رواية بعد أن فات الأوان الفصل الثاني بقلم جمانه السعيدي
ياسين....حبيت اذكرلكم ان جدي مزوج بعمر ٣٨ سنه وبيبي
كان عمرها ٣٥ سنه سنتين بعد زواجهم يله اجت امي للدنيا
بمان زواجهم كام متأخر وبعد سنتين مراجعات يله صارت امي هاي الطفله جانت احلى شي بحياتهم
لذلك كل طلباتها كانت مجابه
اصلا ما مصدكين صارت عدهم طفله
نزلو عليها دلال منا لمن تعودت تاخذ اي شي تطلبه
بعمرها ما سامعه كلمة لا
لذلك تخبلت من سمعت ابوها رفض حبيبها
المهم جدي حضر خطه محكمه حتى يطفش العريس
بلبدايه اجا العريس وحده حتى يتعرف على جدي
جدي...اريد اسئلك سوال مهم بلبدايه
انت تعرف مستواها المعيشي شلون
عماد. .اي حجتلي
جدي..تكدر تعيشها بنفس هذا المستوى
عماد...لا مااكدر بس نحاول اني وياها منا لمن رب العالمين يفرجها
جدي...شلون رب العالمين يفرجها مثلا انتم عائله جبيره وكاعدين ناس فوك ناس
عماد....نطلع وحدنا
جدي...زين يعني تكدر تطلع بيت وحدك وتشيل المسؤليه
عماد...لا اني بعدني ما محصل شغل اقصد بالمستقبل
جدي....شلون تطلع بيت وحدك
عماد...لمن احصل شغل نطلع
جدي...والى ان تحصل شغل شلون راح تزوج وتصرف
عليها
عماد...شنو القصه الغرفه بلاقصاد والذهب بلاقصاد
واكيد حضرتك مراح تقصر وياها هاي بنتك الوحيده
جدي....لا بلنسبه اليه مالي علاقه ابد بهذا الزواج لامن قريب ولا من بعيد
ولا راح اصرف علي الف واحد
عماد...شلون يعني انت ما تحب بنتك تكون سعيده
جدي...تكون سعيده لمن تختار صح
تختار انسان ناضح يشتغل ناجح بعمله
بعرف يتحمل المسؤليه
بس انت بعدك زغير ٢١ سنه ساكن بيت اهلك
لا تشتغل ولا تعرف تتحمل مسؤليه
عماد....شويه شويه راح اشتغل واكبر اتحمل مسؤليه
جدي.. يعني انت تريد تزوج وبعدين تشتغل وتتحمل مسؤليه
المفروض انت من البدايه تكون نفسك وبعدين تتزوج
عماد...مو اخاف ماجده تروح مني
جدي...وين تروح منك
عماد...ممكن تنخطب وتزوج وتعوفني
جمانه السعيدي
جدي...اني ماعندي مانع أوافق على هذا الزواج
بس لا تخلي ولو احتمال وواحد بلميه اني ممكن اساعدك
اصلا اني ناوي اتنازل عن كل املاكي
لدور الأيتام يعني بصريح العباره
ماجده كلشي مراح تحصل مني
خاف انت خال عينك على فلوس املاك اني كتلك
عماد...لا شنو فلوس شنو املاك اني احبها واريد ارتبط بيها
ومستعد اتحمل كلشي علمودها
جدي...انت متاكد تحبها وراح اضحي علمودها
عماد...اي متاكد
جدي....زين مادام هيج اني موافق
بس مهرها راح يكون خمسه مليون حاضر وخمسه غايب
هذا الكلام كان سنة ٩٩ ماكو احد يدفع هيج مهر
عماد...هواي عليه هيج مهر
جدي..بكيفك ونريد غرفه صاج تسكام
ياسين...طبعا جدي ابد ماتهمه الفلوس والا الذهب ولا غرفة النوم بس يريده يبطل من هاي الزواجه
عماد...مااكدر على هاي الطلبات
ماجده...اني مااريد مهر ولا غرفه يجهز بلشي الي يكدر علي شنو هيه صفقه خوما صفقه
جدي....وين اكو عروس تحجي هيج امشي اطلعي برا
ماجده.... اني ماازوج غير عماد
ياسين...طلعت امي برا وعماد اترخص من جدي وطلع
امي جاي تظغط على جدي حتى يوافق
وجدي يخاف يرفض وتسوي بنفسها شي
تبقى بنته الوحيده ويعرف هيه متهوره وممكن تسوي اي شي
راحت بيبي وراها للغرفه شويه ورجعت على جدي
بيبي...ماجده تبجي تكول هو متقصد يجيب عماد يهينه
هنا شنو هو عايز فلوس
شيسوي بلفلوس اني مااريد منه شي كلشي مااريد
بس لا يوكف بطريقي
ليش اسويلكم مصيبه لو اقتل نفسي
لو انهزم اني وياااا
جدي....شكد غبيه الخاطر الله المستقبل كله كدامها ثوله
راجعه على هذا
بيبي..... وافق وافق على هاي الزواجه
الله يخليك ليش يصير شي نتندم علي بعدين
ماجده بنتي واني اعرفها زين
لو خلت شي براسها تاخذه يعني تاخذه
ياسين....صار جدي أمام الأمر الواقع اذا رفض
يخاف يصير شي يندم علي
واذا وافق هو متاكد هاي الز اجه مو بمصلحة ماجده
ومراح تكون سعيده
ياسين...ابوي اقصد عماد كان مفكر جدي راح يغركهم فلوس
ويدللهم دلال لان هاي البنت الوحيده
وكل هاي التهديدات مجرد كلام لان مبين جدي رافضه
بلاخير جدي راح يستسلم ويرضا عليهم
ماجده...هلو حبيبي لا تخاف اني بظهرك مراح ارتاح اله
يوافق وراح أجبره يوافق اجهز على كد قابليتك
عماد....اني ماعندي يله اكدر اجيب غرفه بلقسط
لا تعتمدين عليه اني لو بيدي اجيبلج احلى شي
بس تعرفين ظروفي كلش زين
ماجده....حبيبي اني مااريد منك شي الي نكدر علي
اني راح انطيك الذهب الي عندي بيعه وجيب غيره
حتى تقدمه كدام ابوي
عماد....هااا ذهبج ااي صدك خوش فكره
انحلت المشكله بسهوله
ماجده...اي مو كتلك اني وياك مراح اعوفك
عماد...اي خوش فكره هاي سالفة الذهب خلصنا منها
عادي اجيب غرفه مستخدمه
لان الجديده غالي
ماجده...اي عادي ماكو مشكله
جمانه السعيدي
ياسين...امي اخذت الذهب الي مشتري جدي الها طول هاي السنيين وسلمته العماد بدون علم اهلها
والغرفة مستعمله بس نظيفه اشتراها بلقسط
وهيج رجع أتقدم الامي هو واهله وجابو الذهب
كدام جدي يتباهون بي على اساس هما ماقصرو بشي
جدي بسبب هاي الزواجه كان يمر باصعب ايام حياته
بس مجبور يوافق
وهو بكل لحظه يتمنى هاي الزواجه تخرب
لو يصير شي حتى يكدر ينقذ بنته من هاي المصيبه
بس شنكول تجري الرياح بما لا تشتهي السفن
تم الزواج وامي انتقلت تعيش وياا اهل عماد
بغرفه بلطابق الثاني
جدي حلف بيبي بعد ما تنطي امي ربع دينار
حتلو تشوفها تموت جوع كدامها
لازم تعيش الفقر والحسره حتى تحش بلنعمه الي جانت عايشه بيها
اول اسبوع تمام عرس وهوسه وناس داخله وناس طالعه
اليوم العاشر بعد العرس
اتاكدت ام عماد ان اهل امي ماجابو شي علي القيمه
هديه الماجده لا ذهب لا فلوس ولا اهتمو
يسئلون عنها بس بداية العرس اجت وياها امها
وبعدين محد وصل البيتهم
زين وين الفلوس والخير الي وعدها بي عماد
قررت تبدي تضغط عليها وتشوف اهلها شلون راح يتصرفون
اصلا ام عماد ما عاجبتها امي بس قبلت علمود فلوس جدي
الساعه سته الصبح ام عماد صعدت الغرفة امي كسرة باب غرفتها
يله اكعودي العرس خلص انزلي اقسم الشغل بينج وبين
نسوان حموينج
قابل راح تبقين عروسه طول العمر
ياسين...امي بيت اهلها كلشي ما تشتغل ولا شيل اي شي
تاكل وتنام حتى ملابسها بيبي تغسلهن
تكعد متاخره من النوم متعوده يسئلوها شتاكلين
وشنو الشي الي تحبي
ووين هنا تعالي اكعدي من الصبح اشتغلي واكلي حالج حال الجماعه
كعدت امي على صوت تكسير الباب من الصبح
وصوت ام عماد تكول انزلي تعالي اشتغلي
بقت ام عماد ادك بلباب بشكل استفزازي
ماجده...عماد عماد شوف امك ليش هيج ادك بلباب من الصبخ
عماد.. ما تسمعين تكول انزلي يله انزلي
ماجده...وين انزل الساعه سته الصبح
عماد...اي انزلي حالج حالهن
ماجده...ليش انزل هيج وكت شكووو
عماد...اريد انام انزلي وخلصينا من هاي الهوسه
ماجده...انعس بعدني ما شبعت نوم
عماد....افتحي الباب شوفي شتريد وارجعي نامي
نزلت ماجده من الجربايه لبست الروب وفتحت الباب
وهيه تتثاوب صباح الخير عمه
ام عماد...يله انزلي العرس خلص الكعده كل يوم الساعه سته انزلي جوه انتي عليج الغده
ماجده...ليش اكعد الساعه سته شكووو
بعدين اني مااعرف اطبخ وكلشي مااعرف اشتغل
ام عماد.. شنو شنو لاتكون تردينا خدام عندج
تنزلين وتشتغلين حالج حالنا
ماجده....مااعرف اشتغل بعدني ما شبعت نوم
ام عماد....اكعد اكعد عيوني يلهيبه
اسمع المحروسه كلشي ما تعرف تريدني اخدمها
ماجده...لا العفو عمه اني من اكعود احضر الاكل النفسي
ام عماد....شنو شنو ويمتى تكعودين انشاء الله
انزلي كدامي لا ابتلي بيج
ماجده...هاي شنو ليش تحجين ويايه هيج
ام عماد... اذا ما عاجبج اتصلي على بابا يجيبلج خدامه
لو يشترليج بيت وطلعين منا
ماجده...لا طبعا مااتصل على بابا
انت ليش عصبيه انزلي واني انام ساعه بعد وانزل
ام عماد...لا تنزلين هسه كدامي
رفع الغطى عماد عن وجها
عماد...شنو هاي الهوسه انزلي امي كالت انزلي
انزلي وشوفي شنو الشغل وخلصي
عليمن هاي الدوخه من الصبح
ماجده....شنو انزل الساعه سته الصبح قابل شعندي
عماد ...بعصبيه انزلي بسرعه مااريد كلام زايد
ماجده....زين ابدل ملابسي قابل انزل بملابس النوم
نزلت ام عماد وماجده اخذت على خاطرها من عماد
اتوقعت يحجي على امه
ويكول ماجده تنزل يمتى ما تحب
محد اله كلام وياها يعني يخليلها اعتبار
جمانه السعيدي
بدلت ملابسها ونزلت
ام عماد ...يله اغسلي للبيت
ماجده...جان غسلنا العصر ليش من الصبح
ام عماد مااريد كلام زايد اغسلي بسرعه وواكو ملابس
بلحمام اغسليهن
ماجده...عوع شنو اغسل ملابس اني ملابسي مااغسلهن
ام عماد...تغسليهن وغصبا عليج
بدت ماجده تغسل بلبيت تعبت حيل كلما تسحب المي ام عماد ترجع تخلي مي وزاهي
ام عماد ...اغسلي شنو هذا شغلج شكد فاهيه
ماجده....انكسر ضهري كلما انشف المي ترجعين تخلين مي وزاهي مره ثانيه
ام عماد...لان شغلج مو نظيف
خلصت البيت كامت تلهث من التعب
ام عماد...اغسلي الملابس وتعالي اطبخي غده
بلتنظيف خايسه خل اشوف طبخج
خلت الملابس بلطشت وصعدت العماد
ماجده...اكعود عيني تعال شوف امك
خاله الملابس بلطشت وتكول اغسليهن
شنو اغسلهن اني ملابسي بيتنا امي تغسلهن
بعدين ليش ماكو غساله
عماد....ليش رجعتي عليه اريد انام اشتغلي وانتي ساكته
حالج حال البقيه
ماجده...وليش تقارني بلبقيه اني اختلف
عماد...بيش تختلفين مثلا
اتعودي على هذا الوضع وخلينا عايشين بهذا البيت
لا تطردنا امي بلشارع
ماجده...اني مااكدر اتحمل هيج وضع
عماد....اتصلي على ابوج يشوف بيت نسكن بي
وجيبلج وحده تساعدج
ماجده....ليش كلمه والثانيه كلت ابوج ابوي شنو علاقته
بعدين لو اموت جوع ماارجع على ابوي
واخلي يتشمت بيه
اني دخلت بحرب علمود هذا الزواج
توقعت تعيشني بسعاده
عماد...انتي تعرفين وضعي كلش زين
لا اجذبين على نفسج اتحملي
ماجده.. وانت إلى متى راح تبقى نايم ليش ما تطلع للشغل
بلكت تشتغل شغله زينه ونطلع منا
عماد. هو وينه الشغل روحي اريد انام وبعد لا ازعجيني
ياسين..انصدمت امي بلواقع معقوله هو هذا الحب والحياة الحلوه الي واعدها بيها ابوي
مراح تكدر تتحمل هذا الوضع نهائيا
شلون ورطت نفسها ورطه
خلصت النهار كلما تكعد ام عماد اطلعها شغل
منا لمن صعدت الغرفتها بليل تون ماتكدر تتحرك
الجسم الناعم الي متعود على الراحه والدلال
يون من التعب
ماجده...انت تشوفلي حل مااكدر اكمل هيج
عماد....ماكو اي حل هو هذا الموجود
متشوفين كدامج جنايين ثنيين عايشات وساكتات
ماجده...لا تقارني بااي احد اني مدلله
بعدين انت كلت اعيش احلى عيشه
هيه هاي العيشه الي وعدتني بيها
عماد.....كلشي مااكدر اسويلج غير ادور شغل
وحتلو لكيت شغل مراح يكفي إيجار ومعيشه
لو تصبرين على امي حتى لا اطلعنا بلشارع
لو تتصلين على ابوج
كوليله الحكلي بعد مااكدر اتحمل العيشه بهذا البيت
لو اطلعني بيت وحدي
لو اقتل نفسي ااكيد ابوج ما يقبل تعيشين
بهيج مستوى وراح ياامن بيت نسكن بي اني وياج
وتخلصين من امي وتسلطها
ماجده.....مستحيل الف مره مستحيل
اني سويت المستحيل وتعاكت وياا وزعلت علمود يقبل بهذا الزواج
كتله حتلو اسكن بخيمه لو بلشارع ماارجع عليك
وهسه بكل سهوله ااكوله اني مااكدر اتحمل
ااكيد راح يتشمت بيه ويكول اني حذرتج من البدايه
عماد...خلاص اتحملي حبيبتي هذا الموجود
وبعد لا تحجين ولا كلمه اشتغلي وانتي ساكته
