رواية أحببت من لايبالي الفصل الخامس والاربعون بقلم مجهول
جهال : يله بويه تعاي
نازك : مسحت دموعها وكامت تباوع الكل يباوعلها بنظرات مو حلوه ... وقصي اصلا ماموجود عدلت ملابسها وطلعت
جهاد : تعال بويه لؤي خلي نطلع .... فتحنه الباب وطلعت اني وياها بره منتظرين لؤي ... انصدمنه بالسياره الي وكفت ونزلو منها جماعه
شيخ جلال : السلام عليكم
_______________
الساعه 11 صباحا
براء : كاعده على التلفزيون وزين نايم بحضني واني العب بشعره ... دك موبايله ...اخذته اباوع خالو جهاد شلته الوو
جهاد : الوو بويه وين زين
براء : نايم خالو
جهاد : كعدي بسرعه
براء : اي هسه ... زين زين اكعد
زين : شال راسه هااا حبيبي شتردين
براء : خالو جهاد على الخط يريدك
زين : كعدت اخذت الموبايل ... الوو هاا يابه شلونك
جهاد : هله وليدي اكلك بويه تعال هسه
زين : باستغراب وين اجي
جهاد : للبيت يعني وين
زين : ليش صاير شي
جهاد : لا بس شيخ جلال عدنه فشله تعال
زين : يعني ضروري ارجع
جهاد : اي ضروري تعال منتظريك
زين : باوعت للساعه بالعشره كمت .... خوش انشالله حوالي ساعتين واحنه يمكم
جهاد : انشالله يله مع السلامه
زين : الله وياك ... سديته لكيت براء كاعده تباوعلي ... زفر مستغفر كومي حبيبي لمي الملابس
براء : ليش ؟
زين : الشيخ جلال عدنه ولازم نرجع
براء : ابو نازك
زين : اي يله كومي ... اووف هسه اني شعليه بي شنو جلال ابو مرتي واني ماادري شعندي راجع يعني لازم يعكرون مزاجي
براء : لزمت ايده ميخالف حبيبي عدكم خطار وجايين من مكان بعيد ميصير تعوفهم خاصه همه يشيلوكم بالصلاوات من ترحولهم
زين : باوع لعيونها اني اخذت اجازه اسبوع كامل حتى اشبع منج واخلص من مشاكل البيت تاليتها طلعلولي بسالفه جلال صفح
براء : مو مشكله حبيبي نجي بغير يوم اني مكابتلك وكاعده اربع تشهر نايمه على كلبك لحد ماتجزع وتكول عوفيني
زين : دنك بايس شفتها انعل امه وابو الي يعوفج
براء : ابتسمت يله روح بدل لبين ما الم الجنط
زين : هز راسه
براء : لميت الجنط وبدلت ... طلعت اشوف البيت خاف اكو شي مدعثر ويرادله تعزيل فشله منهم ... همزين ماكو شي رجعت لفيت شالي وزين طلع بدل واخذ الجنط وطلعنه
__________________
جلال : كاعد بالاستقبال ويوزع نظرات استفهام على جهاد والولد .... صارلهم نص ساعه كاعدين وساكتين ماكو غير صوت شهكات نازك الي حاضنه امها وتبجي .... اكدر اعرف شمسوين لبنتي اجي اريد اشوفها الكاها مبنده من البجي وانتو ماخذيها مدري وين
جهاد : اولا احنه مااذيناها ولا احد سوالها شي وثانيا اني جنت جايبها الكم
جلال : وليش تجيبوها النه شمسويه
نازك : بجت بالزايد
شيماء : شبيج يايمه
جلال : احجي بويه .... شمسويلج سولفيلي
نازك : لارد بس تبجي
شيماء : حضنة نازك ... ولج يمه شبيج
نازك : لارد ... بس تبجي بكلبها ياربي دخيلك لا تخليهم يحجون لابويه شي والله تنكسر مهابتي كدامه وبعد مايحترمني ... ياربي والله توبه بس خلي سالفتي ماتنفضح
جهاد : تنهد اني ماردت السالفه توصل لهلمواصيل الله يشهد اني اعتبر بتك بتي وماعندي شي وياها
جلال : جهاد احجي لا ترفع ضغطي
جهاد : اول شي اريدك تحلفلي بروح امك انو تكون هادئ وماتنفعل
جلال : وروح امي مااسوي شي احجي جهاد لاتخوفني
مريم : دكيت الباب وخلت .... السلام عليكم
جلال : كام وعليكم السلام شلونج خويه
مريم : الحمدلله سلمت على شيماء وكعدت يمها
شيماء : ام لؤي عليج النبي ليش نازك تبجي والله كلبي راح يطك عليها
مريم : هسه جهاد يسولفلكم
جلال : تفضل ابو لؤي اسمعك
جهاد : تذكر من اجينه للانبار نحضر عرس قائد قصي .......... سولفله كلشي بدون مايتعمق بالتفاصيل ... وهذا الي صار واني الله يشهد ذبيت الصوج بابني واجيت خطبتها اله مو علمود اتلافى المشاكل لا والله بس ابني غلط وجان لازم يتحمل نتيجه اغلاطه
جلال : كام بعصبيه انت صدك تحجي شهالتلفيق هذا ... اني بتي متربيه احسن تربيه وماتطلع منها هيج تصرفات انت شنو تضحك عليه
جهاد : وليش الفق حجي من جيبي شنو قابل عندي عداوه وياكم
جلال : جاي اكلك بنتي ماتسوي هالسوالف روح شوف ابنك منين جايب هالحجي .... ماتستحون تلفقون هالحجي على بنات العالم ماتخافون الله يطلعها باعراضكم
جهاد : تنهد حقك ماتستوعب كلامي بسهوله ... بس اقسم بالله العلي العظيم ماجذبت عليك بولا حرف واحد
قصي : فتح الباب ودخل عيونه حمر ... سلام
جلال : هله بنسيبي هله بألي اطيته شمعه بيتي ومدللتي اجي الكاا مبجيها واهله يلفقون قصص عليها وهو مايردهم هي هاي الامانه يارجال
قصي : مع احترامي لحضرتك بغض النظر عن الموضوع الي جنتو تحجون بي بس ما مسموحلك تحجي على اهلي بهالطريقه اما بالنسبه للشيخه بت حضرتك صاحبه الاخلاق العاليه والقيمه فاني مااريدها وخلاصا للمشاكل مثل مادخلنه بالمعروف نطلع بالمعروف
جلال : شنو الزواج لعبه هو بكيفك اعرف شلون تحجي فوك ما وافقنه عليك واطيناك مره واحنه نعرف بسوالفك المكسره فوك هذا جاي حضرتك تجقل علينه
قصي : محد جبركم تطوني .... من البدايه والدتي سولفت لبتكم كلشي بالتفصيل الممل وسالتها اذا موافقه نتقدم واذا لا نسد الموضوع بدون مانضغط عليج واذا ماتصدك تكدر تسالها هسه ... احنه مانتبله على احد
جلال : باوع لنازك احجي بويه دافعي عن روحج
نازك : متكدر تحجي شتكله تجذب متكدر هي مكشوفه تحجي هم متكدر كد ما متفشله
قصي : طلع موبايله وايده ترجف دخل على الستوديو وانطه الموبايل لجلال ... تفضل وهاي اثبات على كلامي اذا اني اجذب فكامرات المراقبه ماتجذب
جلال : تغير لون وجهه وهو يشوف بنته تدخل لغرفه حماها لو بالفيديو الثاني من واكفه تسمع على غرفه زين لو من اخذت المعامله وصعدت تركض .... فتح عيونه مستحيل
قصي : بصوت مستهضم ... ماكو شي اسمه مستحيل بنتك وحده خاينه ومايغزر بيها الدلال والاحترام لك اني تغيرت على مودها عفت مكسراتي وكلشي لخاطرها حتى ماتحس رجلها واحد ناقص اني حتى صلاه كمت اصلي حتى الله مايغضب عليه ويعاقبني بيها ... نزلت دموعه ياشيخ بت تطب لغرفه اخويه تشمشم بهدومه ... بتك تسوي صفحات وهميه وتدخل تتابع اخويه ... بتك تخابر بنت عمها تشرحلها اخويه شلابس اليوم وتوصفلها جسمه ... بتك تتمنه اخويه بف... ماكدر يكمل سكت
مريم : تباوع لابنها وتبجي صعبه تشوف رجال يبجي بحركه وبهالطريقه
سجاد : عمري وحياتي ماتوقعت قصي يبجي صدك الخيانه تكسر الظهر
جلال : دنك راسه خجلان من عمله بنته .... بصوت كوه يطلع ... ليش ماكتلي من البدايه ليش ياجهاد
جهاد : صدكني ياخويه اني جنت رايد هالسالفه تخلص والبنيه تجي لبيتي وتصير وحده منه الله يشهد لو ما الي صار يفلا اكلك ولا افتح هالموضوع لو الله ياخذ عمري
جلال : كام ... مباوع لنازك الي مفرفحه من البجي ... ليش هيج يابويه ليش بشنو قصرت وياج اني دللتج احسن دلال دخلت باحسن الجامعات خليتج فوك الكل عاملتج احسن معامله شتريدن وشتشتهين حاضرلج .... عاديت اخوتي ودخلج جامعه وخليتج تكملين دراسه وجنت مستعد ادفع دم كلبي حتى البيلج الي تردي ... ليش هجي يابويه كسرتي ضهري ونزلتي راسي
جهاد : لزم متنه ماعاش ولا كان الي يكسر ظهرك راسك مرفوع ونازك غلطت واكيد ندمانه على غلطها
جلال : ماكو داعي للندم هاهي كلشي انتهه ... الله دزني اليوم بالذات حتى يبينلي ويكشفلي عمايل بنتي على العموم مثل ماكال قصي مثل ما دخلنه بالمعروف نطلع بالمعروف ولخاطر الصداقه الي بيناتنه لحد يجيب طاري هالموضوع ولا حتى يفتحه كدام احد ياريت تكولون مامتفاهمين وتطلكو
جهاد : انشالله ماتوصل للطلاك
قصي : لا يابه لهنا وبس اني مااكدر اتقبلها بعد ياريت محد يضغط عليه
جلال : بخجل حقك وليدي حقك ... يله ام حازم امشينه
جهاد : وين رايحين الدنيا ظهر فشله منكم
جلال : تنهد لا خويه ماكو فشله اكبر من هالفشله ... يله من رخصتكم وابرولنه الذمه باوع لنازك يله
نازك : بدموع يابه ابوس ايدك سامحني والله تصرفت بجهل وبطيش ... صدكني هاي اخر مره بس لا تاخذوني وياكم اني مااريد اتطلك والله بعد مااسوي شي
قصي : اني مااريدج بعد ورجاءا احتفظي باخر ذره من كرامتج وروحي وياريت تنسين شي اسمه قصي بعد
نازك : ركضت وكفت كباله ... قصي الله يخليك لاتنهي حياتنه الله يخليك لاتطلكني اني كلشي مااريد بعد اقسم بعافيتي بعد مالي علاقه باحد بس لا تعوفني
قصي : نزلت دمعه من عينه مسحها بسرعه ودار وجهه وطلع
شيماء : تبجي يله امشي
نازك : مااريد اروح
جلال : بعصبييييه امشيييييييي
نازك : طلعت وياهم وعيونها على الباب
جهاد : طلعنه وصلناهم للباب اباوع هاي سياره زين دخلت للكراج
براء : حبيبي شنو هاي
زين : درت وجهي اباوع اهلي واكفين بالباب البراني خير شكو ... نزلي طبي جوه واني اشوفهم واجي
براء : ماشي ... عدلت عباتي ونزلت
زين : نزلت لكيتهم واكفين ويه الشيخ جلال ومرته اباوع نازك واكفه على صفحه وتبجي ... خير شصاير ؟ .... السلام عليكم
الكل : وعليكم السلام
زين :شلونك شيخ
جلال : يباوعله من فوك لجوه ... بكلبه ااخ كله من وراك ... هله دكتور الحمدلله انت شلونك
زين : تمام ... خير ليش واكفين بره
جلال : هز ايده والله يادكتور كل الاخبار عندك معقوله ماتعرف
زين : شنو قصدك ؟
جلال : تنهد ماقصدي شي ...تعال ابني افتح الباب (السايق ) يله من رخصتكم .. مع السلامه
جهاد : الله وياكم سلملنه على الولد
جلال : يوصل
زين : حرك السايق وراحو ... درت وجهي عليهم ... خير شكو ... جبتوني ركض حتى دربي ماشفته خفت لا اتاخر وفشله تالي اجي الكاا طالع شسالفه هي هاي جيه ساعتين ويطلع وبعدين ليش مرت قصي تبجي فهموني السالفه شصاير
جهاد : تنهد تعال خلي نطب واسولفلك
_________________
براء : طبيت للبيت لكيت البنات متجمعات يم باب الاستقبال ... شجاي تسون
جميله : فزت وجع بكلبج اكو واحد هيج يجفت
براء : ابتسمت متقربه منهن اسفه خرعتج
جميله : بوستها لا يكلبي ماصار شي
براء : سلمت على البنات ... اي شلونجن شخبارجن
نجمه : بضوجه والله مو زينين
براء : ليش
شمس : صارت مشكله الها اول مالها اخر
براء : خير يارب شكو
جميله : قصي راح يطلك نازك
براء : انصدمت ليش ؟
_________________
زين : نزل بطل الماي معقوله ... زين شطببها لغرفتي
سجاد : امي لاكيتها تشمشم بهدومك يابعد كلبي
زين : فتح عيونه على وسعهن ... صدك يمه
مريم : هزت راسها
زين : حس بخجل بدون ميعرف ليش ...زين وقصي شنو ردة فعله
لؤي : البارحه كوه فكينا عنها اربع مرات هد عليها
زين : تنهد وبعدين
سجاد : اخذناها لغرفه نجمه وضلينه كاعدين للصبح محد بينه ضاكت عينه طعم النوم وابويه ضل يم قصي خاف يتهور ويروح يسوي شي واليوم اجو ياخذوها ابويه ولؤي لاهلها من طلعو صار بوجهم شيخ جلال ومرته
زين : زفر شلون سالفه هاي ماتوقعت هالنازك يطلع منها كل هالشي
لؤي : وحده وقحه
حسن : اسكت يمعود والله كسرت خاطري شلون تبوس بادين امي البارحه حتى ماناخذها لاهلها
سجاد : يعني شنسوي مثلا حتى لو بقت هنا منو يحترمها بعد الي صار
زين : لزم ايد امه ... يمه كافي لاتبجين انشالله تنحل الامور
مريم : بدموع ولك يمه اخوك كام يبجي مثل الطفل يكلي ليش يايمه شمسويلها اني بشنو قصرت ... ليش هيج حضي ... ولك لو من واكف كبال الكل يسولف لابوها ينشغ من البجي ... الهي اني مااذيت احد ليش هيج يصير بعائلتي والله عمري لااذيت حمايه ولا اخت ولا حتى حشره بالكاع ليش يصير هيج وياي
زين : حضنها ... كافي يمه خليج مؤمنه بالله يجوز هذا اختبار من رب العالمين حتى يختبر صبرج وصبر قصي
مريم : ربي لا تختبرني بولدي دخيلك
_______________
براء : كاعده بالصاله يم البنات وايدي على خدي مااعرف شحجي بعد الي سمعته ... كل مااذكر كلام البنات على نازك وشلون فايته لغرفتنه وشمسويه يكزبر جلدي
جميله : سمعتنها شلون تتوسل بقصي
نجمه : تدرن للحظه انكسر خاطري عليها
خوله : لا بيبي هاي وحده كح... ماتستاهل واحد ينقهر على حسابها ... ولو هو الصوج مو منها كله صوج امج لو من البدايه مسويتلها جرة اذن ومتعامله وياها بشده جان خافت ومشت عدل بس امج عافتها على حل شعرها اكيد راح تستغل الفرصه من تشوف الساحه فارغه الها تفكر تنفذ الي اجتي على موده
نجمه : لا بيبي لو مهما يكن صعبه تشوفين شخص بهيج موقف
شمس : بالنسبه الي مااعرف شكول البارحه بالليل احنه بقينه يمها بغرفه نجمه الليل كله تبجي وتتوسل مانكل لاهلها وخاله مريم راحت تحاجي قصي شو رجعت مبنده من البجي وطبت تغلط وتدعي على نازك
دارين : والله برائيي هي لو ماشايفه مجال وعين من زين ماجان تمادت هيج
براء : بهدوء ... على فكره تره زين ممنطيها مجال حتى تفكر تتقربله تره يعاملها بكل رسميه حتى حجي ميحاجيها على كد السلام حتى ويه البنات مو بس وياها ... واعتقد مو شرط الرجال ينطي مجال لمره حتى تتماده .... اعرف وحده جانت تحاول تتقرب لواحد بكل طريقه كانت وهو جان ويرفضها ... يرزلها ميفيد يحتقرها ميفيد لحد ما مره من المرات جزع ف ضربها وطردها وطلعت خدها منفوخ من اثر الراشدي وهم ضلت فارضه نفسها عليه بكل عين
دارين : صوفر وجها ... هاا
براء : اي فلا تقيسن تصرفات المره على انها ماخذه مجال من الرجال ومامسموحلج مره ثانيه تحجين على زين بهالطريقه فتهمتي
خوله : كعدي ولج ام شبر ونص عود صايره تهدد
جميله : هسه فهمونه شصارلهم ساعه كاعدين جوه
شمس : اكيد جاي يتناقشون
دارين : خلي نطب يمهم
خوله : كعدي وانجبي هسه يطلعون اني مافتت يمهم خليهم وحدهم يحجون ويفضون الي بكلبهم وانوب يطلعون يحجولنه ملخص الي صار
نجمه : اكلج بيبي كومي شوفي قصي حبابه
خوله : عوفي كاعد وحده خلي يرتاح شويه ويراجع نفسه اذا اصعدله هسه احجي وياا كلشي مااستفاد وهو عصبي خلي يهدئ واني احاجي
براء : خطيه قصي ميستاهل
خوله : لا يستاهل هاي نهايه البعد عن رب العالمين والمشي بطريق غلط ... هذا الي يلعب على بنات العالم وعايف العباده والصلاه ومكضيها بس شرب ونسوان تتوقعين الله مايعاقبه على عمايله ... هاي بلا بوحده سوت وياا مثل ماجان يسوي ببنات العالم ...مثل ماجان يضحك على البنات اجت الي تضحك عليه
نجمه : افف والله مااعرف يابيبي الله يبرد كلبه
خوله : انشالله
براء : نفتحت باب الاستقبال وطلعو كلهم ... كمت سلام شلونكم
الكل : هله بيج
براء : بوست خاله مريم شلونج خاله
مريم : بهدوء هله بعد كلبي انتي شلونج
براء : الحمدلله
زين : براء صعدي حضريلي ملابس لبين ما اطلع اجيب الجنط واجي
براء : صار ... صعدت فوك فتحت باب الغرفه ودخلت ... يمه افييش احس روحي طبيت لبيتي ولا جنها غرفه .... نزعت عباتي وحجابي ورحت طلعت ملابس لزين وكعدت انتظره شويه وسمعت صوت الباب كمت فتحتها دخل شايل الجنط
زين : شويه حبيبي وخري .... دخلت الجنط للغرفه وطلعت ... وين الملابس؟
براء : بالغرفه كبالك طبيت انطيتهن اله تفضل .. اخذهن ودخل سبح واني رحت صليت لان متوضيه ... جاي اصلي وهو طلع من الحمام بدل ووكف حتى يصلي ... سلمت وكمت صلاه لميت سجادتي وكعدت
زين : سلم وكام ... علك التلفزيون وكعد
براء : زين
زين : هاا
براء : شصار بشغله قصي
زين : تنهد شصار يعني راح يطلكها
براء : وانت ليش ضايج
زين : براء لمجرد مااتذكر كلام اخواني .. انو داخله لغرفتنه ومسويه كل هالشغلات المقززه ...نفسي تضل تلعب غير هيج خجلان من قصي مع انو اني مامسوي شي بس مرته الحقيره خلتني بموقف لا احسد عليه
براء : كمت كعدت يمه ... حبيبي انت ماسويت شي هي المفروض تخجل مو انت وبعدين قصي اكيد مراح يحملك مسؤليه الي صار
زين : مااعرف براء لو اعرف السالفه راح توصل لهلمواصيل جان عزلت من زمان
براء : لزمت ايده حبيبي لتضوج توكلو على الله هو
يحلها
زين : باس ايدها ... ونعم بالله
براء : كعدت بحضنه وحضنته حيلل .... اني احبك
زين : تنفس عطرها ... واني هم
براء : شالت راسها تعبان حبييي تحب تنام
زين : لا ماتعبان
براء : باست خده اني راح انزل اساعد البنات بالغده وانت ارتاح شويه لبين ميصير الغده واصيحلك
زين : هز راسه
براء : كمت من حضنه لبست دشداشه وشال ونزلت لكيت البنات واكفات بالمطبخ ... اساعدجن بشي
دارين : بعد وكت وين جنتي
براء : بهدوء معليج انتي
جميله : دارين رجاءا البيت وضعه متوتر فكعدي راحه الله يخليج لا تنرفزينه فوك ما احنه متنرفزين رحمه لاهلج
دارين : هسه شحجيت اني شبيج
جميله : حتى اذا ماحجيتي شي سكتي رجاءا
براء : رحت انظف الخضره
دارين : اكلجن شمسويات غده
شمس : ما لحكت اطبخ سويت ركض ركض مركه بيذنجان
دارين : بس ؟
نجمه : حمدي ربج وشكري اكو ناس مالاكيه تاكل فلا تضلين تتبطرين وبعدين شبيها مركه البيذنجان
دارين : مابيها شي بس اني مااحبها
جميله : دارين احنه كلنه نحبها اذا ماتردين هاي المطاعم تارسه الدنيا خابريهم ووصي على الاكل الي يعجبج بس لا تصرعين راسنه
شمس : كملتي بروئه
براء : اي كملت
______________
بعد مرور 3 ساعات
نازك : الطريق كله تبجي ما سكتت .... يربي شكللهم اذا رجعت شنو موقفي كدام كرايبي اذا عرفو ... حست على صوت السياره توكف باوعت وصلو للانبار شبسرعه
شيماء : كافي لاتبجين سكتي
جلال : نزلي وبوجهج لغرفتنه بسررعه
نازك : نزلت فتحو الباب ودخلنه ... اباوع اخواني وخواتي طلعو كلهم استقبلونه بالاسئله بدون مقدمات
حازم : خير يابه شرجعكم مو علساس تباتون ؟
قائد : شبيها نازك ؟
حور : ليش تبجين ؟
سرى : ليش رجعتي ويه اهلي صاير شي ؟
جلال : بصوت عالي ... كافيييي لا تضلون تسالون
حازم : بس
جلال : ولا كلمه بعدين احجي وافهمكم السالفه وانتي الثانيه بوجهج لغرفتنه يييييللللله
شيماء : اخذتها ودخلت لغرفتنه سديت الباب ... ليش سويتي هيج ليش يمه دمرتي روحج ودمرتينه
نازك : يمه والله تصرفت بدون وعي رغباتي قادتني وماكدرت اسي....
جلال : دخل وسد الباب ذب البشت مالته واليشماغ ... اسألج سؤال واحد شستفاديتي بله ؟
نازك : يابه ان..
جلال : صفكها راشدي ... لا تبرررررين حقيييييره عديمه التربيه خساره بييييج التعب عاديت الدنياااا على حساببببج جااان اليحجيي ويااج وافركله حلككككه ولج سويتج شيييخه حتى علللى امج وخواتج تالي هاي جزاتي تجيني حجااايه وانسب من وراج
نازك : يابه الله يخليك سامحني والله توبه
جلال : بعديش بعديش تبتي وشتفيد التوبه بعد مااجيتي تهجمين بيت العالم وتهدي على روسهم
شيماء : شيخ على كيفك وياها
جلال : والله لو واحد يذبحج على القبله ويذبج للجلاب على عمايلج بس اني اخاف الله وراح اعوفج هنا بس مو لسواد عيونج ... اعتبرج جلب (عفوا) ولفيته لبيتي حتى اكسب اجر
نازك : لارد بس تبجي
جلال : بحده من هالحظه وجهج مااشوفه من اني موجود تبقين بغرفتج اكلج وشربج انتي تنزلين تسوي وممنوع اي واحد يجيبلج كلاص ماي حتى شغل تشتغلين بالبيت حالج حال الخدم هم ماراح اقارنج ويه خواتج ... ممنوع تنزلين اذا اكو خطار تبقين بغرفتج .... مااريد واحد يدري بوجودج والي يعرف كلوله رجلها مسافر واجت بقت عدنه لبين ماتخلص اجراءات الطلاك حتى تطلكين وساعتها الي يسال كلوله ماتفاهمو وتطلكو ولو هاي الشغله ماتمشي على اهل الديره ماعدنه مره تطلك لان مامتفاهمه ويه رجلها تضل طول عمرها متحملته وساكته بس ااااخ الله لايرحمج خليتني اجذب من تالي عمري اني الشيخ الحاج بيت الله اجذب من وره عمايلج الي حتى بنات الشوارع ماتسويها ... وهسه يييله طلعييي بره وبوجهجج لغرفتجج بسرررررعه
نازك : صعدت تركض لغرفتها .... كدام عيون اخوانها الي ماكو على وجهم غير علامه استفهام
____________________
براء : صبينه غده وصحنه للكل محد قبل ياكل بس زين وسجاد نزلو اكلو شويه وصعدو وحجيه خوله نزلت هي تغدت ويانه ... طبعا الكل ضايج على قصي الي قافل الباب على روحه وميقبل يحاجي احد
جميله : براء ولو زحمه عليج غسلي المواعين انتي اني خلي اخذ مريومه انيمها سكمتني
براء : اي عادي حبييتي اني اغسلهن اخذي راحتج
جميله : رحم الله والديج
براء : وكفت بالمطبخ اغسل المواعين .... وبالي يمهم سوده عليه خاله مريم مقهوره اكثر وحده لان خالو جهاد ذاب الصوج بيها لان ما كلتلهم من البدايه وضلت خاضعه لتصرفات نازك ... وحتى من رادت تخابر ام نازك مبطله لان تخاف تصير مشاكل وزين هم ضايج من رجعنه لسه هو كالب وجهه لان هو السبب الرئيسي بالمشكله الي صارت باعتبار قصي حيطلك نازك لان طلعت تحب زين ... يمه احس نار توج بكلبي من اتذكر كلامهم ... يعني اني شكد وحده منحوسه ماكو فد يوم صارلي شي اذا ما العالم حطت عينها عليه اااه يا الهي ابعد عن هالعائله كلمن يريد اذيتها واحفضلي زين وبعده عن المشاكل ... حسيت بصوت حركه درت وجهي شفت قصي واكف يشرب مي .... هلوو قصي شلونك
قصي : يشرب ماي ويباوع بعيونها ... نزل الكلاص زين .. تقرب انتي شلونج
براء : الحمدلله ... تحب اصبلك غده
قصي : عينه بعينها ... تنهد لا شكرا عافها وطلع
براء : خطيه عيونه حمر مبين باجي .... رجعت اغسل مواعين كملتهن وعزلت المطبخ وانوب صعدت فوك ... فتحت باب الغرفه ودخلت اباوع لزين نايم بالصاله وهو كاعد ... سوده عليه ذاب روحه ومبين ميت من التعب لان الطريق كله يسوق وانوب من اجه ضل ويه اهله ذبيت حجابي ورحت يمه .... كعدت يم راسه حبيبي اكعد
زين : همم هاا
براء : مسحت على شعره كوم حبيبي نام بالغرفه لتضل نايم هنا تتعلعل نومك
زين : كام ... ليش كعدتيني لو عايفتني نايم
براء : نام بالغرفه موزين تنام على الكرويته
زين : طك ركبته اسمها قنفه
براء : نفس الشي
زين : حاوطها يله تعاي ننام
براء : دخلنه للغرفه تمدد واني نمت بحضنه
زين : باس شفتها يله نامي
براء : هزت راسها حاضنته
__________________
نازك : نايمه بغرفتها ومينسمع غير بجيها ... جانت متامله بشي وانصدمت بشي ثاني ... اااه يا نازك شسويتي بروحج هاي رجعتي لاهلج وما ربحتي ولا شي لا قصي يريدج ولا اهلج يردوج وحتى زين مايريدني
حور : دخلت للغرفه لكيتها تبجي ... كعدت نازك حبيبتي ليش تبجين شنو متعاركه انتي وقصي
نازك : بدموع ياريت لو بس عركه وتروح بمصالحه
حور : جاا شصاير حتى هيج مبنده من البجي
نازك : اني راح اطلك
حور : يااا ليش
نازك : غطت راسها مابيه حيلل احجي روحي عن وجهي الله يخليج
حور : براحتج حبيبتي عفتها وطلعت لكيتهم منتظريني بالاستقبال
حازم : هاا حاجيتها
حور : اي
سرى : شكالت
حور : كعدت كلشي مافتهمت منها بس كلتلي راح تطلك
قائد : شلون
حور : اي والله هي كالت هيج
ساره (مرت قائد ) ماكلتلج السبب
حور : لا والله بس كلتلي هالكم كلمه ورفضت تحجي بأي شي
حازم : شنو هو بكيفها تريد تطلك شنو الزواج لعبه وبعدين هي ماصارلها حتى شهرين حتى ترجع شنو تريد العالم تحجي علينه
سرى : يعني هذا الي هامك كلام الناس وبس متفكر يجوز اختنه صارلها شهر ونص تعاني هناك او يجوز ما كدرت تتاقلم ويه عيشتهم
قائد : مااعتقد الشغله مبينه جبيره مو مال ما متأقلمه وياهم اكيد صاير شي خله ابوي يجيبها وياه ويجي
حازم : هسه من يكعد ابويه نفتهم منه السالفه هاي اذا قبل يحجي
________________
ثاني يوم الساعه 7 صباحا
زين : دك المنبه كمت دخلت للحمام اسبح حتى اروح للدوام عليمن ابقه بالبيت ويسجلن عليه تلث تيام اجازه واني ما مستفاد ... طبعا البارحه كضه اليوم عبالك سنه قصي ماشفته اصلا واهلي كل واحد كاعد بغرفته واني وبراء نفس الشي .... طلعت من الحمام ... فتحت الكنتور طلعت ملابس الي بدلت ووكفت انشف شعري
براء : اسمع صوت حركه بالغرفه ... فتحت عيوني اباوع الساعه بالسبعه وثلث عززه زين يريد يداوم اليوم كعدت اريد اكوم شفته واكف يمشط ... صباح الخير حبيبي ليش ماكعدتني
زين : صباح النور ... شفتج غاطه بالنوم ماهنالي اكعدج
براء : غمضت عيونها ... شعندك مداوم اليوم انت مو ماخذ اجازه
زين : تمشه وكف كبالها ... اداوم احسن ما تنحسب عليه اجازه واني ما مستفاد على الاقل تفيدني اخذها من تصير عدنه طلعه
براء : حركت راسها ستنشقت بقوه ... شنو هالريحه
زين : ياريحه ؟
براء : رفعت الغطه لخشمها ... اكو ريحه غريبه بالغرفه
زين : رفع القميص مقربه لخشمه ... ريحة ملابسي طيبه ماكو شي .... باوعلها شجاي تسوين انتي ؟
براء : تشمشم مثل البزونه اكو ريحه غريبه
زين : باستغراب براء ماكو اي ريحه غريبه بالغرفه انتي متوهمه حتى جسمي مابي ريحه مو طيبه شبيج
براء : قربت خشمها من صدره اخذت نفس
زين : شبيج حبيبي
براء : وكفت على اطراف اصابعها حاضنته ... رفعت نفسها بحيث ارتفعت عن الكاع ... خلت خشمها بركبته .... الله ريحتك تجنن
زين : حبيبتي هو عطري نفسه ما مغيره
براء : حركت خشمها على ركبته ... لا يختلف
زين : باوع للساعه بالسبعه ونص ... حبيبي وخري تاخرت
براء : مااا
زين : بحده براء عندي دوام وخري
براء : شدت على حضنه كلت مااا
زين : ضل واكف وهي حاضنته ... وبعدين
براء : ريحتك طيبه ... نزلت ايدها فاتحه القميص
زين : شجاي تسوين
براء : انطيني القميص وروح
زين : استغفر الله ... ميخالف بس وخري ... وخرت عنه ... نزع القميص تفضلي
براء : خلت القميص على خشمها مستنشقته بقوه نزلته بسرعه ... مو نفس العطر
زين : بنفاذ صبر لا اله الا الله شلون مو نفس العطر شبيج براء شاربه شي
براء : بنعاس والله مو نفس العطر
زين : زفر ... دار وجهه مطلع غير قميص يوالم القاط ... حس بادين تلتف على خصره
براء : خلت خشمها على ظهره ... اي هاي الريحه والله تختلف عن القميص بوست ظهره
زين : غمض عيونه ... حبيبتي شجاج اليوم
براء : مااعرف بس ريحتك طيبه
زين : دار وجهه حبيبتي هاي مو اول مره اسبح وماجنت وصخ قبل وهذا عطري ما غيرته من عشر سنوات وانتي مو اول مره تشمي فشبيج اليوم
براء : حضنته مااعرف بس هاي اول مره اشم هيج عطر طيب
زين : زين خلي نتفق على شغله خليني اروح للدوام ومن ارجع كعدي شمي بيه لحد ما تشبعين بس هسه عوفيني لان تاخرت واني كتلهم اليوم اداوم
براء : وخرت عنه وكعدت على الجربايه
زين : اخذت القميص ووكفت البسه ... سمعت صوت بجي ركضت .... وكفت كبالها لكيتها تبجي ... ليش تبجين ؟
براء : بدموع انت متحبني
زين : شنو مااحبج شبيج انتي
براء : اي متحبني تريد تروح للدوام بس حتى تخلص مني
زين : صدك تحجين انتي يعني اذا اريد اروح للدوام يعني مااحبج
براء : بدموع اي
زين : كعد يمها فاتح ايده ... تعاي خلص انعل ابو الدوام
براء : حضنته وخلت راسها بركبته
زين : شالها خلاها بحضنه ويمسح على شعرها ... اخذ موبايله مخابر للمدير ... الوو السلام عليكم ... شلونك دكتور ... اي بس اريد اجازه زمنيه لمده ساعه رجاءا ... اي بس ساعه رحم الله والديك ... خوش يله مع السلامه ... سديته ورجعت العب بشعرها مااعرف شبيها اليوم
براء : باست ركبته بوسات رطبه ... اني احبك
زين : باس راسها واني اموت عليج
براء : حضنته بقوه وتستنشق عطره
زين : ضل فتره يلعب بشعرها ويبوسها لحد ما حس بتنفسها انتظم ابتعد مباوعلها .... تنهد واخيرا نامت ... شالها نيمها بالفراش غطاها ورجع عدل ملابس ولبس سترته .... اجه يطلع بس رجع عدل غطاها وباس شفايفها وخدودها وطلع رايح لدوامه .... وصل وره نص ساعه ... صف السياره ونزل
الموظف : صباح الخير دكتور
زين : بهدوء صباح النور .... دخلت للمكتب
اسراء : هلوو دكتور شلونك والله الك وحشه
زين : كعد ... ببرود شكرا
علاء وباسل : شلونك زين
زين : الحمدلله
علاء : مو علساس ماخذ اجازه اسبوع شعجب داومت اليوم
زين : كملت شغلي وداومت
باسل : والله بطران انت اكو واحد ماخذ اجازه يعوف الفراش ويجي يداوم
زين : ببرود مااحب كعدة البيت
اسراء : اي شسويت مسويت بالاجازه مالتك
زين : عفوا بس هذا شي ما يخصج
باسل : طن
اسراء : ماكو شي يضحك ... شبيك زين هو سؤال
زين : كام واني جاوبتج ... اليوم اكو عمليات مو
باسل : باوع للساعه اي عدنه عمليه بالقلب بعد نص ساعه وبعدها 3 عمليات
زين : كام خوش يله تعال انت واسراء بالوقت لا تتاخرون اني سابقكم .... رحت للكافتريا شربت جاي لان طلعت بدون ريوك ... شربته وكعدت شويه بالحديقه ... بعد عشر دقايق على العمليه كمت دخلت ... توجهت لغرفه العمليات بدلت وانتظرت الاغبياء عود كتلهم لا تتاخرون ... اجو وره عشر دقايق من الوقت المحدد
باسل : هاا شوكت اجيت
زين : بحده اني شكلت مو كتلكم تعالو بالوقت انتو ليش ماعدكم مسؤليه وتالي وياكم
اسراء : هنه خمس دقايق شبيك دكتور
زين : يعني ينقص وزنج اذا عفتي السوالف واجيتي من وقت دباعي انتي حتى لسه ما مبدله ... استوعبي انتي دكتوره مو مدرسه ومن تتاخرين محد يفتح حلكه ... يله بسرعه عدكم تلث دقايق اذا ماتجون ابدي بالعمليه بدونكم فتهموووو ... عفتهم وطلعت ... سخفاء ... دخلت للغرفه شلونج حجيه
المريضه : الحمدلله انشالله راح تنجح العمليه
زين : باذن الله ... اشرتله يخدرها ... شنو اسمج حجيه ... كم ولد عندج ... ضليت اسالها لحد ما غابت عن الوعي شرفو الافنديه ... خليت الكمامه على وجهي وبديت ... بسم الله
باسل : ماشاءالله عليه يشتغل بكل خفه وسلاسه
زين : باسل خليك وياي لاتصفن واسراء عينج على النبض
باسل : صار
زين : النبض منتظم
اسراء : اي دكتور
زين : المشرط بسررعه
المساعد : تفضل
...........
بعد مرور ساعتين
باسل : نزلت الكمامه ... مباوع لدكتور زين الي العرك مله وجهه ... نجحت العمليه
زين : شال الكمامه الف الحمدلله ... عاشت ايدكم
باسل : عاشت ايدك بفضلك نجحت العمليه
زين : الفضل لله يله نقلوها للغرفه الخاصه ومن تكعد بلغوني
الممرضين : حاضر
زين : طلعت من غرفه العمليات غسلت ودخلت للمكتب كعدت ... لزمت موبايلي اكلب بي
___________________
الساعه 11 صباحا
براء : كعدت اباوع زين ماهو شنو يضحك عليه مو علساس محيروح للدوام ... اخذت موبايلي دكيت عليه
ئئ
زين : فتحت الموبايل .... الوو هاا حبيبي صحي النوم
براء : بدموع ليش تضحك عليه مو كلت متروح للدوام اليوم
زين : اسفه حبيبتي جان لازم اداوم والله حتى الشغل لفوك راسي اليوم
براء : بدموع من اكولك انت متحبني وتفضل دوامك عليه تكلي لا
زين : براء شبيج اليوم تره وضعج ماعاجبني
براء : بجت مااعرف زين اريدك حباب تعال ارجع للبيت ى
زين : عندي عمليه حبيبتي والله لو بايدي ارجع بس مااكدر اطلع شغلي مو لعب
براء : كاعده وخاله قميصه بحضنها وتبجي ... شلون هسه
زين : انتظريني من ارجع وساعتها نشوف حل لحالتج الغير مفهمومه اليوم
براء : اكولك زين
زين : كولي ياروحه لزين
براء : اني جوعانه
زين : ابتسم جاا منو لازمج نزلي اكلي
براء : اي هسه انزل
زين : تحبين اجيبلج شي وياي
براء : اي اريد جبس
زين : ابتسم صار وبعد
براء : ماكو بس جبس
زين : من عيوني ... يله تردين شي لو اروح
براء : لا شكرا
زين : يله مع السلامه
براء : لحظه لحظه
زين : هاا
براء : تعال من وكت لا تتاخر
زين : انشالله
براء : يله باي
زين : باي ... سديته شبيها براء اليوم مااعرف
براء : لبست ونزلت لكيت البنات كاعدات بالصاله ... صباح الخير
البنات : صباح النور
مريم : بهدوء روحي يمه تريكي احنه تريكنه من زمان
براء : اي خاله ... رحت سويت ريوك لروحي وكعدت اتريك ... بنات ليش لابسات احجبه
خوله : قصي موجود بالبيت لبسي حجابج خاف ينزل على ساعه
براء : شلت شالي خليته على راسي ولفيته بخفه خاف ينزل قصي على ساعه .... اباوع لمريم مبرطمه مريومه حبيبتي تعاي اكلي وياي
جميله : اي والله ياريت لو تقبل تاكل صار ساعه اتوسل بيها ماتقبل
براء : لا هي حبابه هسه تجي تكعد يمي تتريك حتى نكعد نلعب اني وياها
مريومه : شالت راسها تدوك
براء : اي صدوك ... يله تعاي
مريومه : نزلت من حضن امها واجتي يم براء رفعت اديها
براء : ضحكت شايلتها يمه فدوه ... سويتلها لفه صغيرونه يله اكلي هاي حتى اسويلج غيرها ... اكلتها واكلت كملت شلتها غسلتلها ورجعت العب وياها والبنات راحن يطبخن وره ساعه عفت مريومه وكمت اساعد البنات .... واكفه اطبخ التمن وعيني على الساعه شوكت يرجع زين اففف كملت طبخ التمن وعفته يتهدر صعدت فوك صليت ونزلت شويه واجوي الولد طبو سلمو وكلمن راح لغرفته .... وره ربع ساعه سمعت صوت الجرس طلعت ركض فتحت الباب شفت حبيبي .... بابتسامه الله يساعدك
زين : ابتسم ويساعدج حبيبي همس شهالاستقبال الحلو هذا
براء : غمضت عيونها ... حباب خلي نصعد للغرفه
زين : رفع حاجبه هيج مستعجله ماعرفتج .... طب وسد الباب .... سلام عليكم
الكل : وعليكم السلام
زين : اخذت براء وصعدت اول مادخلنه للغرفه حضنتني
براء : فتحت قميصه خاله خشمها بصدره
زين : وتالي وياج براء تره وضعج ابد ما عاجبني شبيك من الصبح لسه تشمشمين مثل البزازين
براء : لارد
زين : وبعدين اريد اسبح كلني ريحه مستشفى
براء : باست صدره ماكو بالعكس ريحتك تخبل
زين : ابتسم شايل راسها دنك اخذ شفايفها بايسها بهدوء ... دخل لسانه لداخل حلكها متذوق رحيقها ... ابتعد بعد سبع دقايق ... بوس شفايفها بوسات متقطعه يله حضريلي ملابس لبين مااسبح
براء : بخدر صار
زين : باس خدها بقوه وراح
براء : حضرتله ملابسه ونزلت اساعد البنات راح اتخبل طبعا مااعرف شبيه اليوم
زين : طلعت من الحمام بدلت وصليت وطلعت ... مريت من غرفه قصي اني من البارحه ماشفته ... فتحت الباب ودخلت ... باوعتله كاعد على الجربايه ... فتح عيونه .... بعصبيه لك انت صدك تحجيييييي
