رواية صراع الشيوخ الفصل السادس والثلاثون بقلم ليال القمر
راح تگولون ليش مانزلت بارت البارحة والجواب انو اليوم نزلت بارت يعادل ثلاث بارتات وطويل واكو بعض القارئين يگولون انزل بس بارت بس انتو لو تنتبهون البارتات السابقة والبارتات الحالية بيهن فرق كبير لان قبل چان البارت قصير اما الان فهو طويل
اتمنه تستمتعون بقراءة البارت
كاتبتكم ليال
_____________________________
ارجوان: خلص نونه روحي ارتاحي حبيبتي اني حكمل ترتيب الجنط
نور بابتسامه راقية: لاء حبيبتي انتِ تعبانه وتحتاجي راحة
ارجوان بامتنان وصوتهة مبحوح: لا حبيبتي اني اسويهن وجمولي گام يبچي لازم ترضعي
نور ذبت الملابس علة السرير: اوووف هاد الولاد جنني
ارجوان ابتسمت وگعدت علة سريرهة تباوع علة ملابسهة اللي رتبتهن نور بالجنط
گامت تحط كل ملابسهة وغراضهة بالجنط ومختنگة ودهة تبچي
( نور هي زوجة احمد وهي لبنانية ذكرتهة بالبداية من عرف احمد علة نفسه)
مسحت دموعهة وسدت سحاب الجنطة وباوعت لغرفتهة اللي فرغت شوية لان كول غراضهة ضمتهن
شمس وهي تدخل لغرفتهة : هاي ليش كول غراضچ ضامتهن
ارجوان بخنگة: ماما عليمن نضحك مامبين يعني انو راح ابقة بالعراق واتزوج هاذة الصخل
شمس: اريد افتهم شلون وقعتي علة الورقة وين چان عقلچ
ارجوان بدموع: مادري اني هم دا اريد اتذكر شوكت موقعه علة شي منطينيا مااذكر
شمس : متاكدة تذكري كولش زين من چنتي يمه هم گلچ وقعي علة شي يجوز مستلغچ فكري
ارجوان ضلت تفكر وتحاول تذكر بس للاسف كولشي ماطلع وياهة: ماما هو اني يمته شفته بالبداية وقعت علة عقد السيد بس وراهة كرم سافر للعمارة اسبوع ومن اجه انضربت من ابو وهو دافعلي وبعدين هربت منهم ووصلت للمستشفه وضل يمي ثلاثة ايام و...
شهگت ودموعهة نزلت وگامت تبچي وتصرخ: تذكرت گلي وقعي علة ورقه واني وقعت ماعرف هاذة عقد محكمة واني شمدريني گلي الدكتور طلب توقيعچ
شمس گامت تلطم علة وجهة: سودة بوجهي يعني صدوگ موقعه وهاذة النذل ضاحك عليچ
ارجوان صوتهة راح من البچي: ماما لازم اشتكي علي بالمحكمة مو بكيفه
شمس وهي تلزم راسهة بالم: ولچ اااه راسي راح ينفجر
ارجوان قلقت علة امهة راحت جابت حباية بندول وكلاص مي : هاچ ماما بلعي بندول وشربي مي ولتشغلين بالچ
اخذته شمس وبلعتهة وشربت مي وضلت تندب بحظ ارجوان
•••••••••••••
كرم بهت لونه من شاف الظرف وبي رصاصة مومجود علة سيارته
سمع رنة فونه شافه امير جاوبة: اميييير ياخسيس تهددني
امير: هههههه عجبتك الهدية بعد انتظر حبيب امك ماسويتلك شي
كرم بعصبية: شسويت احچي
امير ببرود: هممم اخوك فهد مخطوف عندي من البارحة الصبح ليحد هسة واذا ماسويت اللي اگلك علي اخوك ترحملة
كرم : شسويتلة وشني تريد
امير: ببساطه تنازل علة ارجوان وتروح للمحكمة تطلگهة وتعترف انك مزرو ورقة الزواج
كرم بحدة: مامزور شي هي موقعه
امير ببرود: مو مهم انه عندي المهم انك تطلگهة
كرم بحدة: لوتموووت ما اطلگهة شني تخبلت
امير بعصبية: اسمع لك اذا ماتتركهة وتطلگهة اترحم علة اخوك ولو انت تعرفني انه ماهتم اكتل برمشة عين
كرم حاير ومسح صفحة وجهة: بس طلبك مرفوض
امير هنا شعوط من العصبية : الله يرحمه فهد چان خوش اخو مووو
كرم اضطرب وگلبة صار طبل: امير لاتكتله مهما يكون هاذ اخوي
امير ببرود وابتسم ابتسامه النصر: ورقة طلاگهة توصللهة باچر مفهووووم
كرم استسلم وگال بيأس: راح اطلگهة بس لاحسبالك انك تريد تلوي ايدي باخوي لا انت غلطان
امير بعدم مبالاة: مايهمني المهم ارجوان تصير الي وماتصيرالك
كرم بعصبية: شني ترة هي مرتي
امير: ههههههه مرتك جبر لو غاصبهة لو اعرف ضاحك عليهة انچب كلاواتك ماتمشي علي
كرم هنا احتار من جميع الجهات انسدت الابواب بوجهة
امير: باچر ورقة الطلاگ توصل واريد البشارة منهم ومن تطلگهة اخوك يرجعلك
كرم قبض ايدة بعصبية: اميير حسابگ گاعد يثگل ترة
امير بمكر: وانت هم لاتنسة وبعدهة بس البداية شيخ كرم
كرم وهو يتنفس بغضب وعيونه صارن حادات: ماشي شيخ امير الذيب
امير بخبث : ماشي يالليث
سد الخط وگام يصيح: كرااااااااااااااررررررررر
كرار وهو يطلع من السيارة برعب: شمالك يابن العم
كرم بعصبية: الچلب هددني باخوي
كرار بصدمه: شنيييي
كرم حچالة وكرار منصدم
§§§§§§§§
تنهد براحة وباوع لحسن بابتسامه انتصار: راح يوافق وتشوف
حسن: امير انت گاعد تلعب بالنار ترة
امير بجمود: المهم ارجوان تصير الي
حسن: امير صدگني بعدين تندم لان كرم عرف نقطة ضعفك واللي هي ارجوان
امير بحدة: خلي يهددني بيهة لو ما اطيح حظه
حسن بخيبة: امير كرم راح يهددك بيهة شي اكيد
امير بضحك واستهزاء: هههه حسن اصلا كرم ضعيف هو بس يحاول يكون قوي بس بالحقيقة هو جبان يخاف علة اهلة لا اهددة بيهم
حسن: راح أسألك سؤال وعليك الله جاوبني
امير: الي اهو
حسن بترقب: لويش رجعت تهدد كرم ورجعت الصراع للعشيرة واحنه حلينه المشكلة من انطونه منهم مرة لويش ترجع الثارات
امير بحيرة وهو بالحقيقة ميعرف ليش هيچ ديسوي: لان هددني
حسن: ادري بس ماتستاهل انك تخطف اخو وتهددة بي
امير بارتباك: ماعرف لان گاعد ينتقم مني عن طريق ارجوان مادري
حسن: امير صايرلك يومين وانت بهاي الحالة لا تتهور وتخلي العشيرة تصير بحر دم
امير بتفكير: انه مارايد شي منه بس لان اجاني منه تهديد وطلب ارجوان من اهلهة
حسن: اي بس انت مالك حق بيهة امير حته تدخل بيهم
حسن: اي بس انت مالك حق بيهة امير حته تدخل بيهم
امير بعصبية: لا الي حق لان هي راح تصير حرمتي
حسن بصوت عالي: را تصير لويش تتأمل وهي رفضتك مو عاد هسة وانت متزوج
امير بهستريا: لا راح تصير الي وتشوف شگدر اسوي حته لو اهددهة
حسن بصدمة: لهالدرجه وصلت بيك ياخوي انت ماتحبهة حرام تسوي هيچ بيهة لان اللي يحب مايأذي حبيبة
امير بعصبية وهو يرص علة سنونة: حسن لاتدخل بحياتي
حسن بخيبة: امير روح تعالج لان حبك الهة مرض مو حب لزوم تتعالج يابن العم لزوم والا راح تندم
امير سكت وحس عله نفسه: ماگدر حسن انه احبهة وبس افكر تصير لغيري اتخبل
حسن بحزن: الله يعينك ياخوي لان الي انت بي الحين مرض وهوس وتملك
تركه حسن وراح لبيت امير
وامير گعد علة العشب بالبستان ويفكر بكلام حسن
امير بصدمة: مستحيل انه وصلت لهالدرجه لا انه مو مريض انه بس احبهة مو مريض
♕♕♕♕♕♕
حسن وهو يبوس ايد الشيخة: هلة بالشيخة شلونچ
ام امير 😑: شعندك جاي ابن مديحة
حسن بجدية: شيخة لزوم اگلچ شي
ام امير تنهدت وباوعتلة: تحچة گول شعندك
حسن: امير
ام امير عدلت گعدتهة وبترقب: شماله ابني
حسن بيأس و يحچيلهة بحزن وتأثر: شيخة امير مو مشه عله بت شيخ جواد
ام امير: اي وانه خطبتلهيا
حسن: هو عاشگة وليهسة يحبهة شيخة امير مريض نفسي متعلق بيهة لدرجة الهوس انه طول عمري ماشفت احد يحب لهادرجة
حسن: هو عاشگة وليهسة يحبهة شيخة امير مريض نفسي متعلق بيهة لدرجة الهوس انه طول عمري ماشفت احد يحب لهادرجة
ام امير 😕: يااا بعده يعشگهة چا انه مو زوجته نهلة حته بلكي ينساهة
حسن: لا شيخة امير يريدهة هي واليوم مهدد كرم....
وضل يحچيلهة الاول والتالي
ام امير بصدمة: عزززززة بعيني چا هسة شسوي
حسن بجدية: تخطبيلهيا مرة ثانية حته تخلصين
ام امير بتفكير: چا وهاذي نهلة شلون وياهة
حسن وهو ياخذ نفس: تتحمل چا شتسوي اذا اهي تحبة خلي ينسعد بحياته
ام امير: چا خوش اشوفن اليوم شأسوي
حسن هزلهة براسة وگام: يالله شيخة انه رايح تردين شي
ام امير: الله وياك يمه وسلملي علة مديحة
حسن 😜: ها هسة سلملي علة مديحة مووو
ام امير: انچب ابو اللسان الطويل ادگك
بعوچيتي
حسن 😜: ها هسة سلملي علة مديحة مووو
ام امير: انچب ابو اللسان الطويل ادگك
بعوچيتي
حسن: هههه يوصل الله وياچ
ام امير وماعاجبهة: الله وياك
~~~~~~~~~~~~~
وهي گاعدة بالمطار تگلب بالفون مالتهة
نور بيأس: انا تعبت ايمتا نركب الطيارة
ارجوان وهي تسد الموبايل وتباوعلهة: انشالله مابقة شي بس هاي الطيارة ونوصل للبغداد
نور بتعب: اووف تعبت من طيارة لطيارة وجمال تعبني كتير
ارجوان بحسرة: شنسوي لعد غير من دولة لدولة يالله نوصل الحمدلله علة كل حال
نور اومئت براسهة
ارجوان وهي تگوم: اني راح اشتري كوفي تردين اجيبلچ وياي
نور: اي ياريت والله
ارجوان ابتسمت وراحت تشتري گهوة من الكافتيريا الي بالمطار
ارجوان: تفضلي نونة
نور بشكر: ميرسي عنجد
ارجوان وهي تشرب من گهوتهة وتحچي بلطنه لبنانية : لا حبيبتي مابينا رسميات احنا اخوات صح 😜
نور: هههه اي مبالا اخوات
سمعن صوت استدعاء الطيارة المتجهة لبغداد
ارجوان بارتياح: واخيرا
ارجوان وهي تركب الطيارة بعد مامضوا علة الڤيزا والتذكرة
ارجوان وهي تگعد وبصفهة نور و جمال واحمد وگدامهم شمس وقاسم
ملاحظة: طبعا الاحداث دتمضي عليهة ايام وساعات مو بنفس الوقت يعني ديمرون بالوقت واني حبيت اختصرالكم الاحداث وحاليا ارجوان رجعت للعراق
₤₤₤₤₤₤₤
كرم وهو يمضي علة اوراق الطلاق وهو متنرفز وشرح اسبابة للقاضي بانو هي راحت فصل وهو عتقهة يريدهة تتابع حياتهة وانو همة غير متناسبين سوة
والقاضي تفهمة وبسرعة مشه اوراق الطلاق
طلع من المحكمة بعصبية وراح لبيت الشيخ كريم واخوتة
دگ الباب عليهم وطلعلة جاسم بوجهة
جاسم بحدة: شتريد جاي تريدهة مووو هستوهة اجت
كرم بقهر: لا جاي اتفاهم ماريد مشاكل
جاسم تفهم ودخلة للديوان
__________
الاء بسعادة: وليچ مشتاقتلچ بگد رحمة الله
ارجوان ابتسمت: اني هم والله بس ماحبيت اجي بهيچ ظروف
الاء بحزن: اوووف شلون حظ عليچ
ارجوان سكتت ودنگت راسهة وسمعت صوت دگة الباب: تفضل
دخل احمد للغرفة وهو معصب: ارجوان كرم يريدچ
ارجوان بلعت ريگهة وباوعت لعمتهة ودموعهة نزلت: اي هسة البس حجاب واجي
احمد: ينتظرچ بالديوان
ارجوان اومئتلة براسهة وهو طلع وسد الباب شافته راح وگامت تبچي وتشهگ: عمه حياخذني اني ادري اجة علية بس اني ماريدة والله ماريدة
الاء وهي تحظنهة: شششش يا بعد عمتچ روحي شوفي شماله وشرايد
ارجوان هدأت روحهة وگامت لبست شال ماروني ولابسة تنورة بيجي وية سترة بيجية رسمية وجواهة قميص ماروني
باوعت لنفسهة بالمرايه وعيونهة حمر من البچي وخشمهة صار وردي وخدودهة هم مسحت دموعهة اللي علة وجهة ودخلت للحمام تغسل وجهة وطلعت للديوان
ابو احمد يباوع بحدة لكرم والشيخ كريم ماعاجبة والعمام كولهة معصبة منه وكرم متقيد لان نظراتهم مبينه ما مرغوب بي بينهم اخذ نفس قوي وزفرة علة مهل وشاف الملاك الواگفة گدامه
ارجوان بهدوء: السلام عليكم
الكل: وعليكم السلام
كرم وگف گدامهة : شلونچ ارجوان
ارجوان باوعتلة باشمئزاز وودهة تتفل بوجهة شگد ماتكرهة: مو تمام لان شفتك
كرم عبرلهة اهانتهة الة وباوعلهة بجدية وهو يمد الظرف ناحيتهة: اقري ووقعي علي
ارجوان باوعتلة باستهزاء وباوعت للظرف الممدود: سوري ما امد ايدي علة شي انته لمسته.. احمد شوف شنو بي الظرف
الكل انصدم من تعاملهة ويا بس هم ماهتموا لان بينهم عداوة
كرم انصدم وكتم عصبيته بصعوبة وانطة الظرف لاحمد
واحمد فتحه وفحصة وابتسم بنصر طلع قلم من جيب سترته وانطا لارجوان وباوعلهة: وقعي هنا حبيبتي
ارجوان باوعتلة بصدمة: ليييش
احمد ابتسم: واثقة بية
ارجوان: اي اكيد
احمد وهو يأشر عله الورقة: وقعي هنا
ارجوان بدون اي كلمه منهة وقعت ورجعت القلم لاخوهة
كرم بجمود: خلاص يابنت الناس طلگتچ وخلصتي مني اترخص
طلع كرم بهدوء وارجوان مصدومه والكل مصدوم
ارجوان دموعهة نزلت وباوعت لاحمد: هاي هية خلصت منه صدوگ
احمد حظنهة: اي خلصتي خلاص حبيبتي لتبچين
ارجوان گامت تبچي بقوة وطلعت كل حزنهة وهمومهة علة صدر اخوهة واحمد يمسح ظهرهة بهداوة
ابو احمد تنفس براحة واخذ الورقة الموجودة علة طاولة وشافهة وابتسم والعم كريم فرح
العم كريم: خلاص عمي ارجوان علويش البچي وهاذة اهو طلگچ بعد شتردين
ارجوان وهي تمسح دموعهة چنهة طفلة: عمو انت ماشفت شلون چنت خلال اربعه ايام شصار بية
العم كريم فتحلهة ادي: تعاي يابعد عمچ
ارجوان راحت وحظنته وتبچي والعم كريم يضحك: هههه هاي شبيچ بوية لهالدرجة تحبي للحمار اللي تبچين علي
ارجوان: لا بس ارتاحيت
العم كريم: هههه يالله عمي ارتاحي وغسلي وجهچ هاذ الوجه الحلو تحرگي بدموعچ المالحة
ارجوان ابتسمت بامتنان لعمهة
°°°°°°°°°°°
كرم بعصبية وهو واگف گدام امير : يالله طلگتهة طلع اخوي
امير باوعلة باستهزاء: روووح يجي وراك
كرم قابض ايدة بعصبية: بعدنه بالبدايه شيخ امير
امير ببرود: كرررم هالمرة اخوك المرة الجاية كل اهلك يمي وبكيفي اسوي اللي اريدة واذا ماتخاف علة اختك روح ولا تهدد
كرم بعصبية: تهددني باختي الي راحت فصل ليش هي مو مرت ابن عمك
امير جمود: لا هي فصليه مو مرته ويالله روح
كرم راد يهجم علة امير بس حسن منعه: روح كرم ولا تسوي مشكله
كرم دفعه لحسن وتركهم وطلع
حسن؛ شمالك انت حسبالك ابن عمنه صدگ يعاملهة فصلية
امير بخبث : لا بس احرگ گلبه علة اخته
حسن 😕: صدگ تحچي چا باخته تحرگ كلبة
امير بغرور: حسن هاذي اخته العزيزة واللي يحبهة من كل گلبه واكيد هو راح يگعد وينچب لخاطرهة
حسن 😰: اي والله خرب شني من تفكير عليك
امير بغرور: وهسة تشوف الجاي شسوي بعد
حسن باوعلة ومنعجب بامير وشلون يفكر
+++++++
رقية بذعر: اخوي فهد طلع لو لا دخيلك حسين گلي
حسنين بحب: وليچ لويش ماتصدگين اخوچ مابي شي اصلا بس ابن عمي راد يخوف اخوچ ويستسلم
رقية بعصبية : وعلة شنو يسوي هيچ باخوي وهو شسوالة
حسنين وهو يلعب بشعر رقية ويشمه: لان راد ياخذ خطيبته اللي يحبهة
رقية بضيق: حسنين والله مو وكتك فهمني يا خطيبته ليش هو شيخ امير مني خطيبته وهو مو متزوج نهلة
حسنين وهي يحاوطهة من خصرهة: فصليتي لويش ماتسكتين وانه افهمچ
رقية: حسني...
سكتت من باسهة حسين وهمسلهة: مو گتلچ لاتحچين
رقية وجهة صار احمر من الخجل ودنگت راسهة
حسنين وهو يتنهد: امير يحب ارجوان
رقية بصدمة: نعممممم
حسنين: اي ومشة عليهة بس هي رفضته واخوچ كرم مهدد ابن عمي وشامرلة ظرف بي رصاصة
رقية شهگت وهو يكمل: وكرم رايح لاهل ارجوان دگاگ يطلب بمرته وهو بالاصل مو مرته كلة صار غصب وجبر وضاحك اعليهة ومخليهة توقع عقد محكمة ولهاذ السبب الشيخ امير مهددة باخوچ انو يطلگ ارجوان بالمحكمة ويطلع اخوچ
رقية: اها هسة فهمت يعني الحق وية الشيخ امير
حسنين وهو يبتسم الهة: عوفينه منهم وخلينهة وحيدنه وووووو
رقية وهي تگوم من يمه: حسنين محمد گام يبچي لازم اشوفه
حسنين تنهد بضيق وباوعلهة: رقية لويش تعوفيني شني انه اهم لو محمد اهم
رقية: هاي شبيك حسنين ليش مو محمد ابنك خطيه يظل يبچي
حسنين بضيق: روحيلة هو انتي تحبينه اكثر مني
رقية: ههههه تغار من ابنك هاي شبيك
حسنين 😒
رقية بس تضحك علي
وريتكم حياة رقية لان ماحچيتلكم عنهة هي راحت فصلية وتزوجت حسنين ابن عم امير طبعا همة ابد ماعاملوهة كفصلية ابد چانو يحبوهة ويحترموهة ويعاملوهة حالهة من حال بناتهم وحسنين كولش يحبهة وصارت حامل وجابت محمد سمته علة اسم اخوهة المرحوم وحسنين ماهتم لان هو يحبهة وكولشي يسوي علمودهة صحيح عائلتهم بينهم عداوات بس هي مالهة ذنب والكل يحبهة
××××××××
ارجوان بعصبية : حرامات اجيت مناك لهنا علمود توقيع شگد حقير چان دزليا بالبريد لو يريدني الة اجي هنا
شمس بضيق: يبوووو رجعنه عالعراق اووف
ارجوان ضلت تحوم وتروح وتجي من العصبية والقهر: اووووف هسة فوگاهة بابا ميقبل بعد نرجع
شمس بالم: ولچ اسكتي دتقهريني بالزايد
ارجوان وهي تگرض اظافيرهة بايدهة بتوتر وقهر: ماما راح اموووت من القهر
شمس: شششش سوكتي الله يعين اخوچ قاسم تلگي متخبل علة الاخير هم عاف خطيبته هناك واجة هنا
ارجوان گامت تبچي مثل الاطفال بتمثيل وتگمز: ما ما ماا ماكو نرجع يعني نرجع
شمس تباوعلهة باستهزاء: هه علاساس ابوچ يرضة بعد حته غير ينتحر ولچ هنة بس الفيزا والتذاكر صرفنه عليهن الآف الدولارات
ارجوان بقهر: وعلمود توقيع
•••••••••••
كرم وهو يسلم علة اخو: شمالك فهد مسويلك شي
فهد: لا ياخوي ماسوو شي بس ربطوني بغرفة وقفلوا علي الباب وينطوني اكل
كرم بارتياح: حسبالي مأذيك
فهد: ياخوي عوفه ليش تلح علي لا ترجع الثارات بينه بعد ماهدأت
كرم بقلة حيلة: انه راح اسكت لخاطر رقية خايف لا يأذونهة
فهد تنهد بارتياح: والله احسنلنه وانت ياخوي تزوج واستقل بحياتك
كرم: انشالله
========
حسن بفرحة وهو يباوع لزيد : صدگ طلگهة
زيد باستغراب: اي وانت شمالك مكيف
حسن بحرج: ههههه لا بس علمود امير انه فرحان
زيد بشك: وشعلي امير
حسن بحسرة: تصور تزوج وليساته يحبهة ويريد يمشي عليهة مرة ثانية
زيد بصدمة: حسن انت شگاعد تحچي
حسن بيأس: اي والله وهو اعترفلي بذات نفسة انو امه جبرته يتزوج حته ينساهة بس شوف ليهسة مصر عليهة
زيد بقليل من الغيرة: مستحيل
حسن بصدمة: زييييد ليهسة تحبهة انت هم
زيد بارتباك: لا يابة انه خاطب شحب منهة بعد وهي بس رفيجتي وبنت عمي
حسن بشك: متاكد
زيد باوعلة: يعني مو مثل قبل احبهة بس بعدني اغار عليهة مهما يكون حسن هي حبي الاول مستحيل انساهة
حسن بحزن: يعني اذا تزوج امير ماتغار ولا تحزن
زيد بابتسامه: لا ما ازعل بالعكس افرحلهم يستاهلون بعض
حسن بارتياح: مشكور زيد علة تضحيتك ووفائك لامير
زيد بحزن: حسن انه خاطب واحب خطيبتي لويش تذكرني بالماضي
حسن بمرح يحاول يخفف عن زيد: شرايك انه وياك نروح لحفلة
زيد بدهشة: صدددددگ امشي
حسن: هههههه ها شني مو علساس ماشرب بعد
زيد بارتباك: لابوية بس احظر حفلة لويش سوء الضن
حسن: هههههه واضح من حچيك دمشي اشاقة وياك حسبالك بعدني اشرب لا يابة بطلت عيب وحرام كبرنه
زيد 😉: علينه حسوني علينه
حسن بارتباك: اي شمالك هي كل مدة اروح شني الانسان خطاء
زيد: ههههه اي مو بطلت هههههه
حسن وهو يضربة بعكسة: كافي تجي وياي لو لا
زيد بتفكير: بس حفلة وماكو نسوان
حسن بقلة حيلة: عمي يالله ماكو شرب ولا نسوان
راحوا زيد وحسن للحفلة ..
''''''''''
ارجوان بحماس : بنااااات خلينه نباوع فيلم وناكول نمنمات شنو رايچن
الاء: انه ماگدر حيدر يريدني يمه بعد روحي هاذة
ارجوان: اوووي هسة ميگدر حيدورچ ينتظر
الاء: يممممه حته يسحلني من يمچن غير
كواكب 😉: يمة الحب يمه ولچن بنااااااااات حيدر مايگدر بدوووون خالة الاء
الاء بخجل : وليچ انچبي ماتستحين
البنات: هههههه
ارجوان 😜: ثاني مرة عمه الاء تخجل او ماي گاد
الاء بخجل: انچبي يمته انه خجلت
ارجوان: بالصالون حياتي نسيتي
الاء:هههههه حيييل هاي منزمان
ارجوان: اي عيوني من زمان 😛
انسام بغرور: انه هم والله عدولي مايگدر ينام بدوني خطية وبعدني نفاس لزوم ارتاح
الاء وهي تعوج بحلگهة : اي نفاس وليچ صايرلچ شهر من جايبة
انسام: خالة غير اربعيني لسة ماطلع
ارجوان بقلة صبر: عوفن سالفتچن وگولنلي منو تسهر وياي
البنات كولهن ساكتات بس نورهان جاوبت: اني حسهر وياچ
ارجوان باوعتلهة: طبعا غير انتي مامتزوجة وتجين تسهرين عادي
الاء: اگلچن لويش ما تگولن لمرت سمير هاي شسمهة
نجمة: ريام قصدچ
الاء: اي هاي الي انهزمت وية سمير
ارجوان تذكرت: صدوگ همة مو مهزومين شلون موجودين هنا
الاء بحماس: لويش ماتدرين الشيوخ اعفوا عنهم ورجعوهم للعشيرة لان همة رجعوا وگالوا متزوجين وحامل اهي فانقهروا عليهم ورجعوهم
ارجوان: هااا يعني هي موجودة
الاء : اي روحي شوفيهة
نورهان: انه حصيهة الچ
ارجوان اومئتلهة براسهة ونورهان راحت تصيح لريام
ورة مدة دخلت ريام بابتسامه: سلام عليكم
الكل: وعليكم السلام
ارجوان بلطف: انتي زوجة سمير صح
ريام: اي وانتي ارجوان اكيد
حظنتهة ارجوان: شلونه وياچ سمير
ريام بهدوء: الحمدلله زين
ارجوان بحماس : شنو رايچ تسهرين عندي اني ونورهان نباوع فيلم وناكول نمنمات
ريام بابتسامه هادئة: اكيد حبيبتي بس استأذن من سمير واجيچ
ارجوان اومئتلهة براسهة وهي تشوفهة تطلع من غرفتهة
الاء وهي تلطم علة خدهة: عزززة بعينچ هاي شلابسة انه مانتبهت عليچ من وگفتي يالله انتبهت
ارجوان ببرائة: شنو يعني برمودة وكيمونه شي طبيعي شوفي مستور هم
البنات منصدمات منهة
كواكب: عززززة وليچ دشوفي شلون لازگ علة جسمچ ماكو عيب لبسي دشداشة
ارجوان بضيق: اووف هم رجعتوا علة الدشداشة عمي ماريد ماحبهة
كواكب بعناد: مو بكيفچ تلبسين
ارجوان بعناد اكبر وهي تشابك اديهة: مااا ماالبس
الاء: دعوفيهة هي ترتاح بهاذ اللبس بس ماوصيچ عود هم طلعي هيچ گدام ولد عمامچ
ارجوان وهي تنفخ خدودهة بضجر: اووف افتهمت
دخلت ريام للغرفة: قبل ابقة عندچ
ارجوان بحماس وهي تحضن نورهان وريام : يس يس واخيرا
:-):-):-):-):-)
حسن وهو يباوع علة النسوان: ولك زيد شوف ذيچ تخبل
زيد: انچب ماخون خطيبتي
بسام وهو يقدملهم كلاصات بيهن مشروب: هاكم شربوا وتونسوا
زيد وحسن ترددوا وباوعوا بوجه بعض بحيرة
بسام بغمزة: هاي شني ماتشربون جربوا وانسوا همومكم
حسن اخذ الگلاص وشربه بسرعه وزيد ضل صافن علي وتردد ياخذة دار وجهة: لا مشكور ماشرب انه
بسام بخبث: براحتك
زيد: حسن لويش شربت موحرام
حسن بتوتر: ها مو مادري نسيت
زيد تنهد بقلة حيلة وشاف بسام جاي علي
بسام وهو يمدلة گلاص عصير وحچة بنبرة غامضة خبيثة : هاك عصير ليمون اذا تريد
زيد باوعلة بشك: متاكد عصير لو ضاحك علي
بسام بتوتر: لا شني اچذب عليك اخذة ريح اعصابك شوي الليمون منعش ترة
زيد اخذ الگلاص منه بعد ماتأكد وشربة صكة وحدة وبعدين اضطرب: هاي شني مابي طعم ليمون
بسام بخبث: تونس ضلعي تونس
وگام يرگص وزيد انصدم واضطرب بنفس الوقت وشاف حسن گام يفقد وعية بالتدريج ومتونس علة الاخر وزيد گام راسة يدور ويوجعه وبعدين ماحس بشي
وسكر وياهم
¤¤¤¤¤¤¤¤¤
ارجوان وهي تباوع فلم وتاكل جبس ومتأثرة بالفلم ونورهان گامت تغفي من النعس وريام منسجمه وية الفلم
ارجوان وهي تريد تشرب عصير ولگت گلاصهة فارغ
ارجوان: اگولچ ريام شوفي اكو بعد عصير
ريام وهي تاوريلهة البطل: لا خلص
ارجوان وهي تگوم من سريرهة: راح اجيب عصير وثلج وگفي الفلم پليز
ريام: اوك
ارجوان : اگولچ اكو احد جوة يعني البس حجاب لو بعدهم ينامون من وكت
ريام بتفكير: والله همة ينامون من وكت بس انتي البسي احسنلچ
ارجوان وافقتهة الرأي ولبست جبة رصاصية وشال حطته باهمال لونه رصاصي طوخ ونزلت جوة بالمطبخ
فتحت الثلاجة وطلعت العصير وخلته علة الكاونتر وجابت طاسة وخاشوگه تخلي ثلج من علبة الثلج اللي بالفريزر
المطبخ چان اظلم وبس ضوة الفريزر مفتوح وضوة الكاونترات الضعيفة مفتوحات حته ميسون المطبخ كولش اظلم خلت الطاسة سمعت صوت خطوات مشي وراهة دارت وجهة وشهگت......
