رواية أحببت من لايبالي الفصل التاسع والاربعون بقلم مجهول
براء : وكف ابويه السياره يم بيتنه
غيث : يله نزلي
براء : ياربي شلون انزل هيج اني تعلمت على العبايه من اطلع هيج احس روحي مالابسه شي ... نزلت ودموعي ماوكفن لحظه .... ياربي شوكت ارتاح مو نشلع كلبي
غيث : لازم ايدها بقوه يخاف لا تشرد فتح الباب بالمفتاح وجرها مدخلها جوه ... ناديه ناديه
ناديه : طلعت للطارمه هاا صحت... سكت مباوعه لبراء الي تبجي .... بخوف شبيج يمه
غيث : دفعها هااج طببيها جوه وديربالج اسمع صوتها انعل والديكم فتهموووو
ناديه : ركضت حضنتها ومشت بيها لجوه ... وكفت بالصاله دارت وجها عليه بعصبيه شبيك تخبلت شلون تدفعها هيج مو تدري بيها حامل وكعت وكعه قويه وتاذه الطفل ماتخاف الله انت
غيث : ويطبها مرض وبدال المرض عشره هي وابنها هالنغ.... ابن النغ....
ناديه : انت صدك تحجي ماستحيت على كبرتك تتلفظ هالالفاظ ... شبيك غيث تره صاير لاتطاق وبعدين تعال ليش جايبها هيج وحتى عبايه على راسها ماكوو وزين شلون خلاك تاخذها هيج
غيث : هو اني رحت جبتها حتى ادب رجلها الكو.... الحقير ..... و كل الي راح يصير بيها بسببه
ناديه : باوعت لبراء شمسوي رجلج ولج
براء : بدموع والله مااعرف ... هو اجه اخذني جبر من البيت حتى زين ميدري بيه طالعه
ناديه : باوعتله وانت شلون تاخذها بدون علم رجلها شنو الفلوس نستك حتى الاصول
غيث : الي يمسني لو يحاول مجرد محاوله يضر مصالحي امه ماجابته
ناديه : وزين شله علاقه بمصالحك الشخصيه
غيث : حضرت رجل بتج الدكتور المحترم طلع واحد همجي وابن شارع طلع هو الي راح خطف ابن اخويه وعذبه بكل حقاره وخلا يدادي من دكتور لدكتور يعالج التشوهات الي سواها بوجهه
براء : صفنت مستحيل زين ميأذي احد منين جبت هالفلم
غيث : لج كح.... مسويه روحج ماتدرين شحال لو ما طابخيها سوه ... انتي ورجلج حتى تعذبون حسين لان طلع سوالفج وفضحج خاف عبالج اذا عرستي يعني ماضييج ينسه لا والخلقج
روان : نزلت تركض على صوت الصياح هي وامير شكو شبيكم .... شبيج براء
براء : باوعتلهم ... بدموع كافيي جذب مو كولشي تذبو براس براء تره جزعتوني لامن جنت عدكم مرتاحه ولامن خلصت منكم مرتاحه وتالي وياكم اموت روحي حتى ترتاحون مني ... يا اخي عوفوني بحالي انسو شي اسمه براء اعتبروني متت كافيي رحموني كولشي مااريد منكم بس عوفوني يم رجلي وجفوني شركم
غيث : جرها من ايدها لاويها بقوه ... طالعلج لسان وصايره تعرفين تحجين لا ومشيخه علينه شوفي ولج خاف عبالج رجلج مدللج ومسويج جل الله وحجايتج مسموعه هناك هنا ادوس راسك بالابسه برجلي فتهمتي خاف عبالج يوكف بوجهي رجلج لو نفوذه والله اطلع بروحج هنا واخلي يتحسر عليج وعلى ابنه طول العمر
براء : بدموع ... اااااخ ايدي
ناديه : عوفها من الله ياخذني ويخلصني منك لككك عوفها البنيه حامل لا تسقط ووووووخر
روان : بابا عوفها حرام عليك راح تنكسر ايدها عوفهاا بابااااا
غيث : دفعها ... شوفي ولج تنسين شي اسمه زين اله اخلي يطلكج واخليج هنا اذلج انتي وابنه ذله الجلاب واراوي شلون يضحك عليه اروحله للمستشفى اريده يعالج حسين يسوي روحه متفاجئ ومايدري وهو راس البله لج اخويه يريد يشتكي عليه اذا مارجعتله الفلوس لج اني ادخل سجن من وره رجلج
ناديه : وانت منتفض على ابن اخوك بعد كل الي سوا ببتك شنو من بشر انت يااخي
غيث : هذا الي تحجين عليه دايني تلاثين مليون مو مثل بتج عايشه ومتنعمه بمليارات رجلها ومافكرت مجرد تفكير تساعد اهلها وازيدج من الشعر بيت ذاك اليوم ماجد فلتها كدامي ... طلع زين مشتريلها بيت كامل مكمل ومسجله باسمها ومحد يدري بت الكلب كله على السكيتي .. بس هي مايغزر بيها مثل البزون ياكل وينكر
ناديه : الله اكبر انوب تريدها تصرف علينه ... ليش تحسينه احنه مكاديه احمد ربك وشكره ساترنه بيت وعدنه وظيفه ... وابنه صيدلاني ومابقاله شي ويتخرج وفوك هذا هم يشتغل ويصرف على البيت شتريد من الله بعد
غيث : هسه بلا لغوه زايده اخذيها من وجهي ووديها فوك وان سمعت واحد بيكم راد على واحد من بيت جهاد اقسم بالله مااسويله شي اجي على براء اطلع كل القهر بيها وداعه امي اخلي دمها بطولها فتهموووو
ناديه : طاحظ الفلوس التغير البشر
غيث : كعد بالصاله اني كاعد هنا ومراقبكم ... انت امير روح جيب الموبايلات
امير : بس
غيث : جره من تراكه تكوم لو لا
امير : بخوف صار صار ... راح جاب مبايل امه وروان واجه خلاهن على الطبله وكام يبجي
ناديه : تعال حبيبي لاتبجي ابوك مايدري بيك تعال يمه
براء : صافنه عليهم متعرف شتكول ... ماكو شي يعبر عن حالتها غير الدموع ..
روان : تعاي براء خلي نصعد فوك يله ماما تعاي
ناديه : اجيت اخذتهم وصعدت فوك
___________________
مريم : طبينه اني ونجمه للبيت رحنه خطبنه البنيه وشلون بنيه هي لطيفه لدرجه وهسه منتظرين اهلها يردولنه خبر ... دكيت الجرس واجت دارين فتحت الباب دخلنه
مريم : دخلت للبيت اباوع البنات كاعدات بالصاله وايدهن على خدهن وحتى امي مدري شبيها ... السلام عليكم
الكل : وعليكم
مريم : خير شبيكم
نجمه : وين براء جبنالها كنافه مو جانت مشتهيتها رحنه جبنالها واجينه
جميله : تنهدت ماهي اجه ابوها خذاها وراح
مريم : باستغراب ليش خذاها
خوله : الحقير تهجم علينه وسحولها تسحول خطيه وخذاها والمشكله مانعرف ليش الله لايوفقه حتى ضربها يعسى بيده الكسر انشالله
مريم : لطمت على صدرها ... ليييش وزين دره
شمس : اي خابرته جميله واني خابرت الولد كتلهم يلحكون زين لايروح يسوي شي
مريم : يعني راحلهم هسه هو
خوله : لا لان حتى احنه مانعرف وين خذاها وجاي ادك على ناديه ماترد
نجمه : عود شنو معناهه هالتصرفات مااستحه على روحه يتعدى على حرمه بيت مابي زلم
جميله : والله مااد.... اندك الجرس كامت بسرعه فتحت الباب دخل زين بسرعه
زين : بعصبيه وينها وينننن خذاهاااا
جميله : والله ماادري
زين : وانتن وييين جنتن هااااا شلووون تخلنه ياخذهاا وهي اصلا شلون تقبل تروح وياا بدون ماتكلي شنو هي سايبه
خوله : ولك بيبي خذاها غصب ومن ماقبلت تروح وياا كفخها تكفخ وسحولها وهي خطيه خافت على روحها فانجبرت تروح وياا
زين : نطت عيونه .... ضربها ؟
خوله : اي كسر بايده انشالله
مريم : تباوع لزين عيونه صارت براسه ... اهدئ يمه هسه يجي ابوك وترحون تش.... بعدها مامكمله عافها وطلع يركض
زين : طلع جر الحرس .... بحده شلووون تخلوون مرتييي تطلععع بدون ماتكلولي ... انيييي المنننننن خالكمممممممم هنااااا شنووو بس تاااخذوون رواتببب وانتووو كاعدين وييييين شغلكمممممم
الحارس : سيدي والله مدامتك هي الي كالت والدتها متخربطه ورايحه تشوفها وانت عندك علمم
زين : دفعهم مشغل السياره حسابكم من ارجع مو هسه .... اخذ سيارته وطلع ... بسيطه يا غيث اني تنضرب مرتي واضل ساكت والله لزينه لشاربي وماانحسب على الزلم اذا ما انعل والديك واخليك تبوس القنادر داسس برييييك متوعد الهم
_______________________
براء : كاعده بغرفتها وتنحب وتبجي
ناديه : ولج يمه كافيي بجي مو زين عليج
براء : يمه والله جذب اني ممتفقه ويه زين ولاحتى ادري بهالسالفه وهستوني سمعت منه اني اصلا ماادري بحسين مخطوف ومتعرض لتعذيب تدرين بيه اكرهه سيرتهم وحتى مااسئل عليهم
ناديه : والله يا يمه ادري بس ابوج يكول حسين مسولفلهم كلشي وعلى اساس هو شايف الي عذبو واكفين بباب بيتكم يعني حرسكم همه الي خطفو وزين علساس ضاربه وهم هسه مدري منين طلعلي بسالفه قطعه الارض
براء : تنشغ والله يمه ابويه يجذب زين كولشي ممشتريلي ... والله اني ماادري بيكم معدكم فلوس ولو عندي مااقصر بس مااكدر اطلب من زين هذني فلوسه مو فلوسي ميحقلي اتصرف بيهن
ناديه : حاضنتها ولج يمه صدك تحجين قابل احنه عايزين اشو الحمدلله الله كافينه بس ابوج كام يشوف العالم وشيشوف عدهم يريد
براء : لارد ... حضنت رجليها ودموعها ينزلن ... يا الهي واسمك تعبت بعد مااتحمل شوكت يخلص اختبارك مو تعبت ... حست بشي يهتز بهدومها فتحت عيونها متذكره هي خاله الموبايل بجيب الدشداشه طلعته شافت رقم زين جاوبته بسرعه واديها يرجفن .... الووو زين
زين : بحده وين انتي بسرررعه جاوبيني
براء : بدموع ببيتنه
زين : حس كلبه ينمرد وهو بسمع صوت بجيها .... بهدوء لاتبجين فهميني ابوج ليش اجه اخذج من البيت
براء : تنشغ زين ابويه يكول عود حسين شهكت كايله انت الي ضربته ومشوهله وجوهه والحرس مالتكم همه الي مزيني مدري شمسوين بي باوامر منك ... اني كتله انت مستحيل تسو.... قاطعها
زين : ببرود اي صحيح اني الي سويت بي هيج والحرس زينو صفر وشكوو هدومه وذبو بالشارع بامر مني ... ولو ارجع اشوفه مره ثانيه هم اضربه واسوي بي الانكس شيريد بعد شنو خايف منه
براء : فتحت عيونها ... يع يعني صحيح الي كاله ابويه انت ضاربه هيج
زين : اي وافتخر
براء : بدموع زين بابا يريد يطلكني منك
زين : اي كليله يكول زين تدلل ... دخلي اوصل اذا مااسمط ابو مااتسمه زين يله روحي اني راح اوصل لبيتكم واعرف شسوي وياا
براء : منتظرتك ... سدت الموبايل وباوعت لامها واختها الي فاتحات حلكهن
روان : يعني كلام بابا صحيح زين هو الي ضارب حسين
ناديه : زين ليش هيج ماذي
براء : بدموع اني متاكده اكو سبب زين ميأذي احد بدون سبب اكيد حسين شو شمسوي
غيث : دخل للغرفه شجاي تسون
براء : خلت الموبايل وره ظهرها
غيث : شضميتي
براء : مضميت شي
غيث : اجه بسرعه جر ايدها مطلع الموبايل من وره ظهرها .... عبالج مالكفج يعني ... شو دجيبي اني مو غبي عرفتج راح تخابري تحلمين تشوفين موبايلج بعد حقيرره تتحديني كتلج ضلي كاعده هنا وانسي زين
براء : تبجي ... هي لعبه لو دكمه واودسها هذا رجلي وابو طفلي على اي اساس انفصل عنه ولخاطرمن لخاطر ابن عمي الي دمر سمعتي واذاني بكل حقاره
غيث : لاتلغين زايد كتلج تبقين كاعده هناك وبيت جهاد تنسيهم بعد
ناديه : اشرتلها سكتي
غيث : اني نازل حسج عينج اسمعج مسويه شي ... مايحتاج اكلج شسوي اذا ماتخافين على روحج خافي على الي ابطنج ... عافها وطلع وناديه لحكته تحاجي
__________________
زين : وصلت لبيتهم ... نزلت دكيت الباب محد يفتح ... طلعت موبايلي داك على ابوها ... مره ثنين عشره ماكو .... رجعت خابرت براء ماترد .. لا اله الا الله
غيث : كاعد بالغرفه وناديه تحجي وياا
ناديه : غيث تصرفك هذا مو صحيح شلون تاخذ البنيه من بيت رجلها وفوك هذا تعديت على بيت مابي بس نسوان شلون تقبلها على نفسك
غيث : جاا ترديني اسكت على عملت ابن اخوج
ناديه : اكدر اعرف ليش هالدفاع المسلح هذا اللهم
غيث : ناديه من الاخير اني اخذت قرض ومداين من ابو حسين مبلغ جبير وداخل وياا شراكه مال مجمع مواد منزليه واذا اوكف ويه بتج كلشي مااربح حسين كلي اذا بقت براء عد رجلها بعد كل الي سوى وياا انسه شي اسمه مجمع ولازم ارجعلهم الفلوس لو يشتكون عليع وساعتها كل تعبي يروح بلاش ... ترديني اني من تالي عمر اتهدد بالسجن من وره بتج ورجلها .... والله لخلي يعضعض اصابعه ندم مو اني الي ينضحك عليه
ناديه : هاي الخبصه كلها تخاف لا حسين يطلع من الشراكه وتصفه وحدك .... شنو انت بس فهمني شلون تورط روحك هيج ورطه شلون تدخل وياهم شراكه وتامن بيهم بعد الي سوو .... غيث انت ماجنت هيج ليش الفلوس غيرتك وين غيث الحنين ابو كلب الطيب وين حنيتك على جهالك شجاك اذا طحت يفيدك حسين لو ابوحسين الله وكيلك يذبوك ولا بحالك
غيث : لا تحجين عليهم هذوله اهلي فتهمتييي ... دك موبايل براء شاله ... ههه مسجلته حبيبي ... ام الزلم حبيبها رفضه ... فتح الجهاز لان مابي رمز يباوع خاله صورتها هي وياا خلفيه للموبايل ... كاعده بحضنه وهو بايسها بخدها ... دشوفي السعاده الي بتج بيها واحنه كل مابينه نرجع لوره
ناديه : بكلبها شلون حظ حظج يايمه حتى على الضحكه محسوده ... رد عليه لاتشلع كلبه
غيث : هو اني اريد اشلع كلبه خلي يدك ومحد يجاوبه لمن يركع راسه بالحايط
براء : الجرس صارله ساعه يندك وابويه ميخلي واحد يطلع يفتح الباب ... روان الله عليج كومي فتحي الباب
روان : والله اخاف يضربني ابويه
براء : خلت ايدها على راسها باجيه
زين : استغفر الله رجعت دكيت عليها هم ماترد وين راحت .... دكيت على ابوها فتحه ....بعصبيه الووو
غيث : خير
زين : ببرود اني واكف بره افتحلي الباب
غيث : مايشرفني وجودك ارجع منين مااجيت
زين : ماميت على بيتك ... اطيني مرتي وضل ببيتك اشبع بي
غيث : مالك مره يمي امشي ارجع
زين : بعصبيه ... شنوو هو بكيفك لاتخليني انسه فارق العمر البيناتنه خليني محترمك ... اريييد مرتيييي لاتخلينييي اتعامل وياااك بغيررر اسلوووب خليها تطلعي بهدوء احسن الك انتتت
غيث : والله اني مااتهدد .... وخلي اكلك شغله الي يمس اهلي يمسني وانت اذيت ابن اخويه وابني بنفس الوقت خاف عبالك راح اسكتلك على عملتك ويه حسين لا والله
زين : والله عاد اذا اهلك كواو.... وانت تدري وساكت فانت اكو.... منهم
غيث : ابن شارع ماعليك عتب
زين : ببرود بسيطه اراويك ابن الشارع شيسوي كام يصييييح افتتتتتتتح الباااااااااب
روان : ولج براء رجلج راح يفضحنه بالمنطقه كام يصيح
براء : تبجي ... ياالله دخيلك كون ماتصير مشكله
زين : لككك افتتتتح الباااااب شووو خنستتت جبااااان
جهاد : نزل هو والولد يركضون ... جر زين لك صوتك تخبلت عود هاي انت العاقل المثقف شخليت للهمج
زين : بعصبيه اريددد اراويييي ابن الشارررررع شلوووون يصيرر لللللك .... شففتتتتتت ابننن الشارررررررع شيسوووووي اذااااا انت طاللللللع من ظهرررررر رجالللللل اطللللللع
جهاد : صم حلكه ولك اسكت انعل ابو تربيتك صوتك
لؤي : زين صدك تحجي
زين : بحده لحد يدخل فتهموووو
سجاد : زين الله يخليك اهدئ دشوف وجهك شلون صار ... بس فهمنه ابوها ليش اخذهااا
زين : بعصبيه لان كلب ابن كلب
حسن : صوتككك زييين
زين : انعل ابو صوتييي ياابووو حتى زييين رتاحيييت هسه
جهاد : خزره ... زين
زين : مسح على وجهه العفو يابه والله مو قصدي اعذرني طلعت مني بدون قصد
جهاد : دك على غيث ... الوو ام محمد الله يساعدك اني واكف بره رجاءا افتح الباب خلي نتفاهم جوه عيب وكفتنه بنص الشارع
غيث : ماكو تفاهم اخذو ابنكم وروحو ابنك مايطب لبيتي لو تطلع نخله براسه
جهاد : يعني هاي طرده
غيث : لا حشاك مو الك الطرده بس لزين
زين : بعصبيه .... بحال بيتك اني ابووو الزبايلل لو بيك خير اطلععع احجي كبالي مو خاتل جوووه خنيوووووه
قصي : خرب اسكت لا تكفرنه لك اسكتتتت
جهاد : يعني افهم من كلامك ماراح تفتح الباب
غيث : لا
جهاد : خلص ... سده امشونه
زين : واكف بمكانه ماتحرك
جهاد : يله بويه امشيي
زين : ما اتحرك من مكاني اذا مااخذ مرتيي تردون روحو انتو ... اني باقي منتظره حي على الصلاه يطلع قابل راح يضل جوه طول عمره
جهاد : امشي زين وعد باجر نجي نتفاهم والله بس خلي تهدئ الاوضاع هسه انت عصبي وهو عصبي خلي نفتهم منك السالفه واني بركبتي ارجعها
زين : ببرود ماكو حاجه مرتي ارجعها بايدي مااريد واحد يساعدني
قصي : بداعت جهالك البعدهم مااجو امشينه نتفاهم هناك لخاطر محمد يله
حسن : ابو الزون انت العاقل الي كلشي تاخذه بهدوء تصرف بهالطريقه امشينه يله
زين : ببرود كلت لا
جهاد : اقسم بروح ابويه يازين اذا ماتجي اتبره منك وحقه هو الحسين
زين : استغفر الله .... فتح سياره وصعد داس بريك ومشه كدامهم
لؤي : هذا شبي خبل
سجاد : زين صار عصبي وعدك الحساب
جهاد : امشونه خلي نلحكه
قصي : يله ... صعدو بسيارتهم وراح ورا للبيت
__________________
بعد مرور ساعتين
محمد : خلصت دوام وطلعت للبيت ... وصلت دكيت الباب محد يفتح ... شبيهم ذوله استغفر الله حتى مفاتيحي ماخذتهن وياي اليوم ... دكيت على امي تفتحلي الباب
ناديه : هذا محمد جاي يدك الباب كوم افتحله الباب
غيث : كام طلع للطارمه .... فتح الباب
محمد : صار ساعه ادك الجرس وين جنتو
غيث : دطب واني افهمك السالفه
محمد : دخل للبيت ذب الملازم على الكاونتر ودخل للصاله شاف امه واخته كاعدين السلام عليكم
الكل : وعليكم السلام
محمد : كعد خير شبيكم وجوهكم مكلبه
غيث : اختك فوك
محمد : براء ؟ .... خير خوما بيها شي
غيث : ابن عمك حسين عرف الي خطفه
محمد : اي وبراء شعليها بالموضوع
غيث : مو رجلها الي طلع خاطفه
محمد : ابتسم والله وعاشت ايده بس ليش
غيث : شنو عاشت ايده خبل انت ... جاي اكلك زين خطف ابن عمك وسوه بي كل هالعمايل السوده
محمد : اي غير اعرف ليش
غيث : لان فضح اختك بذاك الوكت قبل لا يتزوجها زين
محمد : شلكم بيها هاي وهو لو يدري بيها عدها شي يخليها عده شهالمنطق هذا
غيث : والله اني كلشي اتوقع من اختك ... مثل ما كدرت تخلي يشتريلها بيت تكدر تقنعه هي بريئه وحسين تبله عليها
محمد : العفو منك بابا بس احنه شعلينه تقنعه يشتريلها بيت سياره طياره احنه شكو هاي فلوسهم وبكيفهم وين ما يصرفوها يصرفوها احنه مالنه اي حق انو ندخل
غيث : اني ماتهمني الفلوس بس اريد اادب رجل اختك ... لك رحتله اتوسل بالمستشفى حتى يعالج حسين ورفض حتى يطيني اسم دكتور زين يعالجه ... شوف شكد واحد نحس وحاقد ماتشوفه توالم ويه اختك
محمد : باستنكار وانت هسه رحت جبتها من بيت عيالها وكطفتها هنا وتعاركت ويه بيت خالي على حساب حسين الناقص
غيث : احترم نفسك لاتحجي على ابن عمك ادبسزز كل الخير الي احنه بي منه لو ماهو يداينه فلوس حتى سياره ماتكدر تصعد
محمد : تحسسني انت جاي تحجي على الامير هاري هسه فد قندره حسين بنعال مااشتري واحد نسيواني وذره اخلاق ماعنده جاي تقارنه بزين الدكتور المثقف والي اخلاقه تنضرب بيها المثل صدك تحجي بابا
غيث : كام انتو كلكم مخولين سفله ولا واحد بيكم بي خير ويحب اهلي بس هو مو صوجكم صوج امكم المسمومه
ناديه : ضحكت بعد ماربيت اختك وتحملت هوسه خواتك وداريت امك بمرضها وذليت روحي لليسوه والمايسوه حتى الم جف فلس تشتغل بيهن فوك الوظيفه طلعت من تالي وكت مسمومه ... رحم الله والديك وما قصرت
غيث : تنهد ... اني رايح انام لحد يكعدني فتهمتوو
محمد : هز ايده شبي ابويه شو كلما يتقدم بالعمر كلما يتخبل علينه
ناديه : تادب لك لاتحجي على ابوك هيج
محمد : انت خليج صافه وياا لمن يطيح حظنه ... وينها براء
روان :خطيه كوه نومتها تنحب وتبجي تريد ترجع لبيت خالي
محمد : حقها والله حقها منو تقبل تعوف بيت رجلها على حساب واحد مايسوه شعرة خشم
امير : هههه اي ووصخ هم
روان : لا عاب حلكك
________________________
بيت جهاد
مريم : كاعده وتباوع لابنها الي صاير بارود من العصبيه
جهاد : اول شي اهدئ وثاني شي فهمنه غيث ليش اجه اخذ براء من البيت وانت شمسويله حتى هيج شايل عليك
زين : مسح على وجهه ... اذا تذكرون المشكله الي صارت بيني وبين براء ... قبلها بفتره رحت اخذت الموبايل الي بي الصور والي علساس لبراء واطيته لادم يتاكد من البي اذا كان مفبرك لو حقيقي
جهاد : اي
زين : اي وضليت منتظر خبر من ادم وللاسف باليوم الي وصلتني الصور من الحرس (براء وحسين ) سويت الي سويته ... بنفس اليوم خابرني ادم وبلغني انو الصور والمحادثات كلها مفبركه وبراء ما الها اي صله بهالموبايل وكل الي صار تخطيط وتبلي من ابن عمها وخواته
مريم : هزت راسها استغفر الله شنو من بشر ذوله شلون يكدرون يطعنون باحد هيج
خوله : المايخافون الله كلشي يسوون
جهاد : بس لحظه ... وانت ليش ضليت ساكت وما حجيت من البدايه
زين : جان اكو شي ابالي منتظره ياله احجي بس للاسف خربت كل مخططاتي بسبب هالابن الكلب هذا
لؤي : زين شنو علاقة الي كلته بالي سوى ابو محمد وغير المفروض اذا عرف بسوالف ولد اخو كون يوكف ضدهم مو وياهم
زين : ببرود مو هو اجه خذاها لان عرف
حسن : كمل كلامك
زين : اي فبعد ما عرفت الي سوو بيها ... رحت جبت ابن عمها وسويت وياا اللازم ومن ابوها عرف اني الي ضربته اجه خذاها وراح عباله راح اروحله اتوسل يرجعها مايدري اذا طخت ببالي اخبزه هو واهله وانعل والديهم
سجاد : يعني انت سويت بحسين هيج ؟
زين : ببرود اي
قصي : وانت وين شفته ؟
سجاد : شفت ابو محمد ناشره بالفيس وهو بالمستشفى طالب من الناس يدعوله لان حالته حرجه ... واني كل عبالي ضاربته سياره طلع زين الي ضاربه
قصي : شو اوكف طلع موبايله داخل على الفيس ... دخل على صفحه ابو براء وفك حلكه ... لك هااي شمسووي بالرجال صدك تحجي
زين : ببرود يطبه مرض هاي تاليه اليلعب باعراض العالم
سجاد : هاي همه مزيني صفر لو انت
زين : اني
لؤي : ههه اللهم لاشماته ... طالع جنه ديج مهلس
جهاد : مايجوز ابني ... لاتظهر الشماته لاخيك فيرحمه الله ويبتليك
لؤي : العفو يابه
حسن : والله عاشت ايدك قسم بالله ينشد بيك الظهر انت
جهاد : انت مأيده يعني شهالخبال .... باوع لزين ابني شهالعنف هذا صحيح هو غلط بس مو مال تضربه هالضرب المبرح مايصير ما فكرت يعرفك ويشتكي عليك
زين : ببرود خلي يشتكي شنو خايف منه ... هو غلط ولازم يتحمل نتيجه غلطه
جهاد : هز راسه انت ما تتناقش والحجي وياك دوه
خوله : يمه جهاد تره ابنك حقه منو يقبل الي سوا هالحقير سواء جانت المقصوده قريبه منه او بعيده مو انوب مرته ويسكت اصلا لو اني مكانك ابوس ايده
مريم : تنهدت زين هسه شلون
جهاد : خلي الوضع يهدئ هاليومين وبعدها نروح نتفاهم وياا
زين : بعصبيه شنو يومين ... اليوم نروح نجيبها اني ماامن اخليها هناك
جهاد : هو ابوها اكيد ماراح تخاف عليها انت اكثر منه
زين : شلون ابو هو ... فلس مايسوه
جهاد : عيب عليك رجال بكد ابوك مايصير تحجي عليه بهالطريقه تادب
زين : يابه خصم الحجي اني مال اكلك انتظر يومين مستحيل مرتي ترجع اليوم برضاته غصب عنه مو مشكلتي تكول لا والله ومااكدر اني اروح اجيبها بطريقتي الخاصه
سجاد : خلاصا للمشاكل ... خلي نروح باجر هالحل يرضي الطرفين وانت زين حاول تصبر شويه مابقه شي لباجر الدنيا عصر هسه غمض عين فتح عين تلكه اليوم خلص
زين : بكلبه .. شوف هذا شيحجي اني ساعه وحده مااكدر بلياها يريدني انتظر يوم كامل ... كام ماشي على باجر انشالله وعود طلعولي عذر ... وياريت تبلغون ابوها يخابر اهله كلهم وبالاخص بيت ابو حسين
جهاد : انت على شنو ناوي
زين : ابتسم برجوله كل خير انشالله
_______________________
الساعه 10 ليلا
روان : نزلت من فوك شايله صينينه
ناديه : هاا اكلت
روان : متقبل صار ساعه اتوسل بيها تاكل متقبل بس تبجي
ناديه : جيبيها اخذتها وصعدت فوك ... فتحت باب الغرفه ودخلت لكتها حاضنه المخده وبس صوت بجيها مسموع ... كعدت يمها ليش ماتقبلين تاكلين يمه
براء : بدموع مااريد
ناديه : جاا شتردين
براء : اريد زين
ناديه : ولج يمه لاتشلعين كلبي كومي اكلي مايصير من الظهر لسه اتوسل بيج على لكمه وحده وماتقبلين حرام عليج
براء : بدموع كولشي مااريد منكم بس رجعوني لزين والله بعد مااراويكم وجهي بس رجعوني اله اني مااكدر اعيش بلا والله اموت
ناديه : سوده عليه يمه لو بايدي ارجعج هسه لرجلج بس قابل هو بايدي ابوح مقفل البيبان ومايخلي واحد يطلع وحتى موبايلي ماخذه
براء : لارد
ناديه : مسحت على شعرها كومي حبيبتي اكلي تره حرام عليج اكو روح بداخلج مايصير تعوفيها جوعانه الله يحاسبج
براء : بهدوء ما اشتهي
ناديه : ميخالف جبري نفسج اذا مو لخاطرج لخاطر الطفل ... قربت الصينيه يمها يله اكلي انتي مو ماتحبين تأذين احد يصير تأذين ابنج والي صار قطعه من روحج
براء : بكلبها ... سوده عليه اني فكرت بنفسي ونسيت اكو روح جوايه ... اخذت الخبزه ماكله شويه ... ضلت تاكل جابره نفسها كملت وشربت مي ... كامت شالت الصينيه
ناديه : عوفيها يمه اني انزلها رجعي نامي انتي من الظهر لسه بس تبجين كافي يله ... خالج خابر ابوج وكله يخابر بيت جدج وعمامج حتى يصير الحجي كدامهم وانشالله باجر همه العصر هنا ... يله ارتاحي وسلمي امرج لله
براء : ونعم بالله
ناديه : طفت الضوه وطلعت ساده الباب وراها
براء : لزمت بطنها حبيبي اسفه عفتك جوعان اليوم وماهتميت غير بروحي ... وين بابا هسه ويجي يعاقبني لان جوعتك ... ابتسمت شاكيه لطفلها همها وكأنو هو راح يسمعها
___________________
زين : نايم بغرفته وخال ملابسها على وجهه لان ميكدر ينام وهي ماموجوده تعود على وجودها ... سمع الباب يندك كام طلع فتح الباب شاف دارين ... ببرود شكو
دارين : تعال تعشه
زين : ببرود مااريد ولحد يجيني خوش اجه يسد الباب لزمتها
دارين : تباوعله ضام ايده وره ظهره ... ليش مايصير متاكل والله اذا مااكلت اني هم ما اكل لان راح يضل بالي يمك
زين : يطبج طوب ولاتاكلين اخر همي يله روحي
دارين : ليش هيج ضايج على براء تره المفروض تعتبرها اشاره من الله حتى يحذرك من هالعائله الفكر والي ماهمها غير الفلوس والجشع
زين : ببرود والله حتى اني جاي تجيني اشاره بانو اكو واحد جلده يحكه ويريد ينهان وينكتل شتكولين انتي
دارين : طبت للغرفه اكدر اعرف انت ليش هيج جاف بالتعامل ويه الكل بس ويه براء تختلف
زين : انتي كلتيها بس ويه براء وبراء مرتي شي اكيد راح اكون وياها غير شكل
دارين : بس لو اعرف شتحب بيها مع انو اكو هواي بنات مثلها واحلى منها ابسط مثال اني احلى منها وبهواي هم
زين : باستنكار ... انتي احلى من براء ؟
دارين : اي طبعا
زين : ببرود شجاب الثوم على الحلقوم انتي صدك تحجين شو دروحي تره مالي خلكج
دارين : وكفت كباله صدكني زين بس لو تنطيني فرصه والله اعيشك شي بحياتك ماشايفه والله حتى اسم براء انسيكياا بس انطيني فرصه ... اني هسه خلصت من نازك وبراء هم راحت جاا عليمن خابص نفسك تروح وحده اكو وحده احسن منها موجوده
زين : ببرود طلع ايده من وره ظهره ... ضاهر حماله صدر مرته ... اذا عدج مثل هذا اني موافق
دارين : باحراج هاا
زين : كمل ببرود ... اذا عدج مثل جسمها اني موافق اشر على الصوره الي علطبله اذا عدج مثل وجها وبرائتها اني موافق والاهم من هذا كله اذا عندج ذره وحده من اخلاقها .. حنيتها .. خجلها .. جمال روحها .. اني موافق عليج وبدون اي تردد ... بس انتي ماعندج ولاشي موجود عدها ولا راح يكون عندج ... ابسط مثال .... اني هسه واحجيها كبالج مااستحي من اشوف براء كبالي وبأي طله كانت يتخربط كياني اما من اشوفج انتي تتخربط معدتي والله وانتي ما محلفتني وصلتلج الفكره لو اشرحلج اكثر
دارين : انت ليش تكرهني شمسويتلك اني
زين : ببرود اكرهه كل بنيه بايعه نفسها وماعدها حياء ... جان استحيتي تجين بذات نفسج تعرضين على رجال هيج عرض منحط وسخيف وللاسف عبالج كل رجال يكيف ويفتحلج بنطرونه ... كتلج سابقا وارجع اكلج اني مو من النوع الي اوافق على هيج عروض ... اني الله خلقني حتى اصير لبراء جسمي بس الها وكلبي وعقلي وروحي هم بس الها اني مو سلعه وافتر واتجرب من كل النسوان ... اتمنى تكونين فهمتي قصدي وهسه رجاء طلعي بره اريد ارتاح شويه
دارين : بس...
زين : دفعها بخفه كلت طلعي بره بره ... طلعها وسد الباب جان عايزني اني ... رفع حماله صدرها رافعها لعيونه مبتسم والله لو تشوفك تضل تدك وتلطم حبيبتي الغرفه وحشه عليه بلاها
________________________
اليوم التالي الساعه 3عصرا
براء : كاعده بالصاله منتظره بيت خالو يجون ... اباوع عمامي اجوي وحتى عماتي احن ومااعرف ليش بس هذا طلب خالو جهاد اباوع بنات عمي ابو حسين صارلهن ساعه يذبن بسامير واني ولا الي خلك حتى اجاوبهن
هاله : خطيه يعني شنو ذنبها براء راح تطلك بعمر صغير والصوج برجلها
صفا : يمعوده اذا ماطلعت هي متفقه وياا على حسين
ندى : وتالي وياجن انتن سكتن لاتخلني اطيح حضجن
حلا : يااا براء سمعنه بيج حامل هسه حرامات راح تطلكين ويضل ابنكم متشتت ... شفتي هاي حوبه حسين طلعت بيكم
بنين : رفعت ايدها الله لايوفقج عساا هالطفل يموت لو يطلع مشوهه واتشمت بيج واكول هاي حوبه رجلي بيكم ... الله لا يطي لرجلج ... حسين صارله اشهر يدادي على الاطباء متشوهه وجهه من وراكم ابو طله الحلوه هيج يصير بي من وره رجلج ابن الحرام
براء : بهدوء والله اذا اكو ابن حرام فهو رجلج وانتي ... وزين تاج راسه ويحطه حذاء جوه رجله وللمعلومه اني هسه ضايجه لان زين نكس ايده من مدها على رجلج النكس
بنين : جرتها من حجابها ... لج حقيره تشمتين بيه
روان : دفعتها دوخررري جنج شمعه فكر عود مسويه نفسها تحب رجلها ابو النسوان ابو القميص المعثك من الوصخ ... دروحي نظفي وصاختج وتعاي نتفاهم فتهمتيييي
بنين : باوعتلهم بحقد ... صلفات
____________________
جهاد : وصلو لبيت غيث وزين لحكهم ... دكو الباب ودخلو كلهم ... السلام عليكم
الكل : وعليكم السلام
غيث : كام شلونك ابو لؤي تفضل تفضل
جهاد : كعد هو والولد
قصي : اكلك هذا شبي يخزر بينه
سجاد : غير اخونه خابزه خبزه معدله مسوي خبز العباس ماتشوف وجهه طبعا يحقد علينه قابل يكوم يبوس راسنه
جهاد : سوه روحه ميدري ... من رخصتكم اكدر اعرف ياابو محمد ليش اجيت البارحه اخذت جنتي من بيتي واعتديت على حرمه نسوانه وبدون حتى ما تدير بال للحرام والعيب
ابو حسين : والله عاد زين سوه بيكم من انتو تعتدون على ولد العالم ماتحاسبون نفسكم لو بس تبيعون مثاليات
حسن : اعتقد ابويه وجهه الكلام لابو محمد وعلى حسب علمي حضرتك مو ابو محمد
ابو حسين : خزره هي هاي الاصول تحاجي الاكبر منك بهالطريقه
لؤي : احنه ما سبيناكم ... اجينه اليوم نتفاهم على سبب تجاوزكم علينه بدون اي احترام
غيث : اخوك خطف ابن اخويه وعذبه هذا وياا كدامكم لسه يعاني من الضربات والكسور الي سببها اخوكم الهمجي اله
حسين : ابنكم السافل عذبني تعذيب حتى الارهاب مايعذبون مثله هالحقير الكلب
جهاد : دير بالك تحجي عليه بهالطريقه لو تجاوز اني اجيت اتفاهم وياك مع انو انت الغلطان صحيح اني احترم الكل بس الي يمس ولدي وخاصه زين ادوس راسه بالي لابسه برجلي ومع احترامي للكاعدين
معتز ( ابن ابو احمد عم براء ) : يعني فوك ما ابنكم الغلطان فوك ما انتو اهل للراه..
زين : دخل للاستقبال بطلته المضلمه والمعتاده رؤيتها ... ببرود السلام عليكم
الكل ماعدى ابو حسين وحسين وغيث : وعليكم السلام
زين : كعد
ابو احمد : ليش هيج زين مسوي بابنه ... مو انت دكتور وواعي وتعرف الله شلون تكدر تعتدي على شخص بهالطريقه ... والله من كلولي ماصدكت انت تسوي هيج لان اعرفك عز المعرفه اني والمستشفى كلها تمدح باخلاقك
زين : اولا اي اني ضربته وماخايف من احد ... وثانيا مو بمعناهه اني دكتور يعني كرن واسكت على الي يمس عرضي ... وثالثا والاهم الي ما يحترم نفسه وياي اطلعله وجهه ابن الشارع ماعنده مثله
غيث : انت شكد ما تحترم
زين : ببرود خليت الاحترام اللكم
حسين : كام يريد يضربه لزمو ولد عمه .. لك الله ياخذك شمسويلك وتعتدي عليه هيج شنووو العداوووه البيني وبيننننننك حتى تاذيني كل هالاذيه
زين : اذا انت رجال تعال اوكف كبالي ولا تلبد وره الزلم ... اذكرك بولاويلك الي ماتلحك النسوان من الالم بذاك اليوم
رائد (ابن سعاد ) : انت ليش تستفزه عود مفتخر يعني
زين : بلا حجي زايد ... انتو تردون تعرفون ليش ضربته
الكل : اي
زين : ببرود فتحو باب الاستقبال وخلو الحجي يصير كبال الكل ... بامر يللله
محمد : فتح الباب
براء : واكفه واسمع كلامهم همه يحجون بحركه وزين رب البرود بالكلام .... اجه محمد فتح الباب حتى الكل يسمع بده زين يحجي والكل صاغيله .. اروحله فدوه ماكو صوت يعله على صوته
زين : كام ... ببرود قبل لا ازوج براء ابن اخوكم المحترم هو وخواته طلعو سالفه على مرتي ... واتهموهه عود عدها علاقه ويه هذا المكحف ... المهم اني اخذت الجهاز من محمد وره اسبوع من العرس مو محمد
محمد : اي صحيح
زين : اي وعرضته على خبراء بهالشي ووره فتره طلع التقرير الي يثبت انو الصور مفبركه والرسائل الي بي جايه من موبايل وحده اسمها هاله وواحد اسمه حسين والي هو ابنكم وبتكم المحترمين
حسين : بصيااح جذبب جذببب اني فعلا جان عندييي علاقه بيهااا وهاي الصور هيييي دازتهنننن
زين : دفره برجله ... بحده دير بالك تجيب طاريها على لسانك سااااافل
ابوحسين : يعني تعتدي عليه عينك عينك
زين : بعصبيه واطيح حظه هم
غيث : واحنه شمدرينه كلامك صحيح ومو تبلي
زين : طلع بسرعه ورجع دخل .... قدم التقرير هذا التقرير الي يثبت براءة مرتي .... الصور الي بي مركبه وجها والصوره الحقيقه موجوده وراجعه لبنات ليل اصلا مو عربيات مجرد ماخذيهن عن طريق الانترنت وطبعا هذا باتفاق على مبلغ بين الطرفين
غيث : تجمعو الكل يشوفون التقرير ... فتح عيونه منصدم ما مصدك الي جاي يقرا ... كل الصور جذب كل المحادثات جذب نضحك عليهم بسهوله تجمعت الدموع بعيونه ... مم مستحيل
زين : ببرود ... اضافه للتقرير تكدرون تسمعون هاي المكالمه الحلوه هم والي مسجله على نفس الجهاز ... فتح الموبايل داخل على المكالمات ... على الصوت وشغله رجاءا صوتكم خلي الكل يسمع هالفلم الحلو ....... شغله ... يباوع بالوجوهه الكل ضل صافن عليه ميعرفون شيحجون الشي الغالب على وجهم خجل على ندم ... يباوعلهم واكو ابتسامه بداخله
براء : تسمع ودموعها ينزلن بغزاره .... الحمدلله الهي عرفت راح تظهر الحقيقه بيوم من الايام ... اباوع هاله وخواتها وجهن صار اصفر وعماتي ايدهن على حلوكهن لان ستوهن درن بالسالفه محد جان يدري غير عمامي وزين هسه ثبت برائتي كدام الكل وفشلهم كدام الكل هم
زين : خلصت المكالمه .... اعتقد هسه اني اطيت اكثر من اثبات على براءة مرتي ... اني ماسويت هيج حتى تغيرون نظرتكم بيها لان رائيكم وقندرتي بس اني ثبتت برائتها حتى ابين نذالتكم وحقارتكم ويه بتكم ... واول واحد انت يا غيث لو الناس تدري بيك رجال حامي عرضه وعليه الاعتماد ماجان تجرئو يمسون عرضك ... بس تف عليكم من نسوان بطول الزبانه وواحد مسحتل خلاكم تشكون بتربيتكم
محمد : هجم على محمد نايم فوكه يردون يفكو عنه ميكرون نايم على خوانيكه
معتز : للللللك وخررر عوفه هالنكس لاتوصخ ايدددك بييي
محمد : لككك حقير سافللللل ليش دمرت سمعت اختيييي شمسويتلكم هاااا خليتوهاااا مطروحه بالمستشفى بسبببكم انجبررررت تعرس وتتتحمللللل ضيمممم لكككككك لييييش،
علي : دعوووووفه خليييي يولييي ... جرو عن حسين الي وجهه صار خريطه
ابوحسين : كعد وكام يدك على راسه .... ولك الله لايوفقك شكل لله باجر من اموت اكله ماعرفت اربي ووجهالي سفله ... شلون اباوع بوجهه ربي واني ضلمت بنيه برئيه لابيها ولاعليها اااخ يايابه
غيث : ماكو اي رد فعل غير الدموع
جهاد : يباوع لابنه بنظرات فخر والله وعرفت اربي الله يحفظك وليدي صدك ينشد بيك الظهر
قصي : خرب يومك زين فريتهم فر
زين : وخر من يمهم طالع من الصاله فايت للصاله شاف حبيبته واكفه وتنشغ من البجي ... يباوع امها مبنده هي وروان وعماتها مبينه عليهم الصدمه ... مشه متقرب منها وكف كبالها ..... ابتسم كد الوعد لو لا ؟
براء : حضنته وكامت تنحب وتبجي
زين : حضنها بقوه ... كافيي حبيبتي لا تبجين هاي ظهرت برائتج وكدام الكل
براء : تنشغ ... ماا اعرف شك ول ال حمد لل لله ش شكرا زز زين
زين : تنهد ياروحه لزين انتي ... ابتعد تعاي نرجع لبيتنه مالنه شغل هنا بعد
براء : هزت راسها ماكده ايي اي اي
زين : عمه اطيني عبايه منج وباجر اجيبها الج
ناديه: مسحت دموعها ضاحكه اي صار
زين : جابت العبايه لبستها واخذت موبايلها ودخلت للاستقبال يله من رخصتكم اني رايح
غيث : باوعلها ودموعه ينزلن سامحيني بويه
براء : بدموع مستتتحيل الي سويته بيه مو قليل ذبيتني ذبه الجلاب وخليتني هنا كاعده مثل الضيفه ومحدد وقت رجعوها شنسى منك بابا ضربت الطبله لو اهانتي كدام الكل لو تصديقك ووكفتك بلي طعنوني مااكدر اسامحك
محمد : يباوعلها وماكله الندم حتى يستحي يحجي وياها
زين : ببرود ماله داعي هالكلام ... اني طالع وهاا حضرو نفسكم اني راح اقدم بلاغ على ابنكم بتهمة قذف وتشويهه سمعه خاف عبالكم راح اسكت على الي صار لا والخلقكم ... اخذ مرته وطلع فتح السياره صعدها وصعد حرك السياره ومشه
براء : اخذت ايده بايستها بعمق ودموعها نكعتها ... شكرا زين لو اضل طول عمري اشكرك مااوفيك
زين : وكف السياره مبوس اديها ثنين ... هذا واجبي وانتي عرضي وروحي وحبيبتي وعمري وكلبي وام طفلي اذا ما ادافعلج المن ادافع
براء : بدموع اني احبك زين هواي احبك والله
زين : حرك السياره مبتسم واني اموت عليج يا نبض كلبه لزين
