رواية فصلية بديلة الفصل الاربعون 40 بقلم ام ملكوت

    

سماء_

ياربي شكد اشتاقيتله واحس اله وحشه بروحي اباوع بعيونه شلون ذبلانات وضعفان ومتغير حيل ماكدرت انزل عيني عنه بالبدايه

بس تالي خفت عيوني تفضحني خليت ودرت وجهي على الشارع وبقيت هيج الطريق كله ..

منا لوصلنه للبيت نزلنه لبيت جدي واستقبلوا العروس بالجكليت والهلاهل .

.دخلتهه ورجعت طلعت بره لكيته راجع لبيتهم..ضجت حيل بس تذكرت ابني خليت ودخلت .

.بقن البنات يركصن ويضحكن ويسولفن واني كاعده اصفن ..وره ساعتين

اجت مشيه الزلم واستقبلوهم جدي وخوالي ونسايبهم ودخلو للديوان وحمش طبعا جان رايح للزياره يستحي يواجه شهم منهد الحادث الصار لابنه.. 

وانه بين كل هل هوسه عيوني بقت تدور على ضواهه مرتضى بس ماشفته بديهم..

.بقه خالي الوسطاني ينكل الضيافه والماي والجاي ..

شويه واخذو حلى للصاله الصغيره يم الديوان ودخل ساجد وبقو بحدهم همه والشيخ يعقدلهم .

.شويه وكالو راح يجي العريس كلهه لبست عبايات فوك فساتينهن وطلعوا هوه وحلى من الصاله وماسك ايدهه ..

كعدو لبسو المحابس وكصو الكيكه ..تالي وحده من البنات كلتلهم كومو ركصو شويه..خلو وكامو حلى جانت حيل خجلانه بس هوه لا كاضيهه يسولف ويضحك وياهه..

.................

ساجد: شطالع اليوم حلالي ..جنج ملاك نازل من السما على قلبي..

حلى: بخجل..انت هم طالع حلو

ساجد: الف مبروك حياتي

حلى: الله يبارك بيك..

ساجد: تدرين لحد الان مامصدك ان بعد صبر صرتي الي ..

حلى: لا رد

ساجد: احجي ولج لا تستحين مني

حلى: بخجل..حتى اني مامصدكه احس روحي بحلم واخاف اكعد منه..

ساجد: لا مو حلم انتي احلى حقيقه بالنسبه الي ..

حلى: بخجل ..ههه شكرا

ساجد: هههه هذا الخجل اني اله بعدين .. يله تعالي خلي نكعد شكلج تعبتي..

حلى: اي والله..

ساجد_ 

خلينه ورجعنه كعدنه ولا بدي اعوفه واطلع ..

شويه وصاحن بوسهه ولا تخاف من امهه..قصص ماي هوبس 

باوعت لامهه وكالت لا ماسمحلك..

خليت وبستهه بزاويه شفايفهه بسرعه وابتعدت..عناد بيهه هههه.. 

شويه وصاحولي وكمت بستهه براسهه وطلعت للديوان وبقينه نسولف مناا لصار وقت العشه ماقبل الحجي نروح الا نتعشه عنده ..

طبعا الناس الغربه كلهه طشت لبيوتهه بقينه بس عائلتنه وعائله الحجي ابو رائد..

كعدنه تعشينه.. 

وشهم اكل شويه وطلع يغسل..

.....................

سماء_

من لما دخلو واني عيوني تتلفت على امل ان اشوفه جايبينه وياهم .

.اجن البنات سلمن علي وكالن ان بقه ابني يم الشيخه بالبيت ماكدرو يجيبونه وياهم ..

ضجت حيل واختنكت ليش ماجابو اشوفه ..

بقينه نسولف اني والبنات لحدما صار وقت العشه والتهينه نصب شي تودي للديوان وشي للصاله للنسوان..

صبينه وكعدن النسوان ياكلن واني جنت ماشتهي بقيت بالمطبخ اجيبلهم ماي وخواشيك وسوب ..

 شويه وشفت شهم طلع بره يغسل .

.لا اراديا رجلي اخذتني اله.. 

شهم_

اكلت لكمتين كالعاده وكمت اغسل بره ماحس الا اجه صوتهه من وراي..

اااخ ياصوتج صارلي شكد ماسامعه ..

 التفتت ولكيتهه وراي تباوعلي متردده..

سماء: ااا الشيخه شلونهه

شهم: الحمدلله بخير

سماء: وانت 

_عندج شي بعد راح ارجع للديوان..

_اا اي لحضه اوكف اريد اسالك عن شي..

_يله سالي

_شلونه

_منو

_مرتضى شلونه

_لا رد

سماء_

شفته بقه صافن علي من سالته وماجاوبني اكلني الخوف ورجلي يرجفن مادري شصارلي ماكدرت اقاوم ..

نضراته تخليني اضعف وتسوي بيه الماسوته لمن جنت عنده.. 

خليت وردت اروح وماحس الا سحبني ودخلني للحمام اليم المغسله..

جان اكو حمام وتواليت بره للخطار وبيناتهم المغسله ..

_شهم شتريد ليش دخلتني هنا

_ لا رد

شهم_ 

بقيت صافن عليهه وشفتهه شلون خايفه ومتردده من سؤالهه ..

رادت تروح واسحبهه للحمام

ماعرف ليش وشنو ردت اسوي بس بعد صارت ردت انفرد بيهه ولو بنضره تصبرني على فراقهه .. خليت وتقربت عليهه صار مايفصلنه غير النفس..

وكلتلي شريد ونطقت باسمهه يلي صار هواي ما لافضه بلساني..

_سماء

سماء: شهم عوفني اروح شتريد مني..

سماء_

عجيب سحبني للحمام وبقه ساكت تالي كال روحي ..

اجيت ردت اطلع وجان يلفني عليه بايسني ..

حسيت بكهرباء تسري بجسمي والحراره ارتفعت براسي حسيت بس اني وياه بهذا العالم ..حسيت قلبي وجسمي مشتاقله حيل ..

اشوفه شلون متلهف ويبوس بيه مثل المتعطش لدرجه اني ردت اختنك ..

خليت ايدي على صدره وحسيت بقلبه يلي راد ينفجر كد ماينبض بسرعه ..

خليت ودفعته عني وبقه صافن بيه ..

عفته وطلعت بره بدون ماباوع بعيونه شفت نفسي بالمرايه االمكياج كله تخربط وجهي صار احمر وعيوني غوشت ماشوف عدل بيهن..

رحت للمطبخ غسلت وجهي بماي بارد ورجعت دخلت ركض لغرفتي بدون ما احد يشوفني وهوه باقي بعده بالحمام...

شهم_

خرررب انه ..شلون اضعف كدامهه شلون اسوي هيج بيهه ليش مالزمت روحي ليييش..

المن سويت هيج صح هيه حلالي واني احبهه ومشتاقلهه بس هيه لا ماتعتبر نفسهه تنتمي الي ان جان السويته بدافع الحب هي تعتبره غصب واكراه.

افففف شلون ياربي هاي البوسه زادت الطين بله ..

ماصدكت اتعود على غيابهه ..تالي ببوسه وحده رجعتني لنقطه الصفر ..

خليت وطلعت اباوع لوجهي بالمرايه مليان حمره ابتسمت لا اراديا وهزيت راسي بحيره غسلت وجهي ورجعت للديوان لكيتهم مخلصين وطلعو غسلوا ورجعو شربنه جاي واخذنه البنات ورجعنه للبيت..

دخلت رحت كبل لابني لكيته يبجي مفرفح محد يعرف شبي لحدما شلته بحضني ياله فجاة سكت اثاري شم ريحه امه اللازكه بيه وسكت ..

خليت وبقيت كاعد يمه .. 

تذكرتهه من سالت عليه معقوله تشتاقله وحنت عليه بس لا لو صدك تحن عليه جان رجعتله جان اتصلت وسالت عليه يوميه ..واني افكر اجت سمر يمي وحجت..

سمر: خويه شهم اريد اطلب منك طلب

شهم: تفضلي خويه

_خويه اليوم سماء بقت عيونهه تدور على مرتضى وسالتني عليه وكتلهه بقه يم الشيخه 

وشفتهه ضاجت وكالت ليش ماجبتو وحسيتهه اختنكت ودخلت غرفتهه بقت تبجي..

خويه هيه صح تركته بس تبقى امه والهه حق تشوفه عل اقل بالاسبوع مره

وتدري انهه بقت عايشه بيت جدهه ومارجعت للبصره حتى تبقى بنفس المكان الموجود بي ابنهه ..

_خويه لو تريد جان كالت اريد ابني اشوفه

_خويه اني تعرفت على مرت خالهه وكعدت يمهه وهيه حجتلي شلون سماء تبجي يمهه كل يوم على ابنهه 

وتكلهه مشتاقتله بس هيه ماتكدر تجرأ وتكلك اريد اشوفه تخاف منك ومن امهه ..ولانهه حاسه انك راح ترفض حتى لو طلبت هل شي منك..

_الله كريم خويه خليني افكر..

_ ماشي خويه براحتك يله تصبح على خير

شهم_ 

اجمعين..راحت وبقيت افكر بكلامهه من ناحيه فرحان لانهه بقت تحن على ابنهه بس من ناحيه اخره

افكر ان اذا صرت اخذه الهه كل اسبوع مثل ماطلبت سمر ف راح تبقى بعيده عنه للابد

اما اذا لعبت عليهه لعبه وخليتهه تشتاقله اكثر ممكن ماتتحمل وراح تفكر انهه ترجع تعيش ويه ابنهه..

#في الصباح...

كعدت الصبح سبحت وبدلت واجيت للمطبخ و اني من راحت سماء لحد الان انام بالغرفه الجانت تنام بيهه هيه وطفلي.. 

رحت للمطبخ وحجيت ويه سمر واتفقنه نسوي خطه على سماء حتى تشتاق لابنهه وترجع..

تالي تريكنه وكملنه وراحت تنفذ الخطه ..

خابرت على ام سماء وجاوبتهه حلى وبقت تحجي وياهه تالي اخذت رقم سماء وبقت تحاجيهه 

واني اشوف الطفل يبجي واخلي قريب عل نقال وهيه تسمعه..

................

سماء_

بعد يلي صار بخطبه حلى وساجد زاد حنيني اله ولطفلي صرت اتعذب اكثر واحس بوجع ماحاسته حتى لمن جان يعذبني باول ٣ اشهر من زواجنه.

.بقيت ابجي بالغرفه تالي كمت غسلت وجهي وعدلت مكياجي وطلعت بره لميت البيت ونضفته ويه خالاتي محاوله انسى واشغل تفكيري بغير شي بس عبث ..

خلصنه وكلمت راحت لغرفتهه تنام واني وخواتي وامي وخالاتي نمنه بالصاله الصغيره شويه واتصلت سمر على امي وكلتلهه ان ساجد يريد يحجي ويه حلى .

.خلت وطلعت بره تحجي وياه واني نمت بعد منا للصبح...

كعدت على سوالف امي وخالاتي كمت غسلت وبدلت وطلعت بره سوينه ريوك وتريكنه تالي اجتي حلى ..

حلى: اكلج خيه سمر تريد رقمج 

سماء: هاا اي عادي دزي الهه..

حلى: ماشي..

سماء_

دزته الهه شويه وخابرتني وفتحت خط عليهه ..

سمر: الو هلا حبي شلونج

سماء: ياهلا بيج حبيبتي الحمدلله انتي شلونج الشيخه هدى والبقيه شلونهم

سمر: الحمدلله كلنه زينين ..والله البيت فاهي بدونج

سماء: يروحي ..شنو هذا الصوت يمج

سمر: هذا مرتضى يبجي وكاعد يسكت بي شهم..

سماء: شبي ليش يبجي..

سمر: خيه شلع قلبنه مايسكت الا على ريحتج من رحتي ليهسه كوه مسكتينه بالحجاب مالتج يشم ريحته ياله يرضع او ينام..

الفصل الواحد والاربعون من هنا