رواية صراع الشيوخ الفصل الخامس بقلم ليال القمر
كرم بين نفسه { هلة اسمهة ارجوان ولج الله ياخذ حنان ورشا واخلص منهن اله اخذهة اليوم وتصير الي خلتوگفلي }
السيد : شگد عمرج
ارجوان : 18 سنة
وبدة السيد يعقدلهم وهي وافقت وكرم بس ظل يباوع عله ارجوان وخلصوا
وبدة السيد يعقدلهم وهي وافقت وكرم بس ظل يباوع عله ارجوان وخلصوا
ابو كرم بضيق : يلة دخلي للبيت
ارجوان باستغراب وتأشر عله نفسهة : أني ؟
ابو كرم ويباوعلهة باحتقار : لا اني لعد منو يلة طبي!
ارجوان والدموع تجمعت بعيونهة وكامت تمسح عيونه وطلعت من يمهم
كرم { هلة انوب حساسه هاي من اول كلمة من ابوي گامت تبجي لعد لو يصيح عليهة ويبسطهة بس والله ما اخلي احد يمد ايده عليهة هي تخصني الي مالهم دخل بيهة بس والله يلوگ وشلون تتنعوص يا بوووووية شلون دلولة }
ابو احمد بعتاب : ليش هيچ يا شيخ سليمان مو گتلكم حساسة ليش عاملتهة هيچ
أبو كرم : وشمسويلهة قابل يا ابو احمد بس گتلهة طبي لعد شنو نخليهة فرجة للزلم
ابو احمد بعتاب : احلفك بابو فاضل عاملهة مثل بنياتك والله هي طيبة وحنونة بس عاملوهة زين وبعدين هي ما تتحمل اي شي يعني المؤاخذة منك
كرم وهو بس يريد يروح يشوفهة : اي عمي حاضر ما يأذوهة وإذا احد مد ايده عليهة انة اتفاهم وياه وهي مرتي وعرضي واليضرهة يضرني
أبو احمد ابتسم وهو يمسد علة كتف كرم : والله رجال ونعمه التربية يا شيخ سليمان
ابو كرم بتكبر وغرور : طبعا هذة وليدي كرم العود طالع عله ابوه شهم وصاحب اصل
العم كريم : والله نتشرف بيكم انو انطيناكم بنيتنه
ابو كرم انحرج : والله احنة اللي تشرفنة لنسبكم يا ابو جاسم
♕♕♕♕♕♕♕♕♕♕♕♕♕
داخل بيت ابو كرم
دخلت ارجوان للمطبخ وگامت تبچي وتشهگ النسوان گامن الهة بفزع وقلق
ام كرم : يااااا عززة منو انتي شبيچ يمة
ارجوان بعدهة تبجي وتشهك : ما اريده
ارجوان بعدهة تبجي وتشهك : ما اريده
سرى : يا معزاية ولج رقية جيبيلهة گلاص ماي
رقية وهي تمد المي الهة : هاج خية
سرى : هاج حبيبة شربي ماي شبيج منو وياچ ومنو انتي
ارجوان وهي تشرب وتبجي : اني ارجوان
سرى : اي حبيبة بت منو انتي ويا عشيرة
ارجوان كامت تبجي اكثر وفقدت وعيهة النسوان كلهن گامن يصيحن
ام كرم : يبوووووو شبيهة البنية ولچن شوفنهة شبيهة
سرى وهي تلطم عله صدرهة : يمعزاية ولج البنية ما تتنفس
رقية بفزع : ولكم ودوهة للمشفى بسرعة
حسام دخل للمطبخ هو ومنتظر : شكو شبيجن
ام كرم : ولك البنية ما تتنفس
منتظر طلع يركض برة وهو يصرخ : بووووووووية الحگ وحدة من البنات ماتتنفس
ابو احمد وگع من طوله : هاية بنيتي هي من تبجي هواي تكوم ماتتنفس
كرم ركض دخل للبيت وشاف ارجوان وجهة ازرگ اجه وگف فوگاهة وتحسس نبضهة ماكو
كرم بصراخ : طلعن برة بسرعة
النسوان كلهن طلعن وظل حسام وكرم يمهة اجة كرم وگام يضغط على صدرهة ويسويلهة تنفس اصطناعي وبعدين ورة مدة گامت تشهگ وتتنفس بقوة وكرم يباوعلهة بقلق : انتي بخير انتي زينة
ارجوان بذعر : ابعد عني ما اريدك وخر ما اريدك
وگامت تبچي بهستيريا وتدفع بيه وهو المصدوم يباوعلهة بصدمة كمش اديهة وبقلق : ولچ شبيچ تخبلتي اهدي
ارجوان بهستريا : گتلك ابتعد وديني يم بابي وديني يمة
كرم گام يحتار وانصدم من ردة افعالهة : راح اوديچ بس اهدي اهدي
حضنهة ويمسد علة ظهرهة وهي تدفع بي وتقاومة بس هو متمسك بيهة وهي استسلمت وگامت ترجف وتبجي بقوة وتحجي : بابي مامي وينكم اني اخاف منهم
كرم ( من شفتهة ما ادري شصار بيه كمت انطيهة نفس واحس گلبي گام يدگ مع العلم انو اليوم شفتهة بس انعجبت بيهة احس روحي راح افقدهة جنت بس اريد ارجعلهة نبضهة وتنفسة ومن گعدت ارتاحيت حسيت هم وانزاح مني شو هاي گامت تدفع بيه وتبجي آخر شي حضنتهة حته تهدأ وصدك بعد محاولاتهة حتة تهرب مني استسلمت وگامت تحجي وتبجي گلبي انمرد عليهة طلعوا جايبيهة غصب وهي حساسة ورقيقة الله يعيني انوب تريد امهة )
ارجوان ببكاء وذعر : ماما وينچ اريدج ..
كرم بنبرة حنونة : شششششش اهدي اهدي
وبعدين ارجوان استرخيت علة نبرته وهو شعر بثقل جسمهة بعدهة عنه لگاهة نايمة شالهة وداهة لغرفته وطبت عليه امه
ام كرم : عززززة بعينك انت شلون تكمشهة وتشيلهة
كرم بسخرية : وليش ما اكمشهة مو مرتي
ام كرم وهي تباوع لارجوان : ياااا هاية البنية الي طبت بالمطبخ وتبجي
كرم باهتمام : اي شبيهة ليش جانت تبجي
ام كرم : والله يمة تگول "ما اريده " ما افتهمنة
كرم بتنهيدة وهو لازم اعصابه : اي يمه هاي چانت تبچي لان ابوي حجة وياهة بسخرية
ام كرم : لا والله هاية شگد حساسة بس يمة مردت گلبي بچيهة والله بعدهي صغيرونة بس شني من جمال عليهة والله نيالك يمة تگابل هذا الجمال
كرم ابتسم : اي والله يمة كلهة تگلي نيالك
ام كرم بخبث : هاي شنو يمة وگعت بالحب
كرم حس بنفسه : لا ما احبهة بس انقهرت عليهة
ام كرم بحزن : اگلك يمة لا تأذيهة هي مالهة دخل طول عمرهة عايشة بامريكا واجتي هنا علمود الكعدة وابن عمهة الي كتل اخوك والكل يعرف انو اخوك الي تخربط وطبگ علة ابنهم واخوك اصلا مريض وچان ايام موته
كرم : اي يمة ادري هي اصلا ما عدهة علاقة ويه اعمامهة حتة ابوهة كلش مبتعد عنهم واصلا هي مغصوبة عليه لان عمامهة مهددين ابوهة ولو هي ضحية الي بين الطرفين وبريئة
ام كرم : بس والله احلة من حنان
كرم وهو يباوع عليهة وگلبه يدگ بسرعة واضطربت أنفاسه
ام كرم بتعب : يلة يمة انت نام ارتاح يم مريتك
كرم بتعب : اي والله تعبان
طلعت امه من غرفته وهو ضل يباوع عليهة بعدين گام نزع ملابسة ودخل سبح ولبس بجامة نيلية وتشيرت ابيض برزن عضلاته وعضلات بطنه وراح دخل جوه الغطة ونام بصفهة وگام يتوتر بقربهة وجسمه صار نار اندار عليهة وباوع الهة شلون نايمة بهدوء وسكينه كرم بين نفسه { الله لا ينطيك يا حسام هسة شلون بيه بعد ما اگدر الزم نفسي عليهة بس اذا تقربت يمهة هسة تگوم من يمي وتتخبل بس لا مالي دخل هي مرتي غصبا ما عليهة } اقترب من يمهة وتحسس خصرهة وجذبهة ناحيته وحظنهة وخر الحجاب من راسهة وباوع الشعرهة مصدوم من طوله وكثافته ولونه خلة وجهة برگبتها غط بنوم عميق
♕♕♕♕♕
الشيخ بعصبية : شفتي هسة يركض ورة الفصلية دخلي يوكفلي
ام كرم بخوف : بس شيخنة يعني هو رجلهة وهو انعجب بيهة خلي يحبهة احسن من رنا
فهد بخبث : بوية خلي يطلكهة وانه اخذهة واطيح حظهة
الشيخ عجبته الفكرة : امشي صيح لخويك بساع
راح فهد وهو يبتسم بشر وطك الباب علة غرفة كرم
كرم فتح الباب بتعب : ها خوية شصاير
فهد بجمود : ابوي الشيخ يريدك
طبك كرم الباب ونزل للمجلس
كرم : ها بوية يكولون رايدني
كرم : ها بوية يكولون رايدني
الشيخ بعصبية : اسمعني لك تطلك الفصلية واخوك ياخذهة
كرم بصدمة : بوية شكاعد تكول صدك تحجي
ابو كرم : اي وغصبا اعليك تطلكهة
كرم بعصبية : بوية لهنا وكافي يومية جايبلي وحدة مرة رشا وحنان وكتلكم علة رنا رفضتوهة هنوب تنطوني فصلية وهم منو سهام بنت عشيرة ال......ي. وهسة ارجوان وتكولي طلكهة
ابو كرم بصوت جاهوري : وينهة بنت ال****سحرتك وانت مثل الطلي تمشي وراهة
كرم بعصبية : بووووووية لهنا و كافي رجاءا
♕♕♕♕♕♕
في غرفة كرم
كعدت علة صوت طبكة الباب مال الغرفة فزيت وتسائلت
: اني وين اصلا
ما اهتميت كمت رحت للحمام الموجود بالغرفة غسلت وجهي وطلعت وكعدت علة السرير وطلعت فوني من الجنطة وداريد ادك علة بابا وسمعت صوت عالي وصراخ ودبج على الارض كمت من مكاني بفزع والفون وكع من ايدي واشوف هذة الشيخ كبالي جنه اسد هايج
الشيخ : ادادددددددددددب سززززززززززز سحرتي ولدي
كرم : بوية اهدة
ابو كرم وهو يجر شعر ارجوان ويصفگهة براجدي
ارجوان بفزع : هاي شكو منو انتو ابعدوا عني
ابو كرم كانما فقد وظل يضرب بيهة الا ان دماهة تدمي
وكرم يبعد ابو عنهة بس اخو فهد لازمة
كرم بذعر : بووووية البنية راح تموت عوفهة
ابو كرم وهو يلهث ويدفرهة برجلة : كتلتوا ولدي انه اعلمج اوگفولي كتلتوا محمد وليدي
كرم انهزم من فهد وراح لابو وصار حاجز بينه وبين ارجوان : بوية انه رجلهة ما ضربتهة تجي انت تضربهة ليش هيچ بوية مو قطعنه وعد للناس
ابو كرم بعصبية : تطلگهة وانة اخذهة افتهمت
وطلع ابو كرم من الغرفة وفهد وام كرم وياهم لان جانت هي هم تبعد زوجهة عن ارجوان
كرم توجه بذعر الهة : ارجوان انتي بخير
ارجوان بتعب : اا ه دا أتأذة
كرم گومهة من الارض وگعدهة علة السرير ونيمهة وغطاهة وهو مقهور عليهة وهي راسا نامت
مر يوم كامل وارجوان متطلع من الغرفة ابد لان جسمهة مكسر من وره الشيخ
سرى وهي تدخل عليهة : شلونج حبيبة
ارجوان بتعب : مو زينة
سرى بقلق : ليش عيني تعبانه تحتاجين شي
ارجوان بتعب وتنفي : لا شكرا
سرى بابتسامة : انه سرى مرت سامر حماچ الي هو اخو رجلچ
اومئت ارجوان براسهة وغمضت عينهة بارهاق
سرى بحزن : عمي يريدچ جوة
ارجوان بذعر : لا لا هسة يضربني ما اروح
سرى بعتاب : لا حبيبتي ليش هو هيچ طبعه كله بالضرب بس يعني مو معناتهة يكرهچ
ارجوان : اني ما اريدة يكرهني ولا يحبني بس خليبتعد عني
ابو كرم بصوت جاهوري : وللللللللچ يا ك***
واجه هجم علة ارجوان بعد ما شبعهة بسط
سرى بذعر : عمي هدي أذكر الله
الشيخ بعصبية : سمعي لچ هواي تحملتچ انه بس وقسما برب العباد اذا ما كمتي نظفتي البيت كله يا اطيحه الحظچ
ارجوان تباوعله بتعب وهي فاصلة عن العالم
طلع من الغرفة وسرى بذعر : عززززة بعينچ ولچ شمسويتلة للشيخ الي هيچ حاقد عليچ
ارجوان ساكته ومتحچي شي
سرى بقلق : اسفه حبيبة بس لازم تشتغلين لان الشيخ امر بعد مايصير چذي حابسة نفسچ
گامت ارجوان بهدوء وجسمهة كله يوجعهة وطلعت من الغرفة وراحت تنظف وياهة سرى تساعدهة وتحجي وياهة بس ارجوان ساكته متحجي
كملت شغل وهي ميته من التعب راحت دخلت للغرفة ولكت الفون مالتهة واكع بالارض شالته وخلته بالجنطة
دخل كرم للغرفة باستعجال ولبس ملابسة بصورة سريعه وطلع
هي ما اهتمت الة
ومر اسبوع عاشت بي ارجوان اسوء ايام حياتهة ويومية تبجي علة اهلهة اما كرم فسافر للعمارة علمود الاراضي مالتهم
سرى بمرح : شلونچ حبي
ارجوان بابتسامة رقيقة مكسورة : الحمدلله
سرى بفرح : اليوم يجي رجلچ تدرين
ارجوان بخوف : لا والله
سرى بقلق : اي حبيبة بس ليش خايفة
ارجوان وهي تبلعم بخوف : هاا لا هيچ
ابو كرم وهو يدخل ويباوع لارجوان بحقد : تعاي لج
ارجوان راحت يمة بخوف
الشيخ : سمعيني اليوم كرم الشيخ يجي اريدن منج تسوين طباخ لخمسين نفر
ارجوان بصدمة : هااااااا
ابو كرم ضربهة : انچبي وامشي يلة ولي من يمي
راحت ارجوان بعبرة للمطبخ وطبخت وسوت الاكل وية سرى
سرى بمرح : هاي شنو حبيبة متعرفين تطبخين
ارجوان : لا ما اعرف
ساعدتهة سرى انو شلون تحط المكونات وارجوان تباوع وتسوي مثلهة
اجه كرم وهي بالغرفة متريد شي بس تريد ترجع لحياتهة القديمة
دخل للغرفة ولگاهة سارحة ومتحچي
كرم : شلونج
ارجوان : ......
كرم بضيق : مو جاي احچي وياچ
ارجوان ؛ ....
طلع ن الغرفة بعصبية وطبگ الباب بقوة
باوعت لشبح خياله بضيق وقرف : اووووف شوكت ترجع حياتي القديمة
*********
كرم : يمة شلونهة ارجوان وياكم هم لسانهة طويل
ام كرم بضحكة : ليش هي تحچ حته لسانهة طويل
كرم باستغراب : لويش
ام كرم : والله يمة ما عرف بس تسوي الي الشيخ يگولة وتدخل لغرفتك وبعد ما تطلع حته علة الاكل ما تاكل كلش قليل سودة علية البتية بعدهة صغيرة وابوك دمرهة من الشغل
كرم انقهر عليهة وحس بخنگة وعصبية : اي هسة حشوفهة
********
فهد بخبث : بوية معقولة انت تارك الفصلية گاعدة بغرفتهة ومتطلع تشتغل اصلا مفروض كل شوي تكتلهة
الشيخ عيونة اظلمت وراح لغرفتهة وهجم عليهة ولگاهة واگفة بذعر وتباوعلة بخوف
الشيخ : ادددددب سز كلبه حيوانة كتلتوا ولدي
وهجم عليهة بلضرب وكان من اسوء المرات السابقة اعتدة عليهة بالضرب بوحشية ولا كانما هي بنية بنيتهة ضعيفة ومتگدر تدافع عن نفسهة خل كرم للغرفة بخضة وشاف ابو يعنفهة ويخنگهة وهي فاقدة عن الوعي
كرم ( سمعت صوت صراخ وعرفت جاي من غرفتي دخلت وشفت ابوي يعنف زوجتي بابشع صورة ماعرف شسوي سودت الدنية بعيني ما اگدر اصدگ انو ابوي يوصل للهدرجة بضربهة وهي ما مسوية شي ومو ذنبهة كنت طول الاسبوع الي چنت بالعمارة احاول اوخر صورته من عقلي بس ماگدرت چنت منعجب بيهة لان جميلة وشخصيتهة تذوب بس لا هسة انه احبهة بس حب رنا غير شكل احس حبي للرنا نفسه بس مارتاح وياهة مثل ارجوان وانصدمت من نفسي احبهن ثنينهن بنفس الوقت بس وحدة اخذ راحتي وياهة والثانية لا بس من شفت ارجوان علة حالتهة فقدت ) ركض كرم علة ابو وبعده بقوة عنهة وهو يصيح ؛ انت شلوووون تمد ايدك عليهة يابة هاي مو امانة بس فهمني بشنو غلطت حته تعنفهة هاااااا
الشيخ انصدم من نفسه وطلع برة الغرفة وكرم ركض عله ارجوان
كرم بقلق : اجونتي انتي بخير
راح جاب عطر وخلاة عله خشمهة وهي فتحت عيونهة بضعف وباوعت لكرم
تنهد بارتياح ن شاف عيونهة وخلة جبينه علة جبينهة ومغمض عيونة
ارجوان بضعف : ابعد عني ماريدك وخر
مرم بهدوء وهة يتشبث بيهة اكثر : ششششش اسكتي لا تحچين
ارجوان وگامت تبچي بضعف وانصدم كرم من جمالهة وهي تبچي
كرم بحنان : ليش البچي يا بوية
ا جوان ببكاء يقطع القلب : ليش هيچ يعاملني والله مسويت شي حته اتعاقب علي لييييش
كرم شالهة وخلاهة علة السرير وحضنهة : شششش بعد ما يضربچ انه موجود وانتي مالج ذنب بس لان اخوي چان مسافر وابوي ما لحگ يشوفة لهذة چان محترگ دمه لان ما شافه واخوي اصلا مريض باخر ايامه
ارجوان بضعف : ابتعد عني
كرم بعصبية : مو بكيفچ وگومي غسلي وجهچ حته تصيرين احسن
گامت بتعب وتغسل وجهة وباوعت لنفسهة بالمرايه وگامت تصرخ : حقيييييير وحشششششش الة اشتكي علي النذل
طلعت من الحمام بقوة وتوجهت للكنتور ولبست جبة وشال باهمال
كرم بقلق : شكو شبيج لويش تصرخين
ارجوان بحقد : انتوا حيوانات لو شنو هاااا
كرم ضربهة بقوة : احترمي نفسج
ارجوان گامت تبچي : ها هو هذة الوعد الي انطيته البابا هااا يعني انت مو رجال وخلي فصولكم تفيدكم روح اخذ دم من عشيرتي ميهمني
ركضت ارجوان بسرعة ونزلت جوة وشافت الباب الي يطل علة الشارع ابتسمت بامل وطلعت وشافت سيارة جاية وگفتهة وركبت بسرعة
اما كرم ظل مصدوم من كلامهة وتذكر الوعد الي قطعه عله نفسة انو ميأذيهة انتبه وركض وراهة وشاف امه
ام كرم : هاا يوم شمالك لويش تركض
كرم باستعجال : يمة شفتي ارجوان
ام كرم : لا يمة ما شفتهة ... شو سرى تعالي
سرى وهي تحي : ها يمة امريني
ام كرم : شفتي ارجوان
سرى : لا يمة ما شفتهة ليش وينهي
كرم بعصبية : ****** خررررررب انهزمت يمة
ركض بسرعة للشارع وشافهة تركب السيارة وراح ركب سيارته بسرعه حته يلحگ عليهة بس تيهة بين السيارات
كرم بقهر : وينننننننننهة
