رواية فصلية بديلة الفصل الثامن والثلاثون 38 بقلم ام ملكوت

سماء_ 

دخلت للغرفه وقفلت الباب حتى مايجي بعد واشوفه اجيت كعدت على الجربايه وانه كلما اتذكر سوالفه مساع 

اموت تمنيت الارض تنشك وتبلعني هسه شتكول علي الشيخه ..

ياربييي شلون ورطه هاي..كمل الطفل رضاعه واجت سمر..

سمر: ها اكلج حبي هاذي امج تريدج..

سماء_

اخذت النقال منهه وانه بصوتي ضحكه مخفيه بقيت احجي ويه امي متناسيه كلشي واسال عن اخبارهم لحدما كفختني بالواقع لمن كالت..

ماحسيت الا على دكه الباب كمت فتحت الباب ودخل شهم يم الطفل..

وكال ..

قاصد بالكلام الي..

شهم: شلونك وليدي شلون صرت

سماء: باجر يجي ياخذني جدي

شهم: شلون صرت وليدي

سماء: يجيني العصر 

شهم: انشالله صرت احسن

سماء: ومناك وارجع للبصره بيت اهلي وابقه هناك..

شهم_ 

حاولت اتجاهل كلامهه لاني جنت خايف منه ومتوقع تحجي باي لحضه بس ماتوقعت هل كلام مر بالحقيقه ولمن يصير صدك يكسر الروح.. 

بهتت ابتسامتي وباوعت لابني ورجعت التفتت عليهه وجاوبتهه..

سماء: انشالله..

شهم_

دنكت اخذت الطفل وطلعت بالحديقه افتر بي وهوه متضايق مني وروحي متضايقه ويا احس بخنكه وادي متربطه ماعرف شسوي ووين اروح ..

حاولت الهي والعب ويا بس بقه ضايج مني ..

اخر شي خليت ورجعته للغرفه كلت خاف جوعان انطيته الهه وطلعت بره كمت ادخن ..

بقيت كاعد بالحديقه منا لصار وقت العشه دخلت وصعدت لغرفتي رتبتهه الهم وبقيت منتظرهم منا لصارت ب٩ 

دكت الباب ودخلت حامله الطفل وسحر جايبه الكركوت وياهه خلته بالارض وراحت واني كمت اخذت الطفل من ايدهه 

وهيه رتبت فراشه ونومته بالوسط وهيه نامت بالجهه الاوله واني عل جهه الثانيه والطفل بالنص همه نامو واني بقيت كاعد اشبع منهه شوف كمت دنيت مرتضى على جهتي ونمت بمكانه حاضنهه اشم عطرهه لاخر مره ونمت للصبح..

سماء_

كعدت شفته نايم بصفي بمكان مرتضى استغربت وكمت اخذت ابني لحضني رضعته وغسلتله وبدلتله ورجعته يم ابوه ونزلت جوه تريكت وسويت ريوك وصعدته اله فوك لكيته كاعد ويلعب وي الطفل..

_صباح الخير

شهم: هلا صباح النور

_يله تعال تريك

_وانتي

_تريكت من وكت ..

_عوافي

_الله يعافيك..

نزل بالارض تريك واني صعدت على الجربايه العب ويه ابني..

لحدما خلص اكل واخذ الصينيه ونزل تالي رجع صعد وره شويه.. 

راح دخل سبح وطلع بدل ملابسه واجه ناحيتي..

سماء: بتردد..شيخه اني العصر يجي علي جدي واروح

الشيخه: وين ترحين يمه

سماء: ارجع لاهلي مهمتي خلصت هنا بعد ربي عوضكم عن ابنكم الخسرتوا بسبب خالي وصار وكت ارجع لحضن امي اني هم..

الشيخه: يااا شلوون يمه جا وابنج منو اله وهوه توه ياله ٥ شهور..

سماء: ماعرف يمه اني العصر رايحه..

حجيت هيج واباوعله عيونه حمر وطابك حواجبه ..

اختنكت خليت واستاذنت وكمت للغرفه ذبيت نفسي على الجربايه وكمت ابجي نص ساعه

تالي كمت غسلت وجهي وجهزت ملابسي وشغلاتي بالجنطه ورجعت الفستان والذهب يلي جابلياه بحفله الاربعين وخليته بالكنتور ..

سمر: ليش جا وطفلج مو خطيه

سماء:ببجي 😪...

 ماكدر تعرفون شنو ماكدر اهلي شرطو اجيبله طفل وارجع وهسه يردوني ماكدر ابقه هنا ..

هسه تكولون شنو من ام هاي تترك طفلهه وتروح علمود شرط ..عبالكم ماحب طفلي ولكم هذا طفلي

حملته ٩ اشهر وولدته وردت اوصل للموت علموده تتوقعون ماعندي محنه اتجاهه تتوقعون ماتمنى ابقى ويا قصص ماي هوبس واربي وازفه بيدي بس مو بيدي انه مامرتاحه هنا وامي تريدني ارجع ماكدر اكسر كلبهه وهيه ام ...

هدى: خلاص حبيبتي هاذهو براحتج التشوفينه صح الج سوي واذا غيرتي رايج بعدين بيتنه وقلوبنه تبقى مفتوحه الج وغرفتج تبقى على حطت ايدج تدرين محد ياخذ مكانج ولا شهم تحلى بعينه غيرج..

سماء: ماشي..

خليت وكمت للحمام رجعت بجيت شويه تالي غسلت وطلعت ورحت للمطبخ يمهن

طبخنه الغده وصبينه ووديناه للصاله وكلما ادخل يباوعلي شهم ويبقى صافن علي وبيده الطفل وانه ادور عيني عنهم ماريد صورتهم هل شكل تطبع بالي وتعذبني..

كملنه صب واجيت اخذت الطفل منه ورحت للغرفه ارضعه وهم بجيت قهر عليه احس قلبي انمرد عليه مرد..

خلصت ونومته على الجربايه وكمت سبحت وطلعت بدلت ملابسي ولبست حجابي وعبايتي لان بعد ساعه يجي جدي علي .

خليت وكعدت وصفنت بابني محاوله اطبع صورته بمخي وريحته بانفاسي..

شويه ودخل شهم للغرفه وكعد على طرف الجربايه وطبك اديه ساكت ..

شهم: سماء ..بعدج مصره على الروحه

سماء: متصنعه القوه..اي مصره..

شهم: لا رد

شفته مارد خليت وطلعت بدون مالتفت واباوع لابني لان النضره الاخيره كفيله بانهه تمنعني من الروحه .

1 ت

.خليت ودعت الكل وطلعت سلمت على جدي وركبت السياره ورجعت لبيت جدي ..

دخلنه للبيت والكل اجت تركض تبوس بيه وتحضن وتسال عن اخباري ..واهلي جانو موجودين هم ..

مريم: اشتاقيتلج يبعد روحي 

رشا: طك قلبي على شوفج عزيزتي

منا لليل تعشينه وبقينه سهرانين اني وخالاتي ونباوع لفيلم ماحس الا نزل الحليب من صدري كضني الم مو طبيعي برحمي

"در صدري عل طفل" ..

اختنكت كمت كوه اجر نفس من الالم ماحسست احد خليت وكمت للحمام لازمه صدري وابجي اكيد هسه ابني جوعان اكيد يريد حليب امه ويبجي علي..

بقيت لازمه قلبي وابجي استاقيتله حيل اريد اشوفه احس ماراح اكدر اتحمل اعيش بدونه .. 

فتره وهدا الالم غسلت ورجعت لفيت راسي ونمت والدمعه بقيت تجري على خدي سكته جوه اللحاف لحدما غفيت ..