رواية فصلية ولكن الفصل الثالث بقلم سوزان ليث
حياة: كعدت صبح واني متخيله الي داعيشه كله حلم بحلم بس للاسف طلع واقع.
كعدت شفت الشيخ خالد بعده نايم جانت ساعه بتسعه كعدت رحت غسلت ورجعت شلت فراشي وعدلت حجابي وطلعت رحت للهول الصغير شفت ماكو احد رجعت رحت للمطبخ لكيت الحجيه والبنات كاعدات ديسون ريوك.
صباح الخير .
خاله: اصباح الخير تعالي يمي كعدي حتى تتريكين .
امل: شونها النومه ان شاءالله ارتاحيتي .
حياة: الحمدلله نمت ومحسيت .
خاله : امل كومي صبي جاي لحياة حتى تتريك
امل : بيبي عوفيها يجوز تريد تتريك ويه بابا
خالة: اي والله راح من بالي يمه حياه تانين الشيخ يكعد واكلو سوه
حياة: لا خاله اريد اريد اتريك وياكم .
ساره : يا خاف تستحين تاكلين كدام الشيخ
خالة : عليش تستحي جاا غير هو زلمتها . ديله صبولها جاي خل تاكل تلكيها جوعانه بارحه اكلج موشي جان يمه.
حياة: اتريكت وياهم وهمه خطيه ظلو يسولفون ويايه كملنا كتلهم اني اغسل الماعين بس خالة مقبلت كالت ارتاحي مو اليوم روحي لزلمتج شوفي كعد حتى سويله ريوك .
-ظليت صافنه واشون اروح اشوفه واني بالكوه بارحه حجيت وياه .
طلعت من المطبخ بس اشرت بعيوني لامل تلحكني
امل : ها حياة رايده شي
حياة: عفيه امل روحي انتي كعدي ابوج استحي منه .
امل : ليش تستحين ترى والله بابا حباب صح اعصاب مرات بس والله كلبه كلش حنين
حياة: ميخالف اني يجوز ممتعلم عليه اكعده .
امل : ماشي حبي بس ها هاي بس لان بعدج جديده بعدين انتي تكعديه
حياة : تمام
ظليت واكفه اتاني امل تطلع من الغرفه شويه وطلعت
حياة : ها كعد
امل : اي كعد وسئلني عليج كلتله واكفه بالممر تستحي تكعدك
حياة: عزه ليش كتيله
امل : ههههه لا اشاقه بس سئلني عليج وكتله بالمطبخ
حياة: زين هسه اني شسوي
امل : تعالي افرج بالبيت
- صعدنا بالبدايه للطابق الثاني لكيت مثل الهول وبي تخم وتلفزيون وبي 4 غرفه وكلتلي هذا الغرفه مال عمو علي وهاي الغرفه مال جهاله
وذيج الغرفه مالتي ؛
وهاي الغرفه جانت لابابا بس بعد الحادث نزلنا اثاثه جوه خلينا بالغرفه الي نمتي بيها لان تعرفين صعب يصعد فوك
حياة: بس حلو مرتب بيتكم
امل: اي احنا هواي موجودين بالبيت حتى قبل عمو حميد جان كاعد يمنا بس بعدين طلع بيت وحده بصفنا حايط عالحايط
حياة : لعد خاله وين تنام
امل : بيبي جوه غرفتها هي وعمو حسين ينامون بغرفه وحده .
تعالي اصعدج بسطح ولو ممنوع بس هسه ماكو احد بره محد يشوفنا .
حياة: صعدت بسطح ؛سطحهم جبير كلش بعدين نزلنا جوه فوتتني للاستقبال وللهول الجبير وطلعتني بالحديقه جانت كلش جبيره وخالين بيها كراسي وكلتلي ديوان بصف البيت خلوه خارج البيت لان هواي يصير طلايب ومشاكل .
امل : هسه بعد مظل شي كله شفتيه . واصلا بيتنا دايما بي عالم بس صبحيه هيج تلكي لان عمامي وجهالهم كلهم بره
حتى بابا جان ميكعد بالبيت بس هسه لان مريض .
حياة: الله يشافي ويرده مثل قبل .
امل : امين
سارة: صاحت امل تعالي شيخ يدور عليج .
امل : يله تعالي ندخل جوه اشوف بابا
دخلنا جوه امل راحت لغرفه ابوها شوفه واني رحت كعدت بالمطبخ يم ساره والحجيه جانن ديشتغلن ساره دتنظف والحجيه سوي الغده
همه غداهم من وكت يعني بال 12 او 1 صابين الغده
. ظليت كاعده اريد الشيخ خالد يطلع من الغرفه حتى افوت اخابر ابويه لان اشتاقيتله كلش واحس مريضه بدونه واني ممتعلمه على غيابه ابد هو من صغيره ويايه ومعافني ابد حتى من جنت اروح لخوالي اشوفهم مجان يقبل ابات جان هو يوديني ويرجعني العصر
لذالك اعرف هو هم هسه متاذي على غيابي
*************
خالد : امل كعدتني من النوم كمت كتلها جيبيلي الكرسي يمي وكمت
كعدت عالكرسي باوعت ماكو فراش حياة سئلت امل عليها
كلتلي بالمطبخ .
رحت غسلت وكملت وطلعت بره صبحت عالحجيه وكتلهم صيحولي امل ورحت كعدت بالهول الجبير شويه وجتني امل كتلها سويلي ريوك داخذ دوه .
ظليت كاعد اتفرج تلفزيون لحد مجابت الصينيه امل وخلتا عالطبله يمي وكعدت اكل كتلها حياة تريكت كلتلي اي من زمان .
كملت ريوك ورحت غسلت ورجعت للهول كاعد خابرت حميد اسئله عالشغل وظليت احجي وياه
وجم تليفون وراه اجاني
************
حياة: ظليت كاعده ويه خالة وعاونتها بجم شغله طبعا بالقوه هي
مقبلت امد ايدي .
وراها كلتلي تعالي روح نكعد بالهول
فتنا كعدنا بالهول الصغير طبعا هذا الهول اسمي هول خاله لان مابي حتى اثاث بس قنفه خشب من هاي القديمه ومدات حتى تلفزيون مابي .
كعدنا وهي ظلت تحجي عالبيت ومنو مسؤول عليه وشون يمشي شغل وراها كلتلي
خالة: يمه حياة اريد احجي وياج بسالفه ادري انتي بعدج تستحين بس
انه مثل امج .
حياة: اي خاله تفضلي ، اني كلت حتحاجيني عالشغل ودكلي الايام
جايه شون مقسمه الشغل
خاله: يمه اريد منج صبرين على خالد هو مصاله هواي من سوه
العمليه وهسه هو دشوفي تعبان بس خل ترد صحته ان شاءالله
وياخذج .
حياة: ظليت صافنه على خاله ومجنت متوقعه حتحجي هيج ابد ابد
ظليت ساكته لان صراحه خاله حسيتها لصمتني لصم
خالة: يمه ادري بيج استحيتي مني بس يمه هاي سالفه ماهي عيب
ولا حرام . بس اريده منج يايمه خاف وحده من البنات من
عماته يحجن بهاي سالفه ابد لتنطيهم مجال يمه ترى ياكلوج
اكل وانتي فقيره متكدريلهم
حياة : ظليت بس اهز براسي ماحجي شي .
خالة: يله يمه كومي اخذي راحتج حبيبه .
حياة : كمت من خاله طبعا بدون تردد لان جنت ميته خجل من
حجيها ركض للغرفه لان عرفت الشيخ ماكو فتت عدلت
فراشه واخذت ملابسي ودخلت للحمام اسبح
***********
خالد : اجتي الحجيه عليه وكعدت يمي
الحجية: يمه خالد انه حجيت ويه مريتك وكتلها صبري عليه خل يرد
حيله وياخذج هي ستحت مني بس انه لازم اعرفه للبنيه
ميصير نظلمها
خالد : يمه بربج على شنو حجيتي وياها من كلج انه حاخذها
الحجيه: عليش يمه متاخذها غير هي مريتك . وناس يايمه كلها ظل تسئل على بياضها وانت شيخ وكل تحلف براسك ميصير يمه
خالد: يمه انه اخذتها بس حتى اسكت الوادم دشوفين وضعي اني مابيه حمل حرمه
الحجيه : يمه انه كتلها تصبر لحد متتعافه.
خالد: يمه جاا شبيه كلولج عدي عجز ترى يمه انا لو ريد اخذها جان بارحه اخذتها انه لامتاني صحتي تتحسن ولامتاني امشي
الحجية: يمه شنو هالحجي ترى هي صارت محسوبه عليك .
خالد : يمه دخيلج هاي السالفه سديها ولا عاد تفتحيها بروح ابوج
ظلت ساكته الحجيه بس مجان عاجبها كلامي ابد
كمت رجعت للغرفه قبل ماادخل دكيتها كلت خاف جوه هي وشفت محد حجه دخلت ملكيت احد تقربت للسرير داخذ دوه من الميز البصفه .
سمعت صوت باب الحمام انفتحت ولكيت حياة طلعت شاده شعرها بالمنشفه من شافتني ارتبكت وظلت تباع عليه وحسيتها خجلت مني
*********
حياة : كملت سبح ولابست ملابسي وطلعت للغرفه تفاجئت بشيخ
خالد بالغرفه ظليت صافنه واكول جابك هسه .
خالد : صباح الخير .
حياة: صباح النور
خالد : اجيت اخذ دوه اكمل واطلع
حياة: لا اخذ راحتك ظليت واكفه لحد مكمل وطلع من الغرفه
مشطت شعري وكملت ورحت كعدت عالسرير اخذ تليفوني
دكيت على ابويه دك جاوب
ابو حياة: الو ها بنيتي شونج حبيبتي
حياة: بابا حبيبي الحمدلله انت شونك مشتاقتلك هواي
ابو حياة : انه الحمدلله بنيتي انه هم مشتاقلج شونه رجلج وياج عيالج شونهم
حياة: بابا زينين وياه ليظل بالك وام الشيخ كلش حباب وبنته هم
حبابه وصارت صديقتي
ابو حياة: حياة ديري بالج على نفسج باباتي ذوله صارو اهلج والحمدلله زينين طلعو وياج
حياة: بابا انت دير بالك على نفسك كلي منو ديسويلك اكل
ابو حياة: لديرين بال ترى ترى عمتج معايفتني وقصي وحمزه كلسع جايين يمي
حياة: بابا لتنسى دواءك وبابا عفيه تعالي انت والله ماكدر ماشوفك
ابوحياة : اي بنتي اكيد اجي اشوفج جاا شون وحتى شيخ خالد كلي مرنا لتكطع
حياة : اي بابا فدوه
. سديت تليفون ويه ايويه واني عبالك طفله مظيعه اهلها ظليت اشهك وابجي وتمنيت نفسي عدي جناحات او عدي فد قوه خارقه حتى اوصل لابويه
ندكت الباب وفاتت امل
امل : حياه بيبي دكول لابسي وتعالي عمات بابا الباقيات جوي حتى شوفيهم وتتعرفين عليهم
حياة : صار هسه ابدل واجي
امل : شبيها عيونج جنج باجيه مو
حياة: لا بس جنت احجي ويه ابويه وشتاقيتله
امل: يا لتبجين كليله يجي عليج يشوفج
حياة: اي كلتله بس خل تهدء الاوضاع ويجي
امل: يله حبيبتي لتبجين اصلا والله كلش حتتونسين يمنا
حياة: بتسمت وكتلها بس عمات الشيخ بره
امل : لا طبعا بناتهن هم فبدلي لابسي كلابيه وخلي مكياج حتى يتفاجئون بيج ولظلين ساكته احجي خليج قويه
حياة: ههههه منو كلج اني ضعيفه
امل : هههههه اكيد مادام انتي مرت الشيخ خالد . يله بدلي واني بالمطبخ تعاليلي وادخلج عليهم خاف تستحين
حياة: ماشي . فتحت الكنتور اشوف شلبس لاكيت كلابيه لونها بيجي وبصدرها ذهبي وبيها حزام داخلي اشده يفصل الصدر عن البطن
لابستها وطلعت شال لونه بيجي لابسته وخليت مكياج خفيف ولابست كلاده ابويه مشتريها الي
طلعت للمطبخ شافتني امل
امل: اويلي يابه شون حلوه طالعه تعالي نروح للهول جبير لان كاعدين هناك
حياة: فتت للهول لكيت نسوان 2 كاعدات كبار بالعمر ووخمس بنات وياهن دخلت ظلن يباعن عليه
خالة: تعالي يمه سلمي على ام حيان عمته لرجلج وهاي ام كمال وذني بناتهن
حياة: سلمت عليهم وكعدت بصف خاله وبصفي امل
وظلن يسولفن ويحجن وطبعا بناتهن وحده شاور الثانيه ويضحكن
نداريت على امل كتلها شبيهن ذني بس يباعن عليه ويضحكن
امل: معليج بيهن تلكيهن الغيره صاعده عدهن
حياة: ياغيره وهنا هسه شافني
امل : اي صح بس هاي عبير وهاي ايات جانن كاتلان نفسهن على
ابويه بس يريدن ياخذهن واصلا جانن وحده متحجي ويه الثانيه مدري شعجب هسه مصادقات
حياة: ظليت كاعده وظلن عمماته يحجن وكلسع وحده سائلتني
وحده منهن كلتلي
ام حيان : شو مرت الشيخ لا لابسه ذهب لا حلقه جنا الشيخ مجايبلج شي
ام كمال : شبيج خايبه غير فصليه هاي ياذهب
حياة: ظليت صافنه وفجاه كتلهم يا نسيت البس تخم الجابه خالد همزين ذكرتوني اروح البسه سويت نفسي داكوم امل كلتلي
امل: دكعدي هسه حنصب غده عود وره الغده لابسيه
حياة: اني ظليت ساكته واشوف خالتي تباع عليه وحاصره ضحكه
لصمت ام حيان وام كمال واصلا بعد محجن ويايه
بعدين كمنا اني وامل للمطبخ نساعد ساره لان حيصبون الغده
امل: عفيه عليج حياة لو محاجيه انتي جان انه حجيت
حياة: همزين مخليتيني اكوم جان معرفت شسوي
امل : هههههههه عرفت عرفت لذالك دخلت
صبينا الغده وكعدنا تغدينا وطبعا همه اذا عدهم خطار الزلم تاكل وحد
كملنا وشربو جاي وراحو عماته وبناتهن طبعا ابد محبيتهن لان من النوع بس يباعن ويحسسوج بيج شي غلط
ظليت كاعده يم خالة وكلتلي مشوفيلي امل اريدن ماي دشرب دوه
كتلها هسه اني اجيبلج
كمت رحت للمطبخ فتحت ثلاجه جبت ماي ورجعت وديتلها الماي لكيت الشيخ خالد يمها
حياة: تفضلي خاله
خاله : اي يمه فدوه اليدج
حياة: كعدت بصف خاله وظليت منزل راسي العب بيدي
خالد : دخلت على الحجيه داشوفها وشويه دخلت حياه جايبتلها ماي
بس شون طالعه لابسه ثوب كلش حلو عليها ومفصل جسمها وجذبتني صراحه خلت الماي لامي وكعد وظلت منزله راسها
خالة: يمه خالد عماتك اليوم رادن يحرجن حياة لان ملابسه ذهب ويكلنها مرت شيخ وملابسه ذهب
بس حياة ردتهن كلتلهن نسيت البس التخم الجابه خالد
حياة: ظليت مدنجه ومن سمعت خاله حجت بسالفه الذهب اني عركت من الخجل حسيت حترزل منه
خالد : هههههه يابه ردت على عماتي
خاله : اي هنا عبالهن يفشلنها كدامنا بس مكدرن
خالد : ها حجيه جنج كيفتي من ردتهن
خاله : والله يمه شعندي وياهن بس هنا مايحترمن كبرتهن
حياة: ظلو يحجون وطبعا اني ساكته وشويه كتله من رخصتكم اروح للغرفه كلت خاف يردن يظلون وحدهم
عفتهم ورحت للغرفه نزعت شالي وفكيت شعري جان بعده رطب وشويه دكت باب وفتحتها امل
امل: حياة اكلج تجين يمي بالغرفه اشوفج اغراضي
حياة : اي هسه خل انزع كلابيه واصعدلج
واحنا دنحجي وجانت الباب مفتوحه دخل خالد اني ذكرت ملابسه شال ركض جريته لابسته امل ظلت تباع عليه كلتلي هذا بابا شبيج فزيتي وكلتلي يله بدلي واني فوك انتظرج كتله ماشي طلعت وسدت الباب
خالد: عفت الحجيه ورحت للغرفه ارتاح شفت الباب مفتوح دخلت
لكيت امل وخياه ديحجون بس حياه اول مره اشوفها بدون حجاب وشعرها طويل هي شافتني خلت شال على راسها
حياة: تقرب مني خالد وكلي تعالي حياة اريد احجي وياج رحت
كعدت عالسرير وهو كبالي كاعد عالكرسي المتحرك كلي
خالد : شوفي حياة ادري بيج بعدج ممتعلمه عليه وتستحين مني بس
اني ماريد اهلي يحسون انتي تستحين مني
حياة: يعني شسوي
خالد : يعني من اني بالغرفه ماكو داعي تلبسين حجابج ترى اني
زوجج يعني مو حرام من طلعين بره الغرفه لابسي
حياة: ظليت مساكته بس هزيت راسي
خالد : وشغله ثانيه ادري الحجيه حجت وياج بسالفه صبح وكلتلج انه من اتحسن اخذج
حياة: ديحجي هيج اني ايدي ورجلي صارن قالب ثلج من الخجل
وجنت اتمنى اختفي
