رواية فصلية بديلة الفصل التاسع والعشرون 29 بقلم ام ملكوت

شهم_

كعدت على صوت الاذان كمت توضيت وصليت ونزلت متلهف على طفلي كلت للبنات يسون عشا مرتب لسماء 

ودخلت للغرفه واشوفهه ترضع بالطفل انحرجت مني وغطت نفسهه خليت ودرت وجهي عنهه ودخلت للغرفه وكتلهه..

_ماحاجه تنحرجين مني ماكو شي ماشايفه من قبل..

باوعتلي بنضره تفاجئ ورجعت رضعت الطفل واني كعدت يم الكاروك وبقيت لازم النقال واكلب لحدما خلصت وكالت..

كتلهه اي وكمت رحت كعدت على الجربايه وبقيت العبه وهوه نايم يمهه وبقيت ابوس بي واشمه احس تعلقت روحي بي ..

لك اني عود لا حملته بطني ولا ولدته ولا رضعته وهيج تعلقت روحي بي شنو من بشر هيه حتى ماخضعت لمشاعر الام يلي اقوه من مشاعري اتجاهه كأب ..

سماء_

بقيت اباوعله شلون يلعبه ويبوس بي وعيونه تلمع مثل الطفل حسيت بي شكد يحبه وتعلق بي اذا عامل ابنه المتوفي هيج من الصغر 

طبيعي الرجال يتخبل ويتحجر قلبه لمن شاف ابنه بالكبر محد يلومه لو راد دم مقابل دم ابنه

بس ولو هوه ضلمني وهوه يعرف اني مالي ذنب وكل ذنبي اني بنت اخته للموت ابنه بس ماكول غير حسبي الله ونعم الوكيل ..

سماء: ها تفضل

_اني باجر رايح للدوام ..ديربالج على مرتضى 

_لا تخاف عليه احطه بروحي وبين رموشي

_شكرا الج

_لا واجبي..

_سماء

_هاا

_سامحيني اذا اذيتج بيوم بس صدكي ماجان هين علي روحه ابني وشوفته نايمه بالكبر

_لا رد

_حقج اذا ماتكدرين تسامحيني واعرف ان بالج شي تردين تحققينه بس اعتذرت حتى تفهميني وتسامحيني وتخلصيني من الحمل الشايله على كتافي بسبب ضلمي الج..

_حسيتهه بعدهه متاذايه من ذيج الليالي وكلما تتذكرهه تحس انهه امس صاير ماعرف شلون انسيهه كل ذيج الايام 

ماعرف شلون اخليهه تسامحني مابيدي غير ان اعاملهه بلطف واحفظ ماتبقى من الموده بيناتنه..

خليت واخذت ابني خليته بالكاروك ونام بسرعه وهيه بقت صافنه بالفراغ خليت وطلعت ..ودخلت امهه وهيه حامله العشا الهه وبقت اختهه يم البنات..

                      ................

سمر: هلو حبيبتي شنو اسمج

حلى: هلو بيج اسمي حلى

سمر: عاشت الاسامي اني سمر اخت شهم

سمر: هاا بس عمر ١٧ مو لازم بالسادس 

حلى: اي لان بصغري تمرضت وماكدرت اسجل من وكت

سمر: هاا هل اكول 

سحر: نفس صفي زين علمي لو ادبي

حلى: لا ادبي اني سماء علمي

سحر: ياا شعجب مو نفس اختج

حلى: ماحب الاحياء

سحر: اني بالعكس اكثر شي احبه هوه الاحياء

سمر: زين سماء ليش بعدهه بالسادس

حلى: مو عادت سنه ثانيه بي لان ماجابت معدل زين بي..

ياا صدك

سمر: شكد كولي

حلى:بهمس.. معدلهه ٩٥ 

سمر وسحر: ماشالله ..

سحر: اكول على هذي المناسبه ليش مانسويلهه حفله صغيره..

سمر: اي والله جبتيهه خلي اكوم اكول لامي واوصي ساجد يجيبلي شغلات الحفله..

ساجد: هم ساجد

سمر: جا خويه ماعدنه غيرك انت حبيب خواتك ومدللهن

ساجد: ضحكي على غيري بهل حجي ..احجي المن الحفله..

ساجد: لا حشاج حبيبتي ذكيه انتي

سحر: الا اكول لامي عليج

ساجد: لا يله تعالي خطيه انتي مال ببسي😆

سحر: بغضب..سااااجد

سمر: ههههه كافي ولكم خلينه نخطط للحفله..

ساجد: اي يله..كعدت على الطاوله وبقينه نخطط للحفله واني بالي وياهم بس عيوني عليهه شلون تنطي رايهه وتناقش البنات ..

خلصنه نقاش ورحت اني اجيب الشغلات الوصوني عليهه بعد ساعتين رجعت للبيت ورحت لغرفه البنات دكيت الباب ودخلت انطيتهن الغراض ولكيتهه كاعده يمهه وتسولف خوش لكتلهه صديقات..

ساجد: لا ماعندي

سمر: لعد تعال ويانه ساعدنه حباب حتى نخلص بسرعه قصص ماي هوبس ساجد: افف يله امري لله امشو..

رحنه للصاله واخذنه الشغلات وصرنه نرتب بالزينه والنفاخات وكمنه نلعب بالنفاخ اني وسحر

تالي جبنه الطبله والكراسي خليناهم وحضرنه الكرزات والحبشكلات والكيكه المكتوب عليهه 

" مبروك معدل ال٩٥ " خلصنه وكملنه ودخل علينه شهم..

شهم: هاي شكاعد تسوون

ساجد: خويه بيناتنه كاعد نحضر مفاجاة لمرتك

شهم: مفاجاة ..بمناسبه شنو

توه خلصت رضاعه الطفل وبقيت متمدده وافكر بكلامه واكول ماكو انسان مايغلط وهوه غلط وذنب وتاب عن ذنبه

اذا رب العالمين يسامح المذنب اذا تاب اني منو حتى ماسامحه ..لهذا السبب قررت اني اسامحه

بس مانسه السواه بيه حتى ماحن عليه بيوم وابقى عنده ..واني افكر دخلن علي البنات ..

سحر: ها ياحلو بيمن تفكر

سماء: هههه مو باحد

سمر: يله حبي تعالي كعدي شويه

سماء: وين 

سحر: مفاجاة

سماء : ماشي .. خليت وكعدت وبدن وحده طلعتلي فستان مرتب ولبستنيا والاخرى التهت تخليلي مكياج وطلعت كلش حلوه اول مره اخلي هيج مكياج قوي ..

خلصت وكعدني على الكرسي المتحرك واخذني للصاله وتفاجات بالشفته ..جانو مزينين الصاله ونفاخ وكيك وعصاير 

وكلشي حلو والعائله كلهه ملتمه بالصاله دخلت وجابتني للطبله وشفت الكيكه والمكتوب عليهه ..

انصدمت ماجان بالي هذا الشي عيشتي ويه هل وحش خلتني انسى كل احلامي وكل طموحاتي من عشت وياه صارت اكبر احلامي ان اتخلص منه وارجع لحياتي الطبيعيه ويه اهلي وناسي ..

اجوي باركولي واني دمعتي ماكدرت الزمهه بقيت ابجي من الفرح ..وانتبهت عليه واكف اخر واحد ومتكتف ويباوعلي من بعيد 

خليت ومسحت دموعي ماردته يشوف دمعتي حتى لو جانت دمعه فرح مو ضعف ..خليت وكصيت الكيكه وصارن البنات يلعبن بالكيك والكل تضحك عليهه 

واني بنص ضحكتي انتبه عليه يباوعلي بدون تعابير ..اخلي واسكت ..شويه وامي حجت..

ام سماء: يله يمه تعالي رضعي طفلج حبيبتي..

سماء: اي يله يمه.. كلتلهم تصبحون على خير ورجعت للغرفه بدلت ملابسي وتمددت وانطتني الطفل وكام يرضع..