رواية صراع الشيوخ الفصل الثاني والاربعون بقلم ليال القمر
امير شافهة مخليهة علة السرير ووجهة اصفر وكامشة بطنهة وتصرخ من الالم
امير راح عليهة بقلق: شمالچ ارجوان شو دحگيلي شو
كمش وجهة بيده ويمسح دموعهة وهو عيونه صارن حمر من العصبية: ويييين الدكااااااترررررررة ماتشوفون حالهة
جواد بقلق: ابني اهدة هسة يجهزون غرفة العمليات
امير هنا عيونه صارت بگصته: شني عمليااااااات فهمووووني
الكل خنس لان امير صاير اعصاب وگوة متحكم باعصابة
الكل خنس لان امير صاير اعصاب وگوة متحكم باعصابة
العم كريم: شيخ اهدة شغلتهة بسيطة انشالله هي عملية مصران اعور
امير تخبل ويصيح: شني شغلة بسيطة مرتي حتدخل عمليات وتگلولي اهدة ولكم شهدة
ارجوان بصراخ وتتلاوة من بطنهة ودموعهة نازلة علة عيونهة : اااااي ماما ساعديني اااااي راح اموووت ااااي
امير هنا بعد ميعرف شيسوي گام يرجف واعصابة تلفت ويصرخ بالاطباء والممرضين وهمة يتطافرون
شمس وهي تهدي ارجوان: ششش حبيبتي انشالله ماكو شي
حركوا سريرهة لغرفة ثانية وبس جواد وشمس وامير دخلولهة وطبعا ارجوان
امير وهو لازم وجهة وايده ترجف: سمعيني روحي لاتبچين خلاص اهدي
ارجوان هي بيا حال وهمة يگولولهة تهدي انوب گامت تصرخ باعله صوتهة وامير وجهة صار اصفر مجرد يشوفهة تتالم روحه تطلع ويتخبل بالزايد
فاتوا الدكاترة بسرعه ويحچون: بسرعه راح تنفجر الزائدة الدودية
امير هنا شال روحه ورگعهة ويسب ويغلط علة الاطباء لان هملوا حالتهة
دخلوا ارجوان للعمليات وامير يروح ويجي بالممر وروحه طلعت وگلبة صار طبل وگام يختنگ ويرجف باعصاب وعروقه برزت وخايف كولش عليهة
وشمس تدعي والعمام يدعولهة وابو احمد خايف ومتوتر وقلقان علة بنته الوحيدة
تقريبا ورة مدة مو قصيرة طلع الدكتور وامير والعمام كلهة راحتله
امير بقلق وگلبه معصور: بشر دكتور
الدكتور بابتسامه: الحمدلله عدت علة خير وهسة حالتهة استقرت
العم كريم: چا لويش ماتطلعونهة
الدكتور: هسة هي بالبنج يحتاجلة وكت يالله يفك فد شوي وتگدرون تدخلونهة وهم ننقلهة لغرفة خاصة
الدكتور: هسة هي بالبنج يحتاجلة وكت يالله يفك فد شوي وتگدرون تدخلونهة وهم ننقلهة لغرفة خاصة
الكل سكت وماحچوا شي وبعدهم علة صدمتم وخوفهم
امير يحوص يريد يشوفهة وگلبه حيطگ علة شوفتهة.. سمع صوت موبايلة يدگ راح بعيد عن اهل ارجوان وجاوب
امير: الو ها نهلة
نهلة بقلق: شيخ وين رحت طلعت مستعجل شصاير
امير وهو يمسح صفحه وجهة: لا بس ارجوان بالمستشفه وسوت عملية
نهلة بغيرة گوة خفتهة: لويش شمالهة
امير بتعب: صار عدهة مصران اعور بس الحمدلله عدت علة خير
نهلة بالگوة طلعت كلماتهة والغيرة حارگتهة : اهاا الحمدلله علة سلامتهة
امير: الله يسلمچ يالله نهلة لزوم اروح
نهلة بحقد وغيرة: الله وياك
سد الخط وشاف الممرضين يسحبون سريرهة ووجهة اصفر وملبسيهة قبعه زرگه وخالين عليهة اوكسجين ومشكليلهة بطل مغذي وجسمهة تعبان مهدود علة السرير المتحرك منظرهة كسر گلبه وروحه شاغت لزم التروللي ويباوعلهة والممرضين دخلوهة بغرفة خاصة ويچيكون وضعهة وطلعوا
سد الخط وشاف الممرضين يسحبون سريرهة ووجهة اصفر وملبسيهة قبعه زرگه وخالين عليهة اوكسجين ومشكليلهة بطل مغذي وجسمهة تعبان مهدود علة السرير المتحرك منظرهة كسر گلبه وروحه شاغت لزم التروللي ويباوعلهة والممرضين دخلوهة بغرفة خاصة ويچيكون وضعهة وطلعوا
دخلوا العمام وامهة وابوهة وامير لزگ يمهة من الطرف بالسرير يتمعن بوجهة ويشبع من شوفتهة
العم كريم بقهر : ايا مسكينه وجهة شلون اصفر حمدلله علة سلامتهة
جواد وامير وشمس: الله يسلمك
ضلت ارجوان طول اليوم بالبنج ماگعدت منه وحته من گعدت ضلت تمسلت وتخربط وترجع تنام وامير ماتركهة لحظة وشمس هم ما تركتهة وجواد يروح ويجي عليهة
الدكتور دخل عليهم بابتسامه: حمدلله علة سلامتهة
الكل: الله يسلمك
الدكتور: بس خوية بلا زحمة اچيك وضعهة
امير هنا شعوط من الغيرة لان الدكتور چان يباوعلهة سوالة مجال والدكتور يسجل مؤشراتهة والممرضه خلتلهة مهدء بالمغذي وطلعوا
شمس بتعب: روح امير اني يمهة خطية هم اتأخرت علة اهلك
امير باعتراض: لاعمتي خليني يمهة انتي ارتاحي شوف وجهچ شلون صار من التعب
شمس وهي تباوع لارجوان بحنان : لا مگدر هاي بنوتي شلون اعوفهة
امير ابتسم وباوع لارجوان بعشق وبحسرة
ارجوان فتحت تك عين وتباوعلهم وتحچي بلا وعي: عمه الاء ابعدي عني ضوجتيني اووف
شمس هنا فز: ها ماماتي گمتي
امير: لا عمه بعده البنج مفاك منهة يرادلهة وكت
شمس: هههه هاي حته هي ومو وعيانه تشكي من الاء
امير تنهد ولازم اديهة يخاف يتركهة وشمس تباوعله بترقب ومستمتعه علة نظراته لبنتهة اللي كلهة حب وعشق وحسرة
شمس بترقب: امير انت لهالدرجة تحبهة
امير: اي واكثر عمتي هي النفس اليصعد وينزل بريتي
شمس: لعد ومرتك الاولى شنو وضعها ماگتلي
امير: اي واكثر عمتي هي النفس اليصعد وينزل بريتي
شمس: لعد ومرتك الاولى شنو وضعها ماگتلي
امير: الحمدلله زينه
شمس: عادي اسألك سؤال
امير: تفضلي عمه
شمس بحذر: شلون تحب بنتي وانت متزوج يعني مافكرت بمرتك شنو ردة فعلهة
امير: عمه انه احبهة منزمان من گبل لا اتزوج بس مصارت قسمه بينه
شمس: اي صح بس الصراحه اني بدال مرتك اقيم القيامه علة زوجي شنو يتزوج علية مو بعينه
امير: ههههه والله عمتي انتي وارجوان ماشاءالله نفس السوالف والطبع
شمس: ههههه اي هي علية طلعت بكولشي سبحان الله بس طلعت علة ابوهة بشغلة
امير باهتمام : شنية بالله
شمس: اخذت بس لون عيونه
امير بتفكير: اي صح نفس لون العيون
شمس بتنهيدة: اني حروح للبيت اجيبلهة ملابس اغيرلهة
امير اومئ براسه وشمس طلعت وامير استغل الفرصه وعيونه دمعت: حبيبتي شمالچ اليوم وگعتي گلبي چنتي تتأذين وانه مادري اوووف صراخچ كسر ظهري وروحي وگلبي وكل شي
تنفس بعمق ومسح دموعه وباسهة بجبينهة ولازم اديهة دخل جواد
جواد: روح عمي انه اضل يمهة امهة راحت وية اخواني يجيبولهة ملابس
امير: لاعمي خليني انه مرتاح هنا
جواد اصر عله امير يروح بس امير معارض وماقبل فسكت جواد وضل يم ارجوان وامير
♕♕♕♕♕
نهلة بغيرة: مهاوي رايح يمهة گليلي شسوي هسة
مها: اكلچ ترة هي مريضة چا تردينه يتركهة ويجيچ والله بطرانه
نهلة بغيرة: مهاوي رايح يمهة گليلي شسوي هسة
مها: اكلچ ترة هي مريضة چا تردينه يتركهة ويجيچ والله بطرانه
نهلة: چا شسوي گليلي
مها بخبث:...........
نهلة بشهکة: لا يمعودة اصلا نسيت السحر وما افكر بي عوذة سمالله شني ماعندي عقل افكر
مها : انتي غبرة اصلا احسن وكت هسة تسوينه حته مايشكون لا سحر ولا شي
نهلة باعتراض: لا ماسوي شني ذنبهة هي هنوب زيد عليهة وهي مسوية عمليه خطية صحيح اغار منهة بس ما اكتل بشر انه
مها وهي تغمهة: اهمداچ انه رايحه اشوف سجاد بعد گليبي
نهلة باوعتلهة بضيق وتنهدت
هنا مروة شردت بسرعه قبل ليشوفوهة
مروة وهي تحچي وية روحهة: يمه بسم الله الرحمن الرحيم هاي مها حقودة كلش الله يجيرنه انشالله لزوم اگول للشيخ بس لا اول شي اگل لرجلي واشوف
هنا مروة شردت بسرعه قبل ليشوفوهة
مروة وهي تحچي وية روحهة: يمه بسم الله الرحمن الرحيم هاي مها حقودة كلش الله يجيرنه انشالله لزوم اگول للشيخ بس لا اول شي اگل لرجلي واشوف
ضلت تفكر وحايرة وية مها شتسويلهة وتخاف تحچي وتسويلهة سحر يخرب حياتهة
مر اليوم علة قلق وخوف وتخطيط من بعض الناس وغيرة وحقد لتشرق الشمس ويبدي يوم جديد
گعدت ارجوان بتعب وتون من الالم وشمس اجت يمهة: ها حبيبتي گعدتي
ارجوان بتعب: اريد مي.. مي
انطتهة شمس مي بنسبة قليلة لان مسوية عملية
ارجوان فاتحه تك عين وتباوع لامهة: ماما شصار
شمس بحنان: ششش حبيبتي نامي ارتاحي
ارجوان بضجر والم: ماما شكو شصار
شمس: سويتي العملية البارحة وهسة يالله فكيتي من البنج
ارجوان ضلت ساكته وماحچت شي وغمضت عيونهة بتعب وراحت بسابع نومه
جواد دخل للغرفة ووجهة تعبان: ها شموسة شلونهة
شمس: لا الحمدلله گعدت من البنج وهسة نامت
جواد وهو يفرك بلحيته: روحي حبيبتي انه اضل يمهة بعد صار الصبح ويرضون انه اضل يمهة
شمس: صدوگ امير وين
جواد: بالليل راح گتله ميصير تضل هنا وهم مراح تستفاد شي لان مامسموح للرجال يبقون
تفهمت شمس الوضع: اي احسن خطية تعب من الظهر ويانه هو
جواد وهو يمسح علة شعر ارجوان ويباوعلهة بحب وحنان ابوي: باباتي شوكت تفتحين عيونچ الحلوة
شمس : هستوهة نامت عوفهة خطية
جود بتنهيدة: اليوم حنطلعهة من المستشفه اروح اسوي ورقه الخروج واجي
شمس: اوك
طلع جواد يسوي ورقة الخروج وشمس تلبس ارجوان تنورة سودة طويله ضيگه ولبستهة قميص وردي بناتي وشال وردة فاتح ولبستهة حذاء فلات وردي
دخل جواد: ها كملتي تبديلهة
شمس: اي سويت ورقة الخروج
جواد: اي لان الدكتور شاف وضعهة وگال ممتاز ميحتاج تبقة اكثر
دخل قاسم وشعره مخربط وعيونه گوة مفتحهن من النعس: ها اشيلهة
شمس: اي يالله
شالهة قاسم وطلعوا من المستشفه ودخلوهة للسيارة وابو احمد يمشي عله كيف حته ارجوان متتأذة وهي گعدت بالطريق وتعبانه حيل وصلوا للبيت ومن نزلوا ذبحوا ذبيحة يم رجلين ارجوان علة سلامتهة وارجوان غمضت عيونهة متريد تشوف الدم
تحمدولهة علة السلامه وضلوا يهتمون بيهة ونيموهة جوة بغرفة الضيوف
امير وهو يتصل علة جواد: الو هلة عمي
جواد: اهلا ابني
امير باهتمام: عمي ارجون گعدت لولا
جواد: اي الحمدلله وطلعناهة من المستشفه وهسة هي بالبيت
امير عصب لان مشافهة بس حچة بنبرة عادية: يالله انه جاي اشوفهة
جواد: اهلا بيك ابني البيت بيتك
نهة امير المكالمه بعد السلام اكيد ولبس علة السريع ونهلة تباوعلة بغيض ومعاجبهة
طلع امير لبيت ارجوان بيت العائلة
وصل گدام البيت والشباب استقبلوا بسلام حار
زيد: امير مايصير تشوفهة هسة لان النسوان عندهة
امير بضيق: چا مو مريتي
زيد؛ امير انت خاطبهة مامتزوجهة وكلشي وشيته
امير تفهم وگعد بالديوان وية العمام والشباب
-_-_-_-_-_-_-_-_
الاء باصرار : هاچ شربي موزين هسة تتخربطين
ارجوان بتقزز: ماريد تلعب نفسي
الاء: شربي موزين بالله تشريب لحم ومارضيتي علة الاقل شربي عصير
ارجوان بالگوة شربت من العصير ولعبانه نفسهة
احمد: ها جونه شلونچ
نور زوجة احمد بلطف: هي منيحة الحمدلله
احمد ابتسم واخذ ابنه جمال من مرته وگعد بصف ارجوان علة السرير: اي بالله تتألمين لولا
ارجوان: لا احسن من ورة المهدء
احمد وهو يبوس ابنه: اها الحمدلله عود لبسي حجاب ولد عمامي والشيخ يريدون يتحمدولچ علة السلامه
ارجوان وهي تحط الشال علة راسهة: عادي خليهم يدخلون
احمد وهو شايل ابنه طلع برة الغرفة وراح للديوان: يالله لابسة عمي
العم كريم: الي يريد يسلم عليهة خلي روح هسة ماطول النسوان مو يمهة ولابسة حجاب
دخلو اولاد عمامهة تحمدولهة علة السلامه وهي تجاوبهم واخر واحد دخل امير
امير بابتسامه عاشقة: الحمدلله علة السلامه حبيبي
باسهة من راسهة وباوعلهة بحب
ارجوان بابتسامه بسيطه: الله يسلمك
امير: گاعده تتاذين تحتاجين طبيب
ارجوان وهي تهز راسهة باعتراض: لا ميحتاج ماعندي الم
امير تنهد براحة
احمد وقاسم واگفين يم ارجوان وامير متضايق من وجودهم
امير: خوفتيني عليچ كلش
ارجوان بخجل : شسوي لعد مو بايدي اتوجع
امير بحنان: بية ولا بيچ يا عمري
قاسم بغيرة: شيخ ترة اخوتهة هنا
امير باوعله بجمود: شني انه رجلهة هم اعترضوا
احمد كاتم ضحكته: لا بس قاسم يغار عليهة عوفه مالك شغل بي
امير غيرته گبت وحضن ارجوان بتملك: يالله حبيبي انه رايح اذا تردين شي دگي علي زين ودايما اتصلي بية
ارجوان انحرجت من اخوانه: اوكي
قاسم بغيرة: اگلك شيخ مو كأنو الحضن طول ديالله عاد لزگت
امير ابتعد عنهة وباسهة من راسهة: هسة انت لويش حارگ روحك انه ومرتي شعليك انت
قاسم بمكر: لا والله بعدك خطيبهة حبي شوكت ما تزوجهة محكمة ذيچ الساعه سوي اللي تريدة
امير بضيق: بس هي مرتي بالشرع حته هم اگدر اخذهة تعيش وياي عادي شني المشكله
قاسم بضيق: لا والله هاي اختي ماكو تاخذهة
ارجوان ملت من مناگرتهم: اگولكم كافي بس تتناگرون اووي متگولون واحد مريض يمكم
احمد: اسفين عيني ازعجناچ
العم كريم دخل: ها بوية حمدلله علة سلامتچ
ارجوان: الله يسلمك عمو
باسهة عمهة براسهة وامير غيرته موتته
العم كريم: شلونچ بوية شني اكلتي اللي صار عندچ مصران اعور
ارجوان: اكلت چبس وگعدت اسولف وية البنات وصارت عندي هاي الالم
العم كريم: الله ستر عليچ بنيتي
ارجوان ابتسمت بوجهة: ميرسي عمو
طلعوا عمامهة وامير هم لان عيب يضل مدة طويلة يمهة
مرت الايام وارجوان صارت احسن ورجعت لغرفتهة وامير دائما يتواصل وياهة ويتطمن عليهة بس كل هاذة ارجوان ماحبته لحد الان متعرف شنو مشاعرهة ناحيته لا حب ولا كره يعني عادي وهو دايما يجي يمهة يعتني بيهة واهل ارجوان ماعارضوا جيت امير ابد لان هو زوجهة بعد وهمة عدهم اذا تعقد سيد بعد عادي يفوت ويطلع عليهة
ونهلة ميته من القهر تشوفه دائما طالع لو يحچي بالفون وگعداته بالبيت قليلة وزيد عرسة اقترب حيكون بعد يومين ببغداد لان جومانه رادت عرسهة يكون ببغداد وبالقاعه وتريدة خلط رجال نساء سوة وهو ما اعترض سوة اللي تريدة
طبعا الاحداث مرت عليهة شهر وارجوان طابت بس بعدهة تعاني من الم ببطنهة شوية
الاء باستعجال: وليچ شيريلي جسمي بساع عرس ابن اخوي بعد يومين وانه ليحد هسة مامشيرة جسمي
ارجوان: عمه ليش متستخدمين شمع احسنلچ والله وهو حالة حال الشيرة بس بعد احسن
الاء: لاع ماريد اريد شيرة
ارجوان: بكيفچ اني ماعرف للشيرة صعبه خلي كواكب تسويلچ
الاء راحت لكواكب تشيرلهة
وارجوان گعدت تختار لبس تلبسة بعرس زيد
دگ فونهة وجاوبت: الو هاي امير شلونك
امير بحب: هلة بيچ حبيبي ولچ اشتعلوا اهلچ بنار ونفط علة هالصوت
ارجوان بخجل: امير سوالفك بطلهن
امير: اااه شوكت يجي اليوم اللي تصيرين بحظني
ارجوان بعصبية ووجهة صار وردي من الخجل: انت شگد منحرف عييب
امير بتنهيدة: ولچ يامنحرف تعاي يمي واراويچ المنحرف شيسوي
ارجوان: هسة فضني شنو تريد تخابر علمود تخجلني موو
امير: لا بس اريد اعرف شني حتلبسين بعرس زيد
ارجوان: مادري هو اني حايرة
امير بغيرة: والله اذا لبستي لبس گصيف اموتچ والعباس
امير بغيرة: والله اذا لبستي لبس گصيف اموتچ والعباس
ارجوان بملل: امير يعني اني شوكت لابسة ضيگ متگولي
امير بغيرة: من رحنه لبغداد ولبسچ هاذ شيسمو
ارجوان: شنو چنت لابسة تنورة وقميص بعد شكو
امير: لا والله
ارجوان: امير انت تزوجتني هيچ ترضة بية مثل ما اني مامجبورة ابدل نفسي لان انت متريد نسيت الشروط لو اذكرك
امير بغيرة: ولچ اله تشعليني انتي موتيني بالشروط عمي العن الشروط وابو ابو الشروط
ارجوان: هاذة العندي ومال البس عباية تحللللللم
امير مات من القهر بس سكت ميگدر يعترض لان شروطهة وافق عليهن
ارجوان: يالله چاوو اريد اروح للصالون
امير: ممنوع تصبغين شعرچ ولا تگصي
ارجوان: امير كافي انوب اجيت علة شعري لتخاف ما اصبغه كولة بس كم خصلة يصير حلو شبيك واذا علة الگص بس ارتبة
امير بتفكير: ماشي بس مو كلة
ارجوان بكذب: اي ميخالف
امير تنهد براحة: زين حبيبي من تكملين تبديل اوديچ للصالون
ارجوان: اوكي انتظرك فد عشر دقايق واوگفلي بالباب واني اجيك
امير بعشق: حبيبتي انه طول عمري منتظرچ
ارجوان: اوكي باي
امير: هههه باي
سدت الخط ولبست فستان زيتوني شرعي مال محجبات ولبست شال كريمي وية حذاء كعب هم كريمي وجنطة هم كريمي باوعت لروحهة وابتسمت بغرور واعجاب بشكلهة طلعت تطگطگ بكعبهة وطلعت من البيت بعد ما انطت علمهة لامهة و لگت امير صدوگ منتظرهة
ارجوان وهي تصعد بالسيارة: هاي امير شلونك
امير: من شفتچ صرت بخير خرررب يومچ شهالبس تردين تجلطيني انتي
امير: من شفتچ صرت بخير خرررب يومچ شهالبس تردين تجلطيني انتي
ارجوان ابتسمت ابتسامتهة اللي تخلي الشباب تموت عليهة: امير لبسي شرعي مبي شي لتكون اوڤر اوكي حياتي
امير داخ بابتسامتهة وگرص خدهة؛ ولكم اموت بيهة ياناس
ارجوان ضحكت وباوعت للطريق: ديالله امشي شنو تريدني اتاخر
امير حرك السيارة ولازم اديهة ويبوس بيهة وارجوان خجلانه من تصرفاته اللي يوم عن يوم صاير ينحرف اكثر
وصلوا گدام الصالون: يالله من اتصل بيك تجي عليه وطبعا مو بس اني ترجعني عمتي الاء وبنات عمامي وعماتي وياي
امير بصدمة: كلهن
ارجوان: لا مو كولهن يعني احنه نطلع سبعه
امير 😉: ماشي يالله حبيبي اريد تصبيرة
ارجوان ضربته بالجنطة ونزلت وطبگت الباب: منحررررف متستحي
امير: ههههه يابة حلالي شبيچ
ارجوان باوعتلة بضيق: دروح يالله
ارجوان دخلت للصالون وامير شافهة دخلت راح هو للديوان علمود الگعده
÷×÷×÷×÷×
ارجوان بحماس: هلاووووو سمورة شلونچ حبيبتي
سميرة ام الصالون بفرح: ولچ ارجوان بعد گلبي وين صرتي صايرلچ شهر واسبوع مجايتني من عقدچ ليهسة
ارجوان 😣: سويت عملية لهاذة السبب مگدرت اجيچ
سميرة: يمه بعد رويحتي حمدلله علة سلامتچ
ارجوان: الله يسلمچ ياعمري
سميرة 😉: شلونهة الخطوبة وياچ
ارجوان: حلوة يعني عادي
سميرة: يالله شني المناسبة الاجيتيني بيهة بالله
ارجوان: سمورة اني اجيچ بدون مناسبات اصلا المهم عندي عرس عرس بعد يومين اريدچ تسويلي جسمي كولة بالشمع وتسويلي ماسكات لوجهي وتسويلي وجهي هم بالشمع وتصبغيلي شعري وتسويلي اضافيري
سميرة: علة كيفچ عيني شالحگ يالله ابدي بالشمع علة وجهچ
بدت سميرة تشتغل بارجوان وكملتلهة جسمهة بالشمع ودخلن الاء وانسام وسعاد واحلام وكواكب ونجمة
الاء بحماس : هلة بيچن وليييييچ شوكت اجيتي
ارجوان وهي گاعده علة الكرسي وام الصالون تمشطلهة شعرهة علمود تبدي بالصبغ: هاي اجيت وية امير
الاء: ها زين شلونچ سمورتي بعد روحي
وگامن يتباوسن
هسة راح اعرفكم بسميرة هاي نفسهة ام الصالون اللي راحتلهة اول مرة وضلت ملتزمه عدهة لحد الان من اجت فترة تروح للصالون هواي فتعارفن وصارن صديقات وسميرة تعرف الاء والبنات من گامن يجن وية ارجوان لان كولة يجن عدهة
سميرة: هاي شنو عيني وين الحگ وانتن سبعه لازم اتصل بصديقتي وباختي حته يبدن بيچن
اتصلت سميرة باختهة وصديقتهة وهنة صدوگ ورة شوية اجني وبدن بالبنات
ارجوان: سمورة حبيبتي اريدچ تگوصيلي شعري ترتبيليا وتسوي مدرج بس شنو عوفي علة نفس طولة لان امير ميقبل اقصه
الاء: هاي شنييي اهنا صاير امير بالموضوع
ارجوان بخجل: عمممه شبيچ
الاء والبنات يضحكن عليهة
ارجوان: اريدچ تصبغيلي لون بنفسجي غامق كولش اريدة مخصل يعني مو شعري كولة
سميرة: لازم اسحب اللون الماروني منچ يالله ابدي بي
بدت ام الصالون تشتغل بي وصبغته وسرحتلهة شعرهة بالشسوار طلع يخبل عليهة
الاء: ارييييد مثلچ😍😍😍
سميرة: لا انتي الميش يلوگلچ اكثر موحلو عليچ هاذة اللون
الاء بحزن: حرامات اريد عود مثلهة
سميرة: حبي الاء هي اللون طلع حلو عليهة لان بيضة علة حنطاوية اما انتي سمرة يلوگلچ الميش حسب خبرتي
الاء: خووش چا اذا هيچ امشي بذوقچ
سميرة وهي تدز ل الاء بوسة بالهوة : بعد گلبي
الا بدوا يميشولهة شعرهة والبنات ينتظرن يكملن كواكب والاء وارجوان حته يبدن هنة
ارجوان: يالله اضافيري بيوم العرس اسويهن
سميرة: ميخالف لان بعد ما الحگ
ارجوان: لا اني حروح لبغداد باچر ماگدر اجيچ
سميرة: اها حسبالي عندي
ارجوان: اتمنه انتي تسويلي بس شسوي اذا العرس ببغداد
سميرة: يالله ميخالف صالونات بغداد خوش يسون مكياج
الاء: ولچ انتي احلة وحدة تسوي مكياج
ضلن يسولفن ويحچن وونسة بالصالون والنسوان من يدخلن عاجبهن سوالفهن وينطلقن وياهن خو الاء گلبت الصالون بسوالفه وسميرة كلساع تغص من الضحك وكملن شغلهن لحد الثنتين الظهر وهاذة الحچي جاياتهة من الثمانية الصبح وصلن عدهة صلاة الظهر ويكملن بشغلهن وارجوان اتصلت بامير يجي عليهن وهو راحلهن حته يوصلهن
ضلن يسولفن ويحچن وونسة بالصالون والنسوان من يدخلن عاجبهن سوالفهن وينطلقن وياهن خو الاء گلبت الصالون بسوالفه وسميرة كلساع تغص من الضحك وكملن شغلهن لحد الثنتين الظهر وهاذة الحچي جاياتهة من الثمانية الصبح وصلن عدهة صلاة الظهر ويكملن بشغلهن وارجوان اتصلت بامير يجي عليهن وهو راحلهن حته يوصلهن
ارجوان وهي گعدت بصف امير والبنات ليورة
البنات: سلام عليكم شيخ
امير يباوع للطريق : وعليكم السلام
ارجوان : ها امير حليت المشكلة
امير: اي الحمدلله فضت
مشه امير بالسيارة والبنات گاعدات ليورة طبعا امير فتح الكراسي اللي ليورة صايرات وگعدن البنات براحة ثنين ورة الاربعه اللي ورة امير وارجوان
وصلوا للبيت ونزلن البنات
ارجوان: امير انزل تغدة ويانه
امير: لا انه رايح لاهلي
ارجوان: ليش متتغدة يمنه
امير بحب وهو يبوس ايدهة: والله ماگدر انه گلتلهم انتظروني فشلة اخواني ينتظروني هسة
ارجوان ابتسمتله: اوكي يالله باي
امير بخبث: وين بوستي
ارجوان: كافي تأدب هاي شجاك انت
امير: ههههه يابة غير مسكين انه مرتي عايفتني وماتنطيني بوسة
ارجوان: روح لنهلة شعلية اني
سدت الباب ودخلت للبيت وتضايقت بفكرة انو امير يتقرب لنهلة ضاجت من هاية الفكرة
امير تنهد بحسرة ويباوعلهة وهي تدخل حرك سيارته لبيته
مشة اليوم عادي والنسوان كلهن راحن لبغداد علمود حنة البنية وزيد حنته صارت بالبصرة
ارجوان لبست فستان بنفسجي من فوگ ضيگ وحصر كولش ومن جوة خصرهة منفوش يخبل عليهة طلعت مثل اللعابة وشعرهة سوته كيرلي وخلت فيكه علة راسهة مثل الماشة داير مداير راسهة كولة شغل خرز ومجوهرات كولش حلو وخلت مكياج ناري لوونه بيذنجاني ولبست ذهبهة مال المهر ولبست كعب عالي لونه بنفسجي طوخ طلعت شوية طويلة لان هي مو طويلة
راحت سلمت علة جومانه: مبروك حبيبتي
جمانه بفرح: جووونه اجيتي
ارجوان: لا مو بس اني اهلي كولهم اجوا طبعا حنة مرت زيودي شلون ميجون
جمانه بفرح: ماما عزمتكم بس مادري راح تجون عبالي متجون لان بالبصرة
ارجوان بضحك: هههه لتخافين اني عائلتي بس يسمعون حفلة گبل يجون
جمانه فرحت باهل زيد كولش وهمة حبوهة لان كولش هادئة وحبابة
چانت جمانه طالعة تخبل لابسة بدلة طويلة لونهة حمرة وشايلة شعرهة من فوگ والجوة مسويته كرلي وخاله مكياج لونه اسود ناري
طبعا ام زيد حنت اديهة ولبستهة سوار ذهب
والهوسات والدگ والرگص
الاء: كللللللللللوش جومانه ياچكليته حامض حلو باكيته كلللللللللوش
والهوسات ماخلصن والدگ والرگص صارت القاعه عبارة عن منصة رقص كولهة فرحانه
ارجوان گومت جومانه رگصتهة شوية وجومانه فرحانه كولش
والاضواء تسلطت علة ارجوان وجمانه شلون يرگصن
÷÷÷÷÷÷÷÷
المغني: زيد وربعه يزفونه يالله هم ابن شيخ ياللله هللة هلة
كلللللوش
حنة زيد كولهة شباب والعمام والشياب حضروهة بس بالبداية بعدين راحوا وبقوا بس الشباب
المغني: واخونه خوش اخو يستاهل الهوسة يالله 🎤🎼🎤🎺🎻🎹🎤🎼🎹🎻🎺🎼🎼🎻🎹🎻🎹🎻
يالله هلة هلة
كلللللوش
زيد فرحان لان حنته واصدقائه ويا
المغني: واليوم حنته يستاهل الهوسة واليوم حنته
كلللللوش
الشباب شايلين زيد وهو مكيف وكله ترگص
وامير واگف يباوعله ومبتسم وحسن وياهم علة الواهس
حسن: يا امير ماترگص شجاك هاذة عرس صويحبنه
امير: ولك مايصير عيب ان شيخ وتريدني ارگص عيب واگفه
زيد: دباع هو منو بحالك امشي فرح صويحبك امشي
حسن وزيد طببوا امير للساحه وهو معترض اخر شي
المغني 🎤: يالله هم دخل الشيخ افرح ششيخ افرح بعرس صويحبك يالله هلة🎼🎹🎼🎹🎼
گلبوا الحنه گلاب
مرة: عيني ام زيد منو هذيچة الحلوة
هيفاء مرت العم صگر وام زيد: ها ياهي
مرة وهي تأشر علة ارجوان: هذيچ الي ترگص العروسة
هيفاء: هاي ارجوان بنت حماي
مرة: اي عيوني بالله متزوجة
هيفاء: ارجوان ا...
ندى قاطعت كلامهن : كللللللوش تعاي فرحي بچنتچ تعاي
هيفاء بحرج: انتي احچي وياهة انه رايحة
راحت هيفاء والمرة راحت لارجوان
ارجوان واگفة وترگص وية جومانة: اگولچ جوجو اني تعبت راح اگعد علة طاولتنه
جمانه ابتسمتلهة والاء سحبتهة ترگصهة وياهة
گعدت ارجوان يم جنطتهة وطلعت فونهة تاخذ صور بي واخذتلهة كم صورة سمعت رنه موبايلهة: الو هلو امير
امير بحب: ها شلون الجو عدكم
ارجوان بضحك: صاخب كولش اصلا اني ما اسمعك زين هاي شنو جايبين مغني
امير: هههههه اي هاذة زيد جابة يگول هي مرة بالعمر خليني اتونس
ارجوان: امم الله يوفقه بس...
مرة: شلونچ عيوني
ارجوان باوعت للمرة : الحمدلله بخير
مرة: حبيبتي انتي بنت منو
ارجوان بابتسامه: بنت شيخ جواد
مرة: ها حبيبتي اني جاية اسألچ انتي متزوجة لو لا لان انتي عجبتيني وحبيت اخطبچ
ارجوان هنا بس تسمع صوت صراخ من امير: ارجوووااااان رفضي بسرعه لا والعباس ابو فاضل اجيچ احاچيچ
ارجوات ارتبكت وباوعت للمرة بتوتر: اسفه حياتي اني مخطوبة... وهي تراويلهة حلقتهة
ارجوات ارتبكت وباوعت للمرة بتوتر: اسفه حياتي اني مخطوبة... وهي تراويلهة حلقتهة
المرة: ها عبالي ممزوجة اسفه حبيبتي عذريني
ارجوان: لا عادي مصار شي
راحت المرة
امير بعصبية وغيرة: ارجوااان راحت
ارجوان: احم اي اي راحت
امير بغيرة : اكيد تخطبچ لان لبسچ ضيگ مو
ارجوان بخوف: امير شبيك هدي اعصابك
امير بعصبية: شهدي ها اذا همة مشافو ال**** اللي بايدچ لو بس يردون يحرگون اعصابي
ارجوان: امير بليز الفاظك محلو هيچ تحچي وياي
امير سحب نفس وزفرة: دزيلي صورتچ اريد اشوف شلون طالعه
ارجوان: اوگف اني ماخذة صور هسة ادزلك
سدت الخط ودزت الصورة الة وامير شافهة وصار اعصاب خابرهة مرة ثانية
سدت الخط ودزت الصورة الة وامير شافهة وصار اعصاب خابرهة مرة ثانية
ارجوان ارتبكت وخايفة فرفضت المكالمه ورجع دگ عليهة عاد جاوبته واجاهة صراخهة: شني هاللبس مال گ*** هااااا امشي تنزعي لا والحسين اجي اشگه عليچ
ارجوان گامت ترجف من صوته: امير شبي لبسي والله حلو
امير: شني حلووو ها ولچ انتي گوة تحرگين اعصابي غطي صدرچ لا هسة اجيچ
ارجوان خلت شال الفستان علة صدرهة واكتافهة: خليت شال علية خلص كافي بس تصرخ شنو هاي اوي
امير اعصابة تلفت من وراهة: سمعيني زين اذا شفتچ باچر لابسة ضيگ والقران افلشچ فهمتيييييي
ارجوان هنا كولش خافت منه: امير كافي خوفتني ليش بس تصيح علية
امير مسح وجهة بتوتر: لا تبچين ولچ لا تلفين اعصابي
ارجوان هدأت روحهة وحچت بخنگة: امير احچي وياك بعدين باي
سدت الاتصال وامير محترگ لان ضوجهة ضلت اعصابه تلفانه لحد ماخلصت الحنه
حسن: امير شمالك معصب
امير بحدة: ماكو شي انه رايح
حسن: امير وين رايح يااا چا وزيد
راح امير للشط وهو يلوم بروحه لان ضوجهة ورادت تبچي من وراة
♕♕♕♕♕♕♕
الاء: ارجوان بعد عمتچ شبيچ
ارجوان برجفه: م..ما..مابي..بية ..ش...شي
الاء: وليچ شصاير
ارجوان دموعهة نزلت: عمه امير گام يصيح علية لان لابسة هيچ ولان مرة خطبتني
الاء: يبوووو شيخلصچ هدي روحچ خلاص بعد عمتچ
ارجوان: عمه اني خايفة منه لان چان كولش عصبي
الاء: روحي خابري وراضي اكيد يزعل اذا طالعه گمر والكل گعد يتخطبچ من امچ ومن هيفاء لان طالعة چنچ لعابة
ارجوان ببچي: مادري شبية احس ضيق بصدري ماعرف ليش
الاء: خلاص حبيبتي بعد عمتچ انتي تعاي اغسلچ حته تصيرين احسن
اخذتهة الاء للحمام غسلتلهة وجهة وارجوان عدلت مكياجهة
ارجوان بتعب:عمه اني حطلع برة القاعه اشم هوة اختنگت
الاء هزتلهة براسهة: ماشي وهاچ هاي عباة لبسيهة لاواحد يشوفچ
ارجوان اخذت العباية وطلعت من القاعه وگفت تباوع علة السيارات والشارع
شاب: فديت الحلو اني ولچ شنو هالجمال فدوة لربچ
ارجوان باوعتلة بعصبية: تبعد من يمي لو هسة احير شسوي بيك
شاب: علة كيفچ عيوني ماحچينه شي
ارجوان ضاجت منه ورادت تدخل وشافت هاذة الشاب ينضرب باوعت لگت شاب يضربه جسمه معضل ورياضي وشكلة حلو
: كلب حقييير تتحارش بالبنية
ارجوان ضلت صافنه ومصدومه والشاب المعظل باوعلهة: اختي سوالچ شي اذاچ
ارجوان بفهاوة: ها لا بس
الشاب ضل صافن بيهة وبجمالهة استغفر ربة ودنگ: اختي انتي شلون تطلعين هيچ
ارجوان انتبهت العباية وگعت شالتهة وخلتهة علة راسهة: احم مادري العباية وگعت اعذرني
الشاب: انتي بهاذي القاعة
