رواية تحت ظل السعف الفصل الثاني والثلاثون 32 بقلم ميار

:أمس بالليل طيفك مر بالعيون

وكعدت وياك ساعة وعاتبيتك

فجأة وراح طيفك فزت الروح

كلبت الليل كلة ومالگيتك

ــــــــــــــــــــــــــ♕ــــــــــــــــــــ

ريتاج:: من يوم رجعت ريام، حسّيت البيت رجع بيه حياة من جديد. وره زواجها البيت صار هادئ بشكل ، كل واحد بينه مشغول بنفسه، وحتى امي أغلب وقتها ما تكعد ويانه، أول ما تضوج تروح لبيت خالي يم ريام.

بس من رجعت، رجعت وياها الضحكات وكعداتنه الحلوة. صرنه نتونس من أبسط الأشياء، وكل ما نشوف ابتسامتها نحمد الله لأن الي مرت بيه مو هين أبد. وجودها بينه نعمة، بحنيتها وكلامها الطيب رجّعت للبيت روحه

وجهاد... باليوم يجيها أكثر من مرة، مرات أربع مرات أو أكثر، بس هي قافلة على نفسها، ولا مرة طلعت حتى تشوفه. وأبويه وإخواني ما يضغطون عليها، عايفينها على راحتها، لأن يعرفون التعب الي بگلبها.

بس احنه ندري بيها شكد متأذيه.. ظالة بين نارين، من جهة مقهورة من جهاد ومن كل الي صار، ومن جهة ثانية بعدها تحبه وما تگدر تكره. مرات أصفن بوجهها وأستغرب شلون متحملة كل هذا الوجع. شكد قوية وهي شايلة كل هالحزن بگلبها وساكتة، تحاول تبتسم وتتصرف طبيعي حتى لا تحسسنه بشي، بس عيونها جانت تفضحها بكل مرة.

كاعدين نحضر بالغده طبت ريام سلمت وراحت تسبح وتجي كملنا وكعدنه كلنه نتغده جاي ناكل

ورفعت راسي من ابوي حجه ويا حامد گاله

محمد:: ما تاكل شبيك

-حاممد

حامد:: هاا يابه 

محمد:: شبيك ولك اكل شكو صافن

حامد:: مو جوعان بالعافيه

ريتاج:: عافنه وطلع واحنه كلنه واحد يدحك

بوجه الثاني ما مفتهمين شبي سحب ابوي ايده من

الاكل وكام واني ظليت اتحرمص شويه وكمت

وراه بعدني ما عابره المطبخ طلعو وسام وامي

گبل سويت نفسي جاي اغسل ايدي عبرو اثنينهم

وراحو كعدو بسد ابوي وحامد كاعدين بالحديقه

غسلت وركضت للاستقبال حتى اسمعهم من الشباك وكفت فتحت شويه من الشباك واسمع 

ابوي يگول

محمد:: ما تحجي صار ساعه كاعد يمك حتى

الغده عفته شبيك وليدي احد غاثك مضوجك

-جر حسره واني حاطه عيوني ادحك عليهم

مسح وجهه مدري مستحي مدري مقهور گاله

حامد:: يابه صار شكد من حاجيتكم علمود بنت

خالي احمد مره ومرتين دوم تگولي ميخالف وبعدين وهسه من البنيه اتمشى عليها لابنه عمها خليتوني بنار والله اذا راحت فلا اظل بهاي

الديره. 

ريتاج:: انصدم ابوي وضربه هلى جتفه وگال

محمد:: انجب انجب وين تولي بس شلون انطوها واني حاجيت خالك وانطاها الك 

-دار عليه وگال بحماس.. 

حامد:: عليك الله 

محمد:: هههههههه اي والله يا يابه من حاجيتني حاجيت خالك وكال البنت الكم

بس ما شفت حالنه وضعنه من مصيبه لمصيبه

امنه:: يمه يوم المنى وافرح بيكم بس محمد

شلون عيب من الناس شيكولون علينه ذاك اليوم عمكم توفى هو وعائلته واحنه نسوي عروسه. 

حسين:: يمااااا اروح فدوه لطولج يعني بداعت ذاك 

ابوج الزين حمدان يستاهل نحزن عليه مع خالص

احترامي الك يابه بس والله ما يستاهل احنه عم

واحد والله اخذه والثاني ضايع في دروب الحياة

احترمه عبنه ابو زوجتي 

وسام:: ايا عار مسويتك طلي

حسين:: ما الك شغل وهسه شكلت يابه دخلي نفرح گاضيها دك ولطم وهم بنت اخوك تتونس

والله هسة هي وامي بس ذبهن بالسوك تنسى 

الدنيا وما بيها

حامد:: اي يابه دحاجي خالي 

وسام:: شبيك ولك حمود لا تخاف ما ينطونه

بنتهم انطلك بنتنه ومع الافاده الي هو ابنها

حسين:: اي والله يلا يابه خلينه نفرح شو من

مصيبه لمصيبه وعمي ما نسوي حفلات بس بيناتنه ويعني شووف حمدمد ما يستاهل نفرح

بي 

محمد:: هههههههه خوش خوش خلي نشوف

ريام:: عموو

محمد:: عيونه لعمج 

-ضحكت وكفت ريام تخوصرت هي وكرشها وجت وكفت يم ابوي وهي تمص بالليمونه وگالت. 

ريام:: عمي كله اسرار صايرين شعدكم 

محمد:: هههههههه حگج والله تعاي بنيتي 

وسام:: صدك يمه روحو وحدج للسوك ريام

مو زين عليها وخطيه ما تشوفيها تمشي جنها

بطريق خطيه ما تكدر 

حسين:: اي والله سوده عليه خويا اكعدي انت

ارتاحي وين بيج روحه وفره بالسوك ويم ابو

الذهب والهدوم لا يمه لا تاخذينها تعبانه اخيتنا

ريام:: اكووول اكلتوني حاصل فاصل وشيبه 

والله كل شي ما بيه عمه وين تريدين تروحين

شسوين للسوك اني هم اريد اروح اشتري

ريتاج:: بس سمعت بيها سوك طفرت للباب 

من وكفت يمها لكيت ريام فااتحه حلكها 

وتحجي بفرح. 

ريام:: ياااايي صدك يعني راح يصير عدنها عرس

وسام:: اي خويا بس عمتج حزنانه على حمدان

تعرفين حماها بعد ما يصير فشنو رائيج انتي

ريام::ضحكت وادحك على عمتي عوجت حلكها

ما عاجبها وعمي محمد من جوه ليجوه يضحك

صديت عليه وكتله. 

-لااا وسام بهاي حگها هذا السبع 

حسين:: السبامبع 

ريام:: هههههههه عمه دخلينه نتونس ماتو الله يرحمهم كلنه على هل درب ابني هم يريد يتونس

حامد:؛ اي والله يدلل حبيب خاله راح اتزوج حتى

يتونس شعدنه غيره جم ولد اخت ولا شتكولون

حسين:: لا تتحمس بعدهم ما منطينك 

وسام:: ومنو كال ينطونك

-دحك عليهم ورجع دار عليه وگال

حامد:؛ خويا گبل شويه يكولون لابوي اذا ما انطونه

انطلگ اختنه وانذب ابنهم عليهم واني ما رضيت

-لا ياا جذاااب

ريام:: صغرت عيوني ادحك عليهم بعدني ما حاجيه

اندك الباب غمضت عيوني بجزع اعرفه هو ما يمل

ردت افوت للبيت حتى لا اشوفه وكفني عمي من صاحني. 

محمد:: رياام

-هاا عمو

محمد:: بنات ادخلن جوه وسام دخله للاستقبال ريام جيبيلنه جاي وتعاي

ريام:: بس عمو.. 

محمد:: بدون بس يا بويه 

ريام:: كسر الباب راح وسام يفتحله واني والبنات دخلنه للمطبخ وكفت يم الشباك

ادحك طب عاكد الحواجب بعده بملابس. 

المستشفى وكف باب البيت وسام يجر بي

ما يدخل مدري شكال وطب مدنك ابتسمت

احب هاي الصفه بي ابد ما يدخل بيت عمامي

ولا يرفع عينه على بناتهم من جنت اكوله ليش

ادحك عليه وعليهن تستحي يگول انتي غير عنهن فززتني رباب درت عليها... 

-شبيج

رباب:: ههههه الجاي حاضر بس خاف مامتغدي 

ريام:: ميخالف بس ما اريد اروح اشوفه شلون

ريتاج:: علينااا عجل منو الواكفه وادحك وتبتسم

وحدها مثل الخبله دفوتي خلي اروح اتصنت عليهم. 

ريام:: سحبت نفس واخذت الصينيه من رباب ومشيت ادحك ريتاج مدخله راسه بالحايط تتسمع

عليهن لو ما الصينيه بيدي جان غميتها طبيت رفعت عيني ما ردت اسلم بس خزرني وسام وكفت

بالباب وگلت. 

-مرحبا 

جهاد:: عليكم السلام 

ريام:: درت عيني عليه خزرته فشلنه الخبيث گبل

نزلت عيوني وظليت على وكفتي الا من عمتي حجت

امنه:: يلا يمه انطي لعمج وللولد 

ريام:: هزيت راسي وقدمت الصينيه همه ياخذون

الستكاين لان ما اكدر ادنك من وره بطني الي ولا 

عبالك بعدني نص السادس انطيت للولد وصلت

يم جهاد گالبه خلقتي مديت الجاي ورفعت راسي 

من گال

جهاد:: تسلمين تعبناج بس صايم

-تفاجئت بي كتله

ريام:: صيام شنو

جهاد:: خميس اليوم لو ناسيه؟ 

ريام:: گلبت عيوني ودرت اريد اطلع وصاحني عمي

محمد:: تعاي اكعد بابا 

ريام:: رحت كعدت بسد عمي وگبل لا يحجي 

عمي حجه جهاد واني ما دامه يحجي عينه عليه

وجهه شاهب حلكه ابيض من التعب والعطش 

جهاد:: خالي اريدكم تسمعوني هاي صار اسبوعين

وهذا الثالث اني أدري بنفسي غلطان وادري تجاوزت وخالي انتو كلكم يجوز ريام ما تعرف او

نست غلات خالي خالد بگلبي بس ساعة عصبيه

وكلكم تدرون اني اتعصب ما ادري بروحي بس

-سكت ودار عليه عينه بعيني وكمل كلامه

جهاد:: ريام، من بداية زواجنه يمكن ما جنت أشوف الأمور مثل ما لازم، تنشاف ويمكن شفتيّني إنسان بس يفكر بثاره وما يهتم. ويجوز، قصرت وياج وما أنكر هالشي. بس جنت أحاول أحاجيج وأفهم شبيج، بس بالوقت نفسه صدك جنت ما مقتنع بالسجن والمحكمة وهالسوالف. بس اقتنعت مو لأن أريدها أو راضي بيها، بس رضيت كله لخاطر عيونج.

وسام وخالي وكل اللي حواليه حاولوا وياي جثير حتى أنسى وأركز أكثر على حياتنا . ومن شفتج وشفت الخوف بعيونج، مو وعدتج؟ مو گلتلج إن هالسالفة انتهت وإن حقنه ناخذه بالقانون؟

بس ليش ما حجيتي يا ريام؟ ليش خليتي كل هالخوف بگلبج وسكتي؟ ليش شلتي كل هالحمل وحدج؟

تدرين شكد حزت بداخلي من عرفت؟ مو لأن صار شي لحمدان .. لأنج جنتِ تمرين بكل هذا وأنـي موجود. جنتِ خايفة ومتأذية ومنكسرة من الداخل، وأنـي ما جنت أدري ريام.

لو بس حاچيتيني، جان سويت أي شي حتى أوگف وياج . لو گلتيلي شنو اللي قاهرج لو بس فاتحتلي گلبج جان ما خليتج تعيشين هالوجع لحظة. ليش كل ما يوجعج شي تحتفظين بي بگلبج وتسكتين؟

أنـي مو مقهور لأنج ما حچيتي، أنـي متألم لأنج وصلتي لمرحلة تحسين بيها إنج لازم تواجهين كل هذا بروحج، وكأن ما عندج أحد يساندج.

-رفع عيني عليه وهو يحاول يخفي رجفة صوته وگال:

ها ريام... جاوبيني، ليش ما حچيتي 

جهاد:: براحتج المهم اني اسف واعتذر منج

على كل أذيه اني سببها وعلى تجاوزي عليج

يشهد الله ما ألوم نفسي غير على ان تجاوزت

عليج بس ساعه عصبيه وما دريت بنفسي وهذا

وسام وحارث... 

ريام:: رفعت عيني عليه من كال حارث ادحك عليه

وجهه نگلب وبلع ريچه بصعوبه يريد يسيطر على نفسه عمي محمد گبل حس عليه كام وگال للولد

محمد:: كومو بويا خلي يحلون مشاكلهم وحدهم

ريام:: بعدهم ما طالعين وكلهم عيونهم على جهاد 

الي كعد بالكاع ودنك راسه وادحك ظلو حايرين بين

يعوفونه وبين گلوبهم ما تنطيهم يشوفونه بهل حاله

طلعو وعافونه وظل جهاد على نفس كعدته يمكن

حتى اني ما يتمنى اظل بس ما اطلع لو شيصير جيت

كعدت گباله ولزمت ايديه اريد واخرهن من وجهه

مرد گلبي من شهك يبجي تخبلت احاجي اريد بس اشوف وجهه. 

-جهاد وخر ايدك حبيبي شبيك يروحي انت ليش 

هيج وخر ايده وحضني گبل وجهاد مو من النوع

الي يظهر مشاعره اهله ما شايفينه بهل حاله مرد

گلبي احس مثل ما جان اكو شي مضموم بصدري

اكو شي بگلب جهاد يخلي هيج مهضوم بالربع

ساعه وهو حاضني بالعكس اني صرت ثگلي عليه

وخر ودار وجهه مني ما يريدني اشوف دموعه 

كمت جبتله كلاص المي ما اخذها نسيت صايم اخذ الكلينس يمسح

وجهه وما حجه شي اثنينه ساكتين واني ظاله صافنه

بي وبداخلي اگول هذا جهاد الصلب هذا القاسي

احس نفسي بحيره لا هو اناني مدري مدري كام

بدون ما يدير وجهه عليه گال

جهاد:: اخذيلي طريق 

-وكفت يمه كتله

ريام:: انت مو جيت تحجي وياي 

جهاد:: بعدين اجي لا عبالج اعوفج بس هسة 

اريد ارتاح شويه واجيج اخذيلي طريق بويا

ريام؛: ظليت على وكفتي وهو من شافني ما تحركت

دار عليه عيونه حمر گلبي ما ينطيني اشوفه هيج

تجمع الدمع بعيوني وكفت گباله وگتله

ريام:: لأن خفت...

-جهاد عگد حواجبه وتقرب عليه 

جهاد:: من شنو خفتي؟

-من كل شي 

صفن بوجهي ينتظرني احجي كعدت وهو كعد گبالي گتله

ريام:: خفت أخسرك، وخفت أكثر من اليوم اللي أكعد بيه وما ألكاك يمّي. كل يوم أشوفك رايح، ووجهك شايل تعب الدنيا كلها، لا راحة بعينك ولا طمأنينة بگلبك. وكل مرة أريد أحچي، أرجع وأسكت... أگول يمكن إذا فتحت هالسالفة أخسرك، وأخسر روحي وياك.

جهاد... أني بديت أخاف على ابني، أخاف يعيش نفس الي عشته، نفس الخوف ونفس الحرمان. مرات أكعد وحدي وأظل أفكر، وأگول يمكن أمي هم إنجبرت على فراگي، يمكن ما جان بإيدها، ويمكن هسه يجي يوم ويجبروني أعوف ابني مثل ما انحرمت أني.

أخاف عليه يتأذى... أخاف يكبر وهو ناقص حضن أو أمان. وأخاف عليك أكثر من خوفي على نفسي. كل لحظة تمر براسي ألف فكرة سوده، وأتخيل أشياء ما أريد حتى أفكر بيها. أگول ، يمكن يصيرلك شي، ويمكن ياخذونك مني مثل ما أخذوا ابوي وحرموني من شوفته 

والله ما أتحمل جهاد... ما أتحمل بعد أشوف واحد من أهلي يموت جدامي أو يضيع من إيدي. تعبت من الفقد، تعبت من الخوف، تعبت من الانتظار.

حتى بالحلم صرت أشوفك مدمّى، وأفز من نومي مرعوبة، أدوّر عليك وكأن روحي ضايعة. أحس گلبي يوگف من الخوف، وأظل أبچي لحد ما أتأكد إنت بخير.

أموت إذا صار عليك شي... والله أموت.جهاد ما أكدر، ما أكدر أعيش وأنت مو موجود. وجودك صار أماني، وصوتك صار راحتي، وكل خوفي بالدنيا صار عليك.ريام شهكت شهكة من نص گلبي وهو تقرب وسحبني لحضنه ويمسح دموعي هز راسه بحسرة ومسح على وجهه. وكال

جهاد:: وانتي تشوفين من بداية السالفة صرتي سبب أذية؟ ها؟ من بدايتها لحد الان أنتي أكثر وحدة انظلمت بهالسالفة، وأكثر وحدة دفعت الثمن.

-سكتت و ابچي بحضنه ، بينما هوصوته صار أهدأ ويحاجيني بحنيه 

جهاد:: اسمعيني زين... بعد اليوم ما أريدج تشيلين أي وجع بگلبج . لا خوف، لا قهر، لا دمعة تنزل وأنـي ما أعرف سببها. مهما كان الموضوع چبير، راح نواجهه سوية.

-رفع إيده ومسح دموعي وابتسم رغم عيونه

الحمر وحتى صوته تعبان طبع بوسه على خدي

وگال.

جهاد:: أني يمكن قصرت هواي، ويمكن مو بكل مرة عرفت شنو بداخلج ، بس أكدر أوعدج بشي واحد... بعد اليوم ما أخليج توگفين وحدج بوجه أي شي و اوعدج ريام من هل يوم ما تنزل

دمعه زعل اني سببها نرجع صديقين حبيبين

زوجين كل شي يتشاركون بس فرصه وحده 

وراح اثبتلج اني كد كلمتي وحگ ابو الحسنين

احبج ريام 

- وخرت من حضنه وگلتله

ريام:: تعبت جهاد... والله تعبت.

رجف صوته وگال

جهاد:: أدري...

ريام هزيت راسي لا ودموعي تجري

ريام:: لا... ما تدري. لو تدري شكد جنت أخاف كل ليلة، وشكد جنت أحاول أبين قوية وأنـي من الداخل مكسورة.

نزل جهاد عيونه للگاع لحظات، وشعور الذنب اللي بعيونه الي واضح جاي يلوم روحه.

جهاد:: سامحيني...

رفعت رأسي بسرعة وگتله

ريام:: لا تعتذر.

جهاد:: لازم أعتذر. لأن الزوج المفروض يكون أول شخص تحسين بالأمان وياه، مو آخر واحد تروحيله من تنسد بوجهج الدنيا.

ريام:: سكتنه اثنينه بلعت ريچي ورفعت عيني 

عليه وگتله

-جهاد هسه أحس نفسي تعبت من اهرب من

واقعي ومن ناسي ومن حتى النوم كمت انهزم منه .

تقرب يمي وهو شبه ابتسامه على وجهه وگال

جهاد:: بعد ماكو هروب. لا من خوف، ولا من وجع، ولا من الماضي كله. أني وياج، وإذا وگعتي أرفعج، وإذا ضعفتي أسندج، وإذا بچيتي أبقى يمج لين تضحكين من جديد.

ريام:: مدري شكد ظلينه كاعدين تحركت بسرعه

واني تحركت حسيت بدفره يمه واخذت روحي 

مدري الطفل مدري دمار ردت اعيط وجهاد سد حلگي 

جهاد:: اشش شبيج 

ريام:: نعللله اذاني اخخ يابه

جهاد:: مو هو ولج هذا تقلصات 

-خزرته ودفعت ايده كتله 

لاهو قابل ما اعرف مجلوب وخر وخر اخخ يابه

تمددت ادحك عليه كوه لازم نفسه ما يضحك

جهاد:: جنه سمعنه واحنه نبچي وقرر يشاركنا.

ابن ابوه 

ريام:: هههههههه لا ابن امه ما صارت ابنيه شوف

حدس الام اقوه حتى لا تعاكسني بعد كلت ولد طلع ولد 

جهاد:: ما اعاكسج بس ارجعي هاي وعدتج بعد 

ما اضم ولا تسوي شي يخليج تخافين بعد شتريدين

ريام؛: ما اريد شي

گام وكف ودنك اخذ موبايله والسويج ومدلي ايده

كومني واني ادحك عليه دا افتهمت الا من گال

جهاد:؛ يلا نروح لبيتنه

رفعتله حاجبي ما عاجبني گتله

ريام:: مو زعلانه اني 

جهاد:: اي ورضيتج واعتذرت ووعدت بعد شسوي

ريام:: احتاج افكر 

جهاد:: ريام شبيج والله كمت حتى استحي اجي

وهسه من الثنتين وهسه أذن عصر كله هذا وبعدج زعلانه اخذيلي طريق عمي خلي اروح

ريام:: ضحكت على وجهه مال حاضر يبين عليه

الزعل وكفت يمه گتله

-بالليل تعال اخذني بين ما الم غراضي دحك عليه

بفرح وجرني من راسي باسه ويمكن لو ما وخرت

جان نسى نفسه صايم ولو ما اخاف من الله جان

خربت صيامه طلعت ماكو احد طلع وكف يم باب المضيف الداخل وطلع عمي والولد وكفو يمه

مدري شتحاجو وهو طلع واني ظلت على وكفتي

لان عمي والولد جو بتجاهي وكف عمي وحب راسي

وگال

محمد:؛ اني ما يهون عليه طلعتج والله بس

ما اشجعج على هجمان بيتج ابنيتي بس

اليوم بالليل اجمع اخوتج وجدامهم ينطيني

كلمه بعد ما يزعلج واذا زعلج بعد يحلم ترجعيله. 

ريام:: هزيت راسي وانهزمت لغرفة البنات 

كعدت يمهن اسولفلهن وبين ال مأيداتني وبين لا. 

**

فاطمه:: جنت اشتغل وعلاوي يفتر وراي يلعب

متونسه وياه سمعت صوت موبايلي يدك راح

علاوي يركض جابه وجيه دنكت بسته واخذت 

الموبايل تفاجئت من شفت ابوي المتصل فتحت 

گلت 

-الووو

احمد:: هلا يابه شلونج 

فاطمه:: هلا عيونه يابه بخير انت شلونك

احمد:: الحمدلله 

-سكت شويه وگال

احمد:: فطوم بابا ما تجين عندي موضوع وياج

فاطمه:: گلبي لسبني كتله خما اكو شي يابه

احمد:: لا خير خير ان شاءالله بس اريد اخذ

رايج بشغله تخص مروى اختج. 

فاطمه:: هسه يابه بس اخابر فرات واجي 

-خوش كل الهلا بيج بنيتي

فاطمه:: سديته من ابوي ودكيت على فرات ما رد

دزيتله رساله وعفت كل شي اني اصلا مكمله طبخ

من زمان لبست عبايتي وطلعت صار بوجهي عمر

عمر:: خير ام علاوي وين

فاطمه:: لبيت اهلي توصلني

عمر:: امشي شكد مهتمه 

فاطمه:: ضحكت ومشيت اني وعلاوي وصلني

وگبل لا افوت كتله.. 

-فدوة عمر الاكل جاهز من تجي مهى خاف اطول. بس خلي اديرلكم او انت ديري هسه مهى تعبانه

توه راد يغني طبيت اضحك جاي نلح عليه يتزوج

ما يقبل طبيت للبيت البنات ماكو دحكت الدولمه

على النار ضحكت معاذ صاير طباخ ماهر دورت

لكيت جديتي نايمه وابوي كاعد وحده بالاستقبال 

رحت يمه سلمت عليه وكعدت اكو واحد نايم

بس رفع راسه معاذ ابتسمت وكمت بوسته وهو

يحجي عليه

معاذ:: لا تحبين ما تجين تطبخين ولج من

الصبح كاعد انتظر حتى تصير الساعه بالعشره. 

حتى نحط الدولمه على النار ساعة السوده الي

درسن بيها البنات عايفات البيت هيته والله شنو يدرسن. 

احمد:: سد حلكك مو تريد بنت خالك هم تدرس شني تبطلها اذا قبلت بيك

-حك راسه وابتسم للهوى وگال

معاذ:: اني موجود اطبخلكم 

-هههههههههههههه 

فاطمه:: ضحكنه اني وابوي وهو كام شال ابنه وطلع درت على ابوي احاجي. 

-هاا يابه شني السالفه صاير شي تنهد وگال

احمد:: بابا فاطمه خالج محمد وره عرس جهاد 

حاجاني علمود مروى رايدها لابنه حامد والصراحه

حامد خوش ولد من زينة شبابنه هادء ورزن اني

گلت لخالج بس تفض هلمشاكل البنت الكم

فاطمه:: زين يابه ما بيها شي اكو شي اني ما اعرفه

احمد:: عمج حاتم البارحه حاجاني يريدها لابنه

اسمعيني فاطمه اريدج تحاجين مروى وشوفيها

اني ما اجبر وحده منجن بعد اذا ما رايده ابن

عمج حتى اگوله اني منطيها لابن خالها محاجيني

بيها من زمان لان حتى اخوتج ما مقتنعين بعد ننطي لعمامج

فاطمه:: هزيت راسي اي وهو كام مسح على راسي

وطلع كمت اني ادحك معاذ لايص المطبخ عزلت

وجت امي يمي نسولف انوب راحت يم جديتي كعدت بين ما كملت دخلت تبارك تسب ونعل 

بالدراسة بس شافتني سكتت تعرف اضربها طبت وگبل گالت

تبارك:: هااا مرت فراتت هينه اليوم 

فاطمه:: انجبي بيت ابوي بكيفي

تبارك:: شكو ماكو 

فاطمه:: سحبته يمي وحجيت بصوت ناصي

-دريتي عمي حاتم امشي على مروى لابنه علاء 

تبارك:: عززززاااا بعينج 

فاطمه:: صلختها براشدي اياا حيوانه عليمن 

تبارك:: مو عليج اووف والله يوجع راشديج

فاطمه:: مسحت على خدها وكتلها

-تكبرين وتنسين 

تبارك:: اي اي هسه وعفينه وصدك لو جذب 

فاطمه:؛ جذب بشواربج حيوانه ولي بدلي وتعالي

راحت ادردم واني صبيت الغده طبت مروى سلمت

وراحت درنه الغده تغدينه بس جهاد بعده بالدوام

كملنه غده وكفن البنات يغسلن مواعين تنهدت 

حايره شلون اگوللها وكفت يمها وكتلها. 

-مروى عمي حاتم مشى عليج 

درات عليه وكع الماعون من ايدها وهي ينراد حجه

لدموعها واستغربت رجفتها لزمتها اريد بس افهمها

وهي تبجي وتصيح

مروى:: لا لا ما اريد ما اريده فاطمه ما اريد

فاطمه:: على كيفيج هاي هي بس اني جيت

اريد افهمج انو ابوي كال اسألج اذا ما موافقه

يرفض 

مروى:: اي اي ما اريد لا تحبروني 

فاطمه:: اي اي يابه ما نجبرج بس تره خالي محمد 

هم محاجي ابوي يريدج لحامد هم كولي لا

تبارك:: جاي اگرط بالخياره وضحكت وكفت يمهن

كتلها... لا خيه تريده وهي الممنونه عجل ما تشوفين ذبحت روحه لان سمعت بغيره مشى عليها

فاطمه:: صدك يعني رايدته

تبارك:: ادحك عليه واضحك وجهه انصبغ احمر

من الخجل وظلت ساكته ومدنگه راسها گبل

شويه من درت بعلاء دكت ولطمت وهسه من

جيه طاري حامد خنست جرتها فاطمه واخذتله

للغرفه ردت الحگهن ما خلتني غميتهن ورجعت كعدت بالحديقه وگلت والله ما اكمل المواعين

كعدت اتمرجح واسمع صوت جهاد بحوشهم 

كمت وكفت مديت راسي واسمعه يدندن والله هو عليه صوت يجنن بي بحه والولد جانو يلتمون حتى

ينشدلهم وكفت يم الباب واسمعه يدندن 

جهاد::صغيرون يا بعد اهلنا وبفراكك شلون

صغيرون يا بعد اهلنا وبفراكك شلون

نذرا لاخيطي عيون لمن يرجعون

نذرا لاخيطي عيون لمن يرجعون

وينك يامدلل وينك ماالك بينه

يابعد اهلنه يابه صبرك عليه

تبارك:: سكت شويه ورجع كمل واني واكفه واسمعله 

ياريت بضلوعي اضمك ووسط العيون

ياريت بضلوعي اضمك وبنص العيون

جم مرة تلوع احبابك ما اضفتك تطييع

عشك عذاب لحلك وعشكي المرابيع

اغيد ياصغير يابه روحي جاويها

خايف بالفركه يابه تحترك بيها

صغيرون يا بعد اهلنا وبفراكك شلون

نذرا لاخيطي عيون لمن يرجعون

تبارك:: سكت وطب جوه بعد ما اسمعه اني هم 

رجعت واحجي على ريام الحيوانه اخوي المتدين

من وراها كام يغني سوده عليه طبيت للبيت

لكيت البنات كاعدات ويا جديتي وامي شويه

ومشت فاطمه لبيتها واني ما لحكت اسأل

مروى لان التهينه اثنينه ندرس كملنه للمغرب

كمنه نسوي العشه بين ما التمو كعدنه تعشينه

والخبله مروى عافتهن عليه لان ما غسلت مواعين

الغده بين ما كملت طب زياد اشرلي بيده عود

يريد جاي ردت اصبله ما احس غير ضربني على راسي وگال

زياد:؛ انتي زمال ولج مو الي خالي و ولده يمنه

تبارك:: فتحت يعيوني وكف بسده كتله بتمسكن عود ما ادري شيريدون 

-زياد شعدنه خالي يمنه 

زياد:: انجبي وروحي سوي جاي اني انتظرج

بالحوش تموت على السوالف كون تطلعلج عبايه بنص هل خشم الحاشرته بكل سالفه

تبارك:: طلع يدردم واني ركض سويت الجاي 

وحضرت الستكاين بس خدر صبيت الجاي

واخذته وطلعت وكفت مصغره عيوني من شفته يدخن ذبها وجيه اخذ الصينيه واشرلي 

اروح سويت نفسي اريد اطب بس دخل للمضيف

ركضت اتصنت عليها اسمع خالي بحجون بخطبه وحطيت ايدي على حلگي مفاجئة من

سمعت معاذ گال بصوت عالي

معاذ:: عذرونا ما الكم مره يمنه......