رواية حرم الاسود الفصل الثاني والثلاثون بقلم بتول ابو الليل
اريانا : راحت اليان لبيتهم بقيت وحدي عفاف صايره هم نفسيه متحجي وياي ع كد السؤال
وملتهيه بابنها اني مخلصه كل وقتي ويه تيم استغرب الوضع صخن وتمرض من السفر
مخليته بحضني واسويله كمادات مرتفعه حرارته كلش اجت يمي امي وكالت
جميله : هاا يمه بعدها مانزلت حرارته
_أي والله صارر ساعه اسوي كمادات ومافاد
جميله : كومي بدلي خلينه ناخذه للدكتوره شنوو باقين نباوعله.
_هسه يصير زين شربته علاج وداسويله كمادات شينطونه همه هم نفس العلاجات
جميله : لا ماما مايصير صارله اكثر من 3 ساعات علئ هاي الحاله مانزلت حرارته ولاتحسن كومي ناخذه هيه هاي العياده بلكي ينطونه علاج زين يضربوله ابر
_مايصير حرارته مرتفعه وابر
جميله : يخلونها تنزل وينطونه يلا كومي بسرعه.
هزيت راسي بأي كمت خليته عند امي صعدت لغرفتي بدلت ملابسي لبست جبه وشال لان حزينه علئ ابوي لا اني ولا اليان نلبس حجاب
اخذتله ملابس ونزلت جوه بدلتله ملابسه ولبسته قمصله خاف يبرد هوه الجو زين بس لان مريض
طلعنه اني وامي اخذناه للعياده القريبه علئ بيتنه دائماً جنه نروح عليها.
رحنه عليها مشي كصينه باص وبقينه منتظرين مخليته بحضني وامسح علئ وجهه وخدوده الصارن حمر من الصخونه
دنكت راسي ابوس بيه احس شيء قابض صدري وحيل مختنكه وخايفه
جميله : لاتخافين عليه هسه بس ينطونه علاج يصير زين
_انشالله
وصل دورنه دخلنه فحصته الدكتوره علكتله مغذي وانطته علاج ينزل حرارته بقيت كاعده يمه
هوه نايم ساعه وخلص المغذي والعلاجات شويه تحسن والحراره نزلت انطو تحاميل وشراباات.
اخذنه علاجه وطلعنه من العياده مرتنه ماما بالاسواق اشترتله حلويات تريده ياكل شويه
_ماما اني راح اخذه للبيت كدامج الجو بارد عليه
جميله : روحي يمه هسه اشتري واجيكم.
هزيت راسي بأي اخذت ابني وتمشيت علئ بيتنه بالطريق شفت هيثم كاعد باب محل يسوالف ويه ولد شافني بقه صافن درت وجهي عنه بسرعه وتخطيتهم ومشيت للبيت
قبل لا اوصل لبيتنه شفت سيارة عاليه واكفه باب بيتنه
ماهتميت كل ضني شخص جاي يعازينه علئ موت بابا لان ناس رايحه راجعه علينه هل فترا
وصلت للبيت نزلت تيم علئ الارض لزمته من ايده امشي سمعت صوت خلاني اوكف واتجمد هوه نفسه شجابه
تيمور : وييييينه قسم بالله احرك البيت علئ روسكم هسسه خلووووها تطلع خليها تجيييي وتحجي كداااامي تكووول ليش ضمته عنيييي والله لندمكم ع ساعه الصرتو بيهااا اريانااااااا
مسلم : اطلع برااا لاتخليني هسه ادفنك هنا انتَ منوو وجاي تحاسب بينه بيتنه
تيمور : تدفن منوو لك منووو تدفن عاااار
اباوع الاديه ترجف وعيوني انملت دموع كلبي صار يدك بسرعه خفت ادخل والله بقيت واكفه بالباب متردده ادخل مبين حيل ضايج
فلت ايده مني تيم ودخل كدامي فزيت من شفته دخل رحت اركض وراه لزمته من ايده جان واكف تيمور بالحديقه ويرعد من الغضب ظهره صاير علينه
مسلم : هذاا ابنك شرف كدامك.
دار وجهه تيمور علينه نزلت راسي بسرعه ماكدر اشوفه والله ماكدر اخلي عيني بعينه بقيت ابلع بريكي بخوف وتوتر.
جان يتنفس بغضب صفن تيمور وركزن عيونه بتيم تحسه تجمد من شافه طوله شكله ابتسم بنص غضبه
تقدم نحونه رجعت خطوات ليورا كعد ركبه ونص لزم ادين تيم يباوع لعيونه ويبتسمله بهدوء.
تيمور : ابني؟ هههههه تشبهني ولك تشبه ابوك هواي تعال بابا تعال
فلت اديه تيم عنه ورجع عليه حضني من ورجليه وهوه خايف يباوعله رفع راسه يباوعلي وهوه راكع باوعتله بخوف كلبي احسه وكف والله.
متغير هووواي صاير احلا من قبل مربي لحيه وشوارب وسمنان صاير مختلف جذرياً عن تيمور القديم.
ماكدرت اباوعله هواي شتت نظري عنه كام علئ حيله وكال.
تيمور : اي ست اريانا شوكت جنتي ناويه تحجين عن ابني؟
ماجاوبته مكتفيه بالصمت مسح وجهه بتوتر وكانو يكتم غضبه تقدم نحوي وكف كدامب مباشراً نزل راسه يباوعلي بغضب همس بصوت هادئ
تيمور : قسم برب الكون لطلع هذني الايام من عينج اني تسوين بيه هيج لج منوو انتِ شلوون الج جراء تضمين ابني عني سنه كامله سنه مافكرتي تحجين ماكلتي احجيله عنه شنوو جان بالج تربينه وحدج تخفينه عنيييييي ماتحجييييييين ليشششش ساااااكته احجيييييي افتحي حلكج وجاووووبيني اريااااانااااا ماكفاااج كلشي سووويتي وصلت وياااج الحقااااره تضمين طفل عن ابووووه.
غمضت عيوني بقهر صرت ارجف من الخوف بلعت ريكي وهمست بخنكه
_اي مجنت اريدك تعرف هذا ابني اني
تيمور : هههههههه والله حلوو اول مره اشوف وحده صلفه لهل درجه بس موو عليه تيمور ماينلعب عليه سمعتي والايام بينه اريانا اعلمج شلون تسوين هيج تصرفات والله اخليج تبجين دم ابجيييييج وانعل يووومج هل مررره
دنك شال تيم من يمي باوعتله بخوف واني مرعوبه هذا شديسوي وين ماخذ ابني
_وييين ماخذه جيب ابني جيبه
تيمور : خلص دورج كـ ام اله كول بيباي لماما
مسلم : تيمور رجع الطفل الامه لاتتخبل رجعه
تيمور : انتَ بالاخص لاتدخل اوك يحلوو اطلع من السالفه لايوصلك طشار منهاا وتنمحي هواي صبرت عليك هوواي وصبري خلص ونفذ دير بالك مني انبهك.
سكت مسلم ابتسم تيمور بحقاره عافنه وطلع من البيت ركضت وراه واني ابجي لزمت ابني من ايده صرت ادفع بتيمور واصرخ بوجهه
_جيييب ابني لاتاخذه رجعلياااااه تيموور لاتسوووي هيج مررريض والله مريض لاتااااخذه
تيمور : تعرفين المريض انتِ؟
_مشكلتك وياي اني لادخل الطفل بالنص حرااام عليك شيعرف هوه
تيمور : نتلاكه بالمحكمه هل مره اني الي راح ادخلج سجون مو انتِ اريانا
_لاااا تيموور الله يخليك لاتسووي هيج جيب ابنيييي تييييم ماما ابني جيبه لاتاااخذه جييبه
فتح السياره دخله بالسياره وقفلها ودار وجهه عليه لزمته من ياخت قميصه واني ابجي وارجف.
_رجعلييي ابني ماكدر اعيششش بدونه الله يخليك تيمور لاتسوي هيج اني اسفه والله اسفه اسوي الي تريده بس رجعلياه
باوع الاديه الي لازمه بيهن قميصه بهدوء سحبهن بطرف اصابعه ودفعهن طلع منديل من جيبه مسح ايده وكال
تيمور : جؤ جؤ هذا شيء بسيط اريانا جداً بسيط راح تنحرمين حته من شوفته اخليج تتحسرين ع شوفه وحده منه والحق كله وياي هسه انتِ الغلطانه واني الربحان بهاي الحرب
_تيمور الله يخليك لاتسوي هيج والله ماكدر اعيش بدونه اموت والله رجعلياه ابوس ايدك رجعه والله مريض
تيمور : موجود ابوه وامه هم موجوده راح نهتم بيه روحي سافري عيشي حياتج لاتتأملين
ماعرفت شنوو يقصد بكلامه دموعي ترست وجهي شال نظارته لبسهن ولوحلي بايده معنئ باي
عافني وراح صعد سيارته بقيت واكفه مكاني واني ابجي وارجف احس الدنيا اضلمت بعيني دخيلك ياربي شسوي هسه راح ابني اخذه مني هذا الجنت خايفه منه صار
وكعت علئ الارض واني اشهك وابجي بصوت مسموع
_تيم ابني رجعلياه ياالله دخيلك ابني رااااح مني ابنييي يمه شسوي هسه يمه رااااح ابني.
اجت ماما من بعيد شافتني اجت تركض خايفه
جميله : اسم الله شبيج ولج
_يمه ابنيييييي رااااح منيييي اخذه مني اخذ تيم مراح ينطي بعد اموووت والله اموووت بدونه اريد ابني جيبوليااااه تييييم يمه ابني اريده تييييم
جميله : منوو اخذه شتحجين انتِ موو هسه وياج هوه
_اخذه تيمور ماعرف منوو حجاله عرف عرررف واخذاه منيييي يمه يكووول اخليج تتحسرين علئ شوووفته والله اموووت بدونه.
جميله : كومي ادخلي جوه العالم تباوع عليج لاتخافين يرجع وين يروح عند ابوه لاتخافين عليه اكوو دوله وهيه تكدر ترجعه الج منوو هوه ويمنعج من شووفته يلا كومي
كمت واني كوه اجر النفس احس روحي انهارييت كلبي احسه راح يوكف من الوجع والخوف.
شصار بتيم هوه مريض منوو يهتم بيه منوو يوكله يالله شهل اختبارات الصعبه والله تعبت خلصت طاقتي شوكت ارتاح اني.
.....
اليان : فتح عيونه تيمور بصدمه من سمع كلامي بقه صافن مسح علئ راسه وصارر يفكر واتوقع يتذكر اشياء
تيمور : يعني عندي ولد ومادري بيه؟
بلعت ريكي بخوف اني شلوون اغلط هيج غلطه واحجيله لزمني من اكتافي بقووه وهزني
تيمور : احجيييي ولججج احجييييي عندي ولددد ومادري بيه خاااافينه عنييي شنوو وانييي هنااااا انتم مستوعبين الغلط السووويتو بحقي لووو لاااااا شسووووي بيجن هسسسه شسووووي اريانا موتها علئ ايدي والله لدمركم بسييييطه.
دفعني بقوه وراح ركض لسيارته صعد بيها وساق ياربي دخيلك شراح يسوي اني شلوون احجي
لازم اكول الاريانا خليها تطلع تبتعد عنه بهاي حركته يمكن يأذيها
اتصلت عليها ماكوو يرن ومحد يجاوب بعد هواي اتصاالات فتح خط
_الووو اريانا
عفاف : الو اليان اريانا اخذت ابنها مريض للدكتور هيه وعمه
_هاا اوك اوك اني جايه.
سديت الخط ورحت اخذت تكسي ماعرف ياعياده رايحه اكوو 2 قريبات عليهم وحده بنهاية الفرع والثانيه بدايته
رحت الاول وحده نزلت منهاا ودخلت بسرعه اباوع وادور علئ اريانا ماكوو درت وجهي اريد اطلع استوقفني صوت
رهف : اليان ؟؟؟
درت وجهي جانت رهف اخت آرون انصدمت من شفتها فرحت كلش من شفتها واكفه علئ رجليها ابتسمت من شافتني اجت عليه بسرعه حضنتني
رهف : ولج شهل غيبه شكد سالت عنج ماكوو وين جنتي
اليان : رهف والله ممصدكه صرتي تمشين الف الحمدلله.
ابتعدت عني وهيه مبتسمه لزمت ايدي بفرح وكالت
رهف : ايي الحمدالله بفضل الله واخوي رجعت امشي علئ رجليه
اليان : الحمدالله يارب
رهف : تعالي وياي عازمتج علئ الغده
اليان : لا والله اعذريني ماكدر عندي شغل هسه
رهف : الله عليج والله مانتاخر شبيج حبابه تعالي وياي
اليان : لا عفيه رهف ماريد اروح ولا اسبب مشاكل تدرين بمرت اخوج متحبني
رهف : منوو قصدج أليڤ؟
اليان : اكوو غيرها
رهف : ليش ماتدرين بالصار شنوو محجالج أيسر الصار
اليان : شصار وشنوو يحجيلي
رهف : غير تطلكو اخوي وأليڤ
اليان : ياااا ليش
رهف : سالفه طووويله كلش تتعالي وياي ونحجي بكل الامور الصارت
اليان : تمام انتظريني بس شويه واجيج
هزت راسها بأي دخلت للعياده ماكوو يالله وينها شو ماكوو يمكن بهذيج القريبه عليهم اكيد وصل تيمور بعد ماكدر اغير شيء احسن شيء ابتعد عنهم واخليهم يحلون هل موضوع بينهم.
رجعت علئ رهف جانت منتظرتني ابتسمت من شافتني
رهف : هاا نروح
_أي يلا
هزت راسها بأي طلعنه من العياده اخذنه تكسي وطلعنه
_شنوو جنتي تسوين بالعياده
رهف : هاي الدكتوره صديقتي ودائماً اراجعها وليوم تعبانه شويه واجيت عليها.
_هاا ايي
رهف : انتِ وين جنتي مختفيه
_سافرت لتركيا صارلي 4 ايام من رجعت للعراق
رهف : والله توقعت حته گلت الاخوي يمكن تكون مسافره
_ليش هوه سأل عني؟
رهف : اي مره وحده سألني كلي هم تتواصلين وياها ماخذه رقمها كتله لاا وسكت
هزيت راسي بأي وسكتت اتذكر شلوون جرحني بالكلام وخلاني اطلع مقهوره بهذيج اليله
ياترئ شصاار بينه وبين أليڤ وطلقو هوه يحبها هواي مجنت متوقعه راح يعوفها بيوم
وصلنه لبيتهم مغيرينه مشترين واحد جديد وحلوو.
_حلوو مغيرين بيتكم
رهف : أي اخوي صاار يشتغل بشركه وراتبه زين وبعنه بيتنه واشترينه هذا
_حبيبتي بالعافيه عليكم
رهف : الله يعافيج تعالي تفضلي ادخلي
دخلت وياها للبيت جان فارغ محد موجود بيه متوتره واحس روحي لعبانه
اباوع الاجزاء البيت حلوو مرتب كعدت علئ التخم راحت هيه للمطبخ
بقيت اباوع للبيت جان اكوو صور معلكه الآرون
وحده كاعد ومخلي ايده علئ اخته حاضنها وحده همه الـ 3 مصورين وياهم ابوهم لابس زي عربي دشداشه وعكال وآرون همات لابس مثله.
اجت رهف شايله صيتيه بيها عصير ومعجنات خلتهم كدامي.
_والله ماكوو داعي مجوعانه
رهف : هاي شنوو اول مره دخلين بيتي تردين مني ماضيفج
_حبيبتي تسلمي تعالي اكعدي
كعدت يمي اخذت العصير شربت شويه ماشتهي بس استحي منهاا.
رهف : صارت هواي امور بالسنه الفاتت بس الحمدالله خلصت وبدينه بسنه كلهاا خيرر وسعاده اخوي اعتمد علئ نفسه وصار عنده شغل خاص بيه فتح مشروع هسه اله ويشتغل محامي لشركه معروفه وبابا عنده محل فتحه اله أيسر يكعد بيه هوه ميحب يكعد بالبيت يريد يُشَتغلً
_انشالله دوم السعاده متفارقكم وربي يرزقكم
رهف : فدوة لگلبج انتِ بتركيا شتسوين رحتي سياحه لوو شغل
_الاثنين سويه سافرت علئ خالتي هناك وبابا من مات بقالي حصه من املاكه اخذت الفلوس وشغلتهن وبديت بالعمل هناك بس هل فترا رجعت لأن مات زوج خالتي.
رهف : ياا خطيه الله يرحمه شلوون مات
_حادث
رهف : الله يرحمه ويجعل مثواه الجنه
_حبيبتي يرحم موتاكم.
رهف : هسه راح تبقين هنا لوو ترجعين
_والله ماعرف بعدني حايره
رهف : الله كريم
_ايي احجيلي ليش أيسر و أليڤ اطلقو
رهف : خانته
_شنوو شلون
رهف : خانته ويه اقرب صديق اله جون
_جون؟ مستحيييل
رهف : كلنه انصدمنه بس كلشي شفناه بعيونه وبيتنه هم
_مجاي افهم يعني شنوو لكيتوهم سويه لوو شنوو
رهف : أي لگاهم اخوي يتباوسون بالاستقبال
خليت ايدي علئ حلكي مصدومه عمري ماتخيلت توصل وياها لهل درجه وجون صديقه مبين حباب شلوون يخون آرون هيج ويغدره.
رهف : ادمر اخوي صارر لاينام ولاياكل ولايكعد ويانه يخلص وقته كله كاعد بالغرفه تحسينه صاار بيه توحد
نروح اني وبابا نكعد يمه نسوالف عليه ميجاوبنه بس ساكت
والمشكله موو هنا المشكله الجبيره هيه طالعه حامل اول ماطلقو وكالو طلاقهم باطل وهيه رايحه وشاربه حبوب وموته الطفل
خلت اخوي انهار كلش راح عليها لبيتهم وجان ناوي يقتلها خلاص بس اهلها منعو وصارت عركه بينه وبين اخوها وتخاربنه وياهم لحد هذا الًيَوُمًِ منحجي وياهم ولايحجون ويانه
ورا 5 اشهر من طلاقهم هيه راحت تزوجت ولاهتمت ولاحته دارت باال
اخذتلها واحد اكبرر منهاا بـ 10 سنوات رجال جبير بس عنده فلوس هيه ميته علئ الفلوس تريد تصرف وتلعب بكيفها.
من عرف اخوي بيها تزوجت تغير صاار يشتغل علئ نفسه جان يريد يثبت الهاا انو هوه يكدر يكون احسن من الكل
اشتغل واشتغل وصار هسه مرتبه كلش عاليه وفلوس خيرر من الله عنده
زوجها تمرض وصارو يصرفون عليه وخلصانه فلوسهم من عارفه باخوي صاير هيج متواصله وياه
واني احبك والصار كله بساعه غضب وهيه بذمة رجال شايفه هيج بنيه ماعدها كرامه.
_والله مصدومه كلش من هل كلام هاي عود بينهم حب وهيج سوت بيه شحال لوو غريب
رهف : بس اخوي حبها هيه لاا متحبه ابد
_مادري والله بس تدرين الله خلصه منهاا شوفي شلوون تغيرت حياته وصار زين من ابتعدت عنه لوو باقيه وياه راح تعذبه وتشلع گلبه.
رهف : أي والله الحمدالله ..هسه عوفينه منهاا كوليلي شنوو مشتهيه علئ الغده
_والله مامشتهيه شي لاتعبين نفسج
رهف : اليان عليج الله لاتتقيدين مني احنه صديقات ومثل الاخوات ماننسه فضلج علينه بسببج ابونه طلع وهل شي كلش جبير عدنه
_انتم طيبين تستاهلون كل الخيرر
رهف : وانتِ هم كلش حبابه ومؤدبه هسه كومي وياي نروح للمطبخ نجهز اكل سويه والله ضايجه وحدي بالبيت حته صديقات ماعندي هواي هسه من صرت امشي تعرفتلي علئ كم بنيه وميقبلون يجون وياي للبيت يخافون هههههه
_هههههه ليش تاكليهم شنوو
رهف : شمدريني يلا كومي يلاا
ابتسمت عفت الجنطه مالتي والجهاز ع قنفه ورحت وياها للمطبخ طلعت دجاج ومسويه هيه دولمه لافتها وكامله بس تخليها ع نار.
سويت صلصه للدجاج حته نخليها بالفرن وهيه خلت الدولمه خليت الدجاجه طلعت خضروات وبديت اسوي زلاطه وهيه تجيب وتخلي بحلكي فواكه
_بعد حته غده ماتغده
رهف : هسه شكلتي هيه برتقاله صدك جذب شوفي شكدد ضعيفه
_رشيقه عيني رشيقه لاتنطيني واهس للسمن
رهف : ههههه لا والله ضعيفه لازمج تغذيخ واكل يرجعن خدودج
آرون : شنوو هل روائح الجميله رهووفه تعالي شوفي شنوو اشتريتلج.
سكتنه ثنينه من سمعنه صوته اني توترت كلس ابتسمت رهف وعافتني وراحت عليه بلعت ريكي بتوتر وبقيت اثرم بالزلاطه شويه ودخل للمطبخ
جمدت من شفته كدامي حته ماعرفت اسلم
آرون : سلام عليكم
_وعليكم السلام
آرون : هههه ولج رهف عازمتها تشغلينها عندج شنوو هاي
_لا عادي ممسويه شيء
آرون : عوفي من ايدج تعاي
لزم ايدي اخذني للسنك توترت كلش فتح المي الي غسلت ايدي واني اباوعله ممتغير نفسه آرون العرفته بس شويه ضعفان.
آرون : تفضلي
مشيت كدامه رجعت لمكاني بالصاله شاور اخته ماعرف شنوو حجالها هزت راسها بأي وراحت للمطبخ كعد مقابيلي وكال
آرون : كل الهلا نورتينه
_شكراً
آرون : وين هل غيبه اختفيتي وماشفناج بعد
_جنت بتركيا قبل كم يوم رجعت
آرون : هاا خير انشالله وهسه راح تستقرين هنا ترجعين
_والله ماعرف فلوسي مشغلتهم بالخارج واذا استقر هنا لازم اسحب كل الفلوس وهنا ماعندي شغل
آرون : تشغليهن وياي فاتح مشروع نكون شركاء شتكولين؟
_مشروع شنوو
آرون : راح افتح مصنع تغذيه وناقصني مبلغ جنت اشتغل بيه ع راحتي بس اذا دخلين وياي نكون شركاء والج ارباح بيه راح تكون
_والله ماعرف افكر واردلك خبرر.
آرون : علئ راحتج
_اممم اكدر اخذ رقمك حته اذا جنت اريد اشاركك اتصل بيك
آرون : اكيد
ردلي الرقم مالته سجلته يمي كتبته الخاطف احسه صاير حييل ثكيل وكلامه محدود
آرون : متغيره
_صدوك شمتغير بيه
آرون : ضعفانه وصايره احلا
_شكراً انتَ هم ضعفان
آرون : من الضغوطات شنسوي.
_أي صح
آرون : اي شخبار اخوانج سمعت بيج ساجنه تيمور عفيه طلعتي ذيبه.
_هواي امور صارت الحياة علمتني دروس كلش صعبه.
آرون : كل درس صعب يمر عليج راح يكون توعيه الج وقوه كل ماتضعفين تقوين اكثر صدكي
_صاير فيلسوف ماعرفتك ههه
آرون : هههه ايي.
رهف : أيسر خابر علئ بابا شوفه يجي للغده
آرون : رايحله للمحل اجيبه واجي مايجي ابوي مايمل من الشغل
_الله يحفظه
آرون : يلا اني ماطول
هزيت راسي بأي عافني وراح كمت رحت ساعدت رهف بنقل الاكل علئ الطاوله
رهف : هسه يجي اخوي يكول رجعتي تشغلينها هههه
_هههه عادي شمسويه هسه اني
رهف : شفتي شنوو جابلي
_لأ شنوو؟
رهف : اشترالي بزونه ميته عليها صارلي اسبوع اتوسل بيه يشتريها الي ميقبل يكول تمرضج ولبارحه زعلت وعدني يشتريها وجابها.
_انتِ مثلي اني هم كلشش احب البزازين
رهف : يخبلن اريدها تسليني هنا.
_ليش ماترجعين درسين موو احسلج
رهف : هوه اريد اقدم خارجي هل سنه بس تبدا.
_أي والله احسلج ارجعي كملي دراستج بعدج صغيره.
رهف : انشالله.
بقينه نحضر بالسفره خلصنه كلشي كعدنه علئ الطاوله اني متوتره ممتعوده كلش عليهم بس استحيت ارفض عزيمتها شويه ودخل آرون وياه ابوه
رحيم ; سلام عليكم
_وعليكم السلام
رحيم : هلا بيج بنيتي تعاي بويه رهف
كامت رهف راحت ورا ابوها مدري شنوو يريد منهاا سحب الكرسي آرون وكعد مقابيلي.
بقيت مدنكه راسي واباوع للصحن متوتره كلش سحب نفس قوي وكال.
آرون : احسج ممرتاحه بيج شيء؟
_ها لا
آرون ; تمام
ثنينه ساكتين كل ماشيل عيني اشوفه مركز بوجهي ماعرف شبيه شويه واجه ابوه واخته كعدو ويانه تغدينه سويه
خلصنه شلت الصحون ويه رهف للمطبخ ماقبلت اغسل وياها رجعت كعدت وياهم بالصاله.
رحيم : شلون صرتي
_الحمدالله عموو زينه
رحيم : يالله الحمدالله
_اني لازم اروح تأخرت هواي
رهف : بعد وكت
_لا والله تأخرت كلش اشكركم ع عزيمه
آرون : خليني اوصلج
_ماكوو داعي اخذ تكسي
آرون : شسالفه عندي سياره وبيتكم موو بعيد
_تمام ..يلا مع السلامه
رهف : كل الهلا حبيبتي صدوك نسيت انطيني رقمج اتصل بيج
هزيت راسي بأي سجلت رقمي بجهازها سلمت عليهم وطلعنه اني وآرون من البيت فتحلي باب السياره باوعتله بتوتر ابتسملي بهدوء دخلت بالسياره واني صافنه.
افتر هوه ودخل بالسياره وساق شغل اغنيه لاميمه طالب ..اسمها الفين باب بوقتها هسه نازله اكثر فقره حبيتها من كالت
حنه تحملنه بعض شوق ومسافاات وحنين "
اباوعله يدخن ومركز بالطريق ياترئ بعده يحب أليڤ لوو خلص انتهه حبه الهاا درت وجهي علئ الجام واني ضايجه.
مستحيل اورط روحي ورجع انعجب بيه رفضني وخلاني موقف كلش محرج.
آرون : اخذج لبيتكم لوو لبيت اقاربج
_لا لبيت اقاربي
هز راسه بأي اخذني لبيت اهل اريانا وصلني باوعتله ابتسمت بهدوء وكلت
_اشكرك
آرون : بالخدمه.
_يلا مع السلامه
هز راسه بأي عفته ونزلت من السياره دك هورن باوعتله لوحلي بايده معنئ باي لوحتله بايدي ساق وراح
رحت علئ بيت خالتي دكيت الباب فتحه مسلم سلمت ودخلت انصدمت من شفت اريانا كاعده علئ الارض وتبجي بصوت مسموع رحت اركض عليها.
_شكوو شبيهاا
اريانا : اليااااان راااح ابنييي اخذه تيمووور اخذ ابنييي منييي شسوووي هسه شسووي بعد ميرجعه الي والله ميرجعه.
بلعت ريكي بخوف دخيلك ربي كله مني اني السبب
_شلوون تنطينه انتِ
اريانا : اخذه بالقوه منييي ماخلاني الزمه حته يمه راااح اموووت والله مريض هوه مريض شصاار بيه هسسه
جميله : لاتخافين عليه كلشي مايصير بيه هوه هم ابوه حقه يشوفه وياخذه يمه
اريانا : راح يحرمني من شوووفته هوه كلي ماخليج تشوفينه حته.
_لاتخافين والله يرجعلج اني هسه راح اروح لعمي ابراهيم واخلي يحجي وياه.
اريانا : شيحجي اليان شيحجي مايقبل والله اني رايحه اجيب ابني ماكدر انتظر ماكدر والله
كامت بسرعه وطلعت راحت خالتي تركض وراها واني هم
جميله : ويين رايحه ويين اكعدي هسه اخابر علئ اعمامج همه يحجون وياه نحل كلشي بالتفاهم.
اريانا : يمه ماكدر والله امووت اذا ابقه هناا اخذيني اشوووفه مريض خايفه علييه تيمور مخبل يسويله شييي خلوووني اشووووفه رجعوليااااااه.
بجيت علئ حالتها متخبله علئ ابنها مفرفحه عليه حضنتها امهاا تهدي بيها.
جميله ; اششش كافي يمه كافي هسه اخذج ونروح عليه يلا اسكتي كافي راح يوكف كلبج
لزمت امها وهيه تبجي وترجف وضعها يكسر الگلب راحت خالتي لبست عبايه ورجعت عليها لزمتها من ايدها وطلعن رحت وراهم اني.
جميله : اوكفي وياها هسه اجيب تكسي واجيكم.
هزيت راسي بأي بقيت يمها حضنتها اسكت بيها دموعها تنزل وحده ورا الثانيه.
اريانا : راح يعاقبني بابني راح يطلع حرگت گلبه كلهاا بيه اليان ساعديني خلي يرجعلي تيم ماله ذنب بشي
_لاتخافين والله ميسويله شيء اخوي واعرفه مستحيل يأذي طفل هسه نروح عليه وتوصلون لحل بينكم.
اريانا : ماكوو حلول ويه تيموور تعبني هووواي شسوي واخلص اني شورطني وياااه شمسويه بحياتي وهيج يصير بيه.
_كاافي كولي يالله شبيج
اجت خالتي جايبه تكسي صعدنه بالسياره ورحنه لبيتنه وصلنه بسرعه لأن موو بعيد نزلنه سويه ماخلونه الحرس ندخل.
اريانا : خلوووني ادخل اريددد ابنييي رجعوليااااه تيمووووور رجعلييي ابنيييي تييييم ماما ابنيييي رجعووو
_افتح الباب لاتخليني اتصل بالشرطه.
الحارس : انسه اليان اعذرينه والله مانكدر هاي اوامر من الاستاذ تيمور.
جميله : كلوله نخابر الشرطه اذا مايخلينه ندخل ونشوف الطفل.
اتصل علئ تيمور اريانا تروح هيج وترجع هيج تبجي وترجف شويه وكال.
الحارس : بس انسه اريانا تدخل ممنوع انتم
اريانا : اييي ايي ماما رايحه اجيب ابني ابقي منتظرتني لاتروحين تمام
هزت راسها امهاا بأي عافتنه ودخلت للبيت بسرعه.
....
اريانا : ماصدكت كلي ادخلي دخلت بسرعه للبيت
جان تيمور كاعد بالصاله علئ التخم مخلي رجل علئ رجل ويباوع لتيم كاعد علئ الارض ومتروسه الارض العام وحلويات وهوه يلعب
وكفت اباوعله احس گلبي راح يوكف رفع راسه يباوعلي ابتسم بهدوء وكال.
تيمور : شوفي ابنج للمره الاخيره لأن من اليوم راح تنحرمين من هل شيء.
_ابني تيم
ركضت عليه اريد اشيله صارر كدامي دفعني رجعت ليورا بقوه ارتدمت بالحايط تقدم نحوي باوعلي من فوك لتحت وكال.
تيمور : الزمن دوار شفتي شلوون رجعتي لهنا برجليج
_تيمور لاتسوي هيج الله يخليك لاتحرمني من تيم اني امه شلوون تبعد طفل عن امه
تيمور : مثل مابعدتي عن ابوه يبتعد عنج كلش عادي
_متكدر تبعده عنيييي اني ربيته انييي امه رجعليااااه تيمووور رجعلي ابنييي
تيمور ; مالج أي شيء يمي ولا حته تفكيرين تفكير واحد بيه هذا موو ابنج ابني اني تعرفين ليش ابني لأن اني مضمن مستقبله اعيشه احسن عيشه اخلي يعرف الصح من الغلط اخلي يكون مثلي موو مثل امه شراح توفريله انتِ يادوب دبرين روحج وحضري روحج للغرامات راح يكون ملتقانه بس بالمحاكم وراح تشوفين العذاب بعيونج.
_اذا ناسي اني لحد هسه مرتك يعني مالك أي حق تحاسبني امه لهذا الطفل.
تيمور : يمكن قبل كان الطلاق باطل بس هسه راح يصير رسمي.
بقيت واكفه واباوعله بتوتر وخوف عيوني كلها دموع تقرب يمي كلش رجعت راسي علئ الحايط واني اباوعله خله ايده وراي ودنك راسه يمي همس بصوت هادئ.
