رواية صراع الشيوخ الفصل الواحد والاربعون بقلم ليال القمر
امير بحب: سلمنه وانتي ماتردين شني سالفتچ حبيبي
ارجوان ذبت السماعات والفون غلقته وعدلت گعدتهة: ها مادري وعليكم السلام سوري ماسمعتك مثل متشوف... اشرت عله الفون والسماعات
امير ابتسم ويباوعلهة بهيام: شلونچ
ارجوان ارتبكت من نظراته وابتسمت بخجل: امم الحمدلله زينه
امير وهو يلزم اديهة ويبوسهة: تدرين انه شگد احبچ
ارجوان هنا ودهة تشرد من يمه بس ابتسمت مجاملة: لا والله ماعرف
امير وهو يخلي ايدهة علة گلبه: هاذة اليدگ بسمچ يعشگج بگد رحمة الله
ارجوان هنا استحت لان دگات گلبه چانت كولش سريعه وصوت دگاته واضحة: امممم حلو واحد يحب شخص لهالدرجة بس مو مبالغه
امير هنا غمض عيونه: اتمنه يتوقف الزمن بينه واضل انه وياچ هيچ
ارجوان بعدت اديهة عن صدرة ودنگت راسهة: صدوگ شوكت اجيت وشلون اجيت يمي اقصد منو دلك عليه
امير: سر
ارجوان هنا تذكرت باوعت يمين ويسار تدور عله البنات
امير بقلق: حبيبي شبيچ عله شني تدورين
ارجوان شالتهن ورگعتهن بعقلهة لان مبينه خططهن الشيطانية: ها لا ماكو شي بس دا ادور علة النحلة چانت تفتر يمي
امير: هههه نحلة شمالهة
ارجوان بحرج؛ لا ولشي لتهتم
امير: اجيت حته نطلع شني رايچ
ارجوان بتفكير: ماعرف شنو اگولك بس اني بالليل اروح لبغداد
هنا امير تبدلت ملامحه الى العصبية: وانه اخر من يعلم ارجوان شلون تردين تروحين بدون ما تستأذنين مني انه رجلچ ترة
ارجوان بهدوء: اوكي مو دا اگولك هسة وثانيا اني قبل ساعتين عرفت بالخبر
امير هنا حاول يهدأ روحه: حبيبي وين ماتروحين تستأذنين مني ماشي
ارجوان باوعتله ببرود وتتمنه تحطم جمجمته ابتسمت بتصنع: اوكي بس اني ماعندي رقمك حته اگولك بكل الاوقات
امير بضيق: اذا انتي مبدلة الرقم انه شدخلني هاچ كتبي رقمي وانطيني رقمچ
ارجوان اخذت الفون مالته وسجلت رقمهة بالفون مالته وهي سجلت رقمه بفونهة
امير بجدية: ارجوان ممنوع تروحين لبغداد
ارجوان هنا مادارتلة بال سكتت فترة وامير ينتظر تعترض بس كولشي ماحصل منهة فقط الهدوء
ارجوان هنا مادارتلة بال سكتت فترة وامير ينتظر تعترض بس كولشي ماحصل منهة فقط الهدوء
امير بترقب: حبيبتي ماترحين لبغداد عود انه اوديچ غير يوم
ارجوان باوعتلة بدون مشاعر وحاول يفسر نظرتهة بس ماعرف
ارجوان بامتنان وهي تصافحه وتبدلت ملامح وجهة للمرح: ميرسي امير عله زيارتك الي بس ماگدر اطلع لان مشغولة كولش وشغلي مهم وشخصي
امير هنا انصدم منهة يريد يفسر شخصيتهة ماگدر: شني انه اجيت اطلعچ وثانيا شني الشغل مالچ
ارجوان وهي ترجع خصلة من شعرهة ورة اذنهة: اعتقد گلت شخصي يعني ميصير تعرفه وات ايڤر اني حدخل جوة لان لازم اسوي شغلي چاوو
عافته وراحت وهو انصدم منهة ضل جامد بمكانه فترة و سمع اشعار من فونه شافة رقم ارجوان الجديد
ارجوان كاتبتله : امير بليز لتتحكم بية واظن هاذة من ضمن الشروط واني رايحه لبغداد ادعيلك بالامام
ضل مسطور ورص علة سنونه بعصبية وتذكر شروطهة انو ممنوع يجبرهة علة شي متريدة هنا صدگ ودة يقتلهة علة شروطهة
البنات واگفات يباوعن بفضول وحماس شافن امير راح وكل وحدة رجعت لمكانهة ويحچن علة الصار بين امير وارجوان كل وحدة تنطي فكرة من عقلهة وتحليلهة للصار
رجعت ارجوان للبنات بعد ما شافت امير راح
ارجوان وهي متخصره ورافعه حاجب: اي بالله شنو استنتجتن
كلهن تطافرن: هاي انتي هنا
ارجوان بمكر : لا والله عبالچن مادري هاي خطتچن وخاتلات ورة المخزن يا فضوليات
البنات گامن يمتمتن بالحچي وارجوان مستمتعه من تشوفهن بهاذة المنظر
انسام: بس فدوة سلون رومانسي يااااي فديت
كواكب: وهاي الغبرة جامدة گبالة تدلعي شوية مو بس حاظرة تتنعوص بروسنه
ارجوان تباوعلهن بملل وراسهة صدع من وراهن
♕♕♕♕
امير يروح ويجي من العصبية: زيد ممنوع تروح مرتي فهمت
زيد يباوعلة ببرود: وانه شعلية روح احچي وياهة
امير بعصبية: لويش ماتدري المدام تگلي من ضمن شروط الزواج ماتجبرني عله شي بالله هاذي شتتحچة وياهة
زيد كاتم ضحكته: لويش ماتروح انت وياهة يعني اقصد انه ومرت عمي جواد وبت عمي وانت نروح سوة
امير هنا ابتسم بخبث : خوش فكرة
ارجوان حضرت روحهة هي وشمس ووگفن ينتظرن زيد
زيد: ها مرت عمي كملتن
ارجوان واگفه بملل: اي من زمن جدو الله يرحمة
شمس: هههه يالله امشوا بعد شوكت ونوصل هم يالله
زيد: مرت عمي احنه حنروح وية رفيجي امير يعني ويه نسيبچ
ارجوان هنا انفجرت: لعد ليش تگولي اليوم عله الغدة انت تودينه هاا
ارجوان هنا انفجرت: لعد ليش تگولي اليوم عله الغدة انت تودينه هاا
شمس: ششش ماما عيب... عيوني زيد انت مو كلت تودينه ليش هسة تگول النسيب يودينه غير تنطينه علم
ارجوان باعتراض: من هسة اني ما اروح
امير من ورة زيد: يالله عمتي يالله ارجوان خالنتوكل
ارجوان هنا فارت من العصبية باوعت لزيد لگته يباوعلهة وكاتم ضحكته
صعدت ارجوان ليورة هي وامهة وزيد ليگدام بصف امير
امير وجه المراية علة ارجوان ويباوعلهة وهي مطنگرة وماعاجبهة ومتجاهلته نهائيا
زيد بمرح: امير افتحلنه شي شني هالملل
شمس صافنه عليهم منطلقين بالسوالف: اي والله سمعنه شي اني ضجت كولش
امير باوع لارجوان بالمراية يريد يعرف هم حتحچي بس هي ضلت ساكته وبغير عالم
شغل زيد اغاني وهو ماخذ الدنيا ونسة وشمس اصلا ماتقيدت وية امير بالعكس حسبته مثل ابنهة وتحچي ويا طبيعي وهو هم اصلا ما انحرج وياهة علاقتهم حلوة
امير: ارجوااان
ارجوان ساكته تباوع للشوارع ومتسمعه
شمس وهي تحركهة من كتفهة: حبيبتي ماماتي خطيبچ دا يناديلچ
ارجوان هنا باوعت لامهة واشرتلهة شكو وامهة تاشرلهة علة امير
هنا ارجوان نزعت السماعات من اذنهة اللي صايرات جوة الشال: ها منو صاحلي
هنا امير افتهم ليش مو وياهم طلعت دا تسمع وهمة ميدرون
امير : وين صافنه شو ماتشاركينه بالحچي
ارجوان: امممم صافنه بالشارع وماليي حيل احچي
هنا زيد شاف ارجوان ماعاجبهة تلاحگ للوضع: امير جوعان اريد عشة
امير افتهم زيد شنو يريد يسوي: ماتبطل اكل انت
زيد بتوتر: لا والله هاذ العشق
ارجوان هنا گمزت وصارت بالنص: اي والله مال چكن برغر يممم يممم
امير هنا ابتسم: واخيرا نسمع حسچ
زيد: طبعا اذا واحد يجيب طاري الاكل لو ما الاخت تگمز
ارجوان بغيظ: زيد بليز اسكت هسة الة تريد تفضحني
زيد: هههه يا چا قابل محد مايعرفچ تموتين بالاكل
امير تضايق لان ارجوان منطلقة وية زيد وتحچي ويا عبالك اصدقاء الغيرة اكلته من جوة وگوة متحمل وخصيصا يعرف بزيد چان يحبهة النار تلسع بگلبه
وگف امير علة الطريق يم مطعم: يالله وصلنه
الكل نزل ودخلوا للمطعم وامير گوة متحكم باعصابة لان كل الانظار توجهت عليهم وخصيصا ارجوان
الكل نزل ودخلوا للمطعم وامير گوة متحكم باعصابة لان كل الانظار توجهت عليهم وخصيصا ارجوان
ارجوان گعدت علة الكرسي بعدم اهتمام وشمس گعدت بصفهة وزيد وامير گعدوا گبالهن
امير يباوع لارجوان بغيرة وحچة بهمس: ارجوان عندچ بعد اضيگ من هاذ اللبس
ارجوان صفنت علي وابتسمت بمكر: والله امير اعتقد انت تزوجتني هيچ يعني لازم تتقبلني مثل ما اني واذا متقبل ممجبور تكمل
امير اعصابة تلفت من وراهة وهي تبتسم بمكر ورافعه حاجبهة وتباوعلة بتحدي وزيد وشمس شافوا الوضع يتكهرب
شمس بتوتر: احم ماما حبيبتي شنو تردين تطلبين
ارجوان وهي تباوع لاضافير اديهة بملل وغرور: والله مامي انتي اختاري ذوقچ نفسي
شمس ابتسمت بارتباك: ماماتي شبيچ ضايجة
ارجوان بمكر : والله ماما مخنوگة ماعرف شنو بية احس شي مضايقني
شمس وزيد بلعوا ريگهم عرفوا قصدهة علة امير وامير هنا راح ينفجر من تصرفاتهة بس سكت وگام يختار مقبلات وزيد گام ورا
شمس بعصبية: مو عيب هيچ تحچين وية الولد اصلا زين لسه متحملچ
ارجوان: ماما انتو جبرتوني علي ولا اني اصلا ماردته
شمس: ادري هو شنو ذنبه تعاملي هيچ ها
ارجوان؛ حته يمل وهو يفهم انو ماريدة بس بطريقة غير مباشرة ويطلگني
شمس بعتاب: حرام هيچ تسوين هاذة كلة تتحاسبين علي لان دتجرحين مشاعره
ارجوان بعصبية: والله اني ماضربته علة ايده وگتله تعال اتزوجني
شمس: ماما عيب هذني السوالف صدگيني بعدين تندمين
ارجوان بسخرية: هههه ماماشنو اندم ها اندم علة واحد متزوج لا وهمات اهلة ميحبوني عود هم ياريت لو احبة
امير هنا چان جاي يمهم وسمع نص كلامهن وهو مصدوم يريد يتحرك من مكانه ميگدر
زيد اجه يمه: ها امير لويش واگف
هنا امير حس انو وجودة مامرغوب وخصيصا من زوجته نفسهة: ها لا بس شردت بفكري
زيد: يالله خلي نشوف شني يردن
امير هزلة براسه وراح سألهن شنو يردن وزيد راح طلبلهن
امير گعد وزيد رجع
باوع عليهة چانت تباوع علة كولشي بس متباوعلة ابد هنا انجرح كبريائة وحس سچين ينغرز بگلبه مجرد يفكر انو متطيقه وتكرهة ميتحمل ضل يباوعلهة بشرود وزيد انتبه علة نظراته الهة وسكت ماحچة شي وحس بغيرة گوة متحمل وشمس تباوع للوجوه ومتوترة لان كل واحد كاره الثاني ويغار من الثاني
دگ موبايل زيد وبعد نظراته عن امير وارجوان وجاوب: الو ها يمه لا والله احنه قريب بغداد اي يالله مع السلامه
سد الخط ونفخ بضجر ودنگ راسه
اجه النادل وزعلهم الاكل اللي طلبوا وگعدوا ياكلون بهدوء
ارجوان بهدوء: ماما اريد اشتري ملابس محجبات لان اللي عندي صارن قديمات ولبستهن مرة
شمس: هنة خالاتچ يطلعنه وانتي اشتري
ارجوان تحاول تلطف الجو : اي امير ماگلت لماما عن نفسك يعني قصدي شنو دارس وعن اهلك
امير باوعلهة بجمود بدون مشاعر: تعرفني زين مايحتاج تعرف اكثر
ارجوان بعدم اهتمام: اوكي بكيفك اني راح احچيلهة... اندارت لامهة... ماما امير خريج هندسة نفط
شمس بتعجب: صدوگ ولا ادري بس حلوة شهادتك شيخ مفيدة وخصيصا بالبصرة
امير هزلهة براسه وابتسم باصطناع وهو محمل علة ارجوان خير من الله
ارجوان: زيد بالله خطيبتك جمانه شگد عمرهة
زيد: ٢٢ سنه
امير نار الغيرة تاكله من الداخل بس ظهرة گدامهم عكس هاذة الشي
ارجوان: اووو ماي گاااد اكبر مني ب٣ سنوات
زيد: اي
ارجوان بحماس: اگولك بالله هية خريجة شنو
زيد وهو يشرب ببيبسي: ادارة واقتصاد
ارجوان وهي تصفگ باديهة: حلوو نفسك يعني تحمست اشوفهة
زيد ماحچة شي وخصيصا يعرف بامير شنو من شي فماتجرأ وحچة وياهة زيادة وامير يتمنة يسحل ارجوان من شعرهة عله لغوتهة الزايدة وخصيصا من تحچي وية صديقه والي چان قبل يحبهة مات من القهر وده يجيبهة ويحطهة بگلبه ويقفل عليهة حته محد يشوفهة ولا يحچي احد وياهة
شمس: ماما ارجوان بعدچ دتدرسين عله الحاسبه
ارجوان هنا خافت امهة تكشفهة انو هي تدرس عله الحاسبة تلاحگت عله الوضع: لا ماما بس حاليا يعني فد شي شهر امتحاناتي تبدي ولازم ارجع امتحن
ارجوان هنا خافت امهة تكشفهة انو هي تدرس عله الحاسبة تلاحگت عله الوضع: لا ماما بس حاليا يعني فد شي شهر امتحاناتي تبدي ولازم ارجع امتحن
امير ببرود: العرس اسبوع الجاي حته نروح سوة
هنا زيد غص وارجوان هم غصت واحد باوع للاخ
زيد ابتله علة عمره ودنگ راسه خاف امير حس بي وارجوان باوعت لامير بصدمه
ارجوان باستنكار: ومنو گلك اسبوع الجاي
امير: محد واتفقت وية عمچ علة الاسبوع الجاي
ارجوان بسخرية: شوفي ماما يقررون وحدهم.. اندارت لامير... شوف امير اني اريد فترة الخطوبة اقل شي ثلاث اشهر متريد ماكو نصيب هاذة العندي
امير عصب منهة كولش وعروگه نطت بعصبية وقابض عله ايده بقوة
زيد هنا لزم رجل امير يهدأه: بت عمي اجلي هاذة الموضوع مو وكته هسة ورانه طريق
ارجوان ببرود وهي تخلي رجل عله رجل: لا وقته شنو هو بكيفكم تحددون موعد زواجي واني مادري طفح الكيل منكم شو اصلا اني ماتزوج واضل هيچ واذا عله عيشة العراق ما اعيش
گامت وشالت جنطتهة ورادت تروح بس شمس لزمتهة: وين رايحة ها
ارجوان باستفزاز: والله ارض الله واسعه
شمس بحدة: ارجوان هواي تجاوزتي حدودچ اگعدي وبلا مشاكل عيب الناس كلهة تباوعلنه استري علينه
ارجوان سكتت ورجعت گعدت بضيق
امير باوعلهة بعصبية: يالله زيد نغسل
گام زيد وامير يغسلون وارجوان وشمس هم يغسلن
ارجوان وهي تنشف ايدهة بالكنينس بعد ماغسلتهن: ماما ترديني انتحر شنو هو بكيفه يقرر
شمس: والله اني هم انصدمت مفروض هاذة القرار ثنينكم تاخذوا مو بس هو
ارجوان؛ ماما انتي ليش متحسين بية يعني تصوري اتزوج باجبار والكل يتحكم بحياتي ادري شنو اني حيوانه هيچ يسوون بيه
شمس بقلة حيلة: والله ماماتي همة هيچ يعاملون المرأة مياخذون قرارهة بشي الزلم تفصل والنسوان يلبسن
ارجوان بحدة: اصلا ما اسمحلهم هيچ يسوون بية وخلي يولون شنو ماعندي شخصية يحركون بية مثل اللعابة
شمس بتنهيدة: اسكتي هسة خلي نروح عود من نوصل لخالاتچ وخوالچ احچيلهم علة زواجچ وهمة يتصرفون لان هاذة ابوچ صاير مينحمل حته حچاية مني ميسمع
ارجوان: ماما راح اسبب مشاكل بينچ وبين بابا
شمس بحزن: اووف ياماما شحچيلچ خليني ساكته اذا هو ابوچ هسة صاير ميطيقني مادري شنو الي بدلة علية من رحت لاميركا ورجعت هيچ لگيته
ارجوان گامت تبچي وامهة حضنتهة: خلص ماماتي لتبچين
ارجوان بدموع: ماما ليش ماگتيلي علاقتچ وية بابا خربت
شمس وعيونهة دمعت: مادري والله اصلا اني اجيت لبغداد اگعد يم خواتي واخوتي احسنلي من عيشة ابوچ الي كولشي ممنوع ويتحكم بية بادق التفاصيل هو هذة الزواج شعبالچ لعد
ارجوان وهي تمسح دموعهة باديهة وحچت بجدية وقوة: ماما اذا علة هالحچي خلينه نعيش يم خالاتي وخوالي ماريد اعيش وية بابا لان اذا عشت يمه يزوجني لامير
شمس ابتسمت وحضنتهة: انشالله ماماتي
ارجوان وشمس طلعن من الحمام ولگوا زيد وامير منتظريهم بالسيارة خارج المطعم طلعن وركبن السيارة
امير باوعلهة بقلق: ارجوان شبيهن عيونچ شني باچية
ارجوان ماحچت شي دارت وجهة عنه وهو تنرفز من تصرفاتهة ومشة بالسيارة
وصلوا لبغدد بالتحديد لبيت خالة ارجوان " نجلاء "
نزلن شمس وارجوان ودخلن للبيت وامير وزيد حجزوا بفندق
:؛:؛:؛:؛:؛:؛:؛:؛:؛:
نجلاء: هلة باختي حبيبتي يومه العروس هنا
ارجوان ابتسمتلهة وباوستهة وشمس حاظنتهة بلهفة: اوووف نجلاء مشتاقلكم كولكم
نجلاء بعتاب: غير انتي تزوجتي هاذة الشروگي وتركتينه
شمس: لا نجلاء لتحچين علي هاذة زوجي ابو اولادي
نجلاء تفهمت اختهة ودخلتهن جوة وانفتحن بالسوالف اللي متخلص
♕♕♕♕♕
زيد وهو يتمدد علة السرير بتعب: امير لاتزعل من اسلوب بنت عمي
امير بعصبية: زييييييد جاوبني بصراحه بنت عمك انغصبت علي
زيد بلع ريگه وغمض عيونه: ماعرف
امير وهو يگعد بصف زيد علة السرير: گاعد اتحچة وياك
زيد عدل نفسة ودنگ راسه بحزن: والله ماعرف شني اگلك بس عمي كريم غصبهة ومنطيك كلمه وهي رافضة
هنا امير فار من العصبية: لويش ماگتلي من البداية هااا يعني راح اعيش ويه وحدة مجبورة وياي طول عمري وتستهزأ بية
زيد: لويش هي مستهزأة بيك
امير حچالة كلامهة الگالته بالمطعم سكت زيد وماحچة شي: ماعرف شگلك بس هي اتحدت عمي وتجادلت ويا وهو عصب لان محد مايكسر كلمته
امير حچالة كلامهة الگالته بالمطعم سكت زيد وماحچة شي: ماعرف شگلك بس هي اتحدت عمي وتجادلت ويا وهو عصب لان محد مايكسر كلمته
امير تنهد بحسرة والم: چا شسوي هسة هي ماتريدني انه وين انطي وجهي لابية الغي الزواج ولابية اكملة وياهة
زيد: امير هي ماتكرهك بس ماتگدر تفكر بيك كزوج وحقهة يعني انتو چنتوا رفجان عاديين وهسة تزوجك صعبة عليهة
امير بحيرة: اريدن حل هي حته ماتدحگلي واذا تدحگلي تضوج وكلامهة وياي بالگوة طالع منهة
زيد حزن علة صديقه وعلة ارجوان مهما يكون هي هم الهة الحق باختيار الزوج المناسب الهة
زيد: لويش ما تبدون من جديد انت تفهم وضعهة وشوف شنهو اللي تريدة وصيروا رفجان وبالتدريج لحد ماتحبك
امير سكت يفكر بكلامه واقتنع وقرر يسوي الي گاله زيد
زيد ابتسم بحزن ويتمنه الصديقه التوفيق
نهلة بعصبية: وليحد هسة ما اجه مو هو گال بالليل اتحضر
مها: عمتي تگول رايح لبغداد وية خطيبته وامهة وصاحبة
نهلة: شنييييي شو اصلا ماگايلي اريد افهم انه مو مرته
مها بحزن: والله ماعرف شگلچ بس الله يصبرچ
نهلة توعدت لارجوان ونيتهة سودة عليهة
نهلة برجاء : مها ساعديني دخيلچ ماريد بيتي ينخرب
مها بخبث: عندي الحل
نهلة بلهفة: شني
مها: نروح لام خلف السحارة
نهلة: عزززة انه ماسوي سحر يمه اعوذ بالله
مها: وليچ لاتصيرين غبرة چا يطير زلمتچ لوحدة ****
نهلة باقتناع وتردد: يعني برايچ نروحلهة
مها: اي اي
مها: اي اي
نهلة بلعت ريگهة وتورت: واذا عرف الشيخ
مها بشر؛ مراح يعرف
هاي كلة ومروة زوجة مهدي واگفة ورة الباب تسمعلهن وانصدمت بمها ونهلة وخصيصا مها بسرعه ركض لغرفتهة بخوف منهن
♕♕♕♕
نجلاء: والله يا اختي اني برايي اگعدي وسكتي لتسوين ثارات بينه يبووو فوگهة اهل رجلچ كلهم عشاير
شمس بحيرة: هو اني ليش اجيت غير اريد حل صاير مو مثل قبل وياي
نجلاء: هو مأذيچ
شمس: لا بس يتحكم بية علبوا عيب تلبسين هيچ وعيب تحچين وتتنعوصين هسة شسوي
نجلاء: شمس اگعدي وستري عله روحچ صدوگ تحچين عمرچ حيصير ٤٥ سنه وبعدچ علة نفس سوالفچ عود انتي عندچ ولد بطولچ واطول هم وبعدچ بتفكيرچ المتهور
شمس: اي صاير ميدللني
نجلاء: ولچ عوبة هو الرجال من يكبر يريد وحدة تدلل علي مو هو يدللچ عوبة
شمس بتردد: يعني برايچ اسكت واگعود بمكاني
نجلاء: اي والله احسنلچ وثانيا هاذة بيت رجلچ بدال متسترين علي تفضحي علبوا ميدللني ولچ استحي شكبرچ بعد تصيرين
شمس: شكرا اختي والله لولاچ چان صدوگ تهورت وسويت مشكلة
نجلاء: مو ادري بيچ اني تعلمي بيتچ لتطلعين اسراره ومشاكله ارضي بحالچ اشو انتي مدلله اكثر وحدة بينه
شمس ارتاحت من حچت وية اختهة
نجلاء وهي تندار لارجوان: وانتي ثولة شبي خطيبچ شو يخبل وشكله هيبة ومبين يحبچ لتصيرين فاهية مثل امچ تتهور وتستعجل
ارجوان: خالة والله ماريدة
نجلاء: انتي تكرهي
ارجوان: لا ما اكرهة بس ما احبه
نجلاء: وليش
ارجوان: لان ضاحك علية
وحچتلهة سالفه صداقتهم ونجلاء تستمعلهة
نجلاء: اي غير يحبچ وصادقچ لا تردي گبل يدخلچ علة نت ويگولچ اني احبچ باباتي ثگلي خررب هاي نفس الطگعه هي وامهة باعيني هو شيخ وعيب يدخل عليچ هيچ من الشباك فهو رادچ تتقبلي كفرة صديق وبعدين يخطبچ وتبدي قصة حبكم ولچ انتي شگد ثولة
ارجوان فكرت بكلامهة وخجلت: بس..
نجلاء: لابس ولا شي باچر تحچين ويا تفهمي وضعچ وگوليلة خلينه نبدي اصدقاء وبعدين اشوف وين يوصل بينه الطريق شبيچ احچي ويا وديربالچ تعصبي احچي ويا بدلال ودلع حته اذا عصب يهدأ من طريقة كلامچ
ارجوان: اوكي
نجلاء: نشفتن ريگي من سوالفچن عابت هاي ثاني يوم من خطوبتهة وعدهة مشكلة ادري لو تتزوجين شنو چان صار بيچ
نجلاء: نشفتن ريگي من سوالفچن عابت هاي ثاني يوم من خطوبتهة وعدهة مشكلة ادري لو تتزوجين شنو چان صار بيچ
ارجوان سكتت وقررت تمشي بحچي خالتهة وعمتهة الاء
راحت بغرفة خالتهة وشافت الساعه بال١٢ بالليل اتصلت عله امير
امير: الووو
ارجوان بارتباك: الو امير
امير مجروح كولش منهة: ها ارجوان رايدة شي
ارجوان بتوتر: اريد احچي وياك بشي خاص بليز
امير: احچي
ارجوان تنفست بعمق وزفرته علة مهل: شوف امير راح اعترفلك بكولشي حته علاقتنه تكون مبنية علة تفاهم وصدق
امير بترقب: كملي
ارجوان: اريد نبدي من جديد ننسة الي فات وانك كنت صديقي يعني كانما انت شخص تعرفت علي هسة
ارجوان: اريد نبدي من جديد ننسة الي فات وانك كنت صديقي يعني كانما انت شخص تعرفت علي هسة
امير بفرحة: تصدگين انه هم چنت مفكر بهاي السالفه
ارجوان ابتسمت: امير اني اسفة لان عاملتك بهاية الطريقة قصدي اليوم بس صدگني چنت مامتقبلتك كزوج الي اتمنه تعذرني
امير: ارجوان اعرف انتي مجلورة علي وانه چنت شايل هم لان لابيدي الغي ولابيدي اكملة وانتي ماتردين ي
ارجوان: اشكرك لان تفهمتني اتمنه نبدي من البداية كاصدقاء ونشوف وين يوصل بينه الحال
امير سرح بصوتهة اللي يعشقة: ماشي
ارجوان بارتياح: شكرا
امير بحب: ارجوان
ارجوان: ها
امير: شعجب هسة يالله فكرتي بية ورحمتيني واليوم شلتيني ورگعتيني بالمطعم
ارجوان بخجل: ليش چنت تسمعني
امير باستمتاع: اي كلشي
ارجوان بخجل: والاه ماعرف شحچي بس چنت اليوم كولش معصبة ومتوترة من ورة عمو كريم
امير بملل: عله موعد العرس مو
ارجوان: اي
امير: انه راح ااجلة لخاطرچ
ارجوان: اوكي
امير: حبيبتي
ارجوان بعصبية: اميير شنو حچينه مو گلنه اصدقاء
امير: ههههه ياجلمه ردي لمكانچ يالله لاتزعل علين ارجوان
ارجوان ابتسمت وحست هموم راحن من صدرهة : تدري شنو اتمنه
امير: شني بالله
ارجوان: اتمنه يرجع بية الزمن من كنت اتكلم وياك كصديق تدري شگد چنت احب احچي وياك احس نفسي صدوگ مسوية شي الي عندي هيچ صديق چنت تنصحني دائما واحب هالشي كولش
امير بحب: وانه چنت انتظر اليوم كله علمود اتحچة وياچ
ارجوان: اممم بدينه بالرومانسية حياتي روح نام باچر عندك گعدة من الصبح تفرني المولات
امير: يعني لزوم تخربينهة علي خرررب هسة العن ابو الرومانسية
ارجوان 😂😂: هسة ليش ضايج غير افتهم
امير 😒: ماكو شي يالله تصبحين عله خير
ارجوان: وانت بخير
سدت الفون وتنهدت براحة وابتسمت بسعادة لان استرجعت امير القديم
ركضت لخالتهة تبوسهة: ميرسي خالة ميرسي 😘😘
نجلاء بغرور: شفتن اني حلالة المشاكل الزوجية الله عليچ شموسة مو خوش حلالة مشاكل
شمس: 😒 اي
نجلاء: اگلجن هسة يجي طارق
شمس: يبوو هاذة الغثة
نجلاء: انچبي لچ هاذة حبيبي وزوجي ابو اولادي
شمس: الله يحفظة الچولو اني ما احبة
نجلاء 👐؛ امداچ اكو واحد ميحب طروقي يمه فديته
شمس: اريد انطمر فضيني
نجلاء: نامن بغرفه سائد ملتحق بالدوام
راحن ارجوان وشمس نامن بغرفة سائد ابن نجلاء
&-&-&-&-&
امير بس يبتسم ويتذكر محادثتهم ومرتاح نفسيا لان هي سهلة الوضع علي وزيد يحچي ويه خكيبته جمانه ومنسجم وياهة وناسي امير يمه ومنطلق بالحچي
گعدوا الصبح وارجوان گضتهة تفتر بالمولات وامير رجلي انسحگن من المشي والفرة وهي تسحلة وياهة وزيد طالع وية جمانه وشمس وية اختهة
ارجوان بحماس: امشي هاذة الكوت عجبني
امير بتعب: ولچجتعبت كافي صارلي اربع ساعات وياچ بالسوگك
ارجوان: هاي شنوو شيخ امير طلع كسلان 😜
امير: امشي فضيني استفرالله لزوم تقصفني
ارجوان بغرور: اوفكورس قلبي
امير ابتسم علة سوالفهة القديمه اللي رجعتلهة
دخلوا للمحل وارجوان تگدره وامير منعجب بيهة ويأيدهة علة ذوقهة
صاحب المحل بعين وكحة : اني برايي اخذي قياس الاصغر يطلع عليچ كولش حلو وخصيصا علة جسمچ
امير هنا دخن من الغيرة: ماتستحي انت...
ارجوان قاطعته ببرود: تفضل الكوت ماريدة ومامحتاجة رايك خلي لنفسك
شابكت اديهة وية امير وطلعت: شلون شكول تخزي استغفرالله
امير بعصبية: لويش تحچين ويا
ارجوان 😜: امير غيران ههههه اتس اوگي حليت المشكلة ميحتاج تضربة ميستاهل توسخ ايدك علمود كم كلمه تخزي مثلة
امير انصدم: انتي صدگ تحچين
ارجوان: اي والله شبيك لعد لو تشوفني من احد يتحارش بية اكله واشربة واغسلة بالرزايل حياتو وياك ارجوان مو حيالله 😏
امير بعصبية وغيرة : وتحچين هيچ كدامي عادي يتحارشون بيچ
ارجوان وية تگرص خدة بمرح: فدوة للي يغار بس لتعصب عيوني بس اقصد اعرف ارد الناس مو فاهية
امير تنهد بضيق ومشة وياهة
ارجوان بضيق مصطنع: بس حرامات راح علية الكوت كولة من ورة هاذة الخبيث
زيد انضرب بامير واحد باوع للاخ
زيد 😒: هاي وين ما اروح الگاك بوجهي
امير بضيق: هو انه لو انت
جمانه صافنه علي باعجاب وباوعت لارجوان وانبهرت بيهة
ارجوان باوعت لجمانه وابتسمتلهة عرفتهة هاية جمانه
زيد بضيق: المهم اقدملكم مرتي جمانه
جمانه بابتسامه نازكة: هلاووو
امير دنگ راسه: هلة بيچ خيتي
ارجوان بلطف: هاي شلونچ جوجو
جمانه شهگت: انتي ارجوان اي والله ولچ واخيرا شفتچ
تحاضنن ويسلمن بحرارة وامير منصدم وزيد مبتسم بحماس
ارجوان: اني الاشوق حياتي ماگتيلي شلونه زيد وياچ
جمانه باوعت لزيد بحب: زين كولش احبة ويحبني
ارجوان ابتسمت: الله يحفظكم
جمانه بتعجب: ماتوقتتچ هيچ حلوة يعني زيد گالي حلوة بس مو لهالدرجة
زيد 😢 وه يباوع لامير بخوف : الله يرحمك زيد
امير شعوط من الغيرة: انه اعلمك طايح الحظ
ارجوان كمشت كتفه وباوعتلة بلطف: امير مو وقتهة والله 😊
امير هدأ روحه ويتوعد لزيد ولو چانت النظرات تقتل چان زيد هسة جوة التراب
ارجوان: ميرسي حياتي انتي هم كولش حلوة
جمانه بخجل: اووي شكرا حياتي
ارجوان: هههه لا والله وطلعت جوجو تخجل واني مادري
جمانه ضحكت وزيد خايف من امير
ارجوان وهي تلزم ايد جمانه: امشي خلينه نروح نشتري ملابس احسن من الشباب بس يتعبون... وتباوع لامير بمكر
زيد بخوف: عليچ الله ارجوان انطيني مريتي وانتي اخذي خطيبچ ماريد اليوم اموت بعدني مامعرس والعباس
جمانه 😂😂: هاي شبيك حبيبي خايف
زيد وهو يباوع لامير بخوف: ولچ راح يكتلني كله من وراج
جمانه باستغراب: ليش
ارجوان همستلهة: يغار لان زيد گال علية حلوة
جمانه بحماس وخبث: الله لعد راح اخلي زيد ينكتل اليوم
ارجوان: لا خطية انقهر علي
جمانه وارجوان تركوا زيد ودخلوا لمحل مال البسة نسائية مال طلعة
جمانه وهي تگلب بالملابس : اگولچ هاذة خطيبچ يخبل كولش لايگين علة بعض
ارجوان بخجل: ميرسي حياتي وانتي وزيد كولش كيوت
أضف تعليقاًجمانه: هو ليش لعد اني وافقت علي لان بصراوي وحلوو 😍😍 ويحبني بخبال 😂
ارجوان: 😂😂😂 لا صدوگ الله وكيلچ هيچ حب مينراد علة كولشي يغارون
جمانه: ولچ حلوو يخبلون دشوفي شباب الجنوب يخبلون كولهم هيبة مو مثل بغداد
ارجوان: وشبيهم شباب بغداد
جمانه: يبووو شايفتلي كم واحد بالجامعه چنهم بنات الشعر شطولة والحواجب حافهن خو اللحية ممسوحه من وجهة واللبس الضيگ عبالهم البنات يگلبوهم ميدرون البنات يكرهن هيچ شباب طبعا دا احچي علة كم واحد شايفته مو كولهم بس لا والله اكو منهم صدوگ مرتبين ومحترمين وحلوين 😍😍
ارجوان: والله اني مشايفه اول مرة الي هنا اني شايفة شباب الجنوب بس يعني عادي شكلهم ماعرف اقدر لان اني عايشة بدولة اجنبية
جمانه: هلاوووو يعني اكو هناك صاكييييين 😍
ارجوان 😂😂😂: والله انتي وزيد گدر ولگه غطا ثنينكم بس تتحارشون بالصاكين
جمانه: يا اموته اذا باوع علة وحدة غيري
ارجوان: دمشي نشوف غير محل ماعجبني هاذة
طلعن من المحل وميدرن انو ابو المحل چان يسمعلهن ووگع بنص هدومه لان هو لبسة ضيگ وشعره عالي ولحيته موخرهة وحاف حواجبة
امير وهو رافع حاجبة ويحچي بغيرة : اي زيد مرتي حلوة موو
زيد باحراج: والعباس هاي گبل مو هسة يعني قبل لاتخطبهة والله
امير تنفس بعمق يهدي روحه: امشي من يمي لا والله اجيبك بكفخة هسة
زيد ضحك علة غيرة صديقة ومشة ويا
----------
مها ونهلة گاعدات گبال ام خلف السحارة
نهلة برعب وتهمس لنهلة: وليچ بيتهة يخوف ويخنگ
مها بهمس: انطمي خاف يسمعوچ الجن
هنا نهلة ساحت من الخوف وترجف
ام خلف: شتردن
مها بتوتر: عيني ام خلف نريد سحر
ام خلف: شني تردنه عمله شني
مها: نريد زوج نهلة يجي عليهة ملهوف ومايگدر يفارگهة
ام خلف: وبعد
نهلة برجفه: اريدن يگربلي ومايگدر يفارگني لحظة وحدة
ام خلف وهي تاخذ كف نهلة وتقرا : زوجچ شيخ امير ويعشگله وحدة اميركية ومو بحالچ ومايفكر بيچ
نهلة: چا شلون عرفتي
ام خلف بحدة: انه اعرف ولا تسالين بس مايفيد سحرچ علة الرجال
نهلة: لويش
ام خلف بشيطانية: هاذة عاشگهة ومهووس بيهة وعشگه الهة مايتفرگ وحته لو سوينه السحر يرجعلهة لان هاذة السحر مدة وينتهي
مها بقلق: هاو چا حته السحر مراح يفيد ويا
ام خلف: اي لان مايگدر بدونهة جاي اگلچ يعشگهة بهووس وبقوة
مها: وشني الحل
ام خلف وهي تقرة كف نهلة: تسوو علة البنت لان هي ماتحبة وتگدر تتخلة عنه
نهلة: اي اي عليهة بس اريدهة ماتطيق الشيخ وتقاومه وماتحبة وتريد تطلگ منه وتسوي مشكلة وهو يكرهة من سوالفهة
ام خلف: وعلويش خو تتمرض احسنلچ لان بعد لايگدر يگربلهة ولا شي
نهلة بلهفة: اي اي
ام خلف: ولو انه اول مرة اساعد ناس وانطيهم تفاصيل بس لخاطر مهاوي گتلچ علة الحل روحن و اريدن منچ تجيبين شي من ملابسهة وشعراية منهة
نهلة باوعت لمها: اي انشالله
طلعن من يمهة ونهلة حايرة مين تجيب قطعه من ملابسة وشعراية
مها: اگلچ خلينه باجر نروح لبيتهة ونزورهة ومن تسلمين اعليهة جري شعرة منهة وانه اجيب شي من ملابسهة
نهلة: اي ميخالف
♕♕♕♕♕
ارجوان وهي راحت لامير: هلاوو شلونك وية زيد
امير بحب : وين صرتي حبيبتي كل هاذة علمود قميص
ارجوان: اي وهم ما اشتريت ماعجبني القمصان
امير تنهد: انتي كلشي مايعجبچ
ارجوان ابتسمت بخجل: لا بس والله محلوات
امير بشك: موحلوات مو امشي يالله
راحوا تغدوا وكملوا وطلعوا للامام زارو وارجوان زارت خالات امهة الثنين غير نجلاء وزارت خوالهة الثنين وبقن يومين زيادة ورجعوا للبصرة وصلوا ثاني يوم لان الطريق طويل
الاء وهي تباوسهة: قبل الله الزيارة ها شلونهة روحتچ لبغداد
ارجوان: منا ومنكم دعيتلچ بالامامين شگد
ارجوان حچتلهة الاول والتالي بس مشكلة امهة ماذكرتهة وبعض الكلام المينحچي
الاء: عفية عليچ سمعتي حته خالتچ تگلچ هيچ
ارجوان:هو اني قررت استسلم وارضة بنصيبي
الاء ضلت تنصحهة شگد وارجوان وياهة والبنات كل وحدة تنطي رايهة وتنصحهة بحيث ارجوان داخت من وراهن
♕♕♕♕
امير وهو يبوس اديهة: شلونچ يالغالية
ام امير: الحمدلله يمه دعيتلي بالامامين
امير: اي يمه
نهلة: قبل الله الزيارة
امير: منا ومنكم هاچ يمه جبت دهين وساهون مو تاكلي لا يصعد السكر عندچ
ام امير 😒: چا عليش منطيني ياهن
امير: هههه نسيت هاچ ام عمار اخذي ودي بالمطبخ
اخذته مها منه ودته بالمطبخ
ام امير 😑: ماجبتلي شي من حظرة الامام
امير: ههههه لا شلون انساچ يالغالية جبتلچ هاية المصلاية وچادر صلاة من سوگ الامام
ام امير: يا بعد روحي الله يرزقك بالذرية الصالحة
امير: انشالله يمه
صعدت نهلة ورة امير: شيخ انت غير تگلي انت رايح لبغداد لويش خليتني انتظرك بالليل
امير بتذكر: اوووف نسيت عذريني نهلة والله راح عن بالي
نهلة الغيرة عاميتهة تقربت اله وحضنته وباسته برگبته : احبك شيخنة
امير هنا جمد بمكانه مستغرب من تصرفهة بس نسة هو ينطيهة حقهة الشرعي واندار ناحيتهة وباسهة: عذريني نهلة ناسي والله
نهلة برغبة : لا شيخنه عدنه وكت هسة
وووو...
انطاهة حقهة بدون مشاعر ناحيتهة وبس يفكر بحب حياته اللي هي ارجوان
نهلة منسجمة وياه وماهتمت لكل شي ونست هو متزوج غيرهة وگلبة وعقلة وية الثانية بس جسده وياهة
گام منهة سبح وبدل ولف راسة ونام من التعب
نهلة ضايجة من اسلوبة وياهة گامت وغسلت وكملت ونامت بصفه وتفكر شلون تاخذ قطعه من ملابس ارجوان
نهلة بين نفسهة( ما اگدر هسة انكشف خليهة عود من تزوج الشيخ وتجي تعيش ويانه عود اخذ منهة گطعه من ملابسهة وشعراية خليهة الحقيرة اخذت رجلي مني حته رغبة ماحسيت عنده مجرد يأدي واجبة ويروح )
غفت ونامت
ارجوان وهي تسولف وية البنات ومنسجمة وياهن حست بالم بطنهة كولش قوي
ارجوان بالم: آآي آآاآآي بطني اااي
الاء والبنات كولهن قلقن عليهة وارجوان وجهة صار اصفر وتبچي بالم
الاء بذعر: ولچ شمالچ
ارجوان ببچي والم: مادري 😭😭😭😭 ااااي بطني اااي
الاء ركضت نادت لابو ارجوان وهو اجه يركض وراه شمس
شمس بقلق: شبيچ ماماتي
ارجوان شحالهة صارت بس تصرخ وتبچي من الالم
لبسوهة عباية لاول مرة لان حالتهة طارئة وخلو علة راسهة شال وطلعوا بيهة للمستشفه
♕♕♕♕
گعد امير الظهر گلبه مقبوض ميعرف ليش اتصل علة ارجوان متجاوب اتصل عليهة اكثر من اربع مرات متجاوب قلق وگلبه عصرة خاف بيهة شي اتصل علة ابوهة
: الو ها ابني
امير لاحظ صوته التعبان: عمي صاير شي
جواد بتعب وقلق: ماعرف شگولك ابني بس بنتي بالمستشفه
امير گلبه انخطف ووجهة صار اصفر حچة باستعجال: شبيهة عمي يامستشفه انتو
جواد: ب.....
لبس امير ملابسة مثل المخبل وطلع للمستشفه ومن وصل ودخل لگه العائلة كلهة مجتمعه وهنا چانت الصدمة اللي خلت امير بلا عقل
صراع الشيوخ
