رواية فصلية بديلة الفصل الواحد والاربعون 41 بقلم ام ملكوت

غوااالي شفت تفاعلكم من امس لليوم  قليل كلت خل  انزللهم بارت واحد🌸

سماء_ 

حجت هيج واني انعصر قلبي عليه ودموعي تنزل سكته اخر شي ماتحملت خليت وسديت المكالمه وكمت ابجي بشهكه .. 

تخيلت مضهره وهوه يبجي ومايسكت الا لمن ينطونه الشال يشمه ياله .

.واني انهاريت بالبجي اجت يمي امي وخالاتي يسالني شبيج تبجين وشصاير بس ماجاوبتهن ..

خليت وصعدت فوك لغرفه حمش لكيت مرته حضنتهه وكمت ابجي..

مرت خالي " سلمى" :

 شبيج خيه شصاير ليش تبجين 

سماء: بجي😪..خيه..طفلي ..

ماينام الا على ريحه شالي" حجابي" 

خيه قلبي يتكطع عليه احسه

انعصر قلبي لمن سمعته يبجي بحركه احسه مشتاقلي يريدني يمه يريد ينام بحضني خيه شلون والله راح اموت على فراكه..

سلمى: ماشي حبيبتي هسه اهدي وخلينه نكعد ونفكر تكدرين تكولين لرجلج يجيبه الج كل اسبوع تشوفينه وياخذه..

سماء: مايقبل خيه اني اعرفه مايقبل ..

يريد يعاقبني بروحتي هاي بحرماني من ابني..

مايقبل اشوفه ولج سلمى شلون بضيمي انه شلووون...

بقيت ابجي وابجي منا لنمت بدون ماحس على روحي ..

             ..................

سمر: خويه خطيه كامت تبجي ..

شهم: خويه اذا ماسوي هيج ماراح تحس على روحهه وترجع لابنهه..

سمر: اي صدك ..

يله الله يهدي قلبهه ويرجعهه النه ولابنهه..

شهم: انشالله..

بعد خويه يوميه نسوي هيج بس بغير طريقه انتي هم حاولي توديلهه صوره

وهوه داير وجهه عن النقال وتدزيهه الهه واذا كلتلج اريد اشوفه تحججي باي شي بس لا تخلينهه تشوف وجهه ماشي..

سمر: ماشي خويه..

شهم_ 

🌿

سماء_

كاعدين نسولف اني وخالاتي شويه ودزتلي سمر فيديو تانيته يحمل..

شويه وفتحته واشوف شهم كاعد ويلعب بمرتضى ..

خليت ورحت للصاله الصغيره واني اباوعلهم شلون يحجي وياه وهوه يرفرف باديه ..

ياربي شلون ياربي صبر قلبي دخيلك ..

 خليت ورديت عليهه برساله

_شلونه خو مابعده يبجي

_ اي خيه بعده كوه هسه ياله سكت لان ابوه يلعبه بس يسكت يضل يبجي ..

_هاا ماشي..

خليت وطلعت من الدردشه ورجعت للفيديوات وفتحت الفيديو مالهم وصرت اباوعلهم وابجي وكلساه اعيده منا لنمت..

كعدت الصبح واني راسي مصدع وعيوني مورمه من البجي رجعت فتحت الفيديو ودموعي ماسكتن ينزلن بدون ماحس لحدما حسيت بدوخه ولعبت نفسي كمت بسرعه للحمام استفرغت ..

تالي غسلت وطلعت بره مااعرف شبيه صار اسبوع كلما ازيد بالبجي اضل استفرغ اظن صار بيه قولون عصبي لو ماخذه برد..

طلعت صبحت عليهم وكعدنه نتريك وماعرف ليش اشتهيت السياح والبيض بشكل مو طبيعي

مع ان دنيا صيف بس من كلت مشتهيته خلت وكامت مريم سوتلي خطيه ماخلته بنفسي ..

كعدت اكل وكان صارلي شهر ماماكله..

وعيت على نفسي لمن كالت..

مريم: هههه ولج على كيفج اكلي جا شكد مشتهيه السياح ادري شني تتنسين خو ما تتنسين..

سماء_ 

ضحكت بس اجه بالي اخر ليله الي وي شهم قبل شهرين وان العاده الشهريه صارلهه منهدهه ماجايتني وانه ماحاسه..

خلصت ريوك وصعدت لسلمى ..

_ اكلج شفت تاريخ الدوره وصارلهه شهرين ماجايتني خيه اخاف...

سلمى: لا تكوليهه ولج سماء حسبي عدل يمعوده وعلي تصير سالفه شكبرهه..

_خيه حسبت متاكده اني يوم ١٥ قبل شهرين اجتني وحسبي مرت ١٥ الشهر الفات وماكو واليوم 

دخلنه ب٢٠ الشهر الثاني يعني غابت شهرين و٥ ايام خيه  ..

_ خيه والله مادري بس لا تخافين هيه المره بعد الولاده تتخربط عدهه العاده الشهريه مو شرط ويجوز خربطه هرمونات.. 

عل عموم خليني اكول لحمش يجيبلي وياه عود تحليل شكلك اني اريد احلل ونشوف بله..

_ اي خيه عفيه روحي كليله..

نزلت سلمى تكله واني بقيت كاعده ومتوتره وخايفه ياربي كون ماطلع حامل يارب..

  بقيت منتضرته ساعه تالي اجت سلمى بيدهه التحليل اخذته ودخلت للحمام احلل واني التوتر يقره الف جسمي كله يرجف صار..

مامرت دقيقتين وطلع الخط الثاني بوضوح..

لااا سلمى تعاي ..

سلمى: ها شطلع

_ خيه شوفي طلع الخط الثاني واضح كلش خيه شلون اني شسوي هسه .... 

لا اكدر اذبه ولا ابقي ويعرف شهم ويجي ياخذه مني..

_ اهدي خيه اهدي وخلينه نفكر بشي شلون سالفه هاي ..

ادري انتي مو جبتيله طفل وقررتي ترجعين ليش خليتي ينام وياج تالي..

_ خيه انه حما.ره 😒🫩

انه غبيه رحتله برجلي ولج اخر ليله اني سببهه هوه ماجان ناوي يقرب علي..

بليلتهه جنت مصخنه واهذي ورحت لحضنه واني مفكره اني احلم مو حقيقه شسوي خيه هسه كليلي والله خايفه..

_ افف شلون بله ياربي.

... 

.اكلج خيه هسه انتي غلسي خلي تهده الامور تالي اني وياج نكعد نحجي ويه امج حتى تشوفلج دوباره..

_ ماكدر خيه تذبحني امي هيه هيج وتباوعلي قصص ماي هوبس بشك تخاف احن وارجعله مو نوب تعرف بوجود طفل ثاني متاكده راح تكلي طيحي..

_ لا ليش تكول هيج حرام ..زين انتي تردي هذا الطفل..

_ مادري خيه مادري ..

خايفه احس بي واتعلق نفس طفلي الاول ويحرموني منه ..

والله اموت وماتحمل اذا انحرمت من اطفاالي خيه ماتحمل ساعديني..

_ زين اهدي همه اهلج العصر راجعين ونكدر نكعد ويه جدج وخوالج ونكلهم يخلون السالفه سريه

ومايكولون لاحد لحدما تولدين ونكول للناس انه طفلنه اني وحمش ..

شتكولين

_ هاا مادري خيه خايفه يجبروني انزله ماكدر اجازف بي..

_ لا ماينزلونه شنو قابل ابن زن...ا

 هوه لا سمح الله اشو انتي وشهم جنتو متزوجين ولحد الان انتي علة ذمته بعد شكو يرفضونه..

_ اي حبيبتي سمعي مني وانتضري لليل يرحن امج وخالاتج ونحجيلهم..

_ ماشي خيه..

كمت غسلت وجهي وهدات شويه ونزلت جوه يم البنات..

عائشه: اليوم كافه بغرفه سلمى اليوم راح نروح وماشايفينج

سماء: ها خاله حبيبتي لا بس تعبانه شويه ..

مريم: شبيج خاله مريضه شنو

سماء: لا بس شكلهه راح تجيني فلاونزه..

عائشه: يبووو لا هلا بيهه الفلاونزه تكسر ابنادم شسوي بي

رشا: اي والله 

سماء_

كعدنه وبقينه نسولف واني كل شوي ياخذني التفكير والصفنه..

شويه ونعست كلش خليت ونمت وهنه يسولفن

.وبعد ساعه تعشو اهلي وهم ودعناهم ورجعو للبصره..

سلمى: ها خيه مستعده نروح نحاجيهم

سماء: ماشي خيه..

دخلنه للصاله وجان بس جدو وبيبي وحمش كاعدين.

.اجيت كعدت يمهم واني الخوف والقلق كاتلني..

شويه وحجت سلمى..

سلمى: اا عمي اني وسماء نريد نحجيلك شي بس لا تعصب

ابو رائد: اي احجن

سلمى: ااا عمي سماء حامل

الكل: شنهووو 

ابو رائد: بويه شتحجين انتي منين حامل وهيه صارلهه شهرين مدري ثلاث من رجعت من رجلهه..

🍀

سماء: بخوف.😥🥺

جدو والله ماجنت ادري اليوم شكيت بروحي وحللت ..

ماجنت اضن ان راح يصير هيج..

ام رائد: تعاي بيبي خلاص لا تبجين اهدي ..

سلمى: عمي سماء تريد الطفل بس خايفه ان رجلهه يدري بي وياخذه منهه لهذا السبب

اني اقترح ان تبقى بالبيت لحدما تولد الطفل ونسجله باسمنه اني وحمش بما ان ماعدنه اطفال..

ابو رائد: عمي هوه مو  بالحجي

 هذا رجلهه مخبل اذا عرف بينه هيج مسوين يلعب لعب بحياتنه ومن غير شي الهم عدنه ثار قديم ويه حمش شتحجين انتي ياعمي..

سلمى: زين عمي شلون هسه..

ابو رائد: خليهه هسه سكته لا تطلعن السالفه خل اشاور الولد 

و نشوفلهه حل..

كوم بويه اخذ مرتك وسماء وروحو نامو ..

يله حجيه خلي ننام احنه هم والصباح رباح..

الفصل الثاني والاربعون من هنا