رواية أحببت من لايبالي الفصل الرابع والاربعون بقلم مجهول
مريم : اباوع هاي نازك واكفه وخاله قميص زين على وجها .... صحت هاي شجااااي تسوييييييين
نازك : فزت من مكانها منزله القميص .... هااا
مريم : شنو هاا شعدج هنا وشيسوي قميص زين عندج اصلا شدخلج للغرفه انتي
نازك : يمه رجاءا لا تسأليني
مريم : ويمامه بعينج شجنتي تسوين بغرفه ثنين متزوجين ماتستحين شهالتطفل
نازك : ردت اشوفها
مريم : باستهزاء ردتي تشوفيها ... وقميص زين شعنده على وجهج ؟
نازك : كعدت يمه انتي مو تكولين اني بنتج وسولفيلي كلشي واني اساعدج
مريم : اي اسمعج يبنتي فسريلي سبب وجودج بغرفه حماج ومرته
نازك : نزلت دموعها .... يمه اني لسه احب زين وماشلته من راسي
مريم : لج انتي شنو استغفر الله لج امي هذا حماج حماج يحرم عليج حرمه اخوج شهالتفكير السخيف هذا
نازك : بصياح احبه شسوي فهيني احبه اموت عليه اتمنا امنيه اريده ... تخيلي واني بفراش رجلي اتخيله ه...... بعدها مامكمله كلامها وحست بايد تضرب وجها
مريم : صفكتها راشدي ... الله يطيح حظج ياقليله الادب ياعديمه الشرف اكو وحده تحجي هيج على حماها لا وتحجيها وهي مفتخره لج انتي اقذر منج ماكو .... لزمت راسها والله كله صوجي اني اني الي جبتج وخليتج ببيتي يا ماتستاهلين لج لو فاضحتج ومطلعه سوالفج اشرفلي رحت جبتلي وحده ساقطه وخليتها ببيتي
نازك : مسحت دموعها لاتغلطين انتي كتيلي احجي الي بكلبج واني فتحتلج كلبي مامن حقج تضربيني فهمتي
مريم : اني كتلج اعتبرج بنتي ولو بنتي تسوي هيج انهيها والله وانعل ابوها يابو حتى الي جابها شعبالج لو بتي تسوي سوايتج اسكتلها
نازك : حتى اذا مايحقلج تحجين بهالطريقه وياي فهمتي اني احبه واريده واتمنا وحتى بفراشي اتخيله شتردين بعد وجيتي لهاي الغرفه ... جرت القميص من ايدها خلته على وجها بس حتى اشم عطره وانام بفراشه .... كتلج وارجع اكول اني اريد زين سواء جان قابل او ماقابل
مريم : هزت راسها شكد صلفه انتي عمري وحياتي ماشفت ولا راح اشوف بصلافتج .... تدرين انتي هسه تحجين واني نفسي لعبت ... انتي ماتستاهلين قصي اصلا جريمه وحده مثلج تاخذ هيج انسان لج اشوفه هالايام يباوع لحلكج شتردين وشتعتازين لج حتى عينه الزايغه ضمها يكلي يمه خلص بعد اني لازم اركز بحياتي ويه نازك طيشي قبل شي راح وانته واني قصي الجديد لخاطرها لج والله من اتذكر حجيه واشوفج هسه تحجين على اخو كلبي ينمرد مرد
نازك : اتفهم بس الحب مو جبر
مريم : ليش وافقتي من الاساس .... ليش قبلتي تتزوجين قصي وانتي تردين زين اني مو سئلتج مو كتلج اذا ماموافقه لاتضغطين على نفسج مو اطيتج وقت وكتلج فكري ... جاا ليش وافقتي هاا
نازك : عندي اسباب مااكدر اذكرها
مريم : تنهدت شوفي نازك من طريقه كلامج مبينه مستحيل توبين وتمشين عدل فيستحسن انو تنفصلين انتي وقصي كليله انتي ماتحبي ومامرتاحه وياا وهو اكيد ماراح يجبرج رجعي لبيت اهلج احسلج انتي ما منج فايده
نازك : وعلى يااساس ياخذني لاهلي شنو هو لعب اني حتى ماصارلي شهرين شتردين الناس تكول الشيخه نازك معيوبه حتى رجعوها وره شهر من زواجها
مريم : يعني انتي ماخايفه على زواجج خايفه يحجون عليج ... لج شنو انتي
نازك : استغفر الله هسه انتي شعليج احب زين احب قصي احب البواب انتي شكو
مريم : الي جاي تحجين عليهم هذوله ولدي وانتي جايه مخليتهم ببالج ومستحيل اخليج تفرقين بينهم فتهمتي
نازك : شنو دن..
قصي : شعدجن هنا
نازك : لزمت خصرها تعال قصي راح اموت كليتي توجعني ورحت لامي حتى تنطيني علاج ... فاجينه لغرفه زين لان عنده علاجات
مريم : لا مو صح هي جانت هنا حتى تا....
نازك : اااااخ يمه راح اموت
قصي : بخوف شبيج نازك نروح للمستشفى خاف كلاتج بيهن شي
نازك : لا حبيبي دنيا ليل هسه خليها على باجر يجوز هالايام لان مااشرب ماي يصير عندي الم بلكليه
قصي : تعالي خلي انام حتى يرتاح جسمج واني باجر من الصبح اخذج للدكتور حتى اعرف شبيج الكليه مو شي سهل اذا اتاذت
نازك : لزمت ايده اي يله خلي نروح ... تصبحين على خير يمه
قصي : باس راسها تصبحين على خير
مريم : واكفه مصدومه متعرف شتحجي وشتكول اول مره تشوف هيج بشر ... لك شنو هالقابليه على التمثيل كلبت السالفه كلب وراحت ولا كأن صاير شي وتتحداني عينك عينك لك شنو من بشر هاي منين مصنوعه اهلها خوش ناس عليمن طالعه هي .... بس اني مايصير اسكت اني باجر اخابر امها واسولفلها كلشي هاي مبينه ماناويه على خير تريد تشبج بيتي وتخرب ولدي وماعاش ولا كان الي يفكر يخرب بيتي
___________________
قصي : دخلت للغرفه ونيمت نازك ... اكلج خلي نروح للمستشفى احسن خاف تتخربطين وتسوء حالتج
نازك : بكلبها هسه غير يستقر .... لا حبي مابيه شي كتلك الم خفيف بس اني شويه جسمي حساس مااتحمل
قصي : مسح على شعرها ... تحبين اجيبلج شي
نازك : لا بس اريد انام
قصي : خوش رفعت الغطه غطيتها يله نامي تصبحين على خير واذا حسيتي بالم كليلي لا تكابرين
نازك : ماشي حبيبي
_________________
بعد مرور يومين
حسن : جميله جميله وينج
جميله : هاا هااا
حسن : وين المعاملات
جميله : اطيتهن لشمس كالت اني اطيهن لؤي
حسن : هو لؤي سالني عليهن هسه
جميله : ياا معقوله شمس نست تطيهيا ... اوكف لحظه ... لبست حجابي وطلعت دكيت الباب على غرفتهم ... طلعتلي
شمس : هاا ولج اول تالي تجيني
جميله : شمس وين المعاملات
شمس : يا معاملات
جميله : ولج المعاملات الي سولفتلج عليهن قبل اربع تيام كتلج وحده بيها غلط ووحده يرادلها توقيع
شمس : ياااا عفتهن بالمطبخ نسيت اطيهن للؤي ... نزلت دخلت للمطبخ بسرعه اباوع ماهنه
جميله : وينهن
شمس : بنفس المكان الي عفتي ماشلته بس وينه
جميله : خاف خاله شالته
شمس : يجوز ... انتي ليش مرعوبه
جميله : طلعت من المطبخ لج غير حسن يخزيني المعامله مال افتتاح فرع المنتجع الجديد اذا ضاعت هالورقه حسن يطيح حظي ... شفت خاله مريم خاله فدوه انتي شلتي المعاملات الي جانن بالمطبخ
مريم : لا والله ولا شفتهن
جميله : جاا وين راحن ياربي
نازك : نزلت لكيت الحبايب متجمعات .... خير شبيجن
مريم : باوعتلها صفح ... وحده صلفه
شمس : المعاملات الي حجت عليهن جميله ماهنه والولد يردوهن هسه
نازك : وانتي غير تنتبهين شنو هي لعبه وتضيعيهن
جميله : نازك تره مالي خلج لاتبيعين نصائح براسي
نازك : والله عادي هاي التقارير تخص مستقبل العائله كلها يعني شلون يفتتحون المشروع مثلا وهمه ماموقعين لسه
شمس : كافي نازك
مريم : لحظه لحظه ... انتي شدراج المعاملات مال افتتاح
جميله : اي صدك شدراج
نازك : هااا مو سمعت الولد يسولفون فخمنت انو يقصدون هالمعاملات
جميله : يبوو هسه شلون بيه وين راحت المعاملات
مريم : اهدي يمه هسه ندور عليهن وين يطيرن يعني واذا ماهنه عادي .... باوعت لنازك اكو كامرات نكدر نشوف الي نريده ونثبت الي نريده .... شتكولين نازك
نازك : احم اي ليش لا دخلي ندور عليهن وعود بعدين نشوف الكامرات اذا مالكيناهن
جميله : يله تعالن
__________________
زين : نايم بالصاله ومنيمها بحضنه
براء : زين
زين : باس راسها ... روح زين
براء : شوكت نرجع
زين : مليتي ؟
براء : بالعكس كولش متونسه هنا ولا بودي ارجع بس داسألك
زين : احنه شكد صارلنه هنا
براء : تلث تيام
زين : شد على حضنها ... اي بعد اربع تيام ويخلص الاسبوع ساعتها نرجع
براء : سندت وجها على صدره اكول حبيبي عادي اسأل سؤال
زين : دخل ايده من جوه التشيرت ... سالي
براء : احم مااريدك تفهمني غلط وبنفس الوقت اريد تجاوبني بصراحه
زين : باوعلها باهتمام احجي
براء : اول ما اجينه لهنا من صارت ذيج السالفه بالسياره
زين : اي
براء : انت كتلي انو هالحبوب ال ... احم المنشطه مو الك وانت متستخدمهن .... فانت لان جنت مرتبك حجيت هيج لو كلامك جان صحيح
زين : شوفي حبيبتي اولا اني مو عاجز حتى اخذ منشطات واكبر مثال على قوتي هو انتي اتحداج هسه تكومين تمشين عدل
براء : بخجل هسه اني شعليه
زين : مو انتي الدليل على قوتي وبعدين تعاي شايفتني رجال شايب حتى اخذ منشطات تره بس الكبار بالعمر او المايكدرون ياخذون هيج حبوب
براء : لعد شجاب الحبوب عندك
زين : تذكرين من رحت قبل فتره لادم
براء : اي
زين : اي جنه كاعدين وفتحنه موضوع الادويه والابر ... فادم كلي اكو شركات جاي تنتج حبوب منحفه ومنشطات جدا خطره ومرات تسبب وفاه لان ترفع نسبه الشهوه بدرجه كلش عاليه فالرجال الجبير من ياخذ هيج جرعه مره وحده اكيد جسمه مايتحمل لان اثناء عمليه الشسمه على كولتج تتسارع نبضات الكلب ينخفظ التنفس يصير خدر بالجسم وهواي هرمونات ترتفع بالجسم ... فصعبه على الرجال الجبير او العدهم ضعف يستقبلون هيج شي مره وحده ياما بسبب هالادويه ناس صابتها جلطه واكو ميتحملون كد متاثرين يموتون مايكدورن يسيطرون
براء : يااا خطيه ... وبعدين
زين : وبعدين اني رحت للصيدليات اخذت اقوى الانواع حتى اشوف صدك هلكد تاثيرهن مؤذي للمستخدم وقبل لا تساليني شلون اجربهن اقره مكوناتهن واشوف نسبهن
براء : يعني كل هاي الهوسه حتى يسوون شسمه
زين : هو شنوه الشسمه ممكن توضحيلي
براء : انت تعرف
زين : بتفكير لاوالله مااعرف تعالي شرحيلي وياريت لو يكون عملي حتى افهم اكثر
براء : ضحكت انت صاير كولش منحرف
زين : ليش تكولين كولش ... اسمها كلش
براء : اني متعلمه الفظها هيج مو اتصنع يعني هي هيج لهجتي
زين : دكولي كلش
براء : كلش ... يوو والله موحلوه
زين : ضحك خليج على كولش احسن
براء : هي جانت عايزه انوب حتسويني تصنيف
زين : شسويلج انتي ماتعرفين تحجين مايعه روحج
براء : لا والله اني هيج طبيعتي
زين : نزل ايده معتصر خلفيتها ... بعيدا عن الموضوع تدرين فلوس اهلج كلها صايره هنا ... ضربها هناك
براء : اوي زين ... ايدك
زين : شبيها
براء : عيب ايدك
زين : مسح عليها بخفه ايده ... ليش عيب
براء : غمضت عيونها اكعد زين
زين : تدرين من شفتج اول مره عبالي هذني نفخ
براء : لا والله طبيعي من الله
زين : باس شفتها اروح فدوه للطبيعي
براء : ابتسمت بايسه خده
__________________
جميله : كلبنه الطبخ كلاب ماكو
شمس : ماسالتي الولد خاف واحد شايفه وشايله
جميله : مااعتقد لان حسن كلي يردون يوقعون اليوم على المعاملات اليوم حتى يبدون يجهزون للافتتاح بعد شهر
نازك : خاف واحد ذبهن بالزباله
جميله : لا مستحيل .... ياربي وين راحن شكل لحسن هسه
نازك : صوجج انتي ليش تدخلين بشغلهم خليج بحالج لو اله تحطين خشمج بكلشي
جميله : لا تسوين روحج كلش خلينه ساكتين احسن الج
نازك : الحمدلله والشكر صدك ناس مخابيل
جميله : لا اله الا الله شو سكتي
نازك : عافتهن وطلعت
شمس : تعالي خلي نصب جاي ونودي الهم ونوب نروح ندور بباقي البيت خوش
نازك : هزت راسها
شمس : صبت الجاي وطلعن للصاله قدمن الجاي وراحن
جهاد : شبيهن البنات
نجمه : مابيهن شي بابا تلكيهن جاي يعزلن
جميله : صعدنه لغرفتي وغرفه شمس دورنه ماكو رجعنه لغرفه نجمه هم ماكو وين صارن .... رجعنه نزلنه جوه
نازك : هاا لكيتن المعاملات
قصي : يا معاملات ؟
نازك : المعاملات مال المشروع الجديد جميله مضيعتهن وماتعرف وينهن
حسن : صدك تحجين
جميله : بكلبها شكد حقيره ... هاا اي والله خليتهن بالمطبخ حتى يشوفهن لؤي بس ماعبالي ماشافهن
حسن : بعصبيه صدك جذب اكو واحد يعوف معاملات مهمه بالمطبخ ويروح غبيه انتي
شمس : خويه جميله مالها علاقه الغلط مني اني كتلها عوفيهن بالمطبخ واني اطيهن لؤي ... بس التهيت بالطبخ ونسيت
نازك : ليش قبل يومين مو جان الطبخ عليه
قصي : خزرها .... عادي خويه جموله لاتديرين بال فدوه الج عادي نرجع ننسخهن من الحاسبه مو فد مشكله
نازك : شلون مو مشكله هاي معاملات تخص الشركه بيها فلوس ومبالغ حيلل جبيره غير هي تنتبه قابل لعبه هي
قصي : بحده نازك سكتي
حسن : ليش تسكت كلامها صح مرتي مهمله المفروض من اوصيها على شي تسوي مو تعوفه وتروح
جميله : ستهضمت اول مره حسن يحجي وياها هيج .... اسفه والله ما متقصده
حسن : شيفيدني اسفج هسه ...تدرين تعب اشهر راح على الخالي بلاش بسبب عدم مسؤليتج وغبائج
سجاد : بعصبيه شجاك حسن صدك جذب طز بالمعاملات والشغل لا تصيح عليها قابل هي متعمده شجاك تخبلت
جميله : اني اسفه بعد ماادخل بشغلكم ... عافتهم وصعدت لغرفتها
لؤي : ليش هيج حاجيتها يعني فوك ما تساعدنه بالشغل وشايله هم الشركه ويانه تجي انت تصيح وتجاوز عليها
نازك : ابتسمت بكلبها حيللل وابو زايد .... تره هي الغلطانه وهو كلامه صح على يا اساس تصرف بشكل غير مساؤل هذا استهتار
قصي : بعصبيه سكتي بت الكلب لاتخبثين
نازك : بكلبها ماكو كلب غيرك
________________
جميله : طبيت للغرفه وسديت الباب
شمس : دخلت وراها ولج شبيج لا تطنكرين
جميله : لج شكد شايفه حقاره بس هيج حقاره ماشايفه شنو من بشر هاي بس فهميني ... شفتي شلون تخبث وماشاءالله على رجلي هو منا عصبي وهي تايده انكلب عليه
شمس : ماعليج بيها وحده سخيفه وماعدها شخصيه خلي تولي
جميله : وداعت بنتي الاغله من روحي يمنا وجاي راح اراويها وجهه بحياتها ماشايفه بسيطه ختصبرلي عبالها بس هي تعرف تخبث
شمس : لا تحطين عقلج ويه عقلها
جميله : لا والله احط عقلي ويه عقلها واصير انكس منها شتردين بعد
مريومه : خاله ناذك حكيره
جميله : باوعنلها كاعده على الجربايه وتسمعهن .... مو بس حقيره وكلبه بت كلب
شمس : ولج شلون تحجين هيج كدامها
جميله : شالتها تعاي يمه اروح فدوه لحكلج بعد حلكي .... وانتي شمس قسم بالله اذا تدافعليها اسحلج هنا تره شيطان الدنيا كلها كاعده توسوسلي خليني افرغ الي بداخلي احسن
شمس : جميله احنه صديقات من زمان وانتي الله شاهد اختي ولو ما احبج مااكلج لاتصيرين خبيثه وحقوده مثل نازك صدكي الي ياذي الناس الله ياذي
جميله : تنهدت
حسن : دخل للغرفه شاف شمس ... بهدوء هااا خويه انتي هنا
شمس : اي جنت اشوف شراح نسوي عشه يله من رخصتكم .... عافتهم وطلعت
حسن : باوع لجميله مبينه ضايجه .... انب نفسه شلون هيج صيح عليها ... تقرب وكف يمها
مريومه : رفعت ايدها بابي
حسن : خذاها باسها .... اكلج بابا مامي زعلانه عليه
مريومه : ذعلانه
حسن : اي زعلانه مني لان صيحت عليها وهي ضاجت
مريومه : باوعتله بضوجه مامي بابي سيح عليج
جميله : هزت راسها
مريومه : بوسها بابي هسه تلوح الدوجه
حسن : اجه يبوسها دفعته
جميله : بعصبيه دير بالك تتقرب مني او حتى حجي ويايه
حسن : تنهد حبيبتي والله اني اسف جنت عصبي
جميله : حسن اني ماجنت متقصده والغلط مو مني وتره اني مامجبوره انظم شغل الشركه واكعد اشتغل وياك بس اني احب اساعدك وانت والبيت كله يعرف افكاري وشغلي شكد رفعت نسبت الارباح بالشركات والفنادق .... تجي هسه على غلط بسيط صدر مني بدون قصد تكلب الدنيا وتصيح وتغلط كدام اهلك زين اذا رجلي يغلط عليه كدام اهله شلون بعد اهله يحترموني .... شوف حسن من جنه اصدقاء ولليوم انت تعرفني كدامتي فوك كلشي ... فهسه اني مااريدك تحاجيني بعد وروح خلي نازك الوصخه تفيدك
حسن : لزم ايدها باسها ... اني اسف جنت بحاله عصبيه وماكدرت اسيطر على اعصابي ... يعني مالي معزه بكلبج حتى هيج ماخذه موقف مني مايغزر بيج الدلال واللعب شوفي هاي سويتلج بنيه بتخبل باس مريم شتكولين بابي
مريومه : اي مامي ختيه بوسي
جميله : دارت وجها مبتسمه ... ماا
حسن : حبابه
مريومه : هبابه ختيه بابي
حسن : اي والله رجال فقير اني
جميله : عوجت حلكها اي كلش ماكو بفقارتك
حسن : نزل مريم وكعد على الجربايه مخلي ايده على عيونه .... مسوي روحه جاي يبجي
مريومه : ركضتله ... بابي لتبجي
حسن : امج زعلانه عليه ماتقبل تحاجيني أهئ اهى
مريومه : بجت مامي بابي ختيه يبجي
جميله : شالتها لاتبجين بعد عمري ... يله تعاي نبوسه حتى يسكت
حسن : شال راسه يله بوسيني
جميله : باست خده ... خاف عبالك بست يعني هاهيه لا حبيبي ممنوع تتقربلي شهر
حسن : شلون يمه
جميله : مثل ما سمعت
حسن : ووين اطي وجهي بالهشر اني
جميله : مشكلتلك والله دبر نفسك
حسن : باس شفتها انتي ام كلب الطيب ام الكرم تسوين بيه هجي ماعيب
جميله : ضحكت
مريومه : مسحت دموعها باديها الصغار ... مباوعتلهم واني بابي
حسن : شنو
مريومه : ما بستني
حسن : ههه انعل والديه المايبوسج باس خدودها وكرصهن بت الكلب فهميني ذني مربه عسل شهل الجمال
مريومه : تضحك وانتي مامي
جميله : حضنتها يمه يمه اليحب البوس بوست ركبتها وخدودها اروحلج فدوه ونذر بعد كلبي الماتقبل اهلها يتعاركون
مريومه : حضنتها ... حبج
جميله : بعد كلبي
حسن : ابتسم مباوع لعائلته الصغيره والحلوه
____________________
زين : برررراء
براء : واكفه بالمطبخ .. هااا
زين : تعاي للغرفه
براء : اجيت بس لحظه ... شربت ماي وطلعت دخلت للغرفه لكيته فاتح جنطته ولابس بنطرون رجالي اسود قصير وصدره عاري ... عيونها عليه هاا حبيبي صحتلي
بيج قصص وروايات منقولة
زين : فتح الجيب ... اي هاج لبسي هذا وتعالي نسبح
براء : اباوعله لازم قطعتين متشابهات بلون احمر تشبه الملابس الداخليه شنو هاي
زين : شسالفه معقوله ماتعرفين مايو (ملابس سباحه )
براء : اعرف بس ليش البسهن
زين : غير حتى نسبح هاي الحماله شد وصديقها ابو الخيط غمزلها تعرفين تلبسي اكيد
براء : احتقن وجها مستحيل البس هيج شي شايفني انت
زين : تقرب حبيبي ارجع واكلج اني شايف كلشي ولازم كلشي وبايس كلشي هم فليش تستحين مني
براء : زين رجاءا لتحجي ويايه بهيج مواضيع حباب لتحرجني وبعدين اثناء الموقف الي تحجي عليه اكون غير واعيه لتصرفاتي
زين : ببرود عندج خيارين تلبسيهن ونروح نسبح مثل الاوادم لو انزعج اني بالاجبار واخذج عريانه والله .... وياريت لو تختارين الخيار رقم 2 لان اني افضله
براء : تقدمت اخذت المايو منه
زين : اني رايح للمسبح موجود بالطابق الثاني اخر باب على ايدج اليمنه ... بدلي ولحكيني
براء : هزت راسها .... طلع هو .. وهي بدلت وكفت كدام المرايه .... عززه هاي شلون اطلع هيج شكلي يخزي القطعه التحتيه مثل الحماله هم شد زين شلون اذا انفتحت .... يعني زين والله عندك سوالف ... لفيت شال على جسمي وصعدت فوك وين كلي المسبح ... اعتقد اخر غرفه ... حسبت الغرف لحد ماوصلت للاخير فتحت الباب ودخلت اي هو هذا المسبح اني مشايفه قبل مسابح ولا سابحه اشوفهن بس بالنت والمسابح الي يمنه اهلي ميقبلون نروحلها .... صارت عيني على المي شفت شي خلاني صافنه ... زين جاي يسبح لا وبطريقه عبالك مال متمرسين اباوع وشم الطير من يحرك اديه يتحرك الطير وياا ... ضليت واكفه اباوعله ما بودي اشيل عيوني
زين : طلعت نص جسمي بره المسبح ... تعاي حبيبي ليش واكفه
براء : هاا اي ... تقربت وكفت كباله
زين : يله نزعي هذا العليج وتعاي
براء : هاا بارده
زين : كلب عيونه الماي دافي يله حبيبتي تعاي لا تخربين مزاجي رجاؤا
براء : وخرت الشال
زين : اباوعلها وخرت الشال وطلعت باللبس الي اشتريته الها قبل لا نجي اول مره اشوفها لابسه احمر صارخ ضارب على لون بشرتها البيضه ... مديت ايدي تعاي حبيبي
براء : اخذت ايده ونزلت رجلي للماي الماي دافييي
زين : شلتها ونزلتها للماي
براء : غطس جسمي وطبيت جوه طلعت وجلبت بركبته يمه ... حباب زين لتعوفني راح اغرك
زين : لزم رجليها مخليها تحاوط خصره همس ... لاتخافين حبيبي اعوف روحي ومااعوفج وبعدين الماي مو غميك يعني ماتغركين
براء : باوعت بعيونه ... صدوك
زين : وداعت هالعيون الحلوه مايغرك نزلي رجليج يله حتى اعلملج شلون تسبحين
براء : اخاف
زين : نزلي رجليج وحركيهن ضاربه الماي يله جربي
براء : نزلت رجليه و ضربتها بالماي وزين مثبتني حسيت نفسي طفت
زين : عفيه اي هيج
براء : ضليت طافيه وهو رجع يسبح ... اباوع لطوله مبين اعمق طول الماي يمكن من اكثر الشغلات الي احبها بزين جسمه متناسق ويه طوله بشكل رائع ... ضليت اباوعله لحد ماحسيت نفسي انجر للماي
زين : جر خصرها منزلها للماي ومثبت شفته على شفتها
براء : فتحت عيونها مباوعتله
زين : طلع من الماي وشفته على شفتها ايد على خصرها وايد على خلفيتها
براء : حاوطت ركبته مبادلته بكل سرور
زين : دفعها على الزاويه ضاغط بجسمه على جسمها غالق كل مسافه بيهم عض شفتها ... تأوهت هي وهو استغل الفرصه مدخل لسانه يجول بجوفها ويداعب لسانها
براء : نزلت ايدها من ركبته لجسمه محركه ايدها على ظهره ومتونه وتبادله البوسه بكل رحابه صدر
زين : ابتعد وره عشر دقايق ساند راسه على راسها
براء : تتنفس بقوه لان انكطع عنها النفس فتره
زين : خله راسه بركبتها هامس لج انتي شنو
براء : بخدر همم
زين : باس ركبتها ماجاي اشبع منج كليلي شسوي
براء : شالت راسه مباوعه لعيونه ... كولشي لتسوي اني مااريدك تشبع مني
زين : حرك ابهامه على شفتها انتي مرض مااعتقد اطيب منه
براء : باست اصبعه وماراح تطيب مني ولا اني راح اعوفك
زين : همس تحبيبني
براء : بخدر مو بس احبك اموت عليك ... زين انتي روحي من هالدنيا لو شكد مااوصفلك شكد احبك متوصل لذره من مشاعري تجاهك
زين : رجع اخذ شفايفها يتفنن بيهن شاكرها على كلامها بحقه
__________________
قصي : كاعد بالغرفه وحسيت بادين تلتف على خصري دفعت ايدها ... وخري عني
نازك : يصير حبيبي تشتمني كدامهم مو عيب
قصي : تستاهلين لان ماتنعطين وجه
نازك : ليش شسويت
قصي :اكلج سكتي لاتحجين سكتي يمعوده لاتذبين زيت على النار حسن هو منا عصبي وانتي حجيتي خليتي يعصب بالزايد ومن وراج رزل جميله
نازك : هسه ديله فد نعال جميله واذا رزلها
قصي : باوعلها ... انتي وتالي وياج ... نازك امشي عدل لخاطر ربج كافيي تره زهكتي عيشتي كلما اكول هاهيه مشت عدل وتغيرت تصدميني بتصرفاتج الي ترجعني لنقطه الصفر وياج يابت الناس اني تغيرت لخاطرج مايخش بعينج هذا الشي
نازك : والله اعرف بس اني سالتهن من باب القلق وكلامي طلع بشكل عفوي اكيد ماجنت متعمده احرض حسن عليها
قصي : نازك اني مو غبي اعرف وافتهم ادري بيج ماتحبين ولا وحده من نسوان اخوتي واليوم متقصده تحجين حتى كلها تحجي على جميله ليش تسوين هيج ... باوع بعيونها بس فهميني شوكت التمس بيج نوع من البرائه
نازك : قصدك اني مو بريئه
بيج قصص وروايات منقولة
قصي : تنهد البريئ مايأذي احد لا بكول ولا بفعل الشخص البريئ يكون عفوي دائما وانتي مو عفويه يانازك
نازك : يعني هسه انت زعلت حبي فدوه لاتزعل خلص بعد ماادخل طز بيهم نارهم تاكل حطبهم ماعلينه بيهم
قصي : بعصبيه احترمي نفسج ولاتحجين على اهلي بهالطريقه
نازك : باست متنه ... اسفه حبيبي مو قصدي
قصي : تنهد بصوت عالي تعبتيني نازك قسم بالله تعبتيني
نازك : سلامتك من التعب يعمري ... بكلبها بعد بعد ششفت من التعب انت اصبرلي
__________________
سجاد : كاعد بغرفتي ودخلت نجمه ... خير
نجمه : ممكن اطلب طلب
سجاد : لا
نجمه : اريدك باجر تاخذني...
سجاد : مو كلنه لا انتي حوله
نجمه : دسمعني شبيك نريد نروح اني وامي لبيت محاسن باجر
سجاد : شعدجن
نجمه : خطيه سوت عمليه فكلنه نروح نتحمدلها بالسلامه ونشوفها شلون صارت
سجاد : ليش شبيها امها
نجمه : سوت عمليه بالمعده ... شبيك سجاد هو تحقيق
سجاد : غير افتهم السالفه على العموم ميخالف باجر العصر اخذكم
نجمه : كفشت شعره اروح فدوه لاخويه الحنين الورده النوتيلا العسل الكي....
سجاد : دفعها دوخري عابت لهل الوجهه امشييي طلعييي بره ينعللل ابو بليسج
نجمه : هاي جاي تشتمني والله اله اكل لابويه يكول انعل ابوج يابو حتى الخلقج
سجاد : لج شوكت شتمتج ... تعاي انسمطت الساعه الي انخلقتي بيها .... كام خلص خلص اسف بس لا ترحين تجذبين
نجمه : حضنته اتشاقه وياك سجودي لاتخاف مااكل لاحد
سجاد : نجمه هاي الرومنسيه تكلب معدتي خلينه رويسيه احسن
نجمه : كرصته حيييل اني هم اكوول هيجج
سجاد : ااااخ حقييييره
______________________
زين : طلعنه من المسبح اباوعلها راحت تركض لفت الشال على جسمها .... اخذت المنشفه تره اكو خاوليات ماكو داعي تلفين شال
براء : ترجف بارده بارده
زين : اخذت خاولي جبير بسرعه ورحت يمها وخري الشال .... لفيت الخاولي عليها واخذت الثاني لفيت بي شعرها يله تعاي بسرعه خلي ننزل لا يضربج الهوه وتتمرضين
براء : اخذت ايده ونزلنه ... دخلنه للغرفه بسرعه سد الباب وفتح التدفئه ... مع انو الجو حلو بس شو هسه ثلجت اني
زين : بسرعه نزعي الي عليج لان مببلات وطبي سبحي
براء : ليش
زين : الماي بي كلور يمرد الشعر روحي سبحي
براء : اي هسه ... اخذت ملابس وطبيت للحمام ذبيت مي على روحي لان الصبح سبحت .... وطبعا بفضل زين اني اسبح باليوم مرتين مره الصبح ومره بالليل لان حبيبي يموت على الجولات طبعا هاي من غير التصبيرات ... كملت ولفيت منشفه على روحي وطلعت لكيته متمدد اخذت ملابس ودخلت بدلت وطلعت لافه شعري ... وخرت البطانيه ونمت خليت راسي على صدره وحضنت خصره
زين : حاوطها ... نعيما ياحلو
براء : ابتسمت الله ينعم عليك حبيبي
زين : باس راسها ... تدرين لايكلج الاحمر
براء : صدوك
زين : اي خاصه المايو طالع انتقام عليج
براء : خرت راسها بركبته تصبح على خير
زين : ضحك حاضنها باديه ثنينهن
بعد مرور ساعتين
زين : سوت روحها نايمه تاليها نامت صدك وخرت عنها غطيتها وطلعت بره اشتم هوه ... طلعت الجكاره ادخن ... طبعا هالتلث تيام جانت من اسعد الايام بحياتي ... عمري ما حسيت بسعاده مثل الي جاي احسها هسه راح يصير عمري تلاثين ولامره حسيت روحي عايش لشخص جنت عايش لنفسي وشغلي وبس .... ما جنت ابالي باي شي اهم شي عندي شغلي والاشياء الي تخصني ماتوقعت انو بيوم من الايام راح اتزوج لا وضل احب مرتي لدرجه بودي اضمها اخليها بس الي محد يشوفها غيري اني .... حتى لاحظت على لنفسي هالفتره حتى التدخين ناسي ماادخن بشراهه مثل قبل يمكن باليوم لو مره لو مرتين معقوله الحب يسوي هيج بالشخص ... طبعا مااريد اخذها وارجع للبيت وانوب نرجع للقال والقلت مرت قصي ابد مو راحه عبالها اني ما منتبه شلون تخبث وتحاول تفرض نفسها من خلال الكلام حتى تبين هي فد شي جبير لا وبيها طبيعه ابد مو حلوه تتمعن بالي كدامها بطريقه مشمئزه وقحه ولا كأن عدها رجال .... شكد اني اضوج من تصرفات قصي وشقاوته بس حقيقتا مايستاهل هيج وحده شرانيه
____________________
قصي : كاعد جوه ويه الولد ... احس كعدتنه ناقصه صحيح زين مايحجي هواي ودائما ساكت بس وجوده ويانه يضيف جو حلو للكعده
لؤي : هاا حسن شو وجهك يضحك انشالله الامور تمام
حسن : عال العال رجلي رضه
سجاد : غص بالاكل هههه خرب يومك كون تسمعك والله تشرك علحبل
حسن : كعد ... دخيلك يمعود ماعولت اراضيها
سجاد : ههه والله بس هي دواك
حسن : ههه اكلكم زين شوكت يرجع
قصي : لك وين يرجع ... الاخ نايم بالعسل وموبعيده يسوي اقامه هناك وبعد مانشوفه
سجاد : اكلكم الزواج حلو لو لا ممكن تجاوبني سيد قصي
قصي : عادي
حسن : لا بله
قصي : والله يعني عادي من الناحيه الحياتيه كلش عاديه ماكو فد شي مختلف عن حياه العزوبيه غير انو تسوي شغلاتك بالحلال لا اكثر ولااقل
لؤي : دروح الزواج يختلف اختلاف جذري عن العزوبيه تجي تلكه ملابسك محظره واكو ابتسامه حلوه تستقبلك من توصل
حسن : خو اذا عندك طفل يوووو وخاصه اذا مثل بتي كول انت الله يحبك والله اني اذا مريومه تختفي ثواني احس روحي مضيع شي ... اخذها قاعده الزواج يصير مثل العسل اذا عرفت تعيشه ويصير مثل السم اذا كضيته بس مشاكل
قصي : كام مااعرف بعد انتو اعرف وعدكم خبره اكثر يله تصبحون على خير
الكل : اجمعين
قصي : صعدت فوك وصلت للغرفه اجيت ادخل سمعت صوت نازك تحجي ... فتح عيونه منصدم
نازك : لج زينب ماشفتي صورته نشرها الظهر وهو جاي يزرع بالحديقه ولج يجنن ... اروحله سبع فدوات شلون وكفه شلون طله مو مثل الصيخ العندي حايرلي بس بالفراش
زينب : هسه شجاب سيرته بالموضوع
نازك : سيرته بكل وكت موجوده واليضوج تطبه دوده
زينب : عود صايره شاعره حضرتج
بيج قصص وروايات منقولة
نازك : ليش هو الي يشوف زين تبقه موهبه ماتطلع عنده لج اني راشه من عطره بهدومي واشم بي ترديني مااشعر اله
زينب : الحمدلله والشكر اني اروح احسلي انتي مامنج فايده
نازك :عمت عين الفايده دولي ...يله اروح لان هسه يجي نعالي ههه يله باي
زينب : لحظه شسويتي بموضوع المعاملات
نازك : ضامتهن جوه الجربايه والله كون تشوفين جميله شلون تفشلت وحسن رزلها يمه ماي بارد ونزل على كلبي
زينب : هههه باي
نازك : باي
نازك : دارت وجها شافته اختفت ابتسامتها .... احم ه هه هاا حبيبي شوكت اجيت
قصي : من جنتي تشرحين عن طله زين وصوره بالمزرعه وهم من جنتي تحجين على المعاملات
نازك : انخفظ تنفسها ... ق قصي ب بب بس اسمعني مو مثل ماابالك
قصي : قم ماتكمل لزمها خنكها بقوه .... لج انتي شنو من بشر شكد وصخه روحج ماخفتي من ربج تحجين هيج على حماج الي بمقام اخوج
نازك : بصعوبه ... عو عوفني قصي ال الل الله يخليك
قصي : لج انتي مايغزر بيج غداره وخاينه وجلبه ... ضغط على ركبتها المثلج مال حرك .... عندج مهله لباجر وجهج مااريد اشوفه بعد وورقه طلاكج توصلج عد اهلج ووجهج اذا شفته بعد انعل والديج
نازك : باختناق ... صصار والل والله اروح بب بس عوفني
قصي : عافها من شافها راح توكع .... يله لمي هدومج يييييييييييييله ماااريد اشوفجججججج يييييييله
مريم : كاعدين وسمعنه صوت قصي يصيح طلعنه كلنه نباوع حتى الولد صعدو شكو شبيكم
جهاد : دكيت الباب ودخلنه لكينه قصي يفرفرح ومرته تلهث شبيكم
قصي : هاااي بعد مااريدهااا فتهمتووو باجررر تاخذوهاا لاهلها فتهمتوووووو وحرررف زايدد مااسمع
لؤي : شجاك قصي حسدناك
خوله : فهمني يمه شبيك صل على محمد
قصي : بيبي بروح ابوج سكتي عني .... كتلكم مااريدها اخذووها منااا لا اذبحهاااا والله
جهاد : هسههه غير نفتهم شمسويه
قصي : يابه هاي وحده ساقطه طبيت للغرفه لكيتها ................. سولفلهم كلشي ... الكل ضل مصدوم معقوله اكو هيج بشر
مريم : باسف ... كتلج الله بالمرصاد توبي وعقلي مامنج فايده
جهاد : يعني انتي تدرين
مريم : هزت راسها قبل يومين شفتها بغرفه زين
نازك : بدموع كد ماتفشلت انجبييي جذابه
قصي : صفكها راشديييي مااااجذابببببه غيررررررج كحبببببببه
خوله : مع الاسف عليج مريم شلون تسكتين
قصي : رجاءا اي نقاش بالموضوع مااريد باجر تاخذوها لاهلها لا قسم بالله اهج منا ومااراويكم وجهي بعد
جهاد : بس بويه مايص..
قصي : يابه رحمه لامك لا تلح
جهاد : باوع لنازك الي مبنده من البجي هاز راسه
_________________
ثاني يوم
مريم : كعد جهاد حتى يوديها لاهلها يكول خلي قصي ترتاح نفسيته بعيد عنها وهي كعدت تتوسل محد يسولف سوالفها والله دنكت تبوس حتى رجل جهاد .... اخخخ هي جابتها لنفسها
جهال : يله بويه تعاي
نازك : مسحت دموعها وكامت تباوع الكل يباوعلها بنظرات مو حلوه ... وقصي اصلا ماموجود عدلت ملابسها وطلعت
جهاد : تعال بويه لؤي خلي نطلع .... فتحنه الباب وطلعت اني وياها بره منتظرين لؤي ... انصدمنه بالسياره الي وكفت ونزلو منها جماعه
شيخ جلال : السلام عليكم
