رواية أحببت من لايبالي الفصل الخمسون بقلم مجهول
براء : الطريق كله هي مبتسمه تحس روحها طايره
زين : يباوعلها بنظرات متنوصف
براء : باوعتله مبتسمه .... حبيبي
زين : روح حبيبج
براء : اني جوعانه
زين : ابتسم يخسه الجوع امري شتردين تاكلين
براء : اريد سمج
زين : باوع راح تصير المغرب ... هسه سمج
براء : اي شتهيته
زين : صار انعلج ابو السمج هسه ادور على واحد يسوي سمج واذا ماكو اني اشتري واسويلج
براء : تحركت من مكانها بايسه خده بقوه عمري انت
زين : ابتسم مرجعلها البوسه اقوه
بعد مرور 3 ساعات ... الساعه 9 مسائا
مريم : اكلك جهاد وين صارو صارلكم هواي من رجعتو من بيت ابو محمد وزين وبراء ماكو
جهاد : خابرته كال راح يتعشون بره ويفترون ويرجعون
قصي : اذا ما طلع حاجز غرفه بالفندق وخذاها وراح اني ما اتسمه قصي
سجاد : ليش ماعدنه غرف ويروح لفندق
قصي : مو بالفندق ياخذ راحته اكثر مو مثل هنا العيون كلها عليه
خوله : عفيه نسوان ما يشبعن
نجمه : مو جنتي واكفه وياها شو تغيرتي حجيه
خوله : باوعتلها صفح ... الحق ماينسكت عليه سواء جان الي كدامج تحبي لو تكرهي واني بطبيعتي ادافع للصح وانتقد الغلط
حسن : والله فديتج يا خوخه
خوله : خوخه شنو ولك احترم نفسك
حسن : هسه شكنالج حجيه مو زين ندلعج
خوله : محد طلب منك تدلعني ... اثكل شويه انت ابو
حسن : تحسسيني مسوي شي عار ... صحيح اني تعرضت للاغتصاب من قبل جميله وكلشي صار مو بأرادتي بس يله صار الي صار ما بستطاعتي اسوي شي
قصي : ههه سمعي جميله
جميله : كرصته بقوه خازرته
حسن : ااخ شبيج
جميله : شهالحجي مو عيب
حسن : همس شبيج اشاقه
جميله : مو شقه هذا عيب
حسن : ضحك لج صايره تستحين ماعرفتج
جميله : هزت راسها بسيطه اني اعلمك
حسن : اني اسف دخيلج كلشي ولا عقوباتج تره تسمط ابو ابويه
جميله : ضحكت
____________________
براء : وصلنه للبيت دخل زين للكراج صف السياره ونزلنه .... دك الجرس شويه وانفتحت الباب اول مادخلنه حضنتني نجمه
نجمه : ولج همزين رجعتي ضل كلبي يمج
براء : ابتسمت حبيبتي
مريم : طلعت من المطبخ شافت براء واكفه بالباب ابتسمت بفرح هله بعد كلبي نورتي البيت والله صارلج يومين بس البيت وحشه عليج
براء : بوستها بعد عمري خاله .... دخلت سلمت على الكل وصعدت اني وزين لغرفتنه .... دخلت يمه احس روحي طبيت لبيتي ولا كأنها غرفه
زين : دخل وسد الباب
براء : درت وجهي عليه مبتسمه براحه ... احس هم ونزاح عن كلبي من نثبتت برائتي
زين : فتح العبايه موخرها عنها بكل هدوء ... دنك حضنها بقوه
براء : حاوطت خصره مستنشقه عطره الي صار مسكن بالنسبه الها .... اااه تدري اجيت اتخبل لمجرد التفكير انو حيبعدوني عنك
زين : انعل والديه الي يفكر يبعدج خطوه وحده عني
براء : رفعت راسها مباوعه لعيونه ... بس اريد اعرف اني شمسويه حتى استحق انسان مثلك
زين : مسح على خدودها نفس السؤال اوجهه لنفسي دائما
براء : مالت على ايده مغمضه عيونها
زين : مرر ابهامه على شفايفها تدرين البارحه عانيت هواي ياله كدرت انام تدرين بيه ماتغمض عيني اذا مااكل كرز
براء : ابتسمت بخجل
زين : بوس عيونها ونزل لخدودها ... البارحه ياالله عرفت روحي شكد احبج ... تخيلي ماغمضت عيني اله لمن شميت هدومج
براء : حضنته محاوطه خصره
زين : شال راسها ودنك يريد يبوسها
براء : خلت اصبعها على شفايفه ... اريد اسبح واصلي حبيبي حيروح وقت الصلاه
زين : تنهد مبتعد عنها ... ماشي روحي سبحي واني راح اروح اصلي لبين ما تكملين
براء : اي ... عافته وراحت للغرفه فتحت كنتورها مباوعه للملابس ايدها نمدت ساحبه قميص نوم لونه اسود او بنفسجي غامق ... بسؤال البس هذا؟ ... بس شو احسها عيب ... لا موعيب ليش عيب اخذته واخذت خاولي وطلعت داخله للحمام .... ذبيت ملابسي وترست البانيو مي حار ونزلت ... تأوهت احس عضامي استرخت .... وره ربع ساعه كمت شطفت جسمي ونشفته لبست السيت عززه هواي مفضوح هذا بس يله ميخالف لبسته ولبست الروب مالته فوكه لفيت شعري وطلعت لكيت زين ديصلي
زين : جاي يصلي ووكف صلاة مباوعلها طلعت لابسه قميص نوم مغطي الروب حيل قصير بحيث يبين اكثر ما يستر .... لك هاي شلابسه ... نزل عيونه استغفر وعاد الفرض من جديد
براء : دخلت جففت شعري بسرعه ... طلعت فرشت سجادتي ووكفت اصلي ورى ... كبرت وبديت اصلي ... كملت وره فتره وكعدت اسبح رفعت ايدي ... اشكرك الهي نصفتني وظهرت الحق ماخاب املي بيك وحشاك تخيب امل احد التجئ الك .... جنت اعرف راح تظهر برائتي ومتظلمني وحتبين الحقيقه .... الهي لو اضل طول حياتي اصليك واشكرك ما راح اوفي ولو جزء بسيط من امتناني وشكري لجلالتك ... فرت دمعه من عينها مسحتها كامت صلت صلاة شكر لوجهه الله كملت صلاتها ولفت السجاده تباوع زين مخلص من زمان وكاعد يسبح ... كمت لفيت سجادتي ورحت يمه ... خلصت
زين : هز راسه منزل السبحه ... تقبل الله
براء : منا ومنكم حبيبي
زين : لف سجادته ... خلاها على صفحه شهالجمال هذا
براء : ابتسمت
زين : لزم خصله من شعرها عفيه همزين نشفتي شعرج ... نزل ايده لنهايه شعرها وصل لخلفيتها ضغط عليها ... مو شعرج طولان لو اني غلطان
براء احم لا طولان
زين : مو اكول اتذكر من تزوجنه جان لظهرج وهسه نازل ... لبغداد
براء : اا محتخدل تسبح
زين : اي
براء : ابتعدت عنه دايره وجها .... صار
زين : شافها تمشي ببطئ ضرب خلفيتها حيلل ... ستعجلي
براء : راحت تركض للغرفه
زين : ضحك داخل للحمام
براء : دخلت للغرفه طلعتله ملابس خليتهن على صفحه اباوع الغرفه معزله حتى الفراش ملوم ... كمت وكفت على ميز التواليت اخذت قلم كحله خليت لعيوني ومسكرتهن واخذت حمره لونها فوشي (وردي غامق ) مشطت شعري وعفته مفتوح ... دخل زين للغرفه وكالعاده بطرك المنشفه
زين : ينشف شعره ويباوعلها ... وين الملابس
براء : هذني شلتهن انطيتهن اله
زين : مد ايده يريد يفتح المنشفه
براء : لحظه لحظه ... شحتسوي
زين : باستغراب ابدل شسوي يعني
براء : خلي اطلع وبدل
زين : هز ايده على اساس انتي ماشيفتني بدون ملابس والله يا الله .... اخذ بس البجامه لبسها وطلع لكاها كاعده على القنفه كعد يمها شال ايده محاوط متونها
براء : خلت راسها على صدره العاري ليش ملابس من فوك موزين عليك ليضربك هوه وتتمرض
زين : الجو حلو لابارد ولاحار
براء : صدوك البارحه شلون تصيح هيج تدري صوتك يلعلع يمكن الجوارين كلهم سمعوك
زين : مو ابوج يكلي انت ابن شارع ماحبيت اطلعه جذاب وصرتله صدك ابن شارع
براء : تتوقع هسه شحيصير
زين : اكيد ولد عمج بعد محد يحترمهم واذا عمج براسه خير كون يعيد تربيه بناته من جده وجديد
براء : معليه بيهم المهم عندي هسه انت وابنه وبس
زين : لزم بطنها ... طبعا متشوق اشوف بطنج شلون راح تكبر وحماسي اكبر لجنس الطفل
براء : خو اذا جبت محتضل تحبه او تحبها اكثر مني
زين : ضحك طبعا لا الطفل يتحصل غيره واحد وثنين وعشره بس برائتي وحده وين اكو مثلها
براء : ابتسمت تدري اني متاكده طفلنه حيضل يموت عليك
زين : مثل امه يعني
براء : هزت راسها نافيه ... ماكو واحد بكدي يحبك بس خاله مريم
زين : باس راسها
براء : اني بردت حكوم اعلك التدفئه كامت
زين : يباوعلها تمشي وجسمها يهتز وياها ... انخفض تنفسه مباوعلها بكل تركيز
براء : فتحت التدفئه دارت وجها لكته وراها نزت ... خرعتني
زين : مد ايده بهدوء فاتح الروب مالتها ... ظاهر جسمها نزله عن متونها وعيونه بعيونها ... ذبه بالكاع ... مشه اديه على متونها نازل لاديها لزمهن خلاهن على صدره وحاوط خصرها مقربها اله ... دنك خال راسه بركبتها ... افيييش شكد احب عطرج
براء : قشعر جسمها من كلامه
زين : تدرين هاللون طالع يجنن عليج
براء : ابتسمت بهدوء صدوك.
زين : حرك خشمه على ركبتها اي ... باس ركبتها
براء : غمضت عيونها حسيت بي ينزل دافن انفه بصدري .... ز زين
زين : سكتها رافع راسه بايسها
براء : بادلته بهدوء وايدها محاوطته
زين : نزل ايده محاوط خصرها بقوه ضربها هناك مصدر صوت عالي
براء : حركاته جاي تخليها تفقد والمشكله صايره ترغب هالشي .... ابتعدت كافي زين
زين : باوع لعيونها الي ذبلانات ومغمضات باس خدودها الممتلئه وركبتها وره اذنها وباقي وجها ... نزل كاعد يم رجليها لزم ملابسها الي اكوله تنفذي مفهوم
براء : هزت راسها عرفت شيريد ... نفذت الي كاله
زين : كام متفحصها .... لزم ايدها هامس يم اذنها تعالي
براء : مشت وياا بدون ماتبدي اي ردة فعل
زين : دخل للغرفه هو وياها ... سد الباب قافلها اخذ ايدها ماشي للجربايه ... لزم متونها منيمها على الجربايه بهدوء ... يباوعلها تحفه فنيه قابله للافتراس ... يباوع لعيونها الي تلمع بضوه الغرفه الي شبه اظلم ... دنك بايسها بهدوء ورقه يحاول بقدر الامكان يتقربلها بهدوء حتى مياذيها
براء : حاوطت ركبته مبادلته بكل حب شوي شوي حبيبي
زين : ابتسم مو يدلل الحلو
بعد مرور ساعه
زين : ابتعد عنها متأوهه برجوله ... نام بصفها وحضنها اقرب اله
براء : كلبت نفسها نايمه على جسمه
زين : رفع الغطه مغطي اجسامهم العاريه ... دخل اديه جوه البطانيه محاوط خصرها وايده الثانيه معتصره خلفيتها
براء : بخدر اكعد زين
زين : ولا حرف اسمع صارلي فتره طويله محروم منج خليني مرتاح
براء : باست شفته تصبح على خير
زين : رجع باسها اجمعين حبيبتي
_______________________
الساعه 9 صباحا
مريم : خليت طاوه البيض على الميز
لؤي : شكد حلوو من عدك عطله وتتريك هيج ريوك مرتب ... عاشت ايدج يمه
مريم : عوافي بعد كلبي ... يمه نجمه كومي صيحي لاخوج
قصي : الجماعه من البارحه لليوم خانسين فوك بعد ماشفناهم
حسن : عوفهم صارلهم يومين متفاركين خليهم يشبعون من بعض
سجاد : ههه كون يسمعكم يطيح حظكم
جهاد : روحي بويه صيحي لاخوج ومرته خلي ينزلون
نجمه : صار .... عافتهم وصعدت فوك الله اكبر يعني ماكو غيري بهالبيت يصخروهم والله حتى ميري التطلع بالمسلسلات ماتنكرب مثلي .... وصلت لغرفتهم دكيت الباب وضليت واكفه هسه غير يفتحون الباب .... رجعت دكيتها لا اله الا الله شنو موته خاف ماهمه ... فتحت الباب ودخلت للصاله فتحت عيونها على وسعهن تباوع قميص نوم و ملابس داخليه مشموره وحتى ملابس زين بالكاع تباوع الصاله متخربطه ... طلعت بسرعه وسدت الباب وراها نزلت تركض
مريم : هاا يمه كعدتيهم
نجمه : هاا
جميله : شبيج مخترعه
خوله : شنو زين كام يحجي عليج
نجمه : كعدت لا ما كام يحجي عليه دكيت الباب ماطلعو اصلا الباب مقفوله
جهاد : اليوم جمعه خلوهم براحتهم يله خلي نتريك
قصي : شاور سجاد اذا ما طلع زين مرزلها بحيث نزلت وجها اصفر مااتسمه قصي
سجاد : لك لا تدري بي مايضوج نجمه
قصي : مااعرف بعد
__________________
بيت ابو حسين
ام حسين : بدموع الله عليك ابو حسين افتح الباب خلي ادخل يم البنات
ابوحسين : اسس حسج مااسمعه والله اذا اسمع بيج فاتحه الباب لو مطيتهن اكل اخليج وياهن وروحها لامي ... خلي اربيهن من جده وجديد مادام بيه حيلل والله مطيني عمر وابنج هم ممنوع يطب لهذا البيت بعد فتهمتيي ... عافها وراح
ام حسين : وكفت يم الباب ... بنات تسمعني
صفا : يمه عطشانه جيبلي ماي حبابه
ام حسين : ولج يمه ابوجن ماخذ المفتاح مااكدر افتح الباب
صفا : بجت متذكره الي صار البارحه
قبل يوم
دخلو للبيت بعد ما طلع زين من عدهم عافهم واحد يتلاطم ويه الثاني بين ندم غيث ... وخجل محمد ... وتأنيب ابو حسين ... وخوف حسين وخواته بالاضافه لروان الي جانت مشاعرها مزج بين الفرح والخوف
ابوحسين : دخل للبيت وعيونه براسه .... اجه يدخل حسين ... وين امشييييي اطللللللللللع برررررره وجهك مااشوووووفه بعدد تنسى شيييي اسمه ابوووك فتهمت
حسين : بابا ان...
ابوحسين : دفعه امشييييي وليييي سد الباب ودخل .... جر هاله من حجابها ساحلها ويااا
صفا : بابا بابا عليك الله عوفها
ابوحسين : دتعايي انتي هم عبالج الكتله بس الها ... جرهن لغرفهن وحلا وياهن .... طب وقفل الباب ... يباوعلهن يتراجفن ... ولجن ليش مو حرام عليجن شهاللعبه القذره هاي شلون عدجن قابليه تسون هيج شي حقير ماخفتن حوبتها تطلع بيجن
حلا : بابا والله اح...
ابوحسين : صفكها راشدي صووتج مااسمعه بت الكلب وعدها لسان وتحجي ادبسزز ... الواضح اني ماعرفت اربي والصوج مني اني الي جنت وياكم كلب ابن كلب ومداريكم بس لا هسه راح اتعامل وياكم مثل ماابويه جان يتعامل ويانه ... طلع وقفل الباب واخذ المفتاح
ام حسين : وين رايح ابو حسين تعال الله عليك لا تضربهن
ابو حسين : طلع للطارمه اخذ القايش مال المبرده (اكيد سامعين بي) .... اخذه ودخل عبرها وفتح الباب وطب ... هنه شافن القايش ووجهن كامت تنطي الوان
هاله : بابا عليك الله لاتضربنه والله هاي اخر مره
ابو حسين : اي فعلا هاي اخر مره ... طبك القايش وضربها ... كامن يطافرن كلهن تجمعن بمكان واحد يبجن .... يضربهن بكل قوه ... ولجن حقيرات بعدجن بطول النعال وجاي تشوهن سمع وتتبلن على العالم من تصيرن بالتلاثين تكومن تكو......
ام حسين : ماينسمع غير صوت صياحهن مستجدات ... كامت تلطم على وجها شجاييي تسوييي عليك الحسين افتح الباب لاتضربهن كافيي الله عليك كافييي والله بعد مايسونها
ابو حسين : يضربهن ... جاييي ادبهن اادبهن ... حتى يمشن عدل ... والدور جاي لابنج انشالله
ابوحسين : ضل بضربهن لمن ورم جسمهن ياله عافهن ... تف عليجن يا خسارة التعب عليجن ... مدارس بعد ماكو وانتن الثانيات جامعه ماكو مكانجن هناا واي قسمه تجيجن اطيجن حتى اخلص منجن ... اخذ الموبايلات واللابتوبات .... وشلع فيشه التلفزيون خليجن هناا مثل الجلاب طلع وسد الباب قفل الباب واخذ المفتاح
عوده
صفا : بدموع ارتاحيتي هاله
هاله : تحركت متألمه ... لا تسون رواحجن كلش محد كلجن تساعدني وحسين فتهمتن
حلا : بدموع اني جوعانه راح اموت من الجوع من البارحه لسه بدون اكل
صفا : بجت مااريد اكل بس ماي
هاله : كومي شربي من مي اللوله
صفا : اساله ماينشرب
هاله : بألم خليج عطشانه شسويلج
حلا : بتأنيب الي سوينا انكلب علينه وحسين اخذ مرته وراح ولا حتى فكر يدافعلنه
صفا : بدموع واحد حقير ماتهمه بس مصلحته ... حتى ويانه من خلص مصلحته ذبنه ذبة الجلاب
هاله : ااااخ رجل براء شسوه على مودها ... شفتن شلون كلب الدنيا وخلاها عاليها واطيها على حسابها وياريت لو تستاهل ... لا و ام الصلافه حضنته كدام الوادم بدون مستحه
حلا : بألم عوفنه منهم ... يمه احس جسمي متكسر
هاله : تعاي شوفي ظهري شلون متشوهه من الضرب اريد اوكف مااكدر
صفا : حضنت نفسها متالمه ... وجان صدك تطلع حوبتها بينه
__________________
براء : تكلبت وهي نايمه متمغطه فتحت عيونها مباوعه لجهه زين ابتسمت لاكيته ساند ايده على المخده يباوعلها ... ابتسمت بهدوء لامسه لحيته ... صباح الخير حبيبي
زين : باس باطن ايدها صباح الورد
براء : تمغطت مصعده الغطه على جسمها .... بيش الساعه هسه
زين : بالدعش
براء : حيللل هالكد نايمين احنه زين ودوامك شلون
زين : باس شفايفها جمعه اليوم
براء : يعني اليوم ماعندك دوامك
زين : شتكولين انتي
براء : ابتسمت كامزه حاضنته يعني حتبقه ويايه اليوم
زين : حضنها اي ومااطلع لاي مكان ابقه وياج
براء : ابتسمت مبتعده عنه
زين : كرص صدرها الفراوله طالعه
براء : انتبهت الغطه نازل رفعته بسرعه مغطيه جسمها .... باوعتله .. بخجل اكعد
زين : كام يله تعاي خلي نسبح وننزل
براء : رفعت ايدها بمعنى شيلني
زين : ابتسم ماد ايد جوه رجليها وايد محاوطه ظهرها شالها
براء : حضنت ركبته سانده راسها على صدره
زين : طلع للصاله مباوعلها ... الواضح صاير انفجار بالصاله البارحه
براء : رفعت راسها ... هاي شنو منو مسوي هيج
زين : ضحك اكيد احنه هذا الحجي الي بالكاع المن مو الج
براء : صاحت زززييييييين
زين : هههههه
_____________________
سجاد : كاعد بالحديقه ... الوو هاا مخازني شلونج
محاسن : سجاد والله اسمي محاسن منين جبت اسم مخازن
سجاد : حبيبتي هو اني طلعتلج هالاسم حتى يصير خاص بيه شوفي الناس كلها تكول محاسن بس اني اكول مخازن
محاسن : ههه والله عدك سوالف
سجاد : ضحك اكلج شنو غداكم
محاسن : اويلي اليوم مسويه دولمه وشلون دولمه هي حامضه حلوه ومسويتها على طبقات مال ضلوع صارت تخبل
سجاد : يا يابه وتعصرين عليها نومي وتجيج حاره
محاسن : اي كامت تمطك .... سجاد حرام عليك شيصبرني منا للغده
سجاد : اهلج راح ياكون منها
محاسن : اي اكيد
سجاد : سم وزحير انشالله
محاسن : شلووون
سجاد : صحه وعوافي بعد كلبي
محاسن : عبالي
سجاد : اكلج الحجي بيناتنه اهلج وافقو
محاسن : فر خصله بشعرها ... والله بعدنه جاي نفكر نوافق عليكم لو لا يعني جاري التفكير
سجاد : لا تبيعين ثكل براسي ام الكمل ... كليلي موافقين لو لا
محاسن : منو ام الكمل
سجاد : مرت اخوج الكلبه بت الكلب
محاسن : عبالي المهم اي مثل ما كتلك جاري التفكير
سجاد : لا بشرفج موافقين لو لا احلفج بداعتي
محاسن : ابتسمت سجودي حبيبي اهلي موافقين وانشالله باجر نردلكم خبر الموافقه
سجاد : رجع جسمه على المرجوحه اويلي يابه سجودي وحبيبي سوه لا مااتحمل اسيح هنا ... لحكولي ولكم
محاسن : هههه عززه والله انت سيمنا
سجاد : وانتي الشاميه الي محليه كعدتها
محاسن : اويلي شهيتني ... تعال كلي شنو غداكم
سجاد : مطبك لوبيه ...... وضلو يحجون ويه بعض بمواضيع لاتخلو من ذكر الاكل والنكات السخيفه يمكن هذوله الي يسموهم فوله ونكسمت نصين
_____________________
بعد مرور 4 اشهر
قصي : كاعد بالمكتب ودخلت ديمه
ديمه : صباح الخير استاذ
قصي : شال راسه صباح النور تفضلي
ديمه : كعدت تفضل شوف هاي الاوراق ووقع عليها
قصي : اخذ الاوراق يشوفها شال راسه مباوع لوجها اكو شي غريب بيها اليوم
ديمه : ما عجبتها نظراته ... اكو شي استاذ
قصي : اكو شي مختلف بيج اليوم
ديمه : احم لا متوهم
قصي : رجع يباوع للاوراق وكل شويه يباوعلها بفضول ياربي شنو الغريب بيها اليوم
ديمه : كمل التقرير اخذته وطلعت ... كله بسبب امي اله تحفين واله تحفين شكد عيب هسه الرجال انتبه عليه
__________________
براء : اليوم دخلت بالاسبوع الثاني من الشهر الخامس والمفروض نروح اليوم نشوف جنس الطفل .... ياربي والله متحمسه اشوف شحيطلع ... طبعا خلال هالاربع اشهر صار هواي اكو تغييرات واحداث بحياتنه ... الحلوه منها ... انو خطوبه سجاد ومحاسن صارت قبل فتره والي شبعنه بيها ضحك من تعارك سجاد ومحاسن على الكيكه وطبعا زواجهم بعد اسبوعين والدنيا مخبوصه هسه عكس سجاد المسترخي والفرحه مبينه على وجهه .... والموحلوه انو اني حترك هالسنه بعد معاناة ويه زين حتى اقنعه لان ماقبل وتعاركنه يكول ليش تروحين سنه كامله عليج ووعدني انو يساعدني وهو يتحمل مسؤليه الطفل بس اني فهمته فكرتي ووضحتله انو اني سادس وهالمرحله يرادلها جهد وتعب واني محكدر اوفق بين حملي والطفل اذا جبت وبين السادس وبصراحه اني عندي طفلي يسوه الدنيا ومستحيل افكر ولو مجرد تفكير انو افضل دراستي عليه اريد اكرسله كل اهتمامي وعود ارجع السنه الجايه ادرس سادس على الاقل اامن انو يكبر شويه ... وطبعا هالفتره صار عندي بطن صغيرونه وزين متخبل عليها وصاير يصيحلي بطه ... واني اضل ادك والطم
قبل شهرين قصي كمل اجراءات الطلاق وطلك نازك فعلياً ... وخالو يكول بندت من البجي بالمحكمه بس قصي مهتم كمل كولشي وعافهم وطلع ... حاولت هواي تخلي قصي يتراجع قبل لا يطلكها مخلت واحد متصلت عليه والكل جان رافض يدخل بس شمس حاولت تحاجي قصي هواي لان نقهرت عليها بس هو جان مصر ورفض اي نقاش بالموضوع .... وطبعا زين مدخل ولا حط نفسه حتى طاري نازك رافض واحد يذكره كدامه
اخذت حجابي ونزلت اليوم نجمه ماهي لان عدها دوام هي ودارين .... هاا بنات اساعدجن بشي
جميله : اي تعاي عيني سوي الخظره
براء : اي ... اخذتها وكعدت انظفها
شمس : اني اليوم وره الغده اروح للصالون ترحن وياي
براء : بعد اسبوعين على العرس ليش مستعجله
شمس : ولج ماعندي مجال ماشفتي سجاد خابصنه بعدني لسه مطلعت اشتريت ملابس لايفان ولسه مااشتريت ملابس لروحي
براء : اي عادي همه حيسوون العرس هي حنه هي زفه بنفس اليوم وعندج مجال اسبوعين تكدرين تطلعين كل يومين تشتريلج حاجه او تطلعين طلعه وحده تكملين كولشي
جميله : اي صحيح بس اني افضل نروح اليوم حتى نخلص وانتي هم تعالي ويانه لان هالتشوفين زين ملتهي بالدوام ومن يرجع يبقه ويه الولد فاحسلج طلعي وكملي شغلج هسه
براء : اليوم ما اكدر اروح عندي موعد ويه الدكتوره
شمس : اي صدك اليوم تعرفين جنس الطفل
براء : ابتسمت لازمه بطنها اي
جميله : شتكولن بنيه لو ولد
براء : والله ماادري على كوله زين شيجي من الله نعم الله
جميله : اني اكول بنيه عفيه جيبي صديقه لبتي
شمس : اني اكول ولد
جميله : تراهنين الي يطلع كلامها صحيح تشيل شغل الثانيه لاسبوع
شمس : اراهن .... ميخالف
براء : هههه كل عقلجن تتراهن هيج رهان
جميله : لا حتى تبطل تعاند
براء : ضلينه واكفين نسوي الغده ... لحد مااذن طلعنه نصلي صعدت فوك ... دخلت لغرفتي لكيت رساله من زين
زين " وينج مدام بطه صار ساعه ادك عليج "
براء : ضحكت داكه عليه ... شاله ... الوو
زين : شفتي جهازج
براء : اي شبي
زين : شوفي جم مره مخابرج
براء : اسفه حبيبي جنت جوه يم البنات
زين : خلي موبايلج يمج
براء : صار
زين : بخبث اكلج بطه ... شلون صارت خلفيتج بعدها حمره
براء : باحراج زين بطل هالسوالف
زين : ضحك
براء : بخجل اكول حبيبي ... من ترجع اريد من هذا الكريم لان .... احم خلص
زين : ليش وين تردين تحطي
براء : زين كافيي
زين : ههه ماشي ماشي
براء : دخلت للغرفه متمدده على مخده شوكت ترجع
زين : انشالله من اكمل
براء : خلت خشمها على المخده مالته ... مو تتاخر
زين : لا انشالله اجي من وكت
براء : اوك يله اني اروح اصلي بيباي
زين : باي
براء : سديته ورحت صليت ونزلت يم البنات وره ساعتين اجوي الولد ونجمه
نجمه : يمه ميته من التعب يلعب ابو الدوام يابو الي يريده
دارين : والله عاد محد جابرج تداومين
نجمه : انتي سكتي عني كعدت .... وهاي الحيوانه محاسن ماخذتلي اجازه يبعد كلبي تريد تعرس
سجاد : دمغها ... لاتحجين عليها تره اطيح حظج
نجمه : هي هاي العايزه تطيح حظي على مودها
سجاد : واكسر راسج هاي مرتي انعل والدي الي يدنالها
جهاد : كعد تنعل والديمن ولك
سجاد : مرتي انعل والديها واسلك ابوها
قصي : عوج حلكه رجال
سجاد : غصباً ما عليك
قصي : كوم لك جبان
براء : خطيه سجاد شكد يتحارشون بي .... سمعت الجرس يندك رحت فتحت الباب شفت زين ... بهدوء الله يساعدك
زين : ابتسم برجوله ويساعدج .... دخل للبيت السلام عليكم
الكل : وعليكم السلام
زين :صعدت فوك وهي لحكتني ... دخلنه للغرفه
براء : حضنته خاله خشمها بملابسه
زين : تنهد ... يعني اني كلشي شايف بس وحده تتنسه على ريحه رجلها ما شايف
براء : مغمضه عيونها ... مو اني هذا ابنك يحب ريحتك
زين : تدرين من سألت الدكتوره صدمتني من كالت حضرتج جاي تتنسين عليه ... اني سامع بهالفتره المره تضل تلعب نفسها من رجلها مو تحب قربه
براء : شالت راسها ... تتوقع اني ممكن تلعب نفسي منك لو مو الحمل اضل احب عطرك واريده
زين : باس شفتها ... بطوط صاير خوش يحجي
براء : زين والله اني مو سمينه
زين : لزم خلفيتها انتي مثل البطه ضربها بيضه ودبدوبه وكصيره ... بطه لو لا
براء : اوي زين بطل تضربني بهيج مكان
زين : غمزلها صدك جذب انوب اضربج بغير مكان
براء : ضمت وجها كافييي
زين : ابتسم مبوس شفايفها بوسات خفيه ... يله روحي نزلي واني اسبح والحكج
براء : باس ركبته الملابس خالتهن على الجربايه .... صلي وانزل مو تطول
زين : ماشي
براء : نزلت صبيت غده ويه البنات .... شويه ونزل زين تغدينه والولد صعدو ينامون ... وزين وياهم حتى العصر نروح للدكتوره ... احنه رحنه لغرفه نجمه لكيناها فاتحه اللابتوب وكاعده تحجي ويه محاسن الي صارلها اربع تيام خايفه وكل شويه مخابره نجمه
نجمه : هاي اجن البنات ... تعالن بنات شوفن محاسن راح تموت
جميله : كعدن شبيج
محاسن : متربعه وبحضنها ماعون فواكهه ... تاكل اني خايفه
شمس : من شنو
محاسن : من العرس احس روحي تسرعت
جميله : لا تخافين كلنه حسينه بهذا الاحساس وره الزواج يصير كلشي طبيعي
شمس : اذا خايفه من ذيج الشغله ... فعادي يوم ويمر لا تتوترين
محاسن : مااعرف احس نفسي ما مرتاحه ... انتي بزونه شلونج
براء : اني
محاسن : اي انتي
براء : الحمدلله ... انتي شلونج
محاسن : نتحبت خاييييفه ... اكلج بما انو انتي مرت حمايه الجبير صحيح اصغر مني بس خبرتج اكبر كليلي هم حسيتي مثلي
براء : تذكرت بذاك اليوم ومن خذاها زين شصار بيها ضلت تلث تيام تعرج من الالم
جميله : عيني براء وين صفنتي البنيه سألتج سؤال مو ترحين تعيدين ليلتكم كلها
براء : عيب جميله
محاسن : تاكل هسه غير يجاوبن
براء : والله مااعرف
محاسن : شلون ماتعرفين
براء :ماا اعرف
شمس : ضحكت ولج عوفيها هاي فاهيه وتستحي
محاسن : ولج براء صدك انتي شلون معاشره زين
براء : باوعتلها ليش شبي
محاسن : لج احسه يخزر وعصبي
براء : ههه لا هو هيج شكله من تشوفي تحسي عصبي بس هو بارد كولش
محاسن : لج يا بارد ... والله من طلعنه ذاك اليوم للبستان والله صاح بسجاد صوت اني من يمي اجيت اسويها على روحي
نجمه : هههه خرب يومج مخازن على كولة سجاد
براء : ضلينه كاعدين نسولف وياها طبعا تموت ضحك مثل سجاد واتعس .... صار العصر رحت كعدت زين وكمت بدلت ونزلنه حتى نروح للعياده مال الدكتوره لكيناهم كاعدين كلهم
سجاد : راح ترحون
براء : اي
قصي : شتكولون شراح يطلع الطفل
جهاد : اني ماادري
خوله : بنيه
لؤي : اني اكول ولد
قصي : اني اكول توم لان زين خوش يشتغل
زين : ببرود تأدب
سجاد : بنيه
حسن : بنيه
نجمه : ولد وعفيه كون مثل ايفان مانريده مثل هاي الجلبه مريومه
مريومه : برطمت ناني
جميله : ولج عوفيها ... ختولي ماما ماعليج بيها تخبلين انتي
زين : شال مريم بوسها شجيبلج وياي
مريومه : مثاثه وعسير (مصاصه وعصير )
زين : صار
براء : طلعنه من البيت ووصلنه للعياده ... دخلنه وزين وكف بره ... ضلينه كاعدين ربع ساعه ووصل سرانه ... دخلت ... تمددت على السديه سوتلي الدكتوره سونار
الدكتوره : ابتسمت مبروك بيج .....
