رواية أحببت من لايبالي الفصل الثامن والاربعون بقلم مجهول
شيماء : هاا دكتوره بشري
الدكتوره : فتحت التحليل ابتسمت بهدوء ... نازك انتي ... مو حامل لتضوجين هي قسمه وبايد رب العالمين
نازك : بجت
الدكتوره : لتبجين حبيبتي الله ما قاسملج هسه تحملين وانتي وضعج الصحي تمام مابيج اي شي وبأذن الله المره الجايه يصير عندج حمل
شيماء : بس دكتوره هي جسمها تعبان وحيلل ضعفت باخر فتره وتلعب نفسها من الاكل كل هاي علامات حمل تاكدي خاف انتي غلطانه
الدكتوره : عزيزتي هذا الي جاي يصير ويه نازك هو حاله نفسيه لااكثر ولهسبب جسمها نحلان ومايتقبل الاكل
نازك : بدموع دكتوره يعني مانكدر نعيد التحاليل حتى نتاكد كلشي يصير يجوز التحليل بي غلط
الدكتوره : حبيبتي هذا تحليل دم واني متاكده منه وماعندي مانع نعيده بس ماكو داعي انتي مو حامل
نازك : بكلبها ليش ياربي ليش شيصير لو طلعت حامل شيصير تنكلب الدنيا يعني
شيماء : كامت رحم الله والديج دكتوره ... يله من رخصتج
نازك : كامت شكرا دكتوره
الدكتوره : اهلا وسهلا بيكم
نازك : طلعنه من العياده لكينه حازم منتظرنه بره ... صعدنه
حازم : بشرو شكالت الدكتوره
شيماء : مو حامل
حازم : على هالحجي ماكو امل بعد رجلها يرجعها
نازك : بعصبيه ماكاعده بيتك اني من يصير بيتك عود اكعد شيل همي
حازم : سكتي وخلينه ساكتين احسن مانفتح الدفاتر القديمه ونطلع سوالفج ام الحبجيات موزين منه عايفيج تشمين الهوه وماطلعنه بروحج شلون عين صلفه تحجي وهي واثقه
شيماء : مالك علاقه بيها لاتضل تدور دفاتر عتك
حازم : هز ايده هو منو طيح حظها غيرج وغير ابويه على العموم اني احجيها كدامها اي سالفه تطلع عليها ولو جانت تافهه قسم بالله مااتعب روحي طلقه براسها اغسل عارها واخلص منها
نازك : لارد .... الطريق كله بس تبجي ولازمه بطنها ... ليش مو حامل لك ليش هذا الطفل جان راح يصير محط انقلاب بحياتي ... وصلنه للبيت نزلت من السياره وصعدت بوجهي لغرفتي
شيماء : دخلت للبيت لكيت الشيخ كاعد بالغرفه ... هاا شيخ الله يساعدك
جلال : هله بيج ... خير شبيج
شيماء : كعدت ... رحنه للعياده وسوينه التحاليل سوده عليه طلعت مو حامل وكامت تدك وتلطم
جلال : توقعت ماراح تطلع حامل هيج وحده الله مايرزقها ذريه لو تموت
شيماء : لا يصير كلبك قاسي عليها اذا ناسي اذكرك هاي نازك مدللتك
جلال : اني مااحتاج تذكريني روحي ذكريها هي الي نست الدلال ونست الاحترام والتفضيل .... لج بتج الله اطاها حظ كل بنيه تتمنا الاهل جانو مدلليها ومخليها شيخه حتى على رواحهم كملت دراسه واخذت شهاده وبعدها اجتها قسمه ماكو مثلها ناس مثقفين وواعين شالوها بالصلوات واطاها رجل مقدسها تقديس وحظرت جنابها راحت عشكت حماها وفوك كل هذا .... رادت تخرب بيناتهم واخذت المعاملات حتى واحد يشك بالثاني وتكب العيطه بين حموينها كل هذا هي سوته بظرف شهرين بس .... و انتي حسبيها لو باقيه عدهم سنه شتسوي بيهم وحق ربج تخليهم يصيرون دمايه
شيماء : لا عاد لاتبالغ نازك صحيح متكبره بس ماتوصل بيها تخرب بيوت
جلال : لج مو اني شفت التصوير بعيوني قابل احد كلي
شيماء : تنهد والله مااعرف شكلك ... خليها ترتاح هالفتره لاتضغطون عليها لان نفسيتها كلش تعبانه ولهسبب كلشي ماجاي تتقبل
جلال : بس خلي تجفينه شرها وتكعد راحه ومحد اله علاقه بيها
شيماء : عافته وطلعت تشوف نازك
________________________
بيت غيث
ناديه : اكلك غيث
غيث : هاا
ناديه : اريد فلوس
غيث : باوعلها شسوين بيهن
ناديه : اريد اطلع اسوك حتى اسوي كنافه لبراء لان تحبها واوديها اليوم من نروح كلنه نشوفها
غيث : ليش رجلها ماعده فلوس حتى احنه نسويلها اشو جراح والفلوس نايمه على كلبه نيوم
ناديه : شجاك قحط هسه شراح نسويلها احنه شبيك ولاجن الي حبلت بتك ولاجنك بعد جم شهر راح تصير جد ماجنت هيج غيث شغيرك
غيث : اكلج اني ماعندي فلوس بتج حامل وتشهه عدها رجل يطلع يجيبلها اني عرستها حتى اخلص من فضيحتها وهم حتى ينقص فرد وتقل المصاريف عليه انوب ترديني اجي اصرف عليها وعلى ابنها
ناديه : يبووو كافي كلشي مااريد منك ... كامت هسه الي يسمعك يكول راح تجيبلها ذهب عافته وطلعت
غيث : ههه والله ياالله هو اني جاي اخذ فلوس من رجلها اروح اصرفهن عليها
__________________
براء : اليوم راح يجون اهلي وبيت خوالي وخالاتي يسيرون يمنه واني هسه واكفه اسوي حلاوة حليب بعد معاناة ويه خاله مريم لان حضرتهم عازليني عبالك بيه جرب ميخلوني اشتغل
جميله : اكلج شوكت تخلص اريد
براء : بعد شويه وتصير
جميله : همي ايدج كلبي الحليب اسرع حتى تتحمص
براء : ههه تحبيها
جميله : اموت عليها ... يله اني رايحه من تخلصيها صيحيلي
براء : اوك ... طلعت جميله واني بقيت اسوي بيها شويه ودخل زين
زين : هاا حبيبي شجاي تسوين
براء : حلاوة حليب
زين : تقرب منها وكف وراها ... ليش هو اكو حلاوه تسوي حلاوه
براء : ابتسمت وخر زين ليدخل احد
زين : حاوط خصرها ليش شجاي نسوي احنه
براء : وخر حبيبي لخاطري فشله ليدخل احد
زين : وخر عنها هاي لخاطرج
براء : دزتله بوسه بالهوه عمري
زين : ابتسم
براء : بيش الساعه هسه
زين : راح تصير بالسبعه
براء : عززه شبسرعه يمر الوقت
زين : اي مو جاي يتغير الجو راح يجيج الصيف
براء : اي صحيح ... اخذت الشيره خليتها بالكدر وكلبتها ... كملتها هاك ضوكها
زين : اخذت خاشوكه ضكتها ... عاشت ايدج حبيبي
براء : عوافي حبيبي
زين : عدل حجابها دير بالج شعرج طالع
براء : مانتبهت والله
زين : ميخالف انتبهي مره ثانيه
براء : صار
سجاد : شهالريحه هاي ... هاا براء شجاي تسوين اتحفيني
براء : اخذته بالخاشوكه ... قدمتها تفضل
سجاد : طبك حواجبه شنو هاي
زين : شتشوف انت
سجاد : حلاوة حليب بس شو اطتني بالخاشوكه شنو كدامج عصفور شتكفي هاي
براء : للخطار هاي
سجاد : ويا هو الاولى اني لو الخطار صبيلي بماعون جبير حتى اضوكه زين واطيج رائيي وحصتي عود عزليها على جهه
براء : نفت ماكو الك ماعون ومو هسه تاكله لمن يجي الخطار نقدملهم وعود من يزود تاكل انت
سجاد : لا بله خاف ماتقبلين شو دجيبي جنج برغي فالت اخذ الخشبه منها ( هاي العوده الي تكلب الاكل اتمنى وصلت الفكره )
براء : انتحبت زييين
زين : جرها منه اكعد لك لاتضوجها
سجاد : مو احسك صاير انحيازي لمرتك
زين : اي طبعا قابل انحازلك الك يله عوفه لاتخليها تصير عصبيه موزين عليها
سجاد : باوعلها صدك لا كالو الاقزام كل البله بيهم
براء : برطمت هاي عليه
سجاد : راح تبجي راح تبجي هيييي زعطوطه
زين : ببرود انجب لك تره اجي اطيح حضك وهسه يله اطلع بره عكرت مزاج مرتي يله يله بره
سجاد : يعني تطردني على حساب براء
زين : ببرود اي يله ولي
سجاد : هي هاي الاخوه صدك لا كال قصي انت واحد مصلحجي ولان مصلحتك عد براء تدافعلها وللمعلومه براء تره زين جان يكول عليج عوبه وفاهيه
براء : باوعتله وعيونها مدمعه صدوك
زين : باوعلها والله هاي قبل مو هسه
براء : يعني اني عوبه وفاهيه
سجاد : وثوله هم
زين : انجب
براء : ذبت الخاشوكه بعد لتحاجيني عافته وطلعت
زين : الله يطيح حضك يامطي هسه شيقنعها انت تشاقه
سجاد : بس لا صدكت وزعلت صدك
زين : استغفر الله هي صايره حيلل حساسه وعلى اقل شغله تبجي وانت هسه حجيت هيج كدامها هسه الكاها مبنده من البجي
سجاد : معقوله الحمل هيج يسوي
زين : وانكس بعد ... باوعله ضربه بوكس على متنه كله من وراك حيوان
سجاد : اااخ يمه متني نخلع ... والله انعل ابو الي يشاقه وياكم روح زعلت وبعد لتحاجيني على كوله براء
زين : ببرود يطبك ستين مرض ... عافه وراح شاف براء صعدت فوك ... صعد وراها ... دخلت للغرفه وهو هم دخل ... دخلت للغرفه شفتها كاعده على القنفه وكالبه وجها ... كعدت يمها تدنت عني ... حبيبي
براء : اني مو حبيبتك انت مو تكول عليه ثوله شلون تحب وحده ثوله
زين : هاي كل عقلج تحاسبيني على كلام كلته قبل لا اتزوجج
براء : بعصبيه اني نفسي براء متغيرت سواء جنت قبل لتزوجني او بعدها
زين : حط ايده على خده مباوعلها صايره حمره من العصبيه ... وبعدين
براء : وبعدين مااريدك تحاجيني بعد مادامي معاجبتك
زين : رفع حاجبه يعني تكدرين تبقين بدون ماتحاجيني
براء : اي اكدر واصلا بعد مااريدك
زين : خوش جاا بعد لا تجين تكعدين يمي ولا تنامين بحضني خليج شبكي المخده انوب ... باوعلها صفح واخذ الريمون كعد يكلب بالتلفزيون ... اباوعلها كامت طلعت الاكل او حبشكلاتها على كولتها وكعدت ... ابتسمت حبيبتي هالايام فرحانه تاكل ضايجه تاكل ... ضليت اكلب بالتلفزيون وعفتها حتى تبطل تطنكر عليه ... سمعت صوت تنشغ باوعلها كامت تبجي ... عفت الريمون ورحت يمها شبيج
براء : تنشغ انت متحبني
زين : لا اله الا الله هم رجعنه على هالسالفه
براء : تاكل وتبجي اي انت تريدني بس على مود تتونس بيه ومن تخلص مني تعوفني وحدي وتروح
زين : مسح على وجها اي طربيني بعد
براء : اي متحبني تحب بس جسمي انت واحد جنسي وماعندك مشاعر
زين : بتفاجئ اني ؟
براء : اكلت من النستله بدموع اي انت ... ليش تكول عليه عوبه وفاهيه هاا ... هاي عود انت رجلي تكول عليه هيج لعد شبقيت للناس ولو هو مو صوجك صوج الي يحبك بس والله بعد مااحبك
زين : ضحك والله يالله
براء : بدموع صيحت لتضحك عليه
زين : هههههه انسدت عيونه من الضحك .... صفكك ايده خرب يومج اكو واحد ياكل ويبجي سوه وبعدين تعاي مو جنج زوتيها
براء : شوف هاي دتضحك عليه
زين : لان سوالفج حقيقتاً سخيفه وتضحك
براء : يعني اني سخيفه شو انت متحبني
زين : اخذ اديها مبوسهن اني اموت عليج مو بس احبج اكو واحد ميحب وحده حلوه ولطيفه وحبابه ترضي كلبه وترضي رجولته وغير هيج راح يجيب منها طفل تتوقعين لو مااحبج اخليج تصيرين ام لاطفالي
براء : بدموع ... حضنته واني هم احبك
زين : حاوطها جاا عليمن هالدراما سويتليج سيناريو مرتب هسه وطلعتيني مااحبج وفوك هذا ماترديني
براء : باست ركبته اسفه حبيبي اني صايره حساسه زياده هالفتره
زين : ابتسم هو اني عاذرج لان حامل واعرف الحوامل يتخبلن بهالفتره والا لو مابيج شي وتجقلين عليه هيج جان طيحت حضج لان تدرين بيه شكد اتخبل من التنعوص
براء : بس اني ماتنعوص
زين : انتي حشاج ابد ما تتنعوصين اني الي اتنعوص
براء : ضحكت ماسحه دموعها يله وخر عني خلي اكوم اصلي وابدل خاف يجون الخطار على ساعه
زين : باوعلها مابيها شي ينتظرون شويه
براء : لا ميصير يله وخر
زين : غمزلها شنو رائيج بنص جوله قبل لاننزل
براء : هزت راسها ماكو جولات الدكتوره كالت ميصير تتقربلي هالفتره لان انت تفقد تذكر هذيج المره نزلت عليه قطران دم وهذا الشي موزين على الطفل
زين : اعرف مو تعلميني بس اني قصدي نسوي جولات بس بدون ختام
براء : شلون يعني
زين : خله شفته على شفتها بايسها بهدوء بدايها هنا ونهايتها هنا دنك بايس بطنها
براء : تباوع بعيونه ... مسحت على لحيته تدري نعست
زين : خلي نلعب ونامي براحتج ... تقرب عليها اكثر غالق كل مسافه بينهم هي على القنفه وهو بالكاع .. همس تبدين انتي لو اني
براء : لزمت وجهه براحه ايدها مخليه شفايفها على شفايفه
زين : حرك شفايفه على شفايفها بعمق مقربها اله اكثر
براء : دخلت اصابعها بشعره مقربته الها
زين : عض شفايفها بخفه تاوهت فاتحه حلكها دخل لسانه متسلل لقاع جوفها تلامست السنتهم متحاضنه ... امتص لسانها بقوه وايده نمدت فاتحه سحابه الصايه مد ايده من داخل تشيرتها متلمس صدرها باصابعه
براء : تحس روحها طارت والمشكله انو بوجوده بهالقرب منها ميخليها تكدر تحرك حتى اصبعها
زين : ترك شفايفها ولزم وجها بوس عيونها ، خدودها، شفايفها، حنجها ، نزل لركبتها وزع بوساته هناك مص ركبتها
براء : محاوطه ركبته اااه زين
زين : ابتعد عنها بسرعه ... كام راح للحمام
براء : رجعت نفسها على القنفه ... مغمضه عيونها ياربي ليش ديصير هيج بيه ... ضليت كاعده منتظرته شو تاخر ... سمعت باب الحمام نفتحت اباوعله طلع ينشف ايده
زين : يباوعلها هاا تكومين تصلين
براء : اي كايمه ... كمت دخلت للحمام توضيت وطلعت اصلي
___________________
سجاد : الوو هاا حبيبتي شلونج ... اكلج اريد اسألج سؤال واريد تجاوبيني عليه بكل صراحه ... اذا اتقدملج هسه توافقين ... ليش سكتي اني من البدايه كتلج اني نيتي زواج ومااحب سوالف العلاقات والصداقات ماتفيدني لاتشوفيني سبورتي واضحك واشاقه بس اني شخص يحب الحلال فيا بت الحلال اذا موافقه عليه اني وثلاجتي ونكاتي اليوم افاتح اهلي بالموضوع حتى نجي نتقدم رسمي هاا شكلتي ..... ابتسم يعني موافقه ... صدقه لربج حضري روحج يومين واحنه يمكم ... سد الموبايل والابتسامه شاكه وجها واخيررا راح اعرس
___________________
الساعه 8 مسائا
براء : كاعدين بالصاله وندك الجرس طلع قصي يفتح الباب شويه ودخلو اهلي والباقين كمنه
حميده : بوست زين بعد كلبي بيبي انشالله تكوم مريتك بالسلامه ونشوف وليدك بحضنك
زين : ابتسم برجوله بايس راسها
ماجد : مبروك عمي
زين : الله يبارك بيك
نور : زيوني الف الف مبروك تستاهل
زين : ببرود شكرا
براء : اجه الكل سلم عليه ورحت سلمت على اهلي
ناديه : هله بعد عمري شلونج
براء : الحمدلله
محمد : الف مبروك يروحي انشالله تكومين بالسلامه
براء : حبيبي فدوه لكلبك اباوع لزين خزرني احم
روان : حضنتها شلونج بروئه فدوه شهالاخبار الحلوه هاي حصير خاله بعد كم يوم
براء : حضنتها انشالله ... كعدنه
احلام : اي واخيرا حبلتي فتيتي كلوبنه
خوله : وانتي ليش ضايجه شنو جنتج هي واحنه ماندري
احلام : لا بس خطيه رجلها نشلع كلبه صار بالثلاثين وهي ستوها ياله حبلت
مريم : هذا شي راجعلهم ويخصهم ومحد اله حق يدخل بحياتهم
نجمه : حييل
خالده : اي خويه شلونك شخبارك
جهاد : الحمدلله انتي شلونج وينكم كل هالغيبه لا واحد يخبار لا يسأل
ابتهال : غير انت الجبير وتسأل علينه
ماجد : اي والله
خوله : ليش هي الكبار تسأل على الصغار لو العكس يعني امج هسه تسأل عليج مو انتي
حميده : ضحكت يبوو يخوله ماتكدرين تسكتين
هشام : اكلج خالي براء مو جنج متغيره بس مااعرف شنو التغيير
نور : اي عمو سمنانه صايره جنها بطه
حسن : اي وانتي جنج وردانه
سجاد : ههههه اي والله
نور : انت ليش دائما تعلق على كلامي
حسن : والله بيت ابويه وبكيفي
احلام : اكول براء انتي بيا شهر
براء : بالشهر الاول
احلام : يووو هاي بعدج بالبدايه وهيج سمنانه
ناديه : صلي على محمد تره راح تتمرض من وراج يمعوده
نور : تره صدوك سمنانه هواي
زين : ببرود ماكله من كدرج ... صارفه عليها انتي
نور : لا ب..
زين : قاطعها جاا لاتدخلين بشي مايخصج من تاكل من جيبج عود احجي
ابتهال : ياا شجاك عمه شكالت البنيه تره جاي تشاقه
زين : ببرود واني هم اشاقه
حميده : حاولت تغير الموضوع اكلك بيبي قصي وين مرتك شو ماهي ... تباوعلهم واحد يباوع بوجهه الثاني ... خير خو مابيها شي مرتك بيبي
قصي : بيبي احنه راح نطلك
حميده : يااا ليش ولك
قصي : ما متفاهمين
ابتهال : هو انت صارلك شهرين مزوج شوكت لحكتو تختلفون
قصي : عمه رجاءا لا تلحين ماتفاهمنه وخلص
خالده : وانت جهاد راضي على سوالف ابنك شو هو الزواج لعب حتى يزوج ويطلك بكيفه
جهاد : الطرفين مقتنعين بهالقرار اذاً اني مالي حق ادخل هاي حياتهم الشخصيه وهمه بالغين ويعرفون مصلحتهم اكيد
احلام : على حسب علمي مرت جايه من بيت شيوخ ماعدهم مره تطلك شلون اهلها قبلو
جميله : يعني اذا مامتفاهمين وماكو توافق بيناتهم شلون يكملون سون هاا .... يعني المفروض يضلون مكملين سوه بس حتى يرضون العادات والتقاليد هذا مو منطق
حنان : صحيح كلامها
نور : طبعا مو صحيح الزواج مو لعبه حتى نزوج ونطلك بكيفنه
سجاد : وانتي منيلج خبره بالزواج حتى تحجين
احلام : الشغله مو شغله خبره احنه كمجتمع شرقي عدنه الطلاك مكروهه والمطلكه منبوذه
بشرى : لا خاله كلامج هذا جان قبل اما هسه ماكو شي اسمه المطلكه منبوذه هي بشر حالها من حالنه دخلت تجربه ومانجحت بيها الافضل انو تنفصل احسن ماتكمل بحياة زوجيه فاشله بسبب ذكر فاشل عديم المسؤليه ولو مجتمعنه دائما يوكف ويه الذكور الفشله اهل النفوس الدنيه المايستحون الي همه اصلا دمرو المجتمع
براء : خلت ايدها على حلكها مباوعه للولد واحد يباوع للثاني
قصي : مو جنج رحتي زايد بالحجي
بارق (ابن ابتهال) : انتي شو تجاوزين ولا جن الكاعدين ذكور هنا لزمي لسانج
براء : الولد كلهم كامو يحجون عليها ماعدى زين ضل ساكت
محمد : شبيكم اكلتوهه وشربتوها شدعوه عليكم
غسان : اي شفت حجيها شلون تنحاز للنسوان ... وانت زين شو ساكت قابل على كلامها
زين : كلامها مابي شي غلط وبعدين هي تقصد فئه معينه من الذكور والي فعلا دمرو المجمتع ... واني مامشمول وياهم فليش اخذ على نفسي
غسان : بس هي قصدت الزلم كلها
زين : ببرود والله عاد الي بعبه طلي(خروف) يمعمع ... وفهمك كفايه
بشرى : ههه والله يا زين بس انت تفتهم شفتو اني ماجنت احجي بصوره عامه بس انتو انتفضتو
لؤي : هسه سدو هالموضوع الماله داعي
روان : براء استلمتي شهادتج ضل بالي يمج شطلعتي
براء : باوعت لزين مبتسمه اي اليوم جابها زين الحمدلله طلعت درجاتي كلها عاليه
روان : الحمدلله طبعا توقعت راح تطلعين درجات عاليه
دارين : طبعا تطلع درجات عاليه اذا من اول امتحان لاخر امتحان هي بغرفتها وحتى دراسه زين يدرسها تخيلو حتى ملابس للعرس ماراح اشتره ضل وياها
احلام : عود صدك عايف شغلك وكاعد تدرسها
زين : ببرود اي شكو بيها
نور : يااا براء وانتي صغيره حتى تخلي يدرسج اصلا هذا مو واجبه يعني فوك التعب والشغل يجي يدرس
براء : تنهدت هسه انتي شع...
زين : ببرود اني ماشاكيلج ... وبعدين هذا واجبي مثل ماهي تطبخ وتنظف وتكوي وتسوي كل واجباتي اني هم واجبي اساعدها بكلشي تحتاجه اني ما ماخذ خدامه حتى بس اكربها مثل ماهي مراعيتني اني هم غصباً ماعليه اراعيها ... وانتو هم ارتقو بتفكيركم شويه احنه بالقرن الواحد والعشرين مو بس ترتقون بالسوالف المكسره
سجاد : في منتصف الجبهه يبيبي هههه
قصي : هههه خرب يومك زين ولا يكعد راحه
براء : ابتسمت اروح فدوه للي يدافعلي ... اباوعله من شافني اضحك ضهرت شبه ابتسامه على وجهه
ايفان: خاله براء يعني انتي هسه حامل
براء : هزت راسها
ايفان :يعني راح تجيبيلنه طفل ويضل يلعب ويانه اني ومريومه
براء : انشالله حبيبي
ايفان : ببراءه زين شلون راح يجي للدنيا ومنين يطلعو
براء : احتقن وجها هاا
زين : بكلبه طاحظ ابوك هو هذا هم سؤال
امير : يعني ماتعرف منين يطلعو اكيد من بطنها
براء : احم اايي اي صحيح
حميده : ههه والله الجهال عدهم اسئله
سجاد : لا والله بس احفاد بيت جهاد بسالون هيج اسئله باقي الجهال فقره صماً بكماً كلشي ماكو
حسن : هسه الي يسمعك يكول من تزوج راح تخلف انبياء
لؤي : اي والله
حميده : صدك بيبي اخوتك كلهم عرسو بقيت بس انت شوكت تزوج تره العمر يتقدم يبيبي وماتحس روحك اله عجزت
سجاد : انشالله عن قريب بيبي تلكين مرتي كاعده بصفي
خوله : يعني نويت تزوج
سجاد : اي وانشالله اريدكم باجر ترحون تخطبوها
قصي : صدك تحجي
سجاد : اي والله
لؤي : سجاد ويزوج لا مااصدك
سجاد : ليش يمه شناقصني ايد رجل هذا حقي ولازم ازوج
جهاد : والله عاشت ايدك واخيرا بقيت بس انته خلي اعرسك حتى اخلص منكم بعد
مريم : بس لحظه لحظه انت تعرفها يعني
سجاد : اي اعرفها
براء : منيه
سجاد : بابتسامه مخازن صديقة نجمه
نجمه : فتحت عيونها .... شلون انت تقصد مخازن مخازن
سجاد : كلب عيونه ... اي
نور : اييع اسمها مخازن
نجمه : بتفاجئ لا اسمها محاسن بس سجاد يصيحلها مخازن وتعال انت منين تعرفها هي مره وحده شفتها
سجاد : تذكرين بامتحاناتج من كمت اخذج واجيبج شفتها اكثر من مره هناك وعجبتني وهسه اريد تخطبوها
جهاد : ماعندي مانع بس بويه نجمه البنيه حبابه
نجمه : كل الاكدر اكوله نسخه سجاد بس على بنيه
قصي : لا يالحمزه ... انوب سجاد وساجده بالبيت لا عمي اني الم هدومي واروح اشيل احنه واحد وكوه متحملي انوب يصيرون ثنين
لؤي : هههه لا تخيلو هي وسجاد انوب يتعاركون على الاكل
حسن : ههه هله انوب تصير بالقنادر
براء : ابتسمت ... خطيه سجاد الولد سوو تصنيف وهو كام يدك ويلطم .... بقو الجماعه للدعش وكامو راحو ... كامو الولد وصلوهم للباب ورجعو كعدو
زين : مبروك مقدما سجاد
سجاد : الله يبارك بيك زيوني يوم الالك
براء : خزرته شنوو
سجاد : ضحك اسف اسف نسيت هو مزوج
براء : دارت وجها على حسن وقصي تباوعلهم ومسنكره من الضحك
حسن : ذب روحه على قصي ... اوي سجاد اوي جوعانه حباب الحكني بلفه الله يخليك
قصي : هسه حبيبتي هسه تردين فلافل لو كص
حسن : كص حبيبي كص ولاتنسه الببسي
مريم : ههههه ولكم تادبو
سجاد : والله ماتستحون وخساره بيكم الاحترام
نجمه : ولكم لا تحجون على صديقتي مااقبل
حسن : كعد يضحك قسم بالله رومنسية سجاد ومرته هجي تصير
زين : شمدريك يجوز يصير احسن منك
قصي : مااعتقد واني متاكد بعيد زواجهم سجاد يجيلها دجاجه شوي هديه
زين : ضحك
جميله : حرام عليكم تره البنيه حيلل لطيفه وحبابه
حسن : جنتي تدرين مو
جميله : هاا ... والله سجاد ماقبل احجي
حسن : بسيطه اني اعلمج
براء : ضلينه كاعدين بين ضحكه وسالفه لحد ما نعسنه وكلمن راح لغرفته .... دخلنه للغرفه زين كعد بالصاله واني طبيت للغرفه ذبيت الصايه والحجاب والتراك افف اختنكت نزعت ملابسي بقيت بالداخليات وفتحت كنتوري اريد شي خفيف البسه حتى انام شفت تشيرت علاكات اسود اخذته ولبسته فوك الداخليات اي هسه رتاحيت ... دخل زين هااا حبيبي تنام
زين : يباوعلها من فوك لجوه ... كرص خدودها حرانه
براء : اي والله حيلل حرانه مع انو الجو حلو اليوم
زين : نزع قميصه يله طفي الضوه وتعاي
براء : اي لملمت ملابسي وطلعت طفيت اضويه الصاله ورجعت للغرفه
زين : خال ايده وره راسه ويباوعلها تمشي ورجليها يضون لابسه تشيرت علاكات مغطي بس بطنها ورجليها طالعات ... اباوعلها طفت الاضويه ودخلت للغرفه طفت اضويتها وسدت الباب ... واجت
براء : وخرت الغطه ونمت بصفه
زين : وخر ايده من راسه رافع التشيرت منزعه الها
براء : ليش
زين : اريحلج هيج .. فتح ايده يله تعاي
براء : خلت راسها على صدره ... تثاوبت
زين : يحرك ايده على خصرها ... نعسانه ؟
براء : حضنة خصره وخلت راسها بركبته مستنشقه عطره والي صار ادمانها ... بخدر من لمساته اممم كولش نعسانه
زين : رفع البطانيه مغطيهن عدل حضنها اقوه ... باس شفايفها تصبحين على خير
براء : ابتسمت اجمعين حبيبي
_________________________
ثاني يوم
نجمه : كعدت اليوم واني ناويه ارزل محاسن رزاله معدله ... شلون تضم عليه هيج موضوع عود هاي اني صديقتها ... اخذت موبايلي داكه عليها ... بسرعه فتحت الخط ام بطن ..... الوو
محاسن : لحظه لحظه خلي اتاكد من الرقم هاي انتي نجمه مااصدك منج من الشيطان تخابريني كل مره لو اني اخابرج لو انتي اصلا ماتسألين
نجمه : اولا انجبي وصوتج مااسمعه فتهمتي حيوانه
محاسن : تاكل باللفه .... وقزرقط جاا شعدج مخابرتني اذا ماتردين تسمعين صوتي الحمدلله والشكر
نجمه : ليش ما كتيلي عدج علاقه ويه سجاد هااا حقيره كلبه جاوبيني هي هاي الصداقه مع الاسف عليج
محاسن : نزلت اللفه خرب يومك سجاد سواها صدك وكللهم ... احم نجمه حبابه لاتفهمين غلط تره والله اني ماعندي علاقه ويه سجاد مثل الي ابالج بس هو جاوبني اكثر من مره على جهازج وبعدها كام يتردد للجامعه واني الله شاهد اصده ووره حوالي شعر اخذ رقمي منج وكلي هو معجب بين ويحبني والله اني ما اطيته مجال بالبدايه بس لمن تعرفت عليه وشفته خوش ولد وشخصيته حلوه وفوك هذا صاك وتدرين بيه اخرب على الحلوين ف ماكدرت اسيطر على مشاعري وحبيته حبابه لاتاخذين فكره غلط عني تره والله اني مو وحده موزينه وصدك احب سجاد والله ماجاي اللعب عليه
نجمه : لج انجبي شنو تعلميني بيج اني ماضايجه من علاقتكم بالعكس فرحانه كلش بس ضايجه لا ما كتيلي عوفي انو اني اخت سجاد اني صديقتج المقربه شلون تضمين عليه هيج شي
محاسن : مو خفت تاخذين عليه غير نظره ففضلت انو ما احجيلج لحد ما البارحه سجاد فاجئني وكلي ابلغ اهلي راح تجون تخطبوني اليوم
نجمه : تصدكين شكد فرحانه يعني من راحت هالنازك ولليوم الدنيا تزخ علينه فرح اول شي حمل مرت زين وهسه ارتباط سجاد بيج يا ربي شكد فرحانه
محاسن : يعني انتي هسه ما معترضه على ارتباطي بسجاد
نجمه : طبعا لا اصلا اكثر وحده تناسبه انتي ثنينكم اغبياء ومفاجيع يعني طنجره ولكت غطاها
محاسن : رجعت اخذت اللفه الله لايوفقج وكعتي كلبي وعبالي ما موافقه واني صارلي ساعه اتمسكن حتى اقنعج
نجمه : يا ادبسزز الله يساعد كلب امي شلون جنه راح تجيها تشلع كلبها
محاسن : ماعيب اني اشلع كلب حماتي حبيبتي ام زوجي المستقبلي حبيبي ابو جهالي
نجمه : تره بعدنه ماخطبناج حتى تفكرين شلون تخلفين من اخويه ثكلي شويه
محاسن : شكد مستهتره انتي ... صبريلي خلي اخذ سجاد واني اجي اربيج على ايدي
نجمه : عشتوو تربيني ام حلك الاعوج
محاسن : امممم اي
نجمه : باستغراب شجاي تسوين ولج هالاصوات
محاسن : هههه اكل شسوي يعني
نجمه : لج انتي ماتشبعين
محاسن : ههههه لا وهسه يله امشي ولي اريد اتريك براحتي وانتي هسه روحي سوي غده لزوجي لان يجي من الشغل تعبان ويردله اكله مرتبه توخر تعبه
نجمه : طاحضج وطاحظ رجلج زين
محاسن : ضحكت يله باي
نجمه : باي
_______________________
في الشركه
كاعدين المساعدين منتظرين اعضاء مجلس الاداره يجون حتى يبدون الاجتماع بخصوص المشروع الجديد ... دخلو اعضاء مجلس الاداره كعدو وبدو الاجتماع
جهاد : السلام عليكم
الكل : وعليكم السلام
جهاد : قبل فتره اجتي موظفه جديده والي هي الانسه ديمه اقترحت علينه فكره جديده ما مفكرين نسويلها او نضيفها لفنادقنه اني بالنسبه الي حبيت فكرتها وعجبتني وشبه اكيد راح ابدي بتنفيذها بعد ما تنطينه باقي الاقتراحات بخصوص هالموضوع وكالعاده اني احتاج لمساعدتكم ... فلو سمحتي بنتي ابدي بشغلج
ديمه : كامت وكفت يم اللوحه بالبدايه السلام عليكم ... اني قبل فتره اقترحت على استاذ سجاد وقصي فكره ممكن تكون مو جديده سامعين بيها اكيد انتو بس محد مطبقها لان الاغلبيه يخافون خاف ماتنجح ... حركت اللوحه الالكترونيه ( تتواجد بالجامعات والشركات ) فكرتي انو نفتح منتجع جديد باوروبا او امريكا بس هالمره لازم يحمل هالمنتجع الطابع العراقي ،البناء العراقي ،والاثار العراقيه بالاضافه الى الاكل العراقي والنشاطات العراقيه ، بالمختصر ننقل حضاره العراق من العراق الى الدوله المقصوده ... هذا الشي راح يفيدنه بنسبه جدا عاليه ... اولا راح تزيد ارباح الشركه لان الناس راح تنجن بالهفكره واني مسؤله عن كلامي وثانيا والاهم بلدنه لازم ينحيي والي حنسوي هسه راح يرفع من حضارة العراق العريقه والي تدمرت بسبب الحروب والقتل والنهب وغيرها
لؤي : كملي رجاءا
ديمه : حركت اللوحه ... اول شي لازم المنتجع يكون بنائه اثري ... مثلا هسه هالمنتجع تابع لحضرتكم موجود بشيكاغو مو ( حبايبي هاي الصور مجرد اقتباس لان ماعندي صور حقيقه لهيج مناطق فهالصور مجرد تشبيهه )
لؤي : اي نعم
ديمه : احنه منريد هيج ... نريد بناء المنتجع ميكون بهالشكل نريد نحس نفسنه بالعراق
حسن : شلون يعني
ديمه : ابسط شي نكدر نضيف مسجد حديث واثري بنفس الوقت
قصي : عفوا منج بس هذا غباء لان المنتجع ماراح يكون بدوله عربيه او اسلاميه حتى نبني مسجد هناك كلها مسيح او بلا دين اكيد ماراح يجون يصلولج هناك
ديمه : برسميه مو شرط اله يصلون المهم انو يتعرفون على الدين من خلال الايات القرانيه او قصص تخص دينه او من خلال معلومات تخص العراق معاركه حملاته حضارته اتمنى تكون فهمت قصدي
زين : عجبتني الفكره بس لازم تراعون التصاميم بهيج شي
ديمه : اكيد دكتور .. اقصد استاذ عفوا ... اني رسمت رسم مبسط وسويته بالحاسبه اني وزميلي حتى نراويكم شلون لازم يكون البناء والالوان ... حركت الشاشه مطلعه الصوره .... شنو رائيكم ؟
سجاد : يخبل ... عاشت ايدكم بس الاشياء الي ذكرتيها ماموجوده
ديمه : ابتسمت بهدوء .... هاي مجرد صوره مبدئيه اذا وافقتو عليها راح نضيف كلشي ذكرته عليها بعدين اني هسه راويتكم الصوره حتى تشوفون البناء والالوان شلون متناسقه ... بين البناء الحديث والطراز القديم
جهاد : احييج وعاشت ايدج فكره اكثر من رائعه واني عن نفسي موافق
لؤي : واني هم احسنتي
حسن : اني من البدايه عجبتني الفكره احييج
سجاد : بدون تردد اكيد موافق
زين : موافق فكره جديده عمليه وشبه اكيد راح تكون ناجحه عاشت ايدكم
قصي : اني ما موافق
ديمه : اختفت ابتسامتها .... ليش استاذ
قصي : مااعرف احسها ماراح تنجح فكره فاشله
ديمه : نحرجت .. برسميه هذا رائيك الشخصي استاذ اكيد ماراح اجبرك توافق على فكرتي بس برائيي مادام اغلب اعضاء مجلس الاداره موافقين اذاً رائيك مراح ياثر
قصي : انتي تتحديني يعني
ديمه : عفوا منك استاذ اكيد لا
جهاد : مبدئيا احنه موافقين بقه نتناقش اكثر بالفكره وبعدها نطيكم جواب نهائي ... تكدرون تتفضلون طلعو الكل .... اكدر اعرف ليش رفضت
قصي : ماعجبتني فكرتها
سجاد : لا بله عود هو مدير ومسوي روحه ثكيل دروح الفكره ممتازه
حسن : اي والله
لؤي : هسه الحجي بيناتنه انت فعلا ما عاجبتك لو تريد تبيع ثكل عليها
قصي : طبعا لا مره مزوجه شبيه مخبل اتحارش بيها بس فكرتها فعلا ماعجبتني احسها بس مجرد امال ماراح تنجح
لؤي : دنجب .... سؤال ياجماعه انتو قابلين على هالتمسلت
الولد : اكيد لا
لؤي : وانت زين ليش ساكت
زين : ببرود اني موافق فمايخصني اذا وافق او لا هذا رائيه الشخصي وهو حرر موشرط الي يعجبنه يعجبه
سجاد : انت شعدك جاي اليوم لو باقي بالمستشفى احسلك
زين : كام مثل ماانت مدير هنا اني هم مدير وبالمناسبه اني اعلى منك فتهمت
سجاد : يابه انت ليش ماتطرده رجال دكتور شيفهمه بشغلنه
جهاد : ضحك مستحيل اذا اطرده نضيع هذا ابو الافكار فلوسك جايه من دماغه
سجاد : جاا شبيها افكاري اني مو اطيتك فكره بس انت رفضت
جهاد : لان افكارك سخيفه جايني تريد نفتح مطاعم اكلات سريعه شهالغباء
سجاد : والله انتو ماتفتهمون الناس تلحك بطنها مو عينها
قصي : هاي بس انت راسك ببطنك
سجاد : وانت راسك تقرب ... شاوره
قصي : ركعه بالبطل لا ياساقط ... هاي اني هيج
سجاد : حشاك انكس
زين : يله اني رايح
لؤي : وين
زين : اخذت اجازه زمنيه وهسه راجع للمستشفى عندي عمليه بعد ساعه يله رخصتكم
الكل : الله وياك
_______________________
غيث : كاعد بالشغل ودك موبايلي شلته شفت ابو حسين ... فتحته الوو هاا خويه شلونك
ابو حسين : اني وابني طالعين من الشراكه والتلاثين مليون يرجعلي لا اشتكي عليك والله
غيث : لحظه بس فهمني شكو البارحه جنه نتفق وطلعنه اشترينه السيراميك حتى نبني المجمع شغيركم فجئه
ابو حسين : بحده اني مايشرفني اشارك واحد جان السبب باذيه ابني الي لسه يعاني بسببكم والي ماخلينه دكتور مارحناله حتى يتعالج
غيث : ليش اني شعليه احد كلك اني خاطفه
ابو حسين : مو انت بس الدكتور المحترم رجل بتك خطف ابني وكسره تكسر وزينه صفر وبكل وحشيه ذبه بالشارع ولو ما الناس الخيره شايله ابني جان اكلته الجلاب ومحد يدري بي
غيث : بتفاجئ تقصد زين سوه هيج بحسين
ابو حسين : اي
غيث : مستحيل زين مايسويها رجال دكتور كافي خيره شره ماله علاقه باحد ليش تتهمو هيج اتهام
ابوحسين : قبل تلث تيام حسين مر من بيت جهاد وشاف الحرس واكفين بالباب يكول همه نفسهم الي خطفو لان همه وره ما زينو اخذو بدون مايغطون راسه لان عبالهم فقد الوعي مايدرون جان واعي يحلف ويتقسم يكول همه نفسهم ... وحتى يتاكد راح لمستشفى الي بيها زين حتى يقطع الشك باليقين رايح سائل عليه واجه محاجي حسين على اساس محتاج مساعده منه وطبعا هو رفض يساعده بحجه ماعنده وقت .... يكول صوته نفس صوت الي ضربني بالضبط ومن خلال تذكره للكلام سابقا زين سائله اسئله من خلاها عرف حسين يقصد براء بتك والموقف الي صار سابقا .... فاني مااريدك تحجي وياي بعد وتنسه شي اسمه اخوه بيناتنه
غيث : ياحقير يازين ... لحظه لا تروح اني اعرف شلون اتصرف بسيطه يازين بسيطه تريد تخرب عليه اني اعلمك
___________________
براء : واكفه بالمطبخ اساعد البنات خاله مريم راحت هي وخالتي خالده وبيبي حميده ونجمه من الصبح يخطبن محاسن وطبعا هذي اوامر سجاد لان اخوانها بالشغل حتى ما يشكون ويسوولهم مشكله ... وسمعت ومناك راح يروحن يتسوكن جم حاجه مااعرف شنو هي وانوب يرجعن .... الدنيا راح تصير ضهر بعد هواي ياله يجي زين ... دزيتله رساله حبيبي شوكت تجي ... ماطول عشر دقايق ورد عليه
زين : " بيج شي حبيبتي "
براء " لا بس اريدك ترجع "
زين : "انشالله مااتاخر بس اخلص شغل اني يمج خوش "
براء : " خوش حبيبي بس مو تتاخر حباب "
زين : " انشالله "
براء : "جيبلي وياك حبشكلات "
زين : "صار وبعد"
براء : " سلامتك حبيبي "
زين : روح حبيبج يله اني اروح باي "
براء : باي احبك "
زين : احبج اكثر ❤
براء : عافت الموبايل مبتسمه ياالله شكد احبه سمعت الجرس اندك ... كمت طلعت افتحتها منو ؟
غيث : اني
براء : هذا صوت بابا ... عدلت حجابه خاف يشوفوني الحراس وفتحت الباب ... ابتسمت هاا بابا شلونك
غيث : جر ايدها دتعاي هسه اروايج شلوني
براء : باستغراب وين ماخذني
غيث : بصيااااح دمشي بت الكلب تحققين ويااي
براء : طلعت البنات يركضن
خوله : كامت شجاي تسوييي عوفهااااا لابارك الله بيك
غيث : لحد يدخل بتي واني حررر
شمس : شبيك حجي صدك تحجي شلون تتهجم علينه هيج عوف البنيه مامن حقك تاخذها وتطلع هي مسؤله من رجلها خابره واذا قبل واخذها
غيث : امشي لجج عود تعلمنييي الاصول ام.......... ( كلام بذيئ)
براء : تجر بايدها بابا عوفني الله يخليك ... شتريد مني
غيث : صفكها راشدي امشييي بت الكلب ساقطه بت الساقطه امشييييييييييي
براء : تبجي بس فهمني شتريد منييي
غيث : تعرفين بعدين امشيي يله
براء : ما امشي اله تكلييي
غيث : اقسم بالله اطيج ضربه اطرحج هنااا تمشين باحترامج لو شلون وانتن ديربالجن وحده تبلغ الحرس،امشييي باحترامج وماراح اسويلج شي تعاندين انعل والديج والله
جميله : شنو هو بكيفك جاي تكلك عوفها ماتريد تروح وياك
شمس : والله ابلغ الحرس عوفهااااا
براء : بدموع كولشي لتسون الله عليجن خلص والله امشي وياك بس لتسويلي شي وخليني البس عباتي مااكدر اطلع هيج
غيث : دمشي عود تريد تصير شريفه براسي ام الزلم ام العلاقات
براء : عدلت حجابي وايدها ترجف وطلعت بالدشداشه انجبرت اطلع وياا اخاف ياذيني ياربي هذا هم محسوب على الابهات
غيث : مسحي دموعج لا تتبكبكين
الحراس : وين مدام
غيث : امها متخربطه وتريد تشوفها
الحرس : باوعلها صحيح مدام
براء : ضغط على ايدها حيلل .... بخوف
اي ااي اي
الحرس : تفصلي ... فتحو الباب
غيث : صعدها بالسياره ... ومشه اني رجلج يضحك عليه يريد يخسرني تلاثين مليون والله على حسابج والله انعل ابوج لابو الساعه الي انولدتي بيها
براء : لارد بس تبجي ياربي شمسوي زين
جميله : ركضت لغرفتها اخذت الموبايل مخابره زين ... ياربي مايرد مره ثنين تلاثه ياله رد ... الوو زين
زين : هاا خويه اسف جنت بالعمليه تفضلي محتاج...
جميله : قاطعته زين ابو براء اجه اخذها بالغصب وراح مااعرف وين
زين : فتح عيونه ... شنووووو
