رواية صراع الشيوخ الفصل الواحد والثلاثون بقلم ليال القمر
كل الشيوخ والاكبارية گاعدين
احد الشيوخ بابتسامه: والله يابو احمد اليوم جايينم انه والوجوه الطيبة حته نطلب ايد كريمتكم لابني امير عله سنه الله ورسولة
ابو احمد انصدم وباوع علة امير المتوتر وحسن اللي بصفه المرتبك
زيد يباوعلهم وهو گوة لازم روحه وبس مدنگ راسه
ابو احمد بحرج: والنعم من امير والله يشرفني بس انه حسافر انه وعائلتي ارجع لبيتي
احد الشيوخ بجدية وية ابتسامه: لا يابو احمد وشني يعني كريمتكم تتزوج وانت تيسر وهي انشالله بالحفظ والصون
العم كريم: والله يابو چاسب انشالله نفكر ونردلكم خبر بس يعني گصد اخوي انهو رايح لاميركا هو وعائلته وبنته مامتلائمة وية بيئة العراق ولا اهلة لان مثل ما تعرفون هي راحت فصل وتعبت حالتهة النفسية وابوهة مايريد بنته تعيش هنا
امير بحزم؛ لا تخاف عمي انه اخليهة بعيوني وبنتك شوكت ماتريد تزوركم اوديهة
ابو احمد كولش انحرج والعم كريم هم وزيد ما حچة ولا كلمه بس ساكت وياكل بنفسه من جوة
احد الاكبارية: ها يا جماعه الخير وشتگول انت يابو احمد وهو يجيبهة الكم شوكت ماتريدون
ابو احمد سكت يفكر: والله هو الراي الاول والاخير للبنية واذا وافقت انشالله خيرا على خير واذا گالت لا ماكو نصيب انه ماجبر بنتي علة شي ماتريدة وهاذي حياتهة
احد الشيوخ اللي متفق ويا امير حته يحرج ابو احمد ويوافق: لا لا ما توقعتك چذي يابو احمد هو الراي للاب والاخوان البنية ما الهة دور ما يصير
الشيخ الثاني: ماعاب السانك يابو جبل
الشيخ الثالث: كلامكم صح
الاكبارية كولهم گاموا يحچون حته يجبرون ابو احمد يوافق بس ابو احمد ما هزته حركتهم ابد
ابو احمد بابتسامه وقرة: والله الحرمة تتزوجه مو انه وهي اللي راح تعيش حياتهة للابد ويا وتشوفه اربع وعشرين ساعه مو انه وهي اللي تربي وتخلف فاظن راي البنت اولا واخيرا
الكل سكت وماحچوا شي والعم كريم ابتسم بانتصار لان اخو جاوبهم باحترام وجاوبهم جواب يوگعون بنص هدومهم من الفشلة عله تفكيرهم المحدود
ابو جبل بحرج: هههه انشالله نسمع قراركم اذا
ابو احمد: قرار بنتي وانشالله خير كُلة قسمه ونصيب
الكل؛ يالله احنه نترخص
العم كريم وعائلة ارجوان: مرخوصين
وگاموا يسلمون عليهم
ابو احمد بابتسامه راقية: انت شاب والنعم منك شيخ احترمك هواي واتمنه تكون من نصيب بنتي
امير بثبات: اللي شرف عمي يالله انه اترخص
ابو احمد أومئلة براسة: مرخوص يالذيب
ابتسم امير وطلع من الديوان هو و حسن و الشيوخ
=============
ابو احمد : باباتي ارجوان
ارجوان: ها بابا
ابو احمد ابتسم الهة: گعدي اهنا بابا
گعدت ارجوان بصف ابوهة وتترقب كلامه
ابو احمد بابتسامه والكل يباوعلهم: بابا اليوم جايين ناس يمشون عليچ وهمة كولش خوش وزينين ومتدينين
ارجوان سكتت وماحچت شي من الاحراج وابوهة يكمل: باباتي تعرفين امير
ارجوان بهدوء: اي بابا
ابو احمد: اي هاذة الصديق... وغمزالهة كلهم مافتهموا عبالهم صديق ابوهة بس احمد والاء وزيد افتهموا
ارجوان بخجل: اي بابا
ابو احمد: جاي عليچ اليوم يطلب ايدچ شتگولين بابا
ارجوان سكتت وذكرت شون چانت حالته البارحة وشلون سمعت التكسير والصياح مالته وتذكرت زيد وغمضت عيونهة
ارجوان باختناق: افكر واردلك جوابي
ابو احمد ابتسم: يالله بنوتي صارت عروسة شريد بعد
ارجوان ابتسمت ابتسامة بطلاع الروح رسمتهة دارت وجهة عله زيد شافته صافن وساكت واوردة رگبته بارزة من العصبية والغيرة
گامت وگفت وصعدت فوگ وتريد تدخل وحست شخص لزمهة ودارهة الة
زيد بحدة: سمعيني اذا ما وافقتي افضحچ ارجوان
ارجوان باوعت بعيونه اللمعه بعدهة موجودة رغم حدة كلامه استشعرت حبة الهة ابتسمت اله: اللي تريدة يصير زيد
زيد سكت وتنهد وغمض عيونه حته متبين دموعه: اخذي راحتچ
ابتسمت ارجوان بغموض وهمست بين نفسهة بس زيد سمعهة وغلس : اصلا اسافر احسن
زيد باوعلهة بالم وتنهد بحسرة
ارجوان سدت الباب بوجهة وقلبهة يوجعه علي: احسن زيد حته تنساني ماريدك تفكر بية اوووف والله صعبة
زيد اتگأ عله بابهة ودموعه نزلت وتنهد بحسرة وباوع علة بابهة: الله وياچ ياحبي الاول والاخير
باس باب غرفتهة وصعد لغرفته الفوگ
ارجوان وهي تشوف رقم غريب متصل بيهة مجاوبته دگ مرة ثانيه فتحته
: هلة حبيبي شلونچ
ارجوان بصدمه: اميييير
امير بابتسامه حزينه: اي امير شني ماعاجبچ
ارجوان بارتباك وهي تنزع شالهة وتدخل اصابعهة داخل شعرهة: لا لا... بس.. ماتوقعتك.. تدوگ علية
امير بانكسار: ترضين تسافرين وتعوفيني
ارجوان بالم: امير اصلا اني شوكت صرت وياك حته اعوفك لخاطر الله
امير بحب: ما گلولچ اهلچ علة اليوم
ارجوان بتجاهل: ليش شبي اليوم
امير: انه اجيت ومشيت عليچ
ارجوان: اممم اي صح بس اني مسافرة امير مراح اتزوج ترة
امير بعصبية وهو يكسر كلاص المي اللي بيدة: ماكو تسافرين افتهمتي وحق ابو فاضل يا ارجوان اذا سافرتي اموتچ واسحلچ واخذچ غصب
ارجوان فزت من كسر الگلاص واخترعت وبخوف: امير بليز لتخوفني
امير بقلق: لا حبيبي ماخوفچ بس والله احبچ وماگدر بدونچ
ارجوان غمضت عيونهة: بس گولي شلون دگيت علية.
امير: عندي شريحة ثانية استخدمتهة لان حظرتچ حاضرتني من كل المواقع
ارجوان بتعب: امير شنو اللي تريدة ليش فجأة گلبت علية وصاير اعصاب بس فهمني
امير بحب: احبچ والعباس بس انتي مادري شبيچ وياي مو نفسچ ارجوان
امير بحب: احبچ والعباس بس انتي مادري شبيچ وياي مو نفسچ ارجوان
ارجوان بتعب: امير والله حته اسمي كرهتة
امير بعتاب: لويش والله حلوو اول اسم يمر علية واحلى اسم هي وصاحبته
ارجوان بتعب: هسة انته ليش متصل
امير: مشتاقلچ
ارجوان بضيق: امير كافي ماحب هاذة الاسلوب كولة غزل اني مامتعودة عليك هيچ
امير بغيرة: اي والناس تغزل بيچ عادي مو... وشمر الصينية اللي بصفه ونرگعت بالگاع
ارجوان طبگت الخط بوجهة بدون كلام: مستحيل اوافق علي من هسة يتحكم بيه مستحيييل يحلم
خلت اديهة علة راسهة بحيرة وتعب: والله راسي گام يوجني ماريييد احد ماريد ازوج بعدني شگدوتني عمري ١٨ سنه ونص حرام والله يظلموني بهيچ عمر
سمعت صوت تلفونهة شافته امير رفضته ورة شوية هم دگ وترفضة واخر شي سمعت اشعار رسالة قرتهة من عنده
امير ☁..: وحق امير المؤمنين اذا ما تردين عليه اجيچ واسحلچ من الباب وخليهم يعرفون بعلاقتنه
ارجوان بدموع: والله هاذة مو امير مستحيل امير ابو القلب الطيب ميسوي هيچ
شوية وسمعت دگت فونهة للمرة الثالثة خافت صدوگ يجي جاوبته
وسمعت صوت تكسير وصراخ وغلط ومسبة ودموعهة تنزل وغصة بلعومهة باوعت عله الفون لگته يصيح: ويييينچ يول ووووينچ ماتجاوبين انه اعلمچ ارجوان
سمع صوت شهگاتهة وبچيهة وهو تخبل بالزايد: حبيبي لا تبچين خلص ما اصرخ عليچ حبيبتي لا تأذين روحي فدوة اروحلچ دموعچ غالية وتنزل تيزاب عله گلبي
ارجوان ببچي: امير عوفني بليز ماريد منك شي اتركني والله موتتني
امير گام يضرب بالكنتور ويشمر هدومه بالگاع وعروقه بارزة: لا تبچين گلت لا تكفريني
ارجوان سكتت من الخوف هاي اول مرة تشوفه هيچ عصبي او بالاحرى تشوف وجهة الثاني اللي يخافون منه
امير يتنفس بعمق يحاول يضبط نفسه گعد علة السرير وهو يفرك وجهة بعصبية: ما تردين تتزوجني حته تزوجين غيري مووووووووو
ارجوان فزت من صوته وكلبهة صار طبل من الخرعه تريد تهدي روحهة ومتگدر تريد تبلع ريگهة مينبلع طلعت من غرفتهة ركض وصعدت فوگ بغرفة زيد ودگت الباب وفتحلهة چان لابس تشيرت اسود وشورت ابيض
ارجوان برعب وهي تنطي الفون وگعدت عله السرير
زيد انصدم بردة فعلهة ودموعهة اللي عله وجهة راد يحچي بس وگفته وهمستلة: ششش
وخلت الفون عله اذنه وهو يسمع صوت امير و الضرب والصياح: وووووينچ والحمزة بس اتزوجچ يا ارجوان احير شسوي بيچ ردي تردييين تاخذين غيري موووو ولچ تحلمين سمعتيييي
زيد يسمع ومنصدم من التكسر يمه حچة زيد: الوو امير
امير سمع صوت زيد وتخبل: ولك زيد شتسوي هنا هاااااا وينهة انطيني ياهة
ارجوان برجفه ودموعهة تسيل: لا زيد فدوة انت احچي ويا والله خايفه
امير سمع هيچ وتخبل وسحب مفاتيح سيارته يريد يطلع: انه جايك يا زيد واشوف شتسوي يمهة
زيد باضطراب: امير اهدة يمعود كاعد تخوفهة هيچ اجتني مرعوبة ووجهة اصفر من الخوف اگعد واسكت مالنه خلگ للمشاكل دخيلك
امير هدأ شوية وحچة بالم: شبيهة انطيني احچي وياهة اريد اتطمن
زيد انطاهة الموبايل وهي ترجف وتبتعد ليورة الى ان انطخت بالتاج مال الجرباية
زيد بهدوء ولطف: اششش هدئي يريد يحچي وياچ يطمن عليچ
زيد انكسر كلبه من منظرهة چانت خايفة كولش وترجف ووجهة اصفر
زيد بهدوء: انت اهدة اهدئهة شوية وخابرهة بعدين
امير بجمود: انتو وين
زيد باوعلهة باضطراب: اجتني للغرفة لان رادتني احچي وياك
امير بصراخ ارعب زيد: طلعها برررررررررررررررة ماريد اشوفك يمهة شوف زيد انه اعصابي تلفت وياهة ومن عقلهة طلعهة برررة انته شلووووون ترضاهة بنت عمك تجيك بالغرفة
زيد اول مرة يشوف امير عله حقيقته جاوب بهدوء: خلاص التريدة يصير هسة اطلعهة
امير سد الخط ويروح ويجي والشيطان يلعب بعقلة
زيد بهدوء وهو يتقدم ناحيتهة: اشششش خلاص اهدي
ارجوان ترجف بذعر: ز...ز..زيد...اخا...ف منه
زيد بالم وانكسار: ميخالف حبي اهدي وامشي نطلع مايرضى تبقين عندي
ارجوان تتشبث بزيد وتبچي بخوف: زيد بليز خايفه ماريدة اني وهو مچان هيچ مادري شلون تحول عليه واني مسويتله شي اتصل علية من رقم غريب لان اني كنت حاظرة كل ارقامه ومواقع التواصل
زيد وهو يحاوط راسهة بصدرة ويربت علة شعرهة: ششش اهدي ميسويلچ
زيد انتبه علة الملمس الناعم وشاف شعرهة: ارجوان لويش مالابسة حجاب
ارجوان ابتعدت عنه ولزمت راسهة وشهگت اخذت فونهة من ايد زيد وطلعت ركض من الغرفة بخوف
وزيد تحسر واخذ نفس وزفرة بحرارة وهز راسه واخذ الفون مالته واتصل علة امير
: الووو زيد
زيد بجدية: الو امير ها هديت
امير وهو يحاول يهدي نفسه گعد علة التخم؛ اي هديت گلي شصار
زيد بجمود: خلص هدأت هسة بس امير انت كاعد تخليهة تكرهك بهاذي الطريقه كامت تخاف منك كلش
امير وهو يمسح صفحه وجهة بتعب: زيد انت مكاعد تفتهم حاظرتني من كلشي وماترد عله اتصالاتي چا شتريدني اسوي
زيد نار بصدرة ضل ساكت لان اذا يحچي ينفجر بوجهة: مع السلامه امير
امير استغرب من زيد لان هو دايما شقاوچي بس هالمرة يختلف: الله وياك
÷÷÷÷÷÷÷÷
ارجوان وهي تدگ الباب عله غرفة امهة و ابوهة
فتحتلهة امهة الباب: ها ماما تردين شي
ارجوان بخنگه: اي اريد احچي وية بابا
دخلت ارجوان ولگت ابوهة يباوع تلفزيون گعدت بصفه علة التخم
ارجوان: بابا
ابو احمد باوعلهة: ها بابا تردين شي
ارجوان بغصة: اني فكرت بموضوع الخطوبة
ابو احمد عدل گعدته وباوعلهة بترقب
ارجوان: بابا اني ماريد اتزوج بعدني صغيرة واصلا شايلة هاي الفكرة من بالي
ابو احمد ابتسملهة: والله بابا انه اتمنه تستقرين بس تكونين قريبة علي بس من شفتچ هاي الفترة مو تمام فقررت الغي فكرة ازوجچ بهيچ عمر لان شفتچ ما مستعده وبعدچ صدگ صغيرة
ارجوان بدموع: بابا اريد اضل وياك ماريد اتزوج اصلا لعبت نفسي من هالموضوع
ابو احمد حظنهة: خلاص بنوتي لتبچين زين راح اگللهم ما كو نصيب
ارجوان: واذا عمو كريم زعل لان ينحرج من الناس
ابو احمد: بابا شيزعلون وطز بيهم المهم سعادة بنتي ماهتم بهيچ سوالف باباتي
ارجوان بتساؤل: بابا ليش تحچي مثل ماما ومرات تحچي مثل عمامي
ابو احمد: ههههه لعد غير عشت وية امچ ٢٥ سنه واخذت منهة حچايات ولة انه نفس اخواني احچي
ارجوان: بس كلامهم مرات ماافهمة
ابو احمد: اي بابا لعد غير كل واحد ولهجته
ارجوان: اممم يالله اعوفك وية ماما
ام احمد وهي تطلع من الحمام؛ هاي بعدچ هنا
ارجوان 😐: اي ليش عيوني ترديني اطلع حته تشبعين من بابا
ام احمد 😒: اوووي اخذي الچ شسوي بي
ابو احمد 😑: هسة صرت ماعجبچ شمس
ام احمد بغرور: والله شسويلك خليتني ماحبك مثل قبل من ورة سوالفك
ابو احمد 😞: يا سوالف
ام احمد 😏: مال الة تلبسين عباية ودشاديش وممنوع الطبه والطلعه نسيت لو اذكرك بسوالفك بعد
ابو احمد: لعد شسوي اخواني يحچون علي مايصير عيب وفشلة
شمس بزعل طفولي: لعد خليهم يفيدوك اني زعلانه منك
ابو احمد ؛ افااا كولشي ولا زعلچ شموسة
شمس 😞: اي مازعل بشرررط
ابو احمد بابتسامه: اي
شمس 😏: ترجع مثل قبل يعني قصدي مثل ماچنه بالخارج
ابو احمد بضحكة: هههه وعلة هذني السوالف انتي زعلانه علي يابه خلص التردي سوي
ام احمد بفرحة وحظنته: يوووومه فديت جودي
ارجوان تباوعلهم بملل: ترة يمكم سنگل
ابو احمد فتحلهة ايده حته تنظم وياهم: شو بابا تعالي حته تسكتين
ارجوان ابتسمت وحظنت امهة وابوهة
شمس 😑: انتي ليش تخربين اللحظة
ارجوان😛 : تستاهلين
شمس: اني اعلمچ
ارجوان ضحكت وابتعدت عنهم: يالله عمي هاي عفتلچ بابا جودي تردين شي
شمس 😜: لا حبيبتي بس حظري جنطچ ماوصيچ لان انشالله ايام واحنه ببيتنه
ارجوان: اوكي گود نايت
جواد وشمس: وانتي بخير
طلعت و سكرت الباب وراحت لغرفتهة ودخلتلهة وتمددت عله فراشهة وابتسمت بارتياح: بعد ماعندي هموم تركت الاول والتالي واذا زيد يفضحني بابا يمي اممم زين قراري الاخذته
هستوهة غمضت عيونهة وسمعت صوت موبايلهة جاوبت بدون متشوف : هلاووو منو وياي
: لويش متردين ها صارلي سادس مرة ادگ عليچ
ارجوان فتحت عيونهة وباوعت لاسم المتصل طلع رقم غريب بلعت ريگهة بخوف: امير
_ اي امير لويش ماتجاوبين
ارجوان بهدوء تحاول تهدئ روحهة ومتطلع حرگتهة بي: اسمع امير راح احچي وياك بس رجاءً لتظل تصيح وتكسر تعاملني بهدوء اعاملك بالمقابل
امير ببرود: احچي
ارجوان بتردد: اني ماحب احد ولا مفكرة بالزواج واني گتلك ذيچ المرة مافكر بي وانت هم گلت نفس الشي شنو التغير هسة وانت چنت صديقي وماحبيتك بيوم بغير فكرة ابد ليش انت حبيتني وخطبتني وانت تكره جنس حواء والاهم منهن والدك مصارلة هواي من توفة وانت گلت منا لسنة ابوية يالله افكر جاوبني لييش
امير تنهد وفرك عيونه: الجواب هو انو انه اعشگج وخايف تطيرين من ايدي لو تسافرين لو تزوجين لو تحبين واحد وثانيا انه ماچنت حاسبچ رفيجة چان ببالي غير شي ونهايني وياچ هي الزواج غيرهة ماچنت افكر
ارجوان عصبت كولش وودهة تخنگه هدئت نفسهة وحچت ببرود استغربة امير: اوكي لعد تتحمل اللي يصير بيك واني الغبية اللي انقهرت عليك وعبالي معتبرني صديقه وعن طريقة حبيتني بالغلط وحملت نفسي الذنب وانهاريت بسببك لان چنت صدوگ اعز صديق عندي بس للاسف كولشي انتهة وصرت حاليا اكثر وحدة تكرهك بالكون وجوابي راح يوصلك بعد يومين وتعرف شنو قراري مع السلامه.
سكرت الخط ووجهة يطلع دخان من العصبية: ياحقييير چنت مخطط لكولشي اوكي امير اني اعلمك الة ما اخليك تشنق نفسك من ورة عيشتك تلعب علية يانذل يا خبيث
وظلت تدردم وتغلط علي
باوع للفون بصدمة يريد يبلع ميگدر كلمه اكرهك وانتهينه اذته كولش
امير بخنگه وعروگه ناطة؛ شني قصدهة جوابي شني شگاعد تحچي لا هي ماتكرهني هي تحبني انه ادري بس هي مغرورة ادري بيهة انه اي تحبني وحتوافق علي
ضل يردد كلمه تحبني ومن داخلة نار يريد يقنع نفسه انو متركه وهي بالاساس متريدة
امير گام وطلع من غرفته : يمممممه
ام امير متمددة عله الفراش فزت من سمعت صوته: ها يمه خيرك
امير بجمود: اريدچ تروحين لبيت الشيوخ ابو كريم وتخطبين
ام امير: اي يمه بس ابوك توة طلع اربعينه
امير بعصبية: مايهمنيييييي اريدچ بس تحجزيهة الي وبس ماريد لا خطوبة ولازواج حاليا
ام امير : چا وانه شكو غير انتو الزلم ترحون وبعدين النسوان يروحن حته يتفقن
امير بغضب: ررررحت واخذت الشيوخ بقة عليچ اريدچ تكسبيهم يمة ماريد تبينين ماعجبتچ البنية ابدددد
ام امير مصدومة من ابنهة: اي يمه بس بناتهم كلهن متزوجات
امير: لا اكووو ارجوان موجودة يمه
ام امير 😕: هاي الاميركية ادجان
امير: اي يمه
ام امير بفرحة: اي هاي الحلوة اي يمه چا ابوس اديهم اذا تريد يا شلون انه نسيتهة يمه فدوة الكلبهة تخبل هاي البنية... بعدين باوعتلة بنص عين 😑: چا وين شفتهة يمه
امير بقلة صبر: چا مو انه واهلهة طلعناهة من بيت كرم يا يمه
ام امير 😒: اي حسبالي تواعدهة چان كسرت رجولهة بالعصاية مالتي وتحلم ازوجك ياهة
امير: يمممه لخاطري روحي باچر تدگين بابهم وتاخذين نسوان اخواني و عمامي وياچ
ام امير: انشالله يمه باچر اروحن لتخاف ماتصير الة الك
امير تنهد ويفكر { هه تحلم تزوج غيري لو تسافر انه الچ يا ارجوان خليتيني خرگة يمچ ما اتسمه الذيب اذا ما اخليچ توافقين وچ خايبة انه ابو نسر هيچ تسوين وياي اوووف يا ارجوان عشكي الچ تعبني}
@@@@@@
ارجوان وهي تضحك وية الاء: ههه لا بس هاي احلة اقريهة
الاء قرتهة وطگت ضحك: ههههه ولچ منينلچ هاذني النكت
ارجوان: هاي شبيچ عمه موجودات بالانستگرام هاچ تابعي هذني الحسابات احله شي
الاء: اي گليلي عليهن
ارجوان: بنات ستايل كووولش حلو وهمات خبال فرنسي حلوو وفلافل عراقية وعندچ مجنونات العراق وعندچ سمبوسة كولهن بيجات كبار وحلوة
الاء: اي انه متابعه فلافل عراقية ومجنونات العراق بس الباقيات ما متابعتهن
ارجوان بحماس: وهمات تمتم عندچ وهواي اكو روحي شوفي اني شنو متابعه وتابعيهم
الاء: اي اوك هسة اشوف
ارجوان 😜: هاي شنووو عمه صاير تگولين اوك شنوو تطورات
الاء 😕: چا شعبالچ احچي انكليزي انه
ارجوان: هههه عمه لخاطر الله هي كلمه بس يالله تعلمي بعد
الاء: اي وهمات تعلمت هاي بلييز منچ
ارجوان غصت بالضحك: 😂😂😂 عمه بطني اااي 😂😂😂ااااي
الاء: وليييچ تضحكين علي انه اعلمچ
گامت الاء وارجوان ركضت طلعت برة وتضحك والاء وراهة: ولچ اليوم اكسر رجولچ وييين رحتي
الاء: يممه تعبت خلارجع واعلمچ يا ارجوان
ارجوان واگفه ورة الشجرة وكاتمه ضحكتهة شافتهة راحت تنهدت ووصلت قريب الديوان وشافت نسوان دخلن للبيت استغربت شعدهن ذني ومنو هنة تقدمت وخلت اديهة علة شفتهة تفكر ماهتمت شالت شعرهة وخلته علة صفحة وحدة وعله ساعه حست واحد جرهة وسحبهة لمكان .
ارجوان شهگت وهو سد حلكهة وباوعتلة وانصدمت بالواگف گدامهة انرعبت وبعد متعرف شتسوي
صراع الشيوخ
