رواية صراع الشيوخ الفصل الثالث والاربعون بقلم ليال القمر
قبل كولشي صوتولي
ارجوان انصدمت وباوعتلة بفهاوة وصدمة من السواة
بعصبية: منو سمحلك تسوي هيچ
امير باوعلهة ببرود بس من داخله نار هايجة بصدرة : ماسويت شي انتي حلالي
ارجوان بعصبية: انت كولش منحرف ومتستحي
امير سكت عنهة وهو متحلف بيهة:ارجواااااااان تسكتين لا وعلي احرگچ بمكانچ
ارجوان سكتت وباوعتلة بضيق وعصبية وودهة تنفجر علي رزايل علة سوايته
امير بحدة وجدية لا تقبل النقاش : بعد اسبوع العرس وماريد اعتراض
ارجوان باوعتلة بصدمة: شنوو مالحگ والله
امير بجدية: تلحگين بس انتي لو تفرفرين السوگ علة الاثاث بدال ماتشترين ملابس چان لحگتي
ارجوان ضاجت منه وسكتت وشفتهة موتتهة سحبت كنينس وخلتهة علة شفايفهة وامير باوعلهة من طرف عينه وابتسم ابتسامه جانبية وهو يبلل شفته
امير بخبث عكس عصبيته اللي چان بيهة قبل شوية: يابة ضگت فرولة انه فد طعم يرد الروح
ارجوان راح تنفجر من الضيق باوعتلة بقلة صبر: اني ويامن گاعدة اصلا انت واحد...
امير قاطعهة وهو كاتم ضحكته ؛ منحرررف بوية والله افتهمت انه منحرف وهم مو بس منحرف بعد اضرب بس انتي صيري بحضني واراويچ الانحراف علة اصلة 😉
ارجوان بغيظ: تحلم
دارت وجهة عنه وباوعت بالطريق: اريد افتهم احنه وين رايحين
امير بغموض: هسة تعرفين
تنهدت بضيق وخلت راسهة علة الشباك وتباوع للطريق واخذتهة النومه امير باوعلهة وابتسم بحب علة شكلهة
وصلوا امير وارجوان للبصرة وخصيصا گدام بيت اهل امير
وگف السيارة ودار وجهة يتأمل ملامحهة المتخبل عليهة تقرب من خدودهة وباسهة برقة حست ارجوان وفتحت تك عين: سمالله هاي ليش صاير بوجهي
امير: دگومي يالله وصلنه
ارجوان بنعاس: اووف عوفني نعسانه
امير وهو يبوس جبهتهة بعدين انتقل لخدودهة وارنبة خشمهة: گومي لاتخليني انحرف بالزايد واشعل الخلفوچ
ارجوان بعدته عن وجهة وعله ملامحهة الانزعاج: هسة ليش تجيب طاري الجابوني خطية خليهم بالزفه متهنين
امير باسهة بقوة من خدهة: يالله نزلي
ارجوان بعدته عنهة ونزلت وباوعت للبيت: بيت منو هاذة
امير بابتسامه: بيت اهلي العايشين بي وبيتچ همات 😉
ارجوان: اممم اوكي وليش جايبني هنا
امير وهو يلزم ايدهة بتملك بعد مانزلوا من السيارة : غير تشوفين الجناح اللي حتگعدين بي
ارجوان: اي يالله بعد احسن
فتح امير الباب بالمفتاح ودخلوا للحديقة وبعدهة للبيت
امير: سلام عليكم
الكل: وعليكم السلام
ام امير بفرح: هلة بعد خالتچ تعاي يمه شبيچ واگفة
ارجوان ابتسمت بخجل وحضنتهة وباستهة بخدهة: شلونچ خالة انشالله مرتاحة
ام امير: بعد گلبي من شفتچ ارتاحيت
سلمت ارجوان علة غزل ومروة ومها من طرف خشمهة وماشافت نهلة لحد الان
گعدت ارجوان علة التخم وامير گاعد بصفهة
ام امير: يمه فدوة لهالوجه الحسن صلوات على محمد عيني الباردة عليچ يمه
ارجوان بامتنان: ميرسي خالة انتي الاجمل
ام امير: فدوة لهالنزاكة تعاي خالاشبع منچ
ارجوان گعدت بصفهة وام امير مستلمتهة محاضن وتبوس وتمدح بيهة وامير مشعوط من الغيرة گوة لازم نفسة
نهلة دخلت للصالة وتفاجئت بارجوان اصلا انصعقت: شسوي هنا
الكل باوعلهة وجاوبهة امير: اهلا نهلة سلمي بالاول
نهلة غصبا عنهة سلمت علة ارجوان: شلونچ ضرتي
ارجوان بابتسامه مصطنعه : الحمدلله
امير وهو يگوم: يالله ارجوان تعالي اواريچ الشقة
ارجوان گامت بغرور وتمشي بمشيتهة وتتمايل وتتنعوص بطبيعتهة وصعدت وية امير ودخلهة لغرفة بيهة صالة ومطلة عليهة مطبخ مفتوح وغرفة نوم واسعه وحمام وياهة انبهرت ارجوان بالشقة چانت كولش حلوة بس شنو صغيرة بس غرفة النوم اوسع شي هي والصالة
ارجوان باقتناع: اممم حلوة بس ليش مابيهة اثاث لعد غرفتك وين
امير : لا انه غرفتي موجودة قريب الشقة بس انه هاي بانيهة علمود من اتزوج وتصير مشاكل تدرين بعد سوالف العمة والچناين گلت ابردلي راس انعزل عن اهلي
ارجوان: فكرة حلوة صح كلامك بس الحمدلله اني مو ام مشاكل
امير ابتسملهة: اي نشوف عود وهاي الشقة انتي اثثيهة علة مزاجچ ولو انه اريد اثثهة بس الخاطرچ كلشي يهون
ارجوان بتفكير: ليش مناثثهة ثنينه
امير بفرح: اي بعد احسن
ارجوان ابتسمت بلطف : اوكي امير اني لازم اروح للبيت
امير وهو يسحبهة وينزلهة ويا: بوية تدرين همة لسة زفافه كلشوي يوگفون انه ادري بيهم الطريق طولة خمس ساعات يسوو ثمن ساعات
ارجوان: اوووو نسيت صح
امير حضنهة نص حضن ونزلو سوة ونهلة شافتهم احترگت من الغيرة امير الابتسامه شاگة حلگه وارجوان خجلانه طالعين يخبلون سوة
امير: ام عمار بلا زحمة اريدن منچ جبة مستورة
مها وهي تناظر لارجوان بانزعاج وغيرة: انشالله شيخ
راحت مها ورة شوية جابت لارجوان جبة
امير بلطف وهو يهمسلهة؛ حبيبتي لبسي هاذي الجبة ادري ماتحبينهة بس تفهميني انه اغار عليچ
ارجوان لبستهة بس شنو غطت بيهة وامير كاتم ضحكته عنهة ومها ماتت غيرة لان جسمهة اضخم واسمن وارجوان ناعمة وبمبونية وبين الفرق من لبست جبتهة
وسجاد انحرج وكاتم ضحكته ودار وجهة عن ارجوان ومهدي مدنگ راسه وشهم يلعب بفونه ومامهتم
غزل: يالله تفضلوا مدوا ايدكم
كولهة گعدت علة السفرة وارجوان گعدت بصف مروة وغزل ونهلة گاعدة بصف امير من وحدهة وهو ماحب يحرجهة خلاهة گاعدة يمه
سجاد بتساؤل: خوية شوكت موعد عرسك
امير باوع لارجوان بعيون عاشقة : انشالله عن قريب
الكل: انشالله
نهلة باوعت لارجوان بحقد وغيرة وارجوان ابتسمتلهة ببرائة بس شنو من داخلهة تتوعد لنهلة الحرب العالمية الثالثة
وامير شاف نظراتهن وخايف علة ارجوان لان مبينه نهلة ناويتلهة نية وهو ميدري ارجوان بهاي الابتسامه البريئة وراهة مصايب
كملوا اكل وشالن البنات السفرة وارجوان ضلت گاعدة علة التخم لان متگدر تتحرك من ورة الكوستم زاعجهة
وامير گعد يمهة وهو يلزم اديهة وفرحان لان هي بصفه وبيته وام امير تباوعلهم وفرحانتلهم
واخوته يباوعولة ويتمنون الة توفيق والنسوان غيرانات كولش
ارجوان بهمس: امير صارت بال١١ بالليل لازم اروح تأخرت
امير بتفهم: ماشي يالله نتوكل.. يالله يمه انه رايح اوصل ارجوان واجي
ام امير: اي يمه روح وانتي ادجان لاتگاطعيني تعالي مثل اليوم
ارجوان: انشالله خالة
نزعت ارجوان الجبة وانطتهة لمها وطلعت ورة امير ووداهة للبيت
ارجوان وهي تنزل من السيارة: امير لتنسه اني حسافر بعد يومين
امير بصدمة: شني ياسفر
ارجوان بتنهيدة: اني وقاسم حنروح علمود الامتحانات شبيك امير نسيت مو گتلك اول ما انخطبنه امتحانتي حيصيرن بالشهر الجاي
امير كتم عصبيته وهزلهة براسه: ماشي والعرس
ارجوان: نأجلة لعد شنسوي
ابتسم باصطناع: تصبحين علة خير حبي
ارجوان: گود نايت
دخلت للبيت وامير ضرب الاطار بقوة وعصبية: خررررب كلما يقترب العرس يصير شي استغفرالله
حرك سيارته والشياطين تگمز فوگ راسه دخل للبيت بانزعاج وصعد بدل وانطه لنهلة حقهة وطلع عصبيته بيهة وغسل ونام وراهة ويفكر بارجوان ونهلة تباوعلة وسرحانه بي
نهلة: شيخ
امير: مممم
نهلة بتوتر : شيخ ....
گمز من السرير وباوعلهة بصدمة ويريد يبلع ريگه ميگدر من السمعه
💮💮💮💮💮💮💮💮💮💮
دخلت ارجوان ولگت امهة وابوهة وعمامهة
ارجوان: ها ماما زفوا زيد
شمس: اي بس شو ماشفتكم بالزفه وين چنتوا
ارجوان حچتلهة علة روحتهم لبيت امير وامهة تسمعلهة
شمس: اي حمدي ربچ وشكري من عندچ سويت خاص الچ
ارجوان بتعب وهي تثاوب: اي صح
شمس: امشي روحي بدلي ونامي
هزلتهة ارجوان براسهة وراحت لغرفتهة بدلت ونامت
امير وهو حاير ومتوتر اذا يگوللهة شنو ردت فعلهة واگف گبالهة ومرتبك
ارجوان بترقب: شنو امير متصل علية من الصبح كتلي تحاجيني بموضوع شنو هو
امير بخوف من ردة فعلهة: ارجوان حبيبتي صدگيني اللي اريد اگولة ما يأثر علة علاقتنه وكلشي يضل طبيعي
ارجوان بقلق وگلبهة انقبض: احچي شنو
امير وهو يباوع بعيونهة بحذر: نهلة حامل
ارجوان انصدمت وتباوعلة وهي مندهشة
امير وهو يلزم وجهة: حبيبتي والله ما يأثر كلشي يضل مثل ماهو
ارجوان تهز راسهة باستنكار : لا لا مستحيل ابتعد عني ابتعد
امير وهو حضنهة بقوة: ارجوان هاذة امر الله مايصير نعترض بس فهميني
ارجوان بصراخ: شنو افهم منك هااا شنووو عندك طفل هسة واني طلعت ما ادري اميييير علاقتنه انتهت
امير برعب وقلق وعصبية: لا ما انتهت بعدنه بالبداية وما اطلگچ فهمتي
ارجوان ودموعهة تنزل بحرگة : انت عندك عائلة ليش خطبتني هااا ليش ترة اني بعدني عازبة وصغيرة بسبب كرم صرت مطلقة امير لتخبلني بليز اعتقني بعد ما اتحمل صدمات بليز احنه منتناسب ابد اهلك ميحبوني ونهلة متطيقني بليز ارحمني
امير بحرگه: انه احبچ مالچ شغل باحد انه اعشگچ وچ لويش ماتفهمين انه ماگدر اتركچ مهووس بيچ مااگدر وانتي عائلتي
ارجوان ودموعهة علة خدهة كسرت گلبه وهي تبعد ادي من وجهة المحاوطهة: لا عندك نهلة وابنك وعائلتك كولشي عندك
امير بعصبية: انتي عائلتي احبچ الچ ماحب نهلة انه چنت مجبور اعليهة بس انتي حب حياتي اي انتي حب حياتي ماگدر اضحي بيچ
ارجوان ببچي: ماگدر😭😭 انت متحس النار اللي بگلبي من فكرة انك متزوج لا وهمات مرتك حامل 😭😭 بليز اتركني بحالي بليز ما اتحمل تقرب لوحدة غيري ما اتحمل
امير وهو عيونه صايرات حمر وعروگه ناطة وبعصبية: مو بيدي ارجوااان مو بيدي والحسين خطبتچ كبل ورفضتيني من تزوجت انطوني ياچ چا شسوي انه ماتگليلي اكسر نهلة علمود انتي ماتتحملين وابني وين يروح ها وووووووين يضل يم امه وانه ما اشوفه
ارجوان حست گلبهة انكسر باوعتلة بخيبة: خلص امير اصلا اني باچر مسافرة نتفاهم بهاذة الموضوع غير مرة
تركته وطلعت من الديوان ودخلت للبيت وحضنت عمتهة
الاء والنسوان بقن وحدة تباوع للاخ
ارجوان بحرگة وبچي: عمه الاء مرته حامل شسوي اني هسة
الكل انصدم وباوعولهة والعم كريم غص بالچاي ومنقهر علة حال بنت اخو اللي هو سبب حالهة هسة اللي جبرهة علة شي متريدة وابوهة انعصر گلبه من بچيهة
الاء بدهشة : شني منو حامل
ارجوان ببچي: مرت امير طلعت حامل يعني تزوجوني واحد متزوج وعنده طفل ليش هيچ تكسروني وتشمروني هالشمرة
العم كريم بعطف: تعاي يا بعد عمچ
ارجوان تقربت ناحيته: ليش عمو هيچ تسوي بية اني شنو سويتلك حته تخلي بابا يوافق علة امير هااا ليييييش
حضنهة عمهة كريم ويمسح علة ظهرهة وهو متندم علة سوايته: خلص عمي يجرالچ التردي اهدي نأجل العرس ونشوف ليون نوصل
ارجوان وهي حاضنه عمهة وتباوع لابوهة بعتاب وابوهة تندم ودنگ راسه ودموعه نزلت علة حال بنته
~~~~~~~~~~
نهلة بخبث: وليچ مها نجحت خطتچ
مها: چا شعبالچ گتلچ انه سويلچ طفل وهو يتركهة ويجيلچ
نهلة بخوف: بس اخاف يعرف انه مو حامل
مها: عادي انتظري فد اسبوعين هو منا لحد مايتزوجهة وگعي روحچ من الدرچ وگولي كانما هي طرحتني وركضي للحمام ذبي دم بالحمام وعليچ كانما طرحتي
نهلة: بس منين اجيب الدم
مها: اوووف منچ يابة صبغ احمر بس لزوم مايشكون وهمة اصلا مراح ينتبهون علة الصبغ لان همة بيا حال
نهلة ضلت ساكته وتفكر: واذا ما طلگهة بعد اللي سوينا
مها: منا لذاك الوكت نشوف شنسوي
نهلة بدموع: مها صارلي قريب الثمنتشهر ومصار عندي حمل
مها: والله مادري بس انتي راجعي عند الدكتورة تنطيچ العلاج
نهلة: اي هو هيچ
💎💎💎💎💎💎
ارجوان وهي تودع امهة: مع السلامه ماما
ام احمد بدموع: حشتاقلچ
ارجوان: واني هم
امير تقدم ناحيتهة : حبيبي رجعي من وكت
ارجوان باوعتلة بدموع وقهر : يالله مع السلامه
تقدم امير حضنهة بقوة يريد يشبع من ريحتهة وهمسلهة: اعشگچ يابت گلبي
ارجوان نزلت دموعهة وباوعت لاهلهة وودعتهم ومشت وية اخوهة قاسم وابوهة لداخل المطار
امير باوعلهة وتنهد بتعب وهو من داخل گلبه متروس هموم ويخاف يفقدهة وتركه وتروح ومترجعلة بعد
رجعوا اهل ارجوان للبيت وابو احمد ودع ارجوان وقاسم قبل ليصعدون بالطيارة وعيونه مدمعه لان حيشتاق لبنته وابنه طبعا هو دفع فلوس يوصل بنته للطائر لان ميصير ارجوان تسافر بدون ولي امرهة فهو دفع فلوس حته يوصل بنته للطائرة
⭐⭐⭐
قاسم بلطف: تردين تبقين بامريكا
ارجوان: no
قاسم بتنهيدة: بكيفچ
ارجوان: اگولك خطيبتك شلون تتزوجهة
قاسم: راح اخذهة وياي واسوي العرس بالبصرة لعد شسوي لان بعد منگدر نروح لاميركا كل مدة
ارجوان: اممم صح
صاح كابتن الطيارة عن اقلاع الطيارة وعن ارتداء حزام الامان
ارجوان باوعت من الشباك اللي بصفهة وباوعت للسيارات مال الطوارئ وللدرج مال الطيارة تنهدت بضيق ومشت الطيارة وبعدين قلعت بالجو
🌷🌷🌷🌷🌷
امير بتعب: نهلة صارلچ چم شهر حامل
نهلة بارتباك: ها احم بعدني باول الشهر
امير: لزوم اوديچ للدكتورة نتطمن علة الجنين
نهلة بارتباك : لا مايحتاج رحت انه وامي وانطتني مقويات وگالت لزوم الراحة
امير بعصبية : شلون ترحين للدكتورة بدون ماتگليلي هااا
نهلة ابتلت علة عمرهة من چذبت: شيخ مو صارت عندي الالم وامي ودتني چا شسوي اموت من الالم وعرفت انه حامل وانطتني مقويات
امير هزلهة براسه ولف راسه ونام من التعب
جومانه: خطية ارجوان يصير بيهة هيچ والله متستاهل بعدهة بعز شبابهة هيچ يحطموهة
زيد باسى: اتمنه اگدر اسويلهة شي بس ماكو حل
جومانه: خطية سافرت وهي زعلانه
زيد: اي تركينه من هاي السالفة بعدنه عرسان شو تعاي
جومانه بخجل: زيد كافي متشبع انت
زيد 😉: اكو واحد يشبع من العسل
وووووو
مرت ايام وارجوان تمتحن بالجامعه وقاسم يضبط سفر خطيبته حته ترجع ويا طبعا اهلهة گوة رضوا
وارجوان تحس بمشاعر اول مرة تشعرهة واللي هي الاشتياق لامير متدري شنو مشاعرهة مخربطة وهي متتواصل ويا متقبل تريد تفكر وتلتزم بامتحاناتهة
امير گلبه نار عليهة يريد يشوفهة ويشبع منهة ونهلة تمثل دور الحامل وام امير متخليهة تشتغل علمود الولد
ومها بدت تشد وية نهلة لان گامت تتماده وياهة وكل الشغل عليهة وعلة غزل ومروة
ومروة ضلت مراقبة نهلة ومروة وعرفت نهلة مو حامل بس سكتت لان تخاف يسوولهة سحر وتخرب بينهة وبين زوجهة
وشمس مشت بكلام اختهة وصدوگ جواد رجع يدللهة من اول وماعنده مشكلة متلبس عباية المهم تلبس شي طويل ويستر جسمهة وهي وافقت براحبة صدر
وجومانه وزيد احلة عرايس عايشين بالعسل كولشي عدهم تفاهم وعلاقتهم ناجحة وحلوة
الكاتبة: هسة راح احچي علة قصة ارجوان فقط واللي يخصهة بعد ما اجيب غير قصص لان اني روايتي تتكلم عنهة بس حبيت اضيف شخصيات بالبداية حته متملون علة نفس القصة والشخصية
طلعت ارجوان من الامتحان وشافت عيسى نفسة اللي منعجب بيهة ويحبهة
عيسى بحزن: شو ارجوان عنجد انخطبتي
ارجوان بانهاك: اممم اي
عيسى بابتسامه مصطنعه: مبروك
ارجوان: الله يبارك بيك وانشالله تلگة البنت اللي تسعدك عن اذنك اريد اروح
سوالهة طريق ويباوعلهة بحسرة وشافهة راحت: انتي البنت اللي بتسعديني بس شكلي مراح بنسعد
ارجوان ركبت سيارتهة واتصلت بقاسم: الو هاي قاسم
قاسم: هاي شنو ليش متصلة بية صاير شي
ارجوان باعتراض : لا مصاير شي بس امتحانتي خلصن واريدك تحجزلنه نرجع
قاسم وهو معاجبة: اوكي بس خلي اكمل الڤيزا مال دالية
ارجوان: اوكي شوكت ماتكمل عود احجزلنه
قاسم بابتسامه: انشالله
ارجوان: بايباي
قاسم: باي
سدت الخط وتنهدت وخلت راسهة علة الدرابزون مال السيارة وتفكر بامير
ارجوان بضيق: اووف هسة ليش افكر بي غير يطلع من بالي اووف
اجت ابالهة من چانوا بزفة زيد
امير ضرب الدرابزون بقوة وارجوان انتفضت من الخوف
ارجوان بخوف: بس...
قاطعهة امير من خلة ايده علة خدهة وضغط علي بحيث اصابيعه انطبعت علة خدهة وباسهة بقوة بحيث حس بطعم الدم بحلگه وهي ترفس تريد هوة وهو يزيد ويتعمق وماتركهة لحد ما انقطع نفسة وهو يلهث
رجعت بذاكرتهة و حركت السيارة وهي تنفض امير من بالهة وكلشوي تجي بوسته ابالهة وهي معصبة لان صايرة تشتاقلة وتحس بشعور غريب ناحيته
ارجوان وهي تلمس شفايفهة وتبتسم: بس اول مرة احس بهاذ الشعور او ماي گااااد چان شعور حلو... انتبهت علة روحهة... اوووف هاي شبية ابتسم مثل الخبلة
وصلت گدام البيت نزلت وغلقت السيارة ودخلت للبيت بدلت ونزعت وگعدت تاكل وتباوع تيڤي
دخل قاسم للبيت وهو يبتسم ويدندن باغنية اجنبية
ارجوان بمكر وهي تاكل: اممم شكل البرو عاشق شنو مسويتلك دالية اللي ابتسامتك واصلة لاذنك
قاسم خجل وضحك: شگد فضولية
ارجوان بمكر: دمسح الحمرة اللي علة وجهك
قاسم وجهة صار احمر من الاحراج: ولچ متستحين
ارجوان 😂😂: اني شعلية انت مفضوح
قاسم دخل يبدل وارجوان تضحك علي وكلما تتذكر شكله شلون چان تضحك
قاسم وهو يطلع من غرفته ويگعد بصفهة ياكل: اي شلون چان الامتحان
ارجوان: صعب بس الحمدلله الله سهل علية
قاسم باستفسار: جونه حبيبتي ليش اجيتي لامريكا وانتي اصلا مامحتاجه تسافرين حته تمتحنين قصدي يعني تمتنحنين علة امتحان الالكتروني
ارجوان: ماعرف بس اشتاقيت لجو ميشگن وحبيت اخلص من الضغوطات اللي بالعراق
قاسم : اممم بس لازم ترجعين لان عرسچ قرب
ارجوان وگلبهة يدگ سريع واختنگت: اي صح بس عمو گال التردي احنه نسوي
قاسم بترقب: يعني تفصخين العقد مال السيد
ارجوان وگفت اللگمه ببلعومهة واجت فكرة امير يصير لنهلة وحدهة خلاهة تشعوط
قاسم بابتسامه: جونه انتي تحبين امير
ارجوان گلبهة صار طبل وتنفسهة سريع وتوترت: ماعرف
قاسم بمكر: شو هسة ما اعرف قبل چنتي
تگولين ما احبة
ارجوان بارتباك: ها اي احم سد الموضوع
قاسم بخبث: بس يكون بعلمچ اذا تنفصلين عنه بعد مالچ حق تعترضين علة حياته و..
ارجوان بعصبية: كافي قاسم
قاسم بهدوء ولا كانو مسوي شي: هممم يعني تحبي
ارجوان بارتباك وهي تباوع داير مدايرهة ومتباوعلة: لا منو گال
قاسم: همم متاكدة
ارجوان گامت بتوتر وغسلت الماعين وقاسم يباوعلهة مبتسم: حبيبتي جونة بس لا واگعه ومحد مسمعي عليچ
ارجوان بضيق وهي تنشف ايدهة: ما احبة كافي قاسم تلح علية
قاسم: هههه اي صدگتچ يالله اني رايح وية اصدقائي تردين شي
ارجوان: تؤ ماريد
دخل قاسم لغرفته وبدل وطلع وارجوان ضلت صافنه وتفكر بكلام قاسم
ارجوان: معقولة ارجوان حبيتي امير لا مستحيل اني ما احبة
🏉🏉🏉🏉🏉🏉🏉🏉🏉🏉
امير بحزن: شوكت ترجع زيد
زيد: ماعرف والله
حسن بمرح: شمالكم چنكم عجايز گاعدات بالفاتحه
زيد: هههههه شلون تشبيه طاحظك
حسن بحماس: بوية شفت وحدة صاكه تخبل
امير بتهكم: انت ماتجوز حسن تأدب لاوالله اگل لعمامي
حسن 😉: لا خوية چا غير انت صويحبي وابن عمي تستر علي بس والله قصفتني قصفه خرررب بوووية متت بدمي
زيد 😂😂: تستاهل
حسن: ولكم لحگولي بس لا وگعت مثلكم يابووووووفااااااضل الحگني ياااا الحسين
زيد : ههههه لا ماطول بيهة يابوفاضل الاخ وگع بالعشگ
حسن بحماس: بس والله عنودية وراسهة يابس حگل لامي تخطبهة الي
امير ابتسم: هاا شلون العشگ حسن
حسن بتنهيدة: والله هو حلو بس يحرگ الگلب خو الغيرة تكتل خوية شني هاي
زيد 😉: ها عود انت زين چا امير شيگول المسكين تاركته ومسافرة ولا اتصال ولا رساله
امير بيأس: سد الموضوع زيد مايفيد بس توجعولي گلبي بالزايد
حسن: بالله مرتك ياشهر صارت
امير: بالثاني
زيد حزن علة حال امير لان من سافرت ارجوان لحد الان هو علة هالحال عبالك هموم الدنيا علة ظهرة
امير وهو يگوم: يالله انه رايح عندي طلابة لزوم احلهة
حسن وهو يگوم ويا: انه جاي وياك للديوان
امير هزلة براسه: يالله زيد احنه نتوكل اشوفك گريب انشالله
زيد وهو يصافحه: انشالله امير
راح امير وحسن وزيد باوعله بيأس وحزن وانكسار اتصل علة ارجوان
زيد: هلة جوان شلون حالچ
ارجوان: هاي زيد ايم گود انت شلونك
زيد بحزن: جوان ماتحنين علة امير حرام هيچ تسوين بحاله
ارجوان تنهدت وتوترت من جاب اسمه: احم زيد انشالله اتصل بي ليش بي شي
زيد بمكر: اي خطية كلش تعبان
ارجوان بقلق: صدوگ اني مادري يالله باي هسة اتصل بي
زيد ابتسم بسعادة: الله وياچ
تنهد بفرح لان قلقهة مبينه صارت تهتمله باوع لامير اللي يمشي وية حسن ووگف امير طلع فونه من جيبة وجاوب بالتلفون وحلگه منشگ من السعادة وحسن يضحك علي
تنهد وهو يشوف صديقه اتصال بس منهة غيرت حالة
🎄🎄🎄🎄
ارجوان باهتمام وقلق: الو امير انت زين
امير بفرح: ارجوان حبيبي هاي انتي لويش ماتتصلين بية وتسألين
ارجوان بتلبك: صدوگ انت تعبان زيد خابرني
امير بتنهيدة حارة وحسرة: اي يابت گلبي تعبان كلش من دونچ
ارجوان خجلت من كلامه وگلبهة صار يدگ سريع: امممم امير اني راح اجي للعراق لان خلصت امتحاناتي
امير تنهد براحة ولمعه عشق بعيونه: صدگ شلونچ بالامتحانات
ارجوان: الحمدلله اكيد واجهت صعوبات بس مرت علة خير
امير بحب: تدرين من شفتچ داگة علي طرت من الفرح ياريت تفرحيني باتصالچ كل يوم
ارجوان بخجل: سوري بس چنت افكر بموضوع زواجنه مادري خايفة اتزوج وتبدي مشاكل وية اهلك
امير بتفهم: يابعد رويحتي انتي مو منعزلة عنهم شجابچ الهم مالچ شغل بالبيت انتي معزولة عنهم كليا
ارجوان باختناق وضيق وغيرة: ونهلة
امير: شمالهة
ارجوان دموعهة گامت تصب: اخاف تگوم تحبهة وتتعلق بيهة لان حتجيبلك بيبي
امير ابتسم: شني ارجوان صايرة تغارين
ارجوان بارتباك: لا مو غيرة بس اخاف انت.... اي كافي تلح بالموضوع
امير: هههههه بوية اعترفي تغارين وفضيهة
ارجوان بانزعاج : عابت بعد ما اتصل بيك متستاهل بس تحرجني
امير طاير طيور لان بدت تغار علي وهاذة دليل علة انو هي بدت تحبة: حبيبي الاميرة شوكت تجي وتشرف بحضن اميرهة
ارجوان بخجل: عيب انت منحررررف ومتستحي كولش
امير: ههههههه يابة شگد احب كلمه منحرف من حلگج
ارجوان خجلت من كلامه وسكتت تسمعه
امير بحب: شني سكتي يالله ميخالف انه اتحچة وياچ باعي تجين انشالله ومالچ شغل بنهلة ابد تحچي منا وانتي طلعي مناك وامي تحبچ لويش تگولين مايحبوني
ارجوان: اي بس انت وامك بس مها ونهلة ميحبوني
امير ابتسم:يابه اليشوفچ مايحبچ شلون دگولي يغارون منچ لان انتي حلوة وعندچ شيخ يحبچ چا تلگيهن محترگات هسة غير
ارجوان بخجل: اممم يعني ميكرهوني
امير بتنهيدة: يابعد گلبي انه ماعرف يحبونچ لو يكرهونچ بس حسب ماشفت ماشالله عماتي وخالاتي يمدحن بيچ
ارجوان بخجل: صدوگ
امير: اي وهمات نسوان عمامي وبنات عمي كلهن حبنچ
ارجوان بارتياح : اوكي شكرا امير
حسن وهو ينغز امير: بوية يالله الناس حنتأخر اعليهم
ارجوان: امير روح انت هسة مشغول بايباي
امير: باي.... باوع لحسن بعصبية: انه اوريگ ورة ثلاث اسابيع متصلة بية وانت تهدم اللحظة
حسن: بوية شهالرومانسية چا هاذ كله وماتحبك هو انه من هسة حبيتك علة غزلك 😂
امير باوعلة بضيق ودخلوا للسيارة حته يرحون للگعدة
❤❤❤❤
ارجوان وهي كامشة گلبهة: اوماي گاااد ليش گلبي يدوگ سريع معقولة.. لالالا ما احبة اني بس... باوعت للتلفون وابتسمت... بس هو حلو اي صح اول مرة اشوف امير حلو وصوته يخبل ءااااااا هاي شبية ليش هيچ احچي
ضلت تگلب بالصور ملاته علة الانستا وهي تبتسم: هاي شبية اني ههههه اكيد تخبلت يالله شوف الهيبة العندة والجمال شگد غبية اني معقولة مامنتبهة عله شكله من قبل چنت اشوفه عادي وحلو بس هسة يخبببببل
ضلت تگلب بصورة وتقرة التعليقات والغيرة موتتهة: عابت شلون يتغزلن بي الحقيرات اوووف هاي شبية اني من يمته هيچ يصير بحالي اي اكيد هاذة اعجاب
🌷🌷🌷🌷🌷
دخل امير يدندن وفرحان وهو يبوس ايد امه: شلونچ يالغالية
ام امير: هايمه شمالهة الگعدة حليت الطلابة
امير: اي يمه الحمدلله چانت سهلة
ام امير بشك: يمه شمالك تغني وتتمرگص چا عود انت شيخ وهيچحالك چا خليت للمراهقين
امير بحرج: هههه لا يمه هيچ بس
ام امير: اتصلت بيك مو
امير بفرح: اي يمه
ام امير: اي چا اگولن شماله الولد مگلوب حاله تالي طلعت ادجان ورة السالفه
دخلت نهلة وتعصبت: شييييخ
امير والشيخة باوعولهة باستغراب
نهلة بعصبية؛ بعدك تتحچة وياهة تخوني شيخ
امير وهو يرص علة سنونه: نهله تچفي الشر وروحي وشني هاي اخونچ هي مرتي مثل ما انتي مرتي
نهلة بغيرة: شيخ انت منتبه علة روحك لو لا انت مو نفس الشيخ الاولي مگلوب حالك كله من ورة هذيچ عود انت الشيخ الهيبة صاير خرگه عندهة و...
انسطرت نهلة من امير ضربهة: اددددب سزززززز انه خرگة هااااا جاوبي ما مرباية ماعاشت للي تتحچة هيچ وية الذيب سمعتينيييييي
نهلة الدموع تجمعن بعيونهة وانتبهت شنو حچت نزلت علة رجل امير: شيخ سامحني والله ما اقصد شيخ اهئ اهئ شيخ دخيلك سااامحني
امير دفعهة من يمه: ترحيييين لبيت اهلچ تلمين هدووووممچ وترحيييين
نهلة حقدت وعصبت بالزايد علة ارجوان لان هي السبب بكل شي
ركضت فوگ تلم هدومهة وتمسح بدموعهة دخلت مها لغرفتهة وانقهرت عليهة: شفتي هاذ لان ماتسمعين كلامي گتلچ سوي السحر بس انتي عاندتي
نهلة برجاء: دخيلچ مها ساعديني اصير خدامه الچ بس ساعديني حته يردني ويسامحني
مها بغرور: بشرط
نهلة: عيوني الچ
مها: من نطرد ارجوان انه اصير الكل بالكل بهال بيت
نهلة: اي ميخالف
مها: يالله گومي روحي وانشالله فترة تلگين نفسچ هنا ومرت الشيخ هم ويگربلچ مثل الملهوف راح اروحن لام خلف انجرب حضنه حته يردچ بلكي يمشي بي السحر ولو هو مايفيد بس حگللهة تسوي واحد كلش قوي
نهلة وهي تبوس ايد مها: اموت عليچ شكرا الچ ما انسه جميلچ هاذ
مها كبر راسهة بالزايد ونفخت روحهة: اي چا شعبالچ انه الكل بالكل هنا
طلعت مها وشهم اخو امير وصلهة حسب رغبة امير
~_~_~_~_~_
مشت الايام وامير يجهز الشقة لارجوان لان هو يدزلهة صور وهي تختار وامير هم يختار نفسهة وعاجبه ذوقهة وقاسم حجزالهم علة العراق وارجوان طلعت ناجحة وانتقلت للمرحلة الرابعه واللي هي الاخيرة ورجعوا للعراق هي واخوهة ودالية خطيبة قاسم
ونهلة متندمه لان حچت هيچ وية امير ولحد الان هو ماحچة وياهة ولا گلبهة
امير بفرح وهو يدخل للبيت: يمه وصلت ارجوان لبغداد وهسة عمي جايبهم و عرسنه بعد اسبوع متفق وياهة انه مها انصدمت وراحت بسرعه تتصل علة نهلة مها: وليچ لحگي علة رجلچ حيتزوج بعد اسبوووع
نهلة: شنييييي
صراع الشيوخ
