رواية فصلية بديلة الفصل الواحد والثلاثون 31 بقلم ام ملكوت

سماء_

طبعا حلى احلى مني ..

بشرتهه بيضه  وعيونهه عسلي فاتح وشعرهه بني وطويل وسرح ..

هيه بطولي  بس جسمهه تارس ومثل الساعه الرمليه ..

تدرس صف خامس وهيه اكثر وحده يحبهه ابوي ومن كثر جمالهه يطلعهه للمدرسه بجبه او صايه عكسنه لان احنه جسمنه ناعم ونلبس عريض..

وجمالهه وشكلهه عكسي كلش بس منو يشوفهه يكلهه تشبهين سماء من ياباب يشبهونهه بيه ماعرف ..

امي تكول لان من دم واحد ومعاني الوجه تتشابه..ماعرف بعد..



ساجد_

رحت ويه شهم هوه دخل للصاله وده الطفل واني رحت للمطبخ لكيت خواتي وبنات ثانيات ماعرفهن اعتقد بنات خالاتي ..

اكلني اكل بعيونهن ..باوعت عليهن وحده وحده متامل اشوف وحده احلى من حلى ويطلع احساسي اتجاهه مو اكثر من اعجاب ..

جان بيهن الحلوه والمو حلوه وشفت ثنين بحلاتهه بس بعيني ماحلت بس وبالعكس قرفت من كل البنات وحتى يلي بحلاتهه وماعرف شلون فكرت وكلت بقلبي..

هه محد توصل جمال معشوكتي ..

خلاص اعتقد مالازم اجذب على نفسي اكثر لان قلبي هسه اعترف بحبهه بدون ما اامره بهذا الشي ..

سمر: خويه ساجد هيووو وين صفنت بالارض

ساجد: ها خويه كاعد افكر بشغلي ..اكول جهزتو الغده

سمر: اي جهزناه ادخل اخذ صينيه التمن يله..

ساجد: دخلت واني اتلفت بالمطبخ عيوني تدور عليهه..بس مالكيتهه ..خليت واخذ الصينيه ورجعت على الروبه 

تالي الزلايط تالي باقي الشغلات اخر شي رجعت على الخواشيك مالكيت احد بالمطبخ صحت..سمر سمر ..

ماحس الا دخلتلي ملاك روحي.. وشطالعه ضيم الله..

                  .................

حلى_ 

رحت للمطبخ اساعد البنات ونكلت الاكل للصاله بيهه النسوان وكلهه كعدت تالي كالت الشيخه..

الشيخه: يمه جا وين اللبن مالتجن

سمر: ها يمه هسه راح اجيبه نسيته

حلى: لا خليج حبي اني كايمه اجيبه..هوه بالثلاجه مو

سمر: اي حبي مشكوره

حلى: لا ولو ..خليت ورحت للمطبخ وجنت مالابسه شال لان كلهه كاعد تتغده وماكو احد بالمطبخ ..

دخلت واشوفه كدامي هل ملعون .. شافني ونصدمت عيشته خله والتفت على جهه ثانيه لان مالابسه شال شافني🫣 ..

ساجد: ااا اسف ماعبالي راح تجين انتي بس  ردت خواشيك بلا زحمه

حلى: هاا اي اكيد ..رحت واني بقلبي ضحكه شكبرهه على هذا الموقف ..اخذت الخواشيك وانطيتهن ..قصص ماي هوبس 

التفتت مسك الخواشيك وصارت عيني بعينه طبعا هوه اطول مني بهواي انفتحت عيني على وسعهن ..يبين عن قرب كلش حلو ..

ساجد_

اويلي ربي قلبي مدري شماله استهتر عليهه نوب العيون والنضره احتركوا اهلج ..اخذت الخواشيك وكتلهه..

بس همزين ابوهه مو هيج والا ماجنت تعرفت عليهه..

                       ..............

حلى_

بصراحه انه قبل شهر بحفله تخرج اختي انتبهت عليه ولاحضته لمن صار بيناتنه موقف ..

لمن كصيت سماء الكيكه سحر اخذت كريمه ولطخت وجه سمر ومن سمر الي واني اخذت الكريمه وصرت اركض وره سحر 

بس دارت وره ضهر ساجد واجت الكريمه بوجهه وقتهه خفت حيل منه لان ماخذه نضره على زلم هل عائله ان عصبيين ويمدون ايدهم على نسوانهم

طبعا هذا الانطباع اخذته من شهم رجل اختي ..بس بالعكس هذا مو مثله ..كتله

_ اسفه مو قصدي اتلفك

ساجد: بعصبيه مزيفه.. لا متقصده واريد اعاقبج..

حلى: هاا صدك

باوعتله بنضره بريئه🥺😥 وهوه جان طابك حواجبه بس ابتسم ابتسامه جانبيه واخذ الكريمه من ايدي واكلهه وهوه يباوعلي ومبتسم ..

4 ت

قرفت شويه بس ماعرف ليش حبيت هذا الشي ..ومن هذاك الوقت صرت كلما اشوفه اتذكر هذا الموقف واستحي منه 

ماعرف ليش حتى اخر ايام صرت ماطلع يمهم لو بغرفه البنات ابقى لو بغرفه سماء ..

صح اني من النوع الفاهيه والخجوله وام دميعه بس اهل هذا البيت عودوني عليهم وصرت احسهم اهلي وصرت اجتماعيه وياهم وكاني بنت من بناتهم ..

رجعت من المطبخ ايدي فارغه نسيت ليش اجيت للمطبخ ..دخلت وكالت سمر

سمر: ها حبي وين اللبن

حلى: هاا ما مالكيته

سمر: عجيب تعاي كعدي انه رايحه اشوف وينه..

حلى_

خليت وكعدت وبقيت اكل بس بالي يم الملعون خله نار بقلبي بعيونه العصبيه وراح ..

بس حسيت بي صدك عصب مساع ماجنت متوقعه هيج شخص مرح ولطيف تطلع منه هل عصبيه 

بس بالاخير ماكدر يلزم نفسه كدامي بكلمه مني اختفت عصبيته ونرسمت ابتسامته على وجهه..🤭..

سمر: ولج هذا اللبن بالثلاجه كبال عينج وين رحتي تدورين انتي..

حلى:هاا دورت بالمجمده..ههه

سمر: هههه يله بله منين هل فهاوه جايبتهه

حلى: هاا 😆

سمر: ههههه خرب عرضج هم اكلي خيه اكلي..