رواية هو لا يشبههم الفصل الخامس والثلاثون بقلم تبارك الوائلي
من انتي .. ؟؟
أنا التي غضضت بصري حين كسرتني الظروف
انا التي ابتسمت في وجه من خذلني
تنهدت حين كان كل شيء يدعوني للصراخ
لم يحالفني الحظ يوما ولكنني مضيت في مواصلة أحلامي رغم انهيارها
أنا التي بعد كل سقوط أنهض وأشد نفسي بنفسي وكأنني أتحدى الحياة والظروف واليأس
تجاهلت تلك الكلمات القاسية وخبأتها في قلبي مع الأشياء العتيقة التي حفرت لها نفقا في زاوية من ذاكرتي
أنا التي لم ينظر أحد في عيناي ليعرف كم حربا فيها ،، ولم يستمع أحد لصمتي ..
:- شنوووو طارق انت شتكول .
طارق : ياله ماما رايح يصيحوني .
سديته و بجيت بجي سمعتني مليكه وكابلتني
تبجي كلتلها.
:- اااشششش ، ليكعدون اخوانج .
ليله شتاء بشهر 17 // 11 /2025 رحت كعدت ايهم
:- فدوه ايهم اكعد .
:- ها خير جمانه شبيج ؟
:- بجيت وكتله ، عمتي توفت .
:- لا اله لا اله ، الله يرحمها انطي البس ، بالمستشفى هيه موز ؟
:- اي اخذوها بلاسعاف صالح وكواكب وزينه وساره
كلهم هناك .
اجه حسان للمستشفى واخذنه البيت عمتي لكيت بناتها شكد مكسورات بوفاه عمتي رحت حضنتهن وبجينه من كل كلبنه زينه وساره وطيبه كلهن حضنتهن وصرنه وحده تواسي بالثانيه بعدها انطيت كل مستمسكاتها الطارق حتى ياخذهن الايهم بالمستشفى بعدها رحت وياهم وصلوني للبيت رجعت اني ومليكه ونبجي .
جمانه :- ولج مليكه شلون اذا كعد امير شكله ولج راد يغيب باجر علمود يروح يمها دكت امي عارفه
بوفاة عمتي وبقينه نبجي ونحجي سديته ، دك ايهم عليه كال .
أيهم
" جمانه اجه زوج زينه وعيب اخلي ابن عمي بيت اهلج يبقه حضري الريوك اله وابن اخو هم ويا .
جمانه
" اي هلا بيهم .
هذا الحجي الساعه بـ 3 الفجر رحت سلكت بيض وسويت مخلمه بيض وطماطه وجاي واجوي
ولد عمه وادم ابن فرح خطيه جاي يم طارق الي نتها من البجي على بيبيته صبيت الهم تريكو وخصلو ، كملت المواعين ولميت الفراش اصلا محد نام بس روزه وامير نايمين كعدو على الصوت وسالو .
أمير : ماما بعد وين نروح راحت بيبي راحت .
بجيت البجيته وكعدت اهدء بي ولبسنه وكال ايهم .
أيهم : يله بابا اوصلكم البيت بيبيتكم قبل لا اروح للمستشفى .
وصدك وصلنه البيت عمتي وراح للمستشفى ولكيت الكل جاي من كرايبنه ولهوسه والبجي عرفت نور من حاله الحداد وخابرتني تبجي .
نور :- ماما صدك بيبي ماتتت .
:- اي ماما راحت الدار حقها .
بجت بصوت وصاحت .
:- لا لا كولي غيرها ماما.
:- كافي لتجين حبيبتي انتِ حامل مو زين عليج .
سديته منها بعد ما ساعه اقنع بيها متجي الفاتحة جابو عمتي والبيت انخبص وبناتها اباوع عليهن ملخن نفسهن خطيه وطارق حبيبي شصار بي نزل فتح التابوت وحضنها والكل صار يشيل طارق وطارق قافل اله اجه عمي ابو هدى وسحبه بقوه وصاح بي ياله خلاهم يشيلون بيبيته وطلع عمي
ابو هدى وكف بالباب وكال .
أبو هدر : محد يجي ويانه ممنوع .
ساره سمعت و تهسترت و راحت تركض وحضنت ايهم من صدره وكلتله بحركه وقهر .
ساره: لا لا ايهم عفيه ميردون ياخذوني ويا امي اخذني انت فدوه ايهم حباب الله يخليك اخذني .
1 تع
حضنها أيهم ولف الشال على راسها وكللها .
:- امشي اصعدي محد ينزلج .
التفت وصاح بصوت سمع الكل .
أيهم : مره خصتك عمو ابو هدى اخواتي يرحن ويا امهن محد يمنعهن .
ابتعدت منها وهي ولفتها وكملت وطب عمي ابوهدى وصالح دنك عليها بجه يم راسها ومادري شحجه يمها وشالوها و عمي ابو هدى وياهم واخذوها ودفنوها بصف بسام لان جانت هاي وصيتها تتمنه تندفن يمه و فعلا ندفنت بصفه كملنه ورجعنه كل الطريق واني الوب ونفسي تلعب ودايخه لان ماكلت شي على الريوك رجعنه بـ 4 ونص واني بعد ماكدرت اوكف على طولي ومنايمه من الليل وامير حبيبي مادري اشبي بقه يتقياء اخر شي كتلهم امشو للبيت ورجعنه
للبيت طبينه كلنه سبحنه رغم الجو بارد بس تراب المكبره ثكيل ، نمنه من ال 7.وماحسيت اله 9اجه ايهم وطارق تعبانين سبحو وراحو نامو ايهم اخذ دور الابن العمتي وسوه القطعه بااسم خالي وكتب عقيله المرحوم فلان ابن هوه وطارق لزمو دور ولدها وعمي ابو هدى لزم المصاريف كله لان جانت عمتي الله يرحمها ضامه فلوسه عد زينه الدفنتها وزينه انطتهن العمي ابو هدى وصرفو الفاتحه واني منتهيه من التعب
" شنو راحو .
" اي ماكو احد كلها راحت بس البنات موجودات .
" خوش جاي اني .
" هله بيك .
سديته وره نص ساعه اجه طب هوه وطارق وسلمو وكعدو وجان السكوت سيد المواقف بعدين باوع عليهن ايهم وكال .
:- الله يرحمها برحمته الواسعه هذا امر الله واني ابقه اخوجن وبيتي مفتوح الكم اشوكت ماعجبجن
وحتاجيتني موجود او الله لا يكولها ضامجن الضيم بيتي مفتوح الكم كلكم انتو بنات ابويه اخواتي من دمي ولحمي ومالجن احد بعد غيري تعالن كل زيارتجن التمن يمي ابيتي ونجمعن كل الهلا بيجن لتكولن امنه ماتت وبعد منطب العامريه ابد لا مو بعيده كربلاء علينه وهنا بيت اخوجن واولاده .
قطع كلامنه طيبه كالت .
طيبه : هاي انتَ خوهن الهن مو اني مالك دخل بيه ولا انت اخويه ولا اعرفك ولا طارق ابن اخويه زين .
1 تع
زينه : يااا والج طيبه عيب هل حجي .
طيبه : اسكتن انتن ولتدخلن بيه ابد اني مره مريضه محد اله علاقه بيه .
باوع عليها ايهم ابتسم وكال .
أيهم : ليش اني شنو الي مسوي الج ست طيبه .
طيبه : لا لا ماريد محد اله علاقه بيه رجاءً .
رد طارق عليه وكله .
طارق : عوفها عمو مالنه علاقه بيها احنه خاف لان اني كلتلها لتزوجين وتعوفين بيبي زعلت مني .
جمانه
:- اني لزمت ايد ايهم لان شفته عصب وراد يكوم الها همست اله .
:- أيهم عيني طيبه مريضه عوفها .
حجه بضوجه ونفاذ صبر .
أيهم : لا لا هذا هو خليها براحتها يله كومي دنروح للبيت .
زينه: وين ايهم تزعل من طيبه هيه نص عقل .
أيهم : لا يابه والله مو علمودها بس تعبان واريد اروح ارتاح بالبيت وارجع وكول بيتي مفتوح الكم كلكم بكل وقت .
:- ان شاءلله رحمه الله على امك خويه متقصر .
أيهم :- يله عيني كملتي .
جمانه: اي كمت .
ردنه نطلع كتله .
:- أيهم سمعت حسان ابن عمي ضارب سيارته ابو لوري بس الحمداله مابي شي .
أيهم :- يااا ساتر يارب .
:- تروح عليهم لان راح يلتحق باجر للدوام خاف منلحك عليه .
أيهم : يابه حمدالله على السلامة متشوفون شر ان شاءلله يارب .
حسان و هدى:- تسلمون رحمه الله والديكم زارتنه البركه كل الهله بيكم .
جمانه : وبيكم اكثر .
أيهم : شنو هل خبر يمعود .
حسان : اي والله ايهم شسوي نمرد كلبي على السياره مرد .
أيهم : اي والله حقك السياره عزيزه حيل بس اهم شي طلعت سلامات .
حسان : الحمدلله الرجال اخذها وراح يصلحها .
:- ان شاءلله صح تبين عليك من تبيعها بس شسوي قدر .
حسان : الحمدلله شنو وين جنتو .
كعدنه شويه وصاح أيهم .
:- يله يابه كومي .
:- وين يموعد ماصار نص ساعه من اجيتو .
:- لا والله اترخص حسان انت هم وراك دوام .
:- وين بعد وكت .
:- لا والله واني هم باجر عندي دوام تعرف صار يومين بالفاتحه اني مجاز ولازم اداوم باجر .
:- ان شاءلله ، الله وياكم كل الهله بيكم .
جمانه
:- طلعنه والطريق كله ايهم ساكت حسيت بي
ضاج من كلام طيبه طبينه للبيت وراح للغرفة واني والجهال بدلنه وقفلنه البيبان وكلمن راح نام بفراشه من نهار جان طويل ومتعب حيل اجيت يمه كتله .
حضنته واني العب بشعره بسرعه نام لعد اشكد تعبان خطيه ، كعدت افكر واكول ، والله ماتوقعت هيج تصرف وتوكف بفاتحه عمتي كانما انت ابنها اني كلت زوجه ابوه هسه يكول شعليه عدها اخوان واولاد اخوه واولاد اخت همه يقيمون بالفاتحه بس لا ايهم صدك ماكو مثل طيبه كلبه صدك فتخرت بي بالموقف الي سواه لاخواته ومن الكلام الي كاله الهن صدك حسيته سندك للكل الله يحفظك اليه ومادري شلون نمت لان بقيت افكر بطارق وامير حيل يحبون بيبيتهم ومتعلقين بيها الله يصبرهم على فراكها يارب
مرت الايام
وبقن البنات بيت عمتي وكل يوم اروح اني وايهم والجهال نشوفهم وطيبه كل معتاد من اشوف ايهم تسكت لو دير وجها على صفحه وصار يوم السابع وسووو الثواب والكل اجه من اقاربنه والتمو وكمل العشه وراحت الناس كلمن البيته واني صافنه سبحان الله جانت عمتي كاعده بالبيت هيه وطيبه وحتى قبل لا تجي يمها طيبه وحدها بالبيت ولا احد يزورها ابد من اولاد اخوتها هسه بالفاتحه الكل حضر واجه ليش من جانت عايشه مايوم ذكروها وزاروها الله يرحمه برحمته هذا حال الدنيا هيج صار
بس من يموت الشخص يصير عزيز ونذكره
خلصت السابع وراحن البنات كلمن البيتها وبيت عمتي قفلنا وزينه اخذت طيبه وياها يمها تعيش وامير حبيبي كل يوم يجي من المدرسه ضايج ومقهور حيل لان جان يخلي بايسكله يم بيبيته ويكعد يمها اشويه ومرات ادزه يوديلها شغله من
ابو ابو الاسواق وهم يمر يمها ، طارق صح يحبها بس امير حيل متعلق بيها كل يوم يمها هوه وحتى الجمعه يروح عليها ويايه ويجيني مدمع من المدرسه مالومه عليمن يطلع اني امه لسه ابجي عليها رغم شفت منغصات بحياتي وياهم بس والله احبها الحمدلله من طلعو جهالي عليه حنان وعلمتهم على الحنيه وطيبه الكلب وبقه ايهم يتواصل بالمبايل يدك على اخواته ويتفكدهن ويسأل عليهن وحده
وحده .
اجه يوم الاربعين واجني بنات عمتي وجابن المسواك وسون وجهزن عشه الاربعين واني وجهالي رحت من الصبح عليهن اساعدهن وهم عزمو الكل اجه على الثواب والي بقه توزع للجيران امير كل الطرف وزع الهم ماخله شي وثاني يوم رحنه للمقبره اني والبنات وكواكب وفرح وحفادها ورحنه زرنه قبرها وطارق وامير بالكوه جبتهم اشكد متاثرين على بيبيتهم مابجو على قبر ابوهم بكد قبر بيبيتهم بس من باوع على طارق وامير اكول هم اشافو من ابوهم ويبجون عليه طارق جان عمره 7سنوات وامير جان عمره 7اشهر مادري يعاتبو لو شنو مااعرف شجان احساسهم بوقتها
اني من وكفت على قبر بسام حسيت بعتب عليه وعتبي جان ليش وليش حرمتهم من كلمه يابه رغم ايهم صار اب وسند الهم وممقصر عليهم بس يستحون يكلوله يابه متعلمين عليه ويعرفو عمهم
امير داماً يكول حلوه كلمت يابه بس اخجل اكول العمو يابه فعلا هل كله الها الف الف معنى طبعا للي يعرف معنى الاب
رجعنه للبيت وبقن البنات للعصر وراحن واجه طارق وامير اعيونهم حمر دام ويبجون واجيت حضنتهم واعاتبهم .
دك ايهم على زينه وكال .
أيهم : ها رحتو .
" اي والله .
" ها الله وياكم ولتنسن زينه مو باب امجن انقفل
لا بيتي موجود الجن كلجن بااي وقت تجن علينه وتباتن يمنه لتكولن مادجن بعد احد ابد اني اخوجن وسند الجن .
" فدوه الكلبج ايهم والله متقصر انت ابد ندري بيك ان شاءلله نتواصل ونجي عليكم .
حجه وياهم شويه وسده باوع الطارق وكال .
:- ها يابه ها هسه ارتاحيتو سمعتو بنفسكم .
جمانه : ميخالف نبقه احنه احسن منهم كلماً يعمل باصله .
:- ونعم والله شعندي غيركم اني ، سمعو طارق امير انتو سندي بالدنيا اريد تعبي باجر يرجع اليه اريدكم اشيلون كبرتي انتو اني ربي مارزقني بولد بيها حكمه
هاي لان رزقني بيكم انتو ولدي .
طارق : ان شاءلله عمو سند الك احنه شعدنه غيرك انت ابونه والله العظيم ولو عايش ابويه ماتعب عينه بكدك وحبنه مثلك .
أمير : عمو نخليك على رسنه انت هم سند النه .
انتبهت على أيهم عيونه تلمع وفرحان بكلامهم
جيت كعدت بصفه وكتله
:- اشبيك حبيبي مدمع هذا حصاد تعبك الي تعبته عليهم .
ومرت الايام
علينه وايهم بقى يتواصل ويا اخواته قررن ياجرن بيت عمتي ليش يبقه فارغ البيت باسم زينه وساره حطته عمتي الهن حصصهن بس طيبه صرفت حصتها اخذتها من جانت عمتي موجوده ، اشترت سياره الزوجها وندعمت وباعوها وراحت افلوسها وماحصلت اي شي لا بيت ولا سياره ولا طفل يشيل كبرتها .
بعد فتره سمعنه طيبه راح ترجع من بيت زينه من كربلاء تريد اتاجر بيت بصف بيت اهلي وتعيش بي لان زوج زينه ماقابل تبقه يمهم كايللها عندج بعد اثنيت اخوات مو بس انتِ اختها وطيبه صعبه الطبع محد يتحمل اسلوبها تزعل وكل شي ميعجبها ومن تحجي صوتها عالي حيل وحتى زوج زينه كل يوم يكعد على صوته ونوب تتعارك ويا ولد زينه الصغار وتضربهم وهذا الرجال ضاج حيل هم حقه لان ابنه مريض خطيه عنده ضمور وهيه تضربه لو تتعارك
ويا ، اخر شي زينه كالت راح اطلع المجار واكعدي بيتنه واحنه كل شهر نجيج وننجمع يمج ماقبلت وكالت هذا البيت جبير ماريده لكت بيت بصف بيت
اهلي وصغير حيل بس غرفه وحده ومطبخ كافي عليها
اجني حطن غراضها وسحبن مولد الها وكعدت بالبيت ، صالح وامي كالو المفروض تكعد يم ايهم
مو اخوها وحجه صالح ويا ايهم وكله هاي اختك المفروض تجي تعيش يمك اخذه ليش تكعد وحدها زين هيه اصلن متحجي ويا ايهم اشلون تكعد يمه كاعدين واجه كال .
أيهم : جمانه .
:- ها حبيبي .
:- شتكولين هم تمانعين اذا جبت طيبه يمنه تعيش .
:- شنو ليش شكو .
:- جمانه اني اخوها وميصير تبقه عايشه وحدها .
ماعرف شصار بيه اني احبها الطيبه بس مينعاش وياها اعرفها اكثر من 12 سنه اني وياها شفت ضيم كتله .
:- لا لا ايهم فدوه اني ماكدر اعيش ويا طيبه ابد ماكدر ، بعدين هيه اصلن متحجي وياك نسيت طيبه اشسوت ولسه متريد تحجي وياك لان منعتها من الطلعه والطبه حتى بعمليتها مارادتك .
:- هذا هوه عوفيها عايشه وحدها .
وصدك كعدت طيبه وحدها بالبيت ورحنه زرناها وخابرتني زينه تشكي.
زينه
" والله العظيم ياجمانه متعرفين شسوت بينه
كل وقتها تتعارك ويا ابني المريض ونوب تضربه
لو كل نهار معليه صوت المبايل وبناتي ضاجن حيل من اسلوبها وياهن متخليهن يباوعن براحه لو تحجي بالمبايل كدام بناتي ويسمعنها واجني حجلي ومن احاسبها تكلي من المبايل تكلي وشعليكم بيه واخر شي ختمتها كامت اطفي السبلت وتكللهن بارده
وهنه ميتات حر .
جمانه
" حقج والله اني اكثر وحده تعرف سوالف طيبه .
ختمت الاتصال وياها وسديته منها وكمت كلما اروح على اهلي امر على طيبه نكعد يمها اشويه ومرات الكاها يم امي تكعد عصريه بس اول يوم من نزلت راح طارق بات لليله يمها وامير لليله ورجعو وكامت تقفل الباب من جوه عليها وتنام وبعد فتره قررت تنزع الاسواد على عمتي وكالت اني مريضه وطلعت من عمليه صعبه ماريد البس اسود وراحت نزعته وصبغت شعرها وحفت ولبست الوان ومحد اعترض عليها لان صدك طيبه عدها اشلون الحاله النفسيه
محد يعتب عليها
اني قاريه تقريرها الطبي مال ذوي الاحتياجات
طيبه عدها نسبه ضمور بعقلها لهذا السبب محد يزعل منها عافوها براحتها
كاعده اطبخ ودكت عليه
نور
" ها ماما .
" ها حبيبتي شو ماكو شوكت تجين علينه.
نور
" ان شاء الله بعد كم يوم اجي عليكم قبل لا اطب بشهري .
اني قبل فتره اشتريت النور جربايه طفل ام الكنتور وبيها مجرات ودوشك ومصدات وناموسيه وعربانه لطفل تخلي بيها جهزتها هواي شغلات حتى نواعم جبت الها و ، عمتها كالت اني اجيب ملابس هيه جهزتها قصص ماي هوبس ملابس واني جهزتها هذني كلتلها هاي هديتي وطارق جانت هديته غساله هيتاشي الصغيره الملابس ، قررو يسمون الطفله فاطمه
ولدت نور بسلامه واني من اول ماجتي الطفله
لقبتها فوفه لان اسمها جبير .
ومرت الايام
كاعده اجه أيهم وكال
ايهم : جمانه راح تطلع اجازتي السنويه ال 15يوم اريد اروح لسليمانيه اغير جو ويا ولد عمي .
جمانه : هااا استاذ ايهم صاره بيها شباب .
روزه : اي بابا ليش عود متاخذنه وياك بله بس انت
تريد تروح .
واكفه متخصره الابوها وتحجي ضحك عليها وكال .
:- سبحان الله اذا امج تسكت انتِ تحجين بدالها مو .
روزه : اي اريد اروح وياك اني .
:- وين بابا ميصير راح اروح روحه شبابيه ميصير تروحين ويايه وبعدين ومدرستج ست روزه شلون .
روز : اي اخذي اجازه واجي .
:- لا ممنوع .
:- اففف ليش بابا .
:- كافي روزه مينطوج اجازه بنتي ميصير عود غير مره اخذج .
سكتت روزه بس ماعرف ليش هل مره هيج تمسكت بابوها وضلت مقهوره لان مراح مقبل ياخذها راح
أيهم واحس روحي راحت ويا اني هم مثل روزه ماعرف افاركه ومدري شبيه هل مره مرتاحيت الروحته رغم هاي مو اول مره يروح ومياخذنه
كمت انضف البيت ومندمجه بصوره البقرة عالكتها
بالمبايل فززني دكت المبايل ........
