رواية صراع الشيوخ الفصل الثلاثون بقلم ليال القمر
امير وهو يدفع اخو: وخررر عني مالك شغل بية
حسن راح يمه: اهدة يمعود هاي شمالك يالذيب... اندار عليهم واشرلهم يطلعون وهمة صدوگ كلهم طلعوا وسدوا الباب
امير وعيونه صارت حمرة نار: ولك حسن اعترفتلهة ورفضتني گلي شسوي انه
امير وعيونه صارت حمرة نار: ولك حسن اعترفتلهة ورفضتني گلي شسوي انه
حسن بمواساة: اششش خلاص امير عيب انته زلمه تگعد تتباچه علة حرمة صدگ چذب
امير وهو يروح للتلفون ويريد يتصل بيهة: ماكو اتصل بيهة انه اعلمهة تتركني..
حسن سحب الموبايل من ادي: ولك انت مخبل تخابرهة ماعندك كرامه جيب
امير باعتراض وهو يدفرة: وخررر مالك شغل حبيبتي واتصل بيهة
حسن بخيبة امل علة حال صديقه
اتصل امير وانتظر تجاوبه وسمع صوت: الوو
امير بحب ولهفة: ارجوان
--------------------
العائلة كولهة التمت عليهة وطلعوهة برة تشتم هوة وچانوا الجهال بغرفتهة
ياسر بفرحة: الله ثوفي غرفتهة ثلون حلوة نووو
نور بفرحة: اي والله تخبل وريحتهة طيبة
باسم بعصبية: طلعوا من غرفتهة عيب ماما تگول ممنوع نلعب بغراضهة
سمعوا صوت التلفون مالتهة راح سالم وفتحة
: الوو
امير بحب ولهفة: ارجوان
باسم: لا انه ابن عمتهة الصغير
امير بجمود وتغيرت كل ملامحة: وين ارجوان
باسم : مادري بس گاعده تبچي ومتخربطة
امير الدنيا احترگت فوگ راسة وبعصبية وقلق وخوف والم وحب وشوق ولهفة
ومشاعر مختلطه: شمالهة تحچة
باسم بخوف: والله عمو ماعرف انه بس طلعوهة من غرفتهة للحديقة حته تتنفس هوة
امير ايدة گامت ترجف بخوف وحسن يباوع عله صديقة: شلون صارت احچي لا تهبطني
باسم: والله مادري هسة اروح اشوفهة واجي بس منو انت
امير تذكر انو عدهة خوال وخالات؛ انه ابن خالهة
باسم: ها اهلا انه باسم ابن عمتهة ليال
امير يريد يعرف شبيهة: روح شوف شمالهة
باسم راح نزل جوة لگاهة هادئة وهو فاتح الاتصال وامير يسمع كولشي
الاء بقلق وعيونهة حمر من البچي: ها شلون صرتي هسة
ارجوان اومئت براسهة
ام احمد وهي تحضنهة: يمه حبيبة امهة ماماتي ليش چنتي تبچين شبيچ
الاء تورطت وحچت بسرعة: هاا... لا.. بس.. حسبالة.. تروح فصلية
ام احمد: يومه حبيبتي مستحيل ترحين شنو السالفه بعد هاي هية حبيبتي خلص راح نرجع مثل قبل ولا تهتمين
ابو احمد: باباتي بعد هاي هية راح نرجع لاميركا اهم شي صحتچ ماريدچ تتأثرين
العم كريم: شني هاي خوية شني تروح
امير بس سمع هيچ وگلبه انعصر وحاول يكون هادئ ودموعه تسيل يريد يوگفهن ميگدر وحسن يباوعله بحزن
ابو احمد: لا خوية بنتي دراستهة تأخرت هي وابني واحمد مرته هناك وحامل بنهاية اشهرهة لازم يروح وارجوان بنتي الوحيدة ماريد اسبب تأثير عله نفسيتهة واني لاحظت هاذة الشي من اجت لهنا لحد الان هي كولش مضايقة ومامرتاحه بالعراق ومامتعلمه مع العلم انطيتهة كامل الحرية وين متريد تروح تروح حته بس تبقه بس للاسف حالتهة النفسية دتدمر
العم كريم بحزن: لا خوية هاي ارجوان دلوعه البيت شلون نفارگهة
ابو احمد بحزن: والله ياخوي ماعرف شگول بس صدوگ ماريد بنتي تدمر اكثر وانه اشوفهة دتنكسر
العم عالي: حقك خوية مالومك
العمام كولهم وافقوا الرأي
وامير هنا گعد عله السرير بتهكم وجسد بلا روح ويسمعهم وهو ودة يطب بنصهم ياخذهة ويشرد بيهة بس مو كولشي يتحقق
حسن اقترب من امير وحظنه: خلص ياخوي ذب الموبايل من ايدك
اخذة حسن وسد الخط وامير گام يشهگ بالبچي وحسن يحظنه ومنقهر علة صديقه اللي ماتهنة ابد بحياته والحظ ماوگف وياة من سهام الى ارجوان والامور واگعه فوگ راسه واخوته وامه امانه برگبته ولازم يهتم بالعشيرة وهو كلة علة بعضة شاب عمره ٢٨ سنه وتحمل كول المسؤلية وماشاف حياته ابد كلة حاير بهاذة وذاك
امير بصوت مكسور: حسن راح تعوفني بعد ما اسمع ضحكتهة ولا صوتهة حته وجهة ماگدر حسن والله اعشگهة انه مريض بيهة گلي شسوي انه ماريدهة تروح
حسن بحزم: خلاص امير هاذة اخر حل
امير باوعلة بحزن وضعف لاول مرة يشوفه حسن هيچ : شني هو
امير باوعلة بحزن وضعف لاول مرة يشوفه حسن هيچ : شني هو
حسن:................
امير دنگ راسة ويفكر بكلامه وقرر يمشي بحچي صديق عمره
♕♕♕♕♕♕
دخلت ارجوان لحمام غرفتهة وامهة تغسللهة وجهة
ام احمد بحزن: ماما حبيبتي اني مو صديقتچ احچيلي شبيچ
ارجوان بهدوء ومن جواهة تشعر بانهة اكبر ظالمه بالعالم: لا ماما مابية بس شوية تعبانه واريد انام
دگت الباب وام احمد فتحتهة : هلاوو بسومي شلونك حبيبي
باسم بخجل؛ الحمدلله عمه بس اريدن انطي لارجوان موبايلهة
دخل باسم للغرفة وانطاهة النقال وارجوان اخذته بهدوء وابتسمت بوجهة وهو طلع وامهة طلعت وراه
فتحت الفون وگلبت بالاسماء ودخلت علة رقم امير وشافت اتصال طولة ٤ دقايق استغربت هي
ارجوان: اني يمته حچيت ويا اصلاً بهيچ وقت اخر مكالمه اللي جان طولهة ٣٥ دقيقة
ماهتمت ورادت تمسح رقمه وتوترت واخر شي حظرت رقمه من كول البرامج وسدت ونامت تفكر بمستقبلهة شلون راح يكون
ارجوان بدموع: اووف منو بعد افضفض همومي اله ومنو راح يسمعني كلام حلو آآآه امير ماتوقعتك تحبني سوري كولش اوووف ماريد ابچي بعد
حاولت تنام متگدر نزلت جوة بالحديقة چان الجو كولش حلو بس بي شوية حرارة انتبهت علة واحد گاعد بالحديقة راحت يمه
ارجوان وهي تكمش ظهره
غمض عيونه بالم ودموعه نزلت مسحهة بسرعه وعرفهة من ملمس اديهة الناعمه
ارجوان: زيد شتسوي هنا
زيد بصوت مبحوح وحزين: مابية بس شوية ارق عندي
ارجوان گعدت بصفة بالگاع وتباوع علة الزرع
زيد بالم: ارجوان لويش الحب صعب كلش
ارجوان بدموع: ماعرف يمكن لان تحب الشخص هواية تتألم عله بعده
زيد وهو يباوع علة القمر والنجوم : احب وحدة بس متحبني تگدرين تگولين من طرف واحد
ارجوان باوعتلة وانقهرت علي وتشوفه يحچي بالم وعيونه تلمع بحب: شايفة النجوم ذني
ارجوان: اممم
زيد ابتسم بسخرية: هذن چانن النسوان اللي بحياتي.. بس شايفة القمر
باوعت للقمر وهو يكمل كلامه: بس هاية الوحيدة اللي حبيتهة اصفن عليهة واترك النجوم كلهن وادحگ للگمر
ارجوان ابتسمت: هي محظوظة بيك زيد انت شاب رائع واعتقد اذا تعترفلهة هي هم تبادلك لان ماكو احد ميحب طيبة گلبك
زيد بابتسامه حزينه: لا ماتحبني لان اكو واحد بحياتهة وتتواصل بي وانه ولا كانما موجود
باوعت علي لگته يباوع الهة بعتاب وهنا تأكدت وغمضت عيونهة وعرفت منية البنية: زيد مو كولشي تريدة تنالة هاذة كول اللي اگدر اگولة
زيد بحزن؛ لا مو مستحيل اگدر اخذهة باحضاني والكل يوافق بس ماريدهة مغصوبة علي انه
ارجوان باختناق: لعد فك عنهة بلكت ترتاح وتلگالك وحدة ثانية
زيد باعتراض: تؤ ماكو احد ياخذ مكانهة ابد احبهة من كل گلبي ومستعد اسويلهة اي شي حته تختارني بدال اللي تحبة
ارجوان: ومنو گال يحبهة
زيد باستهزاء: لا اني متاكد يحبهة لان نظراته الهة چانت تخترقهة وهي ولا يمهة تشرب عصير وتحچي وية رفجانه
ارجوان هنا اختنگت وبعد لا بيهة تگوم ولا بيهة تگعد كل واحد يخلي بگلبهة سچينه
زيد وهو يكمل بالم: بس انه اريدهة سعيدة ما اريدهة مجبورة علية
ارجوان: اتركهة متفيدك
زيد بالم وهو يضحك: يارييييييت اگدر ابتعد بس المشكلة هي القريبة مني
ارجوان بحزن: ويمكن هي راح تبتعد عنكم انتو الاثنين حته متسببلكم مشاكل
زيد: بس انه ماريدهة تروح ولا رفيجي يريدهة تروح ثنينهم يردونهة واحد مسودن بيهة ومستعد يكتل علمودهة والثاني مستعد يضحي بحياته الهة بس هو گلبة مو لئيم مايريد يأذي رفجانه بسببهة يريد يكون عادل وياهم كلهم بس هي ما مگلبته
ارجوان دموعهة نزلت واختنگت كولش: ومنية هاي
زيد بالم وتهكم: ماريدچ تعرفينهة لان انه بنفسي ماعرفهة هي لطيفة وترفه ومرات لسانهة شطولة تسوي المكان حلو وين ماتروح بس هي مختلفة عنهن كلهن يمكن تعرفيهة ويمكن ماتعرفيهة لان...
ارجوان ببچي: زيد كافي دتأذيني والله ماتحمل
زيد بدموع وبصوت مهزوم: چا انه الاتحمل اروح العرس رفيجي وحبيبتي تكون باحضانه
ارجوان غطت وجهة وتبچي وزيد تقرب منهة وحظنهة: اعتذر لان بچيتچ اوعدچ اطلع من حياتچ علمودة
ارجوان وهي تتشبث بي وتبچي: ماريدك تروح انت صديقي وهو هم والله ما احبة بس هو فاجأني
زيد وهو يمسد علة راسهة خلف الحجاب: ششش ادري والله لهاذة السبب راح انه انسحب
ارجوان بدموع بريئة وباوعتلة لگت دموعه تسيل عله خدة ولمعه دائما تشوفهة بعيونه وهمس الهة: احبچ والقران
ارجوان هنا حضنته وتبچي بقهر علة حظهة هذاك صديقهة وتحبه حب صديق طاهر ومتريد تأذي وهاذة هم صديقهة وابن عمهة وتحبة حب طاهر
زيد بالم وحسرة تحمل الالم: حبيبتي اريد منچ طلب فدوة
ارجوان باوعتلة بدموع: تفضل
زيد بالم: بس لا تصيحين علي والقران ماتحمل بعد
ارجوان اومئتلة براسهة وهو تقرب من وجهة وباسهة بخدهة بحب ورقة وهمس الهة: اعشكچ وحق امير المؤمنين ياگمري
ارجوان ماسوت شي انصدمت وبنفس الوقت خجلت منه ومتعرف شتسوي اطرافهة جمدن ومتگدر تبعده تحس تأثيرة كولش قوي عليهة وهو يبث حبة وشوقه الهة واخر حب او ممكن اول بداية حب
ابتعد عن خدهة وابتسم الهة: اسف
ارجوان بس مصدومه وزيد حظنهة قوي: ماريدچ تزعلين رفيجي هاذة الغالي ارجوان خلاص انه انتهيت من حياتچ بس اعتذر علة اللي سويته بس تگدريت تگولين اخر شي بينه
دموعهة سالت متعرف شتسوي من طيبة هالانسان اللي راح يضحي بحبيبته علمود صديقة باوعت لملامح وجهة المملوءة بالوسامة والرجولة
مسح دموعهة بادي وباس خدهة وعيونهة ثنينهن: ماريدن اشوف دموعچ الغالية يوگعن علة شي ميسوة قمري اسف مرة ثانية
گام وعافهة وطلع بس اكو شخص ثاني وحايرة بامرة
باوعت ارجوان بالحديقة مچان اكو احد والكل نايم اتنهدت براحة وباوعت للقمر: ياربي انت اعرف شنو الي بصالحي سوي ماريد اعذبهم اكثر ثنينهم عدهم معزة بقلبي وما اريد اعذبهم بحياتهم
قريب دخلت المطبخ سمعت صوت استغربت تقدمت وختلت ورة باب المطبخ وتسمع زيد يحچي بالتلفون: چا شتگولة ابن عمهة عاشگهة ومنو اعز رفيجة... لا حسن انه مستعد اضحي... ما اقبل امير يبقه بهيچ حالة فقد ابو واخو وهسة يفگدهة.... حسن لخاطر ربك لخاطري وخلصني المهم هو مرتاح... مع السلامه...
سكر الخط وهي باوعت علي ودموعهة دمعت علة هيچ انسان قلبه طيب ماشايفه بحياتهة
زيد وهو يگعد بالگاع مال مطبخ ويبچي ويشهگ علة حبة الحقيقي الاول اللي مابدة : آآآآه لويش انه احبهة ما لگيت الة هي ياربي شلون بية رفيجي يحبهة وماريد اخسرة
وبقه يشهگ ويبچي وارجوان تبچي عله حظهة وحظه تقدمت ناحيته ووگفت قريب يمه : ليش انت اللي تضحي
زيد بقهر: انتي ماتعرفين امير زين وهو طبيعته يتعلق بالشخص ومايگدر يتركه
ارجوان بالم: زيد ليش هيچ حظي وحظك
زيد ببچي وهو يتنفس بصعوبة : ماعرف يمكن لان الحب تضحية
ارجوان بالم: كافي زيد بلييز لتبچي ماتحمل دموعك اني انت غالي علة قلبي ومراح يصير مثل ما تتخيل صدگني
زيد بهدوء وملامحه جمدت: لا حقيقة هو اللي فاز بيچ وربح گلبچ خلاص انتهة كلشي انتي بعد ملكه ومايحقلي الزمچ
ابتعد عنهة ووگف بعيد شوي عنهة: باچر راح تقررين واذا ما وافقتي يا ارجوان افضحچ واوري اهلي رسايلچ ويا والاتصالات انه مو غبي ماعرف بيكم وادري ابوچ يرضة بصداقتچ ويا بس عمي كريم يذبحچ والقران تتسمين عار علينه
ارجوان ببچي: لا زيد لتسوي هيچي بليييز
زيد بجمود: ارضي بنصيبچ وانه ارضة بنصيبي المهم رفيجي ينسعد حته لو چان علة حساب حبي الاول
طلع من المطبخ وهي انهارت بالمطبخ نفس مكانه اللي چان يبچي بي
زيد يباوعلهة بالم ويحچي بينه و بين نفسة: حته بچيتهة تسطر الاوادم دخيلك ربي
طلع وصعد بغرفته بالطابق الثالث وهو مقهور ونار تهيج وتنفجر بصدرة وميگدر يطلعهة
