رواية صراع الشيوخ الفصل الثامن والثلاثون بقلم ليال القمر
ارجوان: افكر
الكل سكت وماحچة شي وارجوان گامت بهدوء گعدت بالحديقة وتفكر
زيد: ها ارجوان شني فكرتي
ارجوان باوعتلة وحچت بتوتر: ماعرف بس جوابي الارغبلة هو انو ارفضة
زيد سحب نفس وزفرة: شوفي ارجوان انتي هسة تعتبرين مطلگه صحيح انتي صار زواجچ كله بالغصب وضحك عليچ بس بنظر الناس انتي مطلگة
ارجوان دنگت راسهة وزيد يكمل: وامير يحبچ ورايدچ منزمان وانه متاكد هو اللي حيسعدچ وهو خوش رجال لا مو قصة هو رفيجي وامدح بي لا والله يشهد علي ربي كلهة تحمد باخلاقة وشهامته ورجولته وانه اشوف من مصلحتچ توافقين علي
ارجوان بعدم اقتناع: زيد هو يخوف انت تعرف عصبيته زيد ابتسم بهدوء: هو صحيح عصبي بس هو يحبچ وانه متاكد هو مراح ياذيچ
ارجوان شوية اقتنعت: بس.. ماعرف حايرة
زيد: نسيت اگلچ هو متزوج
ارجوان باوعتلة بصدمة: منوو
زيد بترقب : امير
ارجوان باعتراض: متزوج وتردوني اوافق علي مستحيييل
زيد: هو مايحبهة انجبر اعليهة
ارجوان باوعتلة باستنكار: شنو مدا افتهم
زيد: امير اصلا مارايد مرته انجبر علية حسن گالي بنفسة وثانيا الشرع حلل اربع ارجوان
ارجوا بعصبية: نعم وتردوني اكون ضرة علة وحدة مستحيب خاف قبل شوية اقتنعت بس هسة لا مستحييييييل تحلمون اتزوج واحد متزوج وحدة غيري وتشاركني بزوجي
زيد ابتسم بخفة: شني گبت الغيرة ارجوان ارجوان بجمود: لا هاي متسمه غيرة اسمهة تملك واني صحيح ماحب امير بس مستحيل اخلي وحدة تشاركني بي
زيد بحسرة: والله انتي شغلتچ معقدة ومطولة اگوم انه اخليچ تفكرين ولعلمچ ابوچ والكل موافق يعني يجوز يغصبوچ لان همة ادرة بمصلحتچ
ارجوان فتحت عيونهة بصدمة وعصبية: شنو يجبروني شنو ماعندي راي ترة هاذة قراري وهاية حياتي الخاصة محد الة حق يتدخل بيهة
زيد دارلهة وجهة : بس بالعشاير ماكو هيچ شي القرار للاب والاخوان
ارجوان بعصبية: شنو هالجهل هاذة انتو الى متى تبقون بهاذة التخلف ليش هو الاب لو الاخوان اللي راح يگابلون خلقته اربع عشرين ساعه هاااا جاوبني.
زيد بحدة: ارجواااااان هواي تجاوزتي وعبرتلچ وبلا لغوة زايدة
تركهة وراح وارجوان انهارت وتفكر ارجوان ببچي: راح اهرب وافضهة اي راح اهرب واخلص
الاء من ورة ارجوان: عزززة بعينچ وين تنهزمين
ارجوان باوعتلهة بضعف: عمه يردوني اوافق وفوگاهة طلع متزوج
الاء وهي تلطم علة صدرهة: عززززة بعينچمتزوج يعني تصيرين ضرة علة مرته هلا راح تشوفين شغل الضراير يمه سودة عليه بعد عمتچ تعالي
حضنتهة ارجوان وهي تبچي وتحچي: عمه ماريد تردون تكسروني گوة عمه تتذكرين من اجني النسوان شفتيهن شلون يباوعنلي عبالك ضرتهن ميحبوني اني اعرف همة ميحبوني
ضلت تشكي وتبچي
---------------
زيد وهو يسلم علة حسن: شلونك ضلع شني الاخبار
حسن: الحمدلله بخير ها بشر شحصلت معلومات علة مشية اميرزيد: والله الاهل راضين وارجوان اقتنعت بس من عرفت تزوج تخبلت وعاندت واعترضت يبووووي سالفه شطولة ماتخلص
حسن: هو امير و مامتزوج مو احسنلة ظلم نفسه والبنية ويا وهنوب بنت عمك راح تجي وتصير سالفة الضراير يايبوي امير غير ينتحر من وراهن وبنت عمك گوية ماينگدر عليهة وهاي نهلة اعرفهة انه عدهة وجهين وجه الملاك وجه الشيطان
زيد بقلق: گول والعباس
حسن: والعباس ابو فاضل انه اعرفهة لنهلة ومن بداية زواجه لامير چان يعاني من وراهة لان چانت تتعارك وية مرت مهدي ومسويات عركة شكبرهة
زيد: يمعود چا لاتوافق بنت عمي احسنلهة وهي ماتتحمل انوب هذن النسوان
حسن: والله ماعرف بس شمدرينه يجوز بنت عمك تسيطر اعليهن كلهن لان هي ماشالله شخصيتهة قوية
زيد هزلة براسة بتفهم : ماشي بس هاذة الكلام لا تگولة لامير
حسن بتفهم: انشالله ضلع صدگشصار من شربت زيد حچالة الصار
حسن: ههههههه بووووية بنت عمك اهتمت بيك چا انت زين مو انه اختي واگفه محضرة التوثية تدگني بيهة
زيد: ههههه عليك الله اختك تحاسبك
حسن 😉: اي والله بس شني تعرف شلون سديت حلگهة جبتلة موبايل جديد و اجيبلهة حبشكلات
زيد: والله عمي هنوب الخوات يحاسبن
===•==•===
مرت الايام واهل ارجوان يقنعون بيهة وهي مصرة بالرفض اجه اليوم اللي الكل تنتظرة وهو جواب ارجوان النهائي
الكاتبة: ارجوان حبابة وافقي ترة والله لعبتي بينه طوبة من بداية الرواية لحد الان
ارجوان بعناد: وانتي شعليچ قابل انتي التزوجي
الكاتبة: الله اتمنه يجيني واحد مثل امير عابتلچ انتي غبرة. اللهم زوج كل وحدة مثل امير ارجوان: اوووي والله انتوا ماعدكم ذوق للاسف عليچ ما توقعتچ هيچ ليال
الكاتبة: وشبي امير شيخ عشيرة ومهندس فديته اصلا يخبل لا وهمات اذا يحبني مثل ميحبچ اضل شهر ارگص 🎉🎊🎉🎊🎉🎊
ارجوان: اخذي الچ ماريدة
الكاتبة: انچبي ووافقي علي طيحتي حظنه بعنادچ
ارجوان بغرور: اي عيوني غير احمسكم
الكاتبة: امداچ اله تخسري ياثولة وعلة گولة الاء فلك طرچ
ارجوان: اووووف كافي تلحين هسة تعرفين شنو راح يصير
الكاتبة 😑: يالله خلي نكمل
اجة موعد الجواب النهائي
جواد: ها باباتي ارجوان شنو رايچ
ارجوان: لا بابا ماريد اتزوج العم كريم: موبكيفچ توافقين علي انتي مطلگة بعد منهو يگلبچ اصلا زين الشيخ امير مشة عليج مرة ثانية
ارجوان بعناد: عموو ما اريده متزوج بابا ترضة اتزوج واحد متزوج
ابو ارجوان ضل متردد بعدين جاوبهة: بابا الشيخ مبين يحبچ ورايدچ لان مشة عليچ مرتين
ارجوان باعتراض: ما اريييييييييد
العم كريم: ارجوااااااااااااااااااااااااااان احنه انطيناچ هواي عين توافقين علي وتسكتين
ارجوان بحدة: مو بكيفكم هاي حياتي اني وصدگوني اذا غصبتوني علة شي اعوفكم واروح لاي مكان
جواد بعصبية: ارجواااااااااااان
العم كريم بعصبية وصوت جاهوري: ادب سززززززززز هواي انطيناچ عين ودلال زايد تحضرين روحچ اسبوع الجاي الخطبة فهمتي
ارجوان ضلت مصدومة تريد تحچي متگدر لسانهة انعگد من الصدمة الاء بخوف: خلاص ياخوي لاتعصب احنه نجهزهة لا تخاف وارجوان مؤدبة تربايت شيوخ ماتنهزم مو هي الي تسوي العيبة
العم كريم بعصبية: ماتستحي تحاچيني بكل عين صلفه وتراددني مو الشيخ كريم الي يعارضة سمعتيني
ارجوان ضلت جامده بمكانهة وماعدهة اي ردة فعل والاء تسحبهة وتهدي بكريم وكريم يسب ويغلط والة توافق والاء تگولة خلاص الي تريدة يصير
دخلتهة الاء لغرفتهة وگامت تهزهة بعنف: وليچ شلون تتحچين هيچ وية عمچ وليچ ارجوان اذا ماچنت موجودة چان حار شسوة بيچ عمچ ماتستحين تتحچين ويا هيچ شيگول اعليچ جواد ماعرف يربيچ
ارجوان علة نفس صدمتهة بس ساكته ومتحچي شي الاء ضلت تحچي وتقنع بيهة وارجوان مو مركزة وياهة بعدهة تحت الصدمة وصوت عمهة يتردد باذنهة
الاء ايست منهة وطلعت من غرفتهة وشافت العم كريم والكل منتظر شنو حتگول
الاء بيأس: ماتحچي شگد حچيت وياهة وماترد
جواد غمض عيونه بتعب: خلص عوفيهة بعدهة مصدومه العم كريم: ابو احمد خابر الجماعه وانطيهم الموافقة
جواد تردد: لا خلي ننتظر
العم كريم بحزم: ابو احمد انطيهم خبر
جواد سكت احتراما لاخو وطلع فونه واتصل علة امير
امير طول هالايام مرتبك واعصابة تلفانه خايف لاترفضة ونهلة بس ساكته وتسويلة اغراءات بس امير ولا يمه اصلا مو بحالهة يفكر بشنو ردة فعلهة وراح توافق لو ترفضة مثل كل مرة
گعد امير يشرب چاي العصرية وية امه واخوانه ونسوانهم ونهلة چانت فوگ تغسل
دگ فونه وشاف ابو احمد المتصل
گلبه صار طبل وتوتر وخايف ومرتبك الكل باوعله باستغراب
جواد: السلام عليكم
امير بخوف: وعليكم السلام امير بخوف: وعليكم السلام
جواد: هلة بالشيخ امير شخبار الاهل انشالله بخير
امير بتوتر: الحمدلله بخير
جواد بتردد: احم علة موضوع المشية انه فكرت وقررت
امير غمض عيونه وگلبه انعصر خايف ترفضة كالجواب السابق
جواد اخذ نفس وزفرة بتمهل : انشالله تشرفونه باچر علمود نقرة الفاتحة ونتفق علة المهر
امير هنا مصدوم مندهش مات عايش فرحان سعيد ميعرف شنو شعورة : ش-شش-شني عم--عني ما-سمعت-زين
جواد: تشرفونه باچر واحنه موافقين كل الهلة بيكم
امير بلهفة: صدگعمي الله يبشرك بالخير انشالله باچر جايينكم ونتفق
جواد بامتنان: تسلم ابني يالله يمكن انت مشغول امير فرحة: لاعمي كلشي لاجل عينك يهون صدگ چذب
جواد بابتسامه: اتشكرك الله وياك
امير بفرحة: الله وياك
سد الخط وشعور الفرحة والحب غمر گلبة مامصدگ وافقت علي وخلص ارجوان صارت من نصيبة
ام امير بفضول: شمالك يمه چنت متوتر
امير وهو يبوس ادين امه وراسهة بفرحة: يمه وافقوا وافقوا يمه حددوا باچر نتفق عالمهر
ام امير بفرحة: كللللللللللللللللللللللللوش مبارك يمه مبارك انشالله يوم اشوف وليداتك كلللللللوش
مها انصدمت وانقهرت علة نهلة
ومروة مرت مهدي مكيفه لان متحب نهلة
غزل مرت شهم ماعاجبهة العجب
اخوة امير فرحولة لان يعرفون بي يريدهة ويحبهة اخوة امير فرحولة لان يعرفون بي يريدهة ويحبهة
+÷+÷+÷+÷+
شمس بحزن: ماماتي ارجوان ليش متحچين
ارجوان:__________
شمس: حبيبتي بنوتي احچي طلعي الي بگلبچ
ارجوان:_________
تنهدت شمس وطلعت من غرفتهة وانقهرت عله حالهة لان غصبوهة علة شي متريدة ومتگدر تحچي وية جواد لان هواي تبدل وصاير نفس اطباعهم وهي متريد تسبب مشاكل بعلاقتهم الزوجية سكتت وماحچت شي
شمس وهي تدخل لغرفتهة: جودي اريد احچي وياك
جواد: ها شموسة احچي
شمس بحزن: جواد ارجوان لحد هسة مصدومة ومتحچي اي شي
جواد غمض عيونه: والله انه ماريدهة تتزوج لان هي مو راضية بس بعد شسوي اخوية امر واحنه ننفذ ولتنسين هو شيخ عشيرة ولازم نسمعله شمس اومئتلة براسهة وضلوا يسولفون ويحچون
&&&&&&&
شهگت نهلة: لا تگوليهة دخيلچ
مها بحزن: وليچ وافقوا وباچر احنه نروح نخطبهة ونتفق علة المهر
نهلة بصراخ: شني تخطبونهة انتو مستحيييييل عليچ الله مها لا تروحين
مها بحزن: ماگدر لزوم اروح عمتي تزعل مني
نهلة بغيرة: ولا اگلچ انه جاية وياكم اريدن اشوف هاي شلون شكلهة
مها: براحتچ
نهلة سكتت وتتوعد لارجوان
!؛!؛!؛!؛!؛!؛!؛!؛!؛
ثاني يوم بيت الشيخ كريم انگلب گلاب لان راح يجون بيت الشيخ امير يشوفون ارجوان ويتفقون علة المهر ارجوان گاعدة بغرفتهة تفكر( اني برأيي اشترط عليهم حته بالمستقبل شروطي موجودات ... اوووف ماريد اتزوج استغفرالله بس هاذة نصيبي لازم ارضة بي )
گامت من مكانهة وراحت لامهة وابوهة
جواد شافهة وفرح
ارجوان بجدية : بابا اني موافقة بس عندي شروط
جواد بفرحة: عفية عليچ بنيتي اي هاذة القرار الصح بس گوليلي شنو الشروط 😉
ارجوان ابتسمت بمكر: الشروط هي اولا.....
