رواية حرم الاسود الفصل الواحد والثلاثون بقلم بتول ابو الليل
جميله : ولججج يييييييمه اريانا ابوووج ماااات ماااات
فتحت عيوني بصدمه احس تجمدت صرخت بصوووت عالي واني لازمه الجهاز
_شنوووو مااااات الوووو ماما الووو
انسد الخط خليت ايدي علئ راسي ارجف مادري شسوي بروحي وكعت علئ الارض واني ابجي واصرخ
_باباااااااا لاااا ياااالله دخيييلك لاااا باباااا
اجت خالتي والبنات يركضن علئ صراخي حضنتني خالتي وهيه تحاول تفهم شبيه
ليال : ولج شبييييج ليش تصرخين شصاار فهميني
_بابااا رااااح خاله بابا رااااح شسوووي هسسسه شسووووي
اليان : مات؟
_يااربي دخيلك ليش هيييج باباااا
اجو البنات يمي يهدون بيه ويبجون وياي تيم بقه بس يصرخ وحده بالصاله راحت تركض سهر شالته واجت يمنه
_لازم اروح هسه لازم اروووح اخذيني خاله فدوووه اخذيني الهم اريد اشوووفه
ليال : بس خليني اخابر خالج واشوف شصار اهدي يمكن يكون جذب مميت اصبري.
خليت ايدي علئ حلكي ارجف عيوني تمطر دموع دخيلك ياربي جذب هل خبرر بس اريد اشوفه سنه مبتعده عنهم شلوون يموت وماشوفه بعد
اليان : اهدي حبيبتي انشالله مابي شيء منوو اتصل عليج شكالولج
_ماما خابرتني وكالتلي ابوج مات وسدت الخط
اليان : ارجعي اتصلي عليها شوفيها يمكن يكون جذب كولي يالله
_ماكوو محد يرد عليه ماكووو الياااان راح ابوووي رااااح ماشفته حته ماودعته ليششش هيج يصيررر بيه ليشش
اديان : انه الله وانا اليه راجعون
_ياربي دخيلك والله تعبت ماضل حيل بيه ليش هيج اتعذب اني شنوو ذنبي السويته.
ليال : هسه راح يجي عمران ونطلع كومي سهر حضري جنطتها هيه وتيم بسرعه
اليان : اني هم اجي وياكم
اديان : واني هم
ليال : اديان وين جايه يبقون خواتج وحدهم شنوو ابقي انتِ
اديان : اي وشنوو يعني شيصيرلهم
ليال : لا ماما شلون حته ابوج ميقبل
اديان : اووف
لميت رجليه علئ صدري واني ابجي واتذكر كل لحظه مرت وابوي يمي اتذكر سوالفه ضحكته.
احن واحد عليه هوه بابا مجان يخلي أي شخص يضوجني حته مسلم من يمنعني من شيء هوه يعانده ويخليني اسوي الي يعجبني.
ولا يوم زعلني منه ليش كل شخص نحبه ونتعلق بيه يروح منه.
شحال امي هسه خواتي شصار بيهم شلون مات مجاي افهم شيء لبارحه حاجيت ماما وهوه يمها يسولف عليه.
شصار مجاي افهم معقوله بسبب اخوي مثل تيمور؟ لا لا مستحيل يالله دخيلك
والله اذا طلع موت ابوي بسبب مسلم اخلي يعفن بالسجن غلست علئ كل تصرف سواه عاقبت تيمور بس اخوي عفته وهسه اجه دوره.
جابتلي خالتي تيم خلته بحضني يبجي ويصرخ لان كلنه نبجي ضميته لصدري واني ابوس براسه ودموعي تنزل عشره عشره.
_لا ماما اشش اهداء حبيبي كافي ماما.
شويه ودخل زوج خالتي للبيت فحطان وشفته يابسه
باوعتله واني ابجي واشهك اعتبره مثل ابوي هم حنين عليه وعلئ ابني ولايوم قصر وياي بشي اجاني بسرعه حضني وبجه وياي.
عمران : يااابويه ياكسرتنه حازم ياخووويه وسفه تموت.
بجيت بصوت مسموع واني لازمته وارجف رفع راسي يمسح بدموعي .
عمران : كومي بويه خلينه نروح يلا حجزت النه هسه نسافر يلا
هزيت راسي بأي واني ابجي شلت تيم وصعدت لغرفتي بدلت ولبست تيم الشغله الاصعب بهل رجعه راح يعرفون ابني وبوقت كلش موو مناسب شراح اجاوب الناس من يسالوني ابن منوو هذا اجت يمي اليان خلت ايدها علئ متني وكالت
اليان : يلا نروح
_اخذي تيم وانزلي هسه اجي.
هزت راسها باي شالت تيم ونزلت بقيت كاعده وابجي وحدي احس كل جسمي يرجف.
خليت ايدي علئ وجهي اشهك شسوي هسه شلوون اتصرف شراح اكوول عن ابني اذا عرف تيمور بيه شراح يسوي
اريد اروح وماروح خايفه حيل من هل رجعه ماعرف شنوو منتظرني هناك
سحبت نفس قوي ومسحت دموعي لآزٍمٍ اكون قويه وماخلي بشر يستغلني.
اني الربيت ابني مستحيل اخلي شخص ياخذه مِڼـّي حته لوو جان ابوه
سحبت الجنط مالتنه ونزلت جوه جانو البنات يبجون حاضنين تيم.
سهر : عليج الله ارجعي وياهم لاتبقين هناك فدووة
_انشالله
اديان : يمه حبيبي شلوون راح نفارقك
حضنته اديان وهيه تبجي بقينه شويه وطلعنه رحنه للمطار اني واليان وخالتي وزوج خالتي.
اخذو منه الجنط راح زوج خالتي حجز النه بقينه منتظرين الطياره.
هل حجي العصر صاار طلعنه بالطياره بليل خليت راسي علئ الجام واني دموعي مانشفت ابد.
خنكه بداخلي صرخات قوويه اريد املخ روحي اريد احضن امي واصرخ بكل علو صوتي اريد اطلع قهري ودموعي الحابستهن من سنين.
تيم بحضني نايم اباوعله وابجي شنوو مصيرك انتَ هم راح تعيش مثل حياة امك هم راح تتعذب مثلي
راح تصير بين نارين من جهه امك والجهه الثانيه ابوك راح تشوف اشياء اهواي بحياتك.
ضميته لصدري واني ابجي وابوس بيه بعد ساعات من الطيران وصلنه وطننه العراق.
الساعه بـ 10 بليل دخلنه مطار بغداد نزلنه سويه سحب الجنط زوج خالتي اليان شايله تيم اني كوه امشي والله طاقه ماعندي اوكف بيها احس كل جسمي متشنج.
اخذنه تكسي وطلعنه من المطار متوجهين لبيتنه.
شنوو منتظرج اريانا شراح يصير بيج خوفي من هل رجعه صارلي سنه افكر بيه.
وصلنه لبيتنه جان متروس عالم وسيارات ساده الشارع نزلنه من بعيد مسافه رحنه مشي
كلبي صاار يرجف ودموعي صارت تتسابق صرت اشهك وابجي اتذكر بابا وانهار
عشت وكبرت هنا بين ادين احن واحسن اب بالدنيا
بابا جايه اشوفك وين رحت ليش عفتني والله محتاجتك
جانو اعمامي ولدهم كلهاا واكفه برا دخلنه للبيت اني وخالتي واليان انقبض صدري من سمعت صراخ نسرين.
نسرين : باااااباااااا ولك بوووووويه ياااحنين شلوون تعووفنه بوووويه
ركضت دخلت عليهن جانت ملخه شعرها شافتني صارت تلطم علئ عيونها وتبجي
نسرين : ولججج اريانا رااااح ابوووونه تصخمت روسنه اريااانا.
رحت حضنتها واني ابجي واشهك كل جسمي يرجف.
نسرين : ماااات وماشافج ولج يكعد ويكول ياريتها ويانه هسه ولج مااات ويباوعلج شوووكت تجيييين
انهاريت من سمعت كلامهاا صرت كوه اجر نفس ابجي واني حاضنتها
اجت عفاف ونسوان اعمامي امي واختي الجبيره بيرلين رايحات وياه للدفن حته اخواني مالكيتهم رايحين كلهم للدفن.
ليال : كافي يمه كافي لاتسون هيج هذا امر الله
سيرين : شلوون تردين منه نسكت خاله هذاا ابووونه ماخلانه بيوم نضوج عمره مازعلنه راااح الحنين الي يخاف علينه من نسمات الهواء .
ليال : الله ينطيكم الصبر الله يرحمه ويجعل مثواه الجنه.
_شلوون ماات فهموني شصااار لبارحه يحجي وياي مجاي اصدك ولكم ابووووي لبارحه يحاجيني والله.
عفاف : حادث
بلعت ريكي بنص دموعي تذكرت ابو اليان معقوله تفكيري يكون صح دخيلك ياربي خلي ضني يطلع غلط اذا جان اخوي السبب اني بيدي ادخله للسجن.
اليان : الله يرحمه ويجعل مثواه الجنه هذا قضاء وقدر بابا هم صاار بيه هيج.
باوعتلي اليان عرفتها تفكر مثل تفكيري هيه عرفت كل الحقيقه.
بتول : هذا طفلج؟
باوعت الاليان وسألتها هل سؤال بلعت ريكي بتوتر وباوعت الابني شايلته اليان واكفه كمت واني امسح بدموعي
_هذا ابني
الكل : ابنج؟
هزيت راسي بأي واني امسح بدموعي تنزل غيرهن رحت عليه شلته من اليان
عفاف : شو ماحجيتي عنه
_مجنت اريد احجي حته ميعرف ابوه وياخذه مِڼـّي
بتول : عمه هذا هم حجي شنوو تضمين طفل عن ابوه مايصير حراام انتِ مخبله صاحيه منوو يرضاها.
_جنت موو واعيه علئ أي تصرف اسوي بس هسه خلص قررت اخلي يعرفه
عفاف : بس الله اليستر من هل سالفه راح تجينه طلايب من وراها
اليان : اني وياها احجي ويه اخوي واخلي يعرف
سيرين : انتم ثنينكم غلطانات بروحتكم شلوون تعوفن الكل وطلعن بدون متاخذن رأي احد مافكرتن باهلكم شراح يحسون ورانه
يمكن انتِ اليان تكونين حره بقراراتج واهلج منطينج حريه بس انتِ اريانا تروحين تطلكين وتسافرين وطلعين من البلد واهلج اخرر من يعلم
وين عايشين وين تفكيرج جاان هيج ربيناج احنه هيج تصرفين ابوي مات وهوه ماراضي علئ تصرفج خلي هل شيء بالج.
دنكت راسي واني ابجي احس زادت العذاب عليه اعرف والله اعرف تصرفي غلط جان بس شسوي مابقه كدامي غير هل حل
تعبت من كلشي محد مار بالي ماره بيه اني ويحجون عليه اني دمرت بكل معنئ الكلمه.
اليان : ترا اريانا ماغلطانه بشي اني الي اخذتها وياي واني المسؤله عن كلشي هيه مالها ذنب من سافرت هم سألتو نفسكم شبيها شنوو صاار وياها لوو هيج بس ع حجي اليحجونه تحكمون
بتول : لوو شما يصير وياجن انتنِ بنات شابات تطلعن بكيفجن وتروحن وين صايره
اليان : خاله الوقت تغير واحنه موو صغار وهاي موو اول مره نسافر ومارحنه لأي مكان رحنه لخالتنه واول ماوصلنه انطيناكم علم وشغله ثانيه احنه صارت علينه ضغوطات واهلنه ولا واحد منهم فكر يساعدنه ولا احته يهتم بينه عفنه كلشي ورحنه لان خلصت طاقتنه وين جانو من احتاجيناهم كلهاا ضمت روسها.
_اليان خلص كاافي فدوة موو وقته هل حجي
اليان : لاا وقته خليهم يعرفونج ماغلطانه والصار كله اجباري عنج.
ليال : اليان كافي اشش
دارت وجهه وهيه ضايجه اختي ضاجت منهاا وعمتي هم الكل سكت ماحجو شيء بعد بقيت لازمه تيم وابجي.
خلصت حياتي بس دموع وقهر شوكت ارتاح ماعرف.
مر الوقت بسرعه صارت ساعه بـ 1 بليل رجعو اهلنه من الدفن
صاار صراخ وبجي برا اعمامي تبجي ويه اخواني طلعت من البيت شفت امي نزلت مكسوره وجهه كله مشخط وصاير اصفر
ركضت عليها واني ابجي شافتني شهكت حضنتها واني ابجي واصرخ
_ااااااخخخ ييييمه ولج يمه كلبي راااح يوووكف وين ابوووي وينه شلوون يروح وماااشوفه انييي اجيييت خلي يكعد يحاجيني خلي يشوفني يضمني لحضنه
جميله : راح ابووج اريانا راح ابوجن
_ماصدك والله ماصدك يعوف بناته هووه كال اني وياجن للموت اخذه الموت منه خلانه يتامه وراااح
حضنتني امي بكل قوتها وهيه تبجي علئ دموعي كل جسمي يرجف احس حنجرتي تجرحت من الصراخ والبجي
شفت اخواني واكفين ويبجون رحت علئ اخوي الجبير خالد حضني علئ صدره يبوس براسي ويبجي واني حاضنته وارجف ودموعي ترست دشداشته.
رحت الهم واحد واحد وصلت لحد اخوي مسلم واكف يباوعلي عيوونه حمر دم دشداشته كلهاا تراب باوعت لعيونه واني دموعي تارسه وجهي حجيت بخنكه
_مسلم
عض شفته بقهر نزلن دموعه سحبني لحضنه يبجي حضنته واني ابجي وكلبي يوجعني كل ماتذكر سالفة ابو اليان ياربي ابعد هل فكره عن راسي اخوي ميسويها اكيد حادث عادي ماله ذنب بي.
دخلنه للبيت مكسورين متحطمين علئ موت ابونه.
الزلم دخلت للاستقبال والنسوان للصاله خليت راسي علئ رجلين امي واني دموعي تنزل بصمت صارت تنعه وتمسح علئ راسي.
جميله : اليوم الابو حمل وشال ويتم بناته وعاف العيال ..
فرگه الولي ياناس كتال ..فرگه الولي منهو اليحمله يخلي بوسط الگلب ياناس خله
يبجن بناته وياهو يگله يبجن عليك ورايدتك حنين الابو ياحلو ذاتك وليوم البنات مفاركاتك "
تنعي بصوت مبحوح والكل مكابلها ويبجي واني مخليه راسي علئ رجليها واشهك.
اليان لامه رجليها علئ صدرها وتباوع الامي وتشهك وتبجي.
وضعها موو احسن من وضعي خسرت امها وابوها وبقت وحيده مالها أي شخص.
دخت ونمت علئ رجلين امي مادري بروحي
فزيت من نومي لكيت نفسي بغرفة امي نايمه وتيم مخلياته بحضني.
كمت واني احس روحي بحلم اباوع لبيتنه وعيوني تحركني من البجي
شفت ساعه بـ 5 الفجر قسم كاعد وقسم نايم يمي بالغرفه صايره هوسه
غطيت تيم زين وكمت من مكاني بطني توجعني حيل واحس اريد اتقيئ.
شفت امي كاعده بالصاله مخليه القرآن علئ وجهه وتبجي.
رحت كعدت مقابيلها واني دموعي تكول محضرتهن نزلن بس شفت منظر امي شالت القرآن عن وجهه شافتني ابتسمت بحزن خلت ايدها علئ خدي وكالت.
جميله : وصاني ابوج عليج كالي لاتزعلون صغيرونتي خلوها تسوي كلشي تريده عبالك يدري بروحه راح يموت.
_شلون مات محد منكم يحجيلي يفهمني راح اتخبل والله
جميله : جان رايح للدوام وبالطريق طاك التاير مال السياره وماكادر يسيطر عليها ومسوي حادث هوه وسياره ثانيه بس هذاك الرجال عايش بس ابوج مات.
_شلوون تذكرتيني وانتِ بهيج حاله
جميله : انتِ علئ بالي مارحتي من بالي ابد طول سفرتج افكر بيج اول مره تروح وحده من بناتي وتعوفني هيج
_تعبت يمه هوواي تعذبت والله شفت العذاب والويل مكدرت اكمل ابد عفت كلشي ورحت مافكرت بأي شيء.
جميله : كلشي عادي عندي بس ابنج شلوون تضمينه اني امج شلوون ماتحجيلي عليه شگلتي لروحج وانتِ ضامه طفل عن ابوه مافكرتي من يدري شيصير
_مافكرت بأي شيء كلشي جان بالي اربي وحدي وابعده عن كل المشاكل.
جميله : غلط تبعدين طفل عن ابوه من يكبر هم يسالج عن ابوه شراح تجاوبينه.
_ماعرف والله ماعرف لاتساليني فدووه تعبانه وماعايزه ضيم وقهررر البيه مكفيني
جميله : كومي توضي وصلي ركعتين وهم صًلّي الابوج واقريله قرآن.
هزيت راسي بأي واني امسح بدموعي عفت امي وطلعت للتواليت خارج البيت شفت اخوي مسلم كاعد بالحديقه ويشرب جكاير عيوونه دم صايرات مانايم ابد
رحت عليه شافني بقه صافن وكفت كدامه سحبت نفس قوي وكلت.
_احجيلي مسلم
مسلم : شتردين
_تعرف كلش زين شنوو اريد احجيلي الحقيقه كولي ابوي شلوون مات الك ايد بالحادث
مسلم : انتِ تخبببلتي شنوو الي ايد تتوقعين اكتل ابوي؟
_لأ ماتكتله بس بسبب شغلك يكتلونه مثل ماسوو بأابو اليان
كام من مكانه وسد حلكي بيده ركز بعيوني بغضب وهمس من بين اسنانه
مسلم : اششش ولاحرف اسكتي لايسمعج شخص ابوي مات حادث صدكيني مالي ذنب بشي ولا حته همه سووله شيء تركت هل سالفه من زمان وخلص كلشي انتهه.
سحبت ايده عني بلعت ريكي بتوتر ركزت بعيونه وهمست
_انشالله يطلع كلامك صح والا ادخلك سجن بيدي مثل ماسويت بتيمور اسوي بيك ومايرفلي جفن.
بقه ساكت يباوعلي بغضب عفته ورحت توضيت ورجعت دخلت للبيت فرشت السجاده وصليت
كعدت واني صافنه واحس الدنيا ضاكت بيه اتذكر شلوون جانت حياتي وشلون صارت
شراح يصير بيه بعد اكثرر من هذا مابقه شيء حلوو بحياتي كلشي ادمر
صرت ماحس بالامان بيتي واخوي ابن امي وابوي صرت اشك بيه وماثق بأي تصرف يسوي.
الهي دخيلك دلني علئ الطريق الصح ارشدني خليني اعرف شلوون اتصرف تعبت وخلصت طاقتي ماكدر اسوي شيء كلشي مسدود بوجهي.
حاولت هواي انو اغير من حياتي وماهتم لأي شيء بس صعبه والله صعبه انسه كلشي وكانو مصاير شيء.
خليت راسي علئ التربه واني مختنكه والدموع متجمعه بعيني.
شويه وكعد تيم اجت عليه امي شايلته يبجي جابته تباوعلي رفعت راسي اباوعلهم بصمت
جميله : يشبهه ابوه
هزيت راسي بأي وسكتت كمت شلت السجاده واخذته من ايدها.
كعدو البنات اخواتي وعماتي صارت ساعه بـ 6 الكل كعد وبدو بالريوك والعالم تجي تعازينه
البيت عباره عن عالم وكلهاا تبجي وتصرخ تيم احاول ابعده عن الانظار وعن البجي والصراخ
يتخبل من يشوف عالم تصرخ وتبجي يبقه يرجف ويبجي بصوت عالي
اصعد بيه بغرفتي فوك انومه وانزل جوه اساعد البنات بالضيافه.
ناس تروح وناس تجي بقينه علئ هاي الحاله 3 ايام
شكدد باوعت كلشي بالي اشوف تيمور بالفاتحه بس ماكوو ماشفته ابد
شفت اخوانه ساهر وقصي واحد من اعمامهم الكبار جايين بس هوه ماكوو اعتقد مايريد يشوف اخوي لأن هوه وياه موو صحبه.
ماعرف شصاار وياه وياترئ عرف بيه رجعت هم فرح لوو كارهني وميريدني بعد.
اخواتي رجعن لبيوتهن لأن قريبات علينه العصر يجن يشوفن امي ويروحن وخالتي ليال راحت لخالاتي لهنا بغداد تشوفهن.
بقينه بس اني واليان بالبيت كاعدين سويه ارضع بتيم ممه فجأه كالت اليان
اليان : اريانا اني راح اروح لبيتنه ليوم
_شنوو ؟؟ واني
اليان : انتِ شبيج تبقين يم امج اروح اشوف اخواني مهما يكون يبقون اخوتي ولازم اشوفهم وهمه عرفو بيه راجعه.
_بس
اليان : اذا تردين تعالي وياي واحجي لتيمور عن ابنه خلي يعرف واني اكون وياج واساعدج بكلشي.
_الياان مستوعبه الكلام التحجينه شلوون اروحله واحجيله عن ابنه شراح اكوول اصلاً ماكدر اواجهه
اليان : وتبقين هيج خايفه ترا اذا عرف من غيرج راح تصير مشكله اخوي واعرفه زين مايسكت ابد
_ماكدر اليان اخاف والله اخاف ماكدر
اليان : براحتج العليه گتلج يلا حبيبتي راح ابدل واروح اجيج بليل اشوفج تمام.
هزيت راسي بأي وسكتت عافتني وراحت بدلت بقيت حاضنه ابني واني مختنكه ماكدر احجيله اصلاً مالي وجهه اباوع لعيونه بعد الصار.
...
اليان : الحياة صعبه وتجاربها بعد اصعب بهواي
رغم صغر سنه تعذبنه وعشنه ايام كلش صعبه وسوده موو أي بشر يتحملها
خسرت امي وراها خسرت ابوي اكثرر ثنين يحبوني ويخافون عليه خسرتهم مابقالي أي شخص
صح عندي اخوان 3 بس موو حنان عليه كل واحد ملتهي بنفسه سافرت لتركيا سنه كامله مافد يوم واحد منهم خابرني او سأل عني ابد.
عبالك غريبه ولاكانو اختهم وابونه نفس الابو كل هذا لان موو من نفس الام
تيمور ماعرفت شصار ملصار وياه بس اتصل عليه المحامي وكالي طلع من السجن وبعدها ماعرف شصار ابد.
ابتعدت عنهم اني هم وماتواصلت ويه أي شخص منهم
بنات عماتي يتواصلون ويايه كتلهم ضايجه ونفسيتي تعبانه ورجعت سافرت وماخليت بشر يعرف شيء عن الصار وياي وعن تصرف تيمور
يمكن اكون قسيت وياه وخليته يتعذب بالسجن وهوه مريض بس هوه أذاني هواي اني هم جنت تعبانه ومكسوره بوفاة ابوي ورغم هذا كله شربني حبوب
وخلاني افقد عقلي وانتحر ولوو ما ملحكين عليه جنت متت علئ شنوو وليش كل هذا حته ياخذ فلوسي ماهتم لوضعي ابد ولافكر بيه ولا كال اختي.
تيمور صعب اتقبله بحياتي بعد كرهته كلش بعد كلشي صاار.
استقريت يم خالتي بتركيا وشتغلت واصرف علئ نفسي من تعبي ماخليت بشر يصرف عليه او اصير ثكل عليهم انطيهم ماينطوني
بنات خالتي كلهن حبابات ومؤدبات يحبوني ويحبون اريانا
غلطت يوم ماحجيت الاريانا عن حملها من وصلنه حجيت الها ونقهرت وزعلت مني لان ضميت هل شيء عنهاا
بيومها ماعرف ليش سكتت وجنت اريدها تروح وياي وتعوف تيمور كرهته وخليتها تبتعد عنه لان ميستاهلها.
وحياتها راح تبقه بخطر وياه المهم سمعنه بخبر موت ابو اريانا حرفياً ادمرت نفسيتنه
اني عبالك جابولي خبر ابوي شبعت بجي علئ حالتهم بناته كلهم مكسورات واريانا مقهوره لان جانت بعيده عنه وماكدرت تشوفه قبل لايموت.
احس اريانا مثل حالتي صارت مات ابوها وهوه زعلان عليها.
خايفه من شغله وحده انو يكون موت ابوها نفس السبب المات بيه ابوي.
مرت 3 ايام علئ الفاتحه قررت اروح لبيت ابوي واشوف اخواني مهما يكون يبقون اخوتي حته لوو مايسالون عني اني اسال عنهم واشوفهم.
سمعت ساهر متزوج بنت عمتي آيلا ورا سفرتنه بـ 5 اشهر خاطبين ومتزوجين بنفس الشهر.
حته ماكلف نفسه وخابرني وعزمني ولا انطوني علم شفت ستوريات آيلا ناشره علئ خطوبتهم ورا 15 يوم تقريباً مسوين العرس مالتهم.
بلعت الغصات وسكتت وضميت بكلبي وماخليت بشر يشوفني ضعيفه بس بداخلي ميته من القهر اكعد وحدي واشبع بجي اتذكر ابوي امي شلوون جانو يسالون عني يحبوني هسه ماكوو أي بشر بحياتي كلهاا ماتريدني وماعرف شنوو السبب ممأذيه أي واحد منهم همه الي ياذوني بكل مَـرّھٌ
بدلت ملابسي ونزلت جانت اريانا واكفه وتباوعلي بقهر كتلها تروح وياي وتحجي لتيمور عن ابنهم بس ماقبلت تكول خايفه وماكدر.
_هاا
اريانا : ترجعين لوو تبقين هناك؟
_ماعرف والله اشوف اذا مارتاحيت ارجع اكعد يمج
اريانا : اي فدوة ارجعي لاتخليني وحدي
_انشالله حبيبتي يلا سلميلي علئ خالتي ومن تسألج عليه كوليلها راحت لبيتهم.
هزت راسها بأي عفتها وطلعت من البيت اخذت تكسي ورحت لبيتنه هوه موو كلش بعيد قريب بنفس المنطقه بس بغير فرع.
وصلت للبيت باوعتله بقهر اتذكر كل لحظه عشتها هنا ماتهنيت ابد بعيشتي بهذا البيت
بالاول امي ماتت بيه وتيتمت واني صغيره سافرت وعفت هذا البيت سنين ومن رجعت تلكتني المصايب والمتاعب من كل الاتجاهات كل ما اكوم اطيح علئ وجهي بقوه وارجع لنقطه الصفر.
سحبت نفس قوي وجنت اريد ادخل ماخلوني الحرس
_شبيكم
الحارس : اعتذر منج بس ممنوع دخلين بدون علم الاستاذ تيمور.
_عفوا ؟؟ انتم ناسين اني اختهم وهذا البيت بيتي هم شنوو تمنعوني من الدخول
الحارس : هاي تعليمات تيمور مانكدر ندخلج
_تكدر تخابره وتكوله اختك بالباب
هز راسه بأي طلع جهازه واتصل بيه مسحت وجهي بتوتر شديصير تيمور شبيه انجلب عليه شمسويتله حته دخله للبيت ميخليني ادخل.
الحارس : ممنوع دخولج اعتذر رجاء روحي منا
_انتَ شدتحجييييي شنووو مادخل للبيت هذااا بيت ابووووي موو بكيفكم تمنعوني تيموووور اطلع واجهنييي لاتضم رااااسك اذا انتَ زلمه اطلع واحجي كداااامي.
الحارس : لوو سمحتي روحي منا
_لك منوو انتَ وتطردني ادخل وغصباً عليكم ادخلكم كلكم سجن قسم بالله مووو بكيفكم طردوني هذااا بيت ابووووي تييييمووور
ساهر : شبيكم ليش هل صياح
طلع ساهر شافني بقه صافن بوجهي اني اتنفس بغضب ابتسمت ضحكت بقهر وكلت
_هههه حلوو صايرين حته من الدخله للبيت تمنعوني ولكم انتم هم اخوووان هم عدكم گلب ليششش هيج تعاملوني شسووويت الكم انييي.
ساهر : روحي منا اليان ارجعي منين ماجيتي مالج مكان يمنه بعد انتِ بيدج خربتي كلشي توسلناج انو متسوين هيج بس انتِ ماهتميتي لأي واحد منه.
_انيي شسوويت موو انتم الي أذيتوني موو تيمور الخلاني مدمنه وفاقده عقلي نسيتوو السويتو بيه هسه اني طلعت الغلطانه ليش ماتشوفون اغلاطكم انتم اني موو اختكم ليش هيج تسوون بيه ليش ماضل عدكم ضمير.
ساهر : تيمور غلط وياج احنه ليش ماحترمتينه ماسمعتي منه سافرتي واخذتي حصتج كلهاا وسجنتي تيمور وهوه مريض وعاجز خليتينه موقف كلش صعب كدام اعمامي واخوالي ماعرفنه شنوو نحجي وشنكول ليش انسجن اخونه.
_سجنته لأن يستاهل واخذت حصتي لان فلوسي هاي وحقي اني مالكم شيء يمي
ساهر : انتِ هم مالج شيء يمنه بعد فلوسج اخذتيهن هذا البيت بنيناه بتعبنه وبفلوسنه واذا تردين حصتج منه هم ننطيج نعرفج تحبين الفلوس.
فتحت حلكي مصدومه احس روحي انتهيت دموعي صارت تتسابق ليش هيج يعاملوني ليش هيج يحجون اني شمسويتلهم.
ساهر : يلا روحي منا ولاتجين بعد كملي حياتج مثل ماتردين انتِ
_ساهر
ساهر : مع السلامه
_اوووكف لاترووووح سااااهر
عافني ودخل للبيت بقيت صافنه ودموعي تنزل دخيلك ياربي ليش هيج يكرهوني اني شنوو ذنبي.
اخواني ميردوني بحياتهم ومخلين كل الحق عليه شسويت اني.
بجيت هوواي احس روحي انهاريت من سمعت كلام ساهر رفعت راسي اباوع جان تيمور واكف علئ البلكون يباوعلي ابتسم من شافني اباوعله
شكد حقير اكيد هوه الحرضهم عليه وخلاهم هيج يكرهوني.
شسوي هسه حته للبيت ماخلوني ادخل تبرو مِڼـّي ميردوني بعد؟
وينك بابا تعال شوف حالتي شوف ولدك شسوو بنتك اليان تعذبت بغيابك بهذلوني وعذبوني هواي.
شويه وطلع تيمور من البيت اجه نحوي ابتسم بهدوء وكال.
تيمور : ياهلا بااختي الحلوه نورتينه
_ليش هيج تسوي اني موو اختك حرام عليك هذا بيت ابوي شنوو تمنعني من الدخول عليه
تيمور : انتِ بنفسج عفتي هذا البيت محد طردج منه ناسيه شنو هسه صرتي تردينه
_ بسببك انتَ اني رحت انتَ الخليتني اطلع واعوف الكل
دنك راسه وضحك حك حاجبه بخفه ورجع باوعلي بتركيز.
تيمور : هههههه والله يااليان يااختي الحلوه سوايتي لاشي كدام السويتي انتِ بيه بس شنسوي هاي الدنيا يوم الك يوم عليك
_توقعت تكون هيج حاقد وتريد تنتقم بس شوف والله اذا فكرت تفكير واحد تأذي وحده منه اخليك تتندم تعرفني زين شنوو اكدر اسوي
تيمور : جؤ جؤ ابد لاتخافين مني مافارغ الهيج سوالف ابد ارتاحي مالي علاقه بيج انتِ حره ... حضرو السياره طالع.
_عمرك مراح تتغير
تيمور : عوفج من هل حجي الفارغ و تباركيلي.
_شنوو
تيمور : اخوج خطب موو لمفروض تتباركيله
رفعلي ايده يراويني الحلقه فتحت عيوني بصدمه شوكت خطب واريانا من تعرف شراح يصير بيها
_شلوون خطبت واريانا؟
تيمور : اريانا منوو؟ وشعليها بحياتي طلكتها وانتهه الموضوع من زمان خما ابقه عايش ع ذكره منهاا وياريت ذكره بيها خيرر.
_بس طلاقكم باطل لان ..
اجيت احجي بس تراجعت خايفه ادخل اريانا مشكله وهيه معايزه ضيم
تيمور ; باطل ؟ شبيج شاربه شيء وقعنه ع اوراق وشمرت عليها الطلاق بعد شنوو.
_راح تخسرها هيج
تيمور : اخسر منوو ليش هيه معتبره نفسها بحياتي بعد راحت برجليها وختارت حياتها وخسرتني ماخسرتها اني ماخسر شيء خلو هل شيء بالكم وامانه توصليلها هل خبر الحلوو خليها تفرح شويه مكتأبه بسبب ابوها خطيه
_انتَ شتحس ليش هيج تصرف صدكيني اريانا ماسوت شيء ولاغلطت بحقك اني الي اخذتها وياي
تيمور ; تصرفاتي جداً طبيعيه لحد الأن ماشفتو شيء مني
_انتَ تعرف اريانا حامل من صار طلاقكم وهسه عندك ولد منهاا ...
