رواية فصلية بديلة الفصل الخامس والثلاثون 35 بقلم ام ملكوت

.

.

شهم_ 

كملنه عشه والبنات اخذن الصحون وسماء بعدهه تحاول تخلي ينام ..

شويه وكامت ورحت وراهه للمطبخ مالكيتهه سالت البنات وكللي بالحديقه طلعت خليت وطلعت وراهه وجان اشوفهه...

سماء_

كلش تعبني اليوم الطفل وصاير يبجي هواي ماعرفت شلون اسكته لا غده تغديت مثل الاوادم لا عشه بس يبجي وانه منا احس روحي طالعه مدري شبيه جسمي نحلان وارجف ..

خلصنه عشه وكمت اخذته وطلعت بالحديقه بقيت اهز بي ودموعي تنزل مادري من التعب مادري من الضوجه مادري من اشتياقي لاهلي ومدرستي وصديقاتي كلهه التمت علي بقيت واكفه ودموعي تنزل سكته ماحس الا وكف بصفي شهم فزيت عبالي مدري منو وكف يمي..

سماء_

كلش تعبني اليوم الطفل وصاير يبجي هواي ماعرفت شلون اسكته لا غده تغديت مثل الاوادم لا عشه بس يبجي وانه منا احس روحي طالعه مدري شبيه جسمي نحلان وارجف ..

خلصنه عشه وكمت اخذته وطلعت بالحديقه بقيت اهز بي ودموعي تنزل مادري من التعب مادري من الضوجه مادري من اشتياقي لاهلي ومدرستي وصديقاتي كلهه التمت علي بقيت واكفه ودموعي تنزل سكته ماحس الا وكف بصفي شهم فزيت عبالي مدري منو وكف يمي..

شهم: اسم الله ..ليش طالعه هنا

سماء: هسه داخله ..

ردت اروح ولزم ايدي ورجعني وكفني يمه اني والطفل..

شهم: ماسالتج حتى تدخلين سالتج حتى تجاوبيني..

سماء: بخوف.. هيج طلعت لان اختنكت بالبيت

شهم: وسبب دموعج شنو

سماء: لا تهتم هيج ضايجه

شهم: ضايجه لو انشلع قلبج من ابني وتردين تعوفي..

سماء: لااا بجيت لان ماعرف شسويله ويسكت احتاريت اخر شي كمت ابجي وياه تعبني اليوم مو راضي يسكت ..

شهم: اشو انطينيا..تعال وليدي تعال ليش ويه امك ليش تعبهه هاا ..

اذا انت العاقل الفاهم هيج سويت بامك شخليت للوكحين لعد..

سماء_ من حجه هيج ماتحملت وضحكت عليه..وكان واكف يحجي ويه رجال كباله ...عههههه

شهم: تضحكين فوك ما اعاتبه الج

سماء: هههه لا اسفه بس كاعد تحجي عبالك ويه ابنك الجبير..

شهم: ههه جا شسوي رغم عندي طفلين من قبل بس هاي اول مره اهتم بطفل من اطفالي هيج لان بعمري ماماسكهم ومحاول اسكتهم 

صح جنت العبهم واطلعهم بس بعمري ماشفتهم يبجون عندي واذا بجو امهم الله يرحمهه تسكتهم بسرعه..

حجيت هيج وشفتهه ضاجت ودمعتهه صار بعينهه ..

سماء_ من كلي هيج ضجت نزلت راسي ودمعتي بعيني ليش مو مثل باقي النسوان انه ماعرف حتى اسكتلي طفل شلون بالمستقبل راح اربي لعد ..

.لحضه شوف انه يامستقبل كاعد افكر بي ليش هوه انه باقيه وياه للابد حتى اربي..

لمن استوعبت فكره ان راح اروح بعد شهرين اختنكت

رفعت راسي باوعت لطفلي شلون يباوعلي ببرائه خليت واخذته بسرعه من ايد ابوه وخليته على صدري وحضنته

تمنيت ارجعه لبطني ويروح وياي تمنيت لو بيدي واكدر ابقى وياه العمر كله ..

بقيت حاضنته واشم عطره وابوس براسه ووجهه بلهفه ..

رفعت راسي لاحضت شهم يباوعلي ومبتسم والدمعه تلمع من عينه خليت ورجعت باوعت لطفلي وكتله..

شهم_ 

بقيت صافن عليهه ومستغرب شلون اخذته من ايدي وصارت تحضن بي وتشمه وكانهه تريد تشبع منه قبل لا تروح

للحضه فكرت بحال ابني من دونهه شلون راح يكون اختنكت ودمعتي لمعت بعيني ..

رفعت راسهه لاحضتني ورجعت باوعت للطفل وكالتلي..

سماء: رايحه انوم الطفل محتاج شي..

شهم: بصوت مخنوك..لا سلامتج ..

خلت وراحت واني بقيت صافن بالسما وبقلبي ادعي ربي يحنن قلبهه على طفلهه ويخليهه تتراجع عن قرارهه..

سماء: دخلت للغرفه وكعدت رضعت ابني وخلصت ونومته يمي واني ودموعي تهل شلال عليه شلون راح افاركه شلون راح ابتعد عنه واعيش حياتي ..

اني جبيره وماتحملت فراك امي عني سنه شحال هل طفل الترف شلون راح يتحمل يعيش عمره كله بدون ام تحن عليه وتعتني بي .. 

بقيت ابجي وابجي واطحن بروحي قهر لحدما راسي كضني صداع موتني ..

كمت من الجربايه واحس بدوخه كوه امشي رحت للمطبخ اشرب ماي دخلت وشفت شهم كاعد كبالي.. 

نزلت بجسمي بروده مو طبيعيه من رجلي وصولا لراسي غوشت عيوني وخدر جسمي بقيت واكفه وكوه نطقت وكلت بصوت ناصي ..

_شهمممم..كلت اسمه وفقدت ماحسيت شي بعد..

شهم_التفتت وشفتهه طاحت على الارض كمت بسرعه الهه خليتهه على رجلي وصرت اكعد بيهه ماتكعد ووجهه اصفر وتعبان صحت بصوت فزز كل العائله..

_سمررر سحررر 

شويه واجت كلهه تركضلي ..

هدى: شبيهه البنيه خويه شبيهه

شهم: مادري جيبلهه شال عبايه بسرعه..

راحت سمر جابت العبايه لفيتهه بيهه وشلتهه للسياره 

واجه ويانه باقر هوه يسوق واني كاعد وره وهيه بحضني احاول اكعدهه ماكو ولا حركه..

كلش خفت عليهه ماريدهه تروح من ايدي احبهه وماكدر اتخلى عنهه مو بيدي حبي الهه رب العالمين زرعه بداخلي 

ماتحمل يصير بيهه شي خليهه تنفصل عني وتروح بطريقهه بس كون مايصير بيهه شي او تحزن بيوم..

شويه ووصلنه نزلناهه للطوارئ اخذو دم منهه للتحاليل وعلكولهه مغذي نص ساعه وطلعت تحاليلهه واجه الدكتور..

دكتور سعيد: السلام عليكم

شهم وباقر: وعليكم السلام دكتور

سعيد: طلعت تحاليل زوجتك وتبين ان بيهه ابو صفار وفقر دم هم لازم نحوللهه دم حالا وانشالله منا لباجر هيه تكعد ..

وانطيكم جدول بالاغذيه الممنوع تاكلهه ..

شهم: ماشي شكرا الك دكتور

سعيد: لا العفو واجبي..بس شوفلي اقاربك على دم زمره (AB-) ..

شهم: اي دكتور اني تكدر تاخذ مني..

خليت ورحت ويه الدكتور حللو نسبه دمي وطلع زايد وسحبو مني دم شويه وطلعت جابلي باقر عصير طبيعي من خارج المستشفى شربته وراحت الدوخه مني ..

حولتهه لغرفه عاديه وعلكولهه الدم وبقينه يمهه ننتظر واني كاعد يمهه على الكرسي وانتظر منا للفجر واني على هاي كعدتي..

2 تع

باقر: خويه كوم نام على القنفه يمي مايصير تبقى هيج تتعب..

شهم: لا خويه خليني مرتاح بمكاني.. 

انت روح للبيت عندك دوام عل اقل تلحك تناملك جم ساعه..

باقر: يله ماشي رايح اني واي شي تحتاجه خابرني اجيك ماشي ..يله مع السلامه

شهم: تسلم خويه الله وياك

بقيت كاعد ومنتظر بس ضهري صار ياذيني خليت وقربت القنفه يم الجربايه شويه ..

خليت ونمت عليهه وغفيت بسرعه..ماكعد الا على صوتهه..

سماء_فتحت عيوني على اضويه وحايط ابيض ..

التفتت وشفت شهم نايم على القنفه ..

حسيت بشي نزل من صدري اجه بالي طفلي خليت وتقربت كوه دوخه موتتني صرت اهزه من ايده واصيحه..

_شهم شهم اكعد

شهم: بفزه..ها ها بيج شي سماء اني يمج لا تخافين حاسه بشي

سماء: احسن بس الدوخه شويه بعدهه

شهم: اي طبيعي لان توه كعدتي ..

سماء: مابيه شي رجعني للبيت اريد ابني..

شهم: اي رايح اكول للدكتور لا تتحركين من مكانج..

طلعت من الغرفه واني قلبي بين المرتاح والخايف ..

من جهه ارتاحيت لان شفت لهفتهه وحنيتهه عليه بس خايف ان هل حب واللهفه ماتكدر تمنعهه عن الروحه ..

الله يهدي قلبهه يارب..

رحت للدكتور وكتلهه راح اطلعهه كتبلي الجدول الحجه عليه ورجعت للغرفه كعدت باقر يرجع للبيت قبلنه واجيت سندتهه وطلعنه ركبتهه بالسياره

ورجعنه للبيت وجان الجو كلش حلو بين الليل والفجر والشوارع فارغه ..

شفتهه فتحت الجامه وضل الهوى يلعب بوجهه وهيه فرحانه بي..

وصلنه للبيت ولاكونه امي والبنات والطفل بحضن هدى.. 

راحت سماء بسرعه اخذته من حضنهه وخلته على صدرهه وحضنته..

الشيخه: شلون صرتي يمه..

سماء: ها يمه الحمدلله هسه صرت احسن

الشيخه: اي كالنه باقر على نتائج تحاليلج..

تصدكين لو اكلج طفلج جان حاس بيج..

شهم: شلون يعني

الشيخه: وليدي ..مثل ما الام تحس بطفلهه من يريد يصير بي شي الطفل هم نفس الشي يحس بامه لمن يحس ان راح يصير بيهه شي ..

لهذا السبب ابنك امس كله يبجي ومايريد بس حضن امه ..

سماء: يمه وليدي ..حبيبي تحس بامك ولك يبعد طوايف امك وكل ناسهه واهلهه ..يمووووي افيش ياريحه الجنه..

7 ت

شهم_ ياربي انت تشوف وتسمع وتعرف مابالقلوب .. 

ربي لا تحرمني من شوفتهم سويه..

الفصل السادس والثلاثون من هنا