رواية فصلية بديلة الفصل الخامس والاربعون 45 بقلم ام ملكوت

بعد ٣ ايام..

سماء_

اليوم حنتنه اني وحلى واجينه لبيت جدي نسوي الحنه والعرس ..

سوتلنه امي حفله واجت كل خالاتي والجيران صارت الحفله تجنن تالي حنو ادينه

وعزلت الحفله ورحنه لغرفتي اني وحلى نمنه لان بره هوسه ويردن يسهرن واحنه ورانه كعده الصبح للصالون..

.

.

#في الصباح.. 

سماء_ 

كعدنه الصبح ب٨ كمنه وحده وره الثانيه سبحنه وبدلنه واخذنه خالي مؤيد للصالون احنه ورشا ومريم..

تالي نوب بدت بيه ماردت مكياج ثكيل او تسريحه جبيره ردت كلشي نازك وبسيط..

مكيجتني وخلصت وسوتلي تسريحه وكمت لبست البدله ..

كملنه وكملن خالاتي وخابرت على شهم..

_الو شهم

شهم: هلا غلاي خلصتو

سماء: اي خلصنه

شهم: يله جايلج انه طاير

سماء: هههه ديربالك بالطريق

شهم: انشالله ..

سماء_ 

سديت المكالمه وبقينه ننتظر نص ساعه واجوي واتصل علي نطلع.

.طلعت حلى بالاول لبسهه الغطه واخذهه للسياره تالي دخل شهم وطلعت شافني وكال..

شهم : 💞💚🌺💚💞

* يا ام العيون البالشمس //تنشاف كلش شكره💞😊

*ومن يلتقن رمش برمش// تلكيني رايح سفره💞🌸

*حتى الزعل منج حلو//من يجي الليل وماجي💞

// وابقى انا طالع بره🌺💞

*يا واهسي الخلاني احب// كل الجنت ماطيقه🌸💞

*ولو ردت اكتبلج شعر// اركض ارش منج عطر🌺💞

//بعدين احط موسيقى..

🌸💞💚🌸🍀🌸

_تفضلي الورد يا ورده حياتي انتي ..

سماء: شكرا حبيبي .. 

انطاني الورده وباس جبيني وعيوني وخشمي وخله الغطى علي واخذني من ايدي وطلعنه

صعدني بالسياره كدام وحلى وساجد بالسياره الثانيه وطلعنه صورنه ورجعنه لبيت جدي نزلنه واستقبلونه بالهلاهل والجكليت دخلت اني وحلى بالصاله وشهم وساجد راحو للديوان ..

شويه ركصن البنات فد نص ساعه وكالو راح تطلع الزفه ..كلهه انخبصت ..

خلت امي الغطه علينه وطلعنه بالحديقه وسلمنه ابوي بيد ازواجنه سلمنه عليه وصعدنه كلمن بسياره رجلهه ..

والنسوان بمنشأة جبيره وطلعت الزفه .. 

والركص والاغاني بالطريق والزلم كل شوي نزلت تركص وتهوس بالشارع ..

وفعلا احلى زفه صارت بقت الزفه تفتر منا لرحنه للبيت .

.دخلنه وذبحو جوه رجلي دجاجه وحلى كذلك ودخلنه وهم نفس الشي النسوان بالصاله والزلم بالديوان .. 

رفعن الغطه عنه والنسوان كلهه صلت على محمد وبقن النسوان يركص واحنه نباوعلهم واشوف حلى خايفه وترجف حتى مابتسمت من طلعت الزفه لهسه..

_حلى حبيبتي شبيج

حلى: خيه خايفه امج وخالاتج امس حجلي وخوفني

سماء: ههه يبووو لا تخافين حبيبتي مايصير شي ساجد حباب واكيد راح يراعي انج صغيره بعدج..

حلى: هيج رايج

سماء: اي حبيبتي لا تخافين..

خلصن ركص تالي صبو عشه واني متت جوع بس استحيت اكلهم يله خليني اصبر منا لبعدين همه يجيبولنه عشه..

تعشن وخلصن ونضفن المكان تالي اخذتنه الشيخه وامي والبنات فوك هوسات وركص طبعا بالطابق الثاني عايش بي بس شهم وساجد وجوه باقر وشعلان ..

.تالي طلعنه وخليناهه بحدهه واخذوني لغرفت شهم وهم بقيت كاعده ..

شويه وسمعنه الهوسات مالت الزلم تعالت زفوهم وصعدو وياهم دخلو كلمن لغرفته ونزلو الولد

" اولاد عمهم وخوالهم" 

اجه وكف مقابيلي ورفع راسي وصفن بيه..

تالي كال

شهم: نورتي حياتي مره ثانيه يعروس

سماء: بخجل..بنورك

شهم : ماتدرين شكد فرحان وسعيد هسه لانج رجعتي لحياتي ولبيتي ولطفلي.. 

تقربت لوجهه وكلت..

_احبج حلالي

سماء: اموت عليك نصيبي ..

اخذني باحضان الحب وصارت بينه اجمل لحضات و احلى ليله حسيت نفسي فعلا عروس جديده بين ادينه..

تالي نزل شهم يجيبلنه العشه..

شويه واجه بيده صينيه تشريب لحم وصينيه كباب..

كعدنه اكلنه وشبعنه ونزل الصواني ورجع حضنته ونمت..

.

.

.

//غرفه ساجد//

حلى_ 

رغم كلام سماء طمني لحضات بس رجعلي الخوف مو بيدي ..

دخل ساجد وصار جسمي يرجف تقرب وكعد بصفي ولفني عليه..

ساجد: الف مبروك عروستي نورتي بيتج وغرفتج وقليبي

حلى: بخوف..الله يبارك بيك

شفتهه خايفه مني وترجف خليت واخذت افل تسريحه شعرهه تالي فتحت الفستان وكتلهه..

_لا تخافين حبيبتي تدرين بيه مايهون علي ااذيج ..

حلى: مو بيدي خايفه..ساجد خلينه ننام اليوم حباب..

ساجد: ماكدر يروحي منتظرتني امي وعماتي جوه لا تخافين ماراح ااذيج..

حلى: لا لا خليني انام لا تاذيني 

ساجد: هههه تعالي عندي طريقه تخليج ماتخافين

حلى: شش شنو

ساجد: شكلج سوي ماشي..

حلى: ماشي..

اخذ يسولف وياي ويلهيني وهو يبوس مدري منين مامنين لحدما حسيت برغبه بي مثلما هو راغبني تمدد عل جربايه وهو باوعلي مبتسم ومرت اجمل لحظاتنه بضحك وبجي ..

وبسبب حلاوه اللحظه وعطفه علي نسيت مل الالم .. ابتعد عني بعدما استمر حاضني ساعه كام واخذني للحمام سبحنه ونشفنه ولبست روبي الابيض ورجعنه تمددنه اخذ شعري باديه فارشه على وجهه اخذ نفس وزفره براحه وهوه يكول ...

ساجد: افيش ياعطر الهوى

حلى: هههه ليش الهوى بي عطر

ساجد: اي وعيونج يرد للميت الروح 

حلى: ههه اسم الله لا تجيب سيره الموت

ساجد: حلاوتي

حلى : عيونهه

ساجد :خو ماذيتج كلبي

حلى: تاذيت وفعلا مثلما كالولي بس حنيتك نستني الالم

ساجد: منو كلج

حلى: خالاتي وامي كللي تتاذين وخوفني

ساجد: هههه اشوفج خايفه مساع..

حبيبتي هو طبيعي كل مره لابد تتاذه بس حسب الرجال اذا جان متفهم وعطوف لو متوحش وهمجي

وانتي بالنسبه الي روحي ومحد يكدر ياذي روحه..

حلى: ساجد 

ساجد: يروحه

حلى:احبك

ساجد: اموت على ربج الخلق هيج ملاك وجعله حلالي..

حلى: ساجد

ساجد: امري

حلى_ تقربت وهمست باذنه وضحك..

ساجد: ههههه بس هاي عسالج على اكل العرس صح جايبيلنه كباب بس راح اكلهم مرتي ام كرش الصغير تريد لحم العرس..

حلى: ههه لا عيب لا تكلهم اني ..كلهم انت تريد لحم

ساجد: هههه ماشي من عيوني انه الماكلهم يله رايح ..

خليت واخذت العبايه البيضه يلي بيهه النيشان

ونزلت انطيتهه لامي وصارت تهوس بيهه ويهلهلن تالي اخذتهه وضمتهه..

واني رحت للمطبخ..

_خويه سمر زاد اكل مال عرس مو

سمر: اي خويه زاد

ساجد: بعد اخوج انطيني صينيتين لان حلى ماتحب الكباب..

سمر: من عيوني

ساجد_

راحت جابتلي صينيتين ونايلون وصعدت دخلت لغرفتي واجت حلى اخذت النايلون فرشته وخليت عليه الاكل..

وكعدنه واحد بصف الثاني وناكل واوكلهه من ايدي وتوكلني ..

منا لشبعنه ونزلت الصواني ورجعت صعدت اخذت حلى بحضني وطفينه الضوه ونمنه..

#في الصباح..

سماء_

كعدت الصبح ورحت للحمام سبحت ونشفت وطلعت امشط شعري والمنشفه ملفوفه على جسمي ..

شويه واجه شهم حضني من وره وصارت انفاسه برقبتي ..

شهم: صباح الحب

سماء: بابتسامه.. صباح العسل

شهم: اشو سبحتي مره ثانيه

سماء: ماعرف حسيت لازم اسبح..

شهم: ماكو فايده راح ترجعين تسبحين بعد شوي..

سماء: لا شهم عفيه عوفني مابيه حيل اسبح مره ثانيه..

شهم: دتعاييي..

سماء: لاا شهم هههههه حبيبي خليني اروح

شهم: ماشي اشبع منج وروحي انه تحلفت بيج من هذاك اليوم بيت جدج..تعاي اليوم ماتطلعين من الغرفه..

سماء: هههه يالله شهمممم

......................

//غرفه ساجد//

ساجد_

فتحت عيوني وشفت ملاك روحي نايمه بصفي وشكلهه اكل روحي ماتحملت مضهرهه وهيه نايمه ..

صرت فوكهه وكمت اوزع بوساتي على وجهه وهيه نايمه لحدما فزت مبتسمه تقربتلهه

بست جبينها ونمت بصفهه حاضنهه انفاسنه تتسارع..

_صباح الخير حلالي

حلى: بخجل..صباح النور نصيبي

ساجد: يله كومي ياكسوله خلي نسبح ونتريك لو شبعتي .

حلى: بخجل..ههه اي كايمه...

ساجد: وين رايحه بحدج

حلى: ها جا شنو

ساجد: فهاوي تعالي اخذيني وياج ..

حلى: بخجل.. هاا يله كوم 

سبحنه ونشفنه وطلعنه بدلنه ملابسنه ..ساجد لبس دهداشه بيضه وشماغ واني لبست فستان مرتب ونازك..

وخليت مكياج وخليت على راسي حجاب واخذ ايدي ونزلنه..صبحنه على العائله وانطوني هربه "هديه العرس" ..

تالي نزلت سماء وشهم ..طالعين فعلا عرسان بصباحيه عرسهم لا ومنسقين بالملابس هيه فستان ابيض وبي نقشه صحراويه وهوه دهداشه بيضه وشماغ صحراوي ..

وهم نفس الشي سلمو عل كل وانطوهم هديه العرس..تالي كعدنه كلنه سويه وتريكنه ونسولف ونضحك..

.

.

.

#بعد مرور ٦ اشهر..

سماء_ 

كعدت الفجر على الم بطني ..بالبدايه تجاهلته ضنيت انهه الام طبيعيه تالي زاد الالم حيل ماتحملت خليت وكعدت شهم...

_اااخ شهم اكعد شهممم 

شهم: ها ها شبيج حبيبتي 

سماء: ولك شكلي راح اولد شهممممم

شهم: اي اي يله نازل اكول لامي

سماء: بسرعه ولج اااااااخ يماااا 

شهم_ 

طلعت من الغرفه وصادفت ساجد وحلى طلعو من الغرفه على صريخهه ..

_خويه حلى روحي يم اختج ..

ساجد: شصار خويه شبيهه مرتك

شهم: والله خويه شكلهه ولاده الليله..

خليت ونزلت لامي طبعا لكيتهم كلهم طلعو من غرفهم على صريخهه ..

خلت وصعدت امي والبنات للغرفه واني كلت لساجد يشغل السياره وصعدت لكيتهن ملبساتهه حجاب وعبايه

خليت وشلتهه بين اديه ونزلت الدرج وطلعت صعدتهه بالسياره واجت ويانه هدى.. 

وطرنه للمستشفى..

سماء: اااااخ ولج يمه راح اموت يمااااا

شهم: اسم الله عليج حبيبتي تحملي تحملي ماضل شي وصلنه الله يسهلج انشالله الله يسهلج ويكومكم بالسلامه يارب..

شويه ووصلنه للمستشفى ودخلوهه لصاله الولاده وهدى وياهه واني اتصلت على جدهه وخبر اهلهه ..

مرت ساعتين وهيه ماكو تطلك وتصرخ اجت امهه وابوهه وجدهه وبقو ينتظرون ويانه وندعيلهه شويه وسكتت تالي طلعت امهه وبيدهه الطفله اطتنياهه .

ام سماء : الحمدلله على سلامه مريتك وبنتك عمه

شهم: الله يسلمج عمه ربي يحفظج ..

خلت وانطتنياهه حملتهه بحضني وبستهه وشميتهه واذنت باذانهه اليمنى واقمت باليسرى واحنه جنه مقررين نسميهه " شموخ" ..

خلت واخذتهه الدكتوره لغرفه الاطفال ورحت اني للغرفه يلي نقلو سماء بيهه دخلت وشفتهه متمدده ومبين عليهه التعب..

تقربت وبستهه بجبينهه وايدهه..

_الحمدلله على سلامتج يروحي..

سماء: بتعب..الله يسلمك 

شهم: شلون حاسه حبيبتي

سماء: تعبانه شويه 

شهم: يله نامي حبيبتي هسه تجي الدكتوره وتفحصج 

سماء_

هزيت راسي ..نعم.. وغمضت عيوني جنت حيل تعبانه وغفيت بسرعه..

تالي وره كم ساعه كعدوني وجابولي شموخ ارضعهه خليتهه بحضني وشميت ريحتهه افييش ريحه الجنه طالعه كمريه على عمتهه سمر ..

خليت ورضعتهه جان يكول شهم..

شهم: ايي هنيالج يبنيتي

سماء: يااا شهم منا امي وهدى عيب

شهم: شكو غير مريتي

سماء: هههه اي بس عيب حبيبي

شهم: هههه يله سكتنه عمي..

بقيت ارضعهه واني اتامل بجمالهه حيل حلوه وسمرايه مامخليه شي من سمر .. يله همزين عاد وليدي مرتضى طلع على خواله وشموخه على عمتهه .

هم سمره ومدبدبه مثلهه مرتضى اول ماولدته جان ناعم وابيضاني بس شموخ ولدتهه جبيره ومدنفشه كوه طلعت ..قصص ماي هوبس 

بقيت يوم واحد بالمستشفى تالي رجعنه للبيت لان ولادتي طبيعيه مو نفس مرتضى عمليه قيصريه ..

ذبح اخوهه الجبير محمد فدى جوه رجلي وسلمت عليه ودخلوني للبيت سلمت عل بنات ودخلت للغرفه الولدت بيهه مرتضى مزينهه شهم

خلت امي البنيه بالكاروك وانه دخلت للحمام غسلت ولبست ملابس جديده وخليت حمره وكحله لان وجهي اصفر ورجعت تمددت عل جربايه بقت بس امي وهدى يمي حلى راحت يم البنات تساعدهن بتجهيزات الطبخ.. 

مرت الساعتين والبيت صار هوسه كلهه التمت عدنه تباركلنه وهم عازمهم عمي على غده.. سلمن علي النسوان وانطني واجب وطلعن بالصاله

يتغدون وانه جابتلي سمر صينيه تمن ولحم ومنا انه شلون جوعانه بس مايصير اكل طردتهم بره ياكلون وبقيت اكل بس بالشوربه لحدما خلصنه كلهه شربت جاي وطشت لبيوتهه ،،،،

واخييييرا بعد مرور 4 ساعات نورني ابو جهالي ودخل للغرفه هوه وعمي وخوانه ومحمد ابنه 😊

رغم محمد جان بالخارج ولا شايفته من قبل بس بالصور

 بس دائما يحجيلي عنه شهم

 وعن وضعه بالخارج واخيرا اجه قبل كم يوم وشفته وتعرفت 

عليه وفعلا حباب وشخص مثقف واحسه واعي وكد نفسه مايعتمد على شخص حتى ابوه ولمن يصف ويه شهم احسه اخوه مو ابوه بس حيل شخصيتهم تختلف عن بعضهم ما عدا طيبه القلب والمحنه ماخذهه من شهم والباقي كله تربات ايده والعرفته ان جان باربيل بس تالي اجتله منحه بره وبده جامعته بالخارج والفهمته ان اله نيه يستقر هناك بعد التخرج ويشتغل ويتزوج رغم معارضه شهم لهل شي بس ماعتقد راح يكدر يمنعه عل اقل لو منعه فما راح يبقى بامريكا وراح يروح لقاره ثانيه اكثر امان واستقرار اله..

دخلو وسلمو علي وماقصرو كل واحد يكول للثاني انه انطي اكثر منك تشكرناهم وطلعو من الغرفه واجه شهم تمدد يمي هوه ومرتضى بيده واخذني لحضنه باس راسه وكال ...

_افيييش احس روحي بجنه اللهم صل على محمد وال محمد ربي لا يحرمني منكم ولا يشوفني بيكم شر ويارب يرزقني طوله العمر حتى ابقى سند الكم وخيمه وماخلي شخص يدوسلكم على طرف

_امييين يارب العالمين يحفضك النه ياتاج راسنه وخيمه بيتنه انت...

ابتسم بحنيه واخذ ايدي باسهه ونام بصفي حاضني واندك الباب دخلت حلى وهيه مستحيه وطلبت الكريكوت مالت مرتضى توري لرجلهه يجيب مثله كتلهه على مكانه ودخلت اخذته واعتذرت عل مقاطعه وطارت بسرعه من الغرفه ضحكنه عليهه وغمضنه عيونه تعبانين..

وخلال اخر فتره حملي #بشموخ جانت حلى #حامل وعليهه رابع وطلع بيهه بنوته راح تسميهه " #جنان" ومن هسه حجزتهه لابني #مرتضى ونهيت عليهه ههههه🤫