رواية صراع الشيوخ الفصل الرابع بقلم ليال القمر
ارجوان وهي تباوع علة بيتهم الي مال ابوهة بالعراق
ابو احمد بحذر : حلو البيت
ارجوان بابتسامة رقيقة : اي كلش حلو
واذا بيهم سمعوا صوت دگات علة الباب
ارجوان بابتسامة رقيقة : اي كلش حلو
واذا بيهم سمعوا صوت دگات علة الباب
احمد باستغراب : بابا هاي منو
ابو احمد : اگعد انت خليني اشوف
راح ابو احمد وفتح الباب وشاف اخوانة الخمسة گدامة
عم ابراهيم بقهر : هلة خوية حمدلله علة سلامتك
ابو احمد : الله يسلمك
وگاموا يتحاظنون ويسلمون عله بعظهم ودخلو للبيت
ارجوان وهي تباوع عليهم عرفتهم انو ذولة عمامهة لان تتواصل وياهم علة الانترنيت وتباوع صورهم
عم ابراهيم راح وحضن ارجوان ويبوسهة : شلونج عمو اني عمچ ابراهيم
ارجوان بابتسامة بسيطة : اهلا عمي شلونك
عم ابراهيم وگام يبچي : شلوني يعني راح ياخذون بنيتي وهي بعدهي طفلة
عم ارجوان الجبير : انا عمج كريم
ارجوان : اهلا عمي شلونك
عم كريم : سمعيني بنتي ترضين أبناء عمامج واخوانچ كلهم ينكتلون
ارجوان بملل : لا عمي طبعاً ما ارضة
عم كريم : الحل الوحيد هو انو تتزوحين ولدهم
ارجوان بخوف : مستحيييل ما ارضى اني مالي دخل
العم ابراهيم : لعد انطيهم طفلة
ارجوان بعصبية : اسمعني عمي اني مالي اي علاقة بيكم هو اني اصلا بحياتي مشايفتكم بالحقيقة و هسة جايين تردوني اصحح اخطاء ابنك
عم ابراهيم : ولچ عمو اصلا هذاك الولد بي سرطان وهو اصلا متخربط وكاسر علة ابن عمج
ارجوان بملل : وهسة شتردون
العم كريم بحزم : ترحين فصلية
ابو احمد : شنووووووووو لو تموتون ما انطيهة
العم كريم بصراخ : لعد تموت شباب ورجال عشيرتنة كلهة من ورة بنتك وهي نفر واحد ترضاهة يا ابو احمد اولادك يرحون منك وهمات بالنهاية تخسر نفسك واولادك وبنتك ومرتك وعشيرتك لان هي ما رضت
ابو احمد بحيرة : لا طبعا ما ارضى بس هاية بنتي الوحيدة شلون اضحي بيهة
العم كريم : ضحي بوحدة ولا بعشيرة كاملة وثانيا بنتك ما راح تموت راح تتزوج وهمة ناس زينين
العم ابراهيم : روحي بوية حظري غراضج الناس صارلهم ثلاث ايام منطينة مهلة
ارجوان برعب وهي تشرد بغرفتهة : انتحر وما اروح فصلية
العمام كلهم ركضوا وراهة ولزموهة
العم ابراهیم بحدة : وعلي أذا كتلتي روحج احير شسوي بيچ ولچ ترضين اخوانچ يموتون
ارجوان ببكاء وذعر : لا سمالله عليهم
العم كريم : لعد ترحين تلمين غراضچ وتنزلين
ارجوان : اي أي بس هدوني دخيلكم
واذا بيهم هدوهة ونزلوا وهي گامت تلملم بغراضهة وتبچي
ابو احمد بتعب : ولكم انتو شلون تسوون هيچ ولكم هاي دلولتي تاخذوهة مني
العم كريم : بس احنة اتفقنة انو ترجع وتنطي بنتك الهم صح لو لا وليش هسة اعترضت
ابو احمد بقهر : ما اگدر وحق امير المؤمنين ما اگدر
العم حيدر : خوية والله الناس زينين وما بيهم عيبة بس انت لازم تصبر لان دمهم فاير اكيد بالبداية راح يأذوهة بس بعدين راح يتغير كلشي
العم صادق : اي خوية اصبر وخلي بنتك هم تصبر والصبر مفتاح الفرج يا خوية
نزلت ارجوان وهي تشهك وتبجي وحضنت اخوانهة وابوهة
ابو احمد ببچي : بوية ديري بالچ علة نفسچ واني هسة راح اوصلچ الهم
العم كريم : لا انت ما توصلهة حته غير تهون
ابو احمد بتعب : حبيبتي بابا اسمعي كلام رجلج عود واهلة تعامليهم زين ولا تخليهم يتعدون حدودهم عليچ صيري سباعية زين باباتي
ارجوان وهي تتجه نحو حضن امهة : انشالله
ام احمد ببجي : يمة حبيبتي عود دگي عليه
ارجوان : انشالله
احمد : ضمي تلفونچ لان اذا يشوفو ياخذوا
ارجوان وهي تطلع وعمامهة وياهة وابوهة واخوانهة اجوي يوصلوهة
@@@@@@@@@@@@@@
في بيت ابو كرم
الكل مجتمع والنسوان تسوي غديات وتنطي للزلم والكل مخبوص لان راح تصير كعدة ويعقدون لكرم اما كرم فكان بغرفته
كرم بقهر : راح ينطوني لطفلة هي هاي نهايتك تاخذ وحدة عمرهة 13 سنة اووووف عليكم تزوجوني غصب
رقية وهي تدگ الغرفة وتدخل : ها خوية ترة الناس جايين بالطريق
كرم يباوعلهة ودموعه تصب علة خدودة : ما اريدهة خلي فهد ياخذهة
رقية باسى : نسيت كلام ابوي
كرم وهو يتنهد : الطفلة حلوة بالله
رقية : هههههههه والله كلما يگلولي عليهة اگوم اضحك
كرم بضيق : انتي بس اضحكي شنو هامج قابل انتي الي ماخذتهة
رقية : احسن انته ربيهة علة ايدك وتسمع كلامك
كرم بعصبية : خرب يومچ شگد تحبين تشمتين
رقية : هههههه لا والله ترة عندي اخبار تسوة مليون
كرم بامل : شنو ابوي قبل ارفضهة
رقية بانكار : ولك لا عله الطفلة مالتك
كرم بضيق : طاح حظچ عبالي شو شنو بس احجي شنو بيهة
رقية بخبث : طلعت مو طفلة وهمات امريكية
كرم باستغراب : گولي والله
رقية : والله بعد ما اعرف بس سمعت ابوي يحجي وية عمهة بالتلفون گله ترة هاي جبناهة من امريكا خصوصاً مو هذيچ الطفلة
تنهد كرم بارتياح : الحمدلله عبالي طفلة حته غير اصير علچ بحلوگ الناس كرم ال....ي ياخذ طفلة هههههههه.
رقية بخبث : اي عيني اضحك بعد شتريد ماخذ امريكية
كرم وهو يشمر المخدة عليهة : ولج ادب سز طلعي برة
رقية وهي تطلع من غرفته وتضحك وكرم الي گام ولبس دشداشه وعگال علمود الگعده
$$$$$$$$$$$$$$$$$$$$$$$$$
باب بيت كرم
نزلت ارجوان من السيارة هي وكعبهة العالي وتحاول متبچي وظلت تباوع باستغراب كله زلم وعگولة وفارشين چادر گدام البيت وزلم رايحة وزلم جاية واحد يوزع گهوة وناس تسلم وناس تسولف ورة شوية عم ارجوان
العم كريم : هلة بابو كرم هاية بنيتنه جبناهة من امريكا واجينة
ابو كرم وهو يباوع علة ارجوان وعله لبسهة وماعاجبه : اي اهلا وسهلاً هلة بيكم بوية
ودخلوا للچادر وارجوان ضلت جامدة بمكانهة خايفة كله زلم وشوارب يخوفون اتراجعت ليورة تريد تطلع لزمهة عمهة ابراهيم : وين رايحة
ارجوان بذعر : والله يخوفون ذولة زلم معقولة
العم ابراهيم : ولج صوتچ كلهم زلم هنا وشنو هذا اللبس الطايح حظه اللابسته
ارجوان بغرور : وشبي مو مستور بعد شنو
العم ابراهيم : ولج ادب سز لابستلي تنورة وقميص وشال الوان وجاية بس لان گدام ابوج ما گدرت احچي امشي اكو عباية وبوشي بالسيارة تلبسيهة وتنجبين
ارجوان بحدة : والله مو عله كيفكم لبسي واني حرة بي
ابو احمد بحزن : ها بنيتي يلة اجه الرجال تعاي حته نعقدلكم
ارجوان تحاول متبچي : اي بابي جاية
وصل كرم للچادر و ظل يباوع عله الناس
حسام : ولك شنو هاي ماخذله مزة هو وامريكية همات شنو من لبس عليهة تجيب التايه
كرم اندار لحسام وعقد حواجبه باستغراب :منيه هاي
حسام : باع حظي ولك الفصلية شبيك
كرم بعصبية : ابن الكلب متستحي گاعد تحجي عليهة گدامي وهي راح تصير مرتي
حسام بصدمة : گوووول والله عبالي فهد راح ياخذهة بس صراحة نيالك عليهة وهمات مبينة دلوعة ماما وبابا ههههه
كرم صار نار : ولك انت متستحي گاعد تغازل مرتي گدامي
حسام : اهدة يمعود هاي بعدهة مصايرة مرتك وهيچ الغيرة گابة بيك لعد لو شايفهة
كرم راد يضربه بوكس بس سمعوا : السيد اجه راح يعقدلهم
ابتعد كرم عن حسام : حسابك بعدين
دخل كرم وهو متعصب لان سمع كلام عليهة وشاف بنية ناعمة كتكوته تخبل واگفه يم ابو احمد
ابو كرم : ها بوية كرم تعال هاية الفصلية
كرم باوع عليهة وبين نفسه { عززززة يا بووووووي شنو هاي صاروخ تذوب والله احلة من هاي الصخلة حنان وحته عشيرة رنا ماتوصل لجمالهة بس ليش هيچ لبسهة اني اعلمهة بس اعقد عليهة بنت ال استغفرالله}
ارجوان باوعت علي وهي بين نفسهة { عزززززززة هذه يخوف والله طويل وصاحب عضلات الله لاينطيك يا عمي ابراهيم بس والله حلو شكله جنتل مان } نزلت راسهة بسرعه وگامت ترجف ولون وجهة شحب وگامت الدموع تجري عله خدودهة وكرم ضل يباوع عليهة بجمود
ابو كرم باوع لابنه وعرف انو عجبته : كرم اذا ما تريدهة انطيهة لفهد
فهد بسرعه : اي كرم انه اخذهة
كرم والغيرة اشتعلت عندة بس حاول يسيطر عله نفسة : لا بوية انت گتلي اخذهة وميصير اردك
ابو احمد : شوف ابني ترة هاية دلولتي وهي حساسة ورقيقة الله يخليك احلفك بامير المؤمنين ما تأذيهة ولا تقسي عليهة هاية بنيتي الوحيدة جبتهة من بلدهة علمود نفض السالفة
كرم بين نفسة { هلاو انوب رقيقة بلة هاية متوالمني اني عصبي بس والله ما اخلي احد ياخذهة مني الة } وبعدين باوع لابو احمد : انشالله عمي احاول
ارجوان بهدوء وخفوت وتحجي برجفة : بابي والله اخاف منه خليني وياك شوف شلون يباوع عبالك ماكلة التويكس مالته.
ابو احمد حضنهة حيل وباسهة من خدودهة : ميخالف باباتي اتحملي شتسوين بعد وهو واعدني واليخالف بوعده مو رجال مو خوية
العم ابراهيم : اي خوية كلامك صح
كرم بين نفسه { هاي شنو صدگ دلوعة بابا وماما بس الله يصبرني عليهة بس شنو من صوت عليهة خرب يومچ تنوكلين اكل وشلون ابوهة باسهة الله لا ينطيك يا حسام صدگ كلامك }
ابو كرم بعصبية : شنو قصدك ابني مو رجال
ابو احمد : لا خوية السموحة منك بس اني گلت الي يخالف بوعده مو مثل الي بالك
كرم برود : المهم يلة خلينة نعقد
اجه السيد وگعد بين كرم وأبو احمد : ها بوية البنية وينهة
ابو احمد ويأشر عله ارجوان : هاي هناك
السيد : شنو اسمج بوية
ارجوان برقة : ارجوان
