رواية قيود العوف الفصل الثالث والاربعون 43 بقلم ريتا

-هههههههههه

-ضحكيني وياج ؟

باوعت بأستغراب وبلعت ريگ من شفتة يحجي جديات وعاگد حواجبة ..

-يعني شنو جاي تحجي صدُگ انتَ ؟

همهم وهز راسة رمشت بوجهة بجمود وگلت اله ...

-مسستحيل !

-ليش ؟

-انتَ أكيد براسك غاية ؟

أبتسم بخفة قرب نفسة ميل راسة وگال ..

-براسي غاية ؟

-اي أكيد 

-شلون استنتجتي هذا الشيء ؟

صفنت بوجهة لثواني وحچيت ..

-لأن أعرف السويتة ماراح تسامحني عليه بسهولة وداشوف الغيض بعيونك ينبع اتجاهي وهذا طلبك أكيد من وراه غاية !

-تؤ غلطانة ماكو من وراه غاية ولا شيء 

-شلون ماكو وراه غاية فهمني انتَ متطيقنيي بعد الي صار وهسة دتطلب تزوجني أبد مدااااقتننعع !!

جاوبني بعدم مُبالاة وگال ..

-تمام براحتج لا تقتنعين 

گال الكلام ببرود نرفزني بروده رديت بعصبية ..

-شنوو سااالفتك انتَ شنو هلبرود ليش هيچ دتتعامل ويايه كأنُ ماصار شيء ولا فاتحتني بالموضوع ولا عاتبتني ولا لمتنيي ليش عوووف ليش دتتعامل وياي بهلششكل الغررريب !!

-بهداي بهداي 

-عاتبني ! خليني أحس بحجم الي سويتة خليني أحس بمسؤولية الناس ألي أرواحها صارت بذمتي 

-ماكو داعي 

-لا تستفززززني 

-وإذا استفزيتج شتسوين ؟

- هدوئك وبرودك جاي يخوفني منك حيل !

-مو انا إذا ماصرت گدامج هادئ وبارد راح تحترگين بنار گلبي جُمان ..

ركزت بعيونة لثواني دمعت عيوني وحچيت ..

-هلگد ضريتك بالي سويتة 

قرب نفسة أبتسم وگال ..

-لا لأن علىٰ ظهر النسر مايصعد غراب 

-شنو ؟

- بكل الأحوال انا ماشوف الخسارة بويه اللعبها واخبطها وأعوف الماي العكر يركد وأشرب صافيه .               

حچيت بأبتسامة واسعة ممزوجة بعدم فهم كافي بالي سمعتة ..

-يعني شنو عوف حليتهه موو ماصار شيء ومحد اتضرر ؟؟

أومأ براسة وگال بتنهيدة ..

-كل شيء أنحل وأنتهىٰ إلا خذلانج ألي وخيبتي بيج ومحد تضرر غير گلبي .

 كلامة چان مثل الصاعقة ألي خذتني العبرة وحچيت ..

-بعمري ماردت أخيب ظنك بيه ولا أخذلك بس هاي أمي عزيزتي شوفتها وهي بهلوضع هدت حيلي أخذت گلبي مني يتمتع بتعذيبهة وهي ماتگدر ترفع أيد وتصدة وگف كل التفكير وكل الحلول يمي أعترف چنت أنانية بس كل أنسان أناني بعزيزة .

رد ببرود وگال ..

-وهذا تبريرج وكلامج شنو فايدتة هسة بعد مافات وكتة ؟

-يمكن ما أله فايدة بعد الي صار بس أريدك تفهمني أريد تفهم شنو سويت وليش سويتة كُل الاريدة بس تفهم موقفي 

-أفتهمج هاي أمج محد يگدر يلومج لأن الام محد يگدر ينافس علىٰ مكانتها وماينحط وياها اي خيارات لأن تصير بالمرتبة الأولىٰ بدون تفكير وأحس بموقفج وعاذرج عاذرج حيييييل .. بس انا مو هذا الي أذاني ولا هذا إلي أفكر بيه 

حچيت بحيرة وتردد ..

-لعد شنو !

-ماحاولتي تثقين بيه تعديتيني عمداً وانا منطيج وعد أرجعها الج بنفس اليوم بنفس اليوم الي انتِ اختاريتي تدوسين علىٰ گلبي بيه وتفضلين تصرفين انتِ الي خيب ظني ماحاولتي تگليلي مافكرتي تخلين عندي علم وتشاركيني وتبلغيني !! فرضاً صار شيء بيج ؟ فرضاً چذب عليج واستخدمج انتِ هم كـ وسيلة حتىٰ يضغط بيها عليه شلون فكرتي شلون 

-مو ماگدرت خفت هددني إذا عرف راح يأذيها

-شلون راح يعرف هيچ انا غبي بنظرج وأخلي يعرف شلون انطاج گلبي تسوين بيه هيچ تخذليني وبهلطريقة ولچ منطيج كلمة ماتنثني انتِ خيبتي كل ظني بيج خذلتيني وطعنتي بظهري وانتِ بيتي 

رفعت أكتافي وحچيت بغصة وعيوني مثبتة بعيونة ..

-لا تگول هيج عوف لاا ما أطعن بأحد اني جنت مُجبرة والله 

-بابا أكبر غلط تسوينة بحياتج أنچ تخضعين لأرادة وكلام المُبتز والي يهدد بيج وتلبين مطالبة هو ليش يهدد ؟ حتىٰ يدخلج بحالة فزع وخوف ورعب لأن بهذي الحالة راح تكونين فريسة سهلة أله!

-لعد شنو المفروض أسوي واني بهيج حالة وتحت هيج وضعية شسووووي !!

-ما تضعفين اله وتبلغين لأن بس يشوفج ضعفتي وخفتي يبدي يرتاح ويتمادىٰ ويطلب منج كل شيء وانتِ راح تلبين وراح تنطين اله لأن ضيعج خوفج وترج قلقج خله عقلج مسدود من ناحية كل شيء وبس متلجأ لكلامة !! الي يهدد خنيث وأضعف خلق الله بس يستقوي براسج 

 - ماعرفت أفكر وأميز الصح من الغلط بهذا وضعي تهت وضعت وچان أكو حل غير الي سويتة يمكن اي ... أعترف مشيت مثل ميريد مني علمود يرجعلي أمي وتكون بخير يمكن غباء أو خوف ورعب منهم 

-اي !! صحيح لأن الأنسان مخير مو مسير جُمان وانتِ اختاريتي ..

-أفهمني عوف افهمنييي دخيييلك 

ضرب أيده بعصبية واتنهد غير ملامحة وگال بهدوء ..

-كل شيء جائز اتفهمج بيه ألا شغلة وحدة . وهي الخيانة انتِ خنتي البيت وأهلة تحايلتي عليه واتجاسرتي تلبين طلبات مافيات وعصابات وتسربين معلومات چان مُمكن تنهي مُهنة وتعب سنين وتضيع أرواح أبرياء بيها فعلتج ماتنغفر بهلسهولة جُمان .

-أعرف كرهتني أعرف 

-تدرين شنو الي تعبني بسوايتج هاي ؟

-شنو 

-چنت ثاق بيج حيل انطيتج مكانة مامنطيها لناس أعرفهم من سنين وكبرت وياهم وانتِ ثقيت بيج علىٰ عمىٰ عيوني..

گال الكلام وأحس الدنيا صارت سودة بعيني بهت وجهي وجمدت بمُكاني نملت عيوني وگال ..

-جريتي گلبي من العرج 

غمضت عيوني تحسرت وحچيت..

-بس اني ما أريد اخسرك عوف خسارتك چبيرة عندي والله 

گلت الكلام وچنت أنتظر منه جواب بس للأسف .. چان جوابة صمت طويل ونظرات الخيبة تارسة عيونة نظرات اعتصر گلبي منها ..

صفن بعيوني ثواني تحسر وهز راسة بثقل أتصل تلفونة باوع للمتصل رجع نظرة عليه قرب نفسة وگال ...

-الرجعة لبغداد شيليها من بالج بعد 

وأخذ تلفونة وابتعد عني... جريت نفس بصعوبة ورجعت للغرفة دخلت وسديت الباب حطيت راسي بنص المُخدة مقهورة گلبيييي يفوررر فووورر ..

أخذني تفكيري وحيرني بالي حچاااه معقوولة يريد ينتقم مني ؟؟ ليش عرض عليه الزواج شفت اني شفت نظراتة الباردة و ماطايقني وميثق بيه وفوگ هذا يگُلي فعلتج متنغفر شنو وراه من غاية هلعررض گلبييييي ما أرتاح أبد ومنطيتة اي رد ...

حطيت أيدي علىٰ گلبيي مسحته مرتين اتنهَدت باوعت لأمي نايمة غرغرت عيوني همست ميخالف ..

  نهضت فتحت الجنطة چان عندي فلوس بيها وهاي الأيام الراتب أروح استلمة گعدت ورجعت راسي علىٰ الحايط زين اني وين راح أروح بأي مُكان .. 

لازم اخذ أمي ونفسي وأبتعد أحس بعد مالي طاقة ولا الي حمل مشاكل وجودي يمهم شنو بعد ولا مُمكن يصير أقبل بالبيت حتى لو أدفع إيجار ماراح اگدر أتقبل وجودي يمهم بعد أعرف هو يسوي هيج علمودي بس كل ما تجي عيني بعينة ينعصر گلبي وما أتحمل معاملتة وبرودة ونظراتة الطافية لازم أبتعد حتىٰ لا اأذي وأذي نفسي أكثر..         

مرت ساعتين تقريباً شفت امي گاعدة بس بفراشهة اتقدمت گعدت يمها بعدت الغطا عنها ..

-صباح الخير ياروحي 

ألتفت عليه ابتسَمت الي بس بسرعة أختفت ابتسامتها ودارت وجهة غمضت عيوني واتنهدت أعرف بعدهي ضايجة مني ..

-تگعدين حبيبتي ؟ أبدل الج حتى نطلع 

-اي بس وين راح نروح ؟

-ماعرف ماما نشوف ونسأل وين نحصل بيت إيجار لحد ميستقر وضعنة ونشوف طريقنا 

نهضت واتنهدت تنهيدة عصرت گلبي وگالت ...

-عمت عين الوكت العماني وكسرني وخلاني اضيع هيج

-لا تحچين هالشكل الله ويانه فترة قصيرة بس ويتعدل وضعنا 

-يله تعالي اخذيني 

أخذتها بدلت إلها گعدت اعدل بحجابها وبهاي الأثناء اندگ الباب بلعت ريگ بتوتر من دخلت الحجية وجهت نظرها لأمي وأتقدمت الها بأبتسامة واسعة حضنتها واكلتهة اكل بالسلام والحچي بلهفة وامي مصدومة ومتفشلة ماتعرف ترد عليها ..

-أمل: الله يسلمج حجية والله متفشلة منكم اني 

-جميلة: يااااع ليش يبعد عيني انتِ شني ذنبج

-أمل: ولا اگدر أحط عيني بعينكم الله شاهد 

-جميلة: لا تجيبين طاري هلموضوع يبعد چلاويي الله لا ينطيهم عساهم تلوعوا بنار جهنم بأفعالهم المهم انتِ بخير هذا يكفي

-أمل: اي والله امين دمروا البلد انترس عصابات ومافيات أنتشر الفساد والجشع والطمع صارت الناس ماتخاف ربها وتفوت بالحرام 

-جميلة: بس كل ظالم أله نهاية الله مايعوف المظلوم وياخذ حگه لو بعد حين هذا الأمر محتوم ..

-أمل: الحمد لله علىٰ كل حال 

-جميلة: يله يبعد عيني تعالي نهضي تريگي وياي عبن صار يومين ماشتهي الاكل وانتِ ماهي يمي 

-أمل: لا والله ماشتهي أبد الف عافية عليج نفسي مسدودة

ماسمعت كلام أمي وأصرت إله تاكل وياها لو لقمة ماتاكل الحجية .. أبد ماباوعتلي ولا حطت عينها بعيني رغم شكلها أبد ماچان يوحي هي زعلانة مني بس ماحطت عينها بعيني ولا حاچتني كلمَة ..

انقهرت وانهضمت أكثر من برودهم وياي لو يعاتبوني ويسمعوني أنواع الكلام أهون ألي من تعاملهم ببرود عجيبة هاي العائلة تحسسك بذنبك وغلطك بس بدون ماتحچي وتجرحك بكلمة ..

******

هسة يله گدرت أخذ نفس طبيعي وتروح الرجفة مني من رجع عوف وحچالي كل شيء الفرحة الي احتلتني ماعرفت أوصفها حمدت الله وشكرتة لأن ماراحت هاي الناس بالرجلين وما يتعاقبون ويروح تعب سنين بساعة وحدة ..

وگفت گدام المراية لبست حجابي وأخذت جنطتني بلغت الحارس وطلعت للمحكمة وصلت نزلت ومشيت قبل ما أفوت سمعت صوت أحد يصوفر وراي ألتفت بفضول وسعت عيوني من شفتة مهدي ..

أتقرب وگف يمي وگال ...

-مهدي: المحامية رغد أدم مشتاقين لهذا الوجه الحلو 

-رغد: انتَ شتسوي هنا ؟

-مهدي: دوامي ؟ لو حتىٰ بدوامي راح تعترضين وتجيبين أخوج عوف السفيه وتشكيلة عليه ؟

عيوني صارت براسي بس أتمالكت أعصابي ورديت ببرود وانا اضحك..

-رغد: أخوي تاج راسك لوعك بالسجن 3 أشهر ضوگك الويل وطلعت لخاطر أمك خليها ببالك يعني بختك بمرة .

تغيرت ملامح وجهة وگال ..

-مهدي: مو شايف روحة بالدولة وعود القانون جوة أيده والله ما أنسىٰ اله فعلتة هاي وراح تشوفين شلون راح يتعاقب عليها لأن ظلم بظلم

-رغد: تهدد انتَ ؟

-مهدي: ما أهدد احجي الصحيح والي لازم يصير

-رغد: هههههههه أعلىٰ مابخيلك اركبة هاي إذا عندك خيل ... انتَ محد شايفك صدگني وخصوصاً أخوي إذا يريد يشوفك لازم ينزل راسة لأنك بالارض وتخسىٰ تنزل هامتة .

هز راسة وگال ..

-مهدي: سهلة صايرة توگفين گدامي وتحچين هيچ وياي يالي سنة ونص وانتِ متلوعة وتبچين دم عليه وماتگدرين توگفين بوجهي وتحطين عينج بعيني

مشيت خطوتين صرت بوجهة ضحكت وحچيت ..

-رغد: غلطان تلوعت وبچيت لأن أدركت نفسي العزيزة شلون أختارت مثلك شخص رخيص وشلون وقتي ضاع وياك هاي كل حسافتي چانت علىٰ العموم انتَ صرت فعل ماضي حتى الذكرىٰ زيادة عليه 

گلت الكلام بأبتسامة وانا اأشر بأصبعي عليه تحت وضع الصدمة والدهشة آلي أحتلت ملامحة من كلامي ألتفتت أكمل طريقي وگال ..

-مهدي: سهلة وداعتج راح تندمين علىٰ كل كلمة گلتيها انتِ واخوج وراح تشوفون 

ما ألتفتت عليه وكملت طريقي أخذت كهوة ودخلت لاگتني سما وسلمت عليه محامية وياي معرفتي بيها سطحية بس لطيفة نوعاً ما بادلتها السلام وكملت طريقي ..

وصلتني رسالة فتحت تلفوني چانت شمس هاي الفترة الي فاتت كلش قوت علاقتي بيها صارت مقربة مني حيل بحكم نسولف بالقضية وتفاصيلها وتلقائياً صرنا ماتمر ساعة بدون ما وحدة تخابر الثانية وتطمئن عليها ..

چنت حيل مزعوجة من شوفتة ومن الموقف أبد ماتوقعتة راح يداوم وياي بنفس المحكمة شنو هلحظ الزفت الخلاه بوجهي شفت روحي اسولف إلها عن الي صار حرف حرف بالمكالمة ..

-شمس: رغد ديري بالج ترىٰ هاي الأشخاص مسمومة وحقودة والحقود كل شيء يطلع منه 

-رغد: من كل عقلج ؟ أهتم لكلامة الخرط هو محامي ولو يفتهم بالقانون يوگف گدامي ويهدد بهلطريقة !!

            

              

                    

-شمس: مع ذلك يگولون الحجارة الي متعجبك تفشخك ..

جاوبتها بعدم أهتمام وگلت ..

-رغد: اي عادي بسيطة واشيل الحجارة وارگعهة براسة

-شمس: رغددد !!

-رغد: يمعودة شبيج فارغ يهوبز هذا عمره كله مصار رجال وربج بكلمتين يتراجف يظل .. بس أريد افتهم شغلة شلون عرف انا أداوم هنا ! وكأنُ منتظرني بهلوقت

-شمس: يجوز سائل ومستفسر ؟ 

-رغد: أحتمال بس شنو يريد مني بعد شنو الي منتظرة ؟لشوكت يبقىٰ يفتر وراي عجيب هذا الأنسان لا كرامة لا شخصية !؟

-شمس: ولهلسبب جاي أگول انتبهي خايفة عليج انا ماعرف ليش گلبي ما أرتاح والله ترىٰ الأنسان ماينحزر مو فارغ ويهدد هيچ بدون سبب !

-رغد: لا تخافين گدامج ذيبة تعرف شلون تحمي نفسها وتلوي أيد ألي يفكر يمدها گدام وجهي سواء بخير أو شر .

حچينة شوية وسديت الاتصال سمعت صوت عياط طلعت مستغربة وأشوفها صايرة هوسة گدام باب القاعة هاي بعد كل جلسة لازم تصير مشاكل ومشاحنات عفتهم ورجعت أفتر وأكمل شغلي الي متراكم عليه بسبب هاي الأيام ...

******

طلعت من الحمام أدور علىٰ الخاولي شعري ينگط مي  ماشوف شيء رغم نهار بس قاسم ظلم الغرفة كلها حتى البردات مظلمات ومايفوت منهم ضوة للغرفة باوعت للساعة بـ١٠ ونص شغلت الاضوية وهو فز عقچ وجهة وگال .

-دطفي الضوة بعد روحي 

أخذت الخاولي وجاوبتة ..

-بعد ماكو نوم كافي الدنيا ظهر 

شفتة صفن بيه وقلص عيونة ميلت راسي بمعنىٰ شكو ..

-أول مرة أشوف شعرج واللاحظ طولة 

-لو أهمك كان لاحظت 

-ساااعة السوووودة الله اكبببببببببر علىٰ راس مصطفىٰ 

ألتفت عليه وحچيت ..

-والله خطية هذا الولد بكل حچاية وحطيتة 

-خيوووولي ساااا** سرسرري 

رحت فتحت البردات والشبابيك الشمس فاتت بالغرفة والاضوية كلها مشتغلة صار ينفخ 

-گووووم يله نايم للظهاري 

-بس ترىٰ شعرج حلو حيييل 

-اي أعرف يخبل ويموت

-هههههههه أم الحدود عود نرجسية ههههههه

باوعت اله بطرف عيني ونهض فتح الكنتور طلع ملابس اله عبر من يمي واگفة دامشط شعري ضربني بكتفة بسرعة ألتفت عليه ضحك وفات للحمام ..

خلصت وگعدت علىٰ الچرباية فتحت تلفوني چنت مخليتة صامت يزعجني صوتة شفت أربع رسائل من رقم غريب ومو عراقي دخلت عليهم ونغزني گلبي ..

فتحت البصمة رفعت حواجبي بذهول دمعت عيوني من سمعت صوت امي كل هلفترة قطعت تواصلهة وياي غيروا أرقامهم ونسوني ليش رجعوا هيجوا جروح گلبي چانت بصمتهة الأولىٰ تسلم بيها عليه وكلام هواية كل محتواه مشتاقين الج ماما ..

اتنهدت بغصة وفتحت البصمة الثانية جمدت بمُكاني من سمعتها وهي تگول ...

"ماما احنة استقر وضعنة الحمد لله واخوانج ديشتغلون وعايشين افتقدناج ماما منورة البارحة گعدنة وفكرنة نسحبج وتجين يمنة مادام استقرينة بعد شكو باقية بالعراق "

رجفت شفتي ونزلت دموعي واني أسمع صوتهة وكلامهة شگد مشتاقة إلها وبنفسي احضنها وأعاتبها واگلها ليش اتخليتوا عني بهلسهولة ليش كونتوا نفسكم بعيد عني وتركتوني لرجال غريب محد بيكم يعرفة ورحتوا ..

سديت تلفوني وماجاوبت علىٰ الرسائل بقت دموعي تنزل بحرگة تداركت نفسي ومسحتهم أول ماسمعت صوت باب الحمام دينفتح نهضت سويت نفسي أرتب بالفرشة بقيت فترة أنفض بالمخدة واخليها واشيلها وأرجع انفضها وأرجعها بس حتىٰ يمر وقت ومايبين عليه چنت ابجي اجانِي صوتة من وراي ..

-شنو هذن المخاد متعاركات وياج البارحة بالحلم

-لا بيهن تراب جاي انفضهن

-ملتمات عليهن مشتتات البال

-اي يمكن

-شنو يمكن بله باوعيلي انتِ 

-ليش اباوع الك جاي أنفض بالفرشة خلي أخلص 

-صارلي نص ساعة طالع من الحمام واگف هنا و ماخليت شيء ماسويتة وانتِ علىٰ نفس الوضعية مردتيها للفرشة مرد 

-مو فتحت الشباك ودخل إلها تراب 

-لا حول ولا قوة ألا بالله 

شوية وحسيت حركة وراي لزمني من كتفي ودارني عليه ..

-هاااااي شكوو 

-ليش باچية ؟؟ 

-منووو اني ؟

-لا ابوووي مو انا ما ارتاحيت اله من شفتج تحوسين وتشردين مني حتى ماتلتفين  ؟

-لا متوهم 

-منو وياج منار 

گال الكلمة بحدة وجدية بلعت ريگ وحچيت ..

-خااب شنو مو جاي انفض بالفرشة كلها تراب فات بعيني دمعت يمكن 

-شنو جاهل گدامج وتردين تقشمريني ؟

اتنهدت وعبرت من يمة رجع گال ..

-مو جااي احچي وياج !

-لأن مااااكو ماااكو شيء مابيه شيء دمعت عيوني من نفضت الفرشة فات بعيني تراب 

أومأ براسة بعدم تصديق وگال ..

-شيليها هاي الفرشة وغيريها

طبگت حواجبي وگلت اله..

-ليش أغيرها حلوة ؟؟

-لا غيريهااا كلها تراب خاف اتغطا بيها ويفوت بعيني التراب

-شگددد خبيييث ماا أغيرها حلوة حبيييتها

أتقرب الي وگف گدامي صار وجهة بوجهي وگال بأستهزاء ..

-مو متروسة تراب ؟ ختولي تبقين تنكثين بيها خاف تدمع عيونچ 

-لا لا متدمع بعد 

-اي مو انا اعرف الكلاوات هاي 

گال الكلام وقرب وجهة حط خشمة ومشاه علىٰ رگبتي توترت وحچيت بتلبك ..

-ءءءء قاااسم 

-بعد روحة 

حسيتة بدة يتمادىٰ بحركاتة اتسارعت انفاسي همس بذوبان وگال  ..

-كل شيء بوجودج حلو ، تصرفاتج ، وشكلج وانتِ تچذبين عليه ، نكدج وملحتج أحبهن حيل .. 

ميلت راسي بضياع نزل أيدة لزم أيدي رجعني سفطني علىٰ الكنتور غمضت عيوني وگال ..

-عطرج يدوخني وياخذني لغير عالم 

أردفت بأرتباك وتوتر 

-قاااسم

-احبج منار .. ميت بيج وأتمنىٰ يجي يوم تشاركيني هذا الشعور 

گال الكلام وأبتعد فتحت عيوني شفتة يباوع الي بذوبان عيونة مسبلة اتنهد وگال ..

-لا تخافين مايصير هذا الشيء إلا من تبادليني انتِ نفس الشعور بعدني أتذكر كلامج وانتظرج انتِ تسمحيلي ..

-حتىٰ لو طولت ؟

هز راسة وأبتسم..

-لو يگلولي تنتظر العمر كله وبالمقابل يوم واحد نعيشة  اثنينة بشعور مرتاحين بيه ورايدينة أقبل ..

ابتسَمت واتقدمت حضنتة حييل شددت بحضنتي عليه أخذت نفس بيه راحة وشكرت ربي لأن رزقني بهيچ أنسان متفهم الشيء ألي عمري كُله چنت أتمناه أنسان يتفهمني ويتفهم شعوري بكل موقف ولحظة ومايجبرني علىٰ شيء ..

بقيت حاضنتة ومبتسمة گال ..

-اووووويلي ترىٰ هيييج نخرب والزهرة وتنلاص السالفة دستري علىٰ روحج 

-لا انتَ حباب متسويها

مد أيده عصر زندي بسرعة ابتعدت وطفرت باوعت بوجهة گال ..

-هو انا صح حباب وما أسويها بس إذا تتحارشين بعد تعذريني 

أشر علىٰ الكومدي وگال ..

-لأن بعد الحباب يتكتر هنا 

مديت أيدي علىٰ زندي أمسح بيه وگلت اله..

-ترىٰ أذيتني 

-ميخاااالف أذية الحبيب مثل شرب العصير

-شنووووووو ؟؟؟

            

              

                    

-تعالي نطلع والله عيب والزهرة هسة الحجية تطلعنا من *** الچلب وياخذون علينا سمعة موحلوة عبالهم نايمين لأن اثنينة تعبانين مايدرون صحراء قاااحلة 

-شتسووولف قاااسم

-تعالي نطلع قبل لا تطلع علينا سمعة واشاعات

-يله جااية 

مشىٰ وصل للباب ألتفت عليه شمرلي بوسة بالهوىٰ وطلع ضحكت وأخذت حجابي حطيت مكياج قليل علىٰ الأقل أبين نفسي عروس حتىٰ لو بالچذب  اخذتني الصفنة أفكر بأمي وكلامها احتاريت ودخت سديت الكومدي وطلعت ...

فتت للصالة سلمت وگعدت يم خالة أمل شفت الوضع بعدة متوتر ومشحون نزل عوف بأيدة جنطة سلم وگال ..

-عوف: يمة انا لازم انززل واجب ضروري 

-قاسم: خيرر منين طلع هذاا ؟

-عوف: بعدين أفهمك دير بالك عليهم واتونس يالعريس 

-جميلة: يبعد أمك وگلبها تعال أحبك 

ضحك واجة أتقرب منها باستة بخدة وحضنتة ابتعد عنها وگالت ..

-الله ينصرك ويوفقك يابعد أمك بكل خطوة الله يحميك أمانة أم الحسن 

-عوف: الله يديمج حجية 

-جميلة: شگد راح تبقىٰ يمه

-عوف: ما عندي علم حجية هناك تصفىٰ 

وجهت نظري لقاسم الي يباوع اله بأستغراب سلم علينا و ودعنا كلنا ومشىٰ بسرعة نهض قاسم وطلع وراه ..

شفت خالة أمل مرتبكة وملامحهة مشدودة أخذت أيدها اعصر بيها ابتسمت الي وگالت بخفة ..

-أمل: يمة منار أتقربي شوية

قربت نفسي منها وهمست بأذني وگالت..

-أمل: يمة گلبي غادي نار روحي يمهة شوفيها صارلي ساعة هنا ماسمعت حسها طلعت وقسيت عليها اني بالكلام فدوه اروحلج روحي يمهة 

ربتت علىٰ أيدها ورديت ..

-ان شاء الله خالة 

نهضت من يمهم ورحت إلها للغرفة فتحت الباب بخفة صارت بوجهي متكرفصة ولامة نفسها وحاطة راسها بين أيديها ومنزلتة سديت الباب ودخلت مارفعت راسها ولا باوعت همست وأني اتقدم بخطواتي ..

-جُمان 

رفعت راسها چان شكلهة حيل تعبان و وجهة شاحب و واضح عليها مانايمة عيونها مورمة وحمر ..

جريت نفس وگعدت يمهة عضت شفايفها ونزلت نظرها بالأرض...

-ليش گاعدة هنا وحدج ؟ ليش جاي تسوين بنفسج هلشكل ترىٰ الصار صار وراح جُمان يعني كل هذا ميفيد بعد 

-اذيته منار 

گالت الكلمة بعبرة ورجفت شفايفهة رجعت كملت ..

-بعد ميثق بيه ولا راح يثق مستحيل بعد مسحني منار مسحني وكرهني

-عوف ميكرهج ولا راح يكرهج يمكن اي صح تزعزت ثقتة بيج بس انطي وقت جُمان الوقت يحل كل شيء  

رفعت عينها حطتها بعيني دمعت وگالت ..

-كسرت بيه اني منار كسرت ثقتة بيه وكسرة الثقة چبيرة

-الحب يتغلب وراح يجي يوم ويسد مُكان هاي الكسرة ويصححها صدگيني

ضحكت بحزن وگالت ..

-طفت لمعة عيونة منار من يباوعلي كل نظراتة صارت باردة ومتروسة خيبة يباوعلي وساكت بس أحس بعيونة تعاتبني 

-جُمان المثلة صعب يثق بأحد وثق بيج والأصعب انخذل واتحمطت ثقتة بس لابد يجي يوم ويتصحح كل شيء لأن عوف يحبج يشوفج بگلبة قبل عيونة جُمان انتِ رغم كل الي سويتي لو ماعوف چان الله أعلم شنو صاير بيج ! وشنو مسوين بيج وشنو راح يصير بعد الخطوة الخطيتيها

ميلت راسها بأستغراب وگالت ..

-مافهمت منار شنو قصدج ؟

-انتِ ماعندج خبر بأي شيء ولا تعرفين 

-بشنو منار شنو الي ماعندي خبر بيه وما أعرفة 

بللت شفتي وبديت احچي إلها كل شيء مثل ماسولفلي قاسم من المكالمة لحد ما شلون أمن الطريق إلها وخلة حمايتة وراها وي كل كلمة احچيها تزيد دهشتها وتنصدم أكثر حطت أيديها علىٰ راسها وگالت ..

-يعرررف بكل شيء ولچ بكل شيء منار وماعاتبني وماكسر بيه وفوگ هذا كله يحميني واني لو ما هو چنت راح أدمرة بسوايتي !!

-لأن رغم كل هذا يحبج 

-عمتتتت عيني شگد نذلةةة انيييي 

گالت الكلام وضربت نفسها وبچت اتقدمت لزمت أيديها وحچيت ..

-جُمااان لا تخليني اتندم لأن حچيت الجج !!

-ولچ اني ما استاهلة ولا استاهل يعاملني هيچ ولا يحميني كسرتة ولچ منار ماخليت كلمة ماجرحتة بيها وفوگ حاولت اخدعة واتحايل عليه وكذبت وحاولت أطعنة بظهرة واتفق وي اعداءه بدون ما افكر بيه ولو دقيقة هذا كله وهو يعرف وعيني بعينة ولچ انيييي نذلةةة

-لااا مو نذلة كل شخص بمُكانج راح يسوي الي سويتي وأزيد موقفج صعب وموقفة صعب بس الله رحم بيكم اثنينكم وماضيع تعبة الله ميترك الظالم بدون حساب هذا جزاءهم 

حطت أيدها علىٰ منطقة گلبها واتوجعت ..

-شبيييييج شبييج 

-مابيه شيء مجرد نغزات تصير 

-تعااالي گومي وياي انتِ ماماكلة شيء راح تتمرضين وتوگعين ويزيد وضعج شلون بيج جُمان شلون 

            

              

                    

مديت أيدي اگومها بعدتها عني وگالت ..

-ما أشتهي العسل ولا أريد اطلع عوفيني هنا لحد متخلص أمي 

فهمتها وعرفت ليش متريد تطلع أردفت وگلت إلها..

-ترىٰ رغد بالدوام وعوف توة نزل يعني محد موجود بس الحجية

-عوف وين راح ؟

-ماعرف نزل بأيدة جنطة وگال أنُ نازل لشغلة ضروري 

-ياربي 

حچتها وبچت وغطت وجهة بأيدهة اتنهدت وگعدت يمهة حچيت بتنهيدة ..

-جُمان اذيتي نفسج هواي جاي اتعبينها وانتِ گلبج مو مال تعب حالتج النفسية جاي تتراجع وهذا الشيء راح يأثر علىٰ صحتج 

-مختنگة منار أحس خنگتني واگفة ببلعومي والله ماردت اأذي ولچ شلووون أحاول اأذي واني احب..

ماكملت الكلمة وخلت راسها بين رجليها وشهگت ...

-انتِ متأذين نملة بعدين هو بذات نفسة چان يعرف بكل شيء وهو الي سهل الج المهمة وهو الي وصلج وخلاج ترجعين وبأيدج امج سلامات يعني عوف يعرف بالي سويتي خطوة بخطوة 

-وهذا الأصعب منار الأصعب أنُ يعرف بكل شيء وهو الي رجع ألي امي هو واني بكل حچاية أكسر بيه وبگلبة 

-ميخالف كل هذا يعدي گومي وياي عفية شوفيني اني لا ريوگ لا أكل لا شرب عروسيش محد مهتم الي باوعولي شوووية

رفعت راسها وگالت ..

-منو العروس ؟

-غير اني 

-حتىٰ نسيت انتِ عروس منار أبد ممبين عليج عروس عفية گعدي ابچي وياي 

ضحكت وجريتها گومتها مسحت دموعها وحضنتها ..

-كلنا نعرفج شنو جُمان بعدين خلي بالج شغلة قاسم گال أنُ بكل الأحوال چانت مراح تلكي شيء لأن ميتركون هيج أشياء مُهمة بالبيت فـ يعني الزود لأبو العوف 

-أعرف الزود اله

-اي يعني حاولي تخلين المي ترجع لمجاريها

هزت راسها وگالت ..

-ميرجع شيء بعد اني بعد الي عرفتة ماگدر أوگف كدامة 

-لا اوگفي والله يحبج 

سرحت لثواني ابتسَمت وگالت .. 

-تدرين عرض عليه الزواج

فتحت عيوني علىٰ وسعهن وحچيت بصدمة ..

-هااااااااااااا ؟؟؟؟

-والله 

-ولج يمتى شوكت وشنو گلتي اله ويمتى الموعد يماااااي تحمستتت

-تحمستي علىٰ شنو ماجاوبتة ولا رديت عليه 

-يااااا يااا !!

-والله أبد خفت وتوترت منار مارتاحيت حسيتة راح ينتقم مني 

-ينتقم منج عوف ؟

-اي 

-عوف أكبر من هيج تفكير وهيج نظرية جُمان ماحاول يجرحج بكلمة مو ينتقم منج عوف يضحي بنفسة علمود ما تنمس شعرة منج !

-ضحىٰ هواي 

-بعد شنو !!؟

اتنهدت ومسحت دموعها وسكتت مر وقت واني أحاول وياها بس مافاد بكل الطرق لا تقبل تطلع ولا تقبل تاكل أخر شيء عطت بيها زعلت وطلعت من يمهة ...

******

مر الوقت رفعت نظري للساعة وحضرت ماما وكُرسيها لبست شالي وبشتي اتنهدت وباوعت للجنطة شلتها فتحت باب الغرفة چان البيت صنتة هيج وقت كل شخص يلزم غرفتة 

عندهم نظام ماشين عليه أخذت الجنطة واخذت كرسي ماما بس بهيج طريقة اكدر اطلع عنهم محد بيهم راح يسمحلي وأولهم هو مادام مموجود هذي فرصتي ! لأن إذا عرفوا راح يحاولون ويانة بكل الطرق بس ألىٰ متىٰ اني بعد ماا اگدر ولا اسمح بهذا الشيء بكل مرة تصير مشكلة وتصير بلوة أحسن ألي أبتعد عنهم وجودنا أبد مو مناسب ..

-أمل: شيگولون علينا علىٰ الأقل خليني اسلم علىٰ الحجية ولج يوم

-جُمان: ماما تعرفين ماراح يسمحون وراح يحاولون بكل الوسائل چنتي يمها قبل ساعات يوم واساساً يعرفون راح نطلع 

-أمل: بس ماسلمنا و ودعناهم 

-جُمان: تردين تودعينهم ؟ اوك روحي ماما بس ماراح يسمحون نبتعد عنهم وهذا البيت المقابيلهم راح يعيشونة بيه وبكل الطرق راح يقنعونج رغم كل شيء

أخذت نفسها وگالت ..

-امل: لا خلص كافي الصار الهم بسبب وجودنا يمهم 

سحبت كرسيها وطلعنا من البيت وگفت لثواني باوعت اله ابتسمت بحزن وكملت طريقي حتىٰ أطلع وگفني الحارس وگال ..

-العفوا وين ست ؟

جاوبت بأستغراب ..

-عفواً ؟

-أعتذر عن السؤال بس هذي تعليمات سيادتة يعرف بيج طالعة ؟

-أها اي يعرف 

باوع الي بشك وعدم تصديق وگفت علىٰ أعصابي طلعت تلفوني وگلت اله

-ممصدكني ؟ تمام راح أتصل الك بيه وهسة تشوف 

-لا العفوا ست اتفضلي مادام عندة خبر مايحتاج أعتذر 

هزيت راسي واخذت كرسي ماما ومشيت وگفت من گال .

-ست وين توصلين اني اخذكم ؟

ألتفت عليه وحچيت ..

-مايحتاج 

مشيت الطريق وصلت لراس الشارع وگلبي يدگ دمام وماما تزفر بغضب ما مرتاحة وكل شوية تگول صفيت بأيد جُمان تاخذني يمين وشمال الك بيها أرادة  ... كملت طريقي و وگفت اأشر بأيدي علىٰ سيارة تكسي دقايق مرت و وگف رجال متوسط بالعمر وگال ..

-وين توصلون عمو ؟ 

صفنت بالكلمة بلعت ريگ بحيرة وين نوصل ؟ شگلة واني ماعرف وما اندل اي شيء هنا حسيت الدنيا خيمت عليه والحيرة ترستني واني اباوع اله همست بداخلي بخوف وين راح نروح وين !