رواية تحت ظل السعف الفصل السادس والثلاثون بقلم ميار
::سهم الغريب يهون حدر الجلد نام بس الحجي من اعزاز يوصل للعظام.
ـــــــــــــــــــــــــ♕ـــــــــــــــــــــــ
ريام:: رفعت راسها دحك بالوجوه وشفايفها ترجف مسحت وجهه من الدموع وبدأت تحجي
انشگ گلبي ياريت ما حجت...
نسرين:: گبل وفاة خالد حمدان جيه على جاسم
بالليل وظل يحجي على خالد وگاله خالد وين ما يكعد يحجي عليك ويهينك بالمجالس ويا طاردينه
ويا ماكلين حگه ظل يحش براس جاسم وانتو درون
جاسم سريع يندفع جاسم حار ششيسوي عاد حمدان گاله دز حارث على خالد بحجة تريد تراضي
وترجعه للقريه
جهاد:: يعنيي جااسم وحمدان هم الي كتلوو
خالي خالد وحاررث؟.
-عاط بيها جاسم واني عيني عليها تمنيت ما تكمل
زمخ عمي احمد بجهاد حتى يخلونها تكمل
احمد:: جهاااد اكعد خلي نفتهم كملي ام عمر
-دارت عيونها على الكل تصرفاتها غريبه سحبت نفس وكملت....
نسرين: جاسم ما اله دخل بگتل خالد
محمد:: دوهنتينه نسرين شو جبينها مناي لطشيها
مناي
نسرين:: اكملك حمدان گاله دز حارث على خالد
جيبه للقريه بحجة ترضي وانت جدام الكل هينه
وطرده عامله مثل ما عاملك وظل يحجي براسه
لحد ما اقتنع وهو صبح الصباح دز على حارث وظل
يقنع بي لان اقتنع وراح العصر حارث حتى تصير الكعده بيوم الثاني وصدك ثاني يوم جيه خالد وبعد
انتو تدرون بالصار ويسوه جاسم بخالد
جهاد:: يعني تريدين تقنعيني دزيتي علينه بس حتى تحجي هذا الحجي
نسرين:: لا وره فترة جاسم راح يتعلل يم حاكم
وصدفه سامعهم يحجون واگف على صفحة وسامعهم شلون واحد يهدد الثاني يفتنون منو
الكاتل حارث وجافت عليهم ومهددهم بجحة يشتكي عليهم وعايفهم وطالع وماكو الفجر حمدان
بالختله جيه عليه وانجمعو وره المضيف يقنعون بي
وجاسم ما رضى بالبدايه بس همه عرفو نقطة ضعف
جاسم گالوله ننطيك فصل وحمدان گاله ارجع الاملاك الي ابوي انطاهن لخالد الك وصدك ثاني
يوم حاكم جاب 12 مليون وانطاهن لجاسم وظل
جاسم كل ما يحتاج هددهم واخذ منهم مبلغ
وحتى حمدان من رجع للقريه انطاه فلوس وگاله
ابنه غسان راح يرجع الكياعين والمعمل الثلج بأسمك وصدك قنع امه ورجع حمدان
جهاد:: يعنييي جاااسم باايع دم اخوووي
فرات:: بس على كيفك جهاد
جهاد:: شصبرر ولكك يبيع دمم اخووووه تدري شنو أكثر شي يكسر الگلب خالي خالد ما جان يتخيل يجي يوم يصير المال أغلى من ودمه اخ ويساااوم جتال اخوووه على حساااب دمه اخخخ يا هضيمك يااا خالييي وحق الحقق اذا ما اجهولهم واشووفهمم الضيممم ما اتسمى جهادد
احمد:؛ اكعد جهاد
ريام:: جهاد ظل صافن بابوه واني ما اعرف شحجي
ننعل ابو الكياعين لابو حظها اخ يبيع دم اخوه لاجل
الفلوس نااررر وشابع بصدري اي والله يهضيمتك
يا يابه دموعي تجري بدون ما احس صافنه شحجي
وشگول رفعت راسي من نسرين كامت وتمشي
بلا وعي طلعت ولحكها عماد هوسه وصياح جهاد
تالي عاط بي ابوه وسكته.
احمد:: مو بالتهور اصبرو الله جابهم ورجعو التمو
واليوم من الصبح خابرني ابن ماجد ابوه صاحي
اسمعو زين وحق هو الحق باجر رايح لماجد وغسان
ومحمد وياي نسمع منه وبس غسان ياخذ افاته
اريدكم ولدي حاضرين حاكم وحميد ما اريدهم بالقريه ريحه الهم بالديره ما اريدد خووش
معاذ:: عيونه الك يابه تأمر انت
احمد:: بس ما تتحركون بدون علمي ويلا گوم
جهاد اخذ مرتك وروحو للبيت مرتك تعبانه
ريام:
كومني جهاد، واني صافنة بفراغ ما أشوف غير السواد. أحس گلبي يوجعني، مو وجع عادي... جمره موجره بنص صدري، كل ما أتنفس تحرگني أكثر.
طلعنا، والمطر الخفيف يدگوعلى بالگاع صعدني بالسيارة، وجهاد حاله مو أحسن من حالي، بس هو ضم وجعه بعصبية. كسرنا والسيارة ترج رج وصلنا للبيت، نزلني وراح بدون كلمة.
ظليت واكفة وحدي، وعيني ضايعة بالگيعان.
أبوي...
أبوي ينهان، وينضرب، وينباع دمه لخاطر كاع... لخاطر فلوس.
مشيت بسد الحايط، و صار گبالي ظهر مضيف جاسم. بنفس اللحظة رجع الحلم لعقلي كله. من شفت الزلم الواكفين وراه، تجمدت بمكاني.
احس شفت أبوي گدامي...
مو صدگ، بس خيالي جاب الصورة كلها.
تخيلتهم شلون واكفين عليه، شلون يساهمون على دمه، شلون يتفرجون عليه وجاسم يهين بي جدامهم
كل صورة وحشة مرت ببالي بهاليوم رجعت دفعة وحدة.
كامت الدنيا تفتر بيّه.
ما تحملت.
ركضت للبيت ركض.
طبيت للبيت، تلكيني البنات متجمعات يريدن يفتهمن شصاير، يريدن يسمعن أي كلمة.
بس أني ما گدرت أحچي.
دفعتهن وطبيت للغرفة وقفلت الباب.
وگعدت أملخ بروحي.
دموعي تنزل غصب، وأنفاسي تتقطع، وصوتي مخنوك
يا ناس...
أبوي هذا...
أبوي.
كعدت يم الباب، ظهري عليه واحس سجاجين بگلبي
دموعي تجري كل ما أمسحهن ينزلن أكثر.وعقلي يعيد نفس المشهد ألف مرة.
وجه أبوي...
صوته...
ضحكته...
حتى سوالفه البسيطة جانت تمر گدام عيني وحدة ورا الثانية.
شلون صار هيچ؟
شلون ابوي اللي عمره ما رد محتاج لأحد، يوصل بيه الحال اكعد گبال چتالته وما اكدر اسوي شي ؟
عضيت على إيدي حتى أمنع صوت بجيتي يطلع، بس الغصة جانت أكبر مني.
رفعت راسي للسگف أدور جواب ما موجود.
يا رب...
بس هاي الكلمة الگيتها صافنه بالسگف وصوت البنات يدكن بالباب بس اني بخاي اللحظه ما اريد
احد ظليت مدري شكد على هاي الحاله واحس
صار عندي ألم ابطني موتني سجاجين وتملخ بطني
وصوت جهاد بالجول اريد اسند نفسي واگوم ما اكدر
ألم فضيع احس الطفل راح ينزل گوه رفعت نفسي
وادحك على نفسي سابحه بالدم فوك الألم كتلني
الخوف صاحت بكل صوتي..
-جهاااااد
على صوتي اسمعهم ملتمين كلهم يدكون بالباب
واني النزيف شالني اخذ روحي من ألم وخوف گوه
سندت نفسي وفتحت الباب ولان جنت وره الباب
گوه حركت روحي طب جهاد مصدوم من شاف
حالتي واني احس روحي راح اموت وجع عجيب
واحير من شنو اصرخ من وجع ظهري لو بطني
وفضحت الامه بالعياط ما اتحمل جهاد والبنات
حايرين بيه ويريدني بس اكوم واني اخاف اكوم
وكع الطفل دنك عليه جهاد وكوه شالني وتبارك
تركض ورانه بس ذبت العبايه عليه وطلع يركض
بيه للسياره واني عاصره ايده بقوه بس نزلني بالسياره ركض صعد حتى يسوق واني احس تملخت
بطني ابجي ومروى طلعت جايه ويانه خطيه تمسح
بوجهي بين ما وصلت المستشفى اني شفت الموت
ويا ما نزل جهاد وجاني احس فقدت كل قوتي بعد
ما حسيت على روحي......
مروى:: بس وصلنا للمستشفى، جان راس ريام بحضني. تخبلت من شفتها، وجهها مصفر ، وعينها مغمضة وكأنها فقدت الوعي جهاد چانت إيديه ترجف بشكل يخوف، بس كوه تمالك نفسه. فتح الباب بسرعة، شالها بين إيديه وطلع يركض بيها للداخل. نزلت من السيارة ولحكتهم واني أحس روحي رايحة من الخوف.من وصلت، لكيت الممرضين مستلمينها من جهاد وحاطيها على السدّية، وراحوا يركضون بيها بالممر. ركضنه وراهم كلنا، لا نحس بطول الطريق ولا بالناس اللي حوالينا، بس عيونه على ريام دخلوها للصالة بسرعة، وانسد الباب بوجهنا بهاللحظة حسيت الدنيا كلها وكفت بعينه، وما بقى غير صوت أنفاسنا المتقطعة والخوف اللي ياكل بگلوبنا دقائق وطلعت الدكتورة وكفت يم جهاد تستفسر عن حالتها، وجهاد گام يحجيلها عن وضع ريام. صوته رايح من الخوف والتوتر، وكل كلمة يگولها يسحب نفس، وهو يحاول يشرح شصار بيها من أول ما بدأ النزيف لحد ما وصلنا للمستشفى.
هزت راسها الدكتوره وگالتله
الدكتورة:: عدها ولادة مبكرة، وحتى تكون على علم... ما أكدر أنطيك أمل بالطفل هسه. أني راح أدخل، وانت كمل الإجراءات روح ويا سيف.
جهاد:: أهم شي ريام دكتورة... أني أثق بيج.
الدكتورة:: الله كريم، والله أسوي كل اللي عليه والباقي على الله. ادعولها.
مروى:: عافتنه وطبت للداخل، وراح جهاد ويا الممرض. كلهم يعرفونه بالمستشفى لأن أصدقاءه هناك.
ظليت وحدي بالممر، والخوف ياكل بگلبي أكل. فجأة فز گلبي على صوت صريخ ريام من داخل. يمّه... أخذت روحي. حسيت رجلي ما عادت تشيلني.
درت وجهي بسرعة، ولگيت عمتي آمنة جاية وكوه تمشي من الخوف، وفاطمة سبقتها. وجهه أصفر، وعيونها حمرّة من البچي.
ما صدگت من شفتهم.
ركضت لفاطمة وحضنتها، وانفجرت أبچي. گلبي وجعني عليها . وخرتني منها وهي تحاول تعرف شصاير.
فاطمة:: بشري ولج... هذا شنو الصوت شبيها ريام؟
مروى:: الدكتورة تكول ولادة مبكرة... مدري شنو بالضبط.
بمجرد ما سمعت عمتي آمنة، ضربت على صدرها بيدها وشهكت شهكة كسرت الگلـب.
امنه:: ولج يمّه... بعدها بالسابع شتجيب؟ سودة بوجهي! انوب تلوعت، شوفوا شگاعد يصير بيها!
مروى:: كعدت على الكرسي وهي ترجف، حاطة إيدها على راسها وتردد الأدعية والدموع تنزل على خدودها فاطمة رغم خوفها، ظلت تطالع باب الصالة. عيونها معلقة هناك، وكأنها تنتظر أحد يطلع ويطمنه
فاطمه::من وصلنا واحنه گلوبنا نار وانمرد گلبي من
شفت جهاد جيه وكف يمنه روحه رايحه حتى ما كدر
يظل واكف كعد وايديه يرجف والسانه يلهج بنفس الدعاء
رَبَّهُ أَنِّي مَسَّنِيَ الضُّرُّ وَأَنتَ أَرْحَمُ الرَّاحِمِينَ
فاطمه:: من سمعناها كلنه صرنا ندعي بنفس الدعاء
عبرة النص ساعه وماكو خبر انريد بس وحده تطلع
اطمنه ماكو والزاد خوفنا من انكطع صوت ريام
عشره دقايق وفزينه كلنه من طلعت ممرضه وبيده
الطفل لافته وتركض بيه راح معاذ وراها واحنه
ظلينه عينه على باب الصاله والخوف كتلنه
مروى:: يا رب دخيلك طمنه عليها...
حامد:: لا تبچين مروى، إن شاء الله تطلع بخير.
-هزت راسها وعيونه منفخات درت وجهي على جهاد
ظل واقف يم الباب، عيونه ما فارگت الصاله ، لا حجه ولا تحرك، بس يضغط ايده على راسه وكل شويه يرفع عينه للباب مرت خمس دقايق حسيناها خمس ساعات فزينه من انفتح الباب وطلعت الدكتوره، وملامحها تعبانة وركض جهاد عليها قبل الكل.
جهاد:: ريام شلونها دكتوره؟
الدكتوره:: الحمد لله... الأم بخير
فاطمه:: بنفس اللحظه حمل وانزاح من صدورنه.جهاد غمض عينه ويردد بصوت مخنوك:
جهاد:: الحمد لله... الحمد لله يا رب.
-بس الدكتوره من كملت حچيها وملامحها ابد ما اطمن رجع الخوف بگلوبنه مره ثانيه من گالت
الدكتوره:: بس وضع الطفل يحتاج متابعه بالخدج، الولاده جانت مبكره وتأثر شويه بالتنفس
جهاد:: يعني شنو دكتوره؟
الدكتوره:: يعني يحتاج عنايه ومراقبه وبعد انت تعرف جهاد الطفل سبيعي يحتاج عنايه بين ما يكمل الشهرين و لا تستعجلون بالحكم، هسه أهم شي الأم عدنه بخير والطفل تحت رعايتنه، وندعي الله يعديها على خير الحمدلله على سلامتهم
-هز راسه جهاد ومسح وجهه وفرات وكف يمه
صد عليه وگال
جهاد:: الحمد لله... ريام بخير، هذا أهم شي فرات
فرات:: الحمد لله يا أخويه يتربه بعزكم ان شاءالله والحمد لله على سلامة ام جود
ولو جنه نريد مره لعلاوي بس يلا الحمدلله جاه
اخ
فاطمه:: ابتسم هز راسه وعينه على باب العمليات.
جهاد:: أريد أشوفها... بس أشوفها وأتطمن عليها گلبي ما يرتاح اذا ما اشوفها
وسام:: كول يا الله خويا شويه ويطلعوها، اصبر.
فاطمه:: بنفس اللحظة انفتح الباب مره ثانيه وطلعت ممرضه والتفتنه كلنه عليها ركضت عليها احاجيها
-هاا دكتوره اكدر انفوت انشوفها
الممرضه:: اي اكيد تفضلو والحمد لله على
سلامتها.
فاطمه:: الله يسلمج عيني
-طبينه للغرفه وريام سوده عليّ وجهه شاحب وتعبانه، بس عيونها مفتوحات تدور بين الوجوه.
أول ما شافت جهاد عيونها صارت عليه وجهاد ركض إلها بدون شعور وگف يم السرير يحاجيها
جهاد:: ريام...
- ادحك عليها حاولت تحچي، بس ما طلع منها أي صوت تعبانه وهو وجهه اختنگ مسح وجهه ومد إيده وضم إيدها بين اديه ورفعها باسها وهي ابتسمت إله ابتسامه خفيفه، ودموعها
فاطمة:: نزلت الدمعة على خدها، تدنت عمتي يمها وباستها من راسها و تحاجيها بهدوء وتطمنه. أني ومروى وكفنه يم السرير، والولد بقوا بره وما دخلو.
ولليل، المستشفى امتلت بأهلنا. كلهم اجو يطمنون على ريام. أبوي فرحته ما تنوصف بأبن ابنه الجبير
وبسلامة ريام والبنات گعدن يسولفن وياها ويحاولن يغيرن جوها، بس ريام چانت بعالم ثاني. لا تسمع سوالفهن ولا تركز ويّاهن، كل بالها يم ابنها الصغير.
اللي لهسه ما مقتنعين على اسم، وكل واحد يجي يقترح اسم وتحولت السالفة لنقاش وضحك بين الكل شويه مشن البنات، وانتبهت على مهى. ما عجبتني، ووجهه چان غريب. مدري حزن. مدري مستحيه . عبالك ضامه شي أو متوترة من شي.
بقيت أدحك عليها وأحاول أفهم شبيها، بس ما لحكت أحچي وياها. كلشي صار بسرعة، وگلت بيني وبين نفسي: يلا من أرجع للبيت أحچي وياها وأفهم شبيها بعد ما مشوا الكل واحد ورا الثاني، وبقينه بس أني وعمتي وجهاد وجهاد هسه يلا بينت عليه الراحة بعد الخوف والتوتر العاشه، بس مدري... يمكن إحساس، ويمكن صدگ.أكو شي مو طبيعي.
وضعهم مايعجب كل ما ادحك على جهاد وريام أحس أكو شي ضامينه . مو بيناتهم زعل، لا... بس أكو شي نظراهتهم وجهاد مدري يهدي ريام ساعه اكول
يجوز من خوفهم على ابنهم ساعه اكول لا اكو شي ثاني لان حتى أبوي، رغم فرحته الجبيرة، أكثر من مرة شفته يدحك بالوجوه ، اكو شي ضامه بگلبه.
كلهم حتى خالي والولد وضعهم غريب شگالتلهم
نسرين......
مهى:: من حجالي عماد، والله جنت ما مصدگة. كلت مستحيل... معقولة أخ يسوي هيچ بأخوه؟
وأبوي... أخخ من أبوي.
والله جنت متوقعة منه كلشي بالدنيا، بس مو لدرجة يبيع دم أخوه. مو لدرجة يعرف الحقيقة ويسكت، ويتستر على چتاله بس لخاطر الفلوس.
سنين واحنه من جهاد يتهم ابوي انصير مثل السيف وعود نرفع راسنه بأبونه وبالأخير يطلع هذا كله وراه هيچ سواد لو بس اعرف شحصله من وره الفلوس
شلون نگدر نرفع عيونه بعين بيت عمي أحمد؟
شلون أگابل ريام يا سواد وجهه من عمي محمد
نار وشابه بصدر والله على عمه عيوني رحت ويا
البنات على ريام استحي احط عيني بعيونهم حتى
أخوتي متفشلين بس رجعنا لكينه امي نايمه وضعها
ما يعجب لا ترضه تروح لدكتور وبس نايمه وخوفتني
من شفايفها مزركه توسل بيها فرات بس يقيس ضغطها ما قبلت سويت عشه والولد اكلو كوه وطلعو واني نظفت البيت ونومت علاوي وكعدت بالهول ادرس فزيت على دكت الباب دحكت على امي چانت بغير عالم. لفّيت شالي وطلعت، والهوى البارد يكص الوجه. وگفت ورا الباب وصحت:
منووو؟
معاذ:: أني.
مهى:: أول ما سمعت صوته فتحت الباب بسرعة، بس من الخجل ظليت وراه وما بينت نفسي عدل.
معاذ:: نعل على صفحة عمر خوش ورطة.
مهى:: يابه شكد غثني! گبل وخرت وصرت گباله وحجيت.
-ليش تحچي عليه شمسويلك
هو ولا يمه، بس ابتسم وحك راسه، وعينه بعيني.
معاذ:: حارميني من عيونج.
مهى:: شتريد معاذ؟
معاذ:: أريدج... يروح الروح.
مهى:: خجلت، ودنكت راسي، والضحكة غصب انرسمت على وجهي. والله ما عرفت شحجي. أحس لساني انعگد. أحنا وين وهو وين لزمت الباب بإيدي وبقيت ساكتة، وهو شافها فرصة ولكاها.
معاذ:: مهى.
همم
معاذ:: أحبج.
مدري شلون لا ارداياً طلعت مني
مهى:: يمّه
حسيت گلبي نكز نكزة رفعت راسي بسرعة وفتحت عيوني عليه، وهو دحك على ردّة فعلي وضحك
بس أني فتجمدت بمكاني وبنفس اللحظة،
شفت أبوي ومرته واگفين باب بيتنا وبس شاف
معاذ جيه يمشي سريع الدم نشف بعروقي.
بدون ما أستوعب شصار، سديت الباب بسرعة ووكفت وراه أتنفس بصعوبة. الخوف أكلني. خفت أبوي يسوي مصيبة أو تصير مشكلة إلها أول وما الها تالي.
ظلّيت وگفة مكاني، لا أگدر أتحرك ولا أگدر أفتح الباب، بس أسمع الحچي اللي جاي يصير برّه.
جاسم:: شتسوي ولك ويا بنتي؟ انت ما تستحي؟
معاذ:: هههههه، لا خليت المستحه للما عنده.
سكت لحظة، وبعدين گال بثقة:
معاذ:: وخاف ما تدري؟ وحتى تعرف زين... مهى مرتي.
جاسم:: انجب! انجب! ما إلك مرة يمنه. هذوله يحچون بكيفهم. بنتي أني منطيها لابن حاكم.
معاذ تغيرت نبرة صوته،وحجه بحده
معاذ:: شتخرط انت؟ جاي أكلك مرتي، عاقدين احنه.
وبعدين كال بنبرة غضب
معاذ:: شوف، تره متحمل عليك... والله أدفنك بمكانك.
جاسم:: احترررم!
ارتفع صوت أبوي أكثر وهو معصب ظليت ادعي بلجي واحد من الولد يجون عصرني گلبي من ابوي سب معاذ
جاسم:: والله لأنعل والديك!
مهى:: حسيت الدنيا كلها تدور بيه. إيدي بقت على يدة الباب، وجسمي كله يرجف من الخوف.
ما تحملت.فتحت الباب شويّة حتى أشوف شجاي يصير أول ما فتحه وصارت عيني عليهم، فز گلبي
معاذ چان جار أبوي من ياخته، ومتعصب بشكل . وجهه محمر وعروگه بارزة من القهر.ومرت أبوي متخبلّة، لازمت إيده بكل قوتها وتريد تبعده عنه.
ساره:: معاذ! ولك ترُكُه... ترُكُه
-بس وين معاذ ما يسمع احد وتخبل من لزمته
ساره تريد تفك ابوي من ايده ما احس غير جر
ابوي ودفعه بقوه الا وكعه بالكاع واني بدون شعور
فتحت الباب وطلعت اركض عليه ودموعي تجري
وكفت يمه اريد اساعده حتى يگوم وانصدمت ما احس غير جابني براشدي فر راسي فر ظليت بمكاني صافنه مصدومه ومعاذ تخبل سحبه من ياخته
وكومه ويعت بي وعلى حسه التمو الولد كلهم
يريدون يفوك معاذ من ابوي وما يرضه يحله
واني تجمدت بمكاني لا گدرت أحچي، ولا گدرت أبچي صافنه على ابوي الي مرد گلبي بتصرفه
ومعاذ عبالك جان محمل على ابوي گوه فرات
سحبه واني حسيت انسحبت رفعت راسي شفت
عمر لزمني من ايدي وبس ذبني باب البيت ورجع
عليهم وساعه عركتهم واصواتهم عاليه واني كوه
كمت طبيت للبيت وشهكت شهكه شكت صدري
كسرني ابوي طبيت لغرفة فرات وابجي ما اريد امي
تحس عليه بس ما يفيد شويه وطبو الولدوعمر يصيح
-مهىىىى
مهى:: طلعت واني رجليه تصافگ كوه وكفت بالباب
والخوف گالتني دحكت على اخوتي ثلاثتهم واكفين
فزيت ورجعت ليوره من تقدم عمر عبالي راح يكتلني بس سحبني لحضنه حاضني بقوه واني شبكته
ابجي بهضيمه وهو ما گال كلمة، بس إيده على راسي يمسح عليه بهدوء. هاللمسة وحدها خلتني أبچي أكثر، لأن أول مرة أحس إني مو وحدي بكل هالوجع.
رفعت عيوني عليه واني أكطع بالنفس، شفته عاگد حواجبه وملامحه كلها ضايجة، مو مني... من الخوف اللي شافه بعيوني مسح دموعي ادحك وجهه مختنگ
عمر:: اشش لا تبجين عيوني
-هضمني رحت اكومه بس هو...
فرات:: خلي ابوي الفلوس عاميه عيونه لا تهتمين
انتي عندج اخوه بظهرج شحده الي يمسج بعد
مهى:: رفعت راسي عليه باستغراب، وهو يحچي اكو شي وخايف منه ببرته ما بيها لا شقه ولا تردد، چنه شايل هم سنين مو هم يوم كعد ودار على فرات وگال
عمر:: فرات، خلي معاذ يستعجل بالعرس... خلي بهذا الأسبوع. أبوك وراه مصايب، وما نريد شي يوكع براس مهى.
عماد:: شتحچي إنت غير الأسبوع الجاي امتحانات، شيلحكون يكملون تجهيزات
عمر:: مو شرط عرس وتطربگة وهوسات. جديتي بعد ما داير الحول، وخلي تجهز عالگد ما تكدر عليه. وبالعطلة ياخذها ويروحون سفرة هو يدبر أموره. وضعنه مو مال عروسة وأفراح... مدري شيدبر، بس أبوكم ناوي نية سودة، وداعتكم. لازم اكو شي وراه
مهى:: صفنه كلنه عليه واني احس بطني تمغصني
بس سكتت ورفعت عيني على أمي، بالچي ألكه منها طمأنينة، بس وين جانت گاعدة وساكتة بشكل يخوف أكثر وضعها مخوفني سكتو الولد وطلعو
بس عماد مدد وصفن بالسكف اخوتي كل واحد
صار همه شكبره عفت كل شي ومددت انام
واني احس من القهر حتى گلبي يوجعني....
ريتاج:: كعدنه من الصبح فرحانين اليوم يطلعون
ريام واكفين انظف المطبخ ونسولف اني ورباب
صدك فرحانين بريام بس مقهورين على حالها
وابنها ما راح يطلع يظل بالخدج لان ما كامل
رباب:: لا إن شاء الله الله كريم، والله الدكاترة گالوا ما عليه شي ويحتاج بس شوية وقت حتى يكبر ويقوى. وأمي راح تظل يمه، وفاطمة ترجع ويا ريام حتى تداريها وتبقى يمها.
ريتاج:: مو آني كلت لأمي تجي تمنه؟ خلي نساعدها ونداريها ، بس فاطمة ما قبلت. تكول ريام ترتاح أكثر ببيتها و أغراضها.
رباب:: إي يمكن احسن لان الواحد من يمر بهيج تعب ما يرتاح إلا بمكانه. يلا نكمل شغل وره الغده نروح يمها
ريتاج:: سكتنا وبقيت افكر بريام. شكد تعبت، وشكد بچت وخافت بهالأيام، وهسه راجعة للبيت وگلبها نصين؛ نص فرحان لأن ابنها إجا للدنيا وهي بخير، ونص مقهوره لأن مضطرة تعوف ابنها بالمستشفى.
درت على رباب وگتلها
ريتاج:: والله يوجعني قلبها، أتخيل شلون راح تطلع وتخلي ابنها وراها.
رباب:: بس أهم شي هو بخير، وجم يوم إن شاء الله ونشوفها شايلته بين إيديها وتشوفه يكبر جدام عينها
ريتاج:: امين يارب يلا كملي شغلج ست رباب
غمتني واني ضحكت وكفت امسح الكونتر ورفعت
راسي من اندك الباب مديت راسي منا ومنا ماكو
احد وطلعت اتمختر عيني وصلت فتحت الباب
يبووو الغثيث عمر بعدني ما حاجيها سحب الباب
بقوه ويحجي من وره الباب
عمر:: حييواننه شلون تفتحين الباب
- عوجت حلكي وگتله
ريتاج:: خيرك شتريد
عمر:: اخذ روحج ام السان امشي ولي صيحي عمي
ريتاج:: توه ردت اغلط وطلع ابوي وصرحت حبابه
وابوي ماله خلك اشرلي اطب عفتهم وطبيت للمطبخ ادحك من الشباك طببه للمضيف وبس طبو
طلعت ركض حتى لا يفوتني شي وكفت اتصنت وصوت عمر يحجي ويا ابوي بعصبيه حطيت ايدي
على حلكي متفاجئه من گال
عمر:: عمي الا اگولك ابوي وحاكم جاي يحوكون
لشي ما مرتاح انت شوف راح اربع اشهر من رجع
ولا عبالك وهو ابو الراهي.
محمد:: شلون يعني تعرف شي احنه ما نعرفه
سولف خلينه على بينه ولو كمت كل شي اتوقع من ابوك
عمر:: عمي اهم شي هسه هو حاط مهى براسه
وخايف عليها لو معاذ ياخذها بدون عرس لو اني
اخذ اختي واطلع
محمد:: شو تملست انت ما وراها زلم ويبقى ابوها
قابل يريد يضرها شبييك ما تكولي ما تحجي
عمر:: لا عمي وراها زلم يفدونها برواحتهم وشحد
الي يمسه بلچلمه بس ابوي حاكم مسيطر عليه
ووتريد الصدق ثقه بابوي ما ظلت عندي وعمي
بيني وبينك اني گوه متحمل ابوي ما اريد اغلط
بحقه يبقى ابوي
محمد:: والله ما ادري يا ابني هاي هي اليوم احاجي
احمد ومعاذ وانت مثل ما وصيتك عينك على ابوك
لا يغفل عن عينك بين ما نفض السالفه خوش
عمر:: تأمر انت عمي
ريتاج:: رجعت اركض للبيت من حسيتهم يريدون
يطلعون طبيت وحجيت لرباب واثنينه نقهرنه على
مهى بس ما حجينه جدام رحاب خطيه تنقهر
واتفقنا وره الغده نروح حتى نشوف ريام
اللي ما عرفناها جت لو لا.......
تبارك:: هل يومين التهينه ويا ريام الي خبلتنه وخبلت جهاد على ابنها كلنه فرحانين بي وننتظر
يصير زين حتى يطلعونه بس ما ادري صدره يضيگ
عليه ويختنك گالو يسوله فحوصات اذا ما بي شي
يجيبونه للبيت بس لازم اهتمام ومداره بين ما يكمل
الشهرين شكد انقهرت من شفت امي لا راحت ولا
باركتلهم ولا تحمدت لريام على سلامتها بس هي تفهمت وما زعلت واكفه اسوي بالعشه واحجي
عليهم ما ظل شي امتحاناتي وحايرين بالشغل وابوي
واخواي مدري شبيهم تحس وراهم حرب اثرم بالزلاطه وادردم طبت فاطمه ومن سمعتني ضربتني
على راسي وتحجي عليه...
فاطمه:: انلصمي دوختينا اليوم البينه مكفينه احنه
مسطورين المهم شسوي معاذ على عرسه شتفقو
تبارك:؛ درت عليها.. والله ما ادري بس ابوي كال
عكب باجر ياخذها معاذ وانتي وياهم وترحون
للصالون ومناك تروحون للحديقه وهم معاذ حاجز
مصور وراها ياخذها للفندق هيج الي عرفته
فاطمه:: سوده علي بدون عرس وفرح
تبارك:: ما مكتوب لواحد من ولدنه يسوي عرس
كله صارت عروستها ركض ركض وبالطمطم وانوب
چملها معاذ
فاطمه:: اي والله يلا اهم شي الله يتمملهم على خير
-امين يارب
تبارك:: چفلنا على ضربت الباب مديت راسي وفاطمه
طلعت معاذ جيه وكفو بالطرمه وهو وفاطمه وشو
وجهه مختنك مگلوب گلاب وفاطمه سألته
فاطمه:: شبيك معاذ اسم الله صاير شي
معاذ:: لا بس ابن جهاد.......
