رواية بعد أن فات الأوان الفصل الثالث بقلم جمانه السعيدي
ياسين... بدت الحرب بين امي وأم عماد
ام عماد كل يوم ازيد الضغط ااكثر واكثر تريد تطلع بنتيجه
من هذا الزواج
لان امي ابد ماعاجبتها مو هاي المواصفات الي تريدها عروسه الابنها
برائيها امي مايعه ودلوعه ومغروره
ووحده مامنها فايده بس طمعها خلاها تقبل بيها
تريد تطلع الابنها بكم فلس يعيش منهن مرتاح
وهذا الزواج زواج مصلحه من البدايه بما ان هاي المصلحه ما تحققت بلعيني واغاتي
تتحقق بلظغط
كلما تتصل بيبي تطمن على امي
جانت امي تكول الحمد لله اموري تمام وماكو مشاكل
وشايليني على كفوف الراحه
وعماد طاير بيه ويتمنالي الرضا ارضا
لا تخافين عليه كولي البابا اني مرتاحه وماكو اي مشاكل
ماجانت تشكي الحال ولا تحجي المصايب الي جاي تمر بيهن رغم جانت امي تخلص النهار بجي ونص بطنها جوع
الحد مافات ٣ اشهر وطلعت امي حامل
امي....عماد اني مااكدر الوحام ذبحني وامك مصممه
تعذبني مااكدر ادخل للمطبخ
نفسي تلعب من ريحة الاكل
مااكدر روحي تفور ٢٤ ساعه كاره البيت
كارها الدنيا كلها
عماد...شتريدين بلضبط
امي...اريد ارتاح مجاي ااكدر
نفسي تلعب بس اقرب للمطبخ اتقئ
من غير الاكل مو طيب الاكل بيتكم موطبب
وجاي اشبع نص بطني جوع
المره من تتوحم يكون الها ااكل خاص
وانت مطنشني وما مهتملي
عماد....اكعدي واسكتي مااكدر اقدملج اي شي
منيين اجيبلج هذا الموجود
ماجده...اروح بيت اهلي ارتاح كم يوم بحجة الوحم
اكله اكله بيها خير انام واشبع نوم
عماد...اي ميخالف اني اخذج العصر وياي
اجت امي البيت اهلها كان مبين عليها الارهاق والتعب
شكلها كله متغير ضعفانه
ووجها كله كلف من القهر الضغط
صايره تلعب النفس
ماجده...ماما اريد ابقى كم يوم لان بسبب الوحام
مجاي اكدر اتقبل بيت عيالي
كلشي بلبيت تلعب نفسي منه
بيبي...هله بيج حبيبتي هذا بيتج
جدي مكان يحجي ويا ماما ولا يسئلها عن احوالها مجرد سلام عادي بينهم
بس شكلها مبين هيه مامرتاحه
من يخلون الاكل تاكل بسرعه عبالك بعد ماكو ااكل
لان بيت عيالها جانت تاكل بهاي الطريقه
حتى تلحك تشبع لان الكل ياكل بسرعه والاكل محدد
بوقت وكميه معينه كل يوم قياس التمن والخبز
قياس واحد تشبع ما تشبع مشكلتك
ماكو اي واحد يعجبه ياكل ياكل بكيفه
الاكل اله وقت وكميه معينه بسبب ضروف الحصار
اكو قانون بيت اهل عماد
محد يجيب اي شي الزوجته حلويات شغلات
ممنوع الفلوس الي تنصرف على الحلويات
تنصرف على المسواك
وماكو واحد ياكل احسن من واحد
الكل ياكل نفس الاكل
جمانه السعيدي
حتى لو كانت امي تتوحم ماكو الها ااكل خاص
جدي اول شي لاحظه عليها طريقتها بلاكل متغيره
تاكل عبالك وحده جوعيه
بس ماكان يسئلها لان اكو بكلبه زعل عليها لان ما سمعت كلامه
بقت امي اسبوع بيت جدي تاكل وتنام اتغير شكله
وصارت وحده ثانيه
وعماد كل يومين يجي يشوفها ويطمن عليها
وحتى يعرف ردة فعل اهلها بعد ماعرفو هيه حامل
شراح يقدمولها بسبب الحمل
عماد يعتقد هذا الزواج راح يستمر بسبب الحمل
مادام الزواج راح يستمر لازم هما يساعدون بتهم
ااكيد راح ينكسر خاطرهم عليها ويساعدوها
ماديا
بس جدي حالف يمين كلشي ما تحصل منه
الف ما ينطيها لازم تعرف غلطها
خلص الاسبوع الاول واجا عماد يرجعها للبيت
بس رفضت ترجع ويااا
تريد تبقى ااكثر لان وضعها بيت اهلها غير
نايمه طول النهار وبس تكعد الاكل يجيها أشكال واللوان
ليش ترجع للخدمه والجوع والقهر
سبوع يجر اسبوع لمن صار شهر
خلال هاي الفتره الي كعدت بيت اهلها
عماد كان يجيها كشخه ومبدل واحواله متغيره
ماجده....شو وضعك متغير شكووو
عماد...فتحت مشروع وجاي اشتغل خير من الله
ماجده...اي يالله همزين واخيرا
شنو تشتغل اريد اعرف
عماد.. اشتري اجهزه مستعمله واببعها حتى غرف نوم
ماجده...اي هذا الحجي الحلو
ميلك فلوس
عماد..اتقرضت من ولد صديقي وجاي نشتغل شراكه اني ويااا
ماجده.. اي خير انشاء الله شوف شلون وجهي خير عليك
عماد. انتي كلج خير جمانه السعيدي
هااا شحصلتي
ماجده....شنو
عماد..ابوج امج هم انطوج فلوس
ماجده...ليش ينطوني فلوس اني هنا مرتاحه رب الراحه ااكل واشرب وانام بكيفي
اهم شي خلصت من امك
خاله عقلها وياي
عماد....هيه اصلا ما تحبج
ماجده...واني اموت منها
عماد...ابقي هنا احسلج
ماجده....شنو كيفت ما مشتاقلي
عماد..اكيد مشتاقلج حبيبيتي
ماجده...يومين بعد وارجع للبيت لان مااكدر ابتعد عنك ااكثر
خلصن اليومين
رجعت امي للبيت بس هلمره الاستقبال بيت ام عماد كلشي هادء
حتى ام عماد ساكته
ماجده...شكو امك ساكته
عماد...غير حامل وساكته عنج
ماجده...بس اني من طلعت من بيتكم جنت حامل
وتعبانه واريد اموت وهيه ما تقبل ترحمني
عماد...ايجوز من طلعتي من البيت حست بقيمتج
ماجده...ياهادي يالله
اربع ايام امي تنزل الصبح بلتسعه تكمل شغلها وتصعد
وأم عماد ساكته عنها
ما تضغط عليها مثل قبل
وهذا الشي محيرها ليش ساكته وعافيتها براحتها
جمانه السعيدي
بعد اربع ايام من رجعت امي البيت عيالها
فتحت الكنتور ترتبه
تفاجئت ماكو علبة الذهب
فركشت الكنتور تفركش نزلت كلشي ماكووو
علبة الذهب ماكوو
بقت ادور لمن رجع عماد من الشغل
ماجده...الحك عليه
عماد...شنو هاي الهوسه
ماجده...عوف الهوسه الذهب ماكووو
عماد....اي ذهب
ماجده...ذهبي ذهب عرسي اني خالته هنا
عماد...وليش خايفه هيج
ماجده...اكلك ذهبي ماكو
عماد....اني اخذته فتحت بي مشروعي
ماجده...اي مشروع
عماد...مشروعي الي جاي اشتغل بي
ماجده...مو كلت اتقرضت من صديقي
عماد..ماردت احجي كدام اهلج بعدين ليش ضايجه
انتي مو تكولين
اشتغل اشتغل افتح مشروع
هاي اني فتحت مشروع واشتغل خير من الله
ماجده...وليش ماكلت ليش تأخذ الذهب بدون علمي
عماد...انتي شنو واني شنوو
اني وياج واحد حبيبتي جاي اشتغل علمود مستقبلج
ماجده....اي بس لازم تسئلني
عماد...هذا الذهب مو اني جبته اللج بلعرس خلاص يعني مالتي
ماجده...انت غشيم لو تضحك عليه شنو انت جبته اليه
انت نسيت هذا الذهب مالتي
ابوي مشتري اليه واني انطيتكيا وكتلك بدله
بغير موديلات وجيبه ويا المهر
عماد...انتي كلتي بلسانج انتي انطيتنيا يعني صار الي
يعني صار مالتي
بعد ليش تحاسبيني علي
ماجده...تحجي صدك انت غبي لو تستغبي
مجرد كالت هاي الكلمتين راسا ضربها راشدي وكعت بلكاع
عماد... مو معناها احبج تقللين احترامي
انتي وكلشي تملكين اليه
حتى فلوس ابوج اذا مات اليه فهمتي لو لا
واذا فتحتي حلكج ادفنج هنا فهمتي لو لا
ماجده...طلع وجهك الحقيقي اني غبيه وماصدكت كلام بابا
طلكني ورجعلي الذهب
لا اروح اشتكي عليك
عماد...روحي اشتكي اي دليل ماعندج
اكول اخذت الذهب بيت اهلها ومن رجعت تتهمني اخذته
ماجده...بعد اطلع على حقيقتك ااكثر
ااكيد امك اخذت حصتها من الذهب واني ااكول ليش ساكته
عماد.. انجبي ومااسمع اسم امي على السانج
انتي شايفه نفسج
مغروره ومتكبره وغبيه
ماجده...تعرف اول مره تحجي شي حقيقي
اني اكبر غبيه لان صدكت بيك وحاربت اهلي علمودك
ياسين ...حجايه منا ججايه منا صارت بينهم عركه
ضربها الحد ما كسرها تكسير
شلون اني بقيت بطنها مااعرف كانت حامل بالشهر الخامس
بس طلع امي اتصلت على بيي وكالتلها الحكي عليه
راح اموت
بيبي جابت تكسي بدون مايعرف جدي اجت البيت ام عماد
صعدت للغرفه لكتها وجها صاير خارطه من كد الضرب
..نزلتها بيلي من غرفتها وهيه تحجي و تدعي على عماد واهله والساعه السوده الي شافتهم بيها
بس وصلن للبيت بيبي اتصلت على جدي
حتى يرجع للبيت بسرعه يشوف ماجده شلون مضروبه
بس دخل باوع عليها مدده ووجها صاير ازرك من الضرب
جدي...شبيها
بيبي....عماد اخذ ذهبها وضربها
امي...كامت تبجي بصوت عالي
جدي تخبل عليها شلون هيج مضروبه وشلون ياخذ ذهبها
بس شافها حدي وشاف شكلها شلون صاير
بعد ست اشهر من زواجها
بدون مايسئلها او يعرف شصاير اكتفى بكلام بيبتي
طلع كبل المركز الشرطه قدم بي بلاغ
بتهمه التعدي بلضرب و السب على بنته
جدي جان منتظر هاي الفرصه حتى ؤاخذ حقه من عماد
بعد الي سووا بماحده
لان جدي عنده معارف طلعو كبل والزمو عماد
وجابو للمركز
دخلو للحجز وبدو يحققون ويااا
اعترف هو الي اخذ الذهب بتحريض من امه
على رائيه على الاقل يطلع بشي من هذا الزواج علي القيمه
مو هنا المشكله المشكله صديقه الي داخل وياا شراكه
من سمع بي دخل السجن
باع البضاعه الي بلمحل وأخذ الفلوس ونهزم
يعني عماد مستحيل يكدر يرجع الذهب الي اخذه من ماجده
رجع جدي للبيت عصبي هاي اول يوم لزمو عماد
دخل واجا على امي
جدي...شفتي من احجي وياج اسمعي كلامي
اني هسه دخلته سجن
ومراح ارتاح اله ياخذ حكم ويرجع كلشي اخذه منج
بس اكلج شي
انتي نزلتي من عيني للابد
كتلج عوفي جلبتي بي منا لمن طيح حظج تستاهلين
كلشي يصير وياج
سويتيها شغلة عناد حيل بيج واكثر
