رواية نورة الفصل الثالث
طب داوود متوضي وينزل بردنه
كأنما ماشافني سد الباب وفرش مصلايه
وكعد يصلي ويسبح
وبعدين فتح القران كام يقره
اني كاعده ع الجربايه
احس شويه هديت وراح التوتر والخوف
وبديت انعس
بس استحي اتمدد
كام لف سجادته وخلاها ع الكومدي
واجه كعد بصفي
ها شلون صرتي
-لا زينه مابيه شي
لزم ايدي دوم يارب
ضل يسئلني واجاوبه
ويسولفلي عن شغله وشنو يحب وشنو يكره
لحد ما احس سحب شكو خوف مني
بعدين بقى يشاقي
ويتغزل بيه
وشطالعه وشنو هالجمال
الى ان اخذني لحضنه
حسيت بيه كلش حنين
شكد جنت خايفه بس تبخر الخوف
بلمساته الحنونه
وكلماته الحلوه
نمت للصبح كعدنه ع صوت عمتي
يله يمة كوموا صباحيه امباركه يعرسان
كعد هو
شافني فتحت عيوني وكعدت
-صباح الخير يروحي
-صباح النزر
-يله كومي حبيبتي اسبحي
اني كعدت سبحت وصليت ورجعت نمت
الظاهر انت تعبانه كلش
حتى محسيتي علي
-اي تعبانه وهم نومي ثكيل
-نوم العوافي يارب
يله گومي
اخذت ملابسي وطلعت
لگيت امي وعمتي كاعدات بالهول
صبحت عليهن
وردن الصباح
عمتي كامت تبوس بيه
وتهلهل
-صباحيه امباركه بنيتي
وامي هم كامت باوستني
عمتي كالت
-فوتي يمه حمامج جاهز
طبيت غسلت وطلعت
بس مااخلي عيني تصد ع مكان ريحانه
احاول انسى واسيطر ع خوفي
الحمد لله
لگيتهم متجمعين بالهول كاعدين
والصينيه كدامهم
كلت بس امشط شعري،وارجع
بسرعه فتت مشطت شعري
وطلعت يمهم
وداوود يشاقي وياي
ويضحك مرتاح
اباوع عليه وفرحانه بيه
من صدك حسيته حنون
بس شلون اخلص من شغله الخوف
اخاف بس بالبدايه وبعدين يصير مثل اخوه
كل تفكيري محصور بقتل ريحانه
انسى او احاول اتناسه
بس ماكو فايده
يوم وره يوم بديت اتعود ع بيتهم
داوود صدك خوش رجال ولا غثني بكلمه
وحنون وشاغول
يطلع الصبح للشغل يرجع وره الظهر يريد
لگمة اسويله غده وينامله ساعه
وهيج يخلص اليوم وياه
عمتي كلش زينه وياي
بس حياتهم تعب وركض بس اني وحماتي نركض ومنلحگ
ع الشغل
ولد رحمن جانوا ٣ خطيه امهم ماتت وابوهم بالسجن
وعمتي تداوم بالمدرسة فراشه
مترجع للعصر كلش
فاني وصفاء حماتي نداور بالشغل
عدنة حماي عادل يشرب ويجي بالليل سكران يصيح
اني ادخل للغرفه واسدها ومااطلع ابد
اكوله لداوود خاف هم يذبحني
عفيه لا تفتح الباب
يبقى يگولي
- صلي ع محمد شحده اليدنالج واني موجود
سبحان الله يعني ولا عبالك خوان
اثنين شر مطلق
واثنين لا والله طيبين ويخافون الله ويشغلون
وهذولاك بس سكر ونسوان ويجون للبيت عياط وصياح
وياخذون فلوس من عمتي غصب
تستمر القصة أدناه
عمتي خطيه مبتليه بيهم لان ابوهم من طلكهم ابد ماسئل عليهم
واتزوج ومايريدهم ابد
فعمتي الي متحملة مسؤوليتهم
مرت الايام
وحبلت ابووج طار فرح من گتله
-صدك حامل الف مبروك يا نور عيني
والله احلى خبر سمعته
يارب تكمل فرحتنا واشوف جاهل بينا يلعب ويركض واسجله مدرسه
-هههههه ع كيفك هسه خلي يجي
وانوب يكبر واسجله مدرسه
-ان شاءالله يجي كلش احب الجهال اني
-زين تريد ولد لوبت
-كلشي يجي من الله انعم الله
-يعني لو اجت ابنيه ماتضوج
-وليش ازعل هذا رزق الله
-زين شنو نسميه لو ولد وشنسميه اذا اجت بنيه شنسميها
-هههههه هسه خل يجون والله كريم
دنحجي هيج
وسمعنا عادل اجه سكران
ويصيح
راد يطلع داوود يعاركه
بس ماخليته فدوه غوفه مالك شغل بيه
تعودنه ع السالفه
-وجندوب والله انفضحنا كدام الجوارين
ومتت لو بس يصير عندي فلوس واشتري بيت
اعوفهم واطلع
لان تعبت واكدر اتحملهم
-الله كريم بس عمتي خطيه شني ذنبها نعوفها ونطلع
-مو هو هذا الكاسر ظهري امي
واله جان هجيت منهم من زمان
لان ماشفت بس الاذيه والسمعة الموزينه منهم
-كول يالله ان شاءالله الله يهدي ويبطل
-ان شاءالله
الصبح كعدنا كالعاده داوود بالشغل
وعمتي بالمدرسة
وبس اني وجهال رحمن وصفاء بالبيت
وعادل نايم
ريكت الجهال خطيه شلون انقهر عليهم
مبين عليهم اليتم وفقره كلش
شكد عمتي مداريتهم
بس احسهم ذليلين خلاف امهم
وهمه صغار اكبر واحد ليث صف اول ابتدائي
وامير خمس سنوات
واسامة 3سنوات
اسامة متعلق بصفاء كلش ليل نهار
يفتر وراها
ويصحيلها ماما
بس ذولاك لا يفتهمون
ودوم يسئلون ع امهم وابوهم
عمتي مرات تاخذهم للسجن لابوهم يشوفهم....
المهم
عمتي قررت تزوج عادل عود بلكت يعقل ويبطل سوالفه
راحت خطبتله بنت عمه من الناصريه
وقبلوا يطوها اله
وحددوا يوم يرحون للناصريه
كلهم راحوا بس انه مارحت وياهم
لان داوود ماقبل يخاف علي
لان حامل عاد رحت لهلي
بقيت يمهم لحد مارجعوا
رجعت عمتي كلش فرحانه
وتدعي كون الله يهديه
وتسولف البنيه حلوه وشاطره
عمه الله يهديه ويعقله
صدك اذا الرجال مرته زينه
يتغير احتمال
واكو لا والله طبع ميتغير
-بلكت ينهدي ويبطل سوالفه
عمتي بدت تشتري نيشان وذهب وتحظر
لعرس عادل
منها ومن الولد تاخذ
ودبرت فلوس العرس
اني جنت اجمع مصروفي
مااصرف ابد
واليزيد من فلوس داوود هم اضمهن
جان البيت ماخذين قرض عليه
وداوود يدفع فلوس القرض كل شهر
ومصرف للبيت مخصص
وعمتي منها الباقي
كولي ازوج عمج عادل
واجت مرته للبيت
جانت صدك حلوه وشاطره
شغلتها بسع تخلصها
اول ايام العرس عادل ميشرب
بس بعدين رجع يشرب
وبدت المشاكل والعياط هي وياه
احنه نسد بابنا وندخل لغرفتنا ماندخل بيهم ابد
فديوم هم رجع سكران ويعيط ويصيح
وسمعتها تصرخ
من يمي خفت
جنت بشهري
كامت بطني تلويني
كمت اصرخ
داوود الحكلي بطني صيحلي عمتي
صاح ع عمتي
)يمةة الحكي لاحلام تصرخ
- شبيها
-بطنها توجعها
خاف تطلك
طبت عمتي
- ها عمةة شني شبيج
-عمه وجع لويات ابطني
وضهري
-يا صلوات هذا طلوك
بساع داوود روح صيحلي الجده ام احمد
-ايي يمه هسه
بقيت بغرفتي اتلوه لحد
مااجت الجده
للبيت فحصتني
كالت عدها ولادة
كامت ضربتني ابره
وبديت اطلك بالزايد
متتت يله طلعت ورود بنتي
اللهم صل ع محمد
تجنن
صاحت عمتي
-داوود اجتك بت جنها الگمر
-كال الف الحمد لله
اهم شي احلام سالمه
كلشي يجي خير من الله
راحت الجده
وعمتي كمطت البنيه
وطب داوود
-الحمد الله على السلامة احلام
مبارك ماأجانا
-الله يسلمك
-شال الطفله وضل يبوس بيها
هاي تخبل جنها ورده مفتحه
اذن باذانها
وكال نسميها ورود
-ع راحتك
-اهلي سمعوا اجو بساع
وامي زعلت شلون مادزيتي علي
كتلها والله مادريت بنفسي
بس اتوجع
عمتي كالت
ودنيا لليل
كلنا الصبح ندزلكم خبر
هي قابل عد غربه شو انه امها وعمتها
- ماتقصرين ادري بيج
بس بنيتي اول طفل الها لازم احضرها
ضلت امي يمي اسبوع
تكمط وتسبح وتلبس
وتسهر وي الطفل
بعدين راحت خطيه
وبديت اسهر وي ورود اني
تعبت حيل ماتعوده ع السهر
خصوصا اني احب النوم
بالليل اسهر والصبح اكعد اشتغل
مرت عادل هم حبلت
بس مشاكل هي وعادل
لان مايشتغل وبالليل يجي سكران
احسها بدت تقارن بين حياتهم وحياتنه
ودوم اسمعها ادكله
ليش ماتصير مثل داوود
شوف شلون يشتغل ومداري مرته
وصايم مصلي
مو اخوك هو ماتصير نفسه
وهو يضوج ويتعارك وياها
كامت تتنحس وياي
وتغار
وتسوي مشاكل
بس اني مااحجي اعرف هي تغار وحقها
اي وحده بمكانها لازم تغار
مرات احجي لداوود يكلي طولي خلكج وياها
هي مبينه تغار
والله يهدي عادل عليها
حقها يوميه يضربها ويجي سكران
خطيه معذوره
كتله واني شنو ذنبي
هي مدام قبلت بيه وتعرف بي سكير
تتحمل
-ميخالف احلام انتي كلبج جبير تحملي من فدوه رحتلج
بلكت الله يفرجها علينا
ونطلع
-الله كريم..
ورود بدت تنشنش وتكبر وتطلع لعباتها
وداوود متخبل عليها
يموت عليها
والشهادة لله داوود مدللني وبحبني ومداريني
ماطلبت شي منه ماسواه
وانه هم كمت اموت عليه
ومااكدر افاركه..
حتى لهلي من اروح بساع ارجع
بهاي الفتره
اختي خديجه خطبها ابن عم ابوي
واهلي وافقوا
وبسرعه ازوجت
مرت عادل جابت ولد
واني حبلت مره ثانيه
هنا ابوج طلبوا مواليده للجيش
وكام يلتحق
من يروح لحد مابرجع اني اشبع بجي عليه
كمت اروح لهلي
اكعد يمهم لحد ميرجع
