رواية فصلية بديلة الفصل الرابع والاربعون 44 بقلم ام ملكوت

شهم_ 

رجعت للبيت واني مرتاح دخلت للديوان سلمت على ابوي واخواني وحجيت..

_بويه محتاجك انت وخواني بشغله

الشيخ: كول بويه

شهم: بويه اريدكم باجر ترحون وياي للبصره لاهل سماء حتى نحاجي اهلهه ونرجعهه

الكل: شنووو

شهم: اي بويه لان مرتي طلعت حامل وماريد ابقيهه بعيده عني بعد..

باقر: اي الحمدلله ومبروك خويه على حمل مرتك

شهم: تسلملي خويه الله يبارك بيك..

الشيخ: هاذهو بويه باجر انشالله من الصبح ننزل للبصره وماطلع من بيتهم الا وهمه موافقين وبرضاتهم..

شهم: الله يخليك خيمه فوك راسنه يارب..كمت بست راس ابوي ورجعت كعدت وكمنه نسولف شويه تالي كلمن راح لغرفته وبيته..

رحت تطمنت على مرتضى بوسته وشميته ونمت يمه للصبح ..

#في الصباح..

شهم_ 

كعدت الصبح كمت سبحت وبدلت وطلعت لكيت ابوي واخواني كاعد يتريكون كعدن تريكت وياهم وخلينه وطلعنه للبصره ..

الشيخ: لاا يابوهه احنه مانبعد ام عن ابنهه ومن البدايه ماجنت راضي على روحه بنتك من بيتهه وطفلهه 

بس بعد شرط ونفذناه واعتقد خلصت مهله الشرط ولازم ترجع لزوجهه ولاطفالهه..

ابو سماء: حجيك جواهر ياشيخ..بس

الشيخ: لا تكمل اعرف شتريد تكول ولهذا السبب اجيتلك بنفسي احجي وياكم واذا ماتصير زحمه تكدر تناديلي ام سماء احجي وياهه بنفسي..

ابو سماء: اي ليش لا ..

شهم_ 

طلع عمي صاح لمرته شويه واجو دخلو للديوان وسلمت على الشيخ..

وبقه ابوي يحجي وياهه وينطيهه وعود وطبعا وعود الشيخ ما تخلف ..

شويه وكالت..

الشيخ: افهمج واني كتلج ووعدتج وهءا هوه ابني كبالي والله وانتو شاهدين على كلامي ..

اني الشيخ محمود اذا ابني شهم تعرض لبنتكم سماء وجرحهه بكلمه او فعل وخلاهه تنكسر ف راح اتبرى منه ليوم الدين ولا اني ابوه ولا هوه ابني....

شهم: بويه وانه اوعدك ماراح اسويلهه شي يجرحهه او يكسرهه طول ما انهه على ذمتي

واوعدك ماراح اخليك بيوم تفكر ان تتبرى مني..

واذا وعدك وعد شيوخ مايخلف اني وعدي وعد ابن شيخ الشيوخ ومايخلف للموت..

الشيخ: هاي اني وابني وعدناكم وانتو تعرفون شنو وعد الشيوخ..شكلتي بويه

ام سماء: هاذهو شيخنه بنتي

 بنتكم وذمه برقبتكم ليوم الدين 

الشيخ: اريد اسوي عرس الاخوه الاسبوع الجاي اذا ماعندك مانع بويه..

ابو سماء: افاا كل مانع ماعندي والكم مطلق الحريه الاسبوع الجاي هاذهو الاسبوع الجاي

الشيخ: بارك الله فيك ..ابو سماء احنه انطينه مهر لبنتك حلى ١٠ ملايين ب١٥ واختهه نفس الشي اني ادفع مهرهه حالهه حال اختهه موافقين ..

ابو سماء: التشوفه شيخنه 

الشيخ: هاذهو سمعونه الفاتحه على نيه التوفيق..

شهم_ 

قرينه الفاتحه وشربنه الكهوه وطلعنه رجعنه لميسان واني اخذت سيارتي وطرت بيهه لام جهالي..

وصلت ودكيت الباب فتحلي الحجي..

ابو رائد: قبل شوي سمعت خبركم الف مبروك ابني

شهم: الله يبارك بيك حجي الله يحفضك..

ابو رائد: تفضل للديوان راح اصيح لمرتك تجيلك

شهم: ماشي..

دخلت للديوان وبقيت واكف منتظرهه ..

شويه ودخلت لابسه تراك طويل ولافه الشعر بشريط ومكياج خفيف .

.باوعتلي شويه واجت ركض طفرت بحضني وعلكت رجليهه حواليني..

_ولج الطفل نسيتي هههه

سماء_

بعدما سمعت الخبر من جدي بقيت فرحانه لحدما اجه وطلعتله للديوان ركضت عليه كد ما فرحانه احس صدك طرت..

شهم : يعني تطلع وكاحتج من تفرحين ومن تحزنين تصيرين قطه ماكول عشاها..

سماء: هههه اي 

شهم: كلولج الاسبوع الجاي العرس 

سماء: بخجل..اي كلولي ..

شهم: اروح فدوه اني خوش

سماء: هههه شهم

شهم: عيونه خشمه قلبه لشهم

4 تع

سماء: اريد اطلب طلب

شهم: تامرين انتي ام مرتضى

سماء: هههه مايامر عليك ضالم..ااا 

شهم: كولي حبيبتي

سماء_

استحيت من الطلب تقربت وهمست باذنه شنو ردت..

شهم: ههههاي ولج وكحه وعلي ..

سماء: شبيك فوكاتهه

شهم: الف طلب مثل هل طلب.. بس مو تجربين هل شي ويه غيري...

سماء: لا ماشوف طلبته منك

شهم: هههه يله ماشي رايح اني هسه واجي باجر

سماء: ماشي.. 

خليت ونزلت عنه وباسني بجبيني وراح ..واني دخلت جوه بقيت يم اخابر بامي وخواتي منا لصار وقت العشه صلينه وتعشينه وكلمن راح لغرفته ينام.قصص ماي هوبس 

.واني بقيت سهرانه منا لصارت الساعه ب٥ الفجر كمت صليت تالي اتصل علي رقم خليت ورفعت خط..

شهم: هههه وهسه وين تردين نروح

سماء: ماعرف بكيفك بس لا تخلينه هواي بالشارع ..

شهم: ماشي اني اعرف وين اخذج..

خليت وطرت بيهه لبيتي او بالاحرى المشتمل الصغير مالتي بالمزرعه ..

سماء: هاي وين جبتنه

شهم: هذي مزرعتنه وهذا المشتمل مالتي جنت اسهر بي اراقب المزرعه مرات..

وبس تمشين مسافه فرع تلكين بيت اهلي..

سماء: هممم بس تراقب بييي شهومي

شهم : اي والله الحمدلله 

ضحك ولزم ايدي خلينه ونزلنه جان الضوه شويه طالع والجو يخبل وهوى حلو ونضيف

شهم: سماء 

سماء: هاا.. ماحس الا طلع علبه خاتم من جيبه وفتحه يجنن..

شهم: تقبلين تكملين باقي حياتك وياي ونعيش بسعاده.

سماء: بددموع.. شهم ماعرف شكول فاجاتني وتوترت بس

 دامك جبته ماريد اردك هههه

ضحك ولبسني الخاتم وباسني بجبيني تالي سحبني من ايدي واخذني للمشتمل جانت بي 

جربايه وحمام صغير على صفحه .

.دخلنه وقفل الباب واجه هجم علي بوس وحضن

.

.

.

سبحنه وكملنه وكال..

سماء_

صاحني والتفتت وهو اخذني باحضانه دقايق ياله تركني ..

شهم: يله نامي اكيد مانمتي من امس

سماء: اي انشالله ديربالك بالطريق

شهم: انشالله انتي هم ديربالج على نفسج وطفلنه ..

وانشالله اني باجر اجيب مرتضى واجي

سماء: انشالله يله روح وديربالك

شهم: ماشي يله باي ام جهالي

سماء: باي ابو محمد حبيبي

ضحك وخليت سديت الشباج نزعت العبايه والحجاب ونمت ماكعدت مناا للضهر..كعدتني سلمى

سلمى: حبي سماء كعدي تغدي مو زين عل طفل لا ريوك ولا غده..

تالي خلصت ورجعت لغرفتي اتصلت على شهم وبقينه نحجي كامره ويوريني شلون يلعب ويه مرتضى ويحجي وياه..

ومر اليوم وصار ثاني يوم ..

كملنه غده وخابرت شهم وكال العصر يجيبلي مرتضى ..

خلصت مكالمه وبقيت اخلي 

مكياج واغني اغنيه امي المفضله..

• ياطير يا مسافرله/ وصله هذا الكلام

• ميت حبيبك كله/ والليل ابد ماينام

واني اغني التفتت وشفت...

.

.

شهم_

توه خلصت مكالمه من سماء 

وكلت اسويلهه مفاجاة اخذت الطفل ورحتلهه مع ان كتلهه العصر اجيج..

وصلت لبيت جدهه واستقبلني جدهه كالعاده تالي سوالي طريق وفتحت الباب على كيف واشوفهه تغني ولابسه برموده حمره ولازكه على جسمهه والحمره الحمره بالحلك 

_اشو بسرعه بعتيني بس شفتي ابنج

سماء: اي ولك هذا ابني هذا روحي بالدنيا مشتاقتله بكد رحمه الله الواسعه..

شهم: هههه يله مقبوله منج ال ولك..

سماء: هههه اسفه

شهم: ماريد الكلمه منج اريد غير شي

سماء: شنو

شهم: تعرفين شنو

سماء_

اشر على حلكه ..

اتقربت وبسته من شفايفه وراد يلزمني ابتعدت بسرعه ..

شهم: تشردين مو حمدي ربج الطفل بيدج والا جان وريتج البوس على اصوله..

اجيت وكعدت عل جربايه وبقه حاضني من ضهري والطفل بيدي ..

تالي كمت طلعت الخرخاشه الاخذتهه من غراضه لمن رجعت ..

شهم: هاي مو مالت مرتضى شجابهه هنا

سماء: ايي اخذتهه وياي لمن طلعت من البيت

شهم: سماء

سماء_ 

رفعت راسي باوعتله واشوف عيونه حمر ..

حسيت بالذنب لان عفتهم متعذبين شهر صح اني تعذبت هم بس جان بسببي مو بسبب احد غيري..

_شهم اسفه لان عفتك انت وطفلنه وطلعت من البيت.. 

جان بوق...

بعدني مامكمله سحبني واخذني بحضنه عاصرني حيل جنه مايريد يهيتني بعد كطع انفاسي ياله ابتعد شويه وحجه..

شهم: لا تعوديهه بعد وتعوفينه اني واطفالنه واذا يوم ضجتي مني بسبب تقصير مامقصود تعالي كليلي وعاتبيني حاسبيني بس لا تزعلين مني ولا تطلعين من حياتي ..

سماء: ماروح منكم بعد ماطلع من حياتكم راح ابقى لاطشه بيتك وحياتك وبغرفتك هم ..

واذا تريد انت روح اما اني فراح ابقى يم اطفالي العمر كله..

شهم: شلون اروح واني روحي تعلقت بيج وماترضه ترجعلي..احبج ولج

سماء: هاا

شهم_

تقربت من شفتهه وكتلهه ..احبببج

سماء: اني هم احبببك

كتله هيج ورجع باسني..

ولك كافي ارحمني 

شهم: جان رحمتي انتي ..مدري منين طالعتلي بهل جمال..

سماء: هههه...