رواية فصلية ولكن الفصل الرابع بقلم سوزان ليث
خالد : وشغله ثانيه ادري الحجيه حجت وياج بسالفه صبح وكلتلج انه من اتحسن اخذج
حياة: ديحجي هيج اني ايدي ورجلي صارن قالب ثلج من الخجل
وجنت اتمنى اختفي .
خالد: شوفي حياة اني ماشوفج زوجه الي لا هسه ولا بعدين ولا تفهمين قصدي هذا اساءه الج بس اني اخذت وعد على نفسي مازوج بعد ماتوفت زوجتي .. اني اخذتج لان اعرف ناسي الهنا من حبهم بيه حيسون اي شي ويجوز جان ظلت طلايب ومشاكل ويه اهلج .. فيا بويه خل تعدي هل ايام على خير واني بيدي اردج لابوج اني اعرف انتي مالج ذنب فتحملي هالفتره هذا الوضع ..
حياة: من كلي اردج لابوج كلش فرحت وبوكتها حسيته انسان كلش حقاني وميحب الظلم ابد . ظليت بس اسمع لكلامه واهز براسي اي.
خالد : هواي حتسمعين حجي وسوالف تغث بس اريد منج متتاثرين باي شي يحجوا زين بويه .
حياة : هزيت راسي اي
خالد : يله اخذي راحتج اني حنام
حياة: طلعت من الغرفه واني احس جبل ونزاح عن صدري صعدت لامل لغرفتها كعدت يمها ظلينا نسولف ونحجي وظلت تحجي على امها ..
امل: امي تصير بت عمه لابابا جانو واحد يحب الثاني من همه صغار بابا زوج ماما جان عمرها 15 سنه وهو جان 19 سنه
دايما بيبي سولف علىيهم وشون ابد مجان بينهم مشاكل وجانو متفاهمين كلش بس ملحكو تكمل فرحتهم امي صارت حامل بيه وهي جانت صغيره كلش تعبت بحملها وتاذت وتوفت من جابتني للدنيا
حياة: امل تحجي وعيونها دموع
امل : اني من سمعت حيجيبون فصليه لابويه جنت ضايجه بالبدايه بس بابا كعد وحجالي وكلي اريدج تتخيلين نفسج بكانها شحسوين بوكتها صراحه مجرد تخيل خوفني .. حياة اني من شفتج وحجيت وياج حبيتج ومن كل كلبي ارتاحيت لان صرتي انتي مرت بابا
حياة: امل شعجب مفكرتو تزوجو للشيخ خالد
امل: وره متوفت امي هواي حجو وياه عماتي وبيبي وعمامي. بس هو جان ميقبل ابد احد يفتح هذا الموضوع وياه وجان يعصب بس واحد جابله سيره هالموضوع
حياة: خطيه غير وفي لامج الله يرحمها
امل: اي اني من كبرت وصرت افتهم كمت اشوفه من يجي تعبان ويفوت للغرفه وماكو احد متاني بالغرفه جنت انقهر عليه كلش بس بنفس الوكت مجنت اريد يتزوج ويجب مرت اب الي .. حياة اني عتبرتج اختي وصديقتي واتمنى بابا يتعلم عليج ويحبج
حياة: امل احنا زواجنا مجان مثل اي زواج اني جيت هنا واني حتى اسمه اوشكله ماعرفه وزوجته لخاطر ابويه وبس
امل : بابا مجان قابل صدكيني على سالفه فصليه كله من وره عمي علي هو الي يحجي بدون ميفكر وحتى بابا عصب وكام يصيح عليهم بس مجان يكدر ينزل كلمه اخوه بالكاع كدام العشيره
حياة: امل اني ماعندي شي ويه الشيخ. خالد .. قاطعتني امل وحجت
امل: شبيج كله دكولين شيخ وشيخ ترى هو هسه زوجج يعني كولي خالد يمعوده .
حياة: لا مو ممتعلمه يعني استحي اكله بس خالد
امل: ههههه بله شون بالغرفه تكليله شيخ
حياة: اصلا محجينا هواي اني وياه يعني جوه الغرفه اني وياه كل واحد وحد
امل: يعني شون
حياة: بارحه هو نام عالسرير واني بالكاع فرشت
امل: عزه صدك تحجين وعليش يمه نمتي بالكاع
حياة: استحيت وثاني شي مردت اضايقه بنومه واصلا ممتعلمه انام يم احد
امل: ههههههه والله ضحكتيني كون يسمعن بنات صبحي وقاسم والله يركصن بجفيه
حياة: منو ذني ؟
امل : شبيج ذني الجوي صبح .
حياة: ها .. امل ماريد احد يعرف بالموضوع هذا ترى حجيته لان اني ارتاحيتلج وحسيتج قريبه عليه
امل : لاطبعا هاي اسرار دوله
********
امل : اني امل بت الشيخ خالد عمري 17 سنه اني للمتوسطه وكعدت بالبيت . اني مشفت امي لان بولادتي توفت وابويه وبيبي هما الي ربوني لمن صار حادث بابا كلش خفت عليه وجنت ليل ونهار ادعي يكوم بسلامه وره سالفه الفصليه اني صراحه ضجت ومحبيت تجي وحده للبيت وره امي بس من شفت حياة وتعرفت عليها حسيتها شكد انسانه فقيره وحبابه وكلش نفسها طيبه وحسيتها نظلمت لان صار فصليه لذالك قررت اساعدها بالبيت واصير مثل صديقتها
********
حياة: ظلينا نسولف اني وامل لحد مسمعنا خاله صيح على امل دكللها كومي نزلي حضري العشه وكتها حسينا عالوقت صارت المغرب ركض نزلنا جوه اني وياها رحنا للمطبخ لكيت خاله وساره وولد الي دخلني جوه اول ماجيت هنا
خالة: يمه حياة هذا حسين اخو خالد الصغير متعرفتي عليه
حياة: اهلا وسهلا
حسين : هلا بيج خيتي شونج ان شاءالله مرتاحه
امل: اي طبعا مرتاحه غير صارت مرت شيخ خالد
حسين : وانتي شعليج ام لسان من يمج تحجين محد سئلج
امل: اعرف حياة تستحي لذالك رديت بدالها
حسين : ام لسان شكول عليج
حياة: طبعا حسين شاب عمره 26 سنه خاطب ويحضرون للعرس بس من صار الحادث تاجل عرسه بس يشاقه ويضحك ويضوج ب
امل
بعدها خلصنا العشه وطلبت امل مني اخذ السفره افرشها بالهول الجبير لان كلنا نتعشه سوه
اخذت سفره دخلت للهول شفت خالد كاعد ديتفرج عالاخبار اني محجيت شي دنجت افرش السفره وصلت يمه هو بتعد شويه وكملت فرش بعدها طلعت كمت اجيب الاكل اني وامل وساره للهول
خالد : جنت كاعد بالهول دانتظر العشه شفت حياه دخلت تريد تفرش
السفره دنجت تفرشها وجانت دلعه مال ثوبها من نزلت للكاع حبيره وصدرها بين منه هي ممنتبه جانت اني مدري صار بيه صراحه ضجت وردت احجي بس سكتت .
حياة: كعدنا كلنا عالسفرة وطبعا امل جابت صينيه لابوها خلتها عالطبله
ودخل علي اخو خالد سلم عليه وصراحه صح هو سبب جيتي هنا بس حسيته فطير مو مثل خالد شخصيتها رزنه وثكيل وحتى بكعدته عده هيبه
ظلو يحجون ويسولفون وحسين كلسع مضوج امل وامل صيح بابا صيح على عمو حسين
كملنا اكل بس خالد طول الكعده مبين عليه ضايج وباوعت عليه مخنزر اني صراحه مهتميت كلت يجوز تعبان او ضايج من شغله
- امل كالت اني حغسل اماعين وصبت ساره جاي وكلتلي ودي انتي حياه داصعد اشوف جهال
اخذت الصينيه مال الجاي ورحت للهول جانو كاعدين كلهم خالد خاله وعلي وحسين اني بديت بخاله نطيتها جاي وراه رحت على خالد نطيته جاي واني دانطي هو خزرني خزره ظليت مرعوبه منه نطيت جاي ورجعت للمطبخ.
خالد : جتي حياة دتقدم جاي الحجيه جانت كاعده بالكاع بصف كرسي مالتي دنجت حياة نطتها جاي وهالمره صدرها كله طلع اني جان بودي اكوم اكسرها تكسر وحق بمحمد هالكد معصبت منها
همزين علي وحسن كاعدين عالتخم فمنزلت عليهم
وظليت مخنزر عليها لحد مطلعت من الهول وظليت الوب بس اريد اروحلها حتى انعل اهلها على هالثوب .
حياة: رجعت للمطبخ وكعدت يم امل وظلينا نسولف ونضحك فجاه دخل خالد وصاااح .. حياة تعالي للغرفه وعافنا وطلع
اني وظليت كاعده اخاف اروح لان وجهها جان عصبي
امل: شبيج حياة روحي شوفي بابا شبي شو عبالك ضايج
حياة: امل روحي انتي والله اخاف منه
امل : ليش تخافين وانتي شمسويه دروحي شوفي شبي
خالد : دخلت لغرفه ونتظرت حياة تاخرت فتحت الباب وصح حيااااااة
حياة: يمه فززني كمت على حيلي بدون ماحس من الصيحه
امل : دروحي بسرعه جنا عصبي
حياة: رحت للغرفه دكيت الباب ودخلت شفته واكف يم الميز رحت يمه كتله نعم صحتني محسيت الا لزم ايدي وعاصرها كل قوته
خالد : قسم بالله اذا شفت هذا الثوب عليج لاحركه وانتي لابسته افتهمتي
حياة: اني ظليت صافنه وارجف من تصرفه هذا شبي حسيته اسد
اني بدون ما احجي شي بس هزيت راسي اي . حتى ماعرف ليش
خالد : ومره ثانيه تنتبهين من دنجين تقدمين شي مو دلعت صدرج شكبرها
حياة: اني اهز براسي اي
خالد : ومن اصيحج من اول مره تجين مو اتانيج افتهمتي كلامي لو اعيد
حياة: اي افتهمت واني كلش خايفه منه لان حسيته انسان ثاني ولا جنه جان يسولف الظهر ويايه وعيوني غوركت دموع لو مكمل حجي يجوز جان بجيت
هد ايدي ومشى للسرير وكف الكرسي يمه ديكوم منه والكرسي مجان قافله فرجع ليوره شويه . اني ركض عليه كتله اساعدك
خالد : ماريد مساعده
حياة: جان كلش عصبي ومقبل اساعده وكام هو بعد مثبت الكرسي وكعد عالجربايه وخله ظهره عالمخدات وظل يجر نفس بسرعه من العصبيه اني من الخوف رجعت للباب داطلع جان يصيح عليه
خالد : ولج اني شلغيت هسه
حياة: ااا ي ركض للكنتور فتحته طلعت ثوب ورحت للحمام بدلت وطلعت هو ظل يباوع عليه بس اني ظليت من خوف بس اروح يم كنتور ارجع عالميز وراها كتله اني حطلع بره يم امل .. ظل ساكت محجه شي طلعت لكيت امل ماكو سئلت ساره كالت صعدت كالت نعسانه حنام
اني رجعت للهول صغير ملكيت احد بي لان جانو كاعدين بالجبير كعدت وحدي شويه ودخلت خاله
خالة: هايمه شو هنا ليش مو يم زلمتج
حياة : مو خاله كلت خاف يريد يرتاح فطلعت
خالة: يمه جاا شمالج غير انتي الي تريحيه .. يله روحي بنيتي يمه خاف يحتاج شي منج .
حياة: اي خاله
رحت للغرفه دكيت الباب ودخلت وشفت كاعد ديكلب بالموبايل وظليت ماعرف شسوي واصلا بعدها بثمانيه مو مال نوم
رحت كعت جان اكو نص تخم بالغرفه كبال الجربايه
وظليت العب بالموبايل وراها نعست كمت فرشت ونمت
خالد: ماعرف شبيه صرت عصبي عليها بس جان لازم اعصب حتى تنتبه منا وجاي هي مهما يكون محسوبه عليه ادري جانت عايشه ويه ابوها وحدهم ويجوز ماخذا راحتها بس هنا وضغ غير
مدري شبيه نقهرت عليها من شفتها دمعت من داحجي وياها
طلعت بره شويه ورجعت كعدت كبالي وكلسع اريد احجي وياها واكلها موبقصدي بس مكدرت هي فرشت ونامت اني ظليت كاعد وراها غفيت
حياة: كعدت صبح شفت الساعه بسبعه بس جنت شبعانه نوم يمكن لان نمت بارحه من وكت
كمت شفت خالد بعده نايم بس خطيه مكشف رحت غسلت ولفيت شالي زين وطلعت من الحمام ظليت اكول اروح اغطيه لو لا
وراها كلت هو خل اغطيه هو نايم ميحس
رحت يمه فتحت البطانيه وغطيته جان يفتح عيونه بسرعه اني فزيت ورجعت ليورا
خالد : حسيت احد ديغطيني ظنيت امل فتحت عيوني لكيتها حياه بس رتبكت من شافتني كعدت
حياة: ا ا ا ا ني شفت ممتغطي وكلت خاف بارده فغطيتك وركض وجهت نفسي عالباب ومشيت اريد اطلع جان يصيح حياااة
خالد : حياااة .. بويه اذا امل كاعد كلها تحضر ريوك بتسعه اروح للعلاج طبيعي
حياة: اي
طلعت من الغرفه رحت للمطبخ شفت خالتي كاعده دتشرب جاي ويه علي وحسين
.. صباح الخير
الكل . صباح نور
خالتي : هلا يمه تعالي كعدي
حياة: خاله امل وينها الشيخ يريدها سويله ريوك لان ديروح للعلاج طبيعي
خاله : يمه امل بعدها مكاعده اظن ماشفتهت نزلت تعالي انتي سويله لزلمتج روحي فتحي ثلاجه طلعي بيض سلكيله هو يحبهن سلك
حياة: رحت خليت بيض ينسلك وراها وطبت ساره خابزه خبز حار اخذت منها وراها كملت وصبيت جاي ورحت للغرفه اكله يجي يتريك
دخلت لكيته بالحمام لان صوت الماي وراها طلع كتله شيخ حضرتلك ريوك تعال تريك
خالد : ليش انتي حضرتيه وين امل
حياة: بعدها نايمه
خالد : طلعت ورحت وراها للمطبخ الكل كاعدين يتريكون صبحت عليهم ورحت شفتها محضرتلي بيض واجبان وعسل وخالتلي الخبر والجاي ومنظر والله يفتح نفس بديت اكل. هي ظلت خاله ايدها عالكاونتر واكفه ورايه
خاله : يمه تعالي تريكي ويه زلمتج عليش واكفه هيج
حياة: لا خاله ماشتهي عود اتريك ويه امل
خاله : بكيفج يومه
حسين : خوي خابرته للولد وكلتله على حالتك وهو طمني كلي سهله هواي حالات جانت مثل حاله الشيخ ورجعت مثل قبل واحسن
خاله: يمه وين الله واهل البيت ترجع مثل قبل واشوف طولك الحلو
خالد : ان شاءالله يمه
حياة: ظلو خالد وعلي يحجون بشغل وراها ندار عليه خالد وكلي
خالد : شوفيلي امل مكعدت
خالته: يمه شرايد منها دخليها نايمه مرتاحين من لسانها
خالد : يمه رايد تحضرلي ملابس حتى اروح من وكت ورانا طريق
خاله: جااا مو هاي مريتك مصخرها
حياة: بكل هدوء . شنو تحب تلبس حتى احضر
خالد : بويه تراكسود رياضي بالكنتور اسود ونيلي طلعيلياه حتى يريحني بالتمرين
حياة: رحت للغرفه فتحت كنتور هدوم كله مصفطه وماعرف اصلا وين هذا تراك الي يريده المهم ظليت ادور لكيته خليته عالجربايه دخل خالد للغرفه كلي
خالد : ها عرفتي ياهو
حياة: اي مو هذا
خالد : اي هو جيبيلي جنطه هاي داخلي دوه ماتي بي
حياة: اخذت جنطه كتله اني حخلي دوه رحت خليت دوه وكتله تريد اخلي شي بعد
خالد : لا هاهيه اخذي راحتج
حياه : دامشي للباب اريد اطلع صاح حيااة
خالد : حياة
