رواية صراع الشيوخ الفصل الثامن والاربعون بقلم ليال القمر
ارجوان وهي نايمه علة چتف امهة بتعب وشمس تبچي علة حالهة
نزلو من السيارة وسندوا ارجوان ودخلوهة لبيت السيد وارجوان من قرالهة شحالهة صارت انهارت بالبچي والصراخ وتقيأت هاذة الشي الاسود
السيد: السحر كولش قوي ياجماعه لازم تتقيأ هاذة الشي الاسود حته تتخلص من السحر لان مبين مشربيهة
ارجوان ببچي والم : ماريد كافي تقرون كااافي
السيد وهو يكمل قراية عليهة وارجوان شالت روحهة ودگتهة بالم وتعذيب واهلهة يبچون علة حالهة المكسورة
غمضت ارجوان عيونهة بتعب وراحت لغير عالم
السيد وهو يكمل قراية عليهة وارجوان شالت روحهة ودگتهة بالم وتعذيب واهلهة يبچون علة حالهة المكسورة
غمضت ارجوان عيونهة بتعب وراحت لغير عالم
السيد: تزوروهة الائمة وهاذا المي تغسل بي وتقرة سورة البقرة و.....
ضل يحچيلهم شنو تسوي وارجوان فاقدة عن العالم
السيد: جيبوهة اللي يومية حته يروح منهة السحر لان السحر موجود بجسمهة ولازم تتقيأ هاذة السحر حته يروح منهة
العم كريم: يعني السحر بغير مكان صاير لو لا
السيد: لا شيخ بجسمهة مبين ينطوهة اكل او شي تشربه اللي يسوي بيهة هيچ
العم كريم: زين واذ مسويلهة سحر غير هاذ شلون يفك
السيد: لازم تطلعون السحر الثاني
جواد شال بنته وتشكر من السيد وطلعوا من يمه
تنبيه: هاذة المقطع كولش عنيف اللي ميحب يقرة هيچ شي ليقرا
امير ببرود وهو واگف گبال نهلة: اي نهلة
نهلة بخوف وهي گوة تبلع ريگهة: ش..
قاطعهة امير براجدي سطر خدهة واذنهة وشوشت ووگعت بالگاع
امير ببرود وهو يشوف المكان مبلل ابتعد عنهة واخذ حزامه وضربهة بي
نهلة برجفه: شيخ اسفة والله بعد ما...
قاطعهة امير وهو يجلدهة بدون رحمه واي صراخ منهة ماهتم بيهة اصلا عذبهة تعذب خلة جسمهة مزورگ من الحزم والاثر طابع بيهة ومحفور بجلدهة وحته دم يطلع منهة ووجهة عبارة عن طبع مال اثر الحزام
امير ابتسم ببرود وشالهة من شعرهة: ها نهلة تأذيتي
نهلة ببچي وتوسل: الله يخليك ارحمني ...
امير ضربهة راجديات واحد ورة اللاخ بقوة وجسمهة عبارة عن كدمات وهي تترجا يتركهة بس كول هاذة ما اثر
نهلة بقت عبارة عن حطام امراءة جسمهة عبارة عن اثار للحزام والكدمات والدم يجري منهة
شالهة امير من شعرهة وضحك ببرود: ههههه ها نهلة مو ترديني اگربلچ وهاذ انه گربتلچ
نهلة بضعف: ات.... ر... كن... ي
امير ضحك بهستيريا وتبدلت ملامحه للجمود: اي ترديني اتركچ موو بس انه ماريد اريد اعذبچ مثل ما عذبتيهة وعذبتيني بيهة يا ****
نهلة نزلت دمعه من عيونهة وهي تباوع لامير او لا هم مو نفسة امير هاذة الذيب گبالهة طلع وجهة الحقيقي الهة تنهدت بتعب والم وغمضت عيونهة حته تنسحب من هاذة العالم
امير وهو يصفگهة راجديات: لا تغمضين عيونچ بعدچ ماشفتي من الالم شي بعدچ
گام امير وباوعلهة صفح وطلع من الغرفة وراح للسويت دخل يسبح وهو متقرف لان دشداشته تبللت من وراهة
واگف جوة الدوش وشعره نازل علة عيونه ويحچي بقهر ودموعه تنزل : تعذبت كلش وانه مادري بيهة ااااااااه يا ارجوان والله الة اخذ حقچ منهة بكل اااه صحتي بيهة كل ونه الم كل تنهيدة تعب حسويلهة يا اضعاف
ضرب ايدة بالحايط الگدامه وسد الدوش ولف المنشفة علة خصرة وطلع من الحمام لبس دشداشة لونهة كريمية وگعد علة السرير بقهر يباوع علة صورة ارجوان اللي معلگه اخذهة من الحايط وخلاهة علة گلبة ودموعه نزلت بقهر
امير: اااه فراگچ صعب والله صعب شلون حالچ هسة هم تتأذين لو لا
سحب فونه واتصل بيهة ينتظرهة بلهفة
الو
امير بجمود: منهو وياي
شمس بصوت مبحوح: اني امير ها عيوني تريد شي
امير بقلق: وين ارجوان
شمس: نايمه
تنهد امير بتعب : شلون حالهة
شمس بصوت گوة يطلع من البواچي: شحچي امير بنتي بين الحياة والموت چانت طلع هاذة السحر قاتل اذا ماطلع منهة تموت 😢😢
امير انسطر وحچة بحدة: شنهو عمتي وضحيلي اكثر شني تموت
شمس بحزن: امير ابني ارجوان مسويلهة سحر فراق ومرض والفراق هاذه مو طلاق لا فراق الموت
امير وجهة شحب باوع لصورتة اللي تبتسم وگاعده علة البحر بامريكا نزلت دموعه وحضن صورتهة باشتياق وخوف من تتركه: وهسة شنسوي عمه
شمس: اذا تريد انت تعال وشوف حالهة
امير بلهفة: اي جايكم انه بس انتو وين بالضبط
شمس: احنه هسة بفندق&&&&
امير گام وهو ينزع دشداشته ويلبس غير لبس ملابس مال طلعه: انه جايكم عمه انشالله باچر انه يمكم
شمس: امير عيوني مرتك مسوية سحر ثاني غير هاذة لازم تطلعه لان هو هاذة مال الفراق
امير عيونه اسودت: انشالله عمتي لاتشغلين بالچ حطلعه
شمس وهي تباوع للساعه چانت بال١٢ بالليل : اوكي يا الله مع السلامه
امير باستعجال: الله وياچ
سد الخط وعيونه تطلق شرار طلع من السويت وفتح الباب بقوة علة نهلة اللي نايمه علة السرير بضعف وخر اللحاف منهة وشالهة من شعرهة وحچة بحدة : وين السحر الثاني
گعدت نهلة بفزع: ءاءا
امير بحدة: وين السحر الثاني
نهلة بضعف: جوة السرير مالتهة
امير عافهة وطلع ركض للسويت يدور جوة السرير لگه قطعه قماش ملفوفة شالهة بقرف وطلع من البيت ركب سيارته وتوجه للنجف
⚡⚡⚡⚡⚡
حسن بحزن: ها زيد بت عمك شلون صارت
زيد: ماعرف والله ودوهة للسيد همة
حسن وهو صافن علة الشط وسمع صوت موبايلة باوعلة لگاهة هي ابتسم بعشق وابتعد عن زيد يحچي وياهة
زيد باوعله وضحك علي
انتهة حسن من المحادثة وگعد بصف زيد
زيد بخبث: شكلك حسون حتدخل القفص الذهبي
حسن بلمعه حب وهو يضحك: ههههه انچب ولو اي الله يسمع منك
زيد: ههههههه انه حصير اب وانت حتدخل علة الخط وياي
حسن بابتسامه: اي انشالله
زيد بفضول: عليك الله گلي شلون تعرفت عليهة
حسن وهو يتذكر لقائة بيهة
حسن يمشي بغرور وارتطم بوحدة
البنية: انت اعمه متشوف
حسن بصدمه: انه لو انتي
البنية بحدة وهو تأشر بايدهة : دروح لك هو منو الگاعد يمشي اعوج غيرك
حسن بعصبية: احترمي روحچ ياحرمه
البنية بتحدي: شنوووو عيني ماسمعت زين
حسن بغضب: شني هاي لسانچ شطولة متبري منچ هو انتي هالطولچ تتحچن وياي شني
البنية بغرور: وشبي طولي يخبل قزومه مو مثلك عامود عابتلك اي والله چنك وجه طاوة
حسن فتح حلگه بصدمه والبنية باوعتله بتكبر ومشت من يمه وحسن عصب ويصيح عليهة وهي ولا يمهة تعدت من يمه بغرور وكبرياء امرأءة
رجع حسن من ذاكرته وهو يبتسم مثل الابله
زيد: هيييييييو عطيوي ابو الگنيو وين راح بالك
حسن: ها اي شمالك تصيح
زيد ببرود: چا غير تگلي شلون التقيت بيهة
حسن: دعمتهة بالغلط ولسانهة شطولة وثاني مرة هم گاعد امشي وهي عثرت وانه لزمتهة وتشكرت مني واحزر شگالتلي
زيد: شني
حسن: تگلي يا هاذة انت العامود ابو وجه طاوة المهم كثرت لقائاتي وياهة بس يابوية شگد عنودية وام اللسان حبيتهة رغم لسانهة بس گلبهة حنون وطيبة ووگعت مثلكم بالنهاية ومرمرتني تمرمر لحد گبل شهر يالله رأفت بحالي ورضت نرتبط
زيد:چا والنسوان والشرب حتتركهن
حسن: اي طبعا اصلا انه من حبيتهة تركت كلشي لخاطرهة
زيد: هممممم خوش تسوي
حسن وهو يگوم: يالله انه رايح للديوان اشوف شصاير لان امير طالع للنجف
زيد: ها يعني لحگهم
حسن: اي من الصبح هو داخل للنجف
گاموا ثنينهم يكملون سوالفهم
🔸🔸🔸🔸🔸🔸
امير وهو يباوع لارجوان النايمه بحزن وهو يلعب بشعرهة: حبيبتي ارجوان يالله گومي
فتحت ارجوان تك عين تباوعلة گمزت من مكانهة: هاي شجابك هنا
امير وهو يبتسم الهة: صباح العسل حبيبتي
ارجوان بتوتر: احم صباح الورد
امير وهو يبوسهة بخدهة بحب: يالله گومي بدلي حته نتريگ ونزور
ارجوان لحد الان ما مستوعبة رجعت خصلة من شعرهة ورة اذنهة : شوكت اجيت
امير تنهد بتعب وخلة راسه برگبتهة وحضنهة بتملك: ساعه بالاربعه الفجر دخلت النجف
ارجوان وهي تباوع للساعه لگتهة بالتسعه: امممم اوكي بس ابتعد شوي حته اگوم
باسهة امير برگبتهة وابتعد منهة وابتسم بتعب
ارجوان بقلق: امير ليش هيچ وجهك تعبان
امير بحب: حبيبتي ماكو شي بس لان مانايم
ارجوان صفنت علي وابتسمت واخذت راسه نيمته علة صدرهة: يالله نام
امير ابتسم بتعب خل راسه بصدرهة يشتم عطرهة تنهد بارتياح وغمض عيونه ونام
ارجوان انقهرت علي وتلعب بشعره وغمضت
عيونهة ونامت من التعب اللي ابد ميفارقهة يخليهة دائما تعبانه وكسلانه
فتحت عيونهة علة لمسات بوجهة باوعتله لگته امير يبتسملهة
ارجوان:شگد الساعه
امير: بال١ الظهر
ارجوان گمزت وباوعتله: معقولة كول هالوقت اني نايمه
امير: ارتاحي حبيبتي شگد ماتردين تنامين نامي
امير: ارتاحي حبيبتي شگد ماتردين تنامين نامي
ارجوان باعتراض: لا شنو السالفه هاي ليش هيچ انام هواية اوووف
امير اخذهة بحضنه وهو يمسد علة شعرهة: لا تعبين روحچ ارجوان نامي ارتاحي
ارجوان باوعتلة ببرائة: زين انت شجابك يمي وشلون وماما وبابا وين
امير: گلتلهم عوفوهة يمي انه ازورچ وافرچ وهمة طلعوا يزورون ويفترون شوية
ارجوان وهي تخلي اصبعهة جوة فكهة وتفكر بطفولة : اممممم امير مشتهية عصير ليمون
امير باستغراب: عصير ليمون واول ماتگعدين شني هاي
ارجوان باوعتلة بملل: اي مشتهيته شنو يعني
امير تنهد: ماشي حجيبلچ بس ممنوع تطلعين من الغرفة
ارجوان بعناد : ماااا اروح وياك شنو تتروكني هنا
امير: اي بدلي بالاول
ارجوان گامت ودخلت للحمام غسلت وطلعت لافة منشفة عليهة: امير پليز اطلع اريد ابدل
امير : لا علة شنو طالع اني زوجچ
ارجوان بخجل: امير كافي شگد منحرف
امير بضحك: ههههه
ارجوان ابتعدت ليورة من شافت امير يتقربلهة وعيونه وكحة
ارجوان تمثل البچي وتضرب رجلهة بالگاع مثل الطفلة: لا امير والله مو وكتك
و.....
💖💖💖💖💖💖
كرم واگف ويباوع بغموض: كرار
كرار: ها شيخ
كرم باوعلة بنظرة كرار كولش زين يفهمهة
كرار: عايشين حياتهم عادي خلاص يابن العم اتركهم
كرم ببرود: اصلا بعد متهمني حته حبي الهة انمحه من طلگتهة علة شنو افكر بيهة
كرار: اي واضح
كرم ببرود وهو يباوع للحلقة اللي بايدة: انه احبهة وماريد افكر بوحدة ثانية غيرهة
كرار بابتسامه: وخصيصا من هية حامل بابنك يابو...
كرم بشرود: ابو جاسر
كرار بابتسامه: اي ابو جاسر شراح تسوي
كرم باوعله ببرود: مراح اسوي شي لخاطر زوجتي وابني ماريد ادخلهم بالثارات حنهي كلشي واعلن السلام
كرار بتشجيع: خوش تسوي بس امير هاذة عدوك من الصغر
كرم ابتسم وهو يتذكر عيونهة الخضر وابتسامتهة اللي تخبلة ماهتم لكلام كرار وتجاهلة : انه رايحلهة اشتاقبتلهة
كرار ضحك علة كرم اللي اختفه من گدامه
(مراح احچي قصة كرم لان الة قصة خاصة )
كرار بعد ما اختفه كرم من گدام: ماطول تجاهلني يعني بعدة الصراع وية امير ... تنهد.... بس يمكن بعد ميهتملة اي اظن
هل ياترى انتهة الصراع بالنسبة لكرم لو بعد اكو مفاجآت بانتظارنه
🔸🔸🔸🔸🔸🔸🔸
امير وهو گاعد گبال ارجوان يباوعلهة بضيق وغيرة وهي متجاهلته لان تعرف سبب ضيقة
ارجوان وهي تشرب العصير وتباوعله ببرود: ترة راح اتسمم من نظراتك
امير نفخ بضجر وهو يباوع للناس بقهر
ارجوان ابتسمت بخبث: شبيك امير ليش متضايق
امير 😒: ارجوان يعني كلش واضحه نظراتي من لبسچ الضيگ
ارجوان بملل وهي تدير عيونهة: اميير شبيك لابسة جبة سودة بعد شتريد هسة مو زين من لابسة جبة مو فستان ملون
امير رص علة سنونه: حته اذبحچ غير
ارجوان ببرود: الفاظك امير صاير كولش محلوة ترة اني مو عدوتك حته تحچي هيچ وياي
امير بس يدعي من الله سبحانه ينطي الصبر
ارجوان وهي تتنهد بتعب: شصار بالبيت واصلا شلون اجيتني بعد اتهامات نهلة الي
امير بجمود: لا تجيبين سيرتهة علة لسانچ
ارجوان باستغراب: مافهمت
امير ابتسم ببرود وعيونه تطلق شرار: احسن لاتفهمين
ارجوان خافت منه لان هو دائما طيب وحنون وياة: احم المهم اطلبلي بعد عصير اشتهيته
امير صفن بيهة وهز راسه وصاح للنادل طلبلهة عصير مرة ثانية والنادل راح
ارجوان صافنه بملل تباوع للناس حست باحد يحط ايدة علة كتفهة اندارت وانصدمت
ارجوا بصدمه: سررررررى
سرى: ولچ ارجوان هاي انتي شلون متغيرة يالله
ارجوان حضنتهة وابتسمت بوجهة: شلونچ شلون الاطفال
سرى بحنان: الحمدلله بخير
ارجوان: شلون انتي هنا اقصد يعني انتي عايشة بالبصرة
سرى: هو گلت لرجلي يودينه للنجف هم نونس الجهال وهم نزور
ارجوان بابتسامه راقية: اممم ماگتيلي شلون الاوضاع بالبيت رقية وسهى شلونهن خالتي
سرى: الحمدلله بخير بس رقية كلشي منعرف عنهة من راحت فصل لحد الان وسهى تزوجت ابن عمي قثم
ارجوان: امم الحمدلله بس لتخافين انشالله رقية بخير
امير واگف مصدوم يباوع لارجوان وسرى ويباوع للاطفال اللي كامشتهم بايدهة انتبه علة سامر واحتدت نظراته وعرفة هاذة اخو كرم
امير بجمود: ارجوان حبيبتي يالله نروح
ارجوان بحماس: لحظة امير پليز خليني اعرفك علة سرى
امير: اهلا خيتي
سرى دنگت راسهة: هلة بيك خوية
سرى: صدگ ماگتلچ كرم تزوج ومرته حامل
ارجوان تتصنع الابتسامه: احم اي الله يوفقة
اندارت لامير وشافته عبارة عن بركان توترت: احم يالله حبيبتي خاف زوجچ يريدچ يمه لان ماشاءالله يباوعلچ ومبين يغار عليچ
سرى ضحكت وتغشت بالعباية: هههه اي هو غيور يالله مع السلامه والله يوفقچ بحياتچ
ارجوان ابتسمت: ويوفقچ حياتي باي
راحت سرى وگعدت علة طاولة شوية عنهم
امير بحدة: شلون تحچين وياهة تعرفين ذاك منو
ارجوان: امير شبيك تعرف هاي البنية شگد ساعدتني ودائما تحميني شنو ذنبهة اذا چانت چنتهم
امير نفخ بعصبية وضيق: لاتجيبين سيرتهم گدامي
ارجوان ماهتمت شافت النادل جابلهة العصير التمعت عيونهة وتشربة باستمتاع وشهية وامير يباوعلهة باستغراب من تصرفاتهة
ارجوان كملت العصير: يم يم اريد بعد امير پليز جيبلي حامض
امير باوعلهة بصدمه: انتي شجاچ علة الحامض ترة انتي ماتغديتي بس تشربين عصير
ارجوان بنعواص: امير پليز جيبلي بعد والله مشتهيته
امير گام وسحبهة: امشي
راح طلبلهة عصير بالگلاص البلاستك اخذة وطلعوا وارجوان تشرب العصير بشهية
دخلو زارو وصلوا وضلوا گاعدين بالامام والتقوا بشمس وجواد والعم كريم وندى وقاسم وگعدوا كولهم يسولفون
العم كريم؛ يالله بوية گومي نروح نفك السحر
گاموا كولهم وارجوان ساندهة امير لان لحد الان بعدهة تتعب راحوا للسيد فك السحر وقرة عليهة وارجوان هم نفس الحالة تبچي وتتعذب وامير حاضنهة وعيونه حمر لان حبيبته هيچ تتعذب وهو مابيدة شي
شالهة امير بعد ماتقيأت هاذة الشي الاسود
السيد بابتسامه: انشالله يومين لو ثلاثة وترجع مثل قبل وانشالله هم احسن باذن الله
الكل: انشالله
طلعوا من السيد وراحوا للفندق كول واحد بغرفته
امير وهو يقرة سورة البقرة علة ارجوان وارجوان تبچي وتصيح بالم وهو دموعه تنزل علة خدة من يشوف تعذبهة استكانت بعد مده بحضنه وتسمعله وهي مغمضة عيونهة بتعب وشربهة امير من المي المبارك مال نية الشفاء وغطاهة ونيمهة بحضنه يلعب بشعرهة
ثاني يوم گعدت ارجوان بتحسن الكل لاحظ التحسن علة وجهة حته وجهة مو مثل قبل شاحب مثل الموات قل تعبهة وصارت انشط وراحت للسيد وهالمرة ماصرخت ولا شي چانت هادئة كولش وامير ابتسم بسعادة لان بعد متتألم مثل قبل
ارجوان وهي گاعدة بصف امير بالسيارة : امير خلينه نروح للحلة
امير ابتسم وگرصهة بخدهة: تأمر الاميرة
ارجوان ابتسمت بارتياح لان كولما تروح للسيد تحس روحهة القديمه ترجعلهة
راحوا للحلة وافتروا وارجوان تحمل وتشتري بالملابس وامير فرحان لان دترجع مثل قبل
ارجوان وهي تگعد بتعب علة الكرسي اللي بالمول: والله تعبت بعد ما اطلع
امير وهو يلهث بتعب : هو انتي لو انه التعبت صارلي بالخمس ساعات امشي وياچ بالسواگه ادري هي قطع ملابس لبسيهة وفضيهة الة تعاينيهة وتدققين وتدحگينهة ماركة لو لا حته تشتريهة
ارجوان بعناد: ماا لعد تريدني البس ملابس محلوة لازم يكونن ماركات ويكونن ملائمات للون بشرتي وجسمي
امير رص علة اسنانه بحدة وهو راح يفقد اعصابة: يعني كل هاذة علمود ملابس وانه حسبالي مايعجبنچ
ارجوان ببرائة: لا هنة حلوات بس بيهن عرض شوية واكو منهة متعجبني نقشتهن لهاذة السبب لازم اختار شي مناسب اللي ولجسمي حته اطلع حلوة
امير تنهد من لغوتهة الزايدة: هممم گومي متت من الجوع اريد اكل
ارجوان: يالله اكو مطعم بداخل المول امشي نروح بي
راحوا اكلوا وكملوا وامير الغيرة مالته مابطلهة ابد كلشوي خازر واحد يباوع عليهة ويرجع يباوع لحب حياته بابتسامه ميريد يخرب عليهة الجو
ارجوان بمرح وحماس: امير شوف ذاك الجاكيت كولش حلو ليش متلبس لبس كاجوال
امير باوعلهة ببرود: انه شيخ هاذة لبسي
ارجوان 😞: وشنو يعني شيخ هنة ملابس مراح يضرنك ترة ولا راح يقللن من قيمتك بالعكس تصير كيوت
امير باوعلهة 😐 بهاي النظرة وهي تباوعلة ببرائة
ارجوان وهي تجر ايدة: يالله امشي نروح نلبسك علة الموديل واغيرلك النيولك مالتك 😜
امير تنهد ومشه وياهة وهي كلشوي تخلي يلبس شكل
ارجوان 😍😍: وااااو طلعت كيووووت كولش ليش ظالم روحك بالزي العربي
امير 😒: شني قصدچ انه اخزي
ارجوان بضحكة بريئة: لا لا بس طلعت احلة شبيك متخلي احد يمدح بيك
امير باوعلهة بعشق ميريد شي بالدنيا بس هي لامشيخة ولا فلوس ولا سيارات ولا شي بس هو وهي
ارجوان باعت لنظراته وابتسمت وبادلته نفس النظرات اللي هو مامفتهم شنو سبب نظرتهة اللامعه المملوءة بالبرائة والحب
دفعوا حساب الملابس وامير شايل العلاليگ بايدة وارجوان بس تلغي رجعت لطاقتهة وسوالفهة وهو فرحان لان يشوف حالتهة النفسية تتغير وحته شكلهة ديتحسن
رجعوا للنجف وباتوا مرة ثانية وگعدوا الصبح وزاروا الامام وراحوا للسيد وهو اكدلهم بانو هي بخير وانتهة السحر من جسمهة لان اخر مرة ذبته كولة وگامت تبچي بالم وطلعوا من يمه وتوجهوا لكربلاء حته يزورون ارجوان وطبعا هم بقوا بكربلاء
اختصرتلكم الاحداث لان ماكو شي جديد كولة حياة عادية ومابيهة احداث وطبعا بقوا بكربلاء اسبوع رجعت ارجوان افضل من قبل ووجهة رجع لونه واختفه السواد من جوة عيونهة وحته جسمهة صار اشوة من قبل وصارت تنشاف شوية لان قبل چانت عبارة عن جلد وعظم وطبعا ام ارجوان وابوهة رجعوا والعم كريم ومرته رجعوا قبلهم
ارجوان بحماس: خلينه نروح لبغداد حته اشوف خالة نجلاء
امير وهو يباوع للفون ويتنهد: حبيبتي ماگدر صارلي 11يوم تارك الديوان علة اخوتي وابن عمي وحته الشغل مالتي لازم اروحلة
ارجوان بحزن چنهة طفلة: اوكي اتركني ببغداد يم خالاتي وانت روح ومن تكمل شغلك تعال عليه
امير باوعلهة نظرة خلتهة تسكت
ارجوان ببرائة وزعل طفولي: بعد ما احچي وياك لان ماوديتني
امير اخذ نفس يهدأ روحه وميطلع القضى والمضى بيهة : ارجوان كافي تلحين
ارجوان بعناد: مااا وديني يم خالاتي مشتاقتلهن
امير زفر الهوة بضيق من ملحتهة
ارجوان بدلال: امير ارجوك وديني ارجوك
امير بغيرة : وتتركيني ماكو تضلين يمي هو انه ليلة وحدة ماگدرت افارگچ انوب ايام
ارجوان وهي تباوعله ببرائة خلته غصبا ماعلي يوديهة لبغداد وهو متضايق من نفسة هو الذيب اللي اذا يگول شي يتنفذ مو هي تگعود تدلل براسه وتخلي يرضخ الهة بالنهاية
وصلهة گبال بيت خالتهة وهو قابض علة الدايرسكون بقوة وعصبية والغيرة مشتعلة عندة
ارجوان باوعتله بطرف عينهة ابتسمت وباسته بخدة: ميرسي امير
امير جمد بدمه من بوستهة باوعلهة بصدمه
ارجوان بلطف ورقة: لتزعل مني امير پليز لان والله مشتاقتلهن كومه اوكي مو تزعل
رادت تنزل بس هو جرهة من اديهة وخلة ايدة ورة راسهة واخذهة ببوسة عميقة يعبرلهة عن حبه وشوقة الهة ابتعد عنهة من طلبت هوة
امير: طلعي بسرعه گبل لا اتهور اكثر
ارجوان خجلت منه ونزلت من السيارة وامير هم نزل واخذ جنطتهة ونزلهة ويا
ارجوان وهي واگفه گبال البيت وطرقت الباب طلعلهة رائد
رائد بابتسامه : هلة ببنت خالتي شلونچ ولچ
ارجوان: هلاو رائد اني بخير انت شلونك
رائد: بخير الحمدلله تعالو دخلوا ليش واگفين بالباب
دخلت ارجوان للحديقة وامير
رائد وهو يصافح امير: اهلا بالشيخ شلونك
امير عصر ايدة وابتسم بتصنع: الحمدلله
رائد كتم ضحكته لان امير چان يباوع علة ارجوان بغيرة : احم تفضل ارتاح
امير: لا لزوم اروح عندي شغل عن اذنك
رائد: الله وياك درب السلامه شيخ
ارجوان رادت تدخل جوة بس بعدين اندارت لامير وركضتله وامير تفاجأ بيهة من حضنته بقوة
ارجوان بحب: حشتاقلك هواية
امير ابتسم بحب وباسهة بخدهة: وانه هم
امير همسلهة بأذنهة بحدة: اگسر راسچ اذا اختلطتي وية هاذة المسودن
ارجوان تفاجأت بي وضحكت عله غيرته: اوكي اكو اوامر ثانية شيخ امير
امير: وتلبسين لبس مستور وممنوع شعرچ يطلع ضمي زين ولاتتنعوصين ماشي
ارجوان ابتسمتله بهدوء: اوكي يالله باي
امير ابتسم بعشق خالص وباسهة بشفايفة برقة وابتعد منهة وطلع
ارجوان سدت الباب ورا وابتسمت بخجل وباوعت وراهة مالگت رائد حمدت ربهة مالگته چان صارو معرض سينمائي
دخلت وسلمت علة خالتهة اللي استقبلتهة بحرارة وسلمت علة سائد اخو رائد
وگعدت نجلاء تستفسر عنهة وتحچيلهة عن حياتهة وعن سوالفن اللي متخلص
❇️❇️❇️❇️❇️❇️
امير وهو يلوم نفسة: هسة انه لويش وافقت خررررب حنحرم من شوفتهة الله يصبرني انه الذيب اللي محد يرفض اوامري ارجوان ترفضة ااااااه علة علة هاذة الگلب الضعيف اللي يرضخلهة دايما اووووف هسة شلون افارگهة والله اشتاقيتلهة من هسة خرررررب ببلسيك يا شيطان لحظة هو ابليس شيطان شني هالغباء العندي خررب حته عقل مضل عندي بسببهة
يسوق علة اعصابه وكلشوي يلوم روحه ويضرب الدايرسكون ونزع الغترة وينكش شعره بعصبية ودگم دشداشته فتحهن الاولى وشعره نازل علة عيونه منطي منظر جذاب
الكاتبة تحچي وياكم
الكاتبة : وصاير صاااااااك 😍😍 موتن قهر يابنات تحلمن تحصلن هيچ شيخ يخبل اني اضل ادعي ليل ونهار حته احصل علة زوج يشبه خلقته الي تخبل
سؤال للبناااااااااات : الله عليچن منو تريد مثل امير يحبهة ويموت عليهة وعندة كولشي جاوبن بصراحة ؟
~_~_~_~_~_~_~_~
مرت الايام بسرعه وصايرالهة ارجوان اربعه ايام يم خالتهة نجلاء ودگ سوالف وونسة ونجلاء فرحانه بيهة لان هي ماعدهة بنات بس ولد ثنين
وامير كلشوي يتصل بارجوان يگوللهة شوكت تجين وهي تگولة بعد وهو يشيل روحه ويرگعهة من العصبية والغيرة بعد ميتحمل فراقهة اكثر اخذ مفاتيح سيارته وراح لبفداد يجيبهة
سجاد اخو امير طلگ مها ومنعهة من الحضانه وعمار ابنه بقة يمه وهي تبچي علة ابنهة ليل نهار
نهلة من رجع امير هم سگطهة تسگط وطيح حظهة وامير طلگهة وذبهة ببيت اهلهة واهل نهلة حاروا شسوو بيهة لان رادت تموت ارجوان وسوو گعدة عشاير عائلة ارجوان وعائلة نهلة وعائلة نهلة مستحين منهم وقرروا ينطوهم تعويض بس عائلة ارجوان رفضوا اي شي منهم وگالوا بس خلي تبتعد عن بنتنه وتتركهة بحالهة ونهلة وعدت وعد تتركهة وبعد متجي يمهة وانسدت السالفه
الكاتبة: كللللللللللللللللللوش خلصنه من نهلة او اگول نعيلة لان هاذة الاسم يلوگلهة واني اكثر وحدة فرحت بطلاگ مها كللللللللللللللللللوش منو فرح بطلاگهن ؟؟؟؟؟
سؤاااااااااال: منو فرح لان امير طلگ نهلة ؟
✳️✳️✳️✳️✳️✳️
وگف امير گبال بيت خالة ارجوان دگ الباب وطلعلة سائد: اهلا بالشيخ امير تفضل
دخل امير بعد ماسلم علي
دخلوا للاستقبال والله انه جاي علة مريتي اخذهة
ساةد بابتسامه: انشالله هسة اگول للوالدة تناديلهة حته تحظر روحهة
امير ابتسمله بامتنان ورة شوية لگه الباب تنفتح وتگمز علي ارجوان تحضنه بسعادة: امييييييير شلونك مشتاقتلك هواية بعد لتتروكني
امير ابتسم وحضنهة: علة كيفچ بوية سؤال ورة سؤال وتعاي انتي مو تگولين اريد ابقة شو هسة لويش تركتني چا مو انتي ردتي
ارجوان 😶😶: امممم
تنهد امير وابتسملهة بارهاق ة امشي يالله حظري غراضچ نروح للبصرة تعبت الطريق شطولة
ارجوان ابتسمت برقة وطلعت تحظر غراضهة بحناس وخالتهة زعلت
نجلاء بزعل : لا حشتاقلچ خبلة
ارجوان وهي تبوس خالتهة: واني هم خالتوو كولش حشتاقلچ 😜
نجلاء: اممم انتي ضحكي علية بكلامچ
ارجوةن وهي تضحك خالة صارلي اربعة ايام علة گلبچ ماتعبتي مني
نجلاء وهي تبوسهة بخدهة يممممه فوة تخبلين ولچ شنو تضوجيني اصلا بالعكس ونستيني
ارجوان وهي تغمزلهة: خالة زوجي سائد ورائد حته يصير عندچ چناين يونسن وحدتچ
نجلاء:انشالله يوم المنى ارگصلهم بچفية غير
ارجوان هههههه هاي هيچ تردين تزوجيهم
نجلاء: ماكو وحدة متتمنه ابنه يستقر جونتي
ارجوان ابتسمت ابتسامه راقبة وحضنت خالتهة وسلمت علة طارق زوج خالتهة وعلة سائد ورائد وطلعت لامير اللي گاعد بالسيارة
ارجوان باشتياق: يااااه واخيرا حرجع
امير ابتسم وشبك ايدهة بايده وباسهة بعشق: فراگچ صعب جوهرة گلبي
ارجوان بتساؤل: امير ليش تصيحاي جوهرة قلبي
امير بحالمية: لان اسم ارجوان هو حجر نادر وانتي جورهرة الامير
ارجوان ابتسمت بدفو: اممم حلو معنى اسمي يلائم اسمك
امير : چا غير انتي جوهرة الامير يعني الجوهرة النادرة
ارجوان ابتسمت وباوعت للطريق ة تصدگ ماكو ولا جزء من الثانية فكرت تكون زوجي
اميربحب وهي يناظر للطريق ويباوعلهة بنفس الوقت : انه من اول ماشفتچ عرفتچ حتكونين ملكي
ارجوان تنهدت بارتياح وخلت راسهة علة چتفه وامير مستمتع بقربهة منه بوعلهة بحب ورجع انتباهة للطريق
ارجوان: امير اريد حامض
اميرضرب جبهته بايدة: ادري شجاچ انتي وية الحامض
ارجوان برجاء: ارجوك والله مشتهيته راح اموت علي
امير تنهد وهو يروح لسوبر ماركت نزل اشترالهة چبس وعصير وكول النمنمات بالحامض دخل وانطاهة العلاگة وهي تاكلهن بشهية باوعلهة وابتسم علة منظرهة البريئ اللي يعشقة
ارجوان بتلذذ: يممممممم يخبل الحامض
امير ضحك عليهة وضل يباوعلهة كلشوية ويندار للطريق
✴️✴️✴️✴️✴️✴️✴️
جومانه بعصبية: زيييييد ياخبيث تعال وكيح
زيد بضيق: شمالچ
جمانه: امشي روح اغسل لعبت نفسي بعطرك
زيد بصدمة: يابة هاذة مو العطر اللي تعشقي گبل شغيرچ هسة لو هم خبالات الحمل
جمانه بعصبية وهي شايله الخاشوگه: شنووو قصدك
زيد وهو يتصنع الخوف: لا بوية كلشي ماگلت خلاص حغسل وافضهة
دخل زيد للحمام وهو يتذمر علة جومانه وخبالاتهة من حملت لحد الان وهي بس تعصب علي وتگولة طب اسبح وزيد متفهمهة لان يعرف تغيرات الهرمونات ولو هو گوة متحملهة لان تستفزة بس هو يسكت ويحاول يرضيهة بس كول هاذة يزيد حبة الهة لان حامل بابنه اللي زرعوا ثمرة حبهم سوة
الاء وهي تصرخ بنور: وليييچ نويرة تعاي ليچ
نور بطفولة: يمه حبابة اريد گصيبة ماريد ذيل حصان
الاء: تعاي اسويلچ ذيل حمار هم مو حصان
نور وهي تركض والاء تركض وراهة وكامشة المشط بايدهة
انسام وهي توكل ابنهة: يالله حبيبي
الطفل باوعلهة بتذمر وناد وهو يذب الخاشوگة بوجه انسام
انسام بعصبية: انه اعلمك ياخبيث انع اوريك
عادل وهو يضحك علة شكل انسام اللي وجهة تلطخ بالمرگه: ههههه
انسام: اهئ بعد ما اوكلة لعب روحي
عادل وهو يغمزلهة بخبث : حبيبتي حمدي ربچ علي هسة مزين ماسطرتلچ ثلاثة بعد
انسام: عاااااااااادل
ضحك عادل بخبث علة انسام اللي تباوعلة بعصبية وخجل
شمس بحب: جودي مشتاقة لارجونتي گول لامير خلي يجيبهة يمنه
جواد بحنان: انشالله
ابتسمت شمس بارتياح علة زوجهة المثالي اللي يحترمهة ويحبهة وداةما يتخذون قراراتهم سوة وبكولشي مشتركين
قاسم بملل: بااااابااااا شوكت اعرس ترة صارلي شگد متاني دالية
جواد: انشالله هالايام مابقة شي
قاسم: صارلي اشهر ادري هو اليريد يزوج ينتظر هالگد عالبو شنو لازم تطلع من بيت اهلهة
شمس: اي ياحبيبي غير عمهة عايش بالحلة وانت تاخذهة منه مو تاخذهة بطرگ ملابسهة
شمس: اي ياحبيبي غير عمهة عايش بالحلة وانت تاخذهة منه مو تاخذهة بطرگ ملابسهة
تنهد قاسم بضجر لان صارلة شگد ينتظر عرسة لان اهل دالية حيرجعون للعراق ويسلموهة الة بس هو دينتظر رجعتهم اللي هالايام حيرجعون علمود عرس بتهم
🌹🌹🌹🌹
ارجوان واگفة بقلق تباوع لروحهة بالمراية وتتنهد بتوتر صايرلهة اكثر من اسبوعين من رجعوا للبصرة باوعت للعلبة اللي باديهة بتوتر وتدعي انو امير ميعصب
سمعت صوت الباب ينفتح باوعت لگته امير حضنته من ورة: شلونك امير
امير جمد بمكانه بصدمه ويباوع للصالة اجواءهة رومانسية ذابة ورد احمر وشموع وكيك متوسط بالصالة باوعلهة چانت لابسة لبس مغري ومترتبه ومتحضرة لابسة لبس سهرة لونه اسود كولش حلو عليهة
امير بلع ريگه من الرغبة : الحمدلله حبيبتي هاي الي
وهو ياشر عليهة وعلة السويت
ارجوان ابتسمت بارتباك وخجل : اي
امير گعد علة التخم وارجوان گعدت ويا
امير يباوعلهة برغبة وعشق وعيون لامعه
ارجوان بارتباك: امير اريد انطيك شي
امير باوعلهة بترقب وهو يشوف العلبة مادتهة اله
اخذهة منهة وباس ايدهة بحب وشاف العلبة مغلفة فتح الغلاف وانصدم باللي شافه
ارجوان ترجف بخوف تخاف امير يعصب گامت ترجف وتبلع ريگهة بارتباك وبطنهة لوتهة
امير باوعلهة بصدمة ورجع نظرة للعلبة
ارجوان خافت من ردة فعلة ونفسهة اضطرب
