رواية فصلية بديلة الفصل الثالث والاربعون 43 بقلم ام ملكوت

.

قبل يوم..

شهم_

رجع ساجد بليل وتلكيته اخذت الطفل جان نايم ودخلنه للبيت ..

ساجد: خويه ليش وديت بيدي مرتضى 

شهم: ليش صار شي

ساجد: لا بس بقه يبجي وسمعته امه وكالت انطونيا

شهم: سماء ودت عليه

ولان تطمنت انهه بخير وموجوده ببيت جدهه .. خليت الطفل بالجربايه مالته ونمت اني هم للصبح كعدت على صوت سمر..

سمر: خويه شهم اكعد شهم

شهم: ها شكو شصاير

سمر: خويه سماء تكول اريد اسمع صوت ابني

شهم: شنوو كليلهه نايم

سمر: كتلهه كالت بس فتحي كامره اشوفه وهوه نايم..

شهم: هاا يله ماشي راح اتكتر على جهه انه وانتي فتحي كامره..

خليت ودرت وجهي وبقت هيه تشوفهه شلون نايم شويه واسمعهه تكول.....

.....................

سماء_ 

_وليدي حبيبي راح يجيك قطعه مني راح يصير عندك اخ وانت ماشابع من حضني ...

شهم_

فزيت من مكاني اباوع للنقال وهي جن شافتني وسدت المكالمه بسرعه كلت لسمر

_شنو كالت

سمر: خويه جنهه كالت راح يجيلك اخ

شهم: اي حتى انه سمعتهه هيج وينهه انطينياهه

سمر: اي راح اتصل عليهه.. شو ماكو مغلق 

شهم: اشتعلو اهلج سماء اذا صدك .. خليت ورحت غسلت وبدلت وطرت بسيارتي لبيت جدهه .. دكيت الباب وطلعلي الحجي..

_صباح الخير حجي

ابو رائد: هلا ابني صباح النور تفضل 

شهم: حجي بلا زحمه عليك صيحلي سماء شويه

ابو رائد: خير انشالله كون الولد ماصار عليه شي 

شهم : لا لا تطمن بس عندي موضوع وياهه 

ابو رائد : اي الحمدلله تفضل بالديوان هسه اصيحهه..

شهم_ 

دخلت وبقيت واكف ومنتظرهه على نار تجي ..شويه واجه جدهه..

_ها حجي

ابو رائد: يابني ماتقبل تكول اخاف..

راح الحجي شويه وكال تعال تفضل ..خليت ومشيت وراه وداني لغرفتهه دك الباب وفتحته رادت تقفله وخليت ايدي عليه ودخلت للغرفه وقفلتهه..

.....................

سماء_

من بعد ما حجيت هيج وصار بوجهي خليت وقفلت النقال بسرعه ..

ياربي شلون احجي هيج اكيد سمعني وراح يجي ياخذ ابني مني يارب دخيلك..بقيت افتر بالغرفه متوتره وخايفه شويه ودك الباب ..

_منو

ابو رائد: اني جدي فتحي الباب رجلج منتظرج بالديوان يريد يحجي وياج

سماء: هاا كله ماتجي ماريد احجي ويا

ابو رائد: جدي مايصير عيب الرجال منتظرج..يريد يحجي وياج ماياكلج

سماء: ما ماريد اخاف ماجي..

خله وراح جدي وره شويه عبالي راح ارتاحيت .

.اندك الباب عبالي سلمى كمت فتحته واشوفه كبالي ردت ارجع اقفل الباب ولزمه ودفع الباب دخل وقفله..

_بخوف.. ااا شتريد مني ليش اجيت

شهم: ليش من صحتج ماجيتي

_ما ماجي مابيناتنه حجي.. بقيت ابتعد وهوه يتقرب ويحجي..

_وليش خايفه مني ..مسويه ذنب ومادري

_ لا مامسويه شي ولا عندي شي مو خايفه انه 

_سماء الكلام الكلتي لابنج سمعته ترى كولي صح هل كلام لو لا..

_مو صح زله لسان ماكو شي جذب

_بعصبيه..سماااء لا تطلعيني عن طوري..الكلام الكلتي مساع صح لو لاا

_بهستيريه...مو صح مو صح مو صح ماكو شي ماكو ..

حجيت هيج واجه حصرني بالحايط ولزمني من فجي واني احجي..عوفني شتريد مني وخر مني لا الم العالم عليك وخر مني وخر..

شهم_

شفتهه خايفه وتحجي بخوف ترجف جنهه مخبله خليت وحضنتهه على صدري صرت امسد على راسهه..

_اشش اهدي ماراح اسويلج شي لا تخافين ..

سماء_

اول مره احس بالامان بحضنه رغم اني خايفه منه بس شردت من خوفي لحضنه بقه يمسد على راسي لحدما هدات..

شهم: سماء ماريد اسوي بيج شي بس اجيت حتى اعرف الكلام الكلتي صح لو لا 

سماء: وشتسوي اذا طلع صح

شهم: بس كليلي بالاول انتي حامل

سماء: اا ااا اي 

شهم: شكد صارلج

سماء_

رفعت راسي وباوعت بعيونه الشك جنت ادري ان كلامي ماراح يمحي الشك بقلبه ..

_ماعرف اخذني للدكتوره وهيه تكلك احسن ..

شهم: خلاص روحي بدلي وتعالي نروح للسونار..

سماء_

هزيت براسي..نعم.. ورحت طلعت عبايتي وحجابي لبست وانه ارجف بعدني اليشوفني يكول مسويه مكسوره وطلعنه تلكانه جدي..

ابو رائد: ها بويه وين

شهم: حجي عن اذنك مرتضى حرارته مرتفعه وماردت اخوفكم بس اخذ سماء تطمن عليه

ابو رائد: اها سلامته انشاءالله ماشي بويه اخذهه امه هيه ومرتك مو غريبه

شهم : مشكور عمي ماتقصر..

شهم_ 

خلينه وطلعنه جنت فرحان وطاير لان ربي راح يرزقني منهه طفل ثاني بس بنفس الوقت اكو شك بقلبي ان ماتطلع حامل وعدهه مشكله ثانيه

لان مامعقوله المره تحبل من ليله وحده ..وصلنه للعياده مالت السونار وجانت فارغه محد بيهه دخلنه اني وياهه وكشفت بطنهه وفحصتهه الدكتوره وكالت..

الدكتوره شذى: الف مبروك ماما على حملج وابنج صحته زينه وصارلج يابنتي تقريب الشهرين ونص حامل يعني بالضبط شهرين و١٠ ايام ..

شهم_ 

كالت نفس التاريخ من اخر ليله بيني وبينهه يعني راح يصير عندي طفل ثاني منهه يعني صارلي امل ثاني لرجعتهه الي..

سماء: زين دكتوره ظهري ياذيني صارله اسبوع ليش وجع مو طبيعي

شذى: اي ضهرج ضعيف شويه انتي عندج اطفال

سماء: اي طفلي عمره ٧ اشهر تقريبا

شذى : اي هاذي الام الولاده السابقه مالهه علاقخ بالطفل الحالي بس ديري بالج على نفسج تعب وفره ماريد وهسه اكتبلج مثبتات وتستمرين عليهم منا لتدخلين بشهر الرابع ياله تعوفيهم 

سماء: انشالله دكتوره.. كتبتلنه الدكتوره على علاج ورجعنه للبيت والطريق كله ساكتين..دخلت لبيت جدي وعفت شهم يحجي ويه جدي ودخلت للغرفه ..

ذبيت العبايه والحجاب واجيت تمددت على الجربايه عبالي راح ردت اغفى وماحس الا شي يمشي على راسي فتحت عيوني واشوفه كبالي كاعد عل ارض ويمسد براسي..خليت وكعدت ..

شهم: اسم الله لا تخافين..

سماء: عرفت حقيقه كلامي هسه اتمنى يكون الشك راح من عندك

شهم: يعني تعرفين شكد صارلج حامل وماكتيلي

سماء: اي لان شفتك شكيت بيه ليش اتعب نفسي واحجي وانت ماراح تصدكني..

شهم_ 

خليت وكعدت عل جربايه مقابيلهه ..

_صح جان بيه شك بس كلمه صادقه منج كفيله بان تبعد الشك مني وانه جنت مستبعد ان تطلعين حامل ماجنت اعرف ان المره عادي تحمل من ليله وحده يعني شكي جان بخصوص الحمل مو لخصوص عفافج انه اعرف منو مرتي مستحيل اشك باخلاقهه ..

سماء_

باوعتله متفاجئه من كلامه ماكدرت انطق بشي استحيت لان ظنيت بي سوء اكتفيت بس اباوع على ايده اللازمه ايدي وكال..

_سماء ماحن قلبج على طفلج بهاي الشهرين ماسالتي شلون ينام وشلون ياكل ويعيش..

يعني حرمتي مرتضى من حنان الام هل شهرين وهسه تردين تحرمين يلي ببطنج من حنان الاب ..

_ لا رد

شهم: خلاص لا تبجين صدكيني هذيج الليالي السوده ماراح تنعاد واني ثبتتلج ندمي وتوبتي قبل لا اعرف بيج حامل بمرتضى وانه ندمت وتبت عن السويته وياج ومستحيل اكرر هل غلط

سماء انه خلال معاشرتي الج حبيتج وانغرمت بيج وشايفه هذا التعب والذبول بوجهي كله علمودج انتي وطفلنه والله..

سماء_

باوعت بعيونه شلون حمره ويحجي بغصه ماتحملت ضميت رجلي لصدري وكمت ابجي ..شويه وسحبني على صدره حضني .

.بقيت ابجي طلعت حركت قلبي بهاي الشهرين كلهه بحضنه ..اشتاقيت لحضنه اي ماكدر انكر واكول مافكرت بي او ماحبيته او ماشتاقيت لحضنه ..

بهذي اللحضه انفضحت وكل لعب المشاعر صار عل مكشوف ..دفنت نفسي بحضنه وهوه حضني حيل حسيت روحي دخلت بصدره.. 

خله وابتعد خله وجهي مقابيله صفن شويه بملامح وجهي وباسني بوسه مجمره شوك وطعم مر فراكي بيهه ولاول مره ابادله البوسه ..٠

بقه يبوس بوجهي عيوني خدودي وجبيني تالي نزل على جتوفي وحضني حيل..

نسينه نفسنه ونسينه الدنيا وماهتمينه وين احنه ومنو اكو بره تقربلي بكل حب وحنيه ولهفه حسيت كل بوسه يبصمهه على جسمي تدل على ضيمه وقهره مني ومن فراكي ...نام بصفي وثنينه وسحبني لحضنه وانه ارجف من البرد يغطي جسمي .. 

شهم: اشتاقيتلج بكد رحمه الله 

سماء: انه هم مانكر اني اشتاقيتلك وحنيت عليك

شهم: اشو تعالي لحضيني ولا بدي اطلع منج ..ماتحمل فراكج بعد اريدج يمي ..

سماء: ولا اني اتحمل بعد ..شهم 

شهم: يروحه انتي

سماء: امس حاجاني خالي وكال ان حجه ويه جدي وخوالي بموضوعنه وان لازم ارجعلك

واني كتله افكر بس اهلي مايدرون لا بحملي ولا بالحجي الصار هنا بيت جدي وخايفه امي ترفض ..

شهم: لا تفكرين حبيبتي اني احاجيهم انتي اهتمي بس باطفالنه ماشي..

سماء: بحزن..شهم اريد ابني اشتاقيتله 

شهم: من عيوني تعالي وياي وتشوفينه

سماء: ماكدر شلون اجي وياك واهلي مايدرون

شهم: جا ماكو طفل منا لاقنع اهلج وترجعين وياي ياله تشوفينه..

سماء: بحزن..ليش

شهم: حتى ماتترخين وتبرد مشاعر الام بقلبج..

سماء: ماشيي يمته تقنعهم جا

شهم: هيج مشتاقه لحضني وليالينه

سماء: هههه لااا مشتاقه لابني منو مشتاقلك انت اصلا

شهم: هاا والله

سماء: ماا

شهم: تعالي ولج..مامشتاقتلي هاا..

سماء_ 

استلمني دغدغه وشلون اموت انه من هاي الشغله كوه ساده حلكي حتى لا يطلع صوت ضحكتي بره وننفضح..

_لا مشتاقتلك والله مشتاقتلك بس كافي

شهم: ماشي علمود ماتعيديهه بعد..

سماء: هههه مامشتاقتلك..

حجيتهه واخذت اللحاف لفيته على جسمي وشردت للحمام واجه وراي ..

_وين وين روح اريد اسبح

شهم: ماطلع بعدني ماشابع من مريتي..

سماء: يااا روح ماريد عيب بيت جدو تره احنه

شهم: هههه يله هل مره افوتهه بس بعد ماكو ماطلعين من الغرفه اذا ماشبع منج.. يله سويلي مجال خلي اسبح وياج..

سماء: هاا

شهم: اشو تعاي ليفي ضهري من رحتي لهسه انه ماسابح

سماء: كول والله

شهم : شسالفه ولج لو صدك جا شفتيني مجورب هسه..

سماء: هههه ماشييي تعال..

سبحنه وكملنه وطلعنه رجع لبس ملابسه ومشط شعره واني كذلك رجعت على ملابسي حتى مايشكون ان سوينه شي.. 

خلينه وطلعنه بره لكينه جدي رايح للمزرعه مالته وبس بيبي وسلمى بالبيت .

. طلعت قبله سويتله طريق وطلع بره بالحديقه وطلعت وراه اودعه.

شهم: يله رايح اني وانشالله باجر انزل للبصره اني وابوي وخواني نحجي ويه اهلج ماشي.

سماء: ماشي..

شهم: يله ديربالج على طفلنه 

سماء: انت هم ديربالك على طفلنه

6 

شهم:هههه انشالله..

سماء_ 

راد يطلع ورجع خطف بوسه مني وطلع واني سديت الباب 

وبقيت متفاجاة ومستحيه اتلفت خو محد شاف..خليت ودخلت ولاكتني سلمى..

سلمى: كشفتكم عصافير الحب شسويتو بالحديقه

سماء: بخجل..فلشج هيه بوسه 

سلمى: بهمس..وبالغرفه شسويتو اشو ريحه الصابون تعط منج.

سماء: بصوت ناصي..ياا فلشج سكتي لا تفضحيني واصلا رجلي واذا سوينه شي بالغرفه..

سلمى:هههه على كيفج ندري بي رجلج ..بالعافيه حبيبتي بس نكول شعدا مابدا..

سماء: ههه بعد طلبت حنيه

سلمى: اي سولفيلي شسولفتو ووين رحتو مساع..

سماء: تعاي خلي ندخل للغرفه واسولفلج مو مال وكفه بره ..

دخلنه وصعدنه لغرفتهه وسولفتلهه كلشي وهي متحمسه وفرحتلي خطيه ..

الفصل الرابع والاربعون من هنا