رواية ليتني واجهتك الجزء الثاني الفصل التاسع والعشرون
علي يكول
تترُكني هسَة قررت ؟
ينطيك گلبك نِنتهي
وبس بالأحلام تشوفني ؟
تاركني هيج بلا ذنِب
بررلي حتى لو چذب
مَليت گلي گمت امِل
شيحملهَ ليلي بوحدتي ؟
ماينحمل بعدك تَرا
وچذبت گتلك ينحمل .
لؤي يكول لجنات
عينك على كلبك دوه
لاتنجرح من. ألهوه
بس. ديربالك من تحب
مو كل اصابيعك. سوه
من تمشي عينك ع الدرب
موكلشي يهواه الكلب
لتكول بطلنه العشك
غلطان كلمن مايحب
كون اليحبك من صدك
كلبه اعلى كلبك يحترك
شوف الورد طبعه حلو
من ينجرح ينزف عشك
جنات اتكول
معقوله رايح من صدك
معقوله ما اشوفك بعد
معقوله هيج انت صرت
تنساني وتروح وما ترد
مو جنت منطيني وعد
مو كتلي ما اعوفك ابد
مختار يكول
وين الله ويكولون ردت تراها
اخذها لو عشرين جهال وراها
سدره اتكول
عفيه دنيا الماشفت بيهه حنان...
وعفيه دهري الليطحن بكلبي طحن ....
وعفيه وكتي هواي شوفني الهموم ...
وردت اضوك الفرح ضوكني الحزن .....
وجذب كلمن كال غابه الدنيا هاي....
لا وحق الله ترى الدنيا سجن
حسن يكول
جنت كلش طائفي ابذيج السنين
وجنت اكول السنه كلهم قاعده
وجنت كلش متعصب ب الخطاب
وكل تسامح ب المواقف فاقده
اشو من حبيت سنيه رخيت....
سماء اتكول
• رأيتـــڳِ فأبتسمتُ مُغرماً مدرڪــاً ✨
• بأنني في فَخ عينيــڴِ واقعـــاً
.........
نحتاج أحيانا لبداية جديدة ،،،
لنقطة ... ومن أول السّطر ،،
نحتاح لأن نتوقف عن_كل ما فعلناه بقلوبنا ،،،
نريد ترتيب أوراقنا ،،،
نحلم بأن نحكم على الأشياء بعقولنا ،،،
نريد فتح صفحة لم_يكتب فيها حرف ،،لم_تتلوّث
بخيبة .....
ولم_تشهد على كسرة خاطر ووجع_روح ...!!
سدره :؛ولكمممممم كاااافي بسس صوتكم دوخني يالله والله تعبت حسوني ماما انت صغير هاي شبيك
فتحت الباب ودخلت خليت السويج واغراضي على الكوميدينا الي يم الباب واسمع صوت سدره تصرخ دخلت
وويلادي كلهم ركضوا عليه بابا
علي؛: هلا حياة بابا شلونكم شلونج حبيبي شبيج تصرخين
سدره؛: تررى هاي مو عيشه اني تعبت والله ويلادك فدمره وكح
علي؛: شنو تريدين اسوي
سدره؛: جيبلي شغاله ثانيه
علي؛: قصدج ثالثه سدره شغالات اثنين عندج اجيبلج الفلبين كلو حتى تكدرين تربيهم
سدره؛: خمسه هذوله علي خمسه
علي؛: اي دكولي مشاء الله بعدين الله عليج ماري هم تنحسب من ضمنهم شوفي الجمال والاناقه حبيبته ابوها
ماري؛:هههه اخجل بابا
علي؛: فدوه لخجلان اني تعالي باباتي
اخذتها بحضني وبوستها كبرت بنتي مشاء الله السنين شبسرعه تركض ركض
رغم صار عندي خمس اطفال بس اتضل ماريه المميزه بينهم خجوله طبعها حييل وعكس من جانت صغيره محد يخلص من لسانها بس من كبرت اخذت طبع امها اتضل ساكته ساعات ماتحجي اذا ماواحد يسالها .....
سدره
دخلت لبيت عمتي اركض خايفه على عمتي وصلت الاستقبال
نفسي مكطوع من الخوف اول من فتحت الباب لكيت الكل متجمع اهلي وبيت خالي عيال جيهان وبيت عمتي وصهيب واهلو ومعاهم اماني ويلادهم
الاستقبال بي زينه وبصفحه الميز والترتيب يخبل
اول من فتحت الباب كلها وكفت الي يصفك والي يهلهل
ضليت مصدومه بمكاني مابين خوفي على عمتي الي لكيتها كاعده تضحك ومابين المفاجأة رجعت ليورى ابجي خفت على عمتي وانصدمت نفس الوقت
علي؛؛: هاي شبيج حبيبتي
دفعت ايدو عني
سدره؛: عوفوني والله انتو ماتخافون من الله
عفتهم ومشيت لان صدك حيييل انقهرت وكلبي وكع
ابو سدره؛: هاي شبيج بابا سدره
سدره؛؛ مو حرام تسوون هيجي بيا كولولي اي شي بس لاتخوفوني ب عمتي
ام علي؛: يااحبيبتي ياامي تعالي
سدره؛: يوم والله ماتحمل اذا يصير بيج شي اسم الله ان شاء الله من عمري على عمرج
جت حضنتني واتبوس بيا
عبير؛: والله هاي سوالف مختار وسماء نحنا مالنا دخل
سدره؛: هاا يعني هذا ابو راس مالو دخل
علي؛: جتك التهايم وانت نايم
ابو علي ؛: تعالي بنتي فوتي
سدره؛؛ على شنو هاي المفاجأة وانتو سماء ومختار اني اعلمكم بعدين
الكل؛: هههههه
مختار؛؛ غير راح الشيخ يعقدلكم هسا
سدره؛: اهااا وبدون اني موافقه او لا
ميس؛؛ والله ياحبيبتي لو اتكولين الف مره لا انتي جذابه لاتخلينا نحجي
الكل؛: ههههه
ابو علي؛: الي صار كلو مكتوب من رب العالمين والحمدالله على كل حال يالا بنتي سدوره كاافي خلي تخلص قصتكم وكلنا نرتاح
سدره؛: بس اني ماراح اكدر
عمر؛؛ انتي لو اخذج يوم واحد معنا على الجبهه وتشوفين اشكد يستشهدون وهمه متزوجين لو اخر نزله ويروح يتزوج جانت عرفتي مو جنات الوحيده الي اترملت
علي
بعد ماجيهان انخطبت اشويه دخل الفرح وقررت لازم تكمل هاي الفرحه
ب يومها كلت لابويا يرجع يطلب ايد سدره مره ثانيه
وابويا راح لخالي وطلب ايد سدره مره ثانيه بدون ماتعرف هي وخالي اكيد ماجان عند مانع بهذا الشي
واصلا اني كم مره جنت اكوله
علي؛؛ خالو ليش ماتحجي مع سدره وخلي ترجعلي
ابو سدره؛؛ تذكر من جنت تريد سدره وتجي يوميا تفتح هذا الموضوع معايا اطردك الصبح تجيني العصر
علي؛؛ هههه اي والله اتذكر
ابو سدره؛؛ هههه هسا هم سوي هيجي مع سدره خلي حتى لو ترفضك بس حاول شلون ترجعها
علي؛؛ عنوديه شلعت كلبي بنتك
ابو سدره؛؛ ههههه من حقها...
ليلة الخطوبة دزيت امي وعزمت الكل وكلهم جوي وخابرت صهيب يجيب اهلو واماني ويجي
وجانوا موجودين خوال سدره هم فنجمعنا كلنا فقررت امسك عقد عليها واسويلها مفاجأة
واخليها تحت الامر الواقع
مختار؛: هسا شلون راح نكولها تعالي على بيت عمتي
سماء؛: اني عندي فكره انكولها عمتي تخربطت وهي جثير اتحب عمه ماريه وهسا تجي ركض
ميس؛: لاتروح اتسوق سريع ويصير شي لاسامح الله
سماء؛: لا مايصير شي ان شاء الله
كملنا كلشي وانتفقت مع الشيخ بعد صلاه العشه اتصلت سماء ب سدره وجت تركض بالفعل... .
سدره
واكفه بين قلبي الي ماعشك غير علي ولا يوم راح ممكن اتخيل اعيش بدونو
وبين قهري وحزني شلون اعيش وجنات مو سعيده وذنبها بركبتي
هيثم؛:انتي اتعذبتي جثير وعلي اتعذب وجنات اتعذبت وكل واحد رب العالمين كتبلو حياة جديده سدره اني برايي نتوكل على الله واثنينكم دفره وجلاق ولوو عن راسنا مو دوختونا ودوختو حتى العالم معاكم هسا دروحوا وارجعوا كاافي
الكل؛:ههههههه
صهيب؛: هههه والله هيثم واحد عنودي اكثر من الثاني انصفي سماك هذا يجي هذا
علي واكف يدحك عليه نظرات اخذت كلبي وبين كلامهم كلهم لو بيدي ادخل بحضنو وماكو شي يفرقنا بعد بس جنات واكفه بيني وبين علي
دكتور فؤاد؛: اني اكول لو كلنا انفوت جوى وانعوف طالبتي اتصفي سماكها بنفسها على كولت صهيب
فات دكتور فؤاد جوى وكلهم دخلوا وسدوا الباب وضلينا اني وعلي واكفين وحدنا بالكراج تقدم عليه سحبني من خصري ويدحك بعيوني
علي؛: موو كاافي
سدره؛:بس
خلى اصبعتو على شفتي
علي؛؛ اشش كاافي الماضي راح والي صار صار نحنا ويلاد اليوم خلي كلشي نطوي من حياتنا ونبدي صفحه جديده بيضه
سدره؛؛ ماراح اتعوفني بعد لو كل الدنيا جبرتك اتعوفني
علي؛: والله وداعت الي خلق هاي العيون ماعوفج بعد اصلا ليش حتى اعوفج بس طلبي يمج اقسمي بالله لان ماكو اكثر من الله بعد ماتضمين عليه شي لو على كص ركبتج
سدره؛؛ وعد اوعدك واقسملك بالله ماضم عليك شي بعد واخذت الدرس
علي؛: احبج قزومتي انتي مالتي
سدره؛: لاتعوفني ضمني بحضنك اريد ارتاح تعبت
حضنتو وكمت ابجي وهو يبوس براسي ويتلمسني
علي؛؛ والله الا اعيشج عيشه اخلي النسوان كلها تمنى عيشتج والله الا اعوضج على دمع نزلت منج كدامي وبغيابي ياحبيبة روحي يانصي الثاني لج سدره اني بدونج اضيع والله اضيع
انتهت والله انتهت هاي هي وصلنا لنهايه وصار لازم انلم الشمل لخاطر حبنا والخاطر هذوله الملوكين
رفعت راسي لكيت ماري وحسوني يضحكون ضحكت واشرتلهم تعالو ركضوا علينا وانبوس بيهم مسكت ايد حسين وعلي مسك ايد ماري دحكت بعيون علي وكتلو
سدره؛: سامحني "ريتني واجهتك"
علي؛؛ انتي الي سامحيني لان اتخليت عنج
سدره؛؛ سامحتك ياحبيبي سامحتك يااحلى شي صار بعمري
علي؛؛ ماريد اسمع منج بعد لا ليت ولا ياريت وماريد اشوف هاي الدموع بعد تنزل حتى بفرح
ابتسمت ومسكني من ايدي ودخلنا جوى من شافونا كامو يصفكون
صهيب؛؛ واخيرررررا علي وسدره رجعوووا كلووووشششش
الكل؛: هههههه
اماني؛؛ حبيبي اكف اني اهلهل احسن من عندك
مختار؛: سدو اذانكم راح اتغرد ام راس المربع
اماني؛: عابتلك وانت ماتزوج واتخلصنا عاد
مختار؛؛ بعد وكت
ام سدره؛: اي والله لوبس تحجون معا اشويه بلكي يقبل ويفرحني
كلها صارت تحجي مع مختار يتزوج بس مختار رفض اويلي عليك يااخويا بعدك اتحبها ومانسيتها دائما يحجيلي عنها ومانساها الى حد الان
ويكولي اضل على العهد لو شنو من يصير اخاف فديوم الصدفه تجمعنا وتلكيني متزوج ماريد اشوف القهر بعيونها
اخذوني البنات لغرفه ولكيت علي جايبلي فستان لون حبري مخصر يجنن لبستو ومكيجوني وكالو جا الشيخ
جت سماء لبستني البرنص
سدره؛: هاي شنو ولي
سماء؛: والله تلبسين لعد على شنو اني وعلي نفتر العصر كلها بالسوك
ماعافتني الي سوتلي الطقوس صار الشيخ يقرأ واني مامنطيه فرحتي لاحد ونفس الوقت اكو حزن بكلبي
سالني الشيخ اذا موافقه او لا رديت بنعم وتم العقد ادحك على حسوني وماري فرحانين بس مايعرفون شنو السالفه بس مجرد يعرفون ماما وبابا راح يعيشون ب بيت واحد
كاموا يهلهلون وباركولي ادحك على عمتي دموعها تنزل عرفت عليش بجت
رحت بحضنها بوستها وبجيت
سدره؛: سامحيني يوم
ام علي؛: مالج اي ذنب المهم اشوفج سعيده انتي وابني يكفي هذا الشي
سدره؛: الله لايحرمني منكم يارب ويحفظكم النا انتوو عزوتنا وتاج راسنا وبركه البيت
شالت محبس من ايدها لبستني هو
سدره؛: شنو هذا يوم
ام علي؛؛ هذا المحبس غالي عليه واحبو والغالي مايرهملو غير الغالي
حياتي عمتي اشكد احبها عمري كلو ماشفت منها شي مو زين ابد يمكن ماكو عمه بالدنيا كلها مثل عمتي ...
بوست بابا وعمي وعمي ابو علي وخوالي كلها فرحان على فرحي
عيوني تترقب علي ماكو عرفت بي راح يوصل الشيخ لباب
دخلت اول من دخل ضل واكف يدحك عليه
نسيت الكل كاعدين نسيت الدنيا كلها ركضت لحضنو كمت ابجي وهو يبجي وكاموا يطشون فوك راسنا جكليت وهلاهل
علي؛: واخيرا رجعتي لحضني
سدره؛: احبك ياعيوني احبك ياكلبي انت روحي انت اهلي وكوني امي وابويا
رفعت راسي وخليت ايدي على وجهو وكتلو
سدره؛: عهد عليه امام الله وكل الي كاعدين عمري وزماني ماراح اضم عليك انت روحي والروح ماينضم عليها شي
باسني من راسي
صهيب؛: دكاااافي مو راح ابجي اني هم هسا امج وابوج يزعلون تكولين لعلي امي وابويا
علي وسدره ؛: ههههه
ابو سدره؛؛ شنسوي هاي ربيتج وكبرتج وسويتج دكتوره بكد الدنيا بالاخير جا علاوي صار امج وابوج بس لو ماابن اختي بس مادام ابن اختي الغاليه يستاهل هذا الكلام والله ياعلي اذا زعلت سدره ادفنك هلمره
الكل :::هههههههه
جيهان؛: كااافي حزن الله عليكم خلصت كلوبنا من الحزن انريد نفرح اشويه
قحطان خلى ايدو على كتف جيهان وحضنها
قحطاان؛: وداعت طاغوس ملك ماخليج تشوفين الحزن ابد
الكل:ههههههه
جيهان؛:ههههه استغفرالله
الكل كامت واحد يسلم على ثاني حتى الكلوب تصفى وكف عمي على حييلو وكال
ابو علي؛؛ اريد منكم اتسامحوني على كلشي بدر مني وانت ابني مختار سامحني
مختار؛؛ صدك جذب عمو انت الي اتسامحني
ابو علي؛: تعال ابني تعال
عمي حضن مختار وباسو
ابو علي؛: الله يووفقك ويرضى عنك ويرزقك بنت الحلال الي تسعدك
جابت هدير صينه مال ذهب حتى الذهب مشتري هم طخم محبس وتراجي وكلاده وسوار وهم معاها حلقه واربع سورات
يلبسني هم ويضحك وعيوني مانزلت من عندو علي انطى موبايلو لصهيب وصار ياخذلنا صور اخذنا صور تجنن حيييل حلوه
اخر شي وكفنا واخذنا صوره جماعيه
اشويه وعلي اختفى كلت اكيد راح يشرب جكاير جت عليه ماري شاورتني
ماري؛: مامي بابا يكولي خلي امج تجي فوك
ابتسمت وكلتها اووكي
خطفت نفسي وطلعت فوك لكيتو كاعد بالصاله ينتظرني اول من جيت وكف على حييلو وفتح ايدينو ركضت لحضنو اضحك شالني وفرني
علي؛؛ قزووومتي رجعتيلي والله اموتج هلمره اذا رحتي
سدره؛؛ هلمره اني الي اموتك اذا عفتني
كرصتو من خشمو وبست الكرصه ونزلني كعد وسحبني كعدني بحضنو
علي؛؛ نروح
سدره؛: وين
علي؛؛ لفندق غير
سدره؛؛ فندق شنو ليش ناوي هليوم
علي؛: طبعا لعد يمته تريدين
سدره؛: بس اني اريد انسوي جلسة تصوير والبس فستان بيها
علي؛؛ مامشكله بعد الزواج
سدره؛؛ لاحبيبي عفيه الله يخليك
علي؛: سدره خلي انروح هسا وعد اخذج باجر لسوك والفستان الي يعجبج تاخذي وانسوي جلسه تصوير
سدره؛؛ بس اني اريد اخلي مانع طبي يم الدكتوره
علي؛؛وهذا ليش
سدره؛: ماريد اطفال بعد
دحك عليه ورفع حاجبو ما عجبو الحجي
علي؛: انتي تعرفين بيا اموت على الجهال
سدره؛؛ بس اني راح يصير عمري 32سنه يعني احبل واجيب تعب
علي؛: وداعت هاي الغمازه الي يشوفج ويشوف جمالج يكول عمرها ب 30لاوالله!
سدره؛: هههههه الله على رفع المعنويات
علي؛؛ ولج بابا انتي من هينا كم سنه انتي وماري تصيرون نفس الشي
سدره؛: اممم
خليت كصتي على كصتو وهمست
سدره؛: يعني من راح اصير عجوز واشيب ماراح اتمل مني
صار نفسو يصعد وينزل ويدحك على شفتي
علي؛؛امل منج والله لو عمرج يصير100سنه تبقين هذيجه سدره الي حبيتها
قربت شفتي وبستو وصرنا واحد يبوس بالثاني بكل لفه وشوق بوسه اتعوضنا عن كل السنوات الي راحت خرب علينا اللحظه الرومانسيه حسوني
حسين؛: بابا دا يريدوك جوى
كمت اتعدلت وعلي كام يرتب بنفسو
علي؛؛ احمم اي بابا كلهم جيت
راح حسوني نزل وعلي كام
سدره؛: اش كلت حياتي
علي؛؛ تدللين حبي جنج على فستان عرس بعد خطوبه جيهان نزوج
سدره؛؛ اوكي حبي
قبل ماينزل عضني قوي
سدره؛: اخخ علي
علي؛؛ انعل ابوها لاخخ مالج مشتاكلها
سدره؛:ههههه منحرف امشي روح
ضربتو على ظهرو ومشى يضحك نزلت ورى اضحك مع روحي وفرحانه نزلت جوى والبنات استلموني اخذوني لغرفه
اماني؛؛ها اش صار
سدره؛؛اش صار يعني مثلا
نور؛؛ يعني قصدها بوسه حضنه عضه
اسراء؛؛ هاي اذا مادخل عليها
سدره؛: هيييي عمه بعينكم اي والله خمه بهل السرعه
سماء؛: وانتو توقعون علاوي اذا يمسك سدره يعوفها بدقيقه اذا عافها ثلاث ايام زين
الكل؛: هههههه
سدره؛: ولي سماء عيب انجبي انتي بنت
سماء؛: اووي اش حجيت اني هم راح يجي يوم واتزوج الشخص الي احبو
فكيت عيوني عليها وهي حضنت روحها وغمضت دحكت على البنات مستغربه ورجعت ضربتها ب راشدي بالشقه
سدره؛؛ ولي هذا منو الي اتحبي
سماء؛: محد والله محد اقصد يعني من اتزوج اكوم احب رجلي
سدره؛؛ اممم والله جذابه ولي جيهان سماء اشعندها
جيهان؛: ماعندها شي شبيج والله هيجي ادحكين عليه
اسماء؛: هسا دتعالي وعوفيها كلنا حبينا ضلت على سماء
الكل::هههه
سدره؛: مو اني بن عمتي ومو غريب
اسماء؛؛ انتي ابن عمتج اني احمد غريب
اسراء؛؛ الله يرحم هذيجه الايام ايام الهدايا والتحضيرات فوك الست سنوات علاقه لحكتي هاي الطفله الحبابه على خيالها
اسراء تحضن ب سماء وتكرصها من خدها
سماء؛: قبان مرت اخويا اشكد احبها
هدير؛: والله كلنا حبينا اكو وحده بينا ماحبت
سدره؛: الحب حلو بس عذاب وتعرفون شنو بي الحلوو
عبير؛: الحلو بيي مثل هذا اليوم من بعد سنين طويله انجمعتي بيي
سدره؛: اي عفيه
رغيد؛: الله لايفرقكم يارب ويحفظكم انتو تعبتو وان شاء الله ترتاحون وشد حيلج واحبلي بوجهج
سدره؛؛ خطيه ويلادي ماريد اجيب فوك راسهم واريد اخلي مانع طبي هسا كتلو مايقبل
عبير؛؛ لا يمعوده مانع طبي شنو ترى مرات اكو يخلونه وهم يحبلون انتي احبلي وبعدها اني اسويلج عقد اضبط ..
سدره؛: ان شاء الله
رحت لبيت عمر ابدل وجان البيت فارغ كلهم ب بيت عمتي
بدلت وكملت طلعت من الغرفه علي صار بوجهي
سدره؛؛ ههههه ها شو لحكتني
علي؛؛ شنو رايج نستغلها فرصه ماكو احد بالبيت
سدره؛؛؛ اموتك ماقبل
جا اتقرب عليه واني رجعت ليورى خفت وهو يضحك
علي؛؛ تعالي اضمج بحضني
سدره؛؛ ماتسوي شي
علي؛؛؛ ههههه ماسوي قابل خبل ب بيت اهلج اسوي امشي خلي نكعد بالحديقه
سدره؛؛ اوكي
حضني وطلعنا بره كعدنا بالحديقه على الثيل
علي؛؛؛ خلي راسج على رجلي خلي العب بشعرج مثل قبل
اتمددت وخليت راسي على رجله وصار يلعب بشعري
علي؛؛ يالله سدره اشكد ضيعنا من عمرنا حسافه
سدره؛؛ لو جنت اعرف راح يصير هيجي جان ما
ماخلاني اكمل وخلى اصبعته على شفتي
علي؛؛ اشش سدره بداعتي عندج لاتفتحين هذا الموضوع ابد
سدره؛؛؛ يعني انت مازعلان بكلبك
علي؛؛؛ اني اكدر ازعل عليج دمرتيني انتي بحبج
سدره؛؛ هههه انت هم
علي؛؛ عنوديه حقيره ماتشتاكيلي
سدره؛؛ هههه شلون مااشتاكلك تعرف هاي السنين الي مرت بحياتي اني مايمر يوم اذا ماشوف صورتك قبل مانام واحجي معاك واعاتبك
لان عفتني ومشيت
اتعدلت ودموعي صارت تنزل
سدره؛؛؛ علي ماراح تعوفني ابد
علي؛؛ والله ماعوفج هلمره لومابويا لو الدنيا كلها
بس لاتضلين تبجين
سدره؛؛ اخاف اخاف من باجر ياعلي
علي؛؛ باجر راح يكون احلى ان شاء الله راح نكعد الصبح اصبح بوجهج الحلو
ونكعد جهالنا فد اثنين مثل حسوني واربعه مثل ماري
سدره؛؛؛ ومعاهم بطل ببسي ههههه
علي؛؛ ههههه سدره اشكد تكدرين خلفيلي وترسي البيت جهال حلوين مثلج
سدره؛؛؛ هههه والله انت الحلو
سحبني بحضنا وحضني قوي حسيت اعضامي فاتت بعضها بس حلوه
باسني من شفتي وبادرته وماحسينا غير صوت باب الحوش
فزينا اثنينا رفعت راسي لكيت اسماء اختي علي كبل ضحك وكالها
علي؛؛؛ هههه هم راح تكتلين سدره
اسماء؛؛ ههههه لا بس جان سديتو الباب همزين اني ولا الويلاد
عافتنا وفاتت جوى تضحك واني ميته من الفشله
سدره؛؛ هههه كوم روح لبيتكم فشلتني هاي بوساتك مااخلص منها لو اختي لو اخوك يشوفنا
علي؛؛ هههه ليش اني اكدر اقاوم شفايفج وجمالج
سدره؛؛ هههه
علي؛؛ اضحكي سدره اضحكي هذا وجهج مايلوكه غير الضحك
رفع راسه لسمه وهو يكول
علي؛؛ دخيلك ربي رحتلك فدوه راح اكوم اروح اني
سدره؛؛ وين
علي؛؛؛ اروح اصلي ركعتين احمدي ربي لان رجعج الي
سدره؛؛؛ ههههه والله
علي؛؛ هههه اي والله عود حضرينا النركيله هسا نجي
سدره؛؛ ههههه تدلل
طلع من بيتنا واني ادحكله واضحك فرحانه وصل باب الحوش التفتلي
علي؛؛ تكعين بحضني واني اعلمج
سدره؛؛؛ ههههههه
علي؛؛؛ هاج بوسه هههه
دزلي بوسه وراح واني كمت جوى اضحك
اسماء؛؛؛ ها خبله تضحكين مع نفسج
سدره؛؛؛ يعني صدك اني رجعت لعلي
اسماء؛؛ ههههه اي صدكي بس تعالي اكولج وامانه تجاوبيني بصراحه والله بيني وبينج
سدره؛؛ شنو حياتي والله اجاوبج
اسماء؛؛؛ من جيتج على بيتج مره جان صار شي بينج وبين علي
سدره؛؛؛ لاوالله مصاير ماانكر كتلج بوكتها راد يصير بس تراجعنا بس نام عندي
اسماء؛؛؛ يعني نام الليله كله عندج ومصار بينكم شي
سدره؛؛ اني ماقبلت بوكتها وعلي مو من طبعه يضغط عليه حتى من جنه قبل متزوجين من يشوفني تعبانه يعوفني
اسماء؛؛؛ لان صار لكم سنين
سدره؛؛ لو100سنه علي مايغصبني على اي شي اني ماريده
اسماء؛؛؛ هههه ريحتني هسا لان دائما افكر بهذا الموضوع
سدره؛؛ههههه لاارتاحي
شويه وجوي الويلاد كلهم وانجمعنا
ضلينا هذاك اليوم كاعدين لساعه4الفجر جانوا بيت جدي اهل امي كلهم جاين واهل بابا ورجعت جمعتنا مثل قبل خلينا النركيله والورق والدومنه والطاولي ضحك وشقه
ويضل مكان لؤلا الله يرحمو وضحكتو الحلوه بينا
دعيت ربي لايفرقنا ومايشوفنا حزن ان شاء الله بعد ابد..
الصبح بالكوه كعدنا ونتركض ونحضر نفسنا حتى نروح لصالون
ماري؛: ماما ابويا يصيحج
سدره؛: وين بابا
ماري؛؛ بره بالشارع يم خالو عمر والويلاد
طلعت بره عليهم لكيت مادري شنو يسوون بالسياره
سدره؛: ها حبيبي صحتني
علي؛: اي عيني شنو راح تلبسين ماري وحسوني
سدره؛؛ ماري فستان وحسوني قميص وبنطرون
علي؛؛ لاتلبسيهم اني راح اخذهم لسوك واشتريلهم
سدره؛: مو اشتريتلهم
علي؛؛ ميخالف اني ومختار هسا راح نزل لسوك نشتري ملابس النا ولويلاد
سدره؛؛ بكيفك حبيبي بس اريد اخذ ماري لصالون معايا
علي؛: لا بعدها طفله لاتعلميها على هاي السوالف وهاي صبوغات كلها مو زين على وجها
سدره؛؛: اخاف تزعل وتنقهر
علي؛؛معليج اني ارضيها حياتي
سدره؛؛؛هاي هي عمري
علي؛؛ راح ادزلج صوره شوفيها
سدره؛: اوكي
دخلت جوى بدلت لويلاد وماري زعلت لان ماراح اخذها لصالون
سدره؛؛ والله بابا كال اني ارضيها
ماري؛؛ يعني فرح ماراح تروح
اسراء؛: لا ماتروح شنو هي والصالون بعدها صغيره
سدره؛: شفتي محد راح يروح يالا حياتي روحو بابا يصيحكم
باستني وطلعت تركض كملنا نحنا دا نطلع نزلوا حسن واهلو اني كن عزمتهم لهذا اجوي
حسن؛: هاي وين طالعات لصالون تصبرغن
سدره؛: اصبغ خشمك ليش ماجيتو البارحه
ابو حسن؛؛؛ والله جان عندي شغل شلونج ام حسوني
سدره؛؛ الله يسلمك ابو حسن انت شخبارك
اتسلمنا وبوست البنات وام حسن
لمحت حسن التفت لسماء واشرلها على شعرها
سماء كبل غطت شعرها صار عندي فضول لازم اعرف اترخصنا وركبنا بالسياره وطلعنا بالطريق سالت سماء
سدره؛: سماء انتي اتحبين حسن جاوبني ولاتجذبين عليه
التفتت عليه وسكتت
سدره؛؛ همم شبيج ساكته اي لو لا
سماء؛: اي احبو واكو بينا علاقه
اسماء؛؛ ماعيب عليج سماء ماتستحين
سماء؛؛ ترى ماسويت شي غلط اني
اسراء؛: ليش ماتقدملج الى حد الان شكو اش ينتظر مكروده اذا عرفو الويلاد والله ماتخلصين منهم
سماء؛: اهوووو كل وحده صارت براسي هي وماكو غيرها وانتو كلكم حبيتو واني مستحيل اكلو تعال اخطبني شنو ماعندي كرامه اذا يريد يخطبني هذا بيت ابويا موجود وهو يندل
سدره؛:حسن ثقه بس لا خوفي انتي الي بديت معا
سماء؛؛ هاي شبيج سدره
سدره؛: اكلي وحل واحجي عدل من يمته ومنو الي بدأ
سماء
بعد التحرير جا عدنا نفس اليوم الي جوي بيت خالو عدنا من دبي
جنت واكفه اشطف الكراج وصلت لباب وشافني واخذ الصونده من ايدي
سماء؛: عليش اخذتها
حسن؛: فوتي جوي
سماء:: ترى نحنا ب اربيل
حسن؛: ان شاء الله ماباوربا
ردت ادخل جوى صاحني
حسن؛؛ سماء
سماء؛؛ ها حسن
حسن؛: هذا رقمي اتصلي بيا ضروري
ضليت ادحك علىَ مستغربه شبي هذا
سماء؛: وعليش اخذ رقمك يعني وشنو اكو شي ضروري بيني وبينك
حسن؛: اخذي قبل لااحد يجي ب ساع يالا شبيج تصفنين
اخذت الرقم من عندو ومن صار الليل طلعت الرقم ودخلتو بجهازي وطلع يمي البرامج الي عندو
دزيتلو
سماء؛: نعم
حسن؛: قبل كلشي شيلي صورتج من الواتساب
سماء؛: ترى هذا اسمو تدخل زايد شبيك تدخل بيا لاتشطفين ولا تخلين صورتج لاتطلعين بره انت زوجي ابن عمي اخويا ابويا ؟؟؟
حسن؛: حبيبج
سماء:؛نعمممم حبيبي شنو بله هاي وين لكيتها
حسن؛؛ احبج غير
سماء؛::شوف والله لو ماسدره تحبك وتعزك جان عرفت اش اسوي بيك اني مو بنت الشارع
حسن؛؛ هاي شبيج سماء اني كلت انتي بنت شارع حشاج يابا كتلج احبح اتورطت
سماء؛: اي وبعدين
حسن؛:بعدين اخطبج وتزوجج وتصيرين ام بيتي
سماء؛:وبعدين
حسن؛: استغفر الله اكو احد بحياتج
سماء؛: اي عندي الرياضيات مال سادس
حسن؛: هههه يبوووو انتي طالبة سادس ماعندج مشاعر
سماء؛::الله عليك لو تعوفني ادرس مو احسن من هاي السوالف الفاضيه
حسن؛:والعباس والحسين احبج يابنت الناس هاي شبيج واول من شفتج حبيتج وعمر بعد
سماء؛:هههههههههه متتت
من كال وعمر اريد اسكت من الضحك ماكدر بعد اريد اكتب ميته من الضحك بس ادزلو سمايل يضحك
حسن:؛ شبيج تضحكين كلت اخاف ماتصدكين احلف بالعباس والحسين احلفلج بعمر بلكي تصدكين
سماء؛:هههههه متت من الضحك
حسن؛: اسم الله حبيبتي
سماء؛؛ اشو صار بيها حبيبتي
حسن؛؛ غير انتي حبيبتي راح اتصيرين
سماء؛؛ لو اتموت هم ماصيرلك حبيبه
حسن؛: اجيبك لدرب كتلك اجيبك
وضل هيجي يوميا يحجي معايا ودائما يكولي بيها احبج واريدج الى حد اخر مره طلبت من عندو
سماء؛: اذا تريد انضل اصدقاء ماتكولي بعد احبج
حسن؛: هاي هي بس اني هم اريد اطلب منج طلب وتوعديني توافقين
سماء؛؛الي اكدر علىَ
حسن؛؛ اريد تصارحيني اذا صار عندج مشاعر تجاهي
اصر عليه وعدتو اني ماجنت افكر بهذا الشي هسا اني عندي سادس ومو مال حب بس بعد مانجحت وجنت اريد ادخل كلية القانون وصارت العطله بديت صدك احبو وب يومها دزلي هديه صورتي محفوره على سجاد جبيره حيييل
واهلي عبالهم اني كن سويتها وماخذتها من النت وعرف بطريقتو شلون ياخذني لطريق وكعت بفخ حسن وحبيتو بس ماجنت اكدر اصارحو استحي الى حد مايوم من الايام جنه صاعدين مكالمه اني وهو مشغل اغاني وكاعد يسمعني احس احساسي ومشاعري صعدت لسمه ماتحملت ههههه
سماء؛؛حسن
حسن؛: عيون حسن
سماء؛؛ولاشي
حسن؛: لا اكو شي حجيلي
سماء؛؛ شنو اني بالنسبه لكه
حسن؛: انتي
سماء؛؛اممم
حسن؛؛ انتي اول حب بحياتي وكلشي حلو بهاي الدنيا انت عيوني وكلبي وروحي احبج سماء يمته تحنين عاد
سماء؛: احبك
سمعتو كام يطك اصابعه ويصيح
حسن؛؛ واخيرا كالتها والعباس الله عليج عيديها
سماء؛؛ استحي
حسن؛؛ ولج والعباس تعيدها
سماء؛؛احبك
حسن؛؛. اموت بربج باجر اهلي عندكم الصبح
سماء؛: لا عفيه ماريد اريد اكمل واذا مانت تدخل كليه عسكريه ماقبل
حسن؛؛ شنو بكيفج
اصريت علىَ جثير يالا قبل بس الي يزعجني جثير غيرتو الزايده عليه يعني صح ويلادنا يغارون علينا بس مو مثل حسن لازم شعري ماطلعو بره حتى بالمناسبات
وقبل الخطوبه مال جيهان اتعاركت معا مايخليني انزع الحجاب..
حسن؛: تلبسين حجاب يعني كلت تلبسين
سماء؛؛ مالبس انت تعرفنا نحنا منفتحين وماملتزمين بالحجاب شكو جيت عليه
حسن؛: اهااا هذا كلامج ليش الحجاب صرتي تستعيرين من عنده
سماء ؛:والله ماروح ولا اصل زين ارتاح
حسن؛:احسن حتى محد يشوفج
عفتو ماردت علىَ وضليت نهار كلو زعلانه وماجاوبو الى حد مابالليل راسلني ماجاوبت دزلي
حسن:: راح اتصل والله اذا ماجاوبتي
خفت لايتصل واهلي كاعدين
سماء؛: نعم
حسن؛:شوفي هذا الحجاب البسي من عندو
سماء ؛:كتلك مااروح
دزلي صوره توربون يعني حجاب بس مايغطي الركبه بس الشعر كمت اضحك ماتحملت مشكلتي احبو
سماء؛: ماريد
حسن؛: ليش ياحبيبتي يعني جاي واريدج تلبسين من هذا
مايصير اشوفج بي
سماء؛؛ والله ماكو غريب
حسن؛: ميخالف اني عاجبني انتي تلبسين هذا بعدج زعلانه
سكتت ضل يحجي معايا ويراضني الى حد ماقتنعت وقررت البس خلص هاي هي اني ردت حسن وعرفت طبعو وافقت ارتبط بي
المهم السعاده بيتنا عرفت طبعو وقررت امشي على ماهو يريد بس بحدود ترضيني وترضي
سدره
جنت اسمع سماء وهيا تحجيلنا عن علاقتها بحسن
سدره؛: سماء اخاف ماتحملين احتمال طبعهم يختلف عن طبعنا
سماء؛؛ اني موافقه
اسماء؛: ومنو يكول بابا يقبل ينطي.
سماء؛؛ وليش حتى مايقبل مادام اني اريدو وهو يريدني بابا مايكول شي
سدره؛؛: الله يجمعكم بالحلال بس على اقل خلي يحجي هو يريدج مو هيجي يضل ساكت
سماء؛؛ استحي والله سدره ماكدر بعدين هو راد واني رفضت خلي اكمل جامعتي...
وصلنا الصالون ونزلنا بلشت بنا ام الصالون تشتغل راح من بالي علي كالي شوفي جهازج فتحت الجهاز ولكيت دازلي صوره تسريحه كاتبلي اريد مثلها
ابتسمت والله حلوه التسريحه هم يعرف بهاي السوالف
اشتغلت بيا ام الصالون وجانت تسريحتي ومكياجي كلش نازك
سدره؛: حلوه
اسراء؛: اتخبلين مشاء الله
كلهم كاموا يصلون على النبي التفت لجيهان طالعه غير شكل تجنن كمت اقرأ ايات وانفخ عليها
جيهان؛؛ شلوني ياامي
سدره؛؛ اتخبلين يمه فدوه لبنتي اصير اني
بستها بالهوى واخذوها البنات لبسوها الفستان واني لبست زي كردي ولبست ذهبي كلو حتى حزام ذهب هم لبست لان عندي هو من زمان جان بابا جايبلي هو هديه
كملنا شغلنا وطلعنا رجعنا لبيت اول من دخلنا كمنا انهلهل وطلعوا الويلاد كامو يدكون ويركصون وكفنا كلنا بالكراج نركص وانغني
سدره؛؛ مختار وين علي
مختار؛؛ ب بيتهم
سدره؛؛ شبيك ضايج
مختار؛؛ مابيا
شفت مختار حيييل ضايج سحبتو من ايدو ورحنا لبيت عمتي
سدره؛؛ امشي معايا
رحنا دخلنا جوي رحت اشوف علي دخلت لغرفه لكيت ماري وحسوني لابسين ملابس مال عريس وعروس
وعلي لابس قميص وبنطرون
وامسوي شعر ماري كيرلي اتخبل طالعه
سدره؛: حبيبي
علي؛: احم شنو هذا الجمال حبيبتي
ماري وحسوني؛: ماما
ركضوا عليه حضنتهم
ماري؛: ماما حلوه اني
حسين؛: واني ماما حلو
سدره؛؛ تخبلون يروحي انتو مشاء الله عاشت ايدك حياتي على الملابس حييل حلوين
علي؛؛ واني ماما لعد
ماري وحسوني؛؛هههههههه
ماري؛؛ هي خمه امك حتى اتكولها ماما
علي؛؛ هاي امي ومرتي وكلشي حلو صار بحياتي
ماري؛؛ يعني شنو بابا
سدره؛؛ يعني من تكبرين تعرفين روحو بره حياتي
طلعو بره الويلاد وعلي اتقدم سحبني من خصري وشم ركبتي
علي؛؛ قزومتي
سدره؛:, يعيون قزومتك انت
علي؛؛ خلي نجمع كاافي تعبت
سدره؛؛علي
رفعت راسو ب يديا واخذت شفتو نحنا دا انبوس بعض هدير كاامت تصرخ
طلعنا نركض اني وعلي بره لكيت مختار دا ينصرع
سدره؛: امسك رجلينو علي امسكهم
خليت معلقه بحلكو ومسكت راسو من زمان مختار ماكن نصرع واني اعرف اخويا مايصير بي هيجي الى من ينقهر او احد يسمعوو حجي يتخربط وينصرع
ضلينا ماسكي الى حد مافكو اشويه اشويه
سدره؛؛ كاافي حبيبي اهدأ يعمري انت
علي؛: اشجالك انت اتضل قشمر
سدره؛؛ شبيك علي تحجي علىَ
علي؛؛ يعرف نفسو ليش جاي احجي
كام علي متعصب ونتر بوجهه مختار
علي؛: ياااخي عاشت حياتها انت هم عيش حياتك
سدره؛؛ اشصاير احد يفهمني
كام مختار اتعدل وكام يبجي ويشهك خلى ايدو على راسو مدنك
مختار؛؛ شفتها شفتها ومعاها بنتها تمشي
عرفت بي جاي يقصد حبيبتو القديمه اتقربت علىَ وحضنتو البنات كبل فاتوا جوى ضلينا اني وعلي معا
سدره؛؛ ياحبيبي هاي قسمتك بالحياه رب العالمين راح يعوضك صدكني
مختار؛؛ ماكدر سدره ماكدرت احب غيرها ولاكدرت افكر ب بنت ثانيه غيرها مااكدر اضلم بنات الناس معايا شكد سنين مرت من عمرج ورغم علي اتزوج كدرتي تنسين
حضنتو وبجيت
سدره؛؛ لا لاوالله ماكدرت انسى الله لايوفقك ياعبدالله عساك احتركت بجهنم
مسحت دموعو وبستو
سدره؛؛ وين شفتها
مختار
طلعنا اني وعلي لسوك القلعه وعلاوي راد ياخذ فستان لماري دخلنا لقيصريه
ونحنا جاي انشوف الفساتين وكفت بنت ومعاها طفله صغيره تكدر فستان لبنتها
تبارك؛:ماما جوري اشو هذا الفستان حلو عليج
ابتسمت بقهر اتذكرت هذا الاسم جنت دائما اكول لتبارك من نزوج وتجينا بنت ان شاء الله اسميها جوري
سدره ؛؛ ياااا كن سمت بنتها على الاسم الي اتحبو انت اي وشنو صار
مختار؛: التفتت ورايا حتى اشوف الطفله وجان انصدم ب تبارك هي
علي؛: يالا مختار شبيك امشي
مختار؛؛ تبارك
علي؛: منو هاي تبارك
هي هم من شافتني ضلت مصدومه ومانزلت عيونها مني ماجان اكو احد يمها غير بنتها اتقدمت بدون سابق انذار عليها
مختار؛:شلونج
ماكدرت تحجي ضلت صافنه بيا بعدها كالت
تبارك؛: يمته طلعت من السجن؟
مختار؛: طلعت من زماان بس انتي شلونج مرتاحه؟
تبارك؛: اي مرتاحه وانت اتزوجت
مختار؛: لا
تبارك؛: ليش
مختار؛: هاي بنتج
تبارك؛: اي بنتي
دنكت وبستها وكرصتها من خدها
مختار؛ حلوه مثل امها
تبارك؛: اني صار لازم اروح مع السلامه
مشت وكتلها عايشه ب اربيل التفتت عليه وهزت براسها يعني لا
راحت سدره واخذت كلبي معاها مره ثاني ليش هيجي الزمن جنت اتمنى اشوفها لو صدفه بس من شفتها ماتمنيت
علي؛:والله برايي هي نستك لان مشت مع رجلها بدون مادحك عليك
سدره؛:شلون كدرت تحجي معاها ورجلها
مختار؛؛ جانت واكفه وحدها بس اني وجاي احجي معاها الظاهر لمحت رجلها
سدره؛: انساها اخويا انساها هاي الدنيا هيجي وكل واحد قسمتو بالحياة
كام راح مشى لمغاسل وبعدها طلع من البيت وعلي طلع معا اني هم البنات كملوا وطلعنا لبيت اهلي
راحو الشباب بالسيارات طلعوا سووا فره وصلوا بيتنا كاموا يدكون هورن ونزلوا بالشارع يركصون
نزل قحطان ب يدو باقه ورد طبيعي ودخل لبيتنا انطاها لجيهان وباسها من راسها
الكاتبة...
جيهان يتيمه وحبابه ورب العالمين ماعافها وحدها رب العالمين نور طريقها وهي بعدها بداية عمرها اشكد وكم وكم من البنات الي مثل جيهان طلعوا من داعش وراهم ثلاث واربع اطفال كم وكم من جيهان مشوا بطريق مو زين لان ماكو اهل فوك راسهم ولان متجمع مو خوش لو كل واحد يسوي مثل ماسوت سدره مع جيهان جان مصار مع بناتنا وطلعوا من الطريق صدك رب العالمين يحب جيهان رغم شافت بداية عمرها بس لاكن اول من رب العالمين نور طريقها خلها تدخل بالاسلام وانطاها ام مثل سدره مثل ماهي اتسميها امي لان صدك سدره ام ونعمه الام ارفعلها القبعه اني تحياتي لجيهان ولكل بنت يزيديه عاشت تحت حكم داعش وعانت ما عانت ..
سدره
جانت الحفله كلش حلوه شبعنا ركص وونسى وخففنا عن هم كلبنا اشويه قبل ماتخلص الحفله ب نص ساعه اخذوني اماني وهدير ونور لغرفة التبديل الي بالقاعه
سدره؛؛ وين نروح
هدير؛؛ بس امشي شبيج
اماني خلت ايدها على عيوني ودخلنا لغرفه التبديل من دخلنا شالت ايدها عن عيوني واتفاجأت ب فستان عرس وعلي واكف
سدره؛: يااا هاي شنوو
علي؛؛ انتي مو تريدين تلبسين فستان عرس هاي جبتلج فستان عرس خمس دقايق والكيج حاضره
سدره؛: يروحي انت
حضنتو وبستو من خدو طلع لبست الفستان والبنات ضبطو مكياجي........
ورجعت لبست فستان العرس من جديد بس ياترى هلمره بفرحه اكبر من فرحة الاول؟
لوتسالوني ياهو فرحتي باول عرس لو ثاني عرس
راح اجاوبكم باول عرس من لبسته الدنيا كلها ضحكتلي بس جان اكو سواد واكف من بعيد يدحكلي
ماجنت اعرف هذا السواد جان ضاملي شنو
من 2001 يعني بعد ماحبيت علي بسنه اني ماكدرت اكون مرتاحه
رغم جنت عايشه مع علي اجمل قصة حب بس جنت خايفه خايفه من كلشي جنت امشي والتفت ورايا
بس من لبست فستان عرسي ثاني مره هم الدنيا ضحكتلي بس ضحكتلي واني كلبي زعلان منها لانها ماجانت منصفه معايا
ضحكتلي بعد مابجتني كومه واذتني يمكن من ايديا صح هذاك السواد راح واختفى من حياتي الى الابد
بس اكو انسانا ثانيه عفتها تبجي على مخدتها انسانا ماكدرت تكمل فرحتها بسببي شلون اخلص من القهر شلون....
ماجنت اصور فديوم الزمن راح يرجع يجمعني ب علي مره ثانيه ماجنت ممكن اتخيل نرجع اني وحبيبي بحضن واحد
واكفه كدام المرايا واتلمس وجهي كبرت وفات من عمري جثير
شفت ايام حلوه جانت بس ماشفت راحه بسبب غلطه غلطه خلتني ادفع نص عمري خساره
التفتت ورايا حسوني وماري شايلين سلات ورد
ضحكت واني دموعي تنزل
سدره؛: اتحقق حلمكم يعمري اتحقق حلمكم يانظر عيوني اني وباابا راح انعيش ب بيت واحد
دخل علي ولابس القاط والرباط والكشخه مالتو الي اخذت كلبي خلى ايد على كتف حسين وايد على كتف ماري
علي؛:؛ وحلمنا ؟
سدره؛: انتو احلى حلم رب العالمين حققو ليه احبكم
ركضت احضنهم بيهم وابجي وعلي دموعو تنزل
ماري؛؛ ماما طالعه اتخبلين
سدره؛؛ انتي الاحلى والاجمل ياملاك ماما
سمعت ابو الدي جي صيح بالسماعه ...اعزائي الحضور نطلب من الجميع الجلوس والاستعداد لمفاجأة نسمع احلى صفكه اقوى اريدها اقوى
قدم عكس ايدو علي وابتسمنا وطلعنا نمشي ويلادي كدامي يطشون ورد والاضاءه مطفيه فقط الوان علينا صارت
كلها كام تصفك وتصوفر وصلنا لنهايه القاعه وجيهان وقحطان كاموا سلموا علينا وباركو
جيهان:؛واخيرا سدره والله راح اطير من الفرح الف مبروك
سدره؛: الله يباركلج ياكلبي
قحطان؛؛ مبروك سدره فرحت لرجعتكم والله
سدره؛؛ حبيبي الله يبارك بيك ويجعل ايامك سعاده كلها انت وجوجو
كعدنا اني وعلي وماسك ايدي وشغل اغنيه وكفنا نركص اني وعلي وقحطان وجيهان
علي؛؛ بعد ماكو فراك
سدره؛: ماريد بعد اسم فراك يصيرر بينا اذا ردت اتعوفني موتني قبل ماتعوفني
علي؛؛ اسم الله ياحب عمري وكلشي حلو بحياتي
سدره؛؛هههه اتحبني علوشتي
علي؛: اووف هذا السؤال الوحيد الي ماكدر اجاوبج علىَ
سدره؛؛ ليش
علي؛؛ كلمه احبج قليله
حضنتو واني اكول احبك ياحب مراهقتي وصديق طفولتي ورفيق شبابي وسندي بكبرتي
علي؛؛ الله صدك اشكد من احبج بس ماكدر اصل لحبج
شالني وفرني وكلها كام اتصفك ....
بعدها صارو يباركونا واهلي وبيت عمتي مامنطين فرحتهم لاحد سوينا جلسه تصوير وب يومها حتى بابا حضر
وجان يعرف وهو عمي وخالو لان علي كن اخذ الاذن من بابا ياخذني هليوم وباابا وافق وماقبل يحضر الحفله بس علي اصر يحضر بحكم نحنا مو غربه وكلنا اقارب وكال لخالو على مود زواجي مع خطوبه جيهان وخالي بعكس كن فرح وماكن اعترض وعلي منتفق مع عمر بدون مادري على مصروف القاعه وكذا.....
خلصت الحفله وزفونا لفندق وماقبلت اعوف ويلادي
علي؛: خليهم عند امي
سدره؛؛ لا عفيه حياتي انت مو كن حجزت سويت كامل يكفي
ام علي؛؛ يابنتي دعوفيهم
سدره؛: لا يوم عفيه خليهم يمي
ماقبلت اعوفهم راحوا الكل نزلوا جوى ضلوا عمتي والبنات بين ماجابوا الجنطه اصلا علي كلشي محضر حتى ملابس النوم مشتريهم
جان فستان العرس راقي حييل مخصر كلو لاسفل ومن الاسفل اشويه منفوش حبيبت تصميمو جثير
علي؛؛ يالااا توكلوا لو هم تريدون نيشان
الكل؛: ههههههه
ام علي؛؛ لايمه رايحين والله يسعدكم ان شاء الله
هدير؛:الف مبروك ان شاء الله يارب
علي؛؛ الله يباركلكم يارب
عبير؛: هااا سدره ماخايفه
علي؛؛ لا ماخايفه بعلكس هي هلمره طووووط
خليت ايدي على حلكو اريد اسكتو يمه لسانو من ينفتح محد يسكتو ههههه
سدره؛؛صخاااام علي شبيك عيب
اسماء؛؛ ماكال شي الرجال غلط تذكرين اشكد بجيتي يوم عرسج هسا بعيونج جاي تطردين بينا
الكل؛؛ههههههه
ام علي؛؛ ههه يالا يمه امشوا الله يسعدهم
بوستنا عمتي وطلعت وراحوا كلهم قفلنا الباب وجا علي حضني وباسني
علي؛: مبروك علينا حبيبتي
سدره؛: الله يباركلك حبيبي ربي لايفرقنا بعد
علي؛: امين تجين نسبح
سدره؛: روح انت اسبح خلي ابدل لويلاد
علي:؛براحتج نوميهم ب ساع
غمزلي ومبتسم وراح لحمام واخذ البرنص معا سحبت نفس بفرح اووف واخيرا
سدره؛: يالا ماماتي هاي ملابسكم البسوا حسوني حياتي اطلع بره بين ماماري اتبدل
حسين؛؛ اوكي ماما
ماري؛؛ ماما اني حييل فرحانه لان انتي وبابا اتزوجتو وراح انعيش ب بيت واحد
سدره؛: واني هم فرحانه يروحي انتي
بدلتلهم ورحت اني نزعت الفستان ولبست تراك طلع علي من الحمام وينشف بشعرو
سدره؛: بالعافيه حبي
علي؛: الله يعافيج سدورتي
ماري؛؛ يالا بابا نحنا جعنا خلي نتعشى
علي؛؛ تدللين
اتصل بيهم علي وطلب عشى واتعشينا نومت الويلاد وعلي كلشويه يدخل لغرفه وياشرلي يعني يالا
سدره؛: دكف ياعيني خلي ينامون
علي؛؛ هسا وكت تحجيلهم قصه
شفت الويلاد ناموا طلعت لغرفه الثانيه لكيت علي كاعد يدخن من شافني خلى الجكاره من ايدو وجا
سدره؛: خلي اروح اسبح بعدين
علي؛؛اشويه الخ نسبح سوى اني وانتي
سدره؛: دا اصبر اشويه ماتحمل
هز براسو لاا حضني وصار يبوس بيا صرت ابادرو سحبني على التخت وكمت
علي؛؛ ليش
سدره؛؛ هسا اشويه واجيك
اخذت فستان الابيض وجنطتي مال اليد بيها مكياج وعطور اخذتهم ورحت لحمام سويت دوش سريع وسشورت شعري كلو
رجع طول من جديد لان ضليت اهتم بي
خليت شوي مكياج بسيط واخذت عطر بخيت ورجعت خليت عطر مال شعر يجنن عطرو
طلعت من الحمام ولكيتو كاعد يلعب بالموبايل ويدخن
سدره؛؛ حبيبي طفي الجكاره اختنكت
علي؛: هاي طفيتها تعالي شنو هذا الجمال
ابتسمت واني خجلانه رحت بحضنو فتحت الغطه واتمددت وصرت اشم بركبتو وايدي على صدرو
سدره؛؛ احبك علوشتي اموت عليك
علي؛: اعشقج قزومتي
هستوني بدينا وحسوني جا صوتو
حسين؛: ماما اريد اروح لحمام
دفعت علي عني واتعدلت
علي؛؛ اش راح يخلص هاي الليله اني مو كتلج خلي يضلون يم امي
كمت اخذت حسوني من ايدوو وعضيت لعلي ب شفتي
سدره؛؛هسا اجيك ماطير
اخذت حسوني لحمام ورجعتو نام طلعت من غرفتهم لكيت علي بالحمام وطلع
علي؛؛ ها حبيبي نام حسين هادم اللذات ومفرق الجماعات
سدره؛؛هههههههه اي نومتو علي
علي؛؛ هههه ها كلبي
حبيت ادلع شويه
سدره؛: اريد انام عفيه تعبانه خليها على باجر
علي؛؛ هاي شنو هلمره
سدره؛؛ راح انام
علي؛؛ والله بكيفج تعالي هينا
دا يمسكني وركضت من جوى ايدو وهو يلحكني هههههه اخر شي سحبني من شعري وصرت بالزوايه مال غرفه
سدره؛؛هههههه الله يخليك والله مابيا حييل
علي؛؛ههههه اني انطيج كل الحييل
سدره؛: اخااف حباب
علي!؛؛ ههههههههاي اتخافين اجفص وتعرفين لساني
سدره؛؛ اموت على لسانك
علي؛؛ ههههه دحكي هي تتحارش واخاف اتخافين وهذوله منين اجوي
سدره؛؛ هههه مادري ههه لاتقرب اموتك والله
علي؛: اني الي راح اموتج
شالني من رجليه وخلاهم على خصرو ولزك شفتو على شفتي وحضنتو من ركبتو ورحنا بعالمنا الثاني بعالم مليان حب وشوق وبعد سنين طويله كدرنا نجمع
عالم مستحيل يعرفون شنو مشاعرو غير الي يحبون بعض ويعرفون شنو الحب
اخخخ الحب حلو وحلاتها من تصبح بوجهه الشخص الي اتحبو
اني اذيت علي وعلي اذاني بس الحب هو الي خلانا نسامح بعض ونرجع بحضن واحد ويلتم شملنا
ودخلنا بعالمنا الي صدك وردي الي حتى الزعل بي حلو العالم الي نسى الدنيا ومابيها بي
...اخخخ من الحب اشكد حلو لو حتى تعذب بالحب بس من راح تنجمعون صدكني راح تنسى كل العذاب مثل الام الي اتعيش كل الالم الولاده وتمنى لو ماكن حبلت بس من اتشوف وتسمع صوت ابنها يبجي
وصار بحضنها تنسى هذا الوكت كل التعب واتشوف الولاده شي حلو جان
سدره؛؛؛ علي علي
علي؛؛؛ ها ياكبد علي شبيج
سدره؛؛ احس نفسي راح اموت
علي؛؛ اسم الله سدره شبيج خوفتيني
سدره؛؛؛ الله عليك اني صدك رجعت بحضتك من جديد يعني هذا مو حلم
علي؛؛؛ هههههه مو حلم والله حقيقه
سدره؛؛؛ اكرصني
علي؛؛ لا اسوي شي اكبر من الكرصه هههه
هو يضحك ويشاقيني بس اني اتلمس وجهو خايفه اني بحلم وهذا الشي مو حقيقه همست وعيوني مغوركه
سدره؛؛؛ علي
علي؛؛؛ ها يادنيا علي
سدره؛؛ يعني حقيقه كول والله حقيقه
علي؛؛ والله حقيقه شبيج سدره
حضنته من ركبت وراسه على صدري وابجي واشهك واحس كلبي راح يكف
سدره؛؛ احبك والله احبك ياعلي احبك
رفع راسه وعيونه مغوركه ويمسح بدموعي
علي؛؛؛ كافي ياحبيبتي اشجالج
سدره؛؛ احس كلبي راح يكف
علي؛؛ سلامة كلبج اذا انتي انطيتني كبدج اني انطيج كلبي وعمري وحياتي سدره والله انجمعنا والله وهسا اني وانتي على مخده وحده
سدره؛؛ يارب مايطلع حلم يارب
علي؛؛؛ والله مو حلم سدره مااستاهل هيجي حب اني اذيتج جثير حبيني بس مو هيجي دحكي على دكات كلبي اهدي
سدره؛؛ كلهم يكولون اني مريضه بيك اي صح اني مريضه بيك اني مجنونه بيك علي اني اني
علي؛؛؛ سدره على كيفج اهدي حبيبتي اهدي
ابجي واشهك كل شهكه صارت تطلع مني احسها راح تشك صدري وعلي يحاول يهدي بيا
سدره؛؛؛ اعشقك احبك علي كولي يعمري اكو كلمه اكبر من كلمة العشق حتى اكولها الك
علي؛؛؛ تعالي خلي راسج على صدري واهدي ياحبيبتي
سدره؛؛ لا خليني بكلبك حبيبي لاطلعني
عشنا ليله من اجمل اليالي الي كلما بيها علي يكوم عني ويرجع يحضني ويبوسني ولاكانما جان هسا معايا حتى بيوم عرسنا اول مره ماهيجي جنه فرحانين
علي؛: مشتاكلج حضنج دافي
سدره؛؛ حضني كله الك وكلشي مالك ووملكك حبيبي
حتى التعب معاك حلو حتى الزعل وياك يخبل انت حبيبي وعمري انت تاج راسي يروحي
علي؛؛ انتي الي اخليج تاج على راسي وافتخر بيج وبحبج كدام الله وخلق الله اني مالكي مره بالدنيا كلها مثلج سدره انطيني مجال اتغزل بيج من دخلنا لغرفه ماخليتي كلمة غزل ماكلتيها يابعد بيتي وهلي وناسي احبج
سدره؛؛ احبك
سماء
بعد ماخلص زواج سدره وخطوبه جيهان رجعنا بالليل وحسن كلشويه يدحك عليه ويبتسم
جنه جوى كاعدين كلنا وحسن دك موبايلو وطلع بره بدون مايجاوب
متت من الغيره بس اريد اعرف ليش ماجاوب كدامنا
ضليت اروح واجي ماتحملت طلعت بره كبل لكيت كاعد بالسياره وماكو احد يمو وجاي يلعب بالموبايل
سماء؛: اشكاعد اتسوي وحدك
حسن؛: هاي اشجابج
سماء؛؛ وشبيك هيجي خايف منو دك عليك
حسن؛؛ شنو خايف اخاف عليش
سماء؛: حسن منو دك عليك
نزل من السياره وسد الباب
حسن؛؛:هاي شبيج انتي ماعندج ثقه
سماء؛:احد جاب طاري الثقه سالتك وممكن اتجاوبني
حسن؛: صديقي والله دك عليه
سماء؛؛ليش ماجاوب عجل كدامنا
حسن؛! انتو كاعدين تضحكون وصوت الضحك مالكم وهوسه اجاوب بالهوسه
سماء؛؛ جنت تكدر تطلع بالكراج تحجي
حسن؛؛ فديت الي يغار
سماء؛؛ ماتقشمرني بهاي الكلمات كولي منو اتصل
حسن؛: هاج شوفي
طلع الموبايل ونفس الوقت اتصال
حسن؛:طبي لبرامج وشوفي بنفسج اذا اكو شي
سماء؛: ماريد
حسن؛: لعد عليش اتشكين
سماء؛: ماشك
حسن؛؛ اتغارين
سماء؛؛ عجل مو بشر مو من حقي
حسن؛: عجل لاتكولين عجل هههههه
سماء؛؛ عجل شنو اكول اذا ماكول عجل
حسن؛؛؛ههههه كولي عجل وكولي لعد وكولي جا وشنو انتو عندكم بالمصلاوي تكولون
سماء؛؛ لكن
حسن؛؛ ههههه وكولي لكن كلها تخبل من حلكج هذا بعدين اني
اموت على حقج ولج بابا والله احبج اني واموت عليج
يمه كلبي صار بين رجليه وعمر صار كدامي وحسن مستمر يحجي
حسن؛: بعدين شنو هذا الجمال هليوم طالعه
سماء؛؛ ع عمر
عمر؛؛ هلو هلو هاي اشكاعد يصير هينا
حسن؛: هلا سيدي اش كاعد يصير مثلا
عمر مسك حسن من ياختو وراد يضربو وكمت ابجي
سماء؛؛ لا حباب عمر الله يخليك
عمر؛؛؛ انتي فوتي جوي وحسابج بعدين
سماء؛: والله اذا افوت افضح روحي جوى واصيحهم كلهم وانت تريدني انفضح
عمر؛: اش جنت اتكولها ولك
حسن؛؛ اني احبها واريدها على سنه الله ورسوله
عمر؛؛؛ بس الي يحب مايجي من الشباك
حسن؛؛ ومنو كالك جايك من الشباك
لحظتها طلع ابو حسن وشاف عمر ماسك حسن من ياختو
ابو حسن؛؛هاي شبيكم ليش تتعاركون
عمر؛؛ نحنا اهل يابوحسن وعيب على حسن هذا التصرف
عمي من شافني كبل افتهم
ابو حسن؛؛ واني جاي اطلب ايد سماء لحسن هليوم تكدر تمنع شرع الله انت
عمر؛؛ اني مامانع شرع الله بس
حسن؛؛ انت تعرفني كلش زين سيدي وتعرف اختك ويشهد الله نحنا جينا من بغداد حتى مابس نحضر خطوبة جيهان ومن هناك نحنا منتفقين نخطب
عمر نزل ايدو عن حسن
عمر؛: بس لو جنت شخص ثاني جان عرفت شلون. اتصرف بس لان انت حسن
ابتسمت وحسن ابتسم لعمر ودخلنا جوى رحت اركض على البنات اكمز على التخت واضحك
سماء؛ حسن طلب ايدي من عمر وهسا راح يطلبون ايدي من بابا
عبير؛: نحنا الحزن لو يمطر علينا مره وحده لو ينفتحت باب الفرح مره وحده
سماء؛: لا لا خلص هاي هي خلص كلشي ماكو حزن بعد
حجت هدير وكامت تبجي
هدير؛؛ الله يرحم لؤي ويعوض جنات ومختار يارب
الكل؛: اللهم امين يارب
اشويه وسمعناهم يحجون
ابو حسن؛: عمي ابو عمر اني جيتك هليوم واتمنى ماتردلي طلب
ابو عمر؛: ماعاش الي يردلك طلب ابو حسوني
ابو حسن؛: الله يشهد من يوم الي عرفتكم انتو صرتو اهلنا واعزاز علينا يشرفني اخطب بنتنا سماء لابني حسن
واني جايك وماطلع من عندك الا سماء وباسم حسن
ابو عمر؛: والله النا الشرف ياابو حسن بس انت تعرف لازم اخذ راي بنتي
ابو حسن؛: اي ليش لا هذا حقها
اني كلبي جاي يركص فرح بابا اترخص وطلع من الاستقبال واني والبنات كاعدين بالصاله
ابو سدره؛: باابا سماء سمعتي اش كال ابوحسن
هدير؛؛: خالوو روح وعلى مسؤليتي ترى بنتك جانت تركص قبل اشويه لان عرفت راح يخطبوها
كلها ماتت من الضحك وادحك على هدير واريد تسكت مايفيد
ابو سدره؛: ها سماء منين تعرفين
ام حسن؛؛غير اني كلت لام عمر
ابو سدره؛: ام عمر
ابويا كالها بس بتعاير وجهه مختلفه بابا كلش انسان سبورتي واثق من عندنا منطينا الثقه العمياء
الكل:؛؛ههههههههه
ام علي ؛: روح اخويا روح
راح بابا وهو يضحك ومسكت هدير اكرص بيها
سماء؛؛ فضحتني اخجل من بابا والله
ام سدره؛: والله اني ماحبيت انتو طالعين على منو
ام علي؛: على عمتهم
الكل؛:ههههههه
جيهان؛: والله الحب حلو شبيكم هههه
صحيح والله ياجيهان الحب يخبل قرو الفاتحه وماقبلوا يطلعون ثاني يوم الا همه يمسكون العقد من الصبح اتصلت ب سدره وسويتي روحي مقهوره وعلى اساس دا ابجي لان اصلا مانمت ضليت الليل كلو كاعدين اني وحسن نتراسل
سدره
مانمنا اني وعلي الى السته الصبح ضلينا كاعدين سهرانين
توي علي حضني ودا انام دك موبايلي سحبت الموبايل
سدره؛؛ هاي سماء جاي ادك اشصاير
علي؛: جاوبيها شوفي شبيها
سدره؛: الووو ها سماء
سماء!؛ سدره
اتعدلت خايفه
سدره ؛؛ ولي اشصاير شكو تبجين
سماء؛؛ عمر مسكني
سدره؛: الله يطيح حضج اي والله عرف بيج مو
سماء؛: اي عرف
سدره؛؛شلون بس فهميني مو كلنا اذا الويلاد عرفوا راح يطيحون حضج
سماء؛؛ جنه واكفين بره بالشارع وعمر سمع حسن يحجي معايا
سدره؛: جان يجفص مو
سماء؛؛ اي وعمر اتعارك معنا وكالي بس يروحون حسابي معاج خايفه سدره الله يخليج
سدره؛: الله يطيح حضج اي والله ومايخطبج
سماء؛عمر كالو لو حتى تخطبها ماانطيك
سدره؛: معليج عمر هو هيجي يحجي واذا يحبج يجي يخطبج
سماء؛: يعني انتي هيجي اتكولين
سدره؛؛ اي اكيد واني واثقه من عندو
سماء؛: تعالي من وكت حبابه اخاف عمر يكتلني
سدره؛: كون يكسر عضامج من صباحية عرسي مخابرتني
سماء؛؛ على اساس انتي نمتى
سدره؛؛ امشي ولي يالا
سماء؛؛ هههه اوكي باي
سدره؛؛ ههه باي حبيبتي
علي ؛: اشصاير
سدره؛:يمعود هاي الغبيه سماء عندها علاقه بحسن وعمر ماسكهم البارحه وكن كالها بس يرحون حسابي معاج
علي؛؛ حسن ماغيرو
سدره؛؛ اي حسن
علي؛؛ اي والله خوش ولد وبعدين عمر مايكول شي اذا عرف نيتو حلال
سدره؛: هم هيجي بس هذاك يكون كدها ويخطبها
علي؛؛ شلون الايام مرت ياسدره تذكرين من جنه عندكم وانتي ماخذه النتيحه فرحانه ونفس اليوم امج جابت سماء والطارق
سدره؛؛ اي والله شلون ماتذكر ب يومها اني سميت الطارق وضليت اعيب عليك لان اني اذكى منك
علي؛؛؛هههههه اي والله صحيح
حضني علي ونمنا اشويه كعدنا بدلنا ونزلنا اتريكنا وبعدها طلعنا لبيت اول من دخلنا كلها مخبوصه وجاي يطبخون وذابحين استلمونا بالهلاهل ويبوسون بينا
بعد ماسلمت عليهم اخذت عمر بصفحه
سدره؛: عموري حبيبي الله يوفقك ليه طلب يمك
عمر؛: كولي اختي
سدره؛؛ لاتاذي سماء بعدها مراهقه ماتفتهم
عمر؛: وليش حتى اذيها
سدره؛؛ مو انت البارحه كن شفتهم وهذا حسن جاي يجفص معاها بالحجي
عمر؛: اي بس ماكالتلج خطبها نفس اللحظه وابويا انطاها وهسا بعد الغده العقد مالها
فكيت عيوني مستغربه
سدره؛: ياادبسزز ياسماء والله هليوم الا اكسر راسج اتخابريني من السته الصبح وخبصت علي يالا ويالا وبالاخير جاي تضحكين عليه
سماء؛؛ اختي حبيبتي جاي اتشاقه معاج والله
شلت النعال حشا القارى ولحكتها بي وهيا تركض واني اغلط عليها اخرشي حسن وكف كدامي
حسن؛؛ على كيفج بيها هاي خطيبتي ماقبل
سدره؛ انجب انت وخطيبتك لو تعرف خطيبتك شنو سوت بيا جان ماكلت
حسن؛. شنو سوت غير اعرف
سدره؛؛ اتخابرني من السته الصبح اتكولي عمر مسكني مع حسن بره ويكولي حسابي معاج
حسن؛؛ هههههه هو هم صح بس. خطبتها
سدره؛: ول جذابه ماكالتلي انخطبت والله هليوم اشبعج كتل
مسكتها كمت اكرص بيها وهيا تضحك اخر شي باستني واعتذرت مني
سدره؛؛؛ وانت الثاني ابو الجذب كل ماينزل من الدوام يخايرني خالتي مشتاقلج راح اجيكم خلخاله الي تخلخل عضامك
الكل؛؛ هههههههه
حسن؛؛؛بس تعالي اشاورج
سدره؛؛ هههه شنو
قربت اذني وهمس
حسن؛؛؛ بحجة النونو امي تاكل بحجتج اجي اشوف اختج هههه
ضربته على ايده
سدره؛؛؛ ههه ادبسزز والله عرفتك مو راحه من جانت الهونات تكع على راسنا
حسن؛؛ اني هم وكع هاون بكلبي فلش كلبي بهذيجه اللحظه
سدره؛؛ ههههه شوف عمر هذا الجندي مالك شلون عينه طالعه
عمر؛؛ باجر تلتحق وبوجهك على الايمن 3اشهر ماترجع اشوفك الهاونات الصدك هناك
حسن؛؛؛ شنو سيدي هاي هدية مال خطوبتي
عمر؛؛ اي هدية مفاجأة هههه
الكل؛؛؛ ههههههه
حسن؛؛ ههه سيدي اسالك سؤال
عمر؛؛ مادام صرت نسيبنا لاتكول سيدي من تكون مدني
حسن؛؛ متعود لساني واحترام الك مايصير
عمر؛؛ مامشكله اسال
حسن؛؛ انت بالبيت شخصتك تختلف عن الدوام ليش والله العظيم الطلقه الي ضربتها يم راسي اذني مااسمع بيها الى حد الان ههه
عمر؛؛؛ ولج سمااااء هذا خطيبج اطرش طلع
الكل؛؛ هههههه
عمر؛؛ هههه اذا اني اضحك معاكم بالدوام مثل مااضحك مع عائلتي طلعت هاي مو عسكريه لازم اكون قاسي معاكم حتى تطلعون شد
اني واكفه يم حسن وسمعت همس
حسن؛؛؛ لعبت بينا طوبه بالدوام ياشد
سدره؛؛ هههه دا يحجي عليك والله
عمر؛؛؛ شلون يخلني ابطل وماانطي بعد سماء لو يموت
حسن؛؛ لا لا سيدي كلشي ولااختك
عمر؛؛؛ ولك اختك شنو
الكل؛؛ هههههه
سدره؛؛ اخذله تحيه ههه
حسن؛؛ لابس مدني مايصير هههه
اتغدينا وبعد الغده عقدنا لسماء وحسن وكل المراسيم سوينها
وقررنا قبل الدوام يصير الزواج يعني تقريبا بعد زواج جيهان باسبوع ....
راح كل واحد لبيتو وبيت خالي اهل قحطان راحوا لموصل
كاعدين العصر وعمتي عدنا وعمر صار يحجي على سماء
عمر؛؛ سماء
سماء؛؛ ها عموري
عمر؛؛ احمدي ربج ابو حسن خطبج وابويا وافق اني مالي كلمه بعد كلمة ابويا جان دفنتج هسا تواصلين مع الجندي مالي
سماء؛؛ والله هو مو اني
عمر؛؛ هو مو وانتي شبيج بحلكج عضم ماتكدرين ترزلينا
سماء؛؛ رزلته بس ماقبل بعدين عمر شو انت من عرفت بسدره تحب علي وكفت معاها وخليت ابويا يوافق
عمر؛؛ علي ابن عمتي مو غريب عنا
سماء؛؛ وأسماء شو تزوجت احمد عن حب مو جان اخو صديقتها
عمر؛؛؛ اي عفيه العشق الممنوع عندنا نحن
الكل؛ هههههه
ام علي؛؛؛ ابو فاروق مادام الرجال نيته حلال شكو بيها
عمر؛؛؛ والله عمتي بحلكي سالفة جبيره بس استحي منج
ام علي؛؛ كولها
عمر؛؛ يعني ماتزعلين اذا كلتها
ام علي؛؛ مازعل منك
عمر؛؛ والله هذوله البنات طلعوا عليج
الكل؛ هههههه
ام علي؛؛؛ هههههه ول لوتي مو شفت اسراء وتخبلت عليها عليك حلال وعليهم حرام بعدين شبيها عمتك
عمر؛؛ ههههه والله اني شفت اسراء بس ماسويت معاها علاقه كبل دزيت امي خطبتها وانتي ياعمتي ابويا يكول عمتكم جانت دا تشرد مع عمو قصي وجدي ماسكج مخلص عليج وهو يكتلج وانت تصيحن اذبحني وماتزوج غيره
عمر يحجي ويضحك ونحن نضحك معا
ام علي؛؛؛ هههه اي والله جان معايا بالجامعه وابويا يصيح راح ازوجج واخلص منج
واتزوجت عمك وهو زعلان مني وخلفت ويلادي من صار عندي علي من شافني سميت علي على اسمو يالا قبل يصالحني
سدره؛؛ شوف يوم اشكد سبعه سمت على اسم بابا وعلى اسم جدو
علي؛؛ جدو؟ وبابا؟
سدره؛؛ ههههه شنو اكول
علي؛؛؛ شنو اكول شدي براغي حلكج ولاتكولين شي
الكل؛؛ هههههه
سدره؛؛؛ ابو راس لاتعيب
عمر؛؛ ولي سدره عيب تكولين هيجي على رجلج كدام ويلادج
سدره وهدير؛؛؛ ليش هو ماعندو راس ههههههههه
سدره؛؛ ههههه بعدج مذكرتها
هدير؛؛ هههه اي والله.....
اني وعلي رحنا لبيتي سكنا بي وقررنا انعيش ب اربيل رغم بيت عمتي قرروا يرجعون لموصل وبدوا ب اعادة بناء البيت مالهم
يعني قبل جانت فوك بس شقه لبيت حمودي هسا صارت طابق الثاني والشقه سواها بيت كامل والطابق الجوى صار لعمي وعمتي
جان فصال حلو حيييل واني وعلي افترينا جثير مجمعات وماجان يعجبني اخر شي لكيت بيت 400متر طابقين وبي حديقه جبيره
فوك بي اربع غرف وجوى اثنين وكل غرفه معاها حمام والمطبخ جبير لان اني احب المطبخ الجبير
انطينا لشركه من ناحية الصبغ والتنظيف وكلش حلو طلع ومرتب علي جان عندو بيت بالموصل باعو واني بعت جثير من ذهبي وفلوس عندي جان وعلي هم جان عندو كم فلس كدرنا نشتري لان الصراحه جان غالي البيت والي عايش ب اربيل ويعرف اشكد المجمعات غاليه والبيت جان يستحق اتساعدنا اني وعلي واشترينا بس علي ماقبل يسجل كامل باسمو سجل نصه باسمي اني ماردت وكتلو ماكو فرق بيني وبينك بس رفض
بهاي الفتره جيهان اتزوجت وطلعت اميره ب يوم عرسها نازكه وتجنن فرحانين بيها عيالها
هم الحمدالله ماقصرت عليها وكلشي اشتريتلها وماما انطتها مبلغ زين وكالتلها تشترين بي اثاث واغراض لبيتج ماخلينها تطلع فارغه من البيت كل واحد بينا انطاها هديه
زواجها صار بارقى القاعات يعني شلون جنت اشوف فعلا جيهان تستحق هذا الشي
عزمت مصطفى هم وجاب امو وجاء واني ب نفسي اتصلت بخطيبتو هم استغليتها فرصه حتى احجي معاها
واصريت عليها تجي بعد ماعرفتها على نفسي وافقت وجت مع مصطفى جانت نظارتها ليه بيها كومه علامات استفاهم بس من شافتني الحفله كلها اركص مع علي وعلي كل اشويه يحضني ويركصني حسيتها ارتاحت رحت كعدت يمها وصرنا نحجي
سدره؛: تعرفين مصطفى اخ عزيز عليه حييل والي سوى معايا مو اي رجال يكدر يسوي
يعني انتي صدك اتعرضتي لعنف من داعش
سدره؛؛ اووف ماريد اخرب فرحتي ايام ولت حشاج وراحت ماريد اذكرها بس زواجي من مصطفى هو نقذني من داعش والحمدالله بعدين انتو ليش الى حد الان مازوجتو
الصراحه سدره السبب مني اني
وليش ياكلبي ترى مصطفى ماتعرفين اشكد جان ينتظرج على نار
سدره من عرفت بي اتزوج كمت اخاف
من شنو اتخافين
اذا اكولج ماتزعلين
لا ليش حتى ازعل
سدره بصراحه اخاف لا صار شي
قصدج بيني وبين مصطفى
هزت براسها اي
معقوله انتي تحجين اكولج مصطفى اخويا والله بعدين عشت معا اشهر طويله وربي شاهد حرف ماسمعني او حاول يلمحني عاش معايا اشهر واني ماعرف ليش اخذني خاف لالساني يزلك كدام احد واكول مصطفى اخذني حتى ينقذني من داعش لان وكت داعش جانت حتى روحج ماتقثين بيها وجان يكدر يستغل هذا الشي ويطلب بحقوقو بس هو مثل عليه اول يوم الزواج
وسمعني وحجيتلو اني احب ابن عمتي وابو ويلادي وحرمني على نفسو بعدين انتي معقوله لو صاير شي بينا مصطفى راح يعوفني دحكي كدامج وشوفي مصطفى وعلي واحد ماسك ايد الثاني جاي يدبجون
علي مافكر نفس تفكيرج وكال اخاف صار شي بينهم لان عندو ثقه بيا ولان يفكرها صح معقوله انتي
مو قصدي والله لاتزعلين من عندي اني اغار
حقج اتغارين بس لاتشكين بمصطفى طول عمرج الي يعيش مع بنت اشهر طويله بنفس الغرفه وهيا مرتو على سنة الله ورسوله ويكدر يسوي اي شي وهو مالمسني لمسه وحده وجنت احس صدك اخويا هذا لاتخافين علىَ ابد بلعكس اذا احد كالج مصطفى اتزوج وهو يحبج
كولي اني فخوره عندي هيجي رجال الي يخاف على بنت غريبه صدكي يخليج برموش عيونو
اني احجي معاها وهيا كامت تبجي حضنتها وبستها من راسها
لاتبجين حبيبتي والله مصطفى خوش ولد خلي نفرح بيكم عاد
اعرف بي يحبني وحبابه بس حجي الناس وكلها اتسمعني واتكولي مصطفى لو يحبج مايتزوج غيرج
خلي يولون الناس والله الي يضل يسمع حجي الناس مايعيش صدكيني
جا مصطفى وشافها كن بجت
مصطفى؛؛ شبيج حبيبي
اسفه مو قصدي ازعلك والله
اي بس اني مارضى هيجي
شلون ارضيك
تزوجيني
هههه اي موافقه
كمت اضحك عليهم ربي لايحرمهم من بعضهم ولايحرم كل واحد من الي يحبو
خلصت حفلة جيهان وبعدها باسبوع صارت حفله سماء رحنا لبغداد وسوينها هناك لان صعبه من اربيل لبغداد وهم سماء صار زواجها حلو ويخبل بس لبست حجاب توربون براضتها هيا وعاشت بيت وحدها حايط على حايط مع عيالها والمطبخ مالها من المعلقه الى الكاونتر علينا حتى غساله مواعين وغساله ملابس وثلاجه ومجمده وبراد واجهزه كهربائيه ماخلينا نقص واحد وبيت عيالها هم مشاء الله ماقصروا من ناحيه الذهب والعرس وبالتالي هم مو مهم مهم السعاده بينهم
سافرنا لدبي اني وعلي وويلادي حتى نتونس اشويه وقحطان سوى عرس
ثاني لان اصدقائو واهل امو هم اكثرهم عايشين هناك واني وعلي هم حضرنا عرسهم
وهم صار عرسهم بالقاعه واحلى الف قاط من عرس الي ب اربيل ومع العلم عرس اربيل صار يجنن بس هاي دبي بعد ماكو مقارنا
اني وعلي هم اتوسنا وضلينا هناك تقريبا شهر وماكعدنا بالبيت ابد صح مافترينا كل المكان بس كدرنا اكثر من النص انشوف ونطلع وحتى على الصحراء هم رحنا الويلاد طاروا من الفرح خصوصه من ركبنا على الجمل وهم قحطان وجيهان معانا جان كل الطلعات همه معانا
اشكد كن سافرت لدول لبنان وتركيا وايران وسوريه والاردن بس كلها ماتصير مثل دبي يمكن لان اني وعلي وهم دبي حلوه
سدره؛: فرحانه جوجو
جيهان؛: حيييل سدره فرحانه
سدره؛: الله يديمها عليج يارب وقحطان حنون
جيهان؛: اي حنون وكلشي ياخذ رايي سدره حييل يحبني ويذكرني بكلشي
سدره؛: يعمري انتي والله تستاهلين
جيهان؛: الفضل لرب العالمين ثم لجه
بعد اقل من شهر رجعنا لعراق وبيتنا كامل سويت غرفه وحده لحسوني وغرفه لماريه لان كبرو
جهزت بيتي من كلشي ماخذت اغراض جثيره حتى لايصير هوسه جان البيت نازك وحلو
هاي الفتره مصطفى اتزوج ورحنا لموصل حضرنا عرسو ....
سدره؛: علي
علي؛؛ ها حبيبي
سدره،؛: خلي انروح لمختبر اريد احلل
#القسم_الاخيررر
تكملة بارت29
علي؛: ليشش حامل
سدره؛؛ممكن لان ماجتني
علي؛؛ يالا كومي اشمنتظر
سدره؛: ااووي علي ولاعبالك عندك جهال والله اذا طلعت حامل هذا اخر بطن
علي؛: الله كريم
اني جنت الحمدالله مكتفيه بحسوني وماري ماكو واحد مايحب الاطفال بس اني مشغوله دائما دوامي وبيتي واحب اهتم ب نفسي وماحب اضل احبل واجيب ويتغير من جسمي وشكلي بعدين اثنين كلش نعمه من رب العالمين بس بهاي الشي ماكدر على علي رحت حللت وكعدنا نتظر اشويه وطلع الفحص الحمدالله حامل وعلي طار من الفرح
علي؛: مبروك حبيبتي ان شاء الله تكومين بالسلامه
سدره؛؛ الله يسلمك حبي مبروك علينا نحنا الاثنين
من رجعنا من الموصل رحت على عياده على عبير لان هيا استقرت ب اربيل بس رغيد وهدير رجعوا لموصل
سوتلي سونر وجان اتكوم تضحك
سدره؛؛: شبيج تضحكين
عبير؛؛ مبروك
سدره؛: على شنو
عبير؛:تؤام
سدره؛: لاااا لاتكوليها الله يخليج
علي؛: الله يبشرج بالخير عبوره
سدره؛: الله عليج لاتشاقين
عبير؛:ههههه والله ماجاي اتشاقه هاي كدامج
سدره؛:هذوله شلون راح اربيهم
علي؛؛ هههه هاي شبيج حبيبتي مايصير اتكولين هيجي احمدي ربج واشكري شلون مايتربون
عبير؛؛ هاي الوراثه اخذتوها انتي واسماء
سدره؛: وحضي مايصير الا اني اخذها
علي؛؛ استغفرالله سدره هاي شبيج
سدره؛:؛ كتلك خلي اخلي مانع
عبير!؛ ترى ماكو داعي لهذا حجيج سدره باليوم تجين الف وحده تبجي وتريد طفل وانتي جاي تبجين لان حبلتي والله ماتوقعت هذا منج
سدره؛ توأم عبير
عبير؛؛ واذ توأم وشنو يعني لا ماما لا استغفر ربج وكومي صلي ركعتين احمدي الله بي
علي حسيتو زعل وطلع من العياده سلمت على عبير ولحكتو والطريق كلو ساكت مايحجي
سدره؛: شبيك ساكت زعلت
ماقبل يجاوبني
سدره؛: هاي شبيك علي عليش تزعل
علي؛: ماتخافين لا رب العالمين يعاقبج على هذا كلامج وينطيج اطفال معواقين ويخليج طول عمرج تندمين
شنو منو يربيهم الله يساعد امهتنا قبل شلون ربوا اطفال وعيال وظيفه ورجال ليش مثلنا هسا نحنا نخدم نفسنا ب نفسنا وكل سنه تحبل واتجيب وماتكول لا
سدره؛: ليش هيجي تحجي معايا
علي؛؛ لان انتي كلامج غلط اول شي راح تاخذين ايجاز لفتره طويله وعندج شغالات اثنين وماري مشاء الله هم كبرت وتكدر اتساعدج اشويه واني هم اساعدج غلط عيني وحرام هذا كلامج استغفري ربج لا الله يعاقبج
سدره؛؛ زعلت مني
حجيتها واني معبسه التفت عليه وابتسم وكرصني من خدي
علي؛؛ هو اني اكدر ازعلج بس خربتي فرحتي
سدره؛؛ مو اخاف اصير مو حلوه واتكوم ماتحبني
علي؛؛ وليش حتى ماحبج
سدره؛؛ من اضل احبل واجيب جسمي يخرب
علي؛؛ هاي صدك تحجين انتي وانتي على مود هذا بابا اني اضل احبج شنو جسمج يخرب وبعدين جيبي بخير وسلامه وبعدها لاتحبلين انتفقنا
سدره؛؛ هههه اوكي اش راح انسميهم
علي؛؛ هههه مادري اذا بنات نختار اسم يتشابهون واذا ويلاد واحد من عندهم لؤي
سدره؛؛ واذا بنت وولد
علي؛؛ خلي البنت ماري اتسميها
سدره؛؛ ههههه ان شاء الله اسفه مو قصدي اضوجك
علي؛؛. ماحاجه لعتذار حبي
ورجعت عليه معاناة الحمل من جديد وهم نفسي تلعب من علي لدرجه جنت اعوفو مرات اروح انام ب بيت عمر
لو اروح انام بغرفة ماري فدمره هلمره وصل حملي خمس اشهر وبطني كبرت مشاء الله فدمره وجنت دائما اراجع وعرفت شنو جنسهم وبهاي الفتره مختار اخويا خطب واخيررااا بس المفاجأة جانت يالا خلي هو يحجيها الكم .......
