رواية فصلية بديلة الفصل التاسع والثلاثون 39 بقلم ام ملكوت

#في الصباح..

سماء_

كعدت الصبح راسي ياذيني وعيوني مورمه من البجي .

.كمت غسلت وجهي وطلعت بره صبحت عل كل وكعدنه نتريك شويه وحجت امي..

ام سماء: يمه سماء احنه انشالله باجر نرجع للبصره حضري ملابسج

سماء_

كالت هيج وتخبلت ماريد اروح ماريد ابتعد عن طفلي اكثر من هيج البصره بعيده وراح تفرقني عن ابني ..

_لا يمه ماكدر ارجع وياكم

ام سماء: ليش يمه

_يمه ماكدر ابتعد اكثر عن ابني عل اقل يطمئن قلبي لمن اكون موجوده بنفس المحافضه ويا ..

اني باقيه عد بيت جدي يمه وهنا راح اسجل بجامعه واعيش حياتي..

_يمه بس خاف ابوج مايقبل

_محد اله دخل بيه وابوي مثلما دار وجهه وغلس لمن شافني ضحيت بنفسي خلي هسه يدور وجهه عن حياتي ولا يدخل بيه وبعدين هوه شهم شرط قبل لا اجي ان ابقى بميسان ومارجع للبصره ..

خليني هنا مالي خلك ارجع للمشاكل وي ابوي ..

(طبعا خليت الصوج بيهم حتى يقتنعون ومايجبروني ارجع للبصره وياهم )..

_ماشي يمه اذا هوه شارط علينه مابيدنه شي ..

ابقي بيت جدج جا شنسوي بعد اهم شي ماتردين لجهنم ابن الحرام ذاك..

_اي يمه ..

خلصنه نقاش ومر اليوم بين صفناتي واشتياقي الابني وثاني يوم رجعو اهلي للبصره وخالاتي كلمن راحت لبيت رجلهه ..

وبقيت بس اني ومرت حمش بالبيت كلش فقيره وطيوبه وعلى نياتهه ..

صارت صديقتي وصرت اشكيلهه كل همومي واشتياقي لابني وهيه تصبر بيه وتحاول تضحكني بس بلا فايده ..

مرت الايام وصار شهر على فراكنه واني كل ليله ابجي وكل يوم يزيد اشتياقي اله ..

انقبلت بكليه الهندسه .

.لان طلع اكو خطا بمعدلي وبعد التعديل تحول من ٩٥ جان ٨٥ ..

فنقبلت هندسه تقني ..

وصرت اداوم بيهه وحمش ياخذني ويرجعني .. 

ومشت ايامي  المتناهيه هيج....

اليوم راح يجتمعن خالاتي وامي ..

بقينه ننتضر منا للعصر اجن وصار البيت هوسه من جهالهن ..

سلمنه عليهن وكعدن يسولفن ويضحكن 

منا لصار وقت العشه صلينه وتعشينه واجينه نمنه كلمن بمكانهه وكلمن تسولف عن حياتهه ..

طبعا مريم جابت بنيه قبل شهرين وكلما اشوفهه اتذكر مرتضى ابني واختنك..

حتى مالمستهه ولا شلتهه رغم ودي اضمهه بقلبي بس اخاف تضعف روحي..

ام سماء: يمه سماء هذا حماج قبل اسبوع اجه حاجه ابوج على حلى وصارله من رجعت حلى ليهسه يتصل على ابوج

كل فتره ويحاجي..

 انه بالاول ماقلبت وكلبت ابوج عل ولد بس من شفت اختج هاويته وتبجي عليه انكسر كلبي عليهه ونوب هسه ابوج معند ياريت تحجين ويه ابوج بلكي يقنع ان ساجد مو مثل شهم ويطيهه..

سماء_ 

اجه نطق اسمه مثل السهم بقلبي ..

صفنت وتذكرته والعجيب اني تذكرت بس زيناته وياي واخر ليله بيناتنه ماتذكرت باقي الليالي السود ولا كرهي اله

.حسيت اني اشتاقيتلهم مو بس ابني واهل الشيخ لا حسيت اشتاقيتله هوه بعد.. 

باوعت لامي ضايجه على حلى وحز بخاطري هل شي ردت اكلهه جا وين جانت هاي المحنه لمن خليتيني اعوف ابني بعمر شهور

ليش ماضجتي علي من شفتي حليب صدري يدر على وليدي والدمعه بعيني كل هاي الايام المرت مثلما ضجتي على حلى

 لمن شفتيهه متعلقه بساجد ..

 ادري ان خوفهه كأم عم عليهه بس مادري ليش ضجت وانقهرت وتندمت لان عفت ابني وحيدي ورديت.. 

_ولا يهمج يمه اني باجر احجي ويا واقنعه

بقينه نسولف لحدما نمنه...

ثاني يوم مر بنفس الروتين منا للضهر صحت لابوي بالحديقه وحجيت ويا بموضوع ساجد 

رفض بالبدايه بس بالاخير كدرت اقنعه وكال يقبل بشرط ان يطولون فتره الخطوبه حتى يعرفه زين..

خليت ودخلت بسرعه اخذت نقال امي واتصلت على سمر ماخليتهم همه يتصلون عليه

جان الي غايتين من هل اتصال ..

الاول اسمع اخبار ابني والثاني اكلهم يجون يخطبون..

سمر: الو هلو حلى شلونج

سماء: اني سماء حبيبتي

_ يروحييي سماء حبيبتي شلونج شخبارج

_ الحمدلله حبي انتي شلونج مرتضى شلونه

_والله احنه بخير بس مرتضى شالع قلبنه يريد امه.

سماء_ 

خنكتني العبره ونزلت دمعتي..

بس تقويت وكتلهه تنطيني ساجد. شويه ورد علي..

1 تع

ساجد: الو ها خويه سماء شلونج

سماء: هلا خويه الحمدلله..

اكلك خويه اني حاجيت ابوي وقنعته تكدر تجيب اهلك وتجي تخطب اختي حلى

ساجد: صدك تحجين ..

لا تجذبين علي سماء كولي والله

سماء: ههه والله شبيك..

بس شرط ان فتره خطوبتكم تطول كم شهر يعني يريد يدخلك باختبارات شد حيلك

ساجد: اصيرله اختبار اذا يريد ..

مشكوره خويه ماتصورين شكد فرحتي قلبي الله يهدي قلبج ويجبر خاطرج

سماء: تسلم خويه .

.مبروك مقدما

ساجد: الله يبارك بيج خويه يله انه رايح ابشر الوالد.. 

مع السلامه

سماء: الله وياك ..

ساجد_ 

سديت المكالمه واني طاير من الفرح خليت ورحت للديوان يم ابوي واخوتي..

_باركلي شيخنه

الشيخ: مبروك بس خير انشالله 

ساجد: واخيرا ابو حلى قبل ينطيني بنته ..

الشيخ: اخيرا حن عليك

ساجد: اي والله الفضل لله ولمرت اخوي ساعدتني..

حجيت وبقيت اباوع لشهم يلي كاعد وذبلانه روحه..

         .....................

#قبل شهر..

شهم_

طلعت بدون ماتلتفت لابنهه حتى ..

خليت ونمت بصف ابني وحضنته وهوه نايم ..

وبقن دموعي تنزل عليه من القهر ..

كالت جوعان ورحت جبتله حليب قواطي ومميه ورجعت سووله حليب بس ما قبل ياخذ المميه ..

_يمه ليش ماياخذهه

الشيخه: وليدي الطفل متعود على صدر امه وريحتهه 

شهم_ 

شعلت روحي من شفته هيج خليت وكمت للغرفه ادور على قطعه من ملابسهه بالاخير شفت الفستان الجبته الهه مخليته ..

اخذت الحجاب وشميته وردت روحي من شميت ريحتهه..

خليت وطلعت للصاله وخليت الحجاب يم وجه الطفل..

شم ريحتهه ياله سكت قبل ياخذ المميه.. 

خليت وطلعت بره كمت ادخن ودموعي تجري سكته والغصه ذاب حتني ..

ومرت الايام هيج ماينام او ياخذ حليب الا لمن يحطوله الحجاب ويشم ريحه امه ..

واني يوم عن يوم ياكل صحتي وعافيتي القهر..

الى ان بيوم كاعد بالديوان ودخل ساجد كال انهه ساعدته وقنعت ابوهه ينطي حلى..

لمن كال مرت اخوي انعصر قلبي من ناحيه كارهه لان تخلت عن ابني ومن ناحيه مشتاقلهه ومعوز حضنهه..

خليت وكمت دخلت للبيت لكيت مرتضى نايم بكاروكه بالصاله يم امي ..

اجيت تقربت عليه وحضنته بين اديه ونمت عالارض ونومته بحضني وخليت الحجاب بيني وبينه ونمنه على ريحتهه... 

      ..........................

#بعد اسبوع

سماء_

قبل ٦ ايام راحو اهل ساجد طلبو ايد اختي وشرط عليهم يطولون بالخطوبه لحدما ياذنلهم ووافق ساجد بعدهه اتفقو عل حاضر والغايب وحددو يوم للخطبه.. 

و اليوم خطبه حلى وساجد وصارلنه ٣ ايام مخبوصين قسم ينضفن البيت وقسم يحضر الضيافه وقسم بالسوك يشترن ملابس..

وطبعا اني ويه كل قسم اخذلي فره مره انضف مره احضر الضيافه ومره اروح للسوك وكل هءا وانه احس رجلي ينهد حيلهن كلما قرب يوم الخطوبه واحس راح اشوفه واشوف طفلي اخيرا .. 

رحنه قبل يومين حجزنه بدله لحلى واشتريت بدله ورديه ونازكه مو هوسه ..

ورجعنه للبيت ..

واليوم كعدنه من الصبح رحنه اني وياهه ورشا للصالون كلحنه مكيجنه  وسوينه تسريحات بسيطه بس اني مكيجت لروحي والتوتر ماخذني اليكول انه العروس .

.خلصنه وحلى طلعت تجنن بالبدله والمكياج..

بقينه ننتظر شويه واجه واحد من عدهم ماغرفت منو ياخذنه للبيت

            .................

شهم_

بقينه بهل اسبوع مشغولين نجهز واليوم  الخطبه والخطاطير اجت للديوان..

منا لوره الضهر خابرت حلى على ساجد وكلتله كملت رحت بس اني اخذهن من الصالون  بسيارتي البيضه الجيب ومزينه باحمر وذهبي ..

وصلنه وجان اشوفهه طلعت بس مامنتبهه علي ..

شطالعه يربي ااااخ ااخ والله مشتاقلهه ..

بقيت صافن عليهه واشوفهه ضاجت لان البنيه صعدت وره وهيه بقت ..

خلت وصعدت كدام والتفتت علي وتلاكت عيونه لحضات ..

مانزلت عيني بقيت على صفنتي بملامحهه ..

مبين هل مكياج ضام تعب وسهر ليالي وراه ..

شويه والتفتت عل جامه وكامت تباوع عل شارع هادئه ..

واني عدلت كعدتي وحركت السياره والطريق كله ساكته وماحجت ولا التفتت علي.. 

منا لوصلنه ..