رواية صراع الشيوخ الفصل الرابع والثلاثون بقلم ليال القمر
.
ارجوان وهي تدخل للبيت: هاي مام شونچ
شمس: تمام شلونچ وية الكلية
ارجوان بتعب: صعبة حييل
شمس: يالله الي يريد شي لازم يتعب
ارجوان سكتت وگعدت علة التخم ومغمضة عيونهة بتعب
شمس وهي تخلي ايدهة علة جبينهة: حبيبتي شبيچ وليش حرارتچ مرتفعه
ارجوان وهي تتمدد علة التخم: مام تعبانه ومالي طاقة احچي
شمس بقلق: ماما انتي مريضة گومي بدلي ملابسچ حته تاكلين وانطيچ دوة
ارجوان: ماريد خليني هيچ مرتاحه
شمس ضلت محتارة: شو گومي مو بكيفچ
ارجوان ضلت ساكته ومتحچي بعدين شمس تحاول تگومهة لگتهة متخربطة بسرعه ركضت بدلت ولبست شال واخذت ارجوان للمستشفه
_______
نهلة بحزن : متنزل تسلم علة اهلي
امير بضيق: اي
نهلة بسعادة: يالله تعال
دگت الباب وفتحلهة الباب اخوهة ودخلهم
نهلة: شونك خوية
عصام: الحمدلله انتي شونچ گليلي شونه الشيخ وياچ
امير سكت ودار وجهة بعدم اهتمام ونهلة انحرجت: اي الحمدلله مرتاحة
امير ببرود: شونك عصام
عصام بفرح: الحمدلله شيخ انت اخبارك شونهة البيت نور بوجودك
امير: منور باهلة وانه الحمدلله
دخلوا وظل امير يسلم عليهم وبعدين طلع
امير وهو يتصل عله حسن: الووو ها حسن رايدك بشغلة اي تعال للشط نفس مكانه الله وياك
~~~~~~~~~
شمس بقلق: yes doctor
نعم دكتور
الدكتور باوعلهة وابتسم: shes just tired she is ok
هي بس متعبة هي بخير
شمس: can i see here
اگدر اشوفهة
الدكتور: ofcourse
طبعا
دخلت شمس لغرفة بتهة وابتسمت الهة: ها ماما شلون صرتي
ارجوان: تمام بس اني شجابني هنا
شمس: تخربطتي وجبتچ لعد شسوي
دخل احمد وقاسم بقلق وخوف وحضنو ارجوان
قاسم: how are you ses
شلونچ اختي
ارجوان بضحك : هاي شبيكم عبالك وحدة چانت بالعمليات الحمدلله بخير
تنهدوا احمد وقاسم بارتياح
احمد: لعد انه تركت نور وجمال ببيت اهلهة واجيتچ
ارجوان: ههههه خطية مو چنتوا طالعين ليش ماكملتوا طلعتكم مابية شي والله
احمد: لا شلون انتي حبيبتي ودلولتي شلون اتركچ
قاسم: لعد وگعتي قلبي من الهبطة مام اتصلت بية تگولي اختك بالمستشفى واني تركت الشغل واجيت
ارجوان ابتسمت امتنان لاخوتهة وطلعوهة من المستشفه ورجعوا للبيت
♕♕♕♕♕♕
كرم: شوف اريدك تتباعلي ادق حركه الة
الشاب: انشالله شيخ
كرم: گلي هو وين هسة
الشاب: شفته رايح للشط
كرم بحدة: انه حته كلامه اريده ماريدگ توگف اللي تسوي واذا لزمك دير بالك تحچي افتهمت
الشاب: حاظر شيخ.
كرم: يالله توكل
راح الشاب وكرم رجع نظراته لكرار : اريدك تجهز كل الاسلحة عندنه حته باي وقت يكونن حاظرات
كرار: كرم شني ناوي تسوي
كرم بغموض : راح ندگ علة بيت الشيخ كريم ارجع مرتي
كرار: بس هي مو هناك
كرم بمكر: ادري بس ابوهة هنا يعني غصبا ماعليهة ترجع وبارادتهة
كرار: يعني انت مراح تخطفهة
كرم: لا شعندي خاطفهة هي مرتي ولتنسة هي مرتي بالشرع والقانون
كرار بصدمه: شلووون
كرم بمكر: هه حسبالك ماحاسب حسابي ماخذ ورقة من المحكمة ورحتلهة وخليتهة توقع علة الورقة بدون ماتدري
كرار بحيرة: شوكت
كرم رجع بذاكرته لهذاك اليوم
دخل كرم عليهة بابتسامه: ها ارجوان شون صرتي
ارجوان: بعدني مو زينه
كرم: هاچ وقعي هن علمود المستشفى
ارجوان بشك: ورقة شنو ويا مستشفه
كرم: الدكتور يريد توقيعچ وبس
ارجوان: انطيني اقرة الورقة
كرم بارتباك: ماله داعي بس وقعي انه قاريهة
ارجوان باوعت للورقة لگته مخبيهة وبس مطلع مكان التوقيع تنهدت ورفعت القلم ووقعت
ارجوان: يالله كملت
كرم ابتسم وگعد بصفهة وضم الورقة: ها مريتي ماناوية تطلعين
ارجوان بتلبك: اي شوكت
كرم: باچر نطلع من المستشفه
ارجوان اومئتلة براسهة
رجع من ذاكرته وباوع لكرار
كرم: هههه من چنه بالمشفه تذكر من گتلك جيب ورقه الزواج من صديقك محمد الي يشتغل بالزواج المحكمة
كرار: يعني طلبتني علمود تتمم زواجك منهة بس ليش سكتت من اخذوهة منك
كرم: ماگدرت كلهة ضدي وابوية هم وضليت ساكت بس شوف بالنهاية راح ترجعلي
كرار بخبث: خرب بليسك شيطان مينگدر عليك
كرم: ههههههههه
♕♕♕♕♕♕
حسن: ها امير شكو شصاير
امير بهمس: حسن انه مراقب وين ماروح اشوف سيارة تلحگني
حسن بقلق: ولويش ماگتلي چان عرفتلك منو هو
امير: ششش صوتك مدري انه شاك بكرم الچلب لان يگلون رجع مثل گبل وانه صايرلي قريب الشهرين مراقبيني
حسن: وهسة شلون
امير: وجايني تهديد ضرف بي رصاصة
حسن باضطراب: امير الوضع صار خطر لزوم تتصرف لا يأذونك انت واخوتك
امير: هو انه راح اتصرف بس خلي انطي كم درس للچلب واوري ويامن گاعد يلعب
حسن بترقب: شراح تسوي
امير بابتسامه شرسة وباوع بثبات لحسن: راح يبدي صراع الشيوخ
حسن بلع ريگه وباوعلة بحذر وتوتر: امير متأكد
امير بنفس الابتسامة: اي
