رواية فصلية بديلة الفصل الثامن والعشرون 28 بقلم ام ملكوت

شهم_ 

مر اليوم نفس الشي واجه اليوم الثاني وطلعنه سماء والطفل من المستشفى ورجعنه للبيت واستقبلونه الاهل بالهلاهل والجكليت .

.اجيت اني حامل الطفل وسماء مخلينهه على كرسي متحرك وتدفعهه امهه..

الشيخه: هلا يمه هلا بروحي هلا بيكم ..

سماء_

اخذت ايد الشيخه بستهه وهيه باست راسي ولبستني اسوارهه الذهب تالي استقبلت امي..

شهم_

استقبلتهم واجتي انطيتهه الطفل بحضنهه وبستهه براسهه وبقت تشم بالطفل وتبوس بي ..

الشيخه: افييييش ياريحت الضنى ..يمه شهم عل خير وربي يحفضه الك ويحمي من العين ويتربى بعزكم ودلالكم وليدي..

شهم: مشكوره حبيبه الله يحفضج النه يارب..

خلت وطلعت من ايدهه سلسال بي خرزه زركه وعلكتهه برقبته

وخلت بكماطه ورقه"١٥٠ الف" وباسته وانطتنيا تالي اجن باقي البنات كذلك بوسنه وهوه بيدي وانطنه هدايا وسماء راحت للغرفه نوموهه بفراشهه ورحت وراهه واشوف..

سماء_

خلصت سلام على الكل واخذتني امي وهدى للغرفه دخلت واشوفهم محضريهه ومخلين بيهه كوشه للطفل وكاروك يم الجربايه 

وكنتور صغير فتحته شفت مخليله الملابس يلي جهزهم ابوه اله ومخليلي ثلاجه صغيره على صفحه الجربايه اليمنى

البنات: لا ولو تستاهلون انتي وابن اخونه..

سماء_

خليت وتمددت على الجربايه وامي نزعتني العبايه والحجاب ولبستني كلابيه ناعمه وقصيره ومن صدرهه دلع حتى اكدر بسهوله ارضع الطفل ..

لبستهه والتفتت واشوفه واكف بالباب يباوعلي وبيده الطفل كلش استحيت منه وانحرجت خليت وتمددت بسرعه وغطيت نفسي باللحاف..

شهم_

دخلت وشفتهه كاعد يلبسونهه بقيت جامد بمكاني مادري شصارلي تدوهنت ..

حسيت نفسي مشتاق اللياليهه صار من عرفت بحملهه لحد الان ماساكن الهه ..تعوذت الشيطان ودخلت خليت الطفل بالكاروك ..

الشيخه: يله يمه خلي نطلع حتى ترتاح ترضع طفلهه شي..ويمه سماء اذا تحتاجين شي تردين نجيبلج شي كليلي ماشي يمه..

سماء: انشالله شيخه ماتقصرين..

طلعن كلهن وبقت بس امي وحلى وهوه كاعد يم الكاروك ويمسد على راس الطفل بقيت صافنه عليهم وافكر..

معقوله هذا الشخص نفسه يلي جان يعذبني ويقسى علي وماعنده قلب يرحم ..كاعد ويتامل باعضم انجازاته ..شكله ماناوي يطلع من الغرفه بعد ..

ام سماء: يمه صار وقت رضاعته حبيبتي

سماء: اي يمه جيبيليا

شفته لازم النقال ومشغول بي غطيت نفسي ورضعت الطفل دايره وجهي عنه منطيته ضهري ..

شهم_

هل مره عندت كلت ماطلع بس كلت خاف تستحي خليت وطلعت نقالي سويت نفسي مشغول بي

بس انه عيوني كل شوي تسرق نضره منهم اشوفهه شلون حنينه عليه واني اتامل يبقى هذا الحنان ويسيطر عليهه وماتعوف طفلي بيوم ..

بقه تقريب النص ساعه ورجعته امهه للكاروك وكالت سماء.

سماء: يمه جوعانه

ام سماء: اي يمه هسه اطلع اسويلج غده

شهم: لا اني طالع اهلي مجهزين الغده رايح اجيبه واجي..

خليت وطلعت بسرعه للمطبخ لكيت سمر تحضر الاكل لسماء..

_ها خويه كملتي

سمر: اي خويه هاك الصينيه

شهم: عاشت ايدج خويه ..

سمر: عوافي

شهم_

اخذت الصينيه ورجعت للغرفه ..شافتني وكعدت وخليت الصينيه على الطبله يمهه ..

اجه من قلبي اكعد واوكلهه بيدي بس استحيت من امهه جانت واكفه تنتظر ابتعد حتى توكلهه خليت ورحت يم الكاروك ورجعت اباوع لطفلي

وطلعت للمطبخ تغديت وكملت وصعدت لغرفتي سبحت وبدلت ونمتلي كم ساعه ..

سماء_

نمت وصار كل ساعتين تكعدني امي ارضع الطفل وارجع انام منا لكعدتني امي وكالت..

ام سماء: يمه سماء كعدي راح يصير مغرب مو زين عليج انتي والطفل..

سماء: اي يمه كعدت ..كمت وشغلت هيه الاضويه واخذتني للحمام وغسلت وطلعت عدلت وجهي خليت مكياج خفيف 

خاف النسوان يجولي ولبست كلابيه بس طويله وحلوه نازكه ولفيت شعري بشريط ورجعت تمددت على الجربايه وكلت لامي..

_يمه جيبيلي مرتضى يمي شويه

ام سماء: اي يمه

سماء_

خلت وجابته الي جان نايم ويتمدد خطيه جنه تعبان اجت وخلته على ايدي بقيت امسد على راسه واتامل بنعومته ولطافته شويه وكالت امي..

ام سماء: يمه سماء خالاتج يردن يخابرنج..

سماء_

كالت خالاتي واني روحي فرفحت نزلت دمعتي بسرعه وكتلهه..

ام سماء: اي يمه راح اتصل عليهن كامره وخابريهن..

خلت واتصلت عليهن واني متلهفه على شوفتهن فتحن خط وشفتهن كبالي وسمعت صوتهن واني انهاريت بالبجي اعتقد حتى صوت المناشغ طلع بره ..

مريم: شلونج يبعد خالتج شلونج يروحي انتي ينضر عيني استاقيتلج موت من رحتي راحت روحي وياج حبيبتي

سماء: يبعد روحي يطوايفي انتي والله انه متت على شوفتجن قلبي محترك على شوفتجن شلونجن حبيباتي

رشا: سماء يروحي سامحيني حبيبتي عسى كل ليله ضلمه شفتيهه بسببي تكون بيه ولا بيج يعمري..

2 تع

سماء: لا يعمري افديج بروحي اني وصدكي لو لا سمح الله انتي عشتي العشته اني جان متت الف موته مو موته وحده جان تالمت اكثر من روحي..

5 ت

رشا: والله كل يوم وبكل صلاة ادعيلج ودمعتي مانشفت عليج ابد..

سماء: يروحي وانتن هم ماغبتن عن بالي وبالاخص رشا صرتي مصدر الصبر عندي ودائما اهون على روحي بان اكول انج عايشه حياتج سعيده..

بقينه نسولف اني وخالاتي ونسوان خوالي وعرفت ان مريم تزوجت بعد شهر من جيتي فصليه وهيه حامل بشهر ال٥

ورشا تزوجت من ابن عمهه وهم هيه حامل بعد بالشهر الثالث وكلش فرحت لمن شفتهن سعيدات بحياتهن ومرتاحات ..

وقبل لا انسى حمش تزوج بنت خالته وره زواج رشا لانهم بقو بببي وجدو وهوه قصص ماي هوبس وحدهم بالبيت ..وعرفت ان زوجته خوش بنيه ومؤدبه عكس البقيه

2 تع

شافن طفلي وكلهه حبته وماتت عليه من جماله ونعومته ووعدني يزورني بس اكوم على حيلي..

خلصنه مكالمه ورضعت طفلي ..

شويه ودخل علي للغرفه واني صدري طالع خليت وغطيته منحرجه منا جان يكول..