رواية صراع الشيوخ الفصل التاسع والعشرون 29 بقلم ليال القمر

.العم كريم بحزم: ارجوان ما تروح فصلية 

ابو احمد تنهد بارتياح واحمد وقاسم گلبهم راد يوگع بالارض من القلق والصدمة 

العم عالي: چا وابني ياخوي شلون راح ينكتل 

العم كريم بعصبية: چا مايفكر باهله گبل لا ينهزم لو بس احنه اللي نبتلي واهو عايش حياته خلاص احنه تبرينه منه 

العم كريم بعصبية: چا مايفكر باهله گبل لا ينهزم لو بس احنه اللي نبتلي واهو عايش حياته خلاص احنه تبرينه منه 

العم صگر: شتگوللهم ياخوي 

العم كريم: خلاص انه اگللهم علة مكان سمير وخلي يغسلون عارهم احنه مالنه شغل 

العم عالي: لاخوية لاتكسر ظهري بابني 

العم كريم: چا لعد نهدم حياة بنتنه وهي مالهة شغل راحت مرة بعد هاذ اهو وشافت الظيم هناك ما اشمر بنت اخوي للتهلكه مرة ثانية 

ابو احمد فرك عيونه بتعب: يالله انه رايح ارتاح 

الكل: تفضل 

راح ابو احمد وهو مهموم ودخل لغرفته لگة شمس مرته گاعدة تمشط شعرهة 

شمس: هلوو حبيبي شلونك 

جواد: موزين شمس مو زين 

شمس بقلق: يومه حياتي احچي خوفتني عليك 

حچالهة جواد الصار 

شمس باعتراض: طبعا يرفض شنو شايف بتنه سلعه نگعد ننطيهة ونرجعهة ماكو هيچ حچي جواد 

جواد: انه تعبت شمس شسوي گوليلي 

شمس ابتسمت بخبث وحچت بصوت مغري وتلعب بازرار دشداشته وتلزم وجهة برقة: حبيبي گتلك اني خلي نعوف البصرة بس انت ما رضيت واني اگول لو نرجع لاميركا احسن النه لان راح نخلص من كل الهموم 

جواد حظنهة وخله راسه برگبتهة: اووف شمس مشتاقلچ بگد رحمة الله 

شمس وهي تحرك اصابعهة علة رگبته وتلعب بشعرة وتحچي بنعواص المعروفة بي هي وبنتهة: اني مشتاقتلك كوومه حياتي انت لتعب نفسك اوكي ذب كولشي ورة ظهرك وامشي 

جواد وهو يبوس برگبتهة: اااه شمسي شسويتي بية 

نزل يبوس بيهة وهي تتجاوب ويا بعدين همست باذنه بصوتهة المغري: ها حبيبي راح تترك العراق علمود اولادنه ومستقبلهم 

جواد وهي يبوس خدهة وفقد بكلامهة وانوثتهة: ولچ ياعراق يا... انه جد جدي مسموط اعوف الدنيا كلهة الچ ولاولادنه 

شمس ابتسمت بمكر وغرور ارضت نفسهة: لعد خلي نتجهز اسبوع واحد واحنه مو هنا اوكي حياتي 

جواد: ماشي 

ووووو....

^^^^^^^^^^

ارجوان: وهاية حچيتلك كول القصة 

امير تنهد براحة: ارجوان تدرين لو رحتي فصلية شيصير بية 

ارجوان : لا 

امير بحسرة: ولچ انتي لويش ماتحسين بيه ارجوان دخيل ربچ شنو ماتحسين بيه 

ارجوان استغربت من كلامه: امير وضحلي شبيك انت مهموم فضفضلي 

امير بتعب وحسرة: انه راح اعترف بعد ماتحمل 

ارجوان بترقب: اوكي احچي 

امير وهو يغمض عيونه ويتنفس بسرعه: ارجع وياچ للماضي من قبل لاتدخلين بحياتي ... انه من حسن والناس يتحچون بيچ صار عندي فضول اشوفچ واتعرف عليچ چانوا يحچون بس بحسنچ ودلالچ وانه انعجبت بمواصفاتچ ومن شفتچ حسيت بنبضي يتسارع ماعرف شني شعوري چان بذاك الوكت اعجاب لو چان مجرد فضول 

قاطعته ارجوان بتوتر: امير بس....

قاطعهة وهو يكمل: الله يخليچ خليني اتحچة اللي بگلبي وارتاح

ارجوان بارتباك: اممم اوكي... تفضل 

امير بحسرة: ولچ لويش تشعلين گلبي بدلعچ رحمي بحالي 

ارجوان بخجل: امير.. كافي.. احچي بسرعه..

امير بتنهيدة حارة وغمض عيونه وهو يبتسم لهاذة الشعور اللي يغزوا من يحچي وياهة: انطيتچ اختيار تزوجيني بس انتي انهديتي بية وانعجبت بگوتچ وبلسانچ اكثر واصريت عليچ ردتچ انتي تكونين مرتي وام جهالي لان گوية ومحد يگدر يدوس عليهة ولا يكسرهة!!! شفتچ مثالية ومناسبة اللي كلش!! بلحظتهة عرفت انتي حتكونين ملكي والي و واني مستعد اواجه كلشي حته اخذچ من كرم يومهة جنت افكر فيچ وخايف لا كرم ماخذچ صدگ وحامل بس چذبت اذني وگلت لا ما تحمل ارجوان مستحيل بس ما اهتميت المهم انتي تكونين حلالي بالنهاية ورة يوم شفت اخوچ احمد واتعرفت علي وعرفت انتي اللي دازته علي انه ماعرف شسوي من فرحتي يعني دليل انچ واثقة بية 

ارجوان بابتسامه : الصراحة لان ما لگيت غير حل اني اتواصل وياك ونتحد ضدهم وچنت انت موجود واللي عنده ثار وياهم وهاذة ساعدني وساعدك

امير بخبث: اها وتلعبين من جوة الجوة چنتي مو 

ارجوان سكتت خجلانه منه 

وامير تنهد ويكمل: بعدين احمد گالي يردونچ تحبلين وانه نار بصدري صارت ماعرف شعور تملك لو غيرة لو انعجاب لو حب بعدين عرفت ما متگربلچ وانه الدنية ما واسعتني من الفرحة اتفقت وية احمد بنفس اليوم نهد عليهم حته ما ياخذچ ومن شفتچ طالعه لحظن ابوچ واخوانچ گلبي يدگ سريع ماعرف هاذة شني الشعور بس چان كلش حلو وحبيته وتحچيت وياچ بعدهة بالمواقع التواصل ومن عرفت عادي تقبلين صداقات نار الغيرة اكلتني وضليت اتحجج عليچ اذا صار شي وياكم لو لا وانه اعرف انهو كرم صارت بي حالة نفسية 

ارجوان: ليش هو شبي 

امير بحدة وغيرة : لا تسألين علي ابدا تردين تحچي بس علي 

ارجوان سكتت وماحچت شي وامير يكمل: ماعلينه منه المهم من چنت احچي وياچ چانت هاذي اسعد لحظات بحياتي لكن اللي كسرني هو من شفتچ بالسوگ ولازمة ايد زيد حسبالك حبيبين لو متزوجين عقل ماضل براسي ونار تاكلني اكل بس للاسف انتي ماچنتي تحسين شگد حاولت ابينلچ انو من غيرتي اعليچ هيچ اسوي بس انتي مادري شبيچ ماتحسين بية وصدمة عمري من گعدتي عله الطاولة وشاركتينه چان بودي اذبحچ وافگس عيون زيد اللي يباوع اعليچ ويناظرلچ باعجاب چانت هاي اصعب المواقف وياچ وانتي ولا يمچ تشربين عصير ومامهتمة وزيد يكومچ وانتي مصرة وتحچين كانما تعرفينه وصدگ نعرفچ بس رفيجي حسن مايعرفچ زين 

امير بقهر: هو مو هاذ الحچي من زيد عرف علاقتي فيچ ومن رجعتوا بعدهة ثاني يوم شبعني رزايل وتعاركنه بوكتهة بس حسن اللي رجعلنه صحبتنه ورجعنه مثل گبل بس چان طول الوكت يراقب ويامن اتحچة لو ويامن اكتب ومرات ياخذ موبايلي في سبيل ماعنده رصيد بس انه چنت اتحچة وياچ وامسحه كله اخاف فد يوم زيد يفهم علاقتنه غلط وياخذ نظرة اعليچ وچنت اخذ حذري وياچ لهذة اتحچة وياچ بس بالليل 

امير وهو يبتسم: بس احله شي صار من نطيتيني رقمچ واسمع صوتچ چان عندي عيد وگلبي وكياني كله تخربط قويت علاقتي وياچ واخذ تفاصيل حياتچ وعرفتچ وحفظتچ وشلون اتعامل وياچ وانه اريدن اگلچ شي بس خايف تتركيني 

تنهد وانعصر گلبه ومغص ببطنه وعرگ وهو يمسح بوجهة بتوتر وحچة بصوت هادئ وهامس وبحة صوته المغرية: ارجوان انه... اعشگچ واتمنه تتفهميني دخيل ربچ

ارجوان فاتحة حلگهة بصدمة من كلامه وما فكرت ثانية وحدة انو عنده مشاعر ناحيتهة 

استوعبت ارجوان وخجلت وارتبكت وصار مغص بمعدتهة وگلبهة يدگ سريع: ش...شن..شنوو امير ص...صدوگ. دتحچي 

امير بالم وخايف ولازم گلبه ؛ ارجوان انه اعشگچ الله يخليچ لا تعصرين گلبي انطيني فرصة وننتقل لمرحلة غير الصداقة الله يخليچ

ارجوان بلعت ريگهة وقوت نفسهة وحچت: امير ماعرف شنو اگولك بس الصراحة صدمتني بهذة الخبر يعني متوقعت ابد انو عندك مشاعر ناحيتي بس اني...

امير بالم ودموع: ارجوان لاتكملين انطي لنفسنه فرصة بس لا تتركيني دخيلچ كلهة تركتني بس انتي بقيتيلي ابوي واخوي اعز ماعندي راحوا ماريدچ انتي هم تتركيني 

ارجوان بالم ومقهورة: ليش ما گتلي عندك مشاعر من البداية ليش چان اني ابتعدت عنك ومااخليك تتعلق بية امير والله اسفه بس انت صديقي شلون تريدني اعشق صديق الله يخليك افهمني 

امير وگلبه ينعصر وتخيل تتركه تخبل وگام يصرخ بالم: ماتعوفيني انتي افتهمتي ارجوان انه اعشگج بخبال لا تسودنيني لاتسوين بيه چذي لخاطر الحسين 

ارجوان دموعهة سالت وكتمت شهگتهة وحچت بصوت باچي مؤلم: اسفه امير ماگدر اتقبلك اكثر من هيچي انت مثل اخو..

قاطعهة امير بصراخ ودموعه نزلت: لا انه مو اخوچ انه حبيبچ ارجوان لاتعوفيني انه تعلقت بيچ بشكل مو طبيعي ماگدر اتخيل تكونين لغيري 

ارجوان بالم: آسفه امير اللي بينه انتهة واذا تريد صداقتنه تكتمل اني اعترض واني ما احب اجرح شخص بس انت لو اعترفت من البداية چان هسة ماأذيت 

امير گام وكسر كول عطورة ويكسر بالمري بغرفته ويصيح: لا ما انتهة ما انتهة 

ارجوان گامت تشهگ وتأذت علي ومتعرف شلون تتصرف: امير الله يخليك اهدة والله ما اگدر افهم 

امير بصراخ وهو يگعد بالگاع وادية كلهة دم من التكسير: لا انتي تحبيني انه اعرف مو اعترفي وتخلي عن غرورچ لخاطري ارجوان..

ارجوان گامت تبچي بقوة: سووري والله ما اقصد 

امير بالم: ولچ لا تبچي لاتخليني هسة احرگ روحي فوگ ما انه محترگ ارجوان حبيبي لاتبچين خلاص راح اهدة بس انتي لا تبچين 

ارجوان شعرت بذنب عظيم ومتعرف شتسوي اخر كلمات گالتهة الة: مع السلامه امير انساني بلييز.

سكرت الخط وهو بس سمعهة هيچ گالت وتخبل يشيل ويشمر بالغراض وامه تبچي وتدگ علي الباب واخوانه يحاولون يكسروهة وهو يبچي ومنهار 

سجاد كسر الباب وشاف الغرفة مهوسة كولش راح عله اخوة وحضنه ويمسح عله راسه يحاول يهدأءة: شششش امير شمالك خوية اهدة 

امير بصراخ: تركتني عافتني وتخلت عني ودتبچي بسبي انه السبب قهرتهة 

مهدي بقلق وهو يحچي وية حسن بالفون : الو حسن الحگ امير انهار فدوة تعال 

حسن بقلق: ولك شكاعد تحچي جاي جاي 

سد الخط وتوجه لبيت امير 

سمعت صوت الباب فتحته وهي تبچي 

الاء بقلق: شمالچ ارجونة حبيبتي تعالي.... حظنتهة الاء وارجوان تبچي بقوة 

ارجوان ببچي قوي: عمه بسبي صار هيچ بي والله ماكنت اقصد والله چنت احسبه صديق بس هو حبني شسوي عمه 

الاء بقلق: شني شو اگعدي واحچي عدل حته افهم 

ارجوان بدت تحچيلهة عن علاقتهة بامير والاء تفهمتهة وانبتهة وعرفت اخوهة يرضة بصداقاتهة 

الاء بالم: يعني هسة اهو منهار 

ارجوان بحزن وتداري دموعهة: اي وتخبل عليه عمة 😭😭 فدوة بلييز ماريدة يتأذة هو اعتبرته صديق بس هو حبني 

الاء حظنتهة: اششش سكتي لو عمامچ يعرفون يذبحونچ اسكتي وثانيا هاذة شي غلط شني صداقه وخرابيط اصلا حرام يا بعد عمتچ مايجوز هسة الله غاضب عليچ لان مشيتي بطريق حرمه الله وگليلي شستفاديتي من حچيتي ويا بس حصلتي حرام وخليتي يتأذة وانتي هم تأذيتي 

ارجوان ببچي وتحاول تتنفس طبيعي بس مدتگدر لان يصير عدهة حالة اختناق: عمه بعد ماصادق التوبة لو سامعه كلام احمد مو احسنلي بالله 😭😭😭

الاء بقلق مضطرب: عزززة صخام الصخمني ولچ كافي تبچين صرتي بنفسجية ولچ راح تموتين 

ارجوان ما انقطعت عن البچي چانت تبچي بهستيريا وتحچي وتجر النفس گوة والاء تلطم وتحاول تخليهة تصحة وهي مختنگة كولش 

الاء گامت تصرخ: وووووولكم لحگولي يبووووو البنية حتموت صخام الصخمني 

الاء گامت تبچي: ولچ ارجوان حبيبة گومي حتموتين 

ارجوان لازمة رگبتهة وتريد تتنفس وتشهگ وتبچي بنفس الوكت وتتخيل امير شلون حالة وانقهرت اكثر 

ابو احمد وام احمد دخلوا لغرفة بتهم وبسرعه ام احمد راحت تدور بكنتورهة علة دواهة وطلعته وبختلهة وشوية وارجوان رجع لونهة طبيعي ورجعت علة بچية الوحدة واهلهة حاروا بيهة والعائلة تجمعت يمهة وتريد تعرف شصاير 

شمس وهي تحضن بنتهة ودموعهة تسيل : اششش حبيبتي مامتي ليش تبچين خلص اهدي كافي ياعمري انتي كافي 

ارجوان متشبثة بامهة والاء تبچي وياهم والعائلة مسبيين يريدون يعرفون هاي شكو وشصاير 

وصل حسن خلال دقيقتين وانصدم من المنظر 

صراع الشيوخ 

الفصل الثلاثون من هنا