رواية فصلية ولكن الفصل السادس والعشرون بقلم سوزان ليث
حياة: طبعا اني اسوي هالحركات واني بس اريد اضحك لان خالد احسه بعد شويه يكوم يهجم عليه وماعدا رغد الي عيونها بس عليه وعلى خالد ونوب خالد كلسع ياشرلي تعالي للغرفه واني ماقبل ظاله هنا بس حتى اشوفها لرغد الي يوميه تحير شسوي بنفسها بس حتى تجذب خالد وميعبرها يعني صراحه اني هم جنت مشتاقه لخالد كلش بس حبيت العب قبل ماطفي هذا الاشتياق
ظلينا بس 3 كاعدين واني مسويه نفسي اباع تلفزيون وخالد ظل جكاره وره جكاره ورغد تباع علينا بالاخير كامت طلعت من الهول
خالد: ماصدكت رغد دكوم وتعرفني وحدي ويه هاي البلوه الي كاعده تتدلع عليه
ظليت اسويلها بس بس
حياة: نداريت عليه رفعت حواجبي بمعنى ها شكو
خالد: اليوم اموتج والكعبه
حياة: هههههههه ضحكت وجريتها للضحكه
جان تفوت رغد شايله فواكهه كعدت بصف خالد تكشرله وتنطي
اني شلت تليفون سويت نفسي العب بي واضحك عساس احد ديراسلني
صعدت راسي لكيت خالد ورغد يباعون عليه شكلهم يخرب ضحك خالد الي بس شويه ويهجم عليه من حبه الي واشتياقه ورغد تهجم عليه من حقدها عليه
مدرت بال ظليت العب بتليفون واني جنت العبه مال مكعبات اللوان
جان اجاني مسج فتحته لكيته خالد دازلي 💬 شعلتيني شعل
اني ضحكت وباوعت عليه دزيتله 💬 مشتاقتلك كوووومه
جان وصله المسج لخالد بس قراه تنهد تنهيده حركني حرك بيها حتى نقهرت عليه من وره هاي تصرفات عاد كمت جان هو من يمه وين
كتله حنام نعست
خالد: بعد وكت
حياة: لا ارديا ضحكت على شكله كتله مو نعست حروح انام يله تصبح على خير
عفتهم ورحت لغرفتي رحت للكنتور طلعت سيت نوم ولبسته رحت عدلت نفسي ورشيت عطر ورحت كعدت عالجربايه ظليت احسب 1 2 3 داشوف شكد يطول ويجيني لل 8 دخلي خالد
خالد: راحت حياة لغرفتها واني ظليت كاعد على اعصابي اريد اكوم. اروح يمها عاد رغد كلتلي محنصعد نام نداريت عليها كتلها اليوم انام يم حياة
رغد : ليش اليوم ليلتي
خالد: صار ليلتين وحده وره اللخ انام يمج اليوم يمها حتى تتساون
كمت اللزك بالحجي عاد كتلها يله صعدي نامي اني حروح انام عفتها ورحت لحياة دخلت لكيتها متحضرتلي وكاعده تنتظرني كانما تعرف حجي وراها
ولج هاي المن لابسه هيج
حياة: كمت من مكاني ورحت يمه خليت ايدي على ركبته كتله غير الك
خالد: مو تعرفين اليوم ليله رغد ليش هيج تعذبيني
حياة: متريد ملازم .. نزلت ايدي منه وسويت نفسي دارجع للجربايه
خالد: تعالي جريتها وحضنتها من وره ولج مخبله انه ماصدكت متعرفين شكد مشتاقلج
حياة: اني هم كومه مشتاقتلك
خالد: اويلي يابه تموتيني بهذا دلعج
حياة: تحبني
خالد: كمت ماكدر اشوف دربي من وره هذا الحب
حياة: منو يكول صدك تحبني
خالد: تعالي خل اشوفج شون احبج
حياه : اوكف حبيبي داكلك فدشي خل روح لبغداد مثل ذيج المره ونبقى وحدنا
خالد: اويلي يابه مو تدللين ياعمري انتي
حياة: شوكت روح
خالد: خل اخلص باجر شغلي واكمل ونطلع على عكبه
حياة: بس مو روح هناك ودكلي لازم نرجع وعدي شغل ترى ابقى هناك اني وحدي
خالد: ولج مخبله اني اعوفج وارجع شبيه اسودنت
حياة: تعال :: جريته وكتله خل نتفرج فلم
خالد: بت الاوادم يافلم
حياة: خالد بعد وكت تعال صارنا هواي ممتفرجين فلم سوه
خالد: واني صاير فلم تعالي
حياة: طبعا ماكدر اقاومه اكثر اخذني ورحنا اني وياه بغير عالم كانما جنت تايهين وتلاكينا حسسني بشتياقه الي واني حسسته شكد مشتاقتله و💏
ظليت اليل كله حاضنته ونايمه ومجنت اريد هاليله تخلص احبه كلش واريده بس الي ومتندمه لان قبلت بي يزوج عليه مجان لازم اسمح بهذا الشي لان ماكو وحده تسلم حبيبها لمره غيرها ينام بس ظليت اباع على وجهه والعب بشعره احس صالي هواي مشايفته
واريد اشبع منه
صبح كعدت على فشي على خشمي وكلسع اوخره ويرد يجي على خشمي فتحت عيوني لكيت خالد ديمشي شعري على خشمي
خالد: صباح الخير كافي نوم كسوله
حياة : صباح النور ساعه بيش
خالد: ساعه ب 10 ونص
حياة: وو حيل شعجب مطالع ماعدك شغل
خالد:والله جان عدي بس الصبح شفتج شون نايمه ماكدرت اعوفج واروح
حياة : مممم
خالد: كومي يله سوينا ريوك خل ناكل اني وياج
حياة: اوكي هسه
كمت منه وهو كلسع يضربني من مكان معين ويكلي صاير يخبل هذا
رحت غسلت وكملت طلعت بدلت ملابسي وكلتله حطلع اسوي ريوك
طلعت للمطبخ لكيت خالتي كاعده تسوي بالغده وامل دتنظف وايه كاعده تساعد خالتي
صباح الخير
اصباح نور هايمه اليوم تاخرتي مو عوايدج
اي خاله والله ماحسيت الا من خالد كعدني
هازين عبالي بيج شي وتاخرتي
رحت طلعت بيض سلكته واكو اجبان هم خليتهن وسويت جاي جديد وصبيته اجه خالد كعدنا ناكل جان خالتي دكله
خاله: لازم البارحه سهران كاعد هيج وكت
خالد: هههه اي يمه جنا سهرانين وغمزت لحياة😉
حياة: عزه اني هو كال هيج اني بس اريد اختفي شكد استحيت من خالتي وايه ونوب رد كللها حياة مخلتني انام البارحه وفد حجي وراها اني حسيت اطرافي جمدت من الخجل
ظليت اضرب بي برجلي من جوه الميز بس هو مابطل كلسع ذابلي حجابه كدام خالتي
كملنا ورحت اشتغل للعصر جنت كاعده جوه يم خالتي نزلت رغد مبدله والمكياج ضاربته فخالتي سئلتها هاي وين
كلتلها خالد خالد خابرني وكلي بدلي حطلعج صالج كومه مطالعه
وظلت تباع عليه بحجيها تريدني اضوج
اني سويت نفسي مضايجه بس من جوه اريد احترك صح مرته بس عمايلها ويايه ابد مانساها وخالد عرف هي الي قفلت الباب عليه متاكده اني بس كلشي مسواه
تالي عفتهم وصعدت يم امل بغرفتها شافتني ضايجه
عاد سولفتلها بس امل ظلت دكلي هي حيه ومتعرفين تطلع هي الي مخابره ابويه وكايلتله على شي حتى يطلعها والا ابويه ميكلبها
ظلينا اني وياها نسولف لحد مخالتي صاحت علينا ننزل نسوي عشه
نزلنا نسوي عشه وخالد ورغد ماكو من العصر لحد هسه عاد امل حست عليه كلسع اباع على باب الكراج كلتلي متخابريه لابويه وتعرفين وينه
كتلها ماريد بعدين يكلي واضوج ماريد
عاد كملنا العشه فاامل سئلت خالتي على ابوها يجي يتعشه
بس خالتي كلتلها لا يتعشه بره
اني ظليت افكر يعني معقوله هيج هو اصلا البارحه كلي ماطيقها وماريدها بس يتعامل وياها زين حتى لايظلمها لان مالها دخل هي معقوله طلعها لان طلعني قبلها حتى يعدل بينا
ظليت بس اباع عالتلفزيون بس اني بالي مو يمه ابد حتى اكل مااكلت يعني احس غيرتي لخالد حتموتني
لليل جنت كاعده بالغرفه دخل عليه خالد
اني باوعت عليه كتله حمدلله عالسلامه بعد وكت
خالد: الله يسلمج تقربت عليها وكعدت يمها عالجربايه
شبيج
حياة: مابيه ( بعصبيه)
خالد: ليش ضايجه
حياة: مضايجه على شنو اضوج تونست بطلعتك انت ومرتك
خالد: طخت عندي هاي ضايجه لان طالع ويه رغد ضحكتني
حياة: اي اضحك مو حجيت نكته
خالد: شبيج ولج شنو هاللسان
حياة: لعد لتحجي ويايه اذا ميعجبك لساني
خالد: اني اذا ميعجبني اكصه مو اعوفه
حياة: 😒
خالد: كومي حضريلي العشه
حياة: مو متعشي
خالد: لا ماكلت زين كومي يله
حياة: كمت من عده واني افور من تصرفاته رحت حميت الاكل واخذته بصينيه ورحتله خليته كباله
خالد: تعالي اكلي ويايه
حياة: ماريد ماشتهي
خالد: دتروح لزمتها من ايدها وجريتها بحضني .. شبيج يولي ليش ضايجه مني
حياة: ظليت ادفع بي اريد اكو من حضنه بس هو مجلب بيه
مضايجه عوفني اكوم
خالد: حياة لتسويني عصبي كليلي شبيج
حياة: كلتلك مابيه عوفني دتاذيني هدني
خالد: مسئلتيني وين جنت
حياة: ماريد اعرف
خالد: هههههه مخبله شبيج
حياة: ماريد اعرف وين جنت انت وست الحسن بس انشاءالله ونستها لان شفتها ضايجه
خالد: ههههههه اي عرفت سالفه هيج كلت هاي رغد شكايله وخالتج شبين نار
حياة: 😒 عوفني داكوم
خالد:انتي مو كلتيلي اريد اروحن لبغداد
حياة: وشدخل هذا بهذا
خالد: لعد شون اذا اخذج لبغداد امي حجلب الا اخذ رغد ويايه ماتعرفين امي
عاد خابرتها كتلها بدلي حتى اوديج لاهلج وديتها لاهلها وابوها ماقبل الا اتعشه يمهم بقيت يمهم وراها جيتج حتى نروح لبغداد ومحد يزعجنا هنا ك
حياة: ظليت مدنجه يربي باع هو شون يفكر واني شون افكر
خالد: بعدج زعلانه
حياة: هزيت راسي لا
خالد: يله تعالي تعشي ادري متعشيتي ظليتي تاكلين بنفسج
حياة: خالد والله مو بيدي اموت اذا شفتها قريبه عليك مداكدر اتحمل
خالد: ادري ياعمري انتي بس اتحملي شويه لحد مالكه حل لان اني هم مداكدر اتحمل اظل هيج
ثاني يوم رحنا لبغداد ظلينا يومين وصدك نفسيتي كلش رتاحت وتمنيت ابقى مابقى مكان مرحت بي كلش تونست اني وياه
رجعنا للعماره ثاني يوم من وصلنا خالد اجاني وكلي
خالد: اليوم ابو محمد رجل عمتج خابرني
حياة: اي عمتي هم خابرتني
خالد: باجر اوديج تكملين كلشي حتى تخلصين لا كلسع واحد داك عليج
حياة: هو منو يريد الورث غير عمامي عبالهم مادري
خالد: يردوا ميردوا انتي مامحتاجه شي منه بس بكيفج انتي شسوين سوي
حياة: ماحب هاي سوالف ابد بعدين خالد انت توديني وترجع متبقى ويايه
خالد: لا يابه شون اعوفج ابقى وياج اذا كملت باجر كملت مكملت اني عندي واحد يكملها
فعلا ثاني يوم رحنا لبيت ابويه لان عمامي يردون يعرفون شحسوي باملاك ابويه مع العلم كل واحد من عمامي عده اشكال واللوان بس دايما عينهم على ابويه لان ماعده ولد بس اني وبرأيهم البنيه ضعيفه يكدرون يسيطرون عليه بكل سهوله
لما رحنا لبيت ابويه العصر عمامي كلهم اجوي وظلو يحجون هذا الي يكلي بيعي كلشي هذا الي يكلي لازم يتوزع الميراث اني ظليت بنصهم ماعرف شحجي وحتى ماعرف لازم شسوي فجاه صارت عليه مسؤوليه كلش جبيره خالد ابد متركني هو الي جان يحجي بدالي حتى عمتي ظلت ويايه
بهذا اليوم شفت لعمامي وجهه جديده مجانو هيج من ابويه عايش عمي ابو حمزه ظل يكول اني ماريد شي وهاي بنيه عافها امنه عدنا وحجي كومه خلاني شويه افرح لان حجه هيج طبعا حمزه جان كاعد ويه ابوه ومن داريد افوت اكعد يمهم خبلني خالد عدلي حجابج سوي هذا لابسي هذا كله لان شاف حمزه كاعد تخبل وماعده الكعده كله خازره
قبل ميطلعون كلولي فكري وردينا خبر فراحو بقيت بس اني وعمتي وخالد
ظليت صافنه ماحجي افكر شريد اسوي عمتي كلتلي
عمتي : شحسوين وياهم
حياة: عمه مادري ماريد ابيع شي من املاك ابويه
خالد: مامجبوره تبيعين شي
حياة: دنجت راسي كمت ابجي جنت كلش مختنكه
خالد: ليش هالدموع ياعيني
حياة: كلهم من جان ابويه عايش ميكدرون يحجون بس هسه
عمتي : لا تبجين جنت دايما اكلج عليهم ولج اني اعرفهم كلش زين من مات ابويه جدج هم وكفو ميقبلون ينطون شي لبناته لولا ابوج وكفلهم يله نطونا نصيبنا
خالد: حياة ارجع اكلج ممجبوره تبيعين كلشي ماشي
حياة: لعد شسوي كلي
خالد: هو بس 2 من عمامج يردون ورثهم مو ابوحمزه كلج اني ماريد عماتج دازين خبر ميردون شي فلاتخافين تنحل .. حروح هسه اني عندي جم شغله اكملها واجيج تردين تبقين هنا لو نرجع
حياة: خل ابقى انظف البيت صاله هواي ممنظف
خالد: لعد حروح اكمل شغلي وارجعلج
طلعت من حياة خابرت حميد كلتله شكد عده فلوس اريدهن حتى اخليهن ويه العندي وانطيهن لعمام حياة مقابيل ورثهم بس مجنت اريد حياة تعرف كملت شغلي وخابرت ابو محمد حتى يوصللهم خبر لعمام حياة رجعت اخذت عشه ورجعت لحياة فوصلت شفت واحد يدك بالباب جانت ظلمه شافني وركض بعدين انتبه عليه هذا ...
حياة: لما راح خالد بقيت اني وعمتي صراحه ظليت افكر يعني ابويه جان عده فلوس بالبنك صحيح بس خالهن باسمي حتى امي من ماتت جانت عدها ورث من ابوها كلها خلاها باسمي بس متكفي اوزعها بدال الورث ابويه تعب كلش بين مشتره كل شغله عدنا صح جدي جان متمكن وعده اراضي واملاك هواي بس ابويه هو الي بنى نفسى هو الي اشتغل وسوه واشترى كلشي حتى ورث جدي ماقبل ياخذ شي منه وزعه على خواته
بعدين عمتي كالت حروح لبيتي اسوي عشه لرجلها وابنها وترجعلي
فراحت وره شويه ندكت الباب اني عبالي عمتي رجعت
لان وقت كلش قليل على طلعت عمتي ودكت الباب
طلعت للكراج كلت منو
اسمع واحد يكلي اني حياة فتحي
ظليت اكله انت منو صوته مو غريب بس ردت اتاكد
كلي حمزه اني
اني تقربت يم الباب بس مفتحتها كتلها هاحمزه شتريد
حمزه : فتحي حياة شبيج داريد احجي وياج
حياة: حمزه ماكو احد بالبيت
حمزه : اعرف ماكو احد دفتحي
حياة: تحجي شتريد لو تروح اذا شافك خالد صير مصيبه
حمزه : حياة ادري انتي زوجتي علمودي بي هسه الوضع اختلاف اني حجيت ويه ابويه حتى نخلي خالد يتركج
حياة: ظليت متفاجئه شنويعوفني شبي هذا .. حمزه شنو هالحجي ترى زودتها روح احسلك ومنو كلك اريد اعوف خالد
حمزه : اعرف انتي دسوين هيج بس حتى ضوجيني تعرفين بيه احبج واغار عليج
حياة: اني ظليت مصدومه بكلامه .. لا انت صدك تخبلت ياحب شنو هذا الخريط روح بابا لا والله يجي خالد واكله على جيتك هاي وحجيك ويعرف شون يتصرف وياك
ماسمع الا صوت سياره وكفت يم الباب وصوت خالد يكول اوكف اوكق ساقط
اني هنا ردت. اموت خالد شاف حمزه واكف عزه شحيسوي والله يرتكب جريمه هسه اني ظليت واكف وره الباب لحد مخالد دك الباب بقوه عرفت هوه
رستا فتحتها
تفاجئت بخالد سد الباب كل قوته ولزمني من ايدي عصرها قوي
خالد: اشتعلت نار لما شفت الكلب حمزه واكف يم الباب شديسوي هذا هنا وشيريد وديشوف سيارتي ماكو يعني اني مو بالبيت بس فتحتلي الباب حياة واني احس تنفسي اريد اموتها
.. ولج هذا شعده واكف يم الباب شيريد
حياة: اني ظليت ارجف من خالد مع العلم اني ممسويه شي بس جنت خايفه كلش منه .. خالد بس اهدء اني افهمك
خالد: اني اني جنت دافور ظليت اعصر بايدها حيل .. احجي لتخليني اتصرف وياج غير تصرف شعده واكف يم باب جان يسوي
حياة: ظليت امتمت بالحجي نوب حجي الكولها ممربط بعض جنت ارجف منه واني اشوفه صار احمر دم وصاك سنونه بعدين جرني فوتني جوه ظل يدور عمتي
كتله عمتي راحت لبيتها هو هنا صدك تحول ظل يجيبني ويوديني منا ومنا ويهز بيه ولج هذا السكط ابن السكط شعده هنا اليوم اشرب من دمه ظل افشار واني ايدي رادت تنخلع
ظليت ابجي واكله والله مالي ذنب حتى مافتحت الباب اله
ظليت احجي بس هو احسه كام ميشوف من العصبيه
كلي تحجين شعده هنا لو افرغ المسدس براسه اروح
كلتله هو اجه دك الباب واني كلتله ماكو احد بس هو ظل يكلي اريدج وحطلكج من خالد بس والله اني رزلته وجنت ناويه بس ترجع اكلك عليه
هو هنا فك ايدي وظل يمسح بوجهه واحس ضغطه فول فتح الباب وطلع واني اركض وراه احجي وين رايح خالد بس
اني جنت خايفه ليروح يسوي شي نوب راح للسياره طلع مسدس منها اني واكفه يم الباب نوب بلا حجاب واصيح عليه هو شافني هيج اجه عليه دفعني جوه وسد الباب وكلي ديري بالج طلعين واني اعلمه هذا الك.....
اني بس ابجي ركضت خابرت رجل عمتي كتله الحك خالد حيخلص على حمزه
شويه وجتي عمتي عليه احجيلها واني ارجف رجف واتوسل بيها تروح شوف صار
نوب اسمع هوسه وصار صوت طلقات اني هنا وكعت بالكاع وكمت الطم وابجي وعمتي ظلت تخابر رجل عمتي وعلى ولدها ومحد يجاوب فتحت الباب مدت راسها دكول هوسه كلها زلم يم بيت عمج مداعرف ديصير
عمتي ظلت تلوم بيه لان حجيتله لخالد وظلت دكلي لو كايلتله اجه يريد عمتي
نوب اني كتلها ماكدرت هذا حمزه بس شاف خالد راكض
كتلها ماكدر اشوفلي جذبه ماشفتي خالد شون جان عصاب
ظلينا هيج بهذا القلق فوك الساعه ومانعرف الي ديصير
ندكت الباب دخل خالد وجهه ميتفسر ورجل عمتي ولد عمتي وياه بالكوه لازمي ونوب المسدس بيده بالكوه رجل عمتي اخذه من عده و نطاني ياه كلي ظمي هذا اني ظليت واكفه بعيد اخاف اتقرب على خالد بس دموعي تنزل
خالد: ماتحملت من شفت هذا .... يم الباب واكف ظليت اريد اعرف جابه لهنا لمن حجتلي حياة وفوكاها جاي ويكللها ادري ماكو احد بالبيت اني هنا انتهيت كلتله كتلته على ايدي هذا ال..... طلعت اخذت مسدسي من السياره لان اني دايما اشيله ويايه كمت ماشوف دربي ركضت على بيته ظليت ادفر بالباب اذا زلمه اطلعلي لا تشرد مثل النسوان شويه وشفت عمام حياة ورجل عمتها داير مدايري وظلو يهدون بيه بس اني جنت منتهي على كتلته لهذا السك.... ونوب طلع ابوه هو ابو راهي عليه وفوكاها يكلي اي احنا دريد نجيك حتى تترك حياه حتى لو ندفعلك فلوس وتعوفها هاي بتنا
اني هنا من صدك وجهت المسدس على ابوه داضربه بس رجل عمه حياة رفع ايدي فوك وطلقات طلعت بالهوى
كتله كلمه وماثنيها كتلت ابنك على ايدي هاي وخلي شارد مثل النسوان الزمه الزمه وهاي عملته والله وهذا شاربي ماخليه بوجهي اذا تفوت هيج سالفته
وظلو يهدون بيه وعمها طبعا ماسكت ظل يكلي ناخذ بتنا منك غصبا ماعليك وهي متريدك وباقيه وياك تخاف منك وشوف اذا ماسويها كعدت عشاير واخليك طلكها
كتله :: حرمتي لا جيبها على لسانك والي يجيبها على لسانه اكصه اله
وتريد سويها كعدت عشاير دكيت على صدري وكتله انه جاهز جيب عمامك وتعالي وشوف شيخ خالد شيسوي
وابنك خاف ذيج المره فوتتله عملته هالمره بس الموت يخلصه مني
ظلو يجرون بيه ومنا ومنا بالكوه رجعوني لبيت ابو حياة بس جنت دافور واحس ضغطي علك
رجعت اني ظليت كاظ المسدس بيدي بالكوه اخذوا مني ظل يحجي ويايه ابو محمد واحسبها عليه وهذا زعطوط لاشوفه مشورب
ومرتك تريدك ومحد اله دخل بيكم ومن كلي شوف مرتك شون خايفه عليك رفعت راسي على حياة لكيتها واكفه بعد عني وتبجي اني هنا استغفرت الله وهي مالها ذنب وماتحمل اشوفها هيج تبجي كمت من مكاني رحت يمها لزمت راسها
.. لا تبجين كافي مصار شي
حياة: اني هنا انتهيت كمت اشهك وابجي بزايد هو خله راسي على صدره وظل يكلي
خالد: كافي بويه مصار شي ادري خوفتج انه اسف كافي تعرفيني من يوصل الموضوع يمج ماتحمل
حياة: والله اني معليه هوظل يدك بالباب
خالد: ادري ياعمري تعرفيني واثق بيج بس ماتحملت
عمتي : يله لعد خل روح نعوفهم وحدهم مادام هدت النفوس
حياة: طلعت عمتي ورجل عمتي ولدهم وظلت عمتي تحجي ويايه احجي ويه خالد وهي هم حتحجي ويه عمي
رجعت لخالد لكيته ديدخن من شافني اشر على المكان البصفه وكلي تعالي يمي
رحت يمه لزمت ايده .. تعرف كلبي راد يوكف من سمعت طلقات عبالي صار بيك شي
خالد: لتخافين مصار شي بس ردت اطشر راسه لعمج
حياة: خالد اذا صار شي بيك اني شسوي كلي منو الي يعني لا ابويه ولا امي ونوب انت هم ماكو والله اني اموت واخلص كمت ابجي
خالد: حضنتها كافي ياعيني دشوفيني كبالج مابيه شي ولج اني اليوصل صوبج اكص رجليه انتي بس الي افتهمتي
وسالفه ورث بس خل تخلص وتكطعين علاقتج ويه عمامج كلهم
محد اله دخل بعد بيج
حياة: ظليت مدنجه وساكته
خالد: حياة انتي تريديني ........
