رواية صراع الشيوخ الفصل السابع والاربعون بقلم ليال القمر
ارجوان ضلت مسطورة تباوعلهم وهمة يطلعون ونهلة صريخهة واتهاماتهة ماوگفن علة ارجوان
گعدت علة التخم منهد حيلهة وهي تناظر للفراغ تحاول تستوعب اللي صار
مروة باوعتلهة بشفقة: حبيبتي لا تضوجين روحچ
ارجوان بضحك هستيري: شنو الديصير متحچين شو كولشي ما افتهمت
مروة بحزن 😟: ارجوان انتي بريئة واصلا نهلة مو حامل حته تطرحيهة
ارجوان باوعتلهة بصدمة : شنو شلون
مروة باوعتلهة بشفقة: حبيبتي لا تضوجين روحچ
ارجوان بضحك هستيري: شنو الديصير متحچين شو كولشي ما افتهمت
مروة بحزن 😟: ارجوان انتي بريئة واصلا نهلة مو حامل حته تطرحيهة
ارجوان باوعتلهة بصدمة : شنو شلون
مروة باوعت لعيون ارجوان الذبلانه وتشوفهة ترجف بضعف وكانما گوة متحملة: شوفي نهلة ومها.. راح احچيلچ كلشي
وبدت مروة تحچيلهة الكلام اللي تسمعه من غرفة نهلة وتگوللهة علة خطة الحمل حچتلهة كولشي وارجوان تباوع بصدمة حقيقية
ارجوان ببچي والم: 😢😢 يعني اللي بية سحر شگد تعذبت واحس روحي تطلع كولة من وراهن ليش هيچ يسون بية والله مسويتلهن شي والله 😢😢
مروة بحزن: الله يعينچ
ارجوان: زين شلون عورفتي
مروة: والله انه الصراحة اراقب نعيلة من اول مادخلت ليهسة ومو بس هاي انه گلت لرجلي علة سالفة السحر بس هو ماصدگ يگول چذب نهلة ماتسوي اهيچ عاد شني انه رحت وسجلت كلامهن وسمعته لمهدي وهو ضل مبهوت لا بيده يحچي ولا بيدة يسكت
ارجوان بتعب 😢: صعديني للسويت مالتي پليز
گامت مروة سندتهة وصعدتهة الدرج وارجوان تذكرت شنو صار قبل ساعتين
قبل ساعتين
ارجوان بتعب: امير تعبانه
امير: چا شلون امشي انه اشيلچ وانزلچ انتي ماتگدرين تطبخين
ارجوان بخجل: لا ماريد عيب هسة شيگولون علينه
امير بعيون وكحة : لويش انتي مرتي يالله حبيبي لو تردين تبقين بالسرير ترة انه ماعندي مانع... وهو يغمزلهة بنهاية كلامه
ارجوان باوعتلة بضيق وتعب: اوكي نزلني
رجعت لذاكرتهة ونزلت دموعهة ومروة دخلتهة للسويت
ارجوان بتعب: ميحتاج حبيبتي اني اكمل طريقي
باوعتلهة مروة بقهر تشوف جسمهة وشلون ترجف وماعدهة توازن؛ ماشي يالله انه رايحة
سدت مروة باب الجناح وارجوان گوعدت علة التخم بالصالة 😢😢: بعد ما اتحمل كافي عذاب
اتصلت علة امهة: الو هلو ماما..... تعالو علية بليز.... بعدين اگولچ.. ... اي صاير شي😭😭😭.. . ماما دزيلي قاسم يجيني... اوكي باي
سدت الخط وگامت تبچي بقوة وحزن والم مسحت دموعهة وگامت تمشي بخطوات ضعيفة دخلت لغرفتهة وشالت جنطة سفر صغيرة خلتلهة ملابس وغراض وعطور وكولشي تحتاجة بخلال هاي الفترة بدلت ملابسهة لفستان نيلي بي نقوشات مال محجبات وشال اصفر وحذاء فلات هم اصفر تنهدت وسدت سحاب الجنطة وسحلتهة وراهة وهي تستند علة الحايط گوة وتسحل بروحهة شافتهة مروة وكضت نزلت جنطتهة وابتسمتلهة بشفقة
مروة بحزن؛ لويش تطلعين من البيت
ارجوان وهي تمسح دموعهة: اريد ارتاح يم اهلي صارلي شگد اگولة لامير وديني وهو ميوديني
مروة: اخذتي الاذن منه
ارجوان 😷؛ لا اريد اروح هسة
طلعت من البيت وشافت سيارة قاسم جاية نزل قاسم من السيارة راحلهة بقلق
قاسم برعب: هاي شصاير بيچ ارجوان حبيبتي هاي انتي متأكدة
ارجوان بچت وحضنته بقوة: پليز لتذكرني وديني للبيت صايرة ما اتحمل اگعود بهاذة البيت يخنوگني
قاسم بحنان ودموعه بعيونه: ششش حبيبتي لتبچين
اخذهة ودخلهة بالسيارة وراح لجنطتهة خلاهة ليورة وركب السيارة ورة الدايرسكون وساق السيارة لبيت اهلة
🔸🔸🔸🔸🔸🔸🔸
امير يروح ويجي بالعيادة شاف الدكتورة طلعت راحلهة بقلق
ها دكتورة ابني شماله
الدكتورة وهي تتصنع الاسف: للاسف الطفل مات والام الحمدلله بخير
امير مثل الواحد ساطرة ضل جامد بمكانه وام امير ضلت تبچي علة الطفل ومها تتصنع البچي وحرگة الگلب علة نهلة
امير ضل صافن وميعرف شنو يسوي
الدكتورة باوعتله بمكر وهي تذكر شنو الصار
دخلو نهلة بغرفة الفحص
الدكتورة: ها نهلة بدت تمثيلتچ
نهلة: ششش درة دخيلچ انتي الوحيدة اللي حتسترني
درة: وشستفاد منچ
نهلة وهي تنزع الگلادة والسوار مالتهة: هاچ هذن الچ حق الچذبة
درة لمعت عيونهة وهي تشوف ذهب نهلة شلون ثگيل اخذته : اي ميخالف حزور التقرير ولا يهمچ بس لزوم اخليلچ بنج حته مايبين چذب واضم بطنچ بالشاش الطبي
نهلة بخبث: ميخالف بس لزوم تگولين للشيخ بان مايگدر يشوف بطني
درة بخبث: ماشي لخاطر مهاوي انه مستقبلتچ ترة
نهلة تمددت علة السدية ودرة بنجتهة وضلت گاعدة تنتظر وتلعب بفونهة هي والممرضات اللي وياهة ويسولفن وكولهن متفقات بانو ميسونهة العملية ونهلة تنطيهن فلوس علة تمثيليتهن
رجعت لذاكرتهة درة وتصنعت الرسمية: شيخ مايصير تكشف علة بطنهة خطر عليهة ومايصير تتگربلهة خلال هالفترة لان سوينه عملية
امير بس مدنگ راسه
ومها تبچي : كله من ورة ارجوان حرمت اب وام من شوفت ابنهم الله لايوفقچ يا ارجوان وين مارحتي
امير ضل ساكت واصلا مو يمهن
♕♕♕♕♕♕
ارجوان بحزن ودموع: وهاذة كول اللي صار
العم كريم عيونه صارت بگصته من العصبية: ايا چلبة تسوي هيچ ببنيتي
ارجوان وهي تشهگ بضعف وحزن والكل يباوعلهة بحزن وانكسار
العم كريم بندم؛ انه صوچي زوجتچ يابعد عمچ
جواد ضل مسطور وحچة بحرگة گلب: بعد ما الة مرة عدنه شوف شسوو بيهة انطيتهم وردة مفتحه وهسة جايتني ميته
العم كريم بحزن: اهدة ياخوي
جواد بعصبية: شهدة خووووية شهدة متگولي بنوتي شصاير بحالهة
الكل سكت وشمس حاضنه ارجوان اللي تبچي
العم كريم بجدية: جوااااد خوية بسرعه حضر السيارة نروح لحضرة ابا الحسن الامام علي سلام الله عليه وحته يقرة عليهة السيد
جواد وشمس وقاسم گاموا
شمس ببچي: گومي ماماتي گومي
ارجوان گامت بتعب وياهم
وانطلقوا ارجوان وامهة وابوهةواخوهة والعم كريم وندى مرتة كولهم سوة للنجف
®®®®®®®®®®®®®®®®®®
دخل امير بالبيت يسند نهلة اللي تبچي وتصرخ بكذب
امير بس ضل مدنگ راسه كولشي ماحچة شال نهلة للغرفة ونيمهة علة السرير
نهلة بتمثيل: وينهة كتالة ولدي وييييييييييينهة
امير بحدة: كااااااااااااافي بس تونين ارتاحي هسة بعدين نتفاهم بالسالفة
نهلة بحرگة: شني نتفاهم ماتگلي هاااا لو لان هية حبيبة الگلب ماترضة اعليهة
امير بعصبية: اسكتي كافي گتلچ ارتاااااااااااااااااااحي ماتسمعين
نهلة سكتت لان امير چان كولش عصبي وميتحاچة غمضت عيونهة ونامت
وامير باوعلهة بانكسار ودموعه نزلت علة ابنه اللي ماشف الدنيا طبگ الباب ورا وهو يروح للسويت ووجهة متجهم وميتحاچة
فتح الباب ودخل ما اشتم ريحتهة بالسويت استغرب وافتر علة السويت كولة ما لگاهة عيونه صارت بگصته ونزل جوة سأل عليهة محد يعرف وينهة
مروة وهي تشوفة يدور وحچت بحزن: شيخ اذا تدور علة ارجوان فهي راحت لاهلهة ترتاح
امير قبض ايدة بقوة يتوعدلهة لان طلعت بدون اذنه سحب فونه من جيبة واتصل بيهة بس يطلع خارج منطفة التخطية كسر الفون بالحايط وكسر الطاولة اللي گدامه وطلع من البيت بسرعه لبيت ارجوان والطريق كولة هو محترگ نار صاير عيونه تطلع شرار وقابض ايده علة الدايرسكون بقوة ويمشي سريع وگف بالباب مال البيت نزل من السيارة ودگ الباب بقوة وحرگة طلعله جاسم
جاسم باستغراب: شيخ!!!
امير بحدة: وووووووين مرتي
جاسم بجدية: السلام للله
امير وهو يدفعه بقوة ودخل للحديقة: ووووين مرتي گلت
جاسم كتم عصبيته: مو هنا
امير بعصبية وهو يلزم جاسم من ملابسة بحدة : شني مو هنااااااااااا وييييييييييينهة
زيد وهو يطلع من الديوان بهدوء: امير اهدة اخذوهة عمامي للسيد يقرون عليهة
امير ترك جاسم وتوجه ناحية زيد وهو يحچي بحرگة : ياااا سيد لاتخبلني
زيد سحب امير للديوان: اهدة هسة نفهمك
امير ترك ايد زيد وحچة بعصبية: شهدة ولك شهدة
زيد تنهد وسحبة للديوان غصبا ماعلي و امير لازم اعصابة گوة ويحرك رجله بعصبية
زيد بهدوء: امير ارجوان مريضة
امير باوعلة بصدمة : شني شمالهة بس شلون انه وديتهة للدكاترة وگالو مابيهة شي
العم ابراهيم : لا بيهة مرتك ومرت اخوك رايحين لساحرة مسويلهة سحر مال مرض
امير ضل مبهوت يباوع لزيد بعدم استوعاب
العم صگر : مرت اخوك مهدي گالت لارجوان علة سوالفهن وعدهة الدليل روح اتأكد بنفسك
امير ضل جامد بمكانه وزيد يكمل: ومرتك الاولى مو حامل چانت چذبة وانت اخذهة للمشفة واتأكد بروحك وسويلهة تحليل اذا چانت حامل لو لا
امير جامد ميعرف بعد شنو يسوي وزيد يحچيلة الحچي الگالته مروة لارجوان وامير بس جامد بمكانه
زيد: وهاذ كل الصار روح لمرت اخوك اسألهة وهي تگلك نفس حچيي واذا مو ازيد
العم صگر بحدة : چذي ياشيخ انطيناك وردة مفتحه تاليتهة تموتوهة
العم عالي بحرگة : بعد مالك مرة عدنه شيخ لانك ماحافظت علة الامانه
العم ابراهيم: خلاص يجي الشيخ ابو جاسم وهو يقرر شني يسوي
الكل سكت وامير صافن ماعندة اي ردة فعل والكل مستغرب من برودة
مرتك مو حامل
ارجوان ساحريهة
ارجوان مريضة
مرت اخوك تحچيلك
ارجوان ودوهة للسيد
كول الكلمات تتردد باذن امير كول شوي يترددن باذنه گام من مكانه ببرود: وين مرتي
العم عالي: ودوهة للسيد يقرون عليهة لحضرة ابو الحسن
امير هزله براسه وطلع ببرود ولا كأنو نفسة شعلة الكبريت قبل شوية
اما من داخلة لامير بركان جحيمي ركب سيارته وضرب الدايرسكون بقوة وغضب وعصبية: تضحكين علية يااااااااا ******
تنفس بغضب وتوجه للبيت يريد يسمع الادلة وصل گدام البيت وشحطت سيارته ودخل البيت بصراخ: ووووووووووينكم
الكل باوعلة باستغراب تقدم ناحيتهم مثل الذيب اللي هو لقبة : ووووووووين نهلة
مروة بلعت ريگهة وعرفت بانو عرف: اهدة شيخ
امير بعصبية وهو يكسر اي شي گدامه: گلت وينهة خلي تجي يمي
مها بلعت ريگهة بخوف ومروة گامت ترجف وغزل مستغربة ومنصدمه من هيجان امير
امير بعصبية : وين الادلة وين التسجيل منو الگالت لارجوان علة كلشي
مروة برجفة: انه شيخ
امير تقدم ناحيتهة ببرود عكس قبل شوية: انطيني التسجيل
طلعت مروة فونهة من جيب دشداشتهة وسمعتله التسجيل
نهلة: وليچ مها لويش لسه ما مرضت
مها: مادري والله باچر نروح لام خلف اگللهة تسوي واحد اقوة
نهلة بشيطانية: بالله انه لو مگضية حياتي بالسحر مو احسنلي الشغلة تصيرلي گبل
مها: چا شعبالچ هسة انه گضيت حياتي كلهة بالسحورة
مها انبهت لونهة وسجاد باوعلهة بشرار وامير يسمع بجمود
غزل راحت تجيب نهلة لان ام امير گلتلهة جيبيهة سحلتهة ام امير من دشداشتهة وخلتهة بالگاع: ادب تبس تچذبين وتسوين سحورة ادري انه جايبة چنه لو شيطانه بالبيت يا ****
نهلة برجفة: عمتي والل....
قاطعهة امير ببرود: شششش اسكتي
نهلة گامت تتراجف من امير لان برود امير هو ماقبل العاصفة
تقدم ناحيتهة ببرود ومكر: اممم صح نهلة انتي صدگ مو حامل
نهلة بدموع: ش..ش..شي..
قاطعهة امير براجدي: ماريد اسمع حسچ امشي للغرفة بسرررررررعه
نهلة ضلت تتراجف وامير صرخ بيهة : بسرررررررررررعه
ركضت للغرفة مالتهة وامير ابتسم ببرود وباوع لسجاد اللي يباوع لمها بصدمه: سجاد لا تسوي شي انتظرني
سجاد بعصبية: خووووية هاي سحارة
امير ببرود وشراسة: شششش اسكت گتلك ممنوع تمد ايدك ايدك عليهة ولاتصرخ بيهة
سجاد سكت وهو يتوعد لمها
امير بضحكة خفيفة وحچة بغموض: اي مها ماگتيلي منية السحارة وين بيتهة وشلون عرفتيهة
مها وجهة شحب من تشوف امير شلون يحاچيهة ويناظرهة: ت..تت..تع..تعر..ترفت..عل..عليهة
امير ببرود وهو يفتر داير مدايرهة : همممم حلو والله تعرفت اعليهة زين شني سويتي سحورة اللي گضيتي حياتچ بيه
مها برجفة: شي...
امير بصراخ: احچي
مها بدموع وهي تحچي بتلعثم وخوف : حته الشيخة تخطبني لسجاد
امير: حلو وبعد
مها بنفس اسلوبهة: وحته يتزوجني ويحبني و و و ءءءاءاءاا
امير ببرود : همممم و شني
مها برجفة : وحته اكون الكل بالكل هنا واطرد نهلة وارجوان بالنهاية
قاطع حديثهم من سجاد هجم عليهة بالضرب وشهم ومهدي مصدومين من مرت اخوانهم
ومهدي يباوع لامير بحزن وخجل لان ماحچة من البداية
ماهتم امير صعد فوگ لغرفة نهلة ودخل
نهلة تراجعت ليورة بخوف وسوتهة علة روحهة من الخوف
امير باوعلهة ببرود وقرف وتقدم ناحيتهة
وهنا نهلة ضلت بس ترجف بقوة وتنزل نظرهة للگاع تشوف عملتهة گامت تبچي بهستريا وهي تشوف امير اللي صاير بركان..
صراع الشيوخ
