رواية صراع الشيوخ الفصل السادس والاربعون بقلم ليال القمر
ارجوان بصدمه: نهلة
نهلة بجمود: اي نهلة
ارجوان ارتبكت من نظراتهة بس ادعت اللطف: اممم ممكن اعرف ليش جاية
نهلة بعصبية: انتي اخذتي رجلي مني يا خطافة الزلم
ارجوان انصدمت من كلامهة : احترمي نفسچ احسن الچ والي شتو هالكلام الغير محترم
نهلة بعصبية وهي تشد ارجوان من الكيمونه مالتهة: اي طبعا طلع وجهچ الحقيقي يا سا***
ارجوان انصدمت من كلامهة : احترمي نفسچ احسن الچ والي شتو هالكلام الغير محترم
نهلة بعصبية وهي تشد ارجوان من الكيمونه مالتهة: اي طبعا طلع وجهچ الحقيقي يا سا***
ارجوان وخرت ادين نهلة بغضب من الكيمونة مالتهة : نهلة تطلعين برة لا والله هسة احير شسوي بيچ متستحين تحچين علة شرفي هاااا شنو تايهة اني ماعندي اهل والله الة اسوي گعدة عشاير علة حچاياتچ ذني وخلي يسمعون اهلي لو ما يسوهة بحر دم بعشيرتچ
نهلة ضربتهة: انچبي هو انتي منينلچ شرف حته تتفيكين براسي هااا وخليني اشوفن شلون تسوين گعدة علة حچايتي بالاول اخذتي شيخ كرم وبعدين انداريتي علة رجلي
ارجوان عيونهة صارن شرار وصرخت: اني اعلمچ تضربيني ولچ انتي منو حته تضربيني هاااا
مروة طلعت من غرفتهة بخوف: هاي شمالچن نهلة تجفي الشر ووخري عنهة
ارجوان بعصبية: لا والله ما اسكت علة ضربتهة وكلامهة اني اعلمچ اوگفيلي
دخلت ارجوان للسويت مالتهة وطبگت الباب بوجه نهلة واتصلت بابوهة وهي صايرة نار من العصبية
جواد بفرح: هلة بحبيبة ابوهة
ارجوان بنتر: هلو بابا
جواد بقلق: شبيچ حبيبتي
ارجوان حچتله سوالف نهلة وجواد شعوط من العصبية وتوعدلهة
جواد: خلص باباتي انه اروح لاهلهة واسوي گعدة علة كلامهة شنو ماعندچ اهل يسندوچ بعدچ باول يوم عرسچ وهيچ سوت بيچ لعد بعدين شتسويلچ
ارجوان گامت تبچي: يلة بابا اني لازم اروح بس بابا بليز لتگول اي شي لامير ماريدة يعرف بالمشكلة ووصي اهل نهلة هم ميحچون الة
جواد: ماشي بابا يالله الله وياچ
سدت فونهة: اوكي نهلة انتي الي جبتيهة لروحچ
سمعت صوت طرق علة الباب راحت فتحت الباب لگته امير
امير باوعلهة بقلق وتخبل : شبيچ تبچين احد سوالچ شي ولويش خدچ احمر هاي منهو ضاربچ
ارجوان بهدوء: ماكو شي بس چنت نايمه علة خدي وصار اكو طبع وتذكرت اهلي واشتاقيتلهم
امير بعصبية: ارجوان لاتخبليني گليلي الصدگ
ارجوان ابتسمت باصطناع: والله مبية شي ليش تقلق روحك
امير تنهد وحضنهة: حسبالي بيچ شي بس ليهسة انه مامقتنع بحچيچ
ارجوان: شنو متصدگني
امير باوعلهة صفح : انه حافضچ ارجوان بس خلص اذا ماتردين تحچين ما اجبرچ
ارجوان تنهدت وتفكر باللي سوته صح لو غلط
مشة الاسبوع عسل علة ارجوان امير مدللهة دلال مصاير وام امير كولش تحبهة وبس تمدح بيهة ونهلة حال الضيم حالهة اخوتهة حايرين شمسوين بيهة علة سوايتهة وراحت اعتذرت من ابو ارجوان وذبتلهة دموع التماسيح وابو ارجوان سامحهة بشرط متسوي مشاكل بعد وية بته وهاي كلة وامير ميدري بهاي السالفة والگعده مال نهلة واهل ارجوان وارجوان وامير راحوا لاربيل بعد السبعة مالتهة حسب طلبهة وهي كولش متونسه ويا امير وحبهة اله يزيد اكثر واكثر حته امير لاحظ حبهة الة وفرح بهاذة الشي وزورهة سامراء وكربلاء كلهن خلال عشرة ايام ورجعت ارجوان للبصرة وفرحانه برحلتهم المليئة بالمغامرات ومشت الايام شهرين علة زواجهم
ونهلة راحت لام خلف قدمتلهة شعراية من ارجوان اخذتهة من المشط مالتهة وقطعه من ملابسهة وام خلف بدت تسويلهة السحر ونهلة فرحانه لان حيضبط علة ارجوان
ارجوان وهي گاعدة علة التخم بالصالة وتباوع التلفزيون وبحضنهة سلة مال فراولة وتاكل سمعت فتحت الباب مال السويت مدت راسهة شافته امير فرحت وركضت لحضنه
ارجوان بسعادة: هلاووو امير مشتاقتلك هواي
امير ابتسم وباسهة بشفايفهة: وانه هم شلونچ مريتي
ارجوان بدلع وتعب : اممم زوجتك مشتاقتلك صاير هواي مجايني ليش
امير: ههههه چا غير عندي شغل وانه شيخ لزوم اگعد بالديوان
ارجوان بانهاك وتعرف كذبة بس ابتسمت باصطناع : اممم اوكي يالله محضرتلك الحمام اغسل وبدل ومنتظرتك بالمطبخ مسوية اكلة تجنن 😍
امير: لا اليوم الطباخة ارجوان مسوية الاكل ماشي هسة اجيلچ
دخل امير للحمام غسل وكمل وطلع رش عطر ولبس دشداشة نيلي وراح للمطبخ صفن عليهة وهو منتچي علة الحايط يباوعلهة بعشق
چانت كل حركاتهة تغري وتخلي يتخبل عليهة بالزايد لابسة فستان قصير يوصل جوة الفخذ لونه نبيذي يخبل حصر علة جسمهة وفاتحة شعرهة وهو يتطاير من تتحرك اندارتلة وابتسمت: يالله امير كملت
تنهد امير بحرارة وحسرة وحب وگعد گبالهة وشاف شنو مسوية چانت مسوية مقبلات وعصير ليمون ولازانيا
ارجوان بحماس: سويتلك لازانيا بالجبن حتعجبك صدگني
امير بدة ياكل وعجبة طبخهة: عاشت ايدچ خوش اكلة
ارجوان بغرور: اوفكورس وياك الشيف ارجوان
امير ابتسم وياكل : هممم بالله من قبل تعرفين تطبخين لو بالزواج تعلمتي
ارجوان: لا هالفترة اطلع فيديوات عاليوتيوب واسوي نفسهم
امير باعجاب وفخر: والله زين هاذة اكلچ وانتي تجربي بية
ارجوان بضحكة سلبت عقلة: احم اي بس احمد ربك انو يطلع مضبوط بالنهاية
كملوا اكل وارجوان غسلت الماعين وگعدت يم امير بالصالة وتحچيلة عن يومهة والاحداث اللي صارت جوة وطبعا متذكر نهلة ابد رغم هي كولش مأذيتهة وبس تسببلهة مشاكل بس هي استمعت لنصيحة عمتهة انو لتجيبين لزوجچ اي مشكلة عن النسوان لان تخرب العلاقة
امير عايش لحظاته وياهة ويحمد ربة الف مرة علة زواجته منهة
امير بهدوء: حبيبتي لويش ماتحچيلي عن نهلة شو ماتجيبين طاريهة
ارجوان بارتباك: ها لا ماكو شي مهم يعني هي بحالهة واني بحالي
امير بشك : متأكدة
ارجوان بابتسامه ودودة: امم متأكدة اني ما اختلط بيهة هواي
امير وهو يباوعلهة بحب: ارجوان انتي تحبيني
ارجوان باوعتلة بنظرة تحچيلة عن مدا حبهة الة بس خجلت تعترف بمشاعرهة وهو تنهد وابتسم وحاوطهة وحضنهة: بكيفچ لاتردين
ارجوان بدلت الموضوع: صدوگ اريد اروح لاهلي صارلي اربعة ايام مرايحتلهم
امير: خليچ يمي اليوم انه ابقة وياچ وباچر عندي هواي شغل ماگدر اشوفچ اتأخر اجيلچ بالثنتين بالوحدة لان لزوم افكر بالطلايب
ارجوان ابتسمت بتصنع وتعرف بي يكذب : اوكي باچر عود مو مشكلة
امير بتعب: بت گلبي خليني انام بحضنچ ولعبي بشعري
ارجوان: اوكي
نام امير علة رجلهة ويباوع بعيونهة بتعب وغمض عيونه وگلبه يصيح باسمهة واديهة الناعمة تلعب بشعرة تنهد بارتياح علة هاذة الشعور اللي كلما يتقرب منهة يشعر بي اللي هو الامان والعشق والراحة وكولشي زين يكون بقربهة
نام علة رجلهة وهي باوعتلة وتلعب بلحيته وصافنه بملامحة الرجولية والوسامه تنهدت وتقربت طبعت بوسة رقيقة علة جبهتة وخلت جوة راسه مخدة وهي گامت وغطته باللحاف وطفت الضوة والتلفزيون ودخلت للغرفة لبست فوگ فستانهة الضيگ فستان طويل كولش حلو لونه ابيض وشال ماروني ونزلت جوة تشوف شكو ماكو وتسحل روحهة سحل من التعب والالم
مروة بابتسامه: هلة بارجوان شلونچ
ارجوان بامتنان: الحمدلله بخير
مها بحدة: شني هاي انتي حالچ من حالنه لويش ماتمدين اديچ علة الشغل لو انتي خطار هنا
ارجوان ببرود: والله حبيبتي اصلا اني وين جاية يمكم وثانيا اني منعزلة كليا وعندي بيت ثاني اهتم بي وثالثا مو اني العايشة بالطابق الجوة انتن العايشات بي ومنو گلچ ما اشتغل مو اليوم كنست الصالة والاستقبال ومسحت البوفية بعد شكو ولو مو من واجبي اشتغل بس لخاطر خالة انظف
نهلة بسخرية: هههههاي عوفيهة هي جايفة وتلگين الشقة خايسة مثلهة
ارجوان بجمود وحدة: احترمي نفسچ نهلة شنو هالالفاظ المحلوة واذا متحترميني اشيلچ وارگعچ
نهلة بشهگة: يمه تريد تكتل ابني هي انتي منو حته تسوين هيچ بية ها
ارجوان بتحدي وغرور: حبيبتي اني ارجوان بنت شيخ جواد وثانيا اني ما ااذي احد مو انوب اقتل والله يالله شنو هالجهل
غزل بتوتر: خلاص كافي تلحن بالسالفة شني هاي
مها: لا لزوم نعلمهة منو اسيادهة مو تطاول اعلينه
ارجوان بخبث : اي كلامچ صح مها نهلة هواي صايرة تتطاول
نهلة بعصبية: ليچ قصدهة اعليچ مو علي
ارجوان: لا حبي غلطانه شو اصلا اني المن نازلة بس مشاكل اوووي
طلعت وصعدت للدرج وتمشي بغرور ودخلت للسويت مالتهة وتنهدت بتعب
ارجوان وهي تتمدد علة السرير : هاي شبية هالايام صايرة كولش اتعب ياربي
اتصلت علة امهة : الو هلو ماما
شمس بلهفة: هلو حبيبتي شلونچ
ارجوان؛ الحمدلله
شمس: شلونه امير وياچ عيالچ
ارجوان وهي تفرك رگبتهة: زين وياي وحته عيالي زينين
شمس: اي الحمدلله
ارجوان بتهكم: ماما صارلي قريب الشهر ونص بس اتعب واحس جسمي مكسر تكسير
شمس بقلق: ليش حبيبتي شنو تحسين
ارجوان: مادري احس مالي خلگ لاي شي وبس اريد اتمدد
شمس بفرح: ولچ يمكن حامل
ارجوان باستنكار: حااااااامل لا ماما مو حامل اني لان قبل خمسة ايام خلصت دورتي الشهرية
شمس: حرامات يالله الله كريم
ارجوان بتعب: شلون بابا والكل
شمس: الحمدلله يسلمون عليچ
ارجوان: وعليكم السلام
دخل امير للغرفة يفرك رگبته بنعاس وتعب: جونتي
ارجوان باوعتلة: يالله ماما امير يريدني بعدين احاچيچ
شمس: يالله باي
ارجوان: باي
امير ابتسم وتمدد علة السرير وفتحلهة ايده وهي دخلت بحضنه
امير بقلق: جونه حبيبتي لويش وجهچ صاير اصفر
ارجوان بابتسامه نازكة رغم تعبهة : لا مابية شي يجوز تعب
امير وهو يمسح علة شعرهة : چا لاتعبين روحچ
ارجوان: امم اوكي
حست بثقل انفاسة باوعتلة لگته نام باوعتلة بعتاب وقهر وهي ميته من التعب ونامت علة دفوا حضنه
🌠🌠🌠🌠🌠🌠🌠
نهلة: وليچ مها لويش لسه ما مرضت
مها: مادري والله باچر نروح لام خلف اگللهة تسوي واحد اقوة
نهلة بشيطانية: بالله انه لو مگضية حياتي بالسحر مو احسنلي الشغلة تصيرلي گبل
مها: چا شعبالچ هسة انه گضيت حياتي كلهة بالسحورة
واگفة مروة ورة الباب وسجلت كلامهن بالفون وحفظته وشردت لغرفتهة
☀☀☀☀
امير وهو يتلمس وجهة ويبوس بيهة: گوم يا حلو صباح العسل ياروحي
ارجوان بتعب: ماگدر
امير بقلق: شمالچ
ارجوان بتعب وگوة فاتحة عيونهة: ماعرف بليز اتركني
امير قلق عليهة وتلمس وجهة: حبيبتي حرارتچ زينه چا لويش هيچ تعبانه
ارجوان غمضت ورجعت نامت وامير قلق عليهة غطاهة زين ونزل بسرعه
امير بقلق: يمه اريد احاچيچ
ام امير: ها يمه
امير: يمه ارجوان مادري شبيهة تعبانه
ام امير بقلق: يمه بنيتي شمالهة يمه
امير: مادري تعبانه كلش وحته گوة تفتح عيونهة
ام امير بشك: يمه شني وضعهة تحس بيهة تغيرات
امير بتفكير: اي يمه وجهة اصفر وتعبانة دايما
ام امير بفرحة: للللللللللللللوش ولك يمه مريتك حامل
امير باحراج: احم لايمه هي خلصت من الدورة صايرلهة خمسة ايام
ام امير باحباط: يا چا شمالهة الفرخة
امير بقلق: چا انه لويش اجيتچ گلت انتي تعرفين
ام امير بحزن وقلق: والله لو رجليناتي زينات چان صعدت وشفت شمالهة
امير: انه ححاول اگومهة
راح امير صعد ولگه نهلة واگفة علة الدرج تبتسم بخبث : شيخ ترة الليلة ليلتي
امير بيا حال باوعلهة: اي اي
عافهة ودخل للسويت راح للغرفة لگاهة تريد تگوم ولازمه حلگهة
امير راحلهة بذعر وسندهة ودخلهة للحمام وهي بس تتقيأ
ارجوان ببچي وتقزز وگوة واگفة : ا..امير شنو هاذة
امير باوع وانصدم چان تقيأهة شي اسود مثل الدم
امير انرعب وحضنهة من ورة: اششش حبيبتي اهدي ماكو شي انشالله
ارجوان بضعف: اني تعبانه امير شنو بية امير...
حس بثقل سندهة اكثر وشالهة وباوعلهة چانت صفرة چنهة ليمونه غسل وجهة واديهة وطلع خلاهة علة السرير وغطاهة
امير بقلق: حبيبتي تسمعيني ارجوان
🌠🌠🌠🌠
تزوجت امير وچانت ايامي كولهة عسل ويا صرت مو بس احبة لا اعشقة واتمنه اعترفلة بمشاعري بس لحد الان الوقت مصار مناسب حته اعترفلة سوولي السبعة مالتي واحتفلنه وراهة سافرنه لاربيل ولكربلاء وسامراء وزرت الائمة عليهم السلام
ومن رجعت للبصرة بدت حياتي تتخربط احس نفسي مو اني ماعرف شنو البية نهلة ومها ميتركني بحالي ابد بس يتعاركن واني اتجاهلهن بس اذا يتجاوزن حدودهن اجاوبهن باحترام وماگل لاي شخص عن معاملتهن وياي
مرات احسهن زينات ومرات موزينات چانن دائما يطبخن ويگولن نريد ذوقچ واني اكُل بس من اكُل لو اشرب شي منهن نفسي تلعب واضل اليوم كولة مادري شلوني ورة خمسة ايام علة جيتي من السفر گمت اضعف وحته وجهي صار اصفر تجاهلت ضعفي وحالتي وگلت اكُل واصير احسن بديت اكُل وماملحگة بس ماكو مدا ينطيني الاكل طاقة
وماگلت لامير اي شي وحته هم امير ما شوفه هواي كول وقته بالاستقبال يحل مشاكل ومرات يجيني بالثلاثة بالليل ومرة من وكت ماعرف ليش يتاخر علية بالليل بين يوم ويوم هيچ يجيني بديت اشك وين يروح واجت بالي نهلة يمكن يروحلهة بعدين تراجعت گلت حته لو يروحلهة چان نام يمهة ليش يبقة وياية
وامير من يتقربلي احسة مو مثل قبل احس دائما يتوتر ويرتبك بقربي ومرات گام من يمي واني هنا بدت شكوكي بمحلهة بانو امير مدا يتقبلني لسبب ماعرف شنو هو
ومرات من يقتربلي احسة يجيني بكل حب وشوق الية طبعا اني مامنعته من حقة ابد شوكت ميريدني اني موجودة والتزمت بكول نصائح عمه الاء وخالة نجلاء گلت هو الزوج يريد راحته واني حكون الة الراحة ما اشكيلة عن اي شي وحته مرات مها رادت توگعني من الدرج واتعاركت وياهة وحرت شسويت بيهة وهي متجوز مني ابد وگمت اقضي وقتي كولة بالسويت مالتي لان ما اتحمل انزل بس أادي واجبي كچنه مثلا امسح الدرج لو اكنس واصعد حته ميگولون علية ما اسوي شي صحيح هو مو من واجبي بس خالة ام امير گامت تلمحلي علة التنظيف واني ماهتم المهم اخلص من مشاكلهن وبس اخلص شغلي اصعد فوگ وخالة گامت تعاتبني ليش ماانزل واني ادورلي الف عذر الهة وحته زيارتي لاهلي قلت گمت اروحلهم كول ثلاثة ايام لو اربعة ومرات خمسة اني دا احچي وديمر بزواجي علي الايام وگمت احس بضعف مو طبيعي بجسمي وصايرة بس اتمدد وحته امير لاحظ هاذة الشي بس اني اگولة تعب وهو يسكت حته هم من اكولة هاذة الحچي ميقتنع
انتو تقرون ومتصدگون انو اني هيچ صرت واني هم لاحظت هالشي گمت احس بتعب مو طبيعي وحتة مرات احس باختناق وكوابيس ومن اگعود من الكابوس ما الگه امير يمي بديت ابچي واحس نفسي ضعيفة مابيدي شي وحته كلام وية اهلي قليل
وامير اشتاقلة كولش بس ميكون موجود وهاذة الشي الي خلاني اضعف اكثر
گمت اعرف اطبخ واسوي كولشي يعجب امير حته يضل وياي هو صحيح يحبني ومدللني بس مرات احسة مو علة بعضة احسة مجروح ومرتكب ذنب واني احاول اخفف عنه ومشاكل الاستقبال گامت تكثر وحته هو گام يتعب ومن يريد يرتاح يجي يمي بحضني واني ما امانع هاذة الشي انقهر علي وصرت احبة اكثر من روحي وصرت الة الراحة بس اكثر شي اضوج منه من احچي ويا مينتبهلي ومرات احسة مقهور وهاذة الشي الخلاني احس بهموم وشكوك الدنيا تصير بفكري
بديت افكر گلت امير يروح لنهلة اي اني متأكدة من هاذة الشي وگمت ابچي وانهاريت بوقتهة شگد حسيت نفسي ضعيفة بس سكتت لان اذا احچي راح يقضي الليلة كولهة يمهة ويگوم ميهتملي وفكرت بعقلانية وسكتت گلت المهم اني يحبني واكون بالنسبة الة الراحة رغم غضبي منه والغيرة موتتني بس سكتت لان هاذة هو الصح
مضة علة زواجي من امير شهرين واني شفتهن بالنسبة الي جحيم ماحبيت الزواج ضعفت كولش واخذ من عافيتي بحيث گمت ابچي علة حالي الوصلني هيچ
مالي واهس الاي شي يومي كولة احضر طلبات امير واطبخ وانظف اكيد اهتم بنفسي واملچ وجهي بالمكياج حته ميبين علة وجهي الاصفر واهتم بلبسي كولش بحيث قياسي نقص اربع درجات شگد ماضعفت قبل چان جسمي رشيق وحلو هسة كولش ضعيف وناعم ومهدود
بديت اتعب كولش وبس اتقيأ بس ما اشوف شنو هو بسرعة اضغط علة المرحاض واطلع وماعرف شنو اتقيأ اصلا وحته هم بدورتي الشهرية يصير عندي نزيف وماهتميت وگلت لاكير ميصير يقتربلي لان معذورة وهو ضاج بس ورة مرور الايام خلصت دورتي
ومن گمت احس بتعب اكثر قررت اخابر ماما وگالت يمكن حامل بس اني مو حامل لان صارلي خمسة ايام من مخلصة
اجه امير وسديت الخط هو متعود من يريد ينام لازم يحضني واني لبيت طلبه ونمت بحضنه من التعب گعدني واني احس كلما يقترب امير من يمي اضعف اكثر بحيث گمت اتعب كولش وهو يحاچيني واني اجاوبة بتعب هو راح وقلقان كولش علية ومن راح گمت اختنگ واحس حيلي مهدود وگامت تلعب نفسي واحس طعم يلعب نفس بحلگي خليت ايدي علة حلگي واريد اگوم مابيه طاقة اجة امير متخبل علية گومني للحمام واني اتقيأت واجت عيني علة الشي اللي متقيأته وگمت ابچي وامير وجهة بهت واحسة مهدود اكثر مني حضني بقوة عبالك راح اتركه وهو يهديني واني انهار بالاكثر وعرفت اللي بية مرض خطير واغمه علية وحسيت الدنيا ضلمه صارت بعيني
🌼🌼🌼🌼🌼
بقلم امير
زواجي من ارجوان چان امنية حياتي متخبل عليهة ومن تزوجتهة صرت ماگدر افارگهة هي راحة بالي واماني مجرد تجيني افكار ممكن تتركني لو تعصب مني اموت من القهر عيشتهة بدلال وحب وسفرتهة وچانت احله ايام حياتي وياهة صرت اموت بيهة انه چنت خايف كلش بعشگهة گبل لا اتزوجهة چنت مهووس بيهة بس هسة اللي بية بعد الزواج مرض ولعنة صابتني من رجعنه للبصرة وانه فرحان بعروستي وحب حياتي تلگتني نهلة
نهلة بخبث : شيخ انت مو گلت يوم الي ويوم ليهة چا وين كلامك هاذ صايرلك١٧ يوم يمهة
انه فكرت گلت صح كلامهة انه هواي ضليت وية ارجوان: انشالله
نهلة: انتظرك باچر شيخي
انه سكتت وفكرت گلت شلون اترك حب حياتي واخونهة هو صحيح انه مخاينهة لان نهلة مرتي بس بالنسبة لعشگي الهة يتسمه خيانه
صدگ انه گلت لحبيبتي انو اتأخر وهي ابتسمت بوجهي وگالتلي اوكي
انه بس كلامهة يسطرني خوب تنعوصهة يابوية ودي احبسهة بقفص حته محد يسمع صوتهة انه اعرف هاذة صوتهة الطبيعي وهي طبيعتهة تتنعوص وتدلع بكل حالاتهة
ومرات تتنعوص وانه اتخبل اعليهة هي منا تتدلع هنوب اكثر صارت
صدگ ليلتهة رحت لنهلة چانت محضرة روحهة وانه گلبي ماينطيني اعوف ملاكي واجي لنهلة بس شسوي الله مايرضة بالاسوي گربتلهة وانه مجبور غصب بحيث اختنگت وحسيت نفسي خسرت جونتي وگليبي
گربتلهة بدون مشاعر واحساس مجرد تأدية واجب وبس غسلت وبدلت ونهلة نامت انه اعرف بنوم نهلة كله من وكت واكثر شي تطول للثنتين بالليل تركتهة ورحت لحبيبة گلبي چانت تتلگاني ومشتاگتلي انه اعرف ارجوان بدت تنعجب بية وتهتم فيني بس عمري ماسمعت كلمة احبك من شفايفهة
بوكتهة انه چنت ميت تعب اريدن بس حضنهة واريد ارتاح من مصيبتي السويتهة وهي استقبلتني برحابة صدر ومازالت تخجل مني وانه بس گربتلهة حسيت نفسي خاين گمت من يمهة ماريد اضلمهة وياي
وهي ماحچت شي چانت خايفة وقلقانه علي وانه هاذة المدمرني اهتمامهة بية احس نفسي واحد خسيس وحقير وما استاهل جوهرة مثل ارجوان
بدت ايامي وية نهلة وچنت كلما اگربلهة اختنگ بالزايد واتركهة من تنام واروح لجوهرة گلبي چان الذنب يموتني والقهر والضيم شاعلني لو تعرف ارجوان شيصير بيهة تتخبل وتتركني وانه اموت بلياهة صدگ اموت هي كل حياتي خاف گبل چنت اموت بيهة هسة لا صاير ماگدر اوخر عنهة ثانية ومشكلتي من اجيلهة انقهر واموت من الذنب واشوف الملاك الي گبالي ومرات تتحچة وياي وانه بالي مو وياهة افكر شلون اذا تعرف تتركني هي طبيعتهة متملكه حته لو ماتحبني
وخايف اجرح مشاعرهة واسوي شي مايرضيهة
گمت اگضي وكتي بالديوان حته اخلص من نهلة چانت نهلة تصرخ وتعصب وتحير شتتحچة وغيرتهة العاميتهة وانه اعصب واروحن منهة ومرات اضربهة لان تتجاوز علة جوهرتي صرت ما اطيق شي اسمه نهلة ومرات افكر انه لويش رجعتهة اصلا حته ابني الحاملة بي ماتجيب طاري مرات احسهة تچذب بعدين العن بليس لان مايصير اظن السوء بيهة
بديت اتعب والهم كاتلني وانه اشوف جوهرتي تذبل گبال عيني چنت من اگربلهة اتخبل عليهة كلشي بيهة يثيرني هسة صايرة كلش ضعيفة بس بعدهة مخبلتني رغم جسمهة احسة صار بي اختلاف بس انه سكتت گلت يجوز صدگ تتعب مثل ماتگلي
بالفترة الاخيرة گمت اشوفهة تنام كلش هواي وتعبانه اكثر وكتهة وهنا انه اتخبل والقلق ماكلني عليهة من اروحن لنهلة وعايف حبيبتي تعبانه وهيچ حالهة بودي اكتل روحي لان عفتهة ومن تنام نهلة اطلع للبستان اضل ابچي اي ابچي زلمة شكبرني ابچي علة غدري بحبيبتي وخيانتي الهة وعلة حال حمامة گلبي خفت بيهة شي لان بس فكرة اخسرهة اموتن حسرة عليهة گمت ماشوف بطريجي اگضي وكتي بالديوان احلن الطلايب واروح لراحتي ومن اشوفهة الذنب يموتني بحيث صاير لا گادر اروح الهة ولا لنهلة هي نهلة بس للوجع الراس وتشيل وترگعهة لاميرتي وتجيبلي سوالف النسوان والچناين والعمه يبووووي راسي ينفجر من اجي يمهة
اروح لارجوان ماتحچيلي عن الهموم ابد رغم تتحچة علة اهلي بس بالزين وتطلعلي محاسنهم مو شينهم احب طريقتهة وياي ومعاملتهة الي چني طفل تداريني صحيح هي مغرورة ومتكبرة بس اعشگهة ياناس سوالفهة تخبل حركاتهة سوالفهة كلشي بيهة اموتن بي تفاصيلهة اعشگهن حته مرات ماتتقصد تحچي كلام وتضل چنهة طفل تبررلي وانه من گلبي اضحك حسبالهة زعلتني ماتدري انه هيچ اتخبل عليهة بالزايد وحاولت اعيش لحظاتي وياهة وانسة الليالي وية نهلة رغم گرب نهلة الي چان جحيم ماحبيتهة ابد كلشي بيهة ماريدة نفسي ماتتقبلهة هي وارجوان عكس بكلشي
ادخل لنهلة لابخة وجهة بالمكياج وحته مكياجهة لو اصفر لو احمر الوان زرق ورق بحيث اضل صافن هاذي صدگ ماعدهة ذوگ وغرفتهة ترتب غرفتهة شلون مچان وعطر الغرفة كله اكل ماعرف لويش گلت يجوز تاكل بالغرفة
اما ارجوان بس ادخل للسويت ريحتهة تملي المكان والتنظيف والترتيب يخبل واكلهة عسل رغم هي تجرب براسي بس تسوي كلشي مضبوط ومعدلة روحهة دايما بحيث اضل افرق بينهة وبين نهلة ذيچ وين كل اسبوع تغسل وارجوان حبيبة گلبي وين ريحتهة تجنن تخليني راغب بيهة بكل وكتي نهلة مهملة لروحهة كلش واذا تخلي عطر يابوية لو ماتخلي احسن الهة ريحته تلعب روحي
وين حبيبتي جونة گلبي عطرهة هادئ يخليني اتخدر من امر من يمهة وكلشي عندهة ترتيب واتكيت ههههه گمت اخذ حچايات منهة
دخلت بيومهة تعبان لاگتني بشوگ واهتمام وريحتهة ملت ريتي اتنفس عطرهة يخدرني وينسيني كل التعب محضرتلي كلشي بحيث احس روحي طفل مدلل كلشي يريد يجيلة ابتسم وارتاح نفسيا بس ادخل للجناح شگد ماهي روحهة حلوة وتسوي الجناح دافي بحضورهة رغم من تروح لبيت اهلهة ماگدر ادخل للجناح گلبي يشتاگلهة
سبحت وكملت واشوف جسمهة واتنهد بحسرة وين چانت جوهرتي وشلون صارت بس هي حلوة بكل حالاتهة ومغرية واشوفن وجهة ضعفان كلش انقهر واتكدر خايف بيهة شي بس هي تگلي مابية شي وانه هنا اموتن بالزايد رغم تعبهة تبتسملي
نمت علة رجلهة وهي تلعب بشعري وغفيت بسرعه شگد ما حضنهة دافي حسيتهة گامت من يمي وغطتني وطلعت ابتسمت علة اهتمامهة الي حچت وية امهة وانه اسمع حچيهم وتنهدت بحسرة واتمنه يجيني طفل منهة دخلت ونمت بحضنهة ماگدر بلياهة انام گعدت ولگيتهة وجهة اصفر كلش وتحچي وهي نايمه وعرفت تحلم بكابوس گعدتهة وهي گوة تتحچة هنا ماضل عقل براسي رحت لامي وكلشي ماحصلت منهة رجعتلهة وچان تتقيأ دم اسود ماعرف شني هاذة بس هنا گلبي احسة انعصر وخنجر مسموم يدخل بيه حصنتهة خايف تتركني وتأكدت بيهة مرض ودموعي وگعت وماگدرت اتنفس وديتهة علة السرير وغطيتهة اخذتهة بحضني بعد مااغمه عليهة احس راح اخسرهة وابچي واشهگ خايف اعليهة لبستهة شال وجبة وطلعت بيهة للمشفه وعيوني حمر من البچي وايدي ترجف خايف بيهة شي
امير بذعر وخبال شايل ارجوان بايده : دكتوووووور الحگ مريتي
الدكاترة اجو وخلو ارجوان علة السدية وامير متخبل عليهة وصاير اعصاب
الدكتور: اهدة شيخ اهدة
امير بعصبية : دكتور مريتي مادري شبيهة
الدكتور: اهدة انشالله خير بس تعال للمكتب گلي شنو بيهة مريتك حته نعرف حالهة
دخل امير للمكتب وخلة ارجوان علة السدية والدكتور يكشفلهة ويقيس نبضات قلبهة وامير گاعد ويحچيلة عن ضعف ارجوان وتقيأهة ونومهة
الدكتور بهدوء وهو يباوع للتحاليل الي سولهة يا: شيخ بس مرتك كلشي مابيهة تحاليلهة نظيفة
امير: شني ما بيهة دكتور لا تخبلني
الدكتور بهدوء: اعرف شيخ بس يجوز هي ماكلة شي لونه اسود مستحيل اكو شي بيهة شوف تحاليلهة كلشي مابيهن
امير شياطين الدنيا صارن فوگ راسه: خلاص دكتور انه حاخذ مرتي
شال امير ارجوان ووداهة لصديقة بالعيادة وصديقه هم نفس الحالة ماعرف شنو بيهة
مائد: امير مريتك كلشي مابيهة التحاليل نظيفة
امير بخبال: ماااااائد مرتي صايرلهة قريب الشهر ونص هيچ حالهة ضعيفة كلش
مائد: ماعرف والله بس مابيهة شي صدگني
امير انهد حيلة ويباوع لارجوان النايمه علة السدية ومابيدة شي الهة شالهة وصعد بسيارته وحضنهة: بت گلبي لويش ماتگعدين شمالچ
ارجوان بضعف كولش شديد: امير تعبانه وديني لبيت اهلي
امير تخبل: ماااكو بيت اهلچ تضلين يمي تردين تفارگيني هااااا ولچ تردين تركيني
يهزهة بعنف وارجوان رجعت تخربطت و تخبل ساعة يعاملهة بلطف ومرة معصب تخبل
امير بحرگة: ولچ ممنوع ترحين لهلچ ممنووووع انتي بس الي تضلييين يمي... بهدوء وطاقته خلصت... تضلين يمي بحظني
حضنهة وعيونه حمر وعروگه بارزة
ارجوان مغمضة عيونهة باستسلام وتسمع حرگته وهي مالهة طاقة تحچي او تفتح عيونهة وتحرك جسمهة
حرك امير سيارته وتفكيرة مشوش واعصابة تلفانه ويلهث وقابض ايدة بقوة وصل گدام البيت شالهة ونزلهة ودخل للبيت
نهلة تتصنع القلق: شيخ شمالهة ارجوان
امير بجمود وصوته رايح: مالچ دخل
نهلة باوعتلة وهو شايلهة گلبهة نار من الغيرة بس ابتسمت بخبث
نهلة بهمس وهي تدبچ علة الارض بفرح: واااي صدگ مثل ماگالت مها شغلهة طلع مضبوط
فتح باب الجناح وهو يباوعلهة بحنان خلاهة علة السرير ونزعهة الشال والجبة
امير وهو يمسح علة شعرهة: جوهرتي يالله گومي انه بلياچ ضيع گومي وفتحي عيونچ السلبن عقلي
امير تنهد بحسرة وغطاهة وحضنهة ونيمهة بحضنه وخلة راسهة علة صدرة وهو يشتم شعرهة وعيونه حمر ومدمعه حضنهة بقوة وغمض عيونه ونام
👹👹👹👹
ام خلف: هاچ هاذة تخلي باكل لو شرب وتنطيهة يا هاذة اللي راح يموتهة لان اقوة شي تستمرين اعلي اسبوع واخر يوم تشوفينهة بححححح ههههههها
مها انرعبت بس اخذته: زين واذا شكوا
ام خلف بشر: مراح يعرفون لان حتمرض كلش وبس تضل نايمه وجسمهة ينهش مالچ شغل هو السحر يسوي اهيچ
نهلة بخبث : انطينيا مها
انطتهة مها السحر وجسمهة يرجف
ام خلف؛ شوفن ويلچن لا تجنلي بعد لان شرطة يتابعوني
نهلة بارتباك: ها اي مايخالف
گامن نهلة ومها خايفات وهنة يشوفن ام خلف تطلع اصوات غريبة ومرعبة طلعن من يمهة
مها بتردد: اگلچ نهلة اذا ماتت ارجوان بخطيتچ انه مالي شغل
نهلة بعصبية: شني مالچ شغل هاا چا مو انتي العبيتي براسي شغلة السحر وانتي ساحرة سجاد حته يعشگچ
مها بحدة : بس انه ما اذيت سجاد بس خليته يحبني وبعدين انه بطلت اسويلة سحر لان صرت حامل بعمار ومايطلگني
نهلة بخيبة: چا انتي عالاقل حملتي مو انه
مها : وانه شكو اذا ماحملتي
نهلة بدموع: رحت للدكتورة طلعت ما احمل لان مبايضي كلش ضعاف مها لويش ماتحسين بية عود انتي اخيتي
مها باسف: الله يعينچ ويرزگچ الولد الصالح بعدين انتي گليلي شوكت تسوين روحچ تطرحين
نهلة بشيطانية: اليوم
مها خافت من نهلة لان صارت تخوف وحته شكلهة صاير يخوف وين قبل چان وجهة كولة برائة وين هسة عبالك شيطانه
&&&&&
ارجوان بتعب وهي تگوم من حضن امير: امير بس شوية كسرتني والله
امير باوعلهة بحب: حبيبتي گامت ولچ بعد لا تصيرين كسولة
ارجوا وهي تلزم راسهة بالم: امير راسي يوجعني انطيني حباية
امير بقلق وهو يحط راسهة بحضنه ويفركلهة يا: شمال راسچ بيچ شي تحچي
ارجوان بارهاق: لا مبية شي بس راسي احسه حينفجر
امير فتح المجر اللي بصفه وطلع حباية وكلاص مي موجود علة الكومدي انطاهيا
امير وهو يدخل الحباية بحلگهة ويشربهة مي: هسة انشالله تصيرين احسن
ارجوان: امممم انشالله
امير وهو يبوس شفايفهة: جوعانه يا بعد رويحتي
ارجوان: لا ما اشتهي
امير بحزم: مو بكيفچ شوفي روحچ مابيچ لزمة شگد ماصايرة عودة
ارجوان بدموع: شنو جسمي صدوگ محلو حته تحچي هيچ
امير بشفقة: لا حلو بس لزوم تاكلين حته ترجعين مثل اول
ارجوان بانهاك : اممم صح بس دا اكول وما اسمن مادري ليش
امير تنهد ورجعهة لحضنه: عادي تصير لا تشيلين هم
ارجوان اشتمت عطره ودحست راسهة برگبته وگلبهة طبل وتنفسهة مضطرب: امير لتعوفني بعد ليش صاير متجي يمي كول وقتك مشغول
امير بالم وذنب: احم بالديوان وطلايب هواي عذريني گلبي
ماهتمت لكذبة وحضنته وتبچي: امير شنو بية ليش احس نفسي مو طبيعية
امير بتهدأة: ششش ياروحي انتي مابيچ شي الدكاترة گالو تحاليلچ نظيفه
ارجوان بتعب ودموعهة تسيل: لعد جسمي ووجهي ليش هيچ صار وهاي كم مرة اتقيأ شنو البية
امير بعدهة من حضنه بعصبية: لويش چنتي تتقيأين وماتگليلي
ارجوان : والله ماردت اقلقك مادري راح توصل بية الحالة هيچي
امير بعصبية: لويش ما تگيلي انچ تعبانه هاااا لوووويش شني انه مو رجلچ هااا
گامت تبچي ودحست راسهة بصدرة: ما احب احچي كولشي معبالي حتعصب بليز لتزعل مني
امير وهو يتعذب ببچيهة وتعبهة: لا تبچين شمالچ انتي ارجوان احسچ مو نفسچ
ارجوان حست علة روحهة وحچت بضعف: ما اعروف شبية من رجعنه من السفر هيچ صرت حته كلام وية اهلي قليل امير مااعروف شبية گولي ليش هيچ صرت
امير بحيرة: ماعرف لو ادري چان گتلچ
ارجوان بانهاك وتعبت كولش وتخلي راسهة علة صدرة وتسمع گلبة يدوگ سريع وجسمه تشنج وتنفسه صار ثگيل: امير
امير بتخدير ورغبة: گلبة وعيونه
ارجوان بتعب: اريد انام بحضنك بعد لتتروكني بليز اني تعبانه
☀
☀☀☀
مها وهي تباوع لارجوان : صدگ ارجوان لويش ماحملتي ليهسة
ارجوان وهي تاكل باوعتلهة بصدمة : وانتي شنو دخلچ
مها بخبث: انه من اول شهر حبلت وانتي صايرلچ شهرين ماكو اخاف عاگر وماندري
امير صار اعصاب راد يجاوبهة بس ارجوان خوش قصفتهة
ارجوان ببرود: مها خليچ بنفسچ مالچ دخل بحياتي
امير لزم ايدهة بهدوء وهمسلهة: تركيهة مالچ شغل بيهة
ارجوان سكتت واكلت وهي تباوع لمها باستهزاء وبرود ومها ميته من القهر
ارجوان وهي تگوم من السفرة: الحمدلله والشكر تسلم ايدچ مروة
مروة بابتسامه: بالعافية
ارجوان: الله يعافيچ
نهلة شافتهة گامت: انه هم الحمدلله والشكر عاشت اديچ مروة
مروة 😑: شكرا
مااهتمت نهلة ركضت ورة ارجوان وشافتهة دتصعد گامت تصرخ ووگعت روحهة بالگاع
نهلة بصراخ وتكمش بطنهة: ااااااااااااااااخ يمه لحگوووووووووووولي يمه ااااااااااخ
ارجوان وگفت علة الدرج اندارت برعب ونزلت ركض الهة بقلق: شبيچ نهلة هاي شبيچ
نهلة وهي تبچي بتمثيل وتصرخ بعلاة صوتهة: امشي من يمي حقيرررررة دفعتيني من الدرج ولچ لووووووووويش ااااااااااااااخ يمه لحگوووووووووووووولي بطني
اجوا الكل عليهة بقلق وارجوان ضلت حايرة وعقلهة ميستوعب الديصير الكل يباوعلهة باتهام وهي المتهمة واگفة بحيرة وتعب
نهلة بصراخ: يمه ابني حيموت وچ عمة لحگيلي حفيدچ حيموت
ام امير ركضت الهة بقلق وتشوف شي احمر عليهة وواگع بالگاع تخبلت: ولك يمه اميييير ابنك ومريتك الحگ
امير واگف ومصدوم ويباوع لنهلة ولارجوان وضل حاير ومماصدگ ارجوان حبيبته تدفع نهلة
