف شنوو احجي جنت حيل مصره ع طلاك ليش هسه من وافق صرت ماريد اطلك واريد ابقه وياه.
تيمور : روحي نامي تاخر الوقت وانتِ تعبانه
_تيمور
تيمور : روح تيمور
_عوف موضوع الطلاك هسه
تيمور : ليش
_انتَ مريض ومتكدر ماريد الناس تحجي عليه تكول عافته لان مكسر.
تيمور : ههههههه عادي وشنوو يعني خليهم يحجون اخر همي الناس
_بس
تيمور : اريانا
_هاا
تيمور : احبج وحق هاي عيونج الي ماشوف غيرهن.
توترت كلش وخجلت دنكت راسي مجاوبته لزم ايدي باسها وهمس.
تيمور : ماريد أذيج اكثر اريدج ترتاحين بحياتج لاتهتمين لمرضي وضعي نطلك ومجهز الج سفره لتركيا تبقين هناك يم خالتج أمان عليج محد يعرف مكانج.
_انتَ منين تعرف خالتي؟
تيمور : هههه اريانا بابا كلشي اعرف عنج اني ابسط الامور اعرفها.
_اي مافايا بعد ماعليك عتب
تيمور : هههههههه اااخ بوويه.
_اريد افهم ع شنوو تضحك هسه وفتحت جروحك مسويه نكته.
تيمور : تقربيلي تعاي
_شكو
تيمور : تعاي اشاورج
فطيره صدكت كلامه دنكت راسي عليه اريد اسمع شنوو يكول مد ايده ورا ظهري خلاني وكعت عليه خفت توترت كلش.
_شدسوي انتَ موو مريض
تيمور : اخر يوم سويه
_مانطلك ماعوفك
تيمور : ليش عود ترديني بحياتج صرتي تحبيني هاا هااا اعترفي.
_ماحبك ولا راح احبك بيوم بس كاسر خاطري لأن مريض
تيمور : اييي صدكتج
دنك راسه علئ ركبتي يشمهااا بقوه غمضت عيوني بتوتر خليت ايدي ورا راسه.
_تيمور
تيمور : ادمنتج اني ادمنت ريحتج
_كافي تيمور لايدخل شخص
تيمور : بس شويه.
بقه يحرك براسه وهوه دافن وجهه بركبتي وبين شعري يشمها ويبوسها بهدوء فزينه من اندك الباب
طفرت وخرت عنه واني اعتدل بشعري دخلت الممرضه تافف تيمور بضوجه
انطته علاج شربه عافتنه وطلعت باوعلي وهوه مبتسم اشرلي لحضنه ارجع رفعت عيوني بملل كعدت ع قنفه اباوعله.
تيمور : تعاي
_اخذك الواهس شنوو
تيمور : الجربايه جبيره تعاي نامي يمي
_كل عقلك انتَ متصاوب عوف هل سوالف تيمور
تيمور : هاي الجهه متصاوب بيها معليج ماتأذه تعاي هنا كومي
_ماريد هنا مرتاحه بعدين احنه موو راح نطلك مايصير انتَ طليقي
تيمور : هههه كومي خليني اخذلي منج ليله وداعيه مناسبه طلاقنه.
_انتَ واحد سخيف.
تيمور : تدرين انتِ دخلين جهنم
_ليش عيني
تيمور : لأن اني زوجج والي حقوق عليج ومانعتني منج اسالي وين ماكان الزوجه اذا ماتنطي كلشي لزوجهاا تحصل حرام حته مذكور بالقران.
_ليش انتَ تعرف القرآن قاري؟
تيمور : جا شكالولج عليه كافر !
_صديق الكافر
تيمور : هههههه تعاي حبيبتي كومي يروح تيمور لوو تفرين العالم كله ماتلكين مثلي زوج صالح ومؤدب ورومنسي ويحبج لازم تصلين شكر لربج كل يوم لأن اني بحياتج.
_اووي فدوة شكد واثق من نفسك انتَ شنوو السويته الي دمرت حياتي كرهتني بكلشي
اختفت ابتسامته من حجيت هيج هز راسه بأي وسكت.
حسيت نفسي زعلته نازله عليه محبه وتعاطف مدري منين وين اريانا الجانت تكره تيمور هسه تفرح من تحجي وياه.
_راح اطفي الاضويه وانام تريد شيء
ماجاوبني دار وجهه عني ابتسمت علئ تصرفاته كمت طفيت الاضويه مال الغرفه بقه ضوئ خفيف يدخل ع غرفه من برا.
اباوعله صافن ممغمض عيونه تقدمت نحوه وكفت يمه
_يلا وخر اريد انام
تيمور : روحي نامي ع قنفه
_اوك
درت وجهي لزم ايدي بسرعه وكعت علئ السرير كعدت
تيمور : اتشاقه تعاي هنا هذا مكانج فارغ.
رفعتله حاجب ممقتنعه ابتسملي كرص خدي وباس ايده
تحرك شويه نزلت المخده اله نزل راسه عليها مدلي ايده بقيت اباوعله ابتسمت تمددت علئ ذراعه
لف ايده ظهري يقربني لجسمه صارر راسي علئ صدره رفعت راسي اباوعله دنك باس خشمي بخفه.
تيمور : تدرين شنوو اتمنئ هسه
_شنوو
تيمور : ابقه مريض
_ليش؟
تيمور : حته تبقين يمي طول الوقت وتهتمين بيه تحسسيني بحبج
_انتَ واحد مخادع عبالك انغش بسوالفك
تيمور : خليتج طحتي بشباكي وتورطتي بعدد متكدرين تسوين شيء.
_تيمور
تيمور : روح تيمور.
_احلف انتَ هسه متشتغل وياهم
تيمور : وعيونج الماعندي اغله منهم ماشتغل وياهم هسه كلشي خلص من سنين اريد بس اتخلص منهم اني غلطت مره وماراح تنعاد مرتين.
خليت ايدي علئ خده اباوعله بقهر عيونه تلمع من الفرح.
_تعبت هوواي خلصت طاقتي والله لاتحطمني اكثرر بصعوبه كدرت اسامحك واكون وياك بهل لحظة تيمور هوواي اذيتني هوواي متتخيل شكدد شايله بگلبي عليك
تيمور : مالومج شما تسوين وتحجين الج كل الحق بس ثقي بيه هل مره تيمور يحبج يعشق كلشي يخصج مايأذيج ولا راح يسمح لبشر يأذيج كلشي بالماضي خلص وحياتنه راح تبدأ من اليوم.
هزيت راسي بأي واني ابجي دنك علئ خدي باس دموعي حرك خشمه علئ خدي يهمس بهدوء
تيمور : اعوضج عن كل لحظه موو حلوه عشتيها وياي اخليج تحبيني اكثر من حبي الج بهواي.
هزيت راسي بأي واني ابجي ضمني لصدره باس راسي.
تيمور : لاتبجين كافي
لفيت ايدي علئ بطنه خليت راسي علئ صدره واني ابجي ماعرف التصرف السويته هسه راح يدمرني اكثرر لوو يصلح كلشي
جنت اكدر اعوفه واشوف حياتي ليش بقيت وياه معقوله صرت احبه واريده
صاار يمسح علئ شعري بهدوء غمضت عيوني بتعب نمت بدون ماحس.
كعدت ثاني يوم علئ صوت الدكتوره تكعد بيه فتحت عيوني بتعب
الدكتوره : صباح الخير عيني ميصير تضايقين المريض هوه مسوي عمليه.
بلعت ريكي بفشله كمت من مكاني وكفت اعدل ملابسي وشعري.
_هوه اني نمت مادري.
مجاوبتني راحت ضربتله ابره بالكانونه هوه نايم ميدري
خلصت الابره عافتنه وطلعت شويه ودخل ساهر للغرفه هوه وام تيمور.
ساهر : صباح الخير
_صباح النور
ساهر : كملت اوراق الخروج نكدر نطلعه
_بعده نايم
ساهر : كعدي اني هسه اشوف الدكتور وارجع
هزيت راسي بأي عافنه وطلع ساهر راحت ام تيمور كعدتته فتح عيونه بهدوء ابتسم اول ماشافني يمه.
تيمور : صباح الخير
جنان : صباح النور حبيبي شلوون صرت خما يأذيك الجرح
تيمور : طابت كل جروحي لبارحه
جنان ; الحمدالله اخوك كمل اوراق الخروج هسه شويه ونطلعك.
تيمور : أي احسن متكسر هنا.
هزت راسها بأي بقه يباوعلي تكول هاي اول مره يشوفني خجلني كلش استحيت من امه تباوعلي بغضب وهوه صافن بوجهي
شويه ودخل ساهر وجايب وياه عربانه اجه ساعد تيمور كعداه بيها.
طلعنه من المستشفى ورجعنه للبيت خلو تيمور ورا يتمدد علئ ظهره لان ميكدر يكعد هوايه.
كعدت ام تيمور بالصدر اني وين اكعد بقيت واكفه واباوع
تيمور : تعاي يمي
جنان : تجيب تكسي وتجي ورانه
تيمور : شنوو تكسي تعاي ادخلي يمي بحضني تكعد
ساهر : مريض ترا انتَ مررريض موو صاحي
تيمور : معليك لاتدخل تعاي اريانا
بقيت اباوعله بتوتر دخلت بالسياره كعدت ع طرف خله راسه علئ رجليه ورجليه مددهن ع جام.
تيمور : خلي ايدج براسي
_تيمور شبيك امك اخوك موجودين
تيمور : وشعليه بيهم غير زوجج ومريض وتعبان شوفيني حته ماماكل
غلصت عيوني مراضيه لزم ايدي خلاها براسه بقيت احرك بيها بشعره صعد ساهر وامه وساق
رجعنه للبيت طول الطريق الصمت سيد الموقف ولاشخص فتح حلكه.
وصلنه للبيت بسرعه لان المستشفى مو كلش بعيده علينه شي ربع ساعه.
نزل ساهر وامه فتحو الباب نزلت اني ساعدنه تيمور ينزل بالعربانه بصعوبه ميكدر من ظهره يتالم هوواي
لزمت العربانه اني ودخلناه للبيت انصدمت صدمه عمري من شفت اليان كاعده ع قنفات ومخليه رجل ع رجل
