رواية حرم الاسود الفصل الثلاثون بقلم بتول ابو الليل
بعد مرور سنه كامله ... "
اريانا : سافرنه لتريكا عفنه كلشي ورانه اكثرر وحده تألمت وتعذبت بهل سفره هيه اني
ضميري طول هل ايام الفاتت يأنبني لأن عفت تيمور مريض وتطلكت منه
جان كلش محتاج وجودي وياه بس حسيت بعدي عنه راح يفيده اكثرر من وجودي.
اول ماوصلنه لتركيا تلكتنه خالتي رحنه وياها لبيتها عايشه هيه و3 بنات عدها وزوجها.
كلش حبابات بناتها كلهم يحبونه انصدمت م̷ـــِْن حجتلي اليان موضوع حملي
احس نفسي انتهيت شلوون حامل اذا عرف تيمور شراح يكول صاار عندي طفل منه وياي جزء من تيمور
كل ماتذكر سوالفه الزم بطني واتخيل شعوره من يعرف اكو طفل بطني اتخيل حياة حلووه بينه واتحطم من اعرف طلكنه وانتهه كلشي بينه.
جنت اكرهه واتمنئ بس اخلص منه ليش من عفته حسيت بالوحشه والاشتياق اله
احاول اعرف معلومات عنه ادخل علئ صفحاته مواقع التواصل ماينزل ي شيء واصلاً مختفي.
عرفت طالع من السجن بعد 5 شهور من سفرتنه وعرفت متحسنه حالته وراجع يمشي علئ رجليه.
اتمنئ التقي بيه اشوفه احجيله عن ابنه الصار عمره سنه تيم.
سميته هل اسم قريب علئ اسم ابوه خالتي جانت ناويه تسمي هيه بس اني اول ماعرفت بيه ولد خطر علئ بالي هل اسم.
وبقيت عليه الكل ميعرف بيه حامل حته اهلي ماحجيت شيء الهم
قليل اتواصل وياهم صرت ماحب أي شخص غير ابني منطيته كل وقتي.
اليان فتحت مشروعها الخاص وصارت تشتغل اني من كبر ابني صرت اشتغل وياها والهي نفسي
اضوج بالبيت واتذكر كلشي يصير وياي اطلع اغير من نفسيتي.
ليال : تيم ولك تيم وين راح هذا
اديان : ماما هذا يمي
ليال : نعلئ علئ ابوك وكفت كلبي ولك جنك دوده ماتكعد وتسكت
اريام : ماما شبيج وياه غير يريد يلعب ويانه
_ههههه خاله همه يضمونه عنج والله يردونج تعصبين وتحجين هيج
ليال : اعرفهن واعرف سوالفهن تعال يروح امك
_ترا اني امه؟
ليال : دروحي هيه امه عود حملتي بيه 9 اشهر وصارر ابنج اني امه
اريام : والله اريد طفل معليه شنوو باقيه هيج زوجوني لوو تنطوني تيم الي وحدي
_والله اني اكول تزوجين احسن اشو شغل متقبلين تشتغلين ودراسه مخلصه
اديان : هوه منوو يباوع لجهرتها جنهاا بومه
اريام : لٱ والله ع اساس انتِ الحلوه وجهج ازرك عاد اني بيضه
اديان : بيضه بس وجهج بالطول هههههه
_لا حلوه اريام الف شخص يتمناها.
اديان : انطينه من الالف واحد اروح اشمرها عليه وجي
اريام : نايمه ع گلبج ماتزوجين انتِ عنزتي راح توصلين الـ 30 وبعدج
اديان ; اني تعرفيني اريد ابن عمو وهوه مقرر هل سنه يجي ويخطب انتِ منوو منتظره جبار
ليال : اسكتي لايسمعج ابوج فضحيتينه
اديان : ماما صدك لبارحه مخابرتج ام اديب وحاجيات موضوعنه
ليال : اييي وكالت باقرب وقت راح يجون ويطلبون ايدج
اديان : موتي قهر اريام
اريام : هههههه اكيف والله اريد اركص ارتاح منج تنكلعين يبقه بس اليه تيم.
ليال : اكلكم شو تاخرن اليان وسهر مارجعن
_گلتلي اليان ليوم يتاخرن بالدوام هسه راح اتصل واشوفهم.
هزت راسها باي اخذت جهازي اتصلت علئ اليان
اليان : الوو ها اريانا
_وينكم شو تاخرتو.
اليان : هسه جايين بالطريق
_تمام جيبي وياج حلويات لتيم
اليان : من عيوني
سديت الخط ورجعت علئ البنات وخالتي كلت الهم شلت ابني خليته بحضني ابوس بوجهه ينطي شبهه كلش قوي الابوه.
اريام : اريانا عادي أسالج سؤال؟
_اي كولي
اريام : هم تحنين لزوجج
ضجت كلش من سالتني هل سؤال ذكرتني بتيمور بلعت ريكي بتوتر ابتسمت مجامله وكلت
_يبقه ابو ابني اكيد احن اله
اريام : لا لا موو قصة ابو ابنج يعني لوو بهل وقت تطلكين من عنده
ليال : اريااام شنوو هل كلاام
اريام : شحجيت هسه اني بس اريد اعرف هيه متضوج منيي موو اريانا.
_ماعرف شنوو اجاوبج بس الضروف المريت بيها احتمال حته بهذا الوقت تخلينه نطلك خلص اني عشت حياتي وهوه كذالك.
ليال : اني اكول لوو تحجين الابوه احسن مايعرف وياخذه منج
_لاا خاله ماكدر والله صعب احجيله عن ابنه راح يفهمني بغير طريقه ومتاكده مراح يصدكني.
اديان : والله اني اتفق ويه ماما يعني هسه انتِ ضامه ابنج عن الكل لأ اهلج يعرفون بيه ولا حته ابو الطفل اذا اجه يوم وعرفو راح يفكرون بغير اشياء وحته احتمال يعتبرونه ابن حرام.
ليال : اديااااان
انصدمت من كلامهاا احس اختنكت كلش الدمعه صارت تلمع بطرف عيني معقوله يصير هيج والناس تصير تحجي عليه وعلئ ابني لان ماحجيت لشخص عنه
بس اني ماسويت شيء غلط ماحجيت لأن ماريد ارجع لهذاك المكان ماريد ابني يعيش بعالم كله رعب وخالي من الامان خلت ايدها اديان فوك ايدي وكالت.
اديان : حبيبتي اريانا ماريدج تضوجين مني اني احبج والله العظيم ومافرقج عن اخواتي احجي هل شي علمودج حته تفكرين عدل يمكن تكدرين تعيشين ابنج وتكبرينه وحدج بس فكري بالمستقبل اذا كبر وسألج علئ ابوه شنوو راح تجاوبينه وشتكوليله
وحته اذا خليتي يعرف ابوه مراح يصدك هوه ابنه لان مرت سنين طويله ويتوقع ميكون منه.
خلي كل الاحتمالات كدام عينج وفكري زين بكلامي هل شيء لصالحج انتِ موو اني والله.
اريام : يمعوده شنوو هل احتمالات الخايسه ضوجتينه بسوالفج كاافي شبيج محد راح يحجي وخليهم يحجون تيم ابنه احنه اهله وكلشي يريده نوفره اله معليكم بيه اني اربي علئ يدي.
بقيت ساكته ماعرفت شنوو احجي كلامهن منطقي وخايفه كلش من هل يوم خايفه يعرف شخص بابني وتصيرلي مشكله
واكثرر شخص مخوفني هوه تيمور اهلي عادي اكدر اشرح الهم بس تيمور ماكدر حته اوجهه واخلي عيني بعينه بعد الصار .
ليال : اريانا حبيبتي بنيتي لاتضوجين نفسج كلشي اله حل اني امج يمج اشرح الهم كلشي ماخلي أي بشر يمسج بحجايه تمام
_خاله والله خايفه ياخذونه مني
ليال : محد يكدر ياخذه منج انتِ امه وتعبتي عليه وربيتي والج كل الحق بيه
هزيت راسي بأي واني كوه مسطره علئ دموعي وصلت اليان وبنت خالتي الصغيره اسمها سهر تشتغل ويه اليان بنفس الشركه اني هم وياهم بس مرات اكعد علمود ابني
اليان : مرحبا ياصبايا.
اريام : هلاو بيبي
سهر : ماماا ميييته من الجووع شمحضرين للغده
اديان : مسوين برياني
سهر : اويلي عليك ياابه صبوو رايحه اغسل واجيكم اريد اكل بالجدريه
اريام : انتِ لشوكت تبقين عبالك ولد شويه خلي عندج كياته اسلوب حلوو
سهر : دنجبي لج تحجي بالكياته وهيه جنها ابن جيرانه جسومي
اديان : ههههههه حيل تستاهلين
اريام : ماما شوفي بناتج ميحترموني
سهر : ادور احترام ام البصل
اليان : ههههههه لا هيج هوواي عليها
سهر : خب اليان شفتي هاي السكرتيره الجديده شكدد حلووه اني كرشت عليها والله
اليان : ههههه خرب يومج ولج تمووت ولبسها فد شيء رهيييب عود اني جنت اڪـثر وحده انيقه بالشركه كسرت عليه وخلت الكل صافن
سهر : بس ترا لبسها حيل مفضوح شنوو هاييي بس مايطلع الحجي مالها مخليته متاح للكل
اليان : غير تركيه اصلها اكيد مراح تلبسلج دشداشه او شي طويل
سهر : بس حلووه لازم اخطبها
اديان : هههه نعلئ علئ شرفج شتسوين بيها
سهر : اخذها لبن اختي تيم تلوكله وعلي
_خلي يكبر عود ودوريله مره
سهر : لأ هاي لكطه منلكاها بعد نحجزها من هسه ومن يكبر يعرسون شتكول حبيبي تيوم
يضحك الهم تيم شالته سهر بوسته من خدوده عضتهم كرصتهن خلته يبجي ماترتاح اذا ماتبجي
_اهوو سهر ليش هيج جيبي
سهر : يمه يمه يمه حبيبي تيوم احبك والله لاتبجي
ليال : دكافي انطي الامه وروحي بدلي ملابسج وانتِ هم اليان بسرعه
اليان ; نتسابق للغرف
سهر : يلا واحد ثنين ..3
ركضن للغرف فوك وهنه يضحكن تحسهن اطفال الاجواء بيت خالتي تفتح النفس كلش ونسه وضحك
بس اني تحسني عجوز مالي خلك موو دائماً اتشاقه ماضحك هواي منعزله
عكس اليان كلش مندمجه وياهم وتضحك وتسوالف ولامهتمه ابد.
اديان : تعالي نحضر الغده
هزيت راسي بأي رحت وياها للمطبخ جهزنه الاكل سويه باوعتلي وكالت
اديان : ضجتي مني؟
_لا والله
اديان : عليج الله لاتضوجين والله ماريد اقهرج بس هيج خطر علئ بالي هل كلام لاتزعلين
_مازعل والله وكلامج مابي شيء ابد بالعكس افرح من اشوفكم خايفين علئ تيم وعلئ مستقبله.
اديان : اي والله العظيم كلشي يهمني هوه مستقبله وانتِ هم تهميني ماريد تتأذين او تحصليلج حجايه تجرحج
الطفل عنده اب واله حق يعرفه ويشوفه ميصير تمنعينه منه ولايصير تضمينه عن الناس انتِ تعرفين بامور القانون
اذا هسه ابوه عرف بيه واشتكه عليج راح تصيرين بورطه وراح تروح الحضانه الابوه ومتحصلين شيء ابد.
مر هواي وقت اريانا سنه مرت علئ جيتج لهنا وابنج صار جبير لازم تفكرين عدل وتقررين شتسوين.
_اديان اني وضعي موو سهل صعب عليه ارجع واحجي الابوه عنه شكوله اصلاً صار عندي طفل منك وضميته عنك طول هل سنه هم راح يسالني ليش ماحجيت شراح اجاوبه ويمكن اصلاً ميسمع مني ياخذه بالقوه شراح اسوي بهل حاله
هواي امور خايفه منها لاعبالج مافكر بهل شيء اني هم اريد ابني يعرف ابوه ويشوفه بس خايفه حيل من هل خطوه ومتردده.
اديان : والله ماعرف اريانا قصتج حيل صعبه والصار وياج موو شويه بس مع هذا لازم تفكرين عدل وتتخذين قرار بخصوص ابنج
_الكاتبه الله يصير يمكن تصحلي فرصه واكدر احجي بيها عن ابني واخلي الكل يعرف بيه
اديان : انشالله
اليان : ها بنات شتسولفون
اديان : نحجي عن ابو تيم
اليان : تيمور؟
بلعت ريكي بتوتر وخوف وباوعت الاليان اني ابد ماحجيت عن تيمور ولا خليت بشر يعرف زوجي هوه نفسه اخو اليان
اديان : هوه تيمور زوجها؟
اليان : اي اخوي تيمور بس لاتحجين عفيه
اديان : عزااا وليش ماتحجون
اليان : يمعوده اخاف وحده يفلت لسانها وتحجي ونطيح مشكله جبيره اني هسه هم نسيت وحجيت
اديان : ترا الموضوع مابي شيء ليش ضامين ابنه عليه مايصير والله
اليان : والله هل شيء راجع الاريانا اني مادخل بيه هيه تقرر تريده يعرف او لأ
_ماكدر اواجهه واحجيله بس هل شيء مخوفني صدكوني ماكدر.
اليان : عوفو هل موضوع هسه نحجي بيه بليل خلونه نتغده ميته من الجوع اني
اديان : تحجولي كلشي اموتكم والله
اليان : بس والله اذا فتحتي حلكج وحجيتي اموتج حته لخالتي متحجين
اديان : أي والله ماحجي
_يلا شيلو الاكل راح يشكون بينه.
اليان : انتِ لاتضوجين ولاتنقهرين ابد احنه كلنه وياج تمام وتيم بيناتنه منعوفه للموت
هزيت راسي بأي اخذن كل وحده شغله وراحو علئ طاوله الاكل خليت ايدي علئ السنك واني صافنه وخايفه حيل
ياترئ شصار ويه تيمور شيسوي هسه هم يتذكرني لوو نساني فزيت من صاحولي
ليال : اريانا وينج ماما
_جاييه
اخذت الخبز ورحت عليهم كعدنه كلنه سويه علئ طاوله الاكل زوج خالتي رجال جبير وشغله يتاخر بيه للمغرب يلا يرجع دائماً مايكون ويانه علئ الغده.
تغدينه سويه شالن الصحون اليان وسهر يغسلوهم لان الشغل علينه الصبح اني واديان.
راحت اريام سوت النه كهوه واجت سويت ممه لتيم صح عمره سنه بس يحب الحليب وماقطعته منه اوكله واشربه حليب صاير دنفوش.
يخبل عيونه علئ تيمور نظراته حاده ومن يضوج يصير تجاعيد بجبينه مثل تصرفات ابوه كلش.
خليته بحضني اوكل بيه وخالتي كل شويه فاتحه حلويات لوو مسويته عصير فواكه تشرل بيه
_شبع خاله والله كافي
ليال : اسكتي انتِ اني اعرف بيه بعده جوعان شوفي يريد ياكل بعد
_هههه هوه كلشي تنطي اله ياخذه ميفهم راح يوصخ نفسه
ليال : خلي ياكل يصير بطل
اريام : ع اساس هسه هوه ضعيف جنه دب
ليال : تفففف عليج لاتخلين عينج عليه بارده عليه انشالله لاتباوعيله عابت لهل شوفه
_ههههههههه يمه
اريام : عليج الله يمه تحبيني لوو تحبينه؟
ليال : احبه هوه
اريام : لعد اني شنووو
ليال : صرتي جبيره بعد
اريام : لا والله بعدني صغيره اكيف هسه اذا توكليني بيدج
_هااا ها تغارين من تيم شوف حبيبي خالتك تغار منك
اريام : يعني شنوو بس الصغير يحقله ياكل
_منوو لآزٍمٍ عليج الاكل هسه
اريام : اريد ماما توكلني
اديان : ماما شنوو رأيج نطلع نتونس
ليال : وين
اديان : لأي مكان المهم نغير جو
اريام : فكره حلوه اني هم اريد اشتري ملابس نمر بالسوك
ليال : اطلعو انتم اني وابني نبقه بالبيت شتكول ماماتي نبقه هنا موو
شالته تبوس بيه باوعتلي اديان واشرتلي بعيونها معنه طلعين
اديان : هاا طلعين
_ايي ليش لاا نطلع
اريام : رايحه اكول لسهر واليان
ليال : موو تتاخرون ترا ابوكم ميقبل
اديان : منتاخر يلا بسررعه
_خاله ديري بالج عليه فدوة
ليال : توصيني علئ وليدي
دنكت بسته من راسه وكمت صعدت لغرفتي اني واليان غيرت ملابسي وجهزت نفسي ونزلت جان الكل متجهز ومحضرين نفسهم للطلعه
طلعنه احنه الـ 5 من البيت تكول فريق كصه وحده حته نفس الطول.
اليان : بنات اني مشتهيه اكل اكل من الشارع لادخلونه مطاعم ومعرف شنو نمر علئ البحر نتمشه شويه ونرجع
سهر : اخذكم للكزنو شتكولون
اديان : انجبي لج
سهر : اكلكم صدك اكو هناك محل قريب ياجر بايسكلات خلونه ناخذ كل وحده واحد ونتسابق بيهم
_اييي حلوه الفكره
اديان : اني ماعرف اسوق
اريام : انتِ الحكم
اديان : غير اذا تاخذون الباسكلات بعد مترجعون عليه
اليان : هسه شنوو خلص الوقت وحنه بس نتمشه وممسوين شيء
اريام : احسن شيء نكعد علئ البحر ونطلب اكل وناكل وناخذ صور وهاهيه
_اني اريد امر مكتبه اريد اشتري كتاب
اديان : اني اريد اشتري ملابس
اريام : واني هم محتاجه كم غرض
اليان : اكو مول بيه كل احتايجاتكم خلونه نروح عليه
_يلا
صعدنه بتكسي تكسرنه كوه كعدنه رحنه لمول نزلنه تسوكنه واشترينه كلشي يلزمنه تونسنه كلش
اشتريت اني كتاب اسمه نظريه الفستق واشتريت دبدوبات لتيم واشياء عجبتني هواي
احنه من يصير عدنه فلوس لازم نسوي طلعه نخلصهم ونرجع
بالمول نفتر اني مدنكه اكلب بالالعاب الصغيره اريد اشتري منهم فجأه واحد صاح ورايه
::تيمووور تعاااال يمعود
شلت راسي مصدومه التفتت وراي بسرعه جانو ثنين زلم مبينين من العراق لان لهجتهم مثلنه
بس اسم تيمور خلاني افز شحال لوو كدامي بلعت ريكي بخوف اجت يمي اليان
اليان : هاا شبيج
_هيج ماكوو شيء
اليان : شوفي شنوو اشتريت لتيم
_حلوو كلش
اليان : راح يطلع يجنن عليه متحمسه ارجع والبسه اله
هزيت راسي بأي اخذت العاب ورحنه للمحاسب خلاهم النه بعلاليك كلهم اشترو هدايه لتيم ولا وحده تنساه لازم كلهم يشتروله
طلعنه من السوك المغرب رجعنه للبيت تعبانين من الفره والدوخه
لكينه رجل خالتي راجع من الشغل وتيم نايم صعدت لغرفتي لكيته نايم بالكاروك مالته دنكت بسته براسه وشميت ريحته الي تنطيتي القوه
_حبيبي ماماتي روحي انتَ صدكني خايفه احجي الابوك وياخذك مني حيل خايفه اخسرك ماريد اتعذب بيك انتَ كلشي بحياتي.
تمددت يمه الكاروك يم السرير كلش وهوه مثل السرير هم جبير كلش
لزمت ايده واني اباوعله مادري شلوون دخت ونمت بدون ماحس.
كعدت ثاني يوم الصبح من وكت لان نمت من الـ 7 بليل
جان الكل نايم بس تيم كاعد شلته ونزلت جوه هوه يضرب علئ وجهي ويحجي.
تيم : ببه بابا
باوعتله واني مصدومه من كلمته اول مره يحجيها ابتسمتله بسته من خده
_ههه حبيبي حته انتَ صرت تريد ابوك
يباوعلي برائه عيونه تخبل بوسته من خدوده اخذته ورحت للمطبخ حميت مي للممه انطيته تفاحه يلعب بيها بين ماسوي الممه
سويتها اله وشلته من الارض كعدت علئ الكرسي وبقيت ارضع بيه كعد رجل خالتي وخالتي وياه شافوني بالمطبخ اجو عليه
عمران : صباح الخير بويه
_هلا بابا صباح النور
ليال : يمه وليدي جوعان
عمران : شو لبارحه ماشفتج مريضه بيج شيء
_لا والله بس رجعت تعبانه ونمت بدون ماحس
عمران : هاا خوش
ليال : خلوني اسويلكم ريوك
_لا خاله عوفي من ايدج اني اسوي بس اخذي وياج تيم
هزت راسها بأي اخذت تيم مني وراحو يكعدون بالصاله تصميم بيتهم يخبل اطلالته كلهاا جام وعلئ البحر
سويت ريوك واخذته الهم رجل خالتي مياكل غير بيضه سلك الصبح سلكتله بيضه واحنه سويت النه ريوك
خليت كلشي ع ميز الطعام شويه وكعدن البنات اليان وسهر يكعدن من وكت علمود الدوام اني ليوم اروح للشغل
اليان : صباح الخير
الكل : صباح النور
كعدنه سويه تريكنه رجل خالتي خلص ريوكه بسرعه كام غسل ايده رجع باس تيم وطلع من البيت
اليان : ليوم تجين للشركه
_ايي
اليان : تمام لعد جهزي نفسج بسرعه بعد ساعه ويبدأ الدوام المدير طالبج لبارحه سألني عليج
_شيريد؟
اليان : والله ماعرف
_تمام
سهر : يلا بسرعه اني صاعده ابدل
_خاله
ليال : بعيوني اخلي روحي وانتِ مطمنه
_فدوة لكلبج
كمت من مكاني صعدت للغرفه بدلت ملابسي لبست بلوز ابو الركبه ابيض وبنطرون جينز رصاصي وفوكه كوت طويل.
ربطت شعري خليت شويه مكياج وعطر ونزلت جوه طلعنه احنه الـ 3 للشغل الشركه موو كلش بعيده
ندوام بشركه عن التجارات والتسوق العالمي واحنه عدنه شهادات واليان دفعت فلوس واسطات يلا كدرنه نتوظف بيها
طبعاً اليان الهاا فضل كلش جبير عليه ماخلت شيء ناقصني صرفت كل فلوسها عليه وعلئ ابني وخلتني اشتغل وياها وبقت مساندتني طول هل سنه الفاتت.
جانت موو بس بنت خاله اخت واكثرر من اخت هم.
دخلنه للشركه يبدا دوامنه من الـ 9 الصبح ينتهي بـ 1 الظهر.
رحنه كل وحده علئ شغلها ومكتبها كعدت بالمكتب ارجع الاوراق والشغل العندي اتصلت عليه السكرتيره مال المدير
_الوو
سكرتيره : استاذ ليوتن يريدج بالمكتب
_جايه
عفت كلشي بيدي ورحت للمكتب مالته دكيت الباب صاح تفضل دخلت للمكتب جان كاعد علئ الكرسي ومنطي ظهره للباب يباوع ع بلكون.
_طلبتني ؟
فر الكرسي باوعلي ابتسم اشرلي بايده انو اكعد هزيت راسي بأي كعدت مقابيله
ليوتن : ليش لبارحه ممدوامه
_هوه جنت شويه تعبانه وابني مكدرت اداوم
ليوتن : الشغل اله قواعد وانتِ تعرفيهم كلش زين المفروض تجين تاخذين اجازه مني صح لوو غلط
_اي صح اني نسيت اعتذر
ليوتن : ماصار شي شلونج هسه زينه
_الحمدالله
ليوتن : شعندج ليوم
_شعندي مافتهمت شغل قصدك ؟
ليوتن : لا مثلاً من تخلصين شغل شعندج وراها
_ماعندي شيء ارجع للبيت
ليوتن : عازمج علئ الغده تجين
_هاا هوه اني
ليوتن : اعتبري غداء عمل
_ماكدر اتاخر ع بيت عندي مسؤليات وابني ينتظرني
ليوتن : مانطول ساعه وترجعين
_اشوف
ليوتن : ههههه اول مره اعزم بنيه وهيج تجاوبني
_استاذ اني ماعندي وقت لهيج امور صدكني
ليوتن : ماخذ من وقتج هواي
هزيت راسي بأي توترت كلش ماعرف ليش اخاف صرت من الطلعات.
ليوتن : هسه شنوو تجين ؟
_اي
ليوتن : اول متخلصين شغلج تجين للمكتب نطلع سويه ماشي
_تمام
ليوتن : تكدرين ترجعين لشغلج هسه
هزيت راسي بأي عفته وطلعت من المكتب رجعت للمكتب مالتي بقيت دايخه شريد المدير مني صايره اخاف من كلشي اروح وياه لوو ماروح
بعدت هل افكار عن راسي رجعت اشتغل علئ الحاسبه
مر الوقت بسرعه شغل وتعب خلص الدوام الظهر اجتي اليان للمكتب
اليان : يلا اريانا
_شوفي اليان المدير عازمني ع غداء عمل اروح وياه
اليان : هسه؟
_اي هسه
اليان : تمام روحي بس لاتتاخرين واذا صاار شيء اتصلي عليه تمام خلي جهازج وياج
_تمام
اليان : راح اكول لسهر ديري بالج تمام
هزيت راسي بأي عافتني وراحت لميت اغراضي من المكتب اخذت الجنطه مالتي وطلعت رحت لمكتب المدير جان هوه واكف منتظرني اول مارحت طلعنه سويه
صعدت وياه بالسياره عنده سايق كعدنه ورا ثنينه يباوعلي درت وجهي عنه علئ الجام اتوتر كلش من شخص يركز بوجهي.
اخذني لمطعم كلش فخم وحلوو نزلنه سويه جان حاجز النه مكان
سحبلي الكرسي ابتسمت اله وكعدت راح هوه علئ مكانه وكعد مقابيلي اشر للنادل جاب النه كهوه وياها ورده حمره اخذها وقدمها الي بقيت بس اصفن هذا شبي شديسوي
اخذتها من ايده واني متوتره كلش ولعبانه نفسي بقيت اباوعله بستغراب.
ليوتن : ورده الاحلا ورده عندي
هل كلام سامعته من تيمور بيوم خطوبتنه حجالياه غصه صارت بلعومي دنكت راسي بتوتر
ليوتن : اريانا اسمعيني ماريدج تفهميني غلط بس اني ماحب الف وادور احجي بالمهم من الاول انتِ بنيه مؤدبه وحبابه كلش وصارلج فترا كلش طويله تشتغلين عندي
شفتج وجربتج بهواي امور ودائماً جنتي كد هل اختبارات والتجارب
اني معجب بيج وحيل رايدج ادري بيج عندج طفل واني اكولج اتقبله عادي اني هم عندي بنيه ومطلق نعيش احلا عيشه سويه اطلب ايدج كدام الكل واسويلج احلا عرس.
بقيت صافنه بوجهه هذا شيحجي شنوو يطلب ايدي شنوو نتزوج اموت ولا اتزوج كرهت الزواج اصلا وماتخيل نفسي اتقبل شخص بعدد
ليوتن : اعرف الموضوع هسه صدمج راح انطيج وقت تفكرين بيه وترديلي جوابج تمام
_اسفه ماكدر اتزوج شوفلك وحده ثانيه غيري.
حجيت هل كلام وكمت من مكاني جنت اريد اطلع كام بسرعه ولزم ايدي درت وجهي اباوعله بغضب سحبت ايدي منه بسرعه
ليوتن : لحظه شبيج ليش هل انفعال كله خلينه نحجي شويه وين رايحه
_لاتمد ايدك عليه
ليوتن : خلص مامد ايدي بس ارجعي اكعدي خلينه نسولف شبيج
_انطيتك جوابي ماكوو داعي نحجي بعد
ليوتن : اريانا اسمعيني
_استاذ ليوتن انتَ كلش حباب ومثقف والف بنيه تتمناك صدكني احترمك واعزك بس ماكدر اكون وياك اني مره عندي طفل وشايله فكرت الارتباط من بالي كلش دورلك بنيه تحبك وتهتم بيك اني مافيدك ابد.
حجيت هيج وعفته وطلعت من المطعم بسرعه بقه هوه واكف وصافن اخذتلي تكسي ورجعت لبيت خالتي
طول الطريق كلبي يدك بسرعه وحيل متوتره وخايفه.
وصلت للبيت ساعه بـ 2 الظهر انطيت الكروه ونزلت دخلت للبيت جان الكل كاعد بالاستقبال شافوني استغربو
اليان : هاا رجعتي موو ع اساس عندج غداء عمل
_ماتغديت اصلاً
سهر : شجان رايد منج
_صاعده ابدل بعدين احجيلكم تيم وينه
ليال : نايم
هزيت راسي بأي عفتهم وصعدت لغرفتي بدلت ملابسي رحت الابني بسته براسه وعيونه
_ماكدر اتقبل شخص غير ابوك بعد كرهت كل الزلم واحس نفسي اخونه حته لوو مطلكين ماناسيته ولا يوم ولاحته لحظه رايح من بالي.
سحبت نفس بقوه ونزلت جوه كعدت ويه البنات
اديان : اي احجيلنه شيريد منج المدير
_طلب ايدي للزواج
الكل : شنوووو؟
سهر : احتركو اهله اني مكرشه عليه شلوون يطلب ايدج ابن الكلب
اديان : وشنوو جان ردج انتِ
_رفضت طبعاً
اريام : خرب يومج ولج وين تلكين شخص مثله هذا يكعدج وينومج علئ فلوس تاجر
_ميهمني الفلوس ابد
اليان : والله شكيت بوضعه دائماً يسال عنج طلع موو راحه هل مدير
سهر : الخايس ابن الخايس حته كرهته هسه
اريام : لأن ماطلب ايدج خطييهههه ههههه
سهر : دنجبي
ليال : اريانا بنيتي اني اشوف الموضوع مابي شيء انتِ بعدج بنيه والحياة كلهاا كدامج ليش ماتزوجين وتبدين حياتج من جديد ويه انسان يحبج ويقدرج
_خاله صدك تحجين شلوون تردين مني اوافق علئ انسان لاعرفه ولاحبه اصلاً
ليال : الحب موو كلشي بالحياة
_لاا كلشي اني ماكدر اتزوج اذا كلبي رافض وممتقبله مستحيل
اريام : هاي جاسحه النعمه برجليها كليله بنت خالتي تقبل بيك
_هههه والله اسويها اذا تردين
اريام : يااا اجذب شبيج
بعدنه نسوالف ونضحك اتصل جهازي عفتهم ورحت عليه شلته جانت امي تتصل ع واتساب
استغربت موو من عوايدها تتصل عليه بهيج وقت فتحت خط
_الوو ماما
جميله : ولججج يييييييمه اريانا ابوووج ماااات ماااات
